https://www.occitanica.eu/files/original/4e168136198b724407ae1a1582fcfda9.jpg 146999704fb8c137a5a2c14612a7e431 Omeka Image File The metadata element set that was included in the `files_images` table in previous versions of Omeka. These elements are common to all image files. Bit Depth 8 Channels 3 Height 1131 IPTC Array a:1:{s:11:"object_name";s:14:"1911 15e Anade";} IPTC String object_name:1911 15e Anade Width 1696 https://www.occitanica.eu/files/original/2d8556d0d833c62f3b08de36017e67be.pdf 6d1dbac7d0c1aa0f2397c576dc633831 PDF Text Text Garbe de 192L 25* Anade. •8 LOU PARPALHÒU E LAS ESTÉLES Aquet parpalhòu qu'ère briac, briac. Badut de la maytiade, qu'abè, tout lou brèspe, houleyat cabens las flous las mey embriagantes. Tau sé, que s'adroumi sus ue hoélhe d'arrousè. Que-s perdou quauques ores. Bèt array de lue qu'où desbelhabe. La soue briaguère nou s'ère pas encoè apadsade. Que bi, sus u cèu esmiraglant, lous lugras. — Quines flous beroyes, çà hé. Encantat, que las espiabe. O bé, quines loles de miragle, e quoan mey yénces que las amistouses dou die escourrut ! Quin las loues aulous, à d'aqueres flous de luts, debèn trouba-s bounes ! e doucin lou lou poutou ! Bah ! que poudousse èste aymat d'aquéres flous besiades ! Coussirat d'aquet tesic e d'aquere briaguère lou parpalhòu qu'alateyè capsuslas nubles. Que puyè, enhadat, e hòu de tout lou sou balans ; que s'y sayè pauses e pauses dens la noeyt fresqueyante. Que puyè, que puyè coume estabanit. Las soues aies que-s trucaben endeballes e n'ère mey qu'u tarroc de glas. Que s'y hé, toutu, e que pè-remabe de toute la soue petite agounie enhouliade decap à las flous berouyines, tan loegnègues. Dinquio que, dou ret e de las sayades, que-s mouribe pietadousamén dens la rèyte de nou poudé atégne lou casau merabilhous. Lou sou menut cos d'or rouye que cadou sus lou sòu coume ue hoélhe de l'abor. # # # La fi de las embéyes noustes qu'ey mey enla que las estéles e las aies de l'òmi qu'où soun mey pesantes que las dou parpalhòu. Louis LATOURRETTE. ■I! S- INSIGNES DE L'ESCOLE • Le Trésorier, a l'honneur de prévenir les confrères qu'il a reçu les insignes de l'Escole. Il les tient à leur disposition moyennant la somme de 4 fr. 50. Il est rappelé que l'entrée gratuite à nos fêtes félibréennes ne sera accordée qu'aux porteurs de cet insigne. �- 98 - LA LILOYE DEU BARLANÉS Lou htabe félibre de Barétons n'abè pas poudut escade, en 1891, la semie de YEscole deu Béarn. Mes que disen que so qui n'ey pas à Fasse que-s trobe au sendegnè. N'ère pas u ahanat d'aunous, lou-praube d'ét, mes qu'abè coum ue debouciou ta touts aquets titres, ribans e manigles que lou Felibridye proubençau abè heyt lusi hens lous sous Estatuts, e ta d'ét lous noums de capouliè, mayouraus, cabiscòus, sendics, que mercaben quauqu'arré de hère gran, de hère hère catsus e que l'abéré heyt bèt drin pernabate lou cô d'esta aperat de u d'aquets moûts sacrats. Qu'aymabe, coum u hilh pietadous, la soue balée de Baretous e per bèt die que credou d'abé lou parât de ha ue assoussianse de félibres sounque ta la soue tasque barétounése. Lou dilus de Pasques de 1899, H. Pellissou qu'ère embitat au parsâ de Barlanés (qu'apèren atau, au heyt de Lanne, en Baretous, u bourdalat drin estremat, en u cor beroy agradiu de boscs, de péchédés e de bistes de mountagne). Quauques gouyats d'Aulourou qu'amistouseyèn lou félibre qui cantè gauyous bercets, digou coundes deus poulits, coumplimens deus courtés. Qu'ère lou printems : las liloyes que blanqueyaben peus hiâs, lous auserous que coumençaben de ha au passèris cabbat la prumère berdure, lou cèu qu'ère blu, l'èr qu'ère dous, lou sourelh que poutoabe la tasque, lou piquepout au cap de très ou quoate més de bachèt qu'ère de boune bénte, lou claquét de las loengues qu'anabe beroy ; toute aquére pouésie deus cams e deu mounde que hiquè en tri l'esprit de l'ahoegat cantadou de Baretous e que-u semblé que yamey Cour d'amou deu tems deus troubadous n'abè abut abourride parière. Truc sus l'ungle, que counsacrè félibres lous sept ou oeyt yoens coumpagnous e que pitè la Liloye deu Barlanés ; suban lou sou entenut, lous tauleyayres que débèn ha ue soucietat de félibres de la tasque e Pellissou qu'ère cahiscàu, nou pas per ue triène de quauques mesades, mes dinqu'à la soue fî finale ; en francés que disen : « président à vie ». Henric Pellissou ét-medich, hens ue letre deu 16 de yenè 1900, que coundabe coum asso aquére heyte : « Per Pasques joens garçous de hilh dé Barlanés, de terre. Pensât darrè que-m troubàbi embitat en Barlanés per cinq boune familhe e dus joens abès-proufessous à Pau. L'u, qu'ère en trî de ha basti la prumère Capère de soun cor drin si passèm u beroy die ! Aquetz messius qu'èren �— 99 — encantatz d'habé lou félibre de Baretous ta poude audi quauques bercetz de pouèsie biarnése. Joens, ahoecatz e pla 'ducatz, Que seran, u die, aboucatz, Jutjes ou medecis, estayres, Entant que soun lous més counfrayres. A la fî d'u bou disna, quoand habouy jou prou batalat bercetz de toute mandre, e quoand lous bedouy beroy en tri, que-us digouy quauqu'arré coum asso : « Escoutat, amies, nou-s eau pas desepara atau >, e labetz que foundey « La Liloye» e que'n escribouy aquiu medich lous Estatutz.