https://www.occitanica.eu/files/original/495ed3a73ec901105b7043f65dc65c08.jpg 146999704fb8c137a5a2c14612a7e431 Omeka Image File The metadata element set that was included in the `files_images` table in previous versions of Omeka. These elements are common to all image files. Bit Depth 8 Channels 3 Height 1131 IPTC Array a:1:{s:11:"object_name";s:14:"1911 15e Anade";} IPTC String object_name:1911 15e Anade Width 1696 https://www.occitanica.eu/files/original/57bc0e3266c5b23ca245a216d79c176c.pdf 2cfaa21231984af2e4779ec08621281c PDF Text Text 26»1 Anade. May de 1922. •a- 8- CROUNIQUÉTE DOUS RECLAMS Coume ère dit que s'èm troubats, dens la maytiade dou dimars de Pasques, à la maysou coumune d'Orthez : la Rèyne, Daune O. Coustet. e u bintenat de counfrays dab lou capdau J.-V. Lalanne. En prumères, aquéste que da u grân mercés aus amies d'Orthez qui soun aquiu, en testimòni de tout ço qui hén, en Setéme darrè, ta mia en boune feniciou las hèstes felibrénques ; que balhe tabé u salut au Dou Lévrier e à l'abat C. Daugé, mandats per la bile d'Ayre. Orthez que hé hère mey que nou-ns e pensabem, Ayre que s'en tirara autapla. Puch que tourne, u cop de mey, à préme lou sudyèc de l'ensegnamén de la léngue mayrane à l'Escole prumère. E aci que decharèy parla lou nouste Capdau, permou nou saberi, tan beroy coume et, rnabe lous punts mayes de la questiou sensé desbroumba lous petits : « Qu'ey ço qui boulem, ça dits, qu'ey ço qui demandam au Ministre de l'Enstrucciou publique ? Arré mey que ço qu'en d'autes tems Jules Ferry, sus l'abis dou gran ensegnadou Pecaut, e dabe aus Bàscous. Qu'où pregam de da l'ourdi de ha apréne dens las noustes escolés lous caps d'obres de la nouste literature ; qu'aus edzamens dou certificat d'estudis que s'y hàssie léye, recita e canta en gascou. Mes, e diseran mey d'û, doun la bouque éy sarcide de bounes idées : Que haret, se oey ou douma, be daben largance d'ensegna la lengue?Abetensegnadous sapients, abet lous libes necessàris ? Que respouneram à d'aquet mounde abisat : Lous reyents de la coade de 1871, que s'at birèn pla quoan lous coumandèn d'ensegna l'istòrie e la geografie, nabères, lou dessi, la musique, las siences fisiques e naturaus. La maye part nou-n abèn pas entenut parla. E toutu que s'y hiquèn, permou que lous ourdis qu'arribaben de capsus, e permou qu'at calé e la loue Obre qu'estou puchante autan coum moudèste. Qu'abém hidance dens-la balentie dou cors ensegnadou. Lous reyents de Gascougne que soun toustem estais dou bou péu e n'an pas dòude hà-s'y. E puch, qu'èm desbesats ! Race que racéye ! Nou sera pas lou dit que Biarnés e Gascous se daran bergougne d'èste ço qui soun ! » Aqueres paraules de sens cla, aquere respounse dou Capdau de Gastou-Febus aus mourgagnayres, qu'ey arcoelh.ude dab gauyous patacs de ma, e, truc sus l'ungle, ue dépêche qu'ey embiade au ministre biarnés, Berard, au noum de l'amassade : « Que las obres classics biarnéses e gascounes sien estudiades à l'Escole prumère ; que la léngue e sie agradade coum matière à �— 66 — oupciou taus candidats dou certificat d'estudis primàris, tau brebet superiou e tau baccalauréat. » Bederam ço qui-n sourtech ! Puch que s'y passe à la seguide de l'ourdi dou die. Mous de Marrimpouey, lou nouste emprimayre, qu'assegure que lou recoelh de « Pouesies gascounes » qu'ey débat prémse e que l'auram ta las hèstes d'Ayre. Simin Palay que-ns apren qu'à Pau que bié de bade ue Escole naciounau de musique mestreyade pou musicayre G. Mirât. D'are enla que s'y cantara las cantes poupulàries coum : Lous Esclops, Aqueres Mountines, Roussignonlet, Dus pastous à Voumbréte, etc. Lou dinerè, Mous de Laborde-Barbanégre, que da counechénces dou bou e dou mau de la dinerole. Que prègue, que toutço qui ey aryent, qu'où sie mandat, e sounque à d'et medich. Ta esbita la mesclagne dous abounamens que deciden, sus la demande de Simin Palay, que l'anade febusiène que coumensara en Setéme. Lou n° i que sera lou de la felibreyade. Que s'y batale encoère de councours, de prêts e de Yocs flouraus. Lous yocs d'Orthez n'an pas countentat, que s'en manque, bère troupe de lauréats. « Qu'ey ço qui bòu dise èste hore-councours ? » e dits Mous de Daugé. E lou capdau Lalanne dou ha : « i° Lou hore-councours qu'ey lou prumè de touts. 