-
https://www.occitanica.eu/files/original/308048be51353c45603fae700ba4f25a.JPG
e342263d2c9c5bf9589c0b46e587a628
https://www.occitanica.eu/files/original/cc35caffcf07384e34baf58542353aea.pdf
285ef0544cf8b2ce5a36925a9c8e5ad1
PDF Text
Text
JUTJAMENT
DON QUICHÒTA E
DEL SANCHO PANÇA
DEL
JUTJAMENT DEL CARNAVAL DE LIMÓS DE
2011
Publicat amb l'aimabla autorizacion de La Beluga de Limós
Edicion electronica : CIRDÒC (ed.). Jutjament del Don Quichòta e del Sancho
Pança. Ed. numerica, revista e corregida [en ligne]. Béziers : CIRDOC, 2018.
(Occitanica/Tèxtes occitans. Jutjaments de carnaval). 12 p.
Edicion originala : Jutjament del Don Quichòta e del Sancho Pança. La Beluga
de Limós, 1èr trimèstre de 2011, n° 151, p. 3-15.
Reutilizacion liura jos condicions :
Atribucion (citar l'autor) – Pas de modificacion - Pas d'utilizacion comerciala
�Le Don Quichòta e le Sancho Pança seràn
menats davant la Nauta Cort de Limós per la
Banda dels Arcadiens
Le Dimenge 10 d'Abril a mièjanuèit
Composicion del Tribunal
Le President :
Mèstre Franco Alvaro de Luna de la Picharòta
(Jean RAYNAUD : 26en mandat)
La Defensa :
Mèstre Monhaton-Churucca de Sègavent
(Jean-Jacques DELPOUX : 3en mandat)
L'Acusacion :
Mèstre Diego Fanfarón Tostado de las Islas Canarias
(André MIREPOIX : 9en mandat)
Primier Testimòni : Dòna Inès Trifaldi-Cassildèa de Firmin de Trapabanas
( Blanche FERNANDEZ : 3en mandat)
Segond Testimòni : Dòna Incarnación del Guston del Camp de las Pèiras
(Aline VIVES : 2nd mandat)
Tresen Testimòni : Don Alfonso Mostalon-Gamacho de Tastavela
(Pierre CAVAILLES : 10en mandat)
e... le Borrèl :
1
Fòcdelcèl Faicremar
(Michelle RAYNAUD : 4en mandat)
�LE PRESIDENT
Pòble de Limós ! Ieu, Mèstre Franco Alvaro de Luna de la Picharòta, President
d’aquel tribunal de 69ème instance, vau faire appel dels sòcis qu’an volgut, a res-noncòsta, se desplaçar per decidir del sòrt d’aquelis dos individus, et les juger en toute
indépendance et objectivité.
Per la defensa : Mèstre Jaime Monhaton-Churruca de Segavent ?
LA DEFENSA
Present, Mèstre Franco Alvaro de Luna.
LE PRESIDENT
Per l'Acusacion : Mèstre Diego Fanfarón Tostado de las Islas Canarias ?
L’ACUSACION
Present, mas caldriá pensar à la note de frais pel desplaçament !
LE PRESIDENT
Primièr Testimòni : Dòna Inès Trifaldi- Cassildèa del Firmin de Trapabanas ?
PRIMIÈR TESTIMÒNI
Presenta. Me semblatz plan reviscolat ; gaita que l'an passat... « Marca mal se
passejava »...
LE PRESIDENT
Pas de commentaires. Segond Testimòni : Dòna Giralda de Passamont del Guston
del Camp de las Pèiras ?
SEGOND TESTIMÒNI
Presenta. Ja va. Es que sembla reviscolat l'òme. Aquò deu èsser le dedalet d'òli d'oliu
del Pont del Sou qu'a begut l'an passat ; ça lui a fait de l'effet !
LE PRESIDENT
Tresen Testimòni : Don Alfonso Pentapolin Mostalon de Gamacho ?