> Aquere capère de Barlanés, l'abesque de Bayoune, Mounsegnou Jauffret, que l'anè benedise lou 27 d'oust 1899, e lou félibre qu'ère aquiu dab lous gouyats deu darrè dilus de Pasques, d'autes tabé e ue troupéte de daunes e de damisêles d'Aulourou. U cop acabade la heste hens la capère, Pellissou e lous counfrays de la Liloye, dab lous lous amies, qu'anèn brespéya sus l'erbéte, à l'oumpre deus cassous e deus abéts ; au darrè deu brespè « arrousat de bi de Jurançou e de Champagne », lou félibre qu'ourbi ue Cour d'amou, e que hé u debis en francés doun parlabe et-medich coum asso : « Si bous habèt\ entenut la bout\ tinénte, ahoecade deu bielh félibre e louspatacs de maas qui l'arcoelhèn de Vu cap à l'aute de la taule gauyouse ! Aco itou-spot dise; mey nou s'em desbroumbara jamey. » Nou deboun pas ploura en aquére amassade. Mes d'aquére Liloye, double ban ! nou-y abou pas nade noubèle per Biarn en daban e que poudét houruca touts lous cors e biscors deus Reclams d'alabets, nou-y troubérat pas arré sus aquet aha. Que eau ana lhéba aquére lèbe hens las rebistes proubençales. O bé quio ! qu'ey au numéro de noubembre de 1899 deu Felibrige de Jean Monné, à Marselhe, qui léyém aquestes arrèques : « Mantengam la tasque... mantenen lou terraire, sis us, si crèire e soun parla... Aco's la deviso souto la qualo s'es foundado uno escolo felibrenco dins lou Barlanés, de Bearn, que lou félibre de Baretous n'es lou presidènt à vido, e qu'a tengu sa proumiero sesiho soulenno, lou 27 d'avoust, en uno felibrejado superbo, en pleno pradarié. Eron 29 à taulo, e, après li brinde e li cant, s'es tengu génto court d'amour, e dono Mario Lavigno es estado prouclamado rèino de la Liloio, per sèt an. La Liloio, (margarideto) es lou noum de l'Escolo déu Barlanés, que tendra sa venènto acampado en Barlanés. Longo-mai visque e cante e flourigue la Liloio bearneso ! » Per feyt de félibres, nou n'y abè aquiu qu'u tout soulet : Pellissou. Lous autes n'abèn pas gran que-ha de tout aco. Aylas ! la liloye — ou la margalidéte blangue deus prats — qui flourech per Pasques, qu'ey mourte e séque per Marterou. Ta nou pas ha menti lou sou noum de flouréte, la Liloye deu Barlanés que hé tout parié ; n'abou pas qu'ue sésou e que l'abérén ppudut dise dab lou bielh pouète de France : « Et rose, elle a vécu ce que vivent les roses, L'espace d'un matin. » �100 — Per l'aboi-de 1899, lous gouyats d'Aulourou qu'anèn cassa las paloumes cabbat lous boscs deu Barlanés ; que coussirèn à Arête lou félibre de Barétons e aquiu soum, débat la paloumère, que s'y tourné brespeya. Mes aqueste cop las daunes de la Cour d'amou n'abèn pas recoutit ; lou sourelh que coumençabe à-s ha plouricous. Toutu Pellissou que tiré gnaute debis en francés oun balhabe l'esplic d'aquet noum de Liloye « l'agreste fleurette » chausit per la prime. < Jurons donc, mes chers confrères (si disè en acaban), de rester toujours fidèles à la Liloye de Barlanés, en venant chaque année la fêter joyeusement sur la terre même où elle vit le jour, à l'ombre tutélaire de la chapelle bien-aimée... » Lou félibre qu'abè heyt tabé ue cante : LA CANTE DE LA LILOYE Amies, cantém la Liloye Déu gentilhet Barlanés, Cantém, cantém nouste joye En sept bercets plâ biarnés. Nabante-nau qu'ey l'anade, O Liloye de gauyous ! Oun, per Pasques, de l'aubade T'esterièn lous aymadous. REPIC Amies, cantém la Liloye, 'etc. 3 Prime Capère ey l'encause Qu'en Barlanés s'enbiengoun Nau ahoecats per la Cause, Liloye, escriu cade noum. REPIC Tant que Pasques-la-flouride S'escadéra per Abriu, A la Liloye, en-seguide, Bieneram touts dab gran briu. REPIC Amies, cantém la Liloye. etc. 6 Tant que beyam l'agnerete Segui lou tras deu pastou, Nous t'aymeram, o flourete, Clareyante de frescou. REPIC Amies, cantém la Liloye, etc. Amies, cantém la Liloye, etc. 4 Nou-t desbroumbes lou félibre Qui t'a serbit de payri... Permou de tu, lègre e libre, Eth qu'entoune soun refri. 