20 Lou qui ey boutât hore councours n'a pas mey à présenta coumpousicious de las- soues. » Sensé mey, aquet aharot qu'ey tirât dou puchéu. Mantu counfrays, en béde l'endoum dous prêts, balhats cade anade per l'Académie dous Yocs flouraus e l'Académie d'Ays, que s'abèn pensât que, tout parié, l'Escole Gastou-Febus que pôuderé abé foundacious s'ère, coume aqueres soucietats, declarade d'utilitat publique. Perque nou ? A l'entan Simin Palay que proupose de yunta au titre de la nouste assouciassiou lou de : obre d'educaciou poupulàrie. Aco que-s permeteré, pou méndre, de biadya à 1/2 place, quoan bam ta las amassades. Qu'arribe puch la coénte de las counferénces de rEscolejiaLirmale de Lesca. Que soun abiades e que-s perseguéchen. L'aute semane, Simin Palay qu'y debisabe sus lous Cants biarnés. La segounde batalère d'augan que sera hèyte per Mous Yan de Tucat sus : Quin s'y eau gaha ta hica de pès ue istorie de biladye ; e, la tresau, per Mous d'Eyt sus lou biscoumte Gastou-Febus. Après aqueres discutides ou arrenyamens qu'en èm aus plans à tira sus las hèstes d'Ayre. Aquéres hèstes que-s harén lous 3 e 4 de Setéme. Lou Dou Lévrier, l'abat Daugé e lou capdau Lalanne que couménsen de planta quauques paus e enségnes. Qu'en debisarrm chic à chic, quoan y ave causes segures e soulides. Tan �- 67 per tan s'anounçaram qu'u pa de pèces que-s yougaran sou teatre de la course: i" Lou Labadé, coumedie de l'Albijés ; 1° Lou Bartà, coumedie nabère de C. Daugé. L'ourdi dou die qu'ey echugat. Qu'èm au truc de la gahe. Que s'en bam doungues disna, de coumpagnie, lous counfrays doun èy deya parlât e Darclanne sots-capdau de Lanes, Baudorre, LasserreCapdeville, Balagué, Girard, lou lauréat de 1921, e d'auts encoère, dab lou dègrèu que la nebarrade d'aquéstes dies, e tabé la mauadretie dous camis de hèr, n'ayen pas dechats biéne hère d'amies, coustumès de l'amassade pascoau : lou sots-capdau Laborde, Abadie, A. Lacaze, Bernès-Lasserre, Dou Meliande, Carrive, Cantou, etc. Que hèm puch tours e birades au pè de la tour de Mouncade, que toucam de mas aus ourtesiens de ley : E. Larroque, Seillant, E. Moulia e ballèu qu'èm à Fore dou tri. E, coum dechabem la ciutat de Gastou-Febus, e puyan sus la cabale nègre, se despachabem d'atégne la ciutat dou nouste Henric, Pau la gayhasénte e l'arcoelhénte (oun lou sé debèm èste de la serade biarnese qui mentabém aulhous), coum passabem au mey courre daban lous endretous esparricats à l'arrayòu : Argagnou, Artics, Dengui, Lesca, ue bouts d'aussalés, la bouts dou nouste yoen amie Casassus, que-ns ayumpabe, que s'ennayreyabe clareyante sou brounitdou cami de hèr. A l'audi, que-s credèm partits ta capsus, ta la balée merabilhouse, taus penents encantats dou pic d'Aussau !... M. C. •t 1 -TQg» NABETHS Mme Mlle Mlle Mlle MM. »• COUNFRAYS Marie Thiery-Lietot, 2, cours Camou, Pau. Larregain, à Nay (B.-P.). Marie-Charlotte Brouzeng-Lamouré, à Bizanos. Marguerite Labadie, 31, place Meynard, à Bourdèu. Daguerre, Sots-Préfet d'Orthez. L. Grand, Pensiou St-Yan-Baptiste, 26, carrère Bâche, Lourde. Dalès, coeyfur, à Ayre-sus-Adou. De Cours, sergent au 160 Rég. de Tiralhurs Tunisiens, C. H. R., sectou poustau 131. Cassagneau, adjudant-chef, T. d. E., Sectou 607, Antioche. Abat J. Larbonne, 31, carrère de la Founderie, à Toulouse. Lacau, goardia de Presou, à Lourde (H.-P.). Capderou (Jules), reyent, à Mirepeix (B.-P.). L. Maisonnier, aboucat, 22, carrère Montpensier, à Pau. Auguste Pardies, prouprietari, à Bielle (B.-P.). Robert (Abat), à Buglose (Lanes). Vispalie, noutari, à Cazaubou. Dou Pierre Baudot, à Gan. �— 68 — POUESIE QUOAN BIÉNGUE L'AYMADE... Que sera per u bèt die primaberau d'abriu, tèbe e 'sclarit, cap à l'ore bermélhe oun lou casau tout mout de l'arrous dou matiau, aus poutous dou sourelh àplasé se desbélhe dab rebalays d'ausèt e dab brounits d'abélhe. Quauqu'arré dens lou zo 'smudit que-m disera que Vaymade nou pot mey are tarda hère : é 'nta troumpa l'agoey qu'anirèy demoura sou pour ta! è de Case, argoeytan la barrère qui sou houns dou casau e da sus la carrère. Coum u roumiu qui mantu cop e s'esbarri se bire au cap dou biadye, are l'amne seréne enta 'spia lou cami courrut dab tan de pêne, tabé que-m birarèy en béden s'esclari darrè you lou Passât à lamgauyou de l'ore. E quin s'esgaudira, coum you, tout per dehore ! Qu'audirèy dens lou fresc ayret cargat d'aulous, entremiey xi puchan anyelus de camp an e l'esquirou cla dous agnerous cap-bat la plane... La yèrbe que sera coum nebade de plous e lous arbes oundrats d'ue dentelé blanque. Tout près de you, perdut au bèt soum d'ue branque, uptnsa qu'esgroara sa cante à l'ayre blous : u rebalay yumpan qui poc à poc m'arraube e qui-m hè desmoumbra lou loc e lou moumen... Mes d'u sacat, que-m lliebarèy lou co fremen, e daban la banère ardoulade d'espiaube, en plé sourelh, qu'arrayara sa blanque raube coum u gran liri blancparescut souptemen... Que courrerèy coum u bariat decap à d'Ere ;. e que s'abançara, hade de Primabère, per débat dous poumès e cerises en flous. Puch, me miran tout doucemén dous sous oelhous, que s'en arridera ta-m dise la permére < Aci que soy. > Mes you, tout d'u cop bergougnous, caden de y oui lis daban sa gràci d'irounglete, sounque que boulerèy, dab lous pots esmabuts, poutoa soun amne au bord de sa raube de luts e per amou, mouri-m aus pès de ma Reynete... Mes Ere que-m hara Iheba de sa manete ; e s'emparan à