TRESEN TESTIMÒNI
Present. Se canta que cante, canta pas per ieu.
2
�LE PRESIDENT
Cantar en plen Tribunal ! Es una forfaiture ! Primièr avertiment ! Auriam doncas a
espelucar uèi l'afar d'aquelis gusasses venguts d'Ibérie per escampilhar e caçar les résidus
du nuage polonais... Bien...
LA DEFENSA
Son pas gusasses... Don Quichòta... C'est un « nople » mes bien chers frères, tal le
Don Perignon que les campanheses, autrement dit les Champenois, nos an panat sens la
mendre vergonhassa.
PRIMIÈR TESTIMÒNI
Pietat ! Aquel brave Perignon qu'aimava talament le vin... Gaireben tant coma le
cotilhon !
LE PRESIDENT
Dòna Trifaldi Cassildèa si vous voulez la parole, la cal demandar cortesament.
SEGOND TESTIMÒNI
Tròç de pitre es pas a tu qu'anam demandar la paraula : es a Nòstre Sénher le Vièlh,
e, s'es pas disponible a Nòstra Dama de Marcelha... E tu, vai-te’n far fotre !
LE PRESIDENT
Messieurs de la Cour, gentes dames et damoiseaux qui servez de témoins, vos
pregariái de respecter les lois de la République : ici en ce lieu jour et heure ; som ieu le
capmèstre absolut !
L’ACUSACION
Gaita que ja, n'avèm un capmèstre absolut : pichonet, fretilhant, bombilhant,
aluserpit e… Parisenc ! L'asimat de la cervèla ! Mas si ne'n veniam al fait ? Les arcadians
arrèstan pas de se virar cap al cloquièr de Sant Martin.
SEGOND TESTIMÒNI
E òc, la tradicion...! La tradicion...! La tradicion...! Dètz minutas de jutjament ! Pas
una segonda de mai ! Cal pas passar la rega.
LE PRESIDENT
3
�Après un primièr rappel à l'ordre, vos avertissi un segond còp. E ara tolérance zéro
nom de dieu... Ou je fais donner Gendarmes et Gendarmettes !
TRESEN TESTIMÒNI
E òc : doblidetz pas le cotilhon, femnassièr ! Anirem totis a Bugarach.
LE PRESIDENT
Ces Ibères que voilà vendrián a Limós caçar le nívol polonés ? De qué se vòlon
mainar aqueles malestrucs palamardes ?
L’ACUSACION
Es un cas d'ingeréncia esporiu e caracterizat. Qu'òm les quilhe sus lors ròssas que
tornen repassar la frontièra ambe pèrdas e tarabast !
O qu'òm les brutle sul còp... Lèu fait. Les Arcadians que son crebats coma figas d'ase nos
mercejaràn.
LE PRESIDENT
Reprenons.
TRESEN TESTIMÒNI
Òc-ben ! Òc-ben ! E totis en còr... E tota la respalma : Anirem totis a Bugarach.
LE PRESIDENT
Encara un mot e je vous récuse, palhassa.
PRIMIÈR TESTIMÒNI
Ten-te tranquil, valent. Gaita qu'es asimat le Franco !
SEGOND TESTIMÒNI
Si se met a voir rouge, l'Alvaro de Luna es capable de s'enganar e de te far brutlar a
tu, malurós.
LA DEFENSA
Pr'aquò nos i caldriá metre d'arreu. Minuit a dejà tindat. Ces braves lbères nos
vòlon parar de la pollucion. Aquel nivolàs polonés es pas una colhonada ; se t'enfonilha al
4
�pus prigond de la garganta e aquí d'escopir e d'estossegar coma aquelis qu'avián trapat la
H1N1.
Il faut arrêter ce nuage à la frontière !, o en tot cas abans Cépie o le Pont del Sou.
LE PRESIDENT
Se cal arrestar quicòm, avèm çò que cal a Limós : l'adjudant-chef Didier Collot, un
champenois. Mas un brave òme çaquelà, qu'es partit a la retirada, es ja remplaçat.
