Explorar los documents (864 total)

vignette_P1a.jpg
Videoguida : Renat Nelli (lenga e sostítols en occitan)

Renat Nelli s’es entre autres illustrat dins l’estudi de l’istòria e de la literatura occitanas.

Aquela videoguida d’animacion realizada en 2014 dins l’encastre del projècte e-Anem vos propausa de (tornar) descobrir Renat Nelli e son òbra.
Version occitana sostitolada en occitan

vignette_22098.jpg
L'associacion Aups de lutz a Forcauquièr - Tè Vé Òc
Cros, Amy. Metteur en scène ou réalisateur

Emission del 11 de març de 2020

L'associacion Aups de lutz a Forcauquièr

Avèm passat lei raras abitualas de nòstre aire de cubertura per venir a Forcauquier, dins leis Aups de Provença Auta. Aquí, au baloard dei Martirs de la Resisténcia, se tròba lo sèti deis Alpes de lumière, Aups de lutz en lenga nòstra. I' avèm entrevistat Clauda Martel, la presidenta de l'associacion. Son espós defuntat, Pèire Martel, fuguèt lo fondator dau movement Alpes de lumière. Davans la decompausicion dau païsatge provençau, la partença deis estajants e la degradacion dau biais de viure au País, Pèire Martel vouguèt sauvar çò que demorava. Una iniciativa que durarà, que l'associacion deis Aups de lutz nasquèt en 1953 e perseguís encara son òbra, ambé de nombrós domenis d'intervencions, coma lei chantiers de benevòus e l'edicion d'obratges sus la Provença larga.

Un reportatge d'Amada Cròs

[resumit de Tè Vé Òc]

vignette_22079.jpg
Nîmes Urban Trail 2020 - Tè Vé Òc
Carteyrade, Marc. Metteur en scène ou réalisateur
Emission del 4 de març de 2020

Una corsa a pè e pauc abituala fuguèt organizada en febrier dins la vila de Nimes, ambé la manifestacion « Nîmes Urban trail ». Dau corrèire de nivèu aut a l'escorrèire ocasionau, fuguèt un biais originau de visitar e de descubrir ja lei monuments famós de la ciutat, mai tanben de luòcs mai esconduts e de còps que i a, pas coneguts dau public. Cada percors, de 9 a 30 quilomètres, presentava de sospresas, de curiositats e de dificultats. I aviá aquí ben d'esfòrç fisics de porgir, mai l'environa èra a la festivitat e la convivialitat, ambé la 5enca edicion d'un eveniment ben precejat dei esportius. Un reportatge de Marc Carteyrade.

Un reportatge de Marc Carteyrade.

[resumit de Tè.Vé.Òc]
vignette_22032.jpg
Festenau de vidèo Rescontre : episòde X - Tè Vé Òc
Cros, Amy. Metteur en scène ou réalisateur

Emission del 25 de febrièr de 2020

Festenau de vidèo Rescontre : episòde X

Lo festenau Rescontre, dedicat a la produccion audiovisuala e organizat per Tè Vé Òc, qu'es tanben productritz de l'emission « Lenga d'Òc », festejèt sa 10enca edicion a la biblioteca Simone Veil de Marguerita. Dins una sala de projeccion clafida, lo monde descubriguèt lei realizacions divèrsas e variadas d'artistas, de documentaristas amators, de jornalistas e de simples passionats de montatge vidèo. Pas mens de sièis dei participants presents an respondut a nòstrei questions, toteis implicats dins la valorizacion de la cultura nòstra. Venètz a la descubèrta dei projècts de cadun, de son biais d'obrar, ambé de tròç dei corts-metratges difusats au Festenau.

Un reportatge d'Amada Cròs

[resumit de Tè Vé Òc]

vignette_22020.jpg
Rugbi de XIII : un espòrt regionau - Tè Vé Òc
Gros, Lise. Metteur en scène ou réalisateur

Emission del 18 de febrièr de 2020

Rugbi de XIII : un espòrt regionau

Lisa Gròs qu’aviá pas jamai vist un match de rugbi, aguèt l’idèa d’anar descubrir un match de Rugbi de XIII dins l’estadi Domec de Carcassona e de ne faire aquel reportatge. Lei comentaris de Joan Francés Albert fuguèron enregistrats en direct. Joan Francés, cap d’establiment dei doas Calandretas de Carcassona e  d’aquela de Viladubert, permetèt ansin a la Lisa de comprene çò que filmava. D’autant qu’el es entreinaire d’una equipa de rugbi e ancian jogaire. A vos ara de venir descubrir aquel espòrt regionau tant presat dins lo Carcassés tant per leis femnas coma leis òmes. 