you, toute, d'u yeste choau que dechara cade à plasé sus moun.espalle sa tèste qui lou peu e couroune d'or palle... Que la-m'en amiarèy atau cap à Voustau, de senti-la a la fi mie, Vamne sadoule; c lou sourelh. au loung dou sendè dou casau, darrè touts dus, nou hara mey qu'ue oumpre soûle ! ("Parla de Biarn) Yan de BOUZET. �— 69 — AL-CARTERO (D°« LACOARRET) Lacoarret e Al-Cartero qu'ey lou medich òmi e lou medich nourri, soulamen l'u qu'ey lou noum bertadé, birat de dret, e Faute qu'ey lou noum cap-birat e entourteligat ta ha serca lous curious, coum bère cause berdiuse-berdause. Lacoarret n'ey pas badut à Salies, mes autan se bau : arré-hilh de la balée d'Aspe deu coustat deu sou pay e d'ue bielhe familhe salière de las parts de sa may, qu'a passât lou sou tems de maynadè e de yoentut au bord deu Saleys, e si mey tard la bite Fa miathore de case, lou cô, l'esprit, lou cap, e la loéngue que soun demourats toustem biarnés. Nou soun pas touquéns lous felibres qui an lou plasé coum Al-Cartero d'entene canta lous lous bercets per tout u parsâ, per tout u pèis. Que-m soubiéni d'abé leýutla susprese d'u yournaliste, qui passabe u cop per Malhane, en beden que lou canalhè de las escoles nou sabè pas u quiti mout deus bers deu gran Mistral. A Salies, lou canalhè e tout lou mounde que-b pouderé dise mant'ue cante d'Al-Cartero e quoau éy lou Biarnés qui nou sapie ha peta lous piqnetalos ? Lacoarret qu'ey medeci, e coum semble esta de tradiciou en Biarn, dab lous medyes Gassiou, Bordeu, Mayniel, ta nou parla que deus de quauquecop, que sab maneya lou calam dab autan d'aysiè que la lancete. Qu'ey pouète, e pas u pouète de mendre traquete. Quin l'a gahat lou branc de rima? N'at sèy pas, mes qu'a escadut la semie à la lue nabe elou sou casau qu'ey tout en bertut: flous e fruts que-s toquen, flo'cs aulourens e fruts chucous. Qu'a hicat suòu taulè dus brassats de las soues pouesies. Au mes d'abriu de 1901, qu'a heyt pareche enso de Privât, à Toulouse, Au péis berd, libe de nautat, qui hère chic poden estrussa sus la taulete deu lou libiè, permou n'esté tirât qu'à u centenat d'exemplaris. Aquiu dehens que-y a bers de printems, cantes d'amou, sounsèynes enta ue, enta toutes, bercets oun cade bile de nouste ey mercade d'ue cante sabrouse, mes so de mey escadut, suban you, que soun lous bercets salies ; so qui dits aquiu lou pouète, qu'at a bist, qu'at a sentit au houns deu cô, e lous bers qu'arriben dab abounde, escarrabelhats coum pinsâs. Espiat la tuste de bielhotes per las carrères de Loumè ou d'Andioque : Sedudes sus sencles cachétes, L'air entenut e las lunetes S'ou cap dou nas, Que passen la bile en rebue... Lise que-s orb la tabaquère, Puch à panât Qu'en pren ue boune sinsade, En guignan ta la cantounade. Lou coth plegat. �— 70 E si parlam deuspiquetalos, deus csỳardagnayrcs, de la coumplente de la Mude, que-b respouni que lous 'bers aquets que soun deus qui arrèquen de dret, nou sorten pas d'ue arque d'estoumac bouharoque. En 1906, toustem enso de Privât, Al-Cartero qu'a publicat P'ou biladye -1- Paysds. Aci, de cap à cap qu'abém ue cante en l'aunou deu mounde de nouste ; tout que-y passe, las bourrugues e las flous. Qu'entenem aquiu détiens ue bouts puchante, masclude, qui respoun chens met ni bergougne aus mesprets, qui souben sorten de la bouque deus bilanès decap aus truque-tarrocs ; lous titres soûls d'aquéres trobes : Concanls, Eschucs, Aganids, Hamalegs, Pathoqs, qu'amuchen que lou pouète n'a pas abut pòu de ha craca lous moûts tilhous e nerbious. Nou counéchi pas hens la nouste literature biarnése quauqu'arré d'autan pouderous, d'autan masclut ; lous bers aquiu qu'an pouguet, nou bad.inen pas ; que peten coum arneguets lous crits en fabou de l'òmi de la terre : O rasse de paysâs, rasse tan mespresade, Rasse de grans cathuds lèu de tout desbesade, Plagne qui-b hé, houdedous e bouyès, Moundot dous cams, pique-talos, maryès ! Que soun de bonne tilhe aquets porte-esclops : Débat lou yuste ou la chamarre. Toutes e touts qu'èm couraluts E sâs coum au bosc la gabarre... Quin troubat lous noustes gouyats E sustout las noustes gouyates ? Asso qu'éy madurat au sou, E n'ey pas mesture eslouride, Asso qu'ey frut, asso qu'ey flou ! Escoutat lou truque-tarroc tira quauque trufe decap au plâ-esta souben troumpiu de la bile : Yen de la bile e mestieraus, A boste tout qu'éy charmatori... Arride que-ns hèts lous cachaus Entio la caus, Dab lou boste beroy bantori ! Tout so qui lusech plâ de grat N'éy pas d'aur e debath la taule... A boste bahide lou gat Decap au plat N'a pas tapauc tout so qui gnaule ! Qu'espiam passa la seguelicoude deus barruès, deus caminayres, deus qui lou mounde coum eau espie de biscor : lou mandicant, lou bastard, lou bouhèmi, toute aquére coucardalhe que cride la soue misère, mes tabé la soue grandou. Puch, au darrè, qu'enteném �— 