L’ACUSACION
Avèm tanben las 2630 caméras de surveillance arronzadas als quatre cantons de
Limós.
PRIMIÈR TESTIMÒNI
Mon Dieu ! Son tan capbordasses l'un coma l'autre.
SEGOND TESTIMÒNI
Sabiá pas qu'un gendarme, foguèsse major, o un milierat de camèras, podián virar
un nívol polonés.
Enfins ! A Limós, tot pòt arribar !
LA DEFENSA
Òm pòt daissar far le Don Quichòta ! A pas jamai trantalhat davant cap d'enemic,
el ! Je rappelerai son combat sans merci contre les moulins à vent degalhavan le païsatge.
L’ACUSACION
Caldriá pas qu'ataquèsse las éoliennes que nos còstan pro ben car... E que degalhan
le Pic de Brau.
TRESEN TESTIMÒNI
Una brava salopariá aquò que te fiula a las aurelhas, quand vas a la caça o que
vendémias. Pareis mème qu'aquel fiuladís empacha le rasim d'amadurar.
LA DEFENSA
Vesètz que le Cavalier à la triste figure es d'aculhir amistosament ; ieu que pòrti la
vendémia à la Coopé, voldriá aver l'an que ven, tant de medalhas qu'ongan al Concours
Agricòla o al Salon de París ! Una pluèja d'aur sul vins de Limós e tanplan nos i traparà
benlèu qualque grifol de gaz de schiste !
5
�L’ACUSACION
Macarèl ! Aquel grifol de schiste serà pas le grifol de l'aiga d'Alet : va tot
empoisonar.
PRIMIÈR TESTIMÒNI
Òm les garda a Limós alavetz, les dos apòstols ?
L’ACUSACION
I pensatz, Dòna Trifaldi ? E si prenon gost a la fricassèa, als pebradors, al nogat a la
la Blanqueta ? Les aurem sus l'esquina juscas... Juscas... Al passatge del Tour de France e
vai-te’n véser, juscas al Festival Nava tanplan.
TRESEN TESTIMÒNI
E aquí chapatz fricassèa manhacs, asagatz de Blanqueta e de Chardonnay, anatz far
visita a las femnòtas de la Jonquèra. Le trin Dudule vos i menarà. Anirem totis a
Bugarach...
LE PRESIDENT
Vos demorarà pas qu'a partir cap a Bugarach crompar un lopin coma vos canta
Pentapolin e bastir una embarrada per vos metre a l'abric del finimond qu'arriba al mes de
decembre 2012.
LA DEFENSA
Te le ba espotir Dudule, le Grandàs... E le Sancho serà dins l'obligacion d'i balhar
son ase.
SEGOND TESTIMÒNI
A degut chapar que clavèls, l'òme de la Mancha : aquò fa bling-bling cada còp que
vira le cap.
TRESEN TESTIMÒNI
Le pichon gròs aquí, cossí le cridatz ?
TOTIS
Sancho ! Sancho !
6
�TRESEN TESTIMÒNI
El, deu pas engolir que sinsòlas : al cuol se vetz çò que las dents penchenan...
Anirem totis a Bugarach...
LA DEFENSA
Siagues benesit grand Don Quichòta, nos balharàs les clavèls per faire blavejar les
ortensias per Toques et Clochers e t'emplenarem le ventre de tot çò que se fa de bon a
Limós.
L’ACUSACION
E un còp le ventre plen, il poursuivra son criminel dessein. Les servicis de
gendarmariá foguèron alertats dimars passat per un jornalista de La Dépêche, fòtos del
Didier Donnat per pròva qu'aquel malfaràs auriá fait le projècte de raubar, de kidnapper se
volètz, de raubar donc le Titoulet.
PRIMIÈR TESTIMÒNI
Ieu me b'an dit a L'Indépendant e al Midi Libre.