7 ' Tant qu'à Toumbre deu bouscatge Lou roussignol cantara, En Barlanés, gay bilatge, La Liloye brounira. REPIC Amies, cantém la Liloye, etc. Arette, per Marterou de 1899 REPIC Amies, cantém la Liloye, etc. Henric PELLISSOU, félibre de Baretous, gran Meste de la Liloye. Qu'abém arrecattat aquets bers de l'amistous félibre, permou que si lou praube d'et n'escadè pas las bâties d'ue Escole, qu'escadè lous bers e que demouréra l'u deus mayes au miey deus noustes pouètes. J-rB. LABORDE. �— 101 — BATALÈRES E DEBIS i La Batalère de Yan Estelrich. Lous Reclams que digoun Vaut die quin /'Uniou proufessiounau dous Estudiants e /'Escola Occitana abèn ourganisades counferénces en ciutat de Toulouse. Aque'ste diménye, 15 de May, qu'aboun lou gay d'audi ue bouts biengude de delà las Pirenées, u bèt prousey plé d'ensegnamén's. Dab quin plasé l'y estenerém, sus la nouste hoélhe mesadière, lou debis dou yóen catala Yan Estelrich, mes, dab l'estretou qui abém, dab l'estretou miseribe doun se plagnem e se plagneram encoère, que calera causi-n sounque tros ença e enla. E que mandaram, dab las noustes escuses, u gran mercés de Gascongne abans, à la bouts sabénte e Hère qui s'ey estade embiade per la benaurada Catalougne : Be s'escad beroy, que pousqui parla de la renachénce trioumfau de la nouste léngue, hens la mediche ciutat qui per l'enstituciou de counde-ha dous Yocs flouraus, pourtats à Barceloune mercés au rey Yan aymadou de yentilhésse, estou l'encause prumère de la nouste rebadude. Permou que lous bostes Yocs flouraus que hen sourti lous noustes ; la boste enstituciou glouriouse qu'ère la mustre dous noustes Yocs flouraus tournais en pè e l'enstituciou dous Yocs flouraus qu'ey lou prencipi de la rebiscoulade de Catalougne. Ciutat de Toulouse, que-t bouy saluda, pious, en recounechénce e bou grat, escole de sapiénse gauyouse, Temple barrât de l'Enspiraciou, oun s'en biengoun coélhe lou hoec sacrât qui debè abrasa dab lou tems la terre catalane sancére, la nouste terre per toustém ligade à l'antique tradiciou de Proubénce ! Mes, ça dits encoère, nou abém esplicat la nouste tradiciou de la mediche fayssou que bous auts dens lou Mieydie francés e lou cami poulitic ii ey pas estât lou medich : Qu'èts Francés, quoan nous auts nou boulém este que Catalas. Qu'en èm arribats à espia coume ue mediche cause la naciou e la léngue. Nou dehèt la patrie ne Testât, mes la bertadère naciou suban lou mout, lou nidè de la soucietat, l'esperit dou pople. Lou nouste Maragall que disè : Se y-a nade cause qui tagn mey à l'esperit que lou parla i Doungues lous qui de nature s'enténen debisa en dehore que dében èste lous medichs en deguens e qu'abèm bist quin dou pè de las Pirenées, anan per la coste e las iscles Baléares, dinque à las termières de Murcie, e y-a la mediche léngue nouste de cabens enla ue e sancére, qui-s moumbre dou lati mey que nade aute. E à l'aute estrém de las Pirenées, estenén-se tabé per planes decap à la gauyouse Toulouse e decap à Pau la beroye, e tabé countre la ma decap à Marsélhe, qu'escadém quoan �102 bieném e se mesclam au pople, dab lou nidè souciau ue mediche douçou de parladure, dab mérques desparières toutu de las noustes e qui-s desseparen Nous auts, e perseguech Mous de Yan Estelrich, que boulém coustitui u Estât qui nou sie que catala ; nous auts qu'oubram ta l'unitat poulitique de touts lous catalas, sensé arré mey ; toutu quoan se troubém dens lou cas d'abé à estudia la nouste parentèle, autapla que s'alargue lou nouste muyôu de patrie esperituau ; que-s sentim amplamen occitans, que bedem dens bous auts e dens nous auts ue mediche ley d'esperit, u sentit plané de claretat e d'enteliyénce e ue gragne tabé de houlie e d'ahoegamén aysit... Qui doungues, se n'ey pas nous auts se pod créde mey de dret eretès dous qui hén lous fos e coustumes e s'embescaben ta la luts de la Grèce : qu'abém l'ourgulh de créde qu'enla oun s'esdrésse, oey lou die, dab mey de puchance lou bielh espcrit dous païs d'O qu'ey à case nouste, que la bouts de la renachénce d'O qu'ey en bouque catalane oun s'esprabe mey daune e mey segnoure ; que Barceloune e pod arriba à èste nabèt echàmi lati, qu'èm au miey, qu'èm l'emparance de la latinitat néte e yénce ; e que nat mey coum nous auts nou pod demanda de las nacious yermanes que-s tournen latines enta ana endabans dens l'amistat dous omis. Abraquém. La mèrque prumère de la nouste remudance, lou punt oun poudém présenta lou mey d'unitat, qu'ey l'amou de la léngue. Lous esperits lous mey estros que diseran que l'aymam, nou pas permou qu'estou glouriouse e nouble, nou pas permou que-s parech beroye e escadude, mes permou qu'ey nouste, permou qu'ey la bestidure dab qui badou lou nouste verbe, lou nouste esperit, aquiu à la terre. E aço noubôu dise que hounim d'autes léngues ; permou que las aunouram toutes, toutu autapla coum la nouste nou-n sabém parla nade aute, e sounque dens la nouste que tieném la pensade, las luts e las hourtalésses de l'esperit. Nou l'abém pas hourgade à la bambole per maliboulénce ou enlusernats per ue fausse retourique ; nou la poudem decha qu'en medich tems