7i — lou sedassayre, lou perrequè, lou tarrissè, apera per las carrères e lous ahitaus, ta ha sourti las daunes : « Téle, sedas, hòu ! » La bioque de case, leyt, garbure, chingarre, .burguet, que hè biene las aygues à la bouque e l'aram d'aquere cousine, adoubade d'alh e de sébe, que flambouréye coum per bet matiau de péleporc. Nou s'a pas desbroumbat arré lou cantadou deu biladye, ni lou bestissi : berret, chamarre, cinte, esclops, ni lous arnés : l'aguIhade, l'aret, lou bros, etc. Tout que-y passe. Nou s'apère pas aco aygue sucrade ou piche-bernat ; qu'éy bî moustous, coulourat, d'aquetqui balhe calou e bite, nerbi ebigou. Lou pouète saliè n'a pas pòu de ha brouni lous moûts qui tnnglen, nou hique pas ue trabe à la loengue, nou s'en passe pas las bertats bertadères hens u miey passe-cot. Riales que soun lous qui tuten dab lou bouhet d'Al-Cartero. Bercets coum lous sous nou soun pas siulots de canabère ni sounsèynes de clari : que soun tutéts de coéyre, de cornebouqui, anilhets nerbious ; atau que debèn canta lous bardes antics qui miaben lous omis à la lute, au coumbat, qui hasèn lusi lous oelhs e bouri lou côdeus qui anaben mia la batsarre batalhère. Lou bèrs de Lacoarret n'ey pas enlouch e cargat d'alounguès, mes goalhard e sarcit coum u tros de peyre-hoec. La soue loengue, pusade à la houn salière, qu'ey eschenye de francimandalhes. Lou rythme qu'ey toustem yumpan, que cambie ballèu à cade trobe e nou pot pas esta mey plâ ayustat à l'idée. Très ou quoate troussots de pouesie coum lous d'Al-Cartero que sufirén ta goarda lou sou noum coum l'u deus mayes caps de nouste, e que-y a ue sarrabanténe de pèces atau cabbat aquets dus libes. Ta quoan la seguide proumetude : P'ou Biladye — 7/. Campestre ? Al-Cartero qu'a esprabat, si dits en claban la soue darrère obre, de-s ha l'amne paysane, e, si nou si éy pas escadut, que balhe per counselh aus leyedous de Salies : Renégats-me ! Diséts atau : Qu'aqueth Al-Cartero, biboste, N'estou pas coad yamey per boste ! Oh ! si. hòu ! gouyat, qu'ès estât couat per nouste, que n'as poupat de la boune, e Biarnés qui desquilhen coum tu la loengue escricade de las may-bounes, nou-n counéchi pas à fanègues. Nou soun pas adarroun lous qui aymen la nouste terre dab aquét arséc e qui sapien canta atau de .boune gane so qui balhe au nouste Biarn lou sou ana, la soue parure e qui porte coum aquets "bercets lou sinnet d'u Biarnés cap e tout. Diu me dau ! si la hade de la Houn de Salies éy mude, que eau coumbiene que n'a pas acoumanat lou sou mau aus gouyatots qui an après à ha à la canique à l'entour d'ère. Nou, per ma fé, que n'y a per aquiu da plâ emparaulats ! J.-B. LABORDE. �— 73 — ALLEGRIE, ALLEGRIE 1 Allegrie, allegrie (bis), Allegrie, Diu nou-ns dou! (bis) Qu'an passât Bielle y Bilhéres Y las planes deu Benou ; Diu mantiengue aqueste taule Y lou meste de la maysou ! Oh y lou coth de Marie Blangue Y lou boy deu Barescou ; Oh y tabé las cousinères Qu'en se hèn de bou boulhou. Oh y lou poundet de Sarrance Y las lanes de Bedous. Eths que-ns hèn ha boune chère Y nous auts que-us hèm l'aunou. Quoan estén à Peyrenère Aquiu pausèn lpus dragous. Enter Brudges y Coarraze Oh y lou bourdalat d'Assou, Noeyt y die qu'en tribalhen, De l'argén j'en gagnen prou. ( Var. : Lous d'Aygoun y de Lestelle Lous deu bourdalat d'Assou,! Trente 'n soun de camarades, Touts soun pentinéus mignous. Quoan n'an prou de la mounède : « Coumpagnous, retirém-nous ; Rétirém-nous enta case Enta las noustes maysous ; Que s'en ban sega ta 'Spagne, ( Var, : Que s'en bolin i ta 'Spagne), Tau reyaume d'Aragou ; Que las hemnes n'abém grosses Y lous enfans petitous. » (Aquére cante qu'ev estade amassade e noutade au péis d'Aussau, au més d'abriu de 1921, per M. J. Poueigh. Que-s cante au disna de las nouces e qu'éy tabé u air de passe-carrère). •s . . éssxm — s- LA DINEROLE Souscripciou enta ha mayemén beroys lous Yocs Flouraus d'Ayre. MM. X. de Cardaillac, à Duhort-Bachen Balagué. à Baigts... , S. Lacoste, à Pau. . r D Lévrier, à Ayre Arripe, préfet ounourari, à Alger Prat, à Mountardou Amasse Darrère listre Amasse dinque à oey lou die 10 10 10 10 10 5 » > > > » > 55 > 161 50 216'50 �— 73 — ÇO QUI CAU TA HA TEATRE Qu'ey ço qui-s prepause l'òmi qui bòu ha ue pèce de teàtre ? Deberti lou mounde ou ha-u ploura ou, tan per tan, da-u ue boune pause, mes de toute fayçou plasé-u, en l'amucha u tros, gran ou petit, de la bite bitante. La pèce que pot préne aquet tros de bite coum ey, ou coum pouderé esta. Nou pàrli pas, de segu, de ço qui apèren féerie ou ballet ni de las pèces de fantesie oun s'y tribalhe taus oélhs e nou pas ta la pensade. Aco, n'ey pas ta nous auts. En toute escadence, que eau que lou spectatou que-s trobe daban ue hèyte qui l'empougne l'esprit e lous nèrbis e lou hàssie créde, per u moument, que ço qui bet qu'ey bertat e qûe-s passe ou