SEGOND TESTIMÒNI
E ieu al Limouxin. Voldriái le metre sus l'ase per remplaçar le Sancho, aquel mal
vestit. Regardatz cossí es fargat : tot espelhandrat !
TRESEN TESTIMÒNI
E ieu b'ai saput per la rumeur publique. I costarà pas tan car que d'i comprar una
brava manrega en çò dels Alins. Anirem totis a Bugarach...
LE PRESIDENT
Aquí perque totis aqueles jornalistas son venguts m'entrevistar... Parlavan tanben
de rançon a demandar a la Bande du Pont Vieux per le liberar ; 13900 pistòlas, cresi.
LA DEFENSA
Pure calomnie ! Procès d'intention ! Avètz pas res comprés, mescresents. Tot aquò
èra per amassar moneda pels Restos du Cœur, que i a de mai en mai d'afamats e de mens
en mens de donators.
LE PRESIDENT
7
�La chose est à prendre au sérieux. Si ara nos venon panar la flor dels carnavalièrs,
ont anam ? Se cal repréner. Le temps es pas pus a las paraulas calhòlas !
TRESEN TESTIMÒNI
Calhòla toi-même. Anirem totis a Bugarach...
SEGOND TESTIMÒNI
Sustot que n'avèm besonh del Titolet per far lusir le quilomètre et demi de bitas
escampilhadas en ça en la per la vila.
L’ACUSACION
pareis.
Benlèu que le Pentapolin s'i poiriá atelar a far lusir las bitas : b'aima plan aquò,
PRIMIÈR TESTIMÒNI
Quin que siá que fague lusir, cal que tout soit O.K. pour Toques et Clochers.
Voldriatz pas que Limós fasse le pietadous.
L’ACUSACION
Pensatz a la molonada de cosinièrs mondialement reconnus e de vendeires a
l'enquant que va s'espandir sus Limós le dissabte que ven.
TRESEN TESTIMÒNI
Vivament dissabte que teni una brava set ! Anirem totis al Parador...
SEGOND TESTIMÒNI
Alavetz cal pas daissar far le grandàs e le pichon gròs que vòlon faire cagar, pardon
citoyens, citoyennes et citoyenots ; ils veulent faire déféquer l'ase e Rossinanta sul camin
de ronda per faire alisar les correires del Torn de França.
LE PRESIDENT
À l'évidence aquel escabòt de ciclistas va alisar, s'espotir, s'espatarrar, s'embolhar,
s'esclafar... Un titanesque tête à queue. Totis amontairats davant la gara ! En un mòt coma
en cent : liquidat. Impensable !
LA DEFENSA
8
�Calomnia ! Blaime ! Incompétence ! Vous êtes indescents. Cagan pas pro espés per
empachar las bicicletas de passar. De tot biais le deputat-conse, le JP Delprat i a pensat e
pour parer à cette éventualité, a decretat Limós en alèrta ròsa : las engranièras mecanicas
de la comuna, en un virat de man seràn sur site et en action !
PRIMIÈR TESTIMÒNI
Òc ben ! Atal les pedalaires passaràn devant l’œuvre d'art del Casque d'Aur, le Jipé
Rives del rugbi, sabètz ?
TRESEN TESTIMÒNI
Un polit quicòm ! Un brave mont de ferralhassa, aquela salopariá e tota rovilhada
sul pacte ! Anirem totis a Bugarach...
SEGOND TESTIMÒNI
Èra le Censic, le pauràs, quand es partit de Limós, que voliá daissar un souvenir...,
çò qu'i a costat per ba traïnassar duscas a l'ostal dels retirats ! Se sabiatz...
LE PRESIDENT
Aquò son afar d'initiés : òm se’n chauta ! Passons au chapitre suivant. La parole est
à la défense.
LA DEFENSA
Ieu vos pòdi afortir que le Chevalier ici présent es pas colpable. Es pas responsable !
