Explorar los documents (163 total)
Lo grop Djahlekt - una mosaïca musicala - Tè Vé Òc
Gros, Lise. Metteur en scène ou réalisateur
Emission dau 23 d'octobre de 2019
A Pònt-Sant-Esperit, dins Gard, un grop de musicians de mai d'una generacion jògan de musica reggae « festiu ». Sa particularitat es de faire de compausicions e represas dins tres lengas : l'occitan, lo francés e l'anglés. Vos prepausam una entrevista de John Pradal, lo joine cantaire e autor-compausitor de Djahlekt. Lo grop, que coneissiá ren de la lenga e la cultura d'òc a son començament, es ara implicat dins la promocion d'aquestei. En mai d'aquela entrevista, vos prepausam quauquei tròç dau concèrt, filmat a l'escasença dau "Festi' Rock'Ail" a Piolenc, dins Vauclusa.
Un reportatge d'Amada Cròs.
Un reportatge d'Amada Cròs.
[resumit de Tè Vé Òc]
Òbra de manescau - Tè Vé Òc
Gros, Lise. Metteur en scène ou réalisateur
Emission dau 16 d'octobre de 2019
Dins aqueste reportatge, vos presentam l'òbra d'un manescau, Sébastien Agullo, que nos fai cabussar dins son mestièr, ambé de demostracions dins lo mas de Théo, a Bèuvesin, ont aviam ja fach una emission. La manescalariá es un mestièr antic que lei òmes n'an totjorn de besonh, subretot ambé l'espandida dei centres equèstres. Descubrètz en detalhs totei leis etapas de son òbra, dau desferratge au riblatge, sus lei pès dau brave Djemello. Amb aquò, Jaumelina, sòcia de Tè Vé Òc, que nos fai mòstra de sa complicitat ambé son chivau.
Un reportatge de Jaumelina Bizet e Amada Cròs.
Un reportatge de Jaumelina Bizet e Amada Cròs.
[resumit de Tè Vé Òc]
Transmission e diversitat - Tè Vé Òc
Michèle Lapierre. Metteur en scène ou réalisateur
Patrick Lapierre. Metteur en scène ou réalisateur
Patrick Lapierre. Metteur en scène ou réalisateur
Emission dau 25 de septembre de 2019
I a de temps que la transmission de la lenga nòstra se fai pas pus dins l’encastre naturau de la familha. Pas mai a l’escòla que ne’n fai gaire per manca de mejans. Dins Gard, diversas associacions òbran per la promocion de la lenga e de la cultura occitana. Demièg elei, la MARPOC e l’IEO organizan tot del long de l’annada d’accions dins l’amira de diffusir e far conéisser mièlhs aquela lenga e aquela cultura : Estagis de cants, de lenga, de teatre, viatges, mòstras o encara l’Universitat Occitana d’Estiu qu'es organizada dempuèi mai de 40 ans. Venetz descubrir quauqueis unei d’aquelas activitats que benlèu vos bailaràn l’enveja de rejonher la còla de la MARPOC o l’IEO.
Un reportatge de Miquèla e Patric Lapierre.
[resumit de Tè Vé Òc]
[resumit de Tè Vé Òc]
La Calandreta d'Aurenja - Tè Vé Òc
Cros, Amy. Metteur en scène ou réalisateur
Emission dau 18 de septembre de 2019
Es en 1993 que la promièra calandreta de Provença veguèt lo jorn en Aurenja, dins Vauclusa. L'iniciativa de quauquei gents recampats permet fins qu'a uei a de desenats d'escolans d'aprene lo provençau tre 2 ans. La calandreta d'Aurenja s'apiela sus un malhum dinamic entre associatius, gents e regents. En mai dei sortidas en exterior, de manifestacions dònan de vam ais enfants : castanhada, mercat de Novè, torton dei rèis, dictada occitana e fèsta de fin d'annada. Tanben, dins lei classas lei regents convidan de parents per son especialitat, quauca-ren que podrián partejar ambé lei pichòts. Una dubertura sus lo monde que manten ben aquela escòla encara unenca en Vauclusa.
Un reportatge d'Amada Cròs.