Un reportatge de Lisa Gròs

[resumit de Tè Vé Òc]

vignette_22010.jpg
Bruno Peiràs : un occitan au Sénégal - Tè Vé Òc
Gros, Lise. Metteur en scène ou réalisateur

Emission del 12 de febrièr de 2020

Bruno Peiràs un occitan au Senegal

Bruno Peiràs, poèta e agronòme, fondèt l'associacion SYFSED (Sinergia Franco Senegalesa per l'educacion e lo desvolopament) per ajudar de paisans , pròche Kolda au Senegal. En relacion amb lo SYSED (Sinergia Senegalesa per l'educacion e lo desvolopament) ja existent dins lo pais, l'associacion menèt de semenças e de materiau. Dins de parcèlas asagadas venon ara de lhums. Rescontram dins l'emission un cultivator e un terapèute/poèta africans. De moments d'escambis rics. 

Un reportatge de Lisa Gròs

[resumit de Tè Vé Òc]

vignette_21997.jpg
Sonalhas - Tè Vé Òc
Carteyrade, Marc. Metteur en scène ou réalisateur

Emission del 5 de febrièr de 2020

Sonalhas

Damien Maxence es factor de sonalhas a Rafèla d’Arle dins la dralha bèla de son mèstre ; senhe Servel que li vendèt son obrador. Travalha bos, cuer, os, campanas, un saupre faire seculier que lo mène pròche lei bèstias (simbèus, vacas, cabras, ases, cavalas, chins) emai leis òmes e femnas per la venda. Nos passejam per país sus lei piadas d’apassioniats : manadièra, gardian, pastres .
“Un tropèu ensonalhat es un tropèu viu” ditz Gabrièu, jove agricultor qu’abalís de vedèu sota la maire e per totei, un plaser mai qu’un travalh! Caminam dins lo pas d’un davancier de tria: Charloun Rieu (1846-1924) amé “Partènço”.

Un reportatge de Claude Queyrel, Marc Carteyrade e Viviana Roux.

[resumit de Tè Vé Òc]

vignette_21995.jpg
Bastisons en pèiras secas - Tè Vé Òc
Lapierre, Michèle. Metteur en scène ou réalisateur
Lapierre, Patrick. Metteur en scène ou réalisateur

Emission del 28 de genièr de 2020

Bastisons en pèiras secas

Lo despartament de Gard ten un patrimòni d'arquitectura vernaculara, vertadièr tresaur escondut dins una garriga de la vegetacion densa. Constituit de construccions de pèiras secas calcaris : clapàs, dralhas, capitèlas, cabanas, son lei testimoniatges fragils d'un passat recent. De passionats, sensibles a la fòrça d'aquel messatge patrimoniau, esberlugats per aquel trabalh pacient  de supression dei pèiras e de bastison, esmoguts per aquelei sovenirs de la vida rurala, entreprenguèron, dins mantuns luòcs de Gard, un trabalh de restauracion. En mai d'aquel trabalh pacient, un ligam sociau fuguèt retrobat dins aquelei luòcs onte passat temps clantiguèron de votz e de rires.


Un documentari de Miquèla e Patric Lapierre

[resumit de Tè Vé Òc]

vignette_21974.jpg
Pònt Sant Esperit : ciutat monumentala. Partida 2 - Tè Vé Òc
Cros, Amy. Metteur en scène ou réalisateur

Emission del 21 de genièr de 2020

Pònt Sant Esperit, ciutat monumentala 2

Se lo monde coneis Pònt Sant Esperit per son triste episòde dau pan maudich en 1951, nautrei a Tè Vé Òc, avèm vougut mostrar un autre aspècte de la pichòta vila, valent a dire lei marcas monumentalas que fan son identitat. Pònt Sant Esperit es clafit de joièus d'arquitectura e d'espacis remirables, au caireforc de 4 despartaments. Partètz a la descubèrta d'una seleccion de luòcs que l'estajtant de Pònt Joan Cristòu Garnier e l'arquitècta Bernat Vaton vos van revelar.
Per aquela 2nda partida, vos prepausam la glèisa Sant Saturnin, lo prieurat Sant Pèire, la capèla de l'espitau, lo lavador classat e l'Ostau dei Chivaliers.


Un documentari d'Amada Cròs

[resumit de Tè Vé Òc]

vignette_21948.jpg
Lo castèu dei Nogaret a Marcelhargue - Tè Vé Òc
Gravier, Michel. Metteur en scène ou réalisateur

Emission del 15 de genièr de 2020

En 1307 a Marselharges lo senhor Guilhem de Nogaret, juriste, faguèt bastir un castèu bèl amb jardins e pèça per servar los irangièrs d’ivèrn. Fach senhor per Felip lo Bel, venguèt fondator de la senhoriá : familha e tèrras sus quasiment tota la Vaunaja. Es el que fuguèt a l’origina de l’installacion dei papas en Avinhon. Descubrirètz lo personatge de Guilhem de Nogaret, mas tanben lo castèu amb una visita dei membres que demòran en bon estat e dei faciadas. Lo castèu coneguèt una renaissença au sègle grand, sota Loïs XIV.

Un documentari de Miquèu Gravier, en seguida d’aquela sus lo Musèu qu’es dins lo castèu.

[resumit de Tè Vé Òc]

sus 87