https://www.occitanica.eu/files/original/108ec0c33927600bf4e4e22077c700d5.JPG f5c6e51fb643b7c1186e8bffae4b7bfd https://www.occitanica.eu/files/original/bc6ee5f046aa6868ff776a6c245e6919.pdf 64350c9e361e64f8ef51a852b9da138b PDF Text Text JUTJAMENT DELS BUÒUS JUTJAMENT DEL CARNAVAL DE LIMÓS DE 1989 Publicat amb l'aimabla autorizacion de La Beluga de Limós Edicion electronica : CIRDÒC (ed.). Jutjament dels Buòus. Ed. numerica, revista e corregida [en ligne]. Béziers : CIRDOC, 2018. (Occitanica/Tèxtes occitans. Jutjaments de carnaval). 12 p. Edicion originala : Jutjament dels Buòus. La Beluga de Limós, 1èr trimèstre de 1989, n° 62, p. 1-12. Reutilizacion liura jos condicions : Atribucion (citar l'autor) – Pas de modificacion - Pas d'utilizacion comerciala �Composicion del Tribunal Le Jutge : M. CONFIT DE LA CRABA, diplomat de l'Universitat de Ninauta L'avocat de la defensa : Mèstre FINAMELSA, de la facultat de Panafavas L'avocat de l'acusacion : Mèstre CORTATRIPA, sortit darrièr de la facultat de Picatalent Le borrèu : vestit tot de negre. 1 �LE JUTGE Pòble de Limós, ne som tot estabosit, boca badanta. M'an fait davalar de Cantacocut per presidir le jutjament del Carnaval de las Fecas de Limós. Coma cada an veni aquí per far cremar en tota justícia les miserables que fasquèron sofrir, patir, escanar, susar, cagar les limosencs. E ongan que trapi aquí tal ? Ba vesètz coma ieu... Un brave buòu. M'entorni sul còp que la femna m’espèra. Me'n tòrni que vòli pas jutjar una bèstia. Una bèstia se tua, se sagna, se fa pas cremar. Me'n tòrni. MÈSTRE CORTATRIPA Ba sauprem que vos entornatz. E se vos entornatz, i aurà pas cap de jutjament e se i a pas cap de jutjament, totis les que son aquí sus la plaça seràn pas brica d'acòrdi e vos peltiraràn las patèrlas. LE JUTGE Qué disètz aquí, mèstre Cortatripa, aquel pòble seriá capable de me peltirar, de m'estripar, de m'espotir ? MÈSTRE CORTATRIPA Mai que de segur e mai encara poirián vos far cremar sus aquel mont de gavèls que son aquí sus la plaça. LE JUTGE Demòri per vos far véser que teni pas brica páur de jutjar, un buòu tan banut foguèsse. MÈSTRE FINAMELSA E d'una, aquò d'aquí es pas un buòu, es pas tanpauc una vaca, se vària, es un brave taure plan membrat e plan florit. I deviá aver le parelh coma dins la cançon. Malurosament n'i agèt un qu'agèt la foira e s’escapèt dins les bòsques de Ninauta. Gendarmas e pompièrs le conseguisson sens poder l'agafar desempuèi tres meses. Le prefècte a dobèrt la caça al buòu. LE JUTGE Alavetz poirem alumar le fogairon ? Les pompièrs vendràn pas nos l'atudar e les gendarmas nos metràn pas un verbal ? MÈSTRE FINAMELSA 2 �Riscatz pas res, Monsur Confit de la Craba. Desempuèi que les pompièrs tenon una casèrna tota nòva ambe cagadors a l'aiga cauda e perfumada, cosinas pintradas de fresc e garnidas, crambas ambe musica incorporada, les vesèm pas mai sortir. Son tròp plan, ja, ont son. MÈSTRE CORTATRIPA Monsur le Jutge Confit de la Craba ; es pas le buòu o le taure que vos cal jutjar, paura bestiassa tota espelhandrada. Son le Baptiston e la Frasia, aquela garçassa de femnassa, que nos l'an amenat. Èra plan ja ont èra dins las planas de Brau. Le volián vendre a l'Emil Taillefer que ne volguèt pas tan prim que le trapèt e pas cap de « boquièr » dins Limós que ne volguèsse. MÈSTRE FINAMELSA Un brave taure que les Arcadiens aurián plan poscut i metre una de lors capòtas. LE JUTGE Qué volètz dire ? MÈSTRE FINAMELSA Res. Pas res a fèt. Solament qu'aquel taure es le simbòl de totis les cocuts de Limós. Avètz vist sas banas ? Sas còrnas ? Son d'una longor que fan palsemar. Les cocuts de Limós, òmes e femnas, ne son per la bona rason qu'aquel taure es aquí. Es sacrat. LE JUTGE Es pas le buòu Apis o la vaca sacrada de l'Índia ? MÈSTRE CORTATRIPA Siam pas aquí en Egipte o dins las Índias, es un brave taure d'aperaquí. Que ne som tot espantat de véser que desempuèi gaireben tres meses qu'es sus la plaça a pas encara daissat escapar una bosa sul cap d'aquela colhandra que s'es sietada just jos sa coga. MÈSTRE FINAMELSA Rasonas coma un topin traucat. Siás un brave conard. MÈSTRE CORTATRIPA 3 �Aquí me fas un plaser que ba pòts pas creire. Conard ! Traparàs pas aquel mot dins cap de diccionari per la bona rason que se ditz solament a Limós o dins la contrada e que debuta a se desbrembar. Nos le cal metre en anar. Conard, ven de çò que parlavas, ven d'aquel taure que pòrta còrnas. Tant val dire coma en francés cocut e plan coma cal o encara cornard. En francés, i a qu'un sol mòt per l'òme o la femna : cocu. Dins la nòstra tan polida lenga tenèm tot un assortiment. Cocut o cocuda, conard e conarda e encara mai conardàs e conardassa. Le conardàs o la conardassa pòt pas dintrar dins la glèisa de Sant Martin que las banas estariganharián le plafon. E la conardisa es le fèt d'èsser conard o conarda. E de conardisas se'n fa cada jorn e tot le sanclame del jorn. LE JUTGE Anatz pas dire que som un conard e que fau que conardisas ? MÈSTRE CORTATRIPA Me'n gardariái plan. Es le miu collèga que se pòt mocar. MÈSTRE FINAMELSA Ieu ne fau conardisas ? Quand colqui ambe la tiuna conarda. MÈSTRE CORTATRIPA Te cal mesurar çò que dises, tròç de sensèime. LE JUTGE Vòli plan vos escotar far un novèl diccionari per le monde de Limós. Solament siam pas aquí per aquò far. Nos cal entornar al famós procès d'aquel buòu o taure coma voldretz. MÈSTRE CORTATRIPA I siam en plen dins le procès per la bona rason qu'aquel coble de conards nos an amenat totas las calamitats dins nòstra tan polideta vila. MÈSTRE FINAMELSA Tiò ! Avèm pas agut cap d'ivèrn, e dises aquò una calamitat que desempuèi gaireben tres meses nos es pas tombat una goteta d'aiga e pas un borrilh de nèu. Qu'èra la secada coma en plen estiu que las socas se secavan e èran coma carabenas de las fecas. MÈSTRE CORTATRIPA 4 �E te planhisses que fasquèsse bèl temps al mes de Janvièr ? As vist cossí las femnas èran reviscoladas e frescas coma le peis de mar. Ieu pensi qu'ongan cap a las vendémias la maternitat serà comola. MÈSTRE FINAMELSA E ben Michel Debré e Madame Barsach seràn contents e totis que vòlon que la França aja mainatjons per garnir las escòlas que se tampan. MÈSTRE CORTATRIPA Tiò ! Sustot que la maternitat a Limós nos a filat jos le nas per anar cap a Carcassona, Narbona, Lesinhan o Castèlnau coma les malauts de l'asil que nos vòlon panar. De fats ne vòlon metre per tot coma se n'i aviá pas pro atal. Alavetz qu'aquí a Limós avèm tot per ne gardar tot un fum, coma un còp èra. S'es pas un malur de véser tot aquelis bastiments sens digun que les infirmièrs e las infirmièras se demoraràn a l'ostal per far mainatges e per brocar pel menut qu'arriba. MÈSTRE FINAMELSA Òmes e femnas de Limós tenon pas qu'aquò en cap o en coga coma voldràs de far mainatges coma recitar le capelet. Pensan pas qu'a se jaire e repoblar la França. Viètdase ! S'an vist las sortidas de las bandas sauràn cossí faire per pas faire dròlles a la cadena : capòtas e preservatius se son passejats dins las arcadas e pòdon far mai que de parar de la pluèja. MÈSTRE CORTATRIPA E la « Chausseria », qué ne pensatz, Mossur