[resumit de Tè Vé Òc]
Estrena a l'Ostal Sirventes - Tè Vé Òc
Gros, Lise. Metteur en scène ou réalisateur
Emission dau 11 de septembre de 2019
Vos menam a Carcassona, dins l'Ostal Sirventes, per vos presentar un reportatge a l'escasença dau « Sirventes d'estiu ». Alan Roch, president de l 'IEO d'Aude e Mirelha Braç organizèron una serada bèla alentorn dau tèma deis arbres. L'estrena èra aquela de la mòstra dei panèus de Gabriel Simonet sus leis arbres, lei plantas, lei bèstias... Un trabalh fin e complet, qu'èra tanben bilingue e fòrça didactic. Mirelha, qu'assegura lo cors d'occitan per adultes, presentèt una lectura a mantunas votz dau libre subrebèu e ben illustrat, L'òme que plantava d'arbres de Joan Giono ». Aquela serada fuguèt conviviala, ben rica e capitada. Per informacion, aquela manifestacion se perlongarà en octòbre 2019 amb lei Companhons de Paratge a l'entorn deis arbres. Un reportatge de Lisa Gròs.
Un reportatge de Lisa Gròs
[resumit de Tè Vé Òc]
Retorn sus lei rescontres de Salinèlas - Tè Vé Òc
Michel Gravier. Metteur en scène ou réalisateur
Emission dau 24 de septembre de 2019
En julhet passat vos aviam ja presentat un primièr reportatge sus lei « Rescontres de la literatura d'òc » a Salinèlas, dins Gard. Ara vos prepausam una segonda emission consacrada a d'autrei temps fòrts e faretz coneissença de l'òbra d'autrei convidats. Demieg elei, una entrevista de la joina autora Maëlle Dupon, nativa de Montpelhièr, qu'aprenguèt la lenga tre la mairala. Viu au Quebèc despuèi 2013, e son libre La color lenta de la pluèja fuguèt editat per Jorn. Autra autora de la mema generacion e convidada ai « Rescontres », Aurelia Lassaque que publiquèt sei primièrs poèmas en 2006 e que respond aquí a nòstrei questions. Tanben, i veiretz de tròç de performança artistica per lo comedian occitanofòne Bruno Paternot.
En julhet passat vos aviam ja presentat un primièr reportatge sus lei « Rescontres de la literatura d'òc » a Salinèlas, dins Gard. Ara vos prepausam una segonda emission consacrada a d'autrei temps fòrts e faretz coneissença de l'òbra d'autrei convidats. Demieg elei, una entrevista de la joina autora Maëlle Dupon, nativa de Montpelhièr, qu'aprenguèt la lenga tre la mairala. Viu au Quebèc despuèi 2013, e son libre La color lenta de la pluèja fuguèt editat per Jorn. Autra autora de la mema generacion e convidada ai « Rescontres », Aurelia Lassaque que publiquèt sei primièrs poèmas en 2006 e que respond aquí a nòstrei questions. Tanben, i veiretz de tròç de performança artistica per lo comedian occitanofòne Bruno Paternot.
Un reportatge de Miquèu Gravier.
[resumit de Tè Vé Òc]
La Fèsta dau costume - Tè Vé Òc
Queyrel, Claude. Metteur en scène ou réalisateur
Emission dau 23 de julhet de 2019
Lo costume arlatenc, avèm pas besonh de lo presentar encara. Lo 30 de junh, aquela caracteristica de l'identitat provençala fuguèt festejada en Arle, onte nasquèt tanben en 1903 la « Fèsto vierginenco » de Frederic Mistral, que vouguèt enauçar aquelei vestits de « dòna ». Lo costume es un eiretatge dei bèus dau Mèstre, que se transmet totjorn de generacion en generacion. Simboliza un estacament vertadièr ai tradicions ancianas, e glorifica tanben lei tengudas d'aquelei femnas elegantas. Pauc a cha pauc, lo costume passa de l'estatut d'usatge e d'apartenéncia a un estatut artistic. La finessa dei brodariás e l'obratge pacient dei manteneires de la tradicion vestimentària pivelan lo monde. E aquest an, la Reina d'Arle es intronizado a l'escasença d'aquela fèsta en onor au pòple de Provença.
Un reportatge de Claudi Queyrel.