Es malaut ! E, a Limós, ville thérapeutique par excellence. La loi 14969, article 789, alinéa
2011, portant interdiccion de condemnar a mòrt un malaut, est appliquée avec une
extrême rigueur.
LE PRESIDENT
Avètz benlèu rason. Mas ambe tot le montaràs de decrets e ajustons divers et variés
en forfolhejant...
L’ACUSACION
S'es malaut avèm çò que cal per lo costosir. Le Sénher Rodriguez i traparà ben un
cambròt dans son établissement delà l'aiga a l'A.S.M.
LE PRESIDENT
Macarèl ! Ieu qu'èri amaisat, ara, d'aver un colpable sous la main.
E ara qu'anam far ?
9
�L’ACUSACION
Mas nom de Dieu ! Aquò crema al lum : pòt èsser que le Sancho, aquela fenhantassa,
aquel ventre d'òli qu'i confla le cervèl à la Triste Figure, qu'i fa far que conardisas. S'es dit
que l'a fait venir a Limós, le Don Quichòta, per empachar la Vendetta dels Academicians.
Parlez, témoin.
TRESEN TESTIMÒNI
Mas tot le monde ba sap : èra dins la Dépêche e fa un ramat de Carnavals.
Ieu ba sabi : es pas per res que le Papà e la Mamà m'an enviat a l'E.N.A. : l'Escòla
Nacionala Asinièra...
SEGOND TESTIMÒNI
Òm vetz plan pro que sortisses de ce temple du savoir.
PRIMIÈR TESTIMÒNI
Per çò qu'es de la Vendetta dels Arcadians tan melhor s'es pas plan jovenòta : la
vengeance, est un plat qui se mange froid.
LE PRESIDENT
Poursuivez !
TRESEN TESTIMÒNI
Voilà camarades : un Arcadian, un jorn de sortida de la siuna banda foguèt agressé
par un blanc bec amorós, sembla, de la drolleta que le nòstre Peiròt veniá de chiner. Le
barbèl, enrabiat, se roncèt sul Senator e te m'i fractura l'appendice nasal.
PRIMIÈR TESTIMÒNI
Quina hérésie ! Qu'un « escandale » ! Quand òm vòl pas èsser chinat, òm ven pas
badar las Fecas sus la plaça, a Limós !
LE PRESIDENT
Pensi qu'aquí il y a prescription. Les Senators se ba desmerdaràn : affaire classée.
Quoi d'autre ?
L’ACUSACION
10
�Citoyens, Citoyennes et Citoyenots, Gentes Dames et Damoiseaux, par les temps
qui courcnt, il est séant, pels grands d'aquel monde, de trigossar una carelhada de
caçairòlas. E les dos pitres, aquí, te'n trimbalan un escabòt que las avèm ausit tindar tanlèu
qu'an passat le còl d'Arranca Pets.
LE PRESIDENT
Précisez, Maître !
L’ACUSACION
Avèm l'afar dels Molins de Vent, l'afar dels cabrièrs, le de las gordas de vin, l'affaire
de mœurs avec Dulcinée e la Pastorèla Marcèla, l'afar de la nòça de Gamacho, e la setmana
passada, an volgut nos far creire que les avián enlevats... Alavetz, le Quichòta, le Pança, la
Rossinanta e l'ase... Tot aquò... Al fòc !
LE PRESIDENT
Aup ! Aup ! Arrèsta e còta. Aquí n'i a pro ! E aquò a vos creire, serait inspiré pel
Sancho ?
LA DEFENSA
Ba juri President ! Mas, le Don Quichòta embarrat dins son crambòt delà l'aiga... Le
Sancho brutlat... E las bèstias, l'ase e la Rossinanta, qué ne farem ?
SEGOND TESTIMÒNI
Aquò es un problèma : son tan magras que, en aucun prix, les Morejons ne’n
voldràn dins la sieuna boucherie - chevaline, mème pas per ne'n far salssissòt !