s'ey passât tau coum se debire aquiu. La permère de las causes dounc, ta qu'ue pèce de teàtre que-s tiengue e que porte qu'ey de ha entra, sourti, marcha, tourneya lou mounde coum si-s passeyaben per terre e nou pas sus u taulè. Ço qui aperam las scènes, que soun las tempourades de la marche de l'acciou, quoan u persounàdye s'en ba ou quoan gn'aute entre ; que dében esta ligades e, ta-m serbi d'u moutde mestié, puya ,1'ue sus l'aute en ha toustém aumenta la hide, l'interès dou qui 'scoute. Si l'atenciou cad au cours d'u acte, tant de fichut ! La pèce qu'a ue pèque, ue manque : nou ba pas mey. Ta-s bira d'aqueres mâchantes passades lous autous qu'an u sarrot de trucs au lou serbîci. Qu'ey ço qui apèren las ficelles. L'aha qu'ey de las ha passa chenstrebuc, chénse que s'en apercébien. Lou segound punt. qu'ey lou parla ; mes aci la counbenciou que da mey de lésé. Arrés nou s'estoune si lous actous parlen en bèrs e toutu lou bèrs n'ey pas lou lengàdye de tout die. Mes despuch toustem ença qu'ey estât atau ; Que s'y èm hèyts e l'abitude qu'ey prese. Per aco, en bèrs coum en prose, que-s eau goarda de parla en balles. Quoan èm cap à cap dab u coumpagnou, que disém hère de causes cuta passa lou temps, qui n'an pas soubén arré à béde dab l'aha qui-ns intéresse, quoan sera dous mey surious. Au teàtre, si parlabem atau, qu'aurém biste hèyt de harta lou mounde : nou eau dise que yuste ço qui nou-s pot dou mendre e nou pas mey. Beyat las pèces qui soun cap-d'obres; sayatd'en ha sauta ue scène, ue frase, nou y a pas manière ! Esperimentat de ha aco hens ue pèce de Molière ; aquiu, nou y a pas u mout de trop ; pas ue entrade, pas ue sourtide qui nou sien necessàris. Qu'ey lou moudèle coumplit de ço qui déu esta lou teàtre; e toutu qu'ey ancien !... �— 74 — N'ey pas encoère tout. Au die de ouey, lou mounde que soun pressais e secs. D'autes cops qu'ère coumbiengut que lou persounàdye de teàtre que poudè pensa tout hort daban lous qui l'escoutaben e dise-n tant qui boulé, toutu quoan estere tout soul sus la scène. Adare, si hasèn atau, que badalharén. Las patricoles que harten e lous sermous tabé. « E sabét, si disè u òmi de letres, perqué truquen de mas au darrè d'ue loungue tirade ? « - ?... « — Qu'ey dou plasé de la béde acabade ! » Amies qui boulét ha teàtre, pensât à d'aco. Sarrat lou prousey ; hèt lou dialogue brac e biu ; qu'esperlite coum ue lègue seque quoan lou bouhadé l'ahisque. Nou eau pas que lou qui 'scoute qu'àye lou temps d'aleda ; dechat-lou penut, coum disen, aus pots dou qui debise. Si debine ço qui ba respoune, ço qui-s ba passa, tant miélhe ! Quoan lou qui 'spie e qui 'scoute yogue et medich, que bouy dise quoan ey en toute sa pensade apariat dab lous actous, qu'ey urous. Si s'en arrit ou si s'arisse d'abance, qu'ey segu que la pèce qu'ey pla hèyte. Mes aco n'empache pas dou youga quauque tour e, au moument oun cred d'abé debinat, d'où sourti de la coulisse u aha qui n'atendè pas brigue. Aco tabé qu'ey bou teàtre, mes lou tour que deu esta pla yougat e n'ey pas soubent aysit. U cop de rantanỳlam ta fini qu'ey toustem arcoelhut dab plasé ; que-u eau da biste e beroy. Per quauqu'arré que l'apèren lou bouquet. Or, u bouquet b'ey ue garbete de flous arranyades dab u art sapiént qui n'ey pas lou hèyt dous malestrucs... Dinqu'adare, las counbencious qu'an hèyt partadya las trayedies en cinq actes e las coumedies en très. Pusque l'usàdye ey atau, on que s'y pot tiéne, mes nou crey pas que nou s'y pousquie pas ha de bou tribalh dab gn'aute payère. En dus, très, ou cinq actes, l'aha qu'ey de plàse. Ço qui biéni de dise, be-b pensât pla que nou m'at èy pas tirât dou me sicap. Qu'èy leyit e bist hère de pèces de teàtre, debisat dab autous, dab actous e dab critics ; qu'èy sayat de-m soubiéne de ço qui èy poudut apréne, au mens de ço de màye. Si pot ha serbici aus amies dou nouste teàtre, au moument oun semble desbelha-s, n'aurèy pas perdut la pause. Simin PALAY. �— 75 — COPS DE CALAM Gras coume u porc. U parelh d'escouliès que s'en tournaben de Tarbe t'Arguilès. Que-s passeyaben, pets prats enla, quan arrencountrèn à ra Barraquete, ue paysante qui lous counechèue de petits enhore. — Guère, guère! s'ous digou, qu'èt dounc athèu, maynats ì Quinemine que t'as hèttu, hòu, Toutou. Hilh dou diable, b'ès gras coume u porc ! — Hémne mau aprése, nou bouy que-m parlet atau, ça arrespounou Toutou, enfurounat. — O, nou t'agoèyes pet ço qui t'èy dit, maynat. Nou dey gras qui bo. Guère et tué amie, praubot, nou dey que bras e cames e que sémble u sautarèu bestit. B'ayri pla besougn qu'où désses drin det tué lard. Bén, Diu l'engrèche coume tu, pet mau qui-t bouy. Sus aquet bèt souhèt, Barraquéte que s'en anè aban qu'ets escouliès aboussen décidât se calèbe arri ou fachà-se. (Paria de Bigorre) Yan de BOURDÉTE. B'ère timbrade ! « Poline ! — Madame. — N'ès