que la nouste carn permou qu'ey carn e bite de la bite nouste, nou la poudem cambia per nade aute per yuste e graciouse qui sie. Nou credém pas qu'y pousque abé dens lou mounde u maye acte detirannie, d'intoulerénce, u crime mey dret countre l'esperit, que la lute countre la léngue naturau d'u pople. Qu'ey lou segoutit de la Rebouluciou francése qui ey l'encause de toutes aqueres ressérques sus la bielhe istôrie e la rebiscoulade de las léngues poupularies. Lou roumanticisme que prengou en Catalougne ue bie hère à despart e ouriginau : qu'estou reliyious, counserbadou, bastidou, debot ta las credénces de l'Adye mieyancè. Sensé at boulé lous caps debantès dou roumanticisme catala que debiengoun anounciadous de la nouste renachénce. Que pausèn, coume arradits de toutes las loues birades, la debouciou sensé fi ne counde, ahoegade, aus ideaus dous qui hén la tradiciou dou lou pople. Chic à chic que s'acoentaben de mey en mey de la léngue. L'an 1833 qu'ère publicade «l'Oda à la Patria » d'Aribau, mounumen douriu de la nouste Rehechénce, cant de dòu e d'ahide tout en u cop. �— IO3 — Chic d'anades despuch, en 183g, Rubió i Ors, patriarque oundrat de las noustes létres, que coumençabe de publica la soue obre pouetique en catala e dens lou libe oun amasse lous sous tribalhs nou s'acounténte d'escribe u pious coumplimen à la léngue propie, mes que hè ue declaraciou d'estime à la léngue e à l'amne catalane e qu'amuche coume ue nécessitât segure lou sou emplec... Autalâu, au sou edsémple, ue troupe d'escribas qu'arriben. De Proubénce qu'anouncen la badénce dou Felibridye (1854). A nouste, Rubio i Ors e lous sous disciples, que hèn la rcbadude dous Yocs flouraus (i8^p). En 18'77 qu'ey la parescude de /'Atlantida lou pouemi de Verdaguer. Dab et la literature que couménce. Lou Pouète qu'abè hèyte e quilhade la léngue. Despuch et cadu dou sou ^constat qu'ayudaben : filologues, omis d'istorie, roumanciès. Mayemens Clavé lou coelhedou de cantes, mayemens Guimera lou creadou dou nouste teatre. Lou coungrès d'octoubre içoó que debè ha biéne decap à Barceloune lous sabents filologues de quoan de pat's. Ue amassade de grammaticayres e de mounde dou pople catala reunits, e dab quin estrambord, que « semiabe per toute la terre ue mayoure manifestaciou d'unitat poulitique e ahides d'autounoumie. » En seguide qu'entreprenèn la grane obre dou dicciounari catala e que hasèn l'unitat de la grafie. L'Enstitut d'estudis catalas qu'ère foundat, e, dab l'ayude apoustoulique de Prat de la Riba, que pausauben las soles d'u gonbernamen catala: la Mancomunitat. Be boulerém a-tau segui toute l'amplou don debis d'Estelrich mes... Oerats toutu quin acabe : Aquiu qu'ey la nouste obre... Pla pouderan dise lous batalurs, enguiserats de fourmules, que lou mounde que tire decap à l'unitat, que las naciounalitats que s'an à esperreca débat u cousmoupoulitisme chens coulou, que toutes las léngues s'an à nega-s dens u gran volapûk e que tout aco ey la bertadère ley dou prougrès. Be pouderan disé-s, tout sec, que lou catalanisne n'a pas nade rasou d'èste. A l'entan que troubam la nouste léngue cade die mey bibe dens la bouque dou nouste pople, cade die mey riche dens las creacious dous pouètes ; à l'entan que poudem amucha la nouste obre desparière cade die mey ahoegade e mey aboundouse cade die, que diseram coume Galilée que Maragall broumbabe : E toutu que-s mai, e toutu que tournéye. E are se d'aqueste edsémple, Proubénce, Lengado e Gascougne ne poden tira quauque boune pensade, quauque proufieyt, nous auts qu'en seram countents. Nou harém dab aco que tourna-b ue pague menude de ço qui-b debèm per l'ensegnamen qui receboum de Mistrau... Yan ESTELRICH. II U Debis d'Ismaël Girard. Coum l'archebésque d'Auch, Mounsegnou Ricard, ère en tourneyade de counfirmaciou à Mountpezat en Couményes de Bach, Ismaël Girard qui ey d'aquiu que l'a saludat en gascou. L'amie �— io4 — nouste qu'a doungues seguit l'ensegnamén dous mèstes que disèn : « Que eau èste félibres, parla la léngue e escribé-la, oun que sie, quoan que sie e daban qui que sie I » Mes bam béde lou debis dou yoen pouète : MOUNSEGNUR, Se-m lèui jou tabe ende brinda à bosto santat, qu'ac hèu au noum dous gascous couraus e naturaus de Mountpezat e dou païs de la Sauo, qu'an parlât, que parlon e que parleran, s'à Diu plats, dinco au cap, la lengo dou terrayre, maugrat tout. Apey tant de bères discourses que bous an dit nosto fe pregoundo, noste amou ardent e nosto joyo sens pariouno, que eau, sa m'a dit lou noste brabe Moussu Curé, he entene au coustat de las paraules francimandos la claro canto de nosto lengo gascouno. A n' aquesto rasoun souy pas jamès sourd e que'm lèui sensé bergougno e que parli. Be l'aymats nosto lengo. Mounsegnur, qu'i la bosto