le Jutge Confit de la Craba ? LE JUTGE Vos escoti desempuèi un brave moment e me pensi qu'aquelas istòrias de maternitat, d'asil e de cauçaduras es pas de mon ressòrt. Vos cal anar a París. MÈSTRE CORTATRIPA Es aquela mandrassa, aquela conarda que la nuèit de la luna gròssa anèt plan planet panar milierats de cauçaduras dins las usinas de la « Chausseria ». Las panèt totas per las fotre qui sap ont. E l'usina fosquèt plan forçada de se vendre a l'enquant. Es una femna de Marselha que la crompèt. Una femna que se maina de netejar las ropas e las ropetas. E aquí totis les obrièrs de la Chausseria que sabon pas netejar las ropetas ; defòra. Aquí tanben las femnas auràn temps de brocar e de faire mainatges. Dins tres ans, las escòlas de Limós seràn comalas que sauràn pas ont las metre. 5 �MÈSTRE FINAMELSA Les embarraràn dins la famosa cantina de 48 mètres de naut que un candidat a la Comuna vòl bastir per amont sus Taich per que se veja de plan luènh... Mas siás aquí a nos parlar de malurs coma se les òmes e femnas de Limós avián que les uèlhs per plorar. Solament m'avisi que cada mes tenon quicòm per les far rire o les divertir. Son las eleccions : pel President de la Republica Francesa, per le nòstre deputat, le tan brave Camba d'Oliu que vesèm pas jamai a las Fecas, per le conselhièr general qu'ongan a Limós avèm cambiat, cal plan de qu'unis còps, que ne tenèm un ara qu'es plan jovenòt, plan barbut, pelut e fèt, plan lisquet, plan pimpat, plan mirgalhat, plan lupat. Tanplan que le cambi l'estimarem un pauc mai tard. MÈSTRE CORTATRIPA Me vas pas dire que las eleccions te fan pissar de rire pr'aquò. I a que tant que le caumatge durarà, òmes e femnas de Limós auràn pas le biais de rire e les compreni plan pro. MÈSTRE FINAMELSA De qué ? Les limosencs aiman pas rire ? Mas siás capbord a fèt. Cal que t'embarren e lèu delà l’aiga. MÈSTRE CORTATRIPA E tu, te siás gaitat dins un miralh, que tenes una cara de mirga tota mosida e rosegada per la picòta... Qu'escopisses que conardisas... Per nos far rire segurament ? MÈSTRE FINAMELSA Ò tu rai que siás coma un garrabièr, polit de luènh e encara te ba cal tot e apuèi claufit d'espinasses que te fan sagnar las sèt pèls. Fotut morre de saumassa, digas pas que les òmes de Limós sabon pas rire. MÈSTRE CORTATRIPA Tu siás pas de Limós o alavetz ba as desbrembat coma desbrembères que las Fecas son faitas desempuèi mai de mila ans per desbrembar qu'aquela putassa de mandrassa nos portèt totis les malastres e que duraràn mentre que Frasia, Baptiston e aquel taure demoraràn aquí. MÈSTRE FINAMELSA E ont se’n pòdon anar, aquelis paures maluroses. Aquel taure que se la Bardòt, la Brigita, ba sap es capabla de venir aquí per nos far d'emmèrdas. La sentissi venir ambe tota la S.P.A. que cal pas tustar a un pel d'animal tan dangierós fosquèsse. 6 �LE JUTGE Ieu, seriái plan content de la véser de plan pròche aquela polida dròlla que voldriái plan l'amanhagar. MÈSTRE CORTATRIPA La Bardòt la cal daissar ja ont es ambe sos buòus marins, sos gats e sos gosses ambe totas las piuses. Nos entatarines pas mai ambe ta pietat per las bèstias que balhas pas que de tròces de salsissa al tiu Medòr. LE JUTGE E de que li balhatz ? De Pal o de Royal Canin ? MÈSTRE CORTATRIPA Braves còps de pès dins le cuol que la brava bèstia ne caïna e ne torteja pendent un mes. MÈSTRE FINAMELSA ela ? E tu, que ne fas autant a la tiuna femna, que n'es una vergonha. Es pas una bèstia, MÈSTRE CORTATRIPA Te vòls calhar, bogre de sang begut, tròç de palsemaire, que tot le sanclame del jorn i