[resumit de Tè Vé Òc]
Lo costume arlatenc, avèm pas besonh de lo presentar encara. Lo 30 de junh, aquela caracteristica de l'identitat provençala fuguèt festejada en Arle, onte nasquèt tanben en 1903 la « Fèsto vierginenco » de Frederic Mistral, que vouguèt enauçar aquelei vestits de « dòna ». Lo costume es un eiretatge dei bèus dau Mèstre, que se transmet totjorn de generacion en generacion. Simboliza un estacament vertadièr ai tradicions ancianas, e glorifica tanben lei tengudas d'aquelei femnas elegantas. Pauc a cha pauc, lo costume passa de l'estatut d'usatge e d'apartenéncia a un estatut artistic. La finessa dei brodariás e l'obratge pacient dei manteneires de la tradicion vestimentària pivelan lo monde. E aquest an, la Reina d'Arle es intronizado a l'escasença d'aquela fèsta en onor au pòple de Provença.
Un reportatge de Claudi Queyrel.
[resumit de Tè Vé Òc]
Escrivans : Silvan Chabaud
Lavit, Marie. Metteur en scène ou réalisateur
Escrivans qu'ei ua seria consacrada a la riquessa de la literatura occitana contemporanèa, abordada per l'espiar deus autors. Que's presenta en ua seria de corts pertrèits filmats dens los quaus los autors expausan la lor trajectòria, lo lor anar artistic, lo lor rapòrt a l'escritura e las lors influéncias.
Cadua d'aquestas entrevistas que s'acompanha de la lectura, peu quite escrivan, d'un extrèit de l'ua de las soas òbras.
Aquesta sason qu'ei dedicada aus escrivans de la region Occitania, un navèth pertrèit estant difusit cad mes.
Dens aqueste episòdi, Silvan Chabaud parla de son libre Montar (Ed. L'aucèu libre, 2016).
[resumit : ÒCtele]
Dens aqueste episòdi, Silvan Chabaud parla de son libre Montar (Ed. L'aucèu libre, 2016).
[resumit : ÒCtele]
Retrach d'un vinhairon e contaire - Tè Vé Òc
Cros, Amy. Metteur en scène ou réalisateur
Emission dau 17 de genièr de 2019
Vos menam en Vauclusa, au rescòntre de Joan-Lop Guigue. Òme de la tèrra que ten son domèni viticòu a Violès, fàcia ai Dentèlas de Montmiralh, a tanben una passion per lo cònte. Fai quauqueis annadas qu'a integrat la còla dau Teatre Rurau d'Animacion Culturala (TRAC), per travalhar sei creacions. Es dins la vinha, ambé leis accions lei mai repetitivas, que s'imagina seis istòrias. Lei compausa dins sa tèsta mai leis escriu pas. Sei còntes son emprenhats de la cultura de la vinha, ambé d'inspiracions tradicionalas que se mudan en creacion originalas e presentats a la còla dau TRAC, puèi au public. Joan-Lop Guigue nos raconta aicí seis istòrias a l'escasença d'una serada literària a la librariá Elan Sud, puèi son mestier de vinhairon en cò sieu.
Un retrach d'Amada Cròs.
[resumit de Tè Vé Òc]
Lenga d'òc : Contes & Rencontres 2018 / Tè Vé Òc
Emission del 20 de decembre de 2018
Despuèi mai de 30 ans en fin d'automne, lo "Festenau Contes et Rencontres" organiza pendent un mes un molon de manifestacions a l'entorn dei còntes, la literatura, la musica, lo teatre. En brèu, prepausa de rescòntres entre Droma e Vauclusa per partejar d'istòrias ambé lei gents d'aquí. De contaires professionaus e amators, seleccionats per l'associacion organizairitz, van de vilatge en vilatge semenar de mòts, d'imatges, de sòns, per totei lei publics. Se la velhada dins leis ostaus d'a passat temps a desaparegut de nòstrei costumas, lo Festenau ié atribuís de plaças novèlas, populàrias e e diversificadas. E nautrei vos prepausam d'entrevistas dei contaires Joan-Loís Ramel (acompanhat de sa femna Jaumeto) a Vinsòbre e de Florant Mercadier a Pumeiràs, ambé de tròç de seis espectacles qu'acaban la sason 2018.
Un reportatge d'Amada Cròs.
Un reportatge d'Amada Cròs.