tabe. Qu'ets dou Miedjour bous tabe, bous tabe qu'ets hilh d'aquet « pople hort que cantec d'autes cops » e que tourno canta, Que'm brumbo mémo qu'ets capdau d'aunou de.nosto Escolo deros Pirencos. Qu'ets dounc un félibre, escoutats un'yaute félibre. Nosto lengo, qu'i lou simbèu mayour de nosto respelido ! Qu'i la bouts claro dou bente lou cant reyau dou printems que mous biron la fe e l'esper. Qu'i lou sinne sacrât de nosto fe, promo que set cents ans auen pregat lou boun Diu en gascoun. Qu'i lou bastoun de courau que mous emparo dou hàsti enlusernant de las bilos. Qu'i la bous des anjous que mous apèron autour de la gleyso dou bilatje. Qu'i lou cant de VAngélus que mous he sinno au miey dou noste trabalh. Nosto lengo, qu'i lou « credo » gaymant de la terro. Ayma la lengo mayrano qu'i ayma la terro, ayma la terro qu'i ayma l'obro de Diu, qu'i ayma Diu. E lou qui parlo gascoun, ac sabets, qu'i lou qui a saubat diens soun cô e diens soun oustau las anticos bèrtuts dous aujous. Nosto lengo qu'i lou simbèu majour de nosto respelido, de nosto respelido dauant Diu e dauant lous ornes. Qu'ets lou mestre, Mounsegnur, e bous bau he uyo pregario, lous oelhs birats decats Beucayre oun lous félibres de tout lou miedjour hestejon en aqueste betjour de Pentocousto la hesto naciounalo de Santo Estelo, e suplicon touts lous miejournaus de's brumba dous anciens jours ende auansa sur la routo souleyouso de l'abengue. �— io5 — Aquero lengo sacrado que poudets, se boulets, Mounsegnur, la hè ayma pous paysans lous mes frays, e la hè ayma à l'endret oun tout se cambio en obro d'amou, à la gleyso. Lou jour oun cado curé gascoun, coume se he en Roussilhoun, parleré en cadièro presicadéro en gascoun e haré canta lous jours de hestos, cants gascous, un gran esfort sera coumplit countro lou courent infernau que mous arroulho à la desheyto. Aco dit que 'm demoro pas mès qu'a 'm cara, Mounsegnur, en tout acaba coumo Mistrau, à Mountpeliè, lou jour de Pentocousto de 1878, que seguichéuo l'auantjèli d'auèy : « Lou Jour de Pentocousto, lous doutze pescayres eron diens uyo crambo que pregauon Diu ensemble. Tout d'un cop lou charuscle d'uyo bouhado embaraniscouc l'oustau e lengos de huec benguen lusi sou frount des doutze apostous e ères, tout d'un cop, pies de l'Esperit Sant, coumencen a parla plusiurs lengos ; e sourtiscoun de l'oustau e s'en angoun diens lou pople e parlauon la lengo à tout praubebenent. E d'aqui partiscoun per renoubela lou mounde. » Cado curé gascoun, Mounsegnur, pot renoubela lou soun bilatje e bous poudets balha a cadun L'eslam de l'esperit felibrenc. E quan cado curé sera un félibre e quan cado bilatje sera renoubelat touto la Gascougno sera bertaderomen gascouno. Atau sio ! A bosto santat, Mounsegnur, e à la santat de la coumpagno, e brumbats-bous. (Parla dou Couménjes de Bach). Ismaël GIRARD. .g =»■ RECLAMS DE PERQUIU Lou Teatre nouste. Aquéste diménye, 22 de May, Bic-en-Bigorre qu'ère de hèste. Lous cantayres de la « Lyre Bicquése » qu'abèn hèyt u aperet à la troupe don « Pansard » de Maubourguet e la gauyouse pèce de Pascau d'Abadie que-s youguè débat la Halle. Que s'y amassaben, coum mounde, mey de quinze cents bienguts de la plane e dous coustalats. Coum de coustume, lous artistes Granet e Dupuy e las artistes, la Thérèse e l'Emilie e parié touts lous auts, qu'èren aplaudits à grans patacs de ma. Mous de Carrère, président de la Lyre, qu'abè ourganisade aquere beroye yournade e lous sous cantayres que hen retreni la Halle de las loues tringlantes bouts. �— io6 — Nabèt mayourau dou Felibridye. Lou Counsistòri n'a pas trigat de recounéche l'obre dou nouste amie Yausèp Loubet, en lou nouman mayourau à la Ste-Estéle de Beucayre. A touts lous coumplimens qui debou arcoélhe que yuntaram lous noustes. Qu'èm dous qui an souben puyats lous cinq soulès dou 355 de lfl carrère de Vaugirard à Paris e l'an bist tribalha ta d'a'quere hèyte d'uniou entre lous sourdats dou Mieydie : La Gaseto Loubetcnco. Cade diménye, la hoélhe messadyère d'amistat, que s'emboulabe. Quoan lou coustabe, à Loubet, de tems, d'abeyès e de tins-tins ? N'at disera pas !... Per èste are dens las aunous, lou nouste prèts-hèyt que demourara la soue pensade de toute orePermou qu'ey et l'escouliè dous prumès félibres, Tavan e Junior Sans, lou gran amie de Batiste Bonnet e lou dinne hilhot dou Mèste de Malhane. A l'Escole Nourmale. Aquéste mes, Simin Palay qu'ey tournât ta Lesca oun a debisat daban lous yoéns reyents de la Léngue biamese, miralh de la Race. En nade cause coum en soun lengàtye nou-s pot miélhe retrouba l'esprit d'u pòple. Cougnide d'arreprouès, de citacious e de cops d'esprit, aquere debisete qu'esté aplaudide, ya-s dit de medich. — U escabot de dansàyres que s'ey counstituit à l'escole ; à la darrère amassade dous ancièns eslhèbes que-s hén béde p'ou permè cop : que dansèn Mounégn, Gibandriè, lous Sauts, e bàscous e biarnés qu'amuchèn que la ley dous dansàyres legants e lèstes n'ère pas encoère mourte. Aco qu'ey beroy ! L. R. ■g =t- NABÈTHS COUNFRAYS Mme Larroque (Eugène), à Orthez. Mlle Cazabonne, 33, avenue de Barèges, Pau. MM. Lalanne, instituteur, à Arrozès. Bernatberoy (Pierre), à Artix. Aubagna (Georges, à Artix. Vie (Pierre), à Artix. Puyou (Camille), à Artix. Laclau (Bernard), à Artix. Couloume (Abbé), aumônier des Visitandines, à Départ, Orthez. Castets (Abbé Léopold), curé à Serresgaston par Samadet (Landes). Dufauret (Louis), conseiller municipal, Aire-sur-Adour. Cussac (Louis), 2, rue de l'Horloge, Orthez. Dufour (Abbé), à Hères (H.-P.). �— io7 — AQUETS AUSSALÉS Musique noutade per J,-B 1 V"H'I -^-1 J 3 - cj.uct. M 4' K~ Y A —A\ é s— —49— * s ^ J— ,—h— * 0 de, flip-jen 6ro-je sèymd - ti. » lés. sounc e - S3 - t " I.ABORDE. la m — e - ta» J + rme- Ilie pou-dc Jro u-mî Aquets Aussalés Soun de gran lhebade: ' Minjen broje ! sé y matî Ta mielhe poude droumi. Si-n soun droumilhous, La leyt que n'ey cause : Coque caute y burre frés, La bite deus Aussalés. Dab lou gran culhé Minjen la calhade, A mâ dréte, è mâ rebès, Coum s'abèn l'enemic près. (1) Aqueste cante que-s trobe hens Chansons et Airs populaires de Béarn, — Pau, Véronèse, 1868, — coelhuts per F. Rivarès. e qu'ey estade emprimade tabé per Cénac-Moncaut e Couaraze de Làa. Mes touts aquets qu'an mau entenut lous moûts « de gran lhebade » ; qu'an credut que boulèn dise maties ou maytiniès, coum disen per Aussau. Nou, que eau enténe : de grane talhe, de grane ley. Lous anciens Aussalés qu'èren badius e grans. Lou Théophile de Bordeu que disè quey-a 150 ans : « Aquets antics Montagnards de la Geanterie bèt drin, sinou-m troumpi, tienèn n. (2) La broyé qu'ère autescops la maye neuritut deus Aussalés, coum tabé de touts lous mountagnòus. Coum at dits encoère de Bordeu : <Atau bibèn de leit e de broje de milh noustes paybous. » J.-B. L. �— io8 — COPS DE CALAM Yantinot e lou Curè. Yantinot, bou paysa de per nouste. qu'ère gran amie de Moussu Curè. Aqueste que l'embitabe soubén à bébe quauque cop de bou bi, coum an lous Curés, dequet qui « regaudech lou co ». Per bet die, Moussu Curè, lou brebiau débat lou bras que courrébe la campagne en ana béde lous sous paroupias e que passa enso de Yantinot. Aqueste — bielh gouyat — lou debantau blu daban lou bente que lababe la bachère e que pensabe aus maugrats, aus abeyès d'èste soul. « — Adiu Yantinot ! quin ba ! — Adichats Moussu Curè ! Hep ! en daban. » . Biste que s'echugue las mas au debantau e que l'abance ue cadière. Lou Curè que s'assèd. Yantinot en bou omi que ère que-s prén la boutelhe, lou yimbelet e que dits : « Atendet-pe drin que bau tira drin de bou bi rouye qui biéni de croumpa ; que tourni detire. » Sus aquéres que rentre dens la crampe. Que demoure bère pause chens tourna é lou-Curè qué s'abeye — que déu ana béde tan de paroupias abans dou sé ! A la fi que-s lhèbe e que bien sabé se Yantinot e s'ey troubat mau. Aqueste qu'ère oucupat à hourada lou pè dou lhcyt ! Qu'abè deya heyt mey de u hourat e que sudabe ! que sudabe !... « — E que hès diable d'omi ! E debiens pèc ou que ! N'ey pënses pas mey 1 — Mes si, qu'ey pensi Moussu Curè ! — Mes malhurous quin bos tira bi dou pè dou lheyt ? — Biban Moussu Curè qu'en y èy pourtat tan de cargues que-m pensabi qu en'y debè abé hort e dou bou !.., » Sus aquéres Moussu Curè que s'en ana e que pensi que ne tournara pas ha-s embita per lou Yantinot. GELIZÉ. LA DINEROLE MM. Laborde, professeur, Ecole primaire supérieure, à Nay Mme Sintas, à Oloron Mlle Arnautou Amasse Darrère listre Amasse dinque à oey lou die 5 » 5 » io > 20 » 710 » 730' » �U COUNDE LOU MACHERA D'ASOU L'Abesque, d'estes ans, qu'ère suban l'usàtye, Bengut ta counfirma nou sèy en quin bilàtye. Deguens la bielhe gleyse, oun s'èren amassais Maynades e droullots, en regues assietats. Qu'espiàuen Mounsegnou, tremoulens de cragnence ; Que nou-s hidàuen trop sus la loue sapience, Enta de pla respoune à mant-ue questiou Sus las Sentes bertats de nouste reliyiou, Sie su-u Catéchisme ou sur l'Istorie Sente ; De-us brabes maynadous, grane qu'ère la coente. Sus u trône estiglant, l'Abesque qu'ey puyat; E, de tire, cadu que ba 'sta 'nterrougat : Lous droullots, lous permés, que passen de seguide. « Bam, — si dits à l'u d'ets à la mine esberide — « Que-m bas counda, Beroy, l'istoère de Samsou : « Aquet goalhard pelut, be sabes que hesou? « Dits-me drin lous esplèyts d'aquetome de guerre; « Nou s'en bey pas soubent caddets pariés sus terre ! « Anem,... Samsou... LOU MAYNAT Samsou, bèt die, que tuè U gran sarrot de Filistins L'ABESQUE