siás per darrièr coma un lagast. LE JUTGE Aquò son afars personals. Ne'n vòli saupre res. Nos cal tornar pr'aquò a aquel procès del buòu que me triga de n'acabar. MÈSTRE CORTATRIPA Aquel buòu e les que l'an amenat an portat un papieron que val un estofat de rire. Es le plan coma vos ba disi d'una cantina de cinquanta mètres de naut que vos disiái i a un momenton mèstre Finamelsa. Una cantina pas en veire, nani, en ciment plan cofrada, una tina pel fèt pro ben nauta que poiriá conténer la recòlta de tres ans ambe, sioplèt, un restaurant panoramic dins le tap. S'i montariá per un escalon en defòra que virariá tot al torn d'aquela cantina. Quand arribaretz a la cima, vos asseguri qu'auretz talent, sustot se fa calimàs. 7 �E i avètz pensat, Mossur Confit de la Craba, quand aquela blanqueta que serà en dedins trabalharà, que fusarà, le tap risca de partir e ambe la fòrça de milierats d'ectolitres es capable d'envoiar le restaurant e totis aquelis que seràn dedins sus la luna que, se es plan gròssa, les envoiarà sus Març. E la blanqueta que s'escamparà farà un aigat que negarà tot Limós. I avètz pensat en aquò ? MÈSTRE FINAMELSA Papierons, ne tenèm un plen sant Pèire, a plenes sacats, totis les mai fòrtis les uns que les autris. E d'unes parlan de faire corbir la piscina comola d'aiga cauda d'Alet. MÈSTRE CORTATRIPA E quand sortiràs de l'aiga, auràs polidas drolletas que vendràn t'eissugar e te palpar ? MÈSTRE FINAMELSA Calha-te, tròç d'amòrri, que veses le mal d'en pertot. Le mal èra pas sus las ribas d'Aude quand fasquèron le « son et lumière » bruch e lum se vòls e çò qu'agradèt le mai, èran les pompièrs sus l'aiga e subretot tres penjats que se brançolavan al vent del cèrç. LE JUTGE E trapatz aquò polit e risent ? MÈSTRE FINAMELSA Segurament que fasiá pas tant rire qu'aquò, mas èra pas tan polit que la « Nuèit del chòt » de nòstre amic Jean Ribes que fasquèt a Alet. Quicòm de poesia dal tonèrra contat per un pastre agradiu dins la nòstra lenga. MÈSTRE CORTATRIPA Per un còp, t'arriba de poder dire de ben de quicòm ? Qué poiriás dire del forum jos le marcat e de la Mòstra sul Tivòli ? MÈSTRE FINAMELSA M'enquiquinas. Tot aquò èra plan bèl e caldriá que cada an se tornèsse far encara mai melhor. Solament as bèl far e bèl dire; tot aquò val pas las nòstras Fecas que le Sosprefècte que ven de nos quitar ne'n mancava pas una e que se tenguèt dreit coma un paissèl per escotar le jutjament de l'an passat. Benlèu que se masquèt ambe la siuna femna. 8 �MÈSTRE CORTATRIPA Le sosprefècte es partit... Adiu, paure... L'un se’n va, l'autre arribarà lèu. E tanben Frejus se n’es anat e Perez es arribat. E viva le President de las Fecas de Limós... E aquí te pòdi dire que las ruscadairas qu'èran aquí pel Dimars Gras sus la plaça fasquèron pas plorar... Si benlèu de rire. MÈSTRE FINAMELSA Me fau pas d'èrnha, las Fecas es coma la Lira municipala es un afar de plan joves que vòlon pas daissar tombar la vida de Limós dins le despièit. La Lira pana totis les prèses dins tota la region e les mainatges an fait una banda coma les grands e an fait sortir la musica tot un dimenge. Joan Garrigue, l'istorian de Limós ba poirà escriure sus sas tauletas e la Beluga de Limós ba metrà dins son almanac que serà pas totjorn revolucionari. MÈSTRE CORTATRIPA Amòrri ! N'aviam pas encara parlat de la Revolucion. I caliá arribar pr'aquò. M'estonavi. E de qué nos vas en dire ? LE JUTGE Anetz pas dire qu'es le buòu que fasquèt la Revolucion Francesa, la granda ? MÈSTRE FINAMELSA Perfèitament que nos carreja la revolucion ambe sos dos arganhòls ; aquelis dos galapians que valon pas la còrda per les penjar a la cima d'un platanièr del Tivoli. LE JUTGE Cossí aquò ? Me ba podètz explicar ? MÈSTRE FINAMELSA Viètdase ! Es plan simple. Per elis, Limós serà completament cambiat, capvirat, bolegat, rebalat, trepejat, chaupinat per totis les projèctes que les candidats a la Comuna e plan d'autris nos an propausats. LE JUTGE Me ba avètz dit mai d'un còp. I a la famosa cantina e la piscina cobèrta. N'i a pas pro ambe tot aquò ? 