pas éntrade à la crampe ? — Si fèt, madame. — Ne-m as pas bis ue létre aqui toutare s'ou burèu. — Si fèt madame. — So que s'é hèyte. — Que l'èy boutade à la poste. — A la poste ? — Oui, madame. — E qui-t a dit de l'y bouta ? — Que-m souy pénsade qu'ère ente la ha parti. — Es pègue ou qué < — B'ère timbrade. — Timbrade, o ; me ne j'abèy pas boutât l'adresse. — Madame, que-m souy pénsade ne boulèts pas que saboussin à qui boulèts escribe. > (Parla de Lanes) C. DAUGÉ. RECLAMS DE PERQUIU Lou Teatre nouste. Aquéste diménye cabè (26 de heurè) lous amies de Maubourguet, en bâche Bigorre, ayudats per l'ourfeou que daben ue serade. Coum b'at poudet pensa, las aurélhes que s'y plasoun e nou s'y plourè brigue. Granet (Pansard). Dupuy (Lamagrère), Daune Th. Laterrade (La Catinou), qu'en aboun à desteca dab lou mèste Pascau d'Abadie mey d'ue peguésse : Toutu las peguésses qu'ayden à bibe. En fi de brespade, qu'estou coumbiengut que Pansard e seré yougat per la soue troupe à Plasénce d'Armagnac e à Bordes pou tour d'Abriu e de May. �- 76 - Coume cade més lou Patrounadye de Samatan, en bach Couményes, que hasè musique lou 19 de heurè. Qu'y biengoun hère de mounde, e coum de coustume, au prougram, que s'y hé audi ue bère seguide de cansous ; que calou canta dus cops : Lous Esclops e, ta l'acabade, que youguèn la beroye pèce de H. Dambielle : La Longue trabade, oun réde s'esmeliguèn d'arride. A la memorie de Yan Batiste de Begarie. Lou dilus 17 d'Abriu, sus las nau ores dou sé, aus salous dou Grand-Hôtel à Pau, que-s hé ue piouse ceremounie en moumbrance dou pouète de Pountac, mourt à la guerre. A l'embit dou Dou Sabatier, e dous felibres Palay e Camelat, qu'abèn hèyt rampèu decap à cent cinquante persounes. Qu'ère u gay d'abisa, pou miey d'aquére crampade de mounde de ley, l'ouncou Begarie, prumè mèste e segoun pay dou défunt, la soue serou Daune Balagué, lou sou fray caddèt Charles de Begarie, lous sous tagnents, Mou* de Hoo-Paris, counselhè yenerau, Yan de Tucat, reyent à Espoey, e, dab ets, u bèt ahoalh de felibres. Lou Dou Sabatier que digou, en pouète, la bite tan courte e tan nouble dou cantadou, la soue mourt, mourt qui s'abè cercade, pusque sourdat dou serbici auxiliàri, abè demandât à passa dens lou serbici armât e à parti tau frount. Lou noum d'aquet maynat, qui abou de d'ore lou pés, la rasou, lou boulé d'u ômi hèyt, nou pod desbroumba-s e ceremounies parières qu'ayudaran à-u ha counéche de la nouste yoenésse. Mercés au Dou Sabatier ! mercés à la soue neboude, Mèle Fraysse, qui cantabe dab hère d'amne la '< Pregarie à Stc Estéle ». L'obre de Begarie nou périra. Simin Palay, qui en quoate moûts agradius presentabe lou counferenciayre, que digou : Las Bolcs dou bielh Pourtau, lou Fusilh, e lous adius de Camelat au pouète défunt. J. Casassus e A. Baudorre que recitaben tabé sengles pèces; u die d'aquéstes, que coundam de las poudé hica en létres de moulle. La serade biarnése dou 18 d'Abriu. L'endessé, l'assouciassiou Bourbaki que-ns e dabe ue hèste de dises, de cantes e de teatre, toute sancére en biarnés. Lous coundes e dises qu'estoun miats pous mèstes : S. Palay, Seillant (biengut d'Orthez), Serraplaà (arribat d'Aulourou) e las cantes, pous agradables cantayres : Narbout, Pitangue e Solans. Las pèces qu'èren : Lou Franchiman, qui n'abèn pas entenut à Pau despuch dies, e ey toustem arcoelhut dab gauyou, Lou Crit de la Race de Costedoat, aquets dus actes trebatents oun passam de l'arride, à la rencure e à la doulou. Hens toutes dues, lous actous que s'en tirèn à las merabilhes.. �— 77 — Nou souheytam qu'ue cause : que s'y tournin ! E bessè, la biste dou teatre, cougnit dinque aus trebatèts, qu'ous y poussara. Pusque lous paulins s'y plasen, à d'aquets yocs nabèts tad ets, nou sie aco ue arrayade au miey d'escures brumalhères, meylèu la prumère d'u loung seguissi de yournades de luts. Que d'aquets gouyats de l'assouciassiou Bourbaki, dous yougadous, coumpousitous, cantadous, qu'en sourtésque, cop ou gnaut, la troupe qui déu mia la léngue counquesidoure, de ciutat en ciutat, capbat Biarn e Gascougne. Enço de Daune Clémence Isaure. L'Académie de Toulouse que bié de flouca de l'ulhet : Quoan biéngue l'aymade, la tan bère pouesie dou cantadou Yan de Bouzet. Qu'èm fiers de hica-le oey en létre de moulle dens lous Reclams. Emillien Barrèyre, tan souben mentabut, que-s coelh tabé, augan, u aperet d'arrose musquéte (eglantine),pou sou pouèmi : L'Entounanse dou marin. Ta touts dus, lous noustes amistous coumplimens. L. R. LOUS COUNDES GAUYOUS LOUS BROCS I. — Lou praube Cadichet èro un orne pla malurous ! Bielh, crouchit, mès de poulhs que de dinès, e, per dessus lou marcat, la mès machanto gusasso de henno, que se pousco bese. Quino henno, moun Diu ! Machanto, fenianto, bèstio, cap bourrudo coumo uo saumo... un pousoun, que ! Lou Cadichet s'y beseuo