PRIMIÈR TESTIMÒNI
Pietat ! Òm les poiriá menar al Richard Ròques, a Ninaute, coma s'es fait pel
Pechard.
LE PRESIDENT
Aquò es le coté sensiblerie féminine. Mas avètz rason Dòna Trifaldi ; e atal nos
metèm a l'abric de la vindicte de la Brigitte Bardòt. L'affaire est entendue !
Coma disètz : l'ase e la Ròssinanta aniràn en çò de Richard Ròques, a Ninaute ; le Quichòta
en l'establissament de la retirada ambe les ferrategas de Rives ; e le Sancho, le condemnam
a se rescalfar les pès aquí, al fòc de la Plaça !
Borrèl sètz plan despertat ? Alavetz, fòc aquí e l'aiga lènc !
11
�
Libre
Item type spécifique au CIRDÒC : à privilégier
Variante Idiomatique
Languedocien
Région Administrative
Languedoc-Roussillon
Graphie
Graphie classique / Grafia classica
Dublin Core
The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/.
Title
A name given to the resource
Jutjament del Don Quichòta e del Sancho Pança / Beluga de Limós ; CIRDOC pour l'édition numérique
Alternative Title
An alternative name for the resource. The distinction between titles and alternative titles is application-specific.
Carnaval de Limoux 2011 : jugement de Don Quichotte et de Sancho Pança
Carnaval de Limós de 2011 : jutjament del Don Quichòta e del Sancho Pança
Subject
The topic of the resource
Carnavals -- Limoux (Aude)
Limoux (Aude) -- Moeurs et coutumes
Beluga de Limós
Creator
An entity primarily responsible for making the resource
Beluga de Limós
Publisher
An entity responsible for making the resource available
CIRDÒC-Mediatèca occitana
Date
A point or period of time associated with an event in the lifecycle of the resource
2011
Date Issued
Date of formal issuance (e.g., publication) of the resource.
2018-11-30 P.A.
Contributor
An entity responsible for making contributions to the resource
Centre interrégional de développement de l'occitan (Béziers, Hérault). Éditeur scientifique
Vernet, Florian (1941-....). Correcteur sur épreuves
Rights
Information about rights held in and over the resource
Beluga de Limós
License
A legal document giving official permission to do something with the resource.
Creative commons = BY - NC - ND
Is Part Of
A related resource in which the described resource is physically or logically included.
<a href="/items/show/19989" target="_blank" rel="noopener">Totes los jutjaments del Carnaval de Limós</a>
Format
The file format, physical medium, or dimensions of the resource
application/pdf
1 vol. (12 p.)
Language
A language of the resource
oci
Type
The nature or genre of the resource
Text
texte électronique
Identifier
An unambiguous reference to the resource within a given context
http://www.occitanica.eu/items/show/20329
Coverage
The spatial or temporal topic of the resource, the spatial applicability of the resource, or the jurisdiction under which the resource is relevant
Limoux (Aude)
Spatial Coverage
Spatial characteristics of the resource.
point(43.0538068,2.2176533)
Temporal Coverage
Temporal characteristics of the resource.
20..