9 �MÈSTRE CORTATRIPA Macarèl que non. Per metre a l'abric las bandas de las fecas e subretot la banda de las femnas que son ben fregelucas, la plaça de la Republica serà cobèrta, ela tanben, per una tenda que se plegarà o se desplegarà, una tenda sang e aur, las colors de nòstre país. MÈSTRE FINAMELSA Per pas en demorar en rèsta e per far plaser a las equipas de rugbi e de fotbòl, le campàs de l'Agulha serà cobèrt ambe teulas negras e rojas coma las colors de Limós. MÈSTRE CORTATRIPA Per pas en demorar en rèsta, le president Lacoma a demandat que le Tivòli siague cobèrt e escaudurat per que les jogaires de las bolas posquèssen jogar ivèrn coma estiu. MÈSTRE FINAMELSA Per pas en demorar en rèsta ; coma se ditz, se bastirà una granda paissièra del costat del pont del Son e atal Aude en lòc de rajar cap a Carcassona tornariá rajar cap a Quilhan : son les pescaires que serián plan uroses e les que fan de canoè del costat d'Alet seràn plan colhonats per la bona rason que caldriá que montèsson le rajòl de l'aiga. LE JUTGE Pensi que de tota ma puta de vida ai pas ausit conardisas tan maduras. Parlatz plan seriosament ? MÈSTRE CORTATRIPA Vos avèm dit tot çò que se promet a Limós. Siam pas brica fats o malauts d'una malautiá mal conescuda. LE JUTGE pas ? Ètz completament desvariats. Al mens es pas coma le SIDA o le raumàs ? Se balha MÈSTRE FINAMELSA E quand vos aurai dit que van far un campàs de golf sus Taich e que le van corbir el tanben, m'anatz préner per quin ? LE JUTGE 10 �Caldriá embarrar totis aquelis que fan projèctes d'aquela sòrta que van far de Limós un quicòm d'afrós. MÈSTRE CORTATRIPA E la carrièra de la Trinitat que van corbir e que le pavat ne serà cirat cada matin, e asagat ambe d'aiga de Colonha. MÈSTRE FINAMELSA Mossur le Jutge Confit de la Craba, tot ven d'un virus. E aquel famós virus se ten dins las nasicas d'aquel buòu e es famosament contagiós coma ba podètz véser. Son les medecins que me ba an assegurat. LE JUTGE Aquelis medecins vos ba an assegurat ? E qu'es contagiós dins las nasicas del buòu ? MÈSTRE CORTATRIPA Tot çò que i a de segur. Gaitatz la Frasia e le Baptiston ne son plan tocats. La Frasia s'es acuolada jos la coga del buòu coma s'èra una plaça coma cal per una femna. E le Baptiston se crei sus una sauma o dins un rodèo e encara sus un ase se monta sus l'esquina, el s’es crincat sul còl. Son completament destimborlats e contagioses. I a que le fòc per tuar aquel micròbi d'aquel virus. LE JUTGE Me'n digatz pas mai. Dins l'interès del pòble de Limós, de l'Aude e de la França tota entièra, nos cal far la guèrra a aquel virus que rend capbordàs a fèt. Al mens que les mainatges se'n tenguen luènh. Al mens que las femnas i tusten pas, malgrat l'enveja, que son plan fragilas d'aquel costat. E al mens que les òmes per se’n preservar prenguen de tisana de gavèl e lait plan jaune gaireben sens aiga. Per ara, cal pas far plèti e en tota justícia e serenitat, condemnam la Frasia, le Baptiston e le buòu (se se pòt traire d'aquí en sus) a èsser cremats sus la plaça de la Republica de