Quoantes n'y auè ? Lou MAYNAT U milè, Mounsegnou. L'ABESQUE Pla dit, lou mié maynadye. De quine arme e-s serbi ta hè ta gran carnadye ? Lou De... MAYNAT �— 110 — L'ABESQUE De que 's serbi, bam ; que se t'ey desbrembat ! Sus aquere questiou, lou maynat, arrestat, Qu'espiaue u gran goalhard, mine-rouy, gras e fresque, Lou marguilhè Yantou quilhat coste l'Abesque Qui, dab soun digt hissât à l'estrem dou mentou, Amuchàue au droullot ço qu'empleguè Samsou T'auci lous Filistins. (L'abesque que-u guignàue ;) E lou maynat yames respounse nou troubàue. « Bam, si dits Mounsegnou au pauruc escouliè : « Espie oun a lou digt Yantou lou marguilhè ; « Qu'ey l'arme de Samsou qui t'amuche aquiu, oère ! « Be sabes pla ço qu'ey? Eh ! dits-me quin s'apère ! « — Ah ! que sèy ! si cridè tout gauyous lou mignou : « U bet mâchera d'àsou, Mounsegnou ! » P. (Parla de Bigorre). ■8 . ABADIE. ^&r ». GAUYOUS Lou maridadye d'Emilien Barrèyre. Qu'apreném tan per tan que lou pouète de la ma gascoune, Emilien Barrèyre, que s'ey maridat l'abor darrè dab Madamisèle Marcelle Bonabot de Meaux en Champagne. Qu'ous mandam, à touts dus, u hèch de gauyous en lous dise, coum gn'aut pouète disè en parière escadénce : Diu mie bostes pas de sa ma pouderouse... La legiou d'aunou. Hens ue crouniquéte dous « Reclams » de 1918, lou Rey-Petit qu'escribè aço : « Qu'en sabi dous qui n'an pas biscut u die sensé tesic, ue noeyt sensé quauque lè desbelh... Qu'anaben de l'u à Faute, sayan d'aleuyeri las doulentes cargues. » Mous Paul Gassie, segretari yenerau de la Préfecture à Tarbe, qu'ey d'aquets qui, dens quoate ans de guerre, s'y soun hèyts de tros e de trencs : se y-a u ribantou qui estara beroy à la poulacre, qu'ey pla lou sou. Tabé, quoan seran prou tardius, que boulhe pla agrada-us lous coumplimens qui Fembiam au noum de l'Escole Gastou-Febus. �— III — — Lou nouste amie de la permère ore, M. Stanislas Lavigne, qui hou trente ans counselhè de Pau e purmè ayude dou Mayre de la bile, qu'ey estât hèyt tabé chibaliè de la Leyiou d'aunou.Nouy a pas u paulin qui nou s'en sie regaudit, ni nad amie d'aquet bràbe e aunèste òmi. L'Escole Gastou Febus que mande au nabèt decourat lous sous coumpliments couraus e respectuous. M. C 8- ^SOíp. i> LOUS LIBES Arrajad.es gascounes de Francés de Lartigue (1908-1912), in-12 de 78 payes, — Pau, Marrimpouey, emprimayre, 2, place dou Palaysde-Yustici, 1920. — Que-s bon enso de l'emprimayre e que couste 3 liures ; per la poste 3 liures 5 sos. Plâ troubat qu'éy aquet noum A'Arrajades, permou que la trenténe de trobes d'aquet beroy libe que soun coum aquets cops de sourelhade qui, enter dues brumes, bienen à bèts cops halusi coum u miralh lous terrés, lous boscs, las berdures de nouste pèis gascou. Suou lindàu de l'oubrete, u Abans-dise deu meste escribâ de l'Armagnac, Mous de Sarran, que dits, coum nat aute n'abéré sabut mey plâ dise, so qu'esté lou pouéte e so qui bau lou tribalh deurimayre. Coum batlèu touts lous lyrics, F. de Lartigue qu'a cantat cantes d'amou : qu'à cantat tabé lou sou, lo noeyt, la luts, la terre, las causotes de case. Las maynades que Lartigue a bist e pintrat en passan que soun toutes drin parières : qu'an lous oelhs blus, lusens, que soun fresquetes e gaymantes, arré mey. Lous bers d'amou qu'an drin toustem la mediche note, que sien rimats per lous pouétes de France, ou de Gascougne, ou d'alhous. Lou yoen rimayre qu'a mey de coulou, u sentimen mey pregoun de l'amne e de la bite de la Gascougne, quoan cante la soue terre, l'Armagnac de Bach, lou pèis de Mountguilhém, Pais de bos oumprius, de costes e de bits.... Pais, oun soun, dens lou houlet mesclats, L'aram dous hens madus e la cante dous blats E toute aquére pats dous bos e de la brouste... E lous limpres aloums dab lous aubes eslats Hèn u nid de berdure aus praubes bourdalats. �112 — Suban you, lous tros lous mey escaduts, lous qui porten lou mey u aram de Gascougne, que soun las cinq ou chéys trobes qui séguechen : lou lin, la flahute, la crampe, Ion bielh oustau, lou semiayre, lou lum, Poutounejàyre de drôles e de liloyes. B'éy dounc béroye la fi deu sounet suòu Un : Loti coelh couhat de Un, passât au deuantau, La bielhe ans dits magrots, sou soula de l'oustau Que hialera chens ces au sou qui rebiscole. E quoan, harte de dos, bési lou soun sou-couc, S'adroumira labets abisade, Vaujole, Dens lou linso de Mu de lin blu qui-s techouc. Que disen que lous tors que paréchen au camina. Aci, tout qu'èy de dret ; nou s'y trebuque pas nat desestruguè, nade faute d'aprentis. Lou boun Diu qu'abc balhat au pouète lou dou deu debisa yumpan e musicayre. Aquet gouyat que sabè la loengue coum u bielh, coum quauqu'u qui n'abéré pas yamey passât per las escoles ; qu'abè u gous de meste ta serca e ta adouba lous