Description
An account of the resource
<div style="text-align: justify;">Tous les ans, après presque trois mois de festivités toutes les fins de semaines, le carnaval de Limoux prend fin avec comme apogée la nuit de la Blanquette. Ce dimanche-là à minuit carnaval, qui a siégé toutes ces semaines sur la place de la République, est jugé.<br /><br /></div>
<div style="text-align: justify;">Ces jugements permettent de régler en place publique tous les problèmes de la société limouxine de l’année écoulée. Parfois, il est compliqué de comprendre et d’expliquer les allusions, les noms de villages ou de personnes, car ils font références à des lieux, des personnages ou des événements locaux. Mais ces jugements permettent aussi de faire un récapitulatif des événements internationaux et nationaux majeurs de l’année.<br /><br />Carnaval est invariablement accusé de tous les maux, quel qu’en soit le niveau, local, national ou international, jugé coupable et exécuté.<br /><br />
<div>Il est ici rappelé d'emblée que ce jugement ne doit pas durer plus de dix minutes !</div>
<div>En cette année 2011 on voit apparaître des critiques à l'égard du comportement de Nicolas Sarkozy, un rappel de la politique sécuritaire de la ville avec l'installation de caméras de surveillance et de l'apparition quelques semaines plus tôt dans le ciel de la région d'un nuage de pollution venu d'Europe de l'Est.</div>
<div>D'autre part un rapprochement est fait entre l'épisode de la bataille contre les moulins à vent de Don Quichotte et la possibilité qu'il attaque les éoliennes du Pic de Brau. Cette remarque est l'occasion de critiquer les éoliennes. Ce jugement est aussi l'occasion de rappeler des événements importants qui doivent se dérouler dans la cité blanquetière (préparatifs de Toques et Clochers qui doit se dérouler la semaine suivante à Limoux et passage du Tour de France au mois de juillet) et aussi le nom de personnalités locales connues (Morejon, Richard Roques...).</div>
</div>
<div style="text-align: justify;">Cada an, aprèp gaireben tres meses de festivitats cada fin de setmana, lo carnaval de Limós s'acaba amb coma apogèu la nuèch de la Blanqueta. Aquel dimenge a mièjanuèch, carnaval, que demorèt totas aquelas setmanas sus la plaça de la Republica, es jutjat.<br /><br />Aquestes jutjaments permeton de reglar en plaça publica totes los problèmas de la societat limosenca de l'annada passada. Qualques còps, es complicat de comprene e d'explicar las allusions, los noms de vilatges o de personas, per de que fan referéncia a de luòcs, de personatges o d'eveniments locals. Mas aquestes jutjaments permeton tanben de faire un recapitulatiu dels eveniments internacionals e nacionals màgers de l'annada.<br /><br />Carnaval es invariablament acusat de totes los mals, quin que ne siá lo nivèl, local, nacional o internacional, jutjat colpable e executat.<br /><br />
<div>Es aquí rampelat tre la debuta qu'aqueste jutjament deu pas durar mai de dètz minutas !</div>
<div>En aquela annada de 2011 vesèm aparéisser de criticas a l'encontra del compòrtament de Nicolas Sarkozy, un rampèl de la politica securitari de la ciutat amb l'installacion de camèras de susvelhança e de l'aparicion qualques setmanas abans dins lo cèl de la region d'una nívol de pollucion vengut d'Euròpa de l'Èst.</div>
<div>D'un autre costat un raprochament es fach entre l'episòdi de la batalha contra los molins de vent de Don Quichòta e la possibilitat qu'ataquèsse las eolianas del Pic de Brau. Aquesta remarca es l'escasença de criticar las eolianas. Aqueste jutjament es tanben l'escasença de rampelar d'eveniments importants que se devon debanar dins la ciutat blanquetièra (preparatius de <em>Toques et Clochers</em> que se deu faire la setmana seguenta a Limós e lo passatge del <em>Tour de France</em> al mes de julhet) e tanben lo nom de personalitats localas conegudas (Morejon, Richard Roques...).</div>
</div>
Relation
A related resource
Vignette : https://occitanica.eu/files/original/308048be51353c45603fae700ba4f25a.JPG
Source
A related resource from which the described resource is derived
Mediatèca occitana, CIRDOC-Béziers, BI 1
Occitanica
Jeu de métadonnées internes a Occitanica
Type de Document
Le type dans la typologie Occitanica
Texte electronique
Portail
Le portail dans la typologie Occitanica
Mediatèca
Sous-Menu
Le sous-menu dans la typologie Occitanica
Bibliotèca
Catégorie
La catégorie dans la typologie Occitanica
Documents
Contributeur
Le contributeur à Occitanica
CIRDOC - Institut occitan de cultura
Jutjament de carnaval = Jugement de carnaval