Limós e sul còp sens esperar le jorn. Viva las Fecas de Limós. Borrèl, aquí le fòc e l'aiga luènh. Limós, le 19 de Març de 1989 11 � Document Tout document ayant servi à la production d'un contenu (images d'expositions virtuelles etc.) et non destiné à la publication en tant qu'item sur Occitanica Variante Idiomatique Languedocien Région Administrative Languedoc-Roussillon Graphie Graphie classique / Grafia classica Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Jutjament dels Buòus / Beluga de Limós ; CIRDOC pour l'édition numérique Alternative Title An alternative name for the resource. The distinction between titles and alternative titles is application-specific. Carnaval de Limoux 1989 : jugement des Bœufs Carnaval de Limós de 1989 : jutjament dels Buòus Subject The topic of the resource Carnavals -- Limoux (Aude) Limoux (Aude) -- Moeurs et coutumes Beluga de Limós Creator An entity primarily responsible for making the resource Beluga de Limós Publisher An entity responsible for making the resource available CIRDÒC-Mediatèca occitana Date A point or period of time associated with an event in the lifecycle of the resource 1989 Date Issued Date of formal issuance (e.g., publication) of the resource. 2018-11-20 P.A. Contributor An entity responsible for making contributions to the resource Centre interrégional de développement de l'occitan (Béziers, Hérault). Éditeur scientifique Vernet, Florian (1941-....). Correcteur sur épreuves Rights Information about rights held in and over the resource Beluga de Limós License A legal document giving official permission to do something with the resource. Creative commons = BY - NC - ND Is Part Of A related resource in which the described resource is physically or logically included. <a href="/items/show/19989" target="_blank" rel="noopener">Totes los jutjaments del Carnaval de Lim&oacute;s</a> Format The file format, physical medium, or dimensions of the resource application/pdf 1 vol. (12 p.) Language A language of the resource oci Type The nature or genre of the resource Text texte électronique Identifier An unambiguous reference to the resource within a given context http://www.occitanica.eu/items/show/20075 Coverage The spatial or temporal topic of the resource, the spatial applicability of the resource, or the jurisdiction under which the resource is relevant Limoux (Aude) Spatial Coverage Spatial characteristics of the resource. point(43.0538068,2.2176533) Temporal Coverage Temporal characteristics of the resource. 19.. Description An account of the resource <div style="text-align: justify;">Tous les ans, apr&egrave;s presque trois mois de festivit&eacute;s toutes les fins de semaines, le carnaval de Limoux prend fin avec comme apog&eacute;e la nuit de la Blanquette. Ce dimanche-l&agrave; &agrave; minuit carnaval, qui a si&eacute;g&eacute; toutes ces semaines sur la place de la R&eacute;publique, est jug&eacute;.<br /><br /></div> <div style="text-align: justify;">Ces jugements permettent de r&eacute;gler en place publique tous les probl&egrave;mes de la soci&eacute;t&eacute; limouxine de l&rsquo;ann&eacute;e &eacute;coul&eacute;e. Parfois, il est compliqu&eacute; de comprendre et d&rsquo;expliquer les allusions, les noms de villages ou de personnes, car ils font r&eacute;f&eacute;rences &agrave; des lieux, des personnages ou des &eacute;v&eacute;nements locaux. Mais ces jugements permettent aussi de faire un r&eacute;capitulatif des &eacute;v&eacute;nements internationaux et nationaux majeurs de l&rsquo;ann&eacute;e.