las peyros, e poudeuo pas dise arré : talèu un mot à la bouco l'ome, talèu lou palohèr à la man la henno ! Que disen que la machanterio hè béngue bielh. Taplan aquero diablo de henno gahèc un sé uo machanto frescuro, e se boutée au leyt. Y hascouc uo bito, ac poudets pensa ! e un bèt maytin, la bijarrèro l'estoufèc ! Lou Cadichet gaytauo ! Talèu que cresouc d'aué bist lou darrè badalh : « Saquela, ça dits, aquéste cop, guso, que-t tiéngui, ja I >) II. — E à hutos decap au Truco ! Lou Truco lou bouleuo bien hè la cacho, mès lou demandée cinquanto francs ! « Cinq pistolos. ça dits lou Cadichet, enta encacha uo henno que bau pas soulomen cinq sos !... Me herèy la cacho, joui », ça dits ! E s'en tourno, Aueuo quaucos bielhos planchos toutos querados... Mes de traucs �- 78 - que de boès, que ! N'amasso très ou quoate, ressego, chasclo, truco, adoubo, e à tròssis e à boucis hè quaucoum que semblàuo mes lèu uo cremèro qu'uo cacho, e, biste, clauo la henno deguéns ! Hè embita sop sec parens e amies, e l'endouman maytin, hè l'enterromen. III. — Ent'ana au cementèri, caleuo passa per uo machanto camiolo touto hango, touto traucs... Astan bau dise uo sento, talamen las sègos, que digun y toucauo jamés, s'aueuon arrougagnat tout lou camin. Lous praubes carrejayres haseuon mes atencioun à se hè pas esquissa las aurelhos per las gardauèros, que nou pas à marcha de dret, e la Cadicheto s'en anauo de dreto e de gaucho, d'uo sègo à l'auto, qu'èro uo pietat ! A forço de hè aquet manèdye, un brabe broc, en arroussega de countro la cacho, rencountro un trauc gran coum lou pugn, s'y hico, e qu'où fout à la morto un pic de tras las cousteletos, talomen tant que la desbelho !... -La cacho cay, peto, la Cadicheto n'en sort en hè un sabat d'infèr !... Creseuon lou mounde de bede lou diable !... E poudets pensa se y auouc uo poulido panico !... Lou Cadichet n'en manquèc debengue hol ! Taplan, coumo ero estaubious, s'amassèc la cacho, la pedassèc, e la pleguèc sensé dise arré. IV. — Auèuo rasoun. La Cadicheto, que s'en ero toutjour sabut mau d'aquet enterromen, èro demourado un pauc féblo, e, un brabe dilus, passée en tout crida soun ome ! Lou Cadichet tourno prengue la cacho, y embarro la henno, bouto ches doutsénos de puntos, au mes petit cap, enta hè bien téngue lou barradé, clauo la porto e s'en ba ! Toutu la neyt demourèc dehoro ! Lou dimars maytin, lou Bourtoumiu, en arriba au cementèri enta hè la hosso, se recounegueuo pas. Las sègos qu'èron bien coupados, demourauo pas un broc sou camin e à cops de dalho e de besoulh, lou Cadichet acabauo de hè tout néte coumo uo carrèro de bilo. V. — « Yè, que foutes aquiu, ça dits lou Bourtoumiu, es pèc ou que 1 — Ac béses, ça-u dits lou Cadichet, neteji lou camin. — Yè, perqué ? — Yè, enta l'enterromen, pardi ! — Trufandè, bèn ! Pari qu'ey enta hè aunou à la Cadicheto qu'as hèyt tout aquet trabalh ! — Oèro, ça dits alabets lou Cadichet, aquets canalhos de brocs l'an desbelhado lou prumè cop... lous ey touts coupats ! Atau, saquela, aqueste cop la decheran drome, belèu ! » (Parla d'Armagnac) X. PEREZ. �— 79 - LOU DOU DOU LENGADO 9 de Yulh 1907. Lou Lengado qu'ey en dôu : très dous sous yénces hilhs : Marcelin Albert, lou cardinau de Cabrières, Ferro.ul que biénen de-s mouri. Despariès d'adye, de reliyou, de familhe', d'estat, d'entelliyénce, mes baduts toutstres de boune race paysane, que goardaben dous lous ayòus la biste clare de las causes, l'arcoelh gracious, lou paraulis aysit e tringlant, l'amou de la léngue e dou brès, e per dessus tout aco, la fé dens l'ahutade. N'ey pas l'ore de dise la loue bite, mes, u die,qu'aboun touts très la loue bère place dens ço que Yan Fournel aperabe « u acte de la balentie dou Mieydie»; qu'ey u debé de s'at broumba. Qu'èm en 1907. Lou Lengado qu'ey roeynat permou que lou bi de la bit qu'ey remplaçât pou bi de fabrique. Albert que da lou branlou de las biahores. Au 9 de Yulh, sèt cents mile pè-terrous qui-u seguiben, qu'èren à Mountpeliè. Qu'emplien l'Esplanade, lou Peyrou, las carrères, lous oustaus. Qu'en sera de lanoeyt? L'abésque, de Cabrières, que coumande d'aubri las glèyses au pople ta que lous maynats de Lengado sien à l'acès. Etsémple d'uniou sacrade, sèt ans abans la guerre ! Lou medich die, Ferroul, lou gran mayre de Narboune, que dits lous moûts de qui claben, que hè lou sinne de qui eau (e ferroul, barroulh, que.déu èste u noum seguramen semboulic) que barre la porte à toute eslurrade. Autalèu que Marcelin Albert s'ey carat (Albert, òmi simple, que-s debè decha gaha per las urpes de Clemenceau, lou Tigre), que-s lhèbe heroudye e espiats, de chic ou de hère, ço qui dits hens aquet bèt die à Mountpeliè : Pusque lou Goubernamen, auloc d'ayuda lou qui tribalhe, d'abriga lou qui hè bade, nou a tad et que miasses, impos qui praben, presous; pusque roeynats per la fraude