acoumparès yustes, de nautat, lous imadyes de gràci e de douçou; toùt en aquet liberot que flourech e qu'aulouréye coum arroses de casau en aqueste mesade de may. Aquéres flous plâ coulourades de la prime que hasèn espéra fruts chucous d'estiu e d'abor. Lou pouète qu'ère de boune biengude e la soue abiade qu'ère proumetedoure. Quoan disè : Que saunéji louy dous tremits dou batahôri, nou pensabe pas à la periglade qui-s preparabe per las brumes deu Nord. Trop e tout, que débè counéche « lous tremits dou batahôri ». Lou praube d'et qu'abè l'ahide de droumi lou gran e darrè soumelh en u segrat de Gascougne : Qu'èy au cô la hise Que droumirey un jour débat la pèyre grise, Permou que lou repaus ey mielhe assegurat, Jous las flous e las crouts de boy dou bielh segrat. Aylas ! qu'ey enterrât en quauque cor esbarrit e incounegut deus tristes herms de Champagne, mes si lou sou cos ey loegn de la terre mayrane, lou sou soubéni que demoure sancé e que biu en Gascougne. Lou pouète qu'a cantat la Gascougne e la Gascougne que-u paguéra de tournes : nou-s desbroumbéra pas lou noum e que goardera l'amne deu sou aymadou. Nou-y abéra pas nat félibre de Gastou-Febus qui nou boulhe léye e goarda coum u soubéni oubrétes coum las de Francés de Lartigue, e tabé las de Yan-Batiste Bégarie, aquets dus yoens pouètes qui-m agrade de hica ras e ras, permou que touts dus que soun mourts ta sauba la France. J.-B. L. L'Empritnayre Mèste en pè : E. MARRIMPOUEY. � Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Patrimoine écrit occitan:périodiques Description An account of the resource Ce set contient les périodiques numérisés par le CIRDÒC issus des collections des partenaires d'Occitanica Revista Item type spécifique au CIRDÒC : à privilégier Région Administrative Aquitaine Variante Idiomatique Gascon Aire Culturelle Gascogne Type de périodique Revistas d'estudis localas = Revues d’études locales Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Reclams de Biarn e Gascougne. - Anade 25, n°07 (Garbe 1921) Alternative Title An alternative name for the resource. The distinction between titles and alternative titles is application-specific. Reclams. - Annada 25, n°07 (Garba 1921) Subject The topic of the resource Félibrige Gascon (dialecte) -- Périodiques Littérature gasconne -- Périodiques Histoire locale -- Gascogne (France) Description An account of the resource Reclams. - juillet 1921 - N°7 (25e Année) Creator An entity primarily responsible for making the resource Latourette, Louis Laborde, Jean-Baptiste (1878-1963) Pellisson, Henri Estelrich, Yan Girard, Ismael Gelizé Abadie, Pascal (1856-1932) Marrimpouey, E. Source A related resource from which the described resource is derived <p>Bibliot&egrave;ca de l'Esc&ograve;la Gaston Febus</p> Publisher An entity responsible for making the resource available Escole Gastou Febus (Pau) Imprimerie de Vignancour (Pau) Date A point or period of time associated with an event in the lifecycle of the resource 1921-07 Relation A related resource Vignette :&nbsp;<a href="http://www.occitanica.eu/omeka/files/original/e472a8c919c77eed6b76d1205b58246f.jpg">http://www.occitanica.eu/omeka/files/original/e472a8c919c77eed6b76d1205b58246f.jpg</a> <a class="link_gen " href="http://www.sudoc.fr/039860345" target="_blank" rel="noopener">http://www.sudoc.fr/039860345</a> Is Part Of A related resource in which the described resource is physically or logically included. Reclams de Biarn e Gascounhe&nbsp;<a href="http://www.occitanica.eu/omeka/items/show/2019">(Acc&egrave;s &agrave; l'ensemble des num&eacute;ros de la revue)</a> Format The file format, physical medium, or dimensions of the resource application/pdf 1 vol. (16 p.) Language A language of the resource fre oci Type The nature or genre of the resource Text publication en série imprimée Identifier An unambiguous reference to the resource within a given context <a href="http://www.occitanica.eu/omeka/items/show/2700">http://www.occitanica.eu/omeka/items/show/2700</a> INOC_Y2_10_1921_07 Rights Information about rights held in and over the resource Domaine public/Domeni public License A legal document giving official permission to do something with the resource. Certains droits réservés Temporal Coverage Temporal characteristics of the resource. 19.. Date Modified Date on which the resource was changed. 2016-06-27 Occitanica Jeu de métadonnées internes a Occitanica Portail Le portail dans la typologie Occitanica Mediatèca Sous-Menu Le sous-menu dans la typologie Occitanica Bibliotèca Type de Document Le type dans la typologie Occitanica Numéro de revue Contributeur Le contributeur à Occitanica Inoc Catégorie La catégorie dans la typologie Occitanica Documents Patrimòni cultural = Patrimoine culturel