<br /><br />Carnaval est invariablement accus&eacute; de tous les maux, quel qu&rsquo;en soit le niveau, local, national ou international, jug&eacute; coupable et ex&eacute;cut&eacute;.<br /><br /> <div>Dans ce jugement des B&oelig;ufs de 1989 il est question de la nouvelle caserne des pompiers, de la s&eacute;cheresse de l'ann&eacute;e pass&eacute;e, de la vente de l'usine Chausseria, du nombre trop important d'&eacute;lections, du changement de pr&eacute;sident du comit&eacute; de carnaval mais aussi d'un projet de bouteille de blanquette g&eacute;ante sur le Taich, de Brigitte Bardot et de la protection des animaux, et de la folie des projets propos&eacute;s par les diff&eacute;rents candidats aux &eacute;lections. D'autre part des compliments sont faits aux organisateurs de la Nuit de la Chouette.</div> <div>Enfin, comme dans tous les jugements les grivoiseries sont au rendez-vous quand ce taureau est d&eacute;clar&eacute; sacr&eacute; car il rend hommage &agrave; tous les cocus de Limoux en r&eacute;f&eacute;rence &agrave; ses cornes.</div> </div> <div style="text-align: justify;">Cada an, apr&egrave;p gaireben tres meses de festivitats cada fin de setmana, lo carnaval de Lim&oacute;s s'acaba amb coma apog&egrave;u la nu&egrave;ch de la Blanqueta. Aquel dimenge a mi&egrave;janu&egrave;ch, carnaval, que demor&egrave;t totas aquelas setmanas sus la pla&ccedil;a de la Republica, es jutjat.<br /><br />Aquestes jutjaments permeton de reglar en pla&ccedil;a publica totes los probl&egrave;mas de la societat limosenca de l'annada passada. Qualques c&ograve;ps, es complicat de comprene e d'explicar las allusions, los noms de vilatges o de personas, per de que fan refer&eacute;ncia a de lu&ograve;cs, de personatges o d'eveniments locals. Mas aquestes jutjaments permeton tanben de faire un recapitulatiu dels eveniments internacionals e nacionals m&agrave;gers de l'annada.<br /><br />Carnaval es invariablament acusat de totes los mals, quin que ne si&aacute; lo niv&egrave;l, local, nacional o internacional, jutjat colpable e executat.<br /><br /> <div>Dins aqueste jutjament dels Bu&ograve;us de 1989 es question de la cas&egrave;rna nov&egrave;la dels pompi&egrave;rs, de la secada de l'annada passada, de la venda de l'usina Chausseria, del nombre tr&ograve;p important d'eleccions, del cambiament de president del comitat de carnaval mas tanben d'un proj&egrave;cte de botelha de blanqueta giganta sul Taich, de Brigitte Bardot e de la proteccion dels animals, e de la folia dels proj&egrave;ctes propausats pels diferents candidats a las eleccions. D'autra part de compliments son faits als organizators de la Nu&egrave;it de la Ch&ograve;ta.</div> <div>Enfin, coma dins totes los jutjaments las calholadas son aqu&iacute; quand aqueste bu&ograve;u es declarat sacrat per de que fa omenatge a totes los cocuts de Lim&oacute;s en refer&eacute;ncia a sas banas.</div> </div> Relation A related resource Vignette : http://www.occitanica.eu/files/original/108ec0c33927600bf4e4e22077c700d5.JPG Source A related resource from which the described resource is derived Mediatèca occitana, CIRDOC-Béziers, BI 1 Occitanica Jeu de métadonnées internes a Occitanica Type de Document Le type dans la typologie Occitanica Texte electronique Portail Le portail dans la typologie Occitanica Mediatèca Sous-Menu Le sous-menu dans la typologie Occitanica Bibliotèca Catégorie La catégorie dans la typologie Occitanica Documents Contributeur Le contributeur à Occitanica CIRDOC - Institut occitan de cultura Jutjament de carnaval = Jugement de carnaval