nou poudem pas, tan per tan, dab l'obre dous noustes bras, gagna-s lou pa de la familhe, arrè ! aquet machan Goubernamen nou lou boulém mey counéche. « Que eau qu'abans de très dies, hore de trahisou, nou y-aye nat mey counselh municipau dens lous quoate departamens federats. Lou Mieydie, are que s'estangue de parla : Qu'obre!... Dab gran gay douma, que darèy lou prumè truc e quoan aberèy tournât aus de qui lou me balhaben lou me Poudé municipau, que yetarèy la mie echarpe au mus dou Goubernamen ! » E que tiengou ço qui abè proumetut, Ferroul ! Lous gendarmes. �— 8o — nou l'espantaben pas, la presou non l'esmudibe e despuch lou sou tribalh, lou sou endabans qu'a créât la Counfederaciou yenerau dous Bignès, la maye, la mey pouderouse, la mey bère soucietat felibrénque, la que Mistral boulé, e d'aco lou Païs dou Mieydie nou ne sera yamey prou recounechén. Qu'anen doungues à Marcelin Albert, à M«nou de Cabrières et à Ferroul lou nouste soubeni; que lous lous noums demouren u sinne e u edsémple ! Dou VINAS. Tirât de La Cigalo Lengadouciano de Yenè 1922. ■a 1 =s- LOUS MOURTS Yan Laborde. Aqueste mes de mars. Mous de Laborde, proufessou à l'Escole superioure de Nay, qu'éy partit, yoen encoère, ta Faute mounde, e dab ét que perdém u deus qui pésen e coumprenen lou mielhe l'obre jiouste. Qu'ère arribat ta l'Escole Gastou-Febus en 1909 e, coum bère troupe d'aquets parsâs, qu'ère l'amie Cantou qui l'abè amiat. La care deu Biarn, qu'abè abut lou lésé de la béde e de l'ayma d'ue troupe de parts, coum at disè tan beroy u cop en ue amassade de felibres : « Arrehilh d'Assouste, ras d'Aygues-Bounes, per papa, arrehilh de Liourou per marna, hilh de u reyen qui a quauque drin biadyat peu Biarn, badut à Ste-Couloume, despoupat à Serres-SteMarie, heyt gouyatot à Sendets e gouyatet à Saubaterre, arribat à Nay ta m'y marida dab ue maynade d'Oulourou. » Qu'aymabe aquet Biarn e la loengue de may-grane permou de touts lous sous soubenis de familhe e de maynadye. Que l'aymabe permou, coum educatou de la yoenesse, que bedè l'ayude qui lou parla nadau poudè balha ta escoulia, ta amucha à pensa mey yuste e à coumprene mielhe lou francés. Qu'ère u òmi de tradiciou, de tradiciou sancére, qui nou pretendè pas renega arré de so qui lou Passât s'a trametut de gran, de plâhasén e qui sabè mescla lou mèu bielh e goustous d'aquet passât dab tout so qui lou die de oéy porte de nautat sane e goalharde. Gastou-Febus que l'agradabe permou qu'ère u oustau d'amistat. Ta d'aquet ômi dret e leyau, de debé ede counscience, semiadou de pats, toute la bile de Nay, qui l'abè counegut e estimât, en lou han seguissi, au die de las aunous, n'a abut que laudous à desglara sus lou sou houssat. A la soue béude, que disi la paraule deus bielhs Biarnés : « Que lou boun Diu sie la boste counsoulaciou ! » J.-B. L. T/Emprimayre Mèsle en pè : E. MARRIMPOUEY. � Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Patrimoine écrit occitan:périodiques Description An account of the resource Ce set contient les périodiques numérisés par le CIRDÒC issus des collections des partenaires d'Occitanica Revista Item type spécifique au CIRDÒC : à privilégier Région Administrative Aquitaine Variante Idiomatique Gascon Aire Culturelle Gascogne Type de périodique Revistas d'estudis localas = Revues d’études locales Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Reclams de Biarn e Gascougne. - Anade 26, n°05 (May 1922) Alternative Title An alternative name for the resource. The distinction between titles and alternative titles is application-specific. Reclams. - Annada 26, n°05 (Mai 1922) Subject The topic of the resource Félibrige Gascon (dialecte) -- Périodiques Littérature gasconne -- Périodiques Histoire locale -- Gascogne (France) Description An account of the resource Reclams. - mai 1922 - N°5 (26e Année) Creator An entity primarily responsible for making the resource Camelat, Miquèu de (1871-1962) Bouzet, Yan de Laborde, Jean-Baptiste (1878-1963) Palay, Simin (1874-1965) Daugé, Césaire (1858-1945) Peres, X. Dou Vinas Marrimpouey, E. Source A related resource from which the described resource is derived <p>Bibliot&egrave;ca de l'Esc&ograve;la Gaston Febus</p> <p><br /><br />&nbsp;</p> Publisher An entity responsible for making the resource available Escole Gastou Febus (Pau) Imprimerie de Vignancour (Pau) Date A point or period of time associated with an event in the lifecycle of the resource 1922-05 Relation A related resource Vignette :&nbsp;<a href="http://www.occitanica.eu/omeka/files/original/e472a8c919c77eed6b76d1205b58246f.jpg">http://www.occitanica.eu/omeka/files/original/e472a8c919c77eed6b76d1205b58246f.jpg</a> <a class="link_gen " href="http://www.sudoc.fr/039860345" target="_blank" rel="noopener">http://www.sudoc.fr/039860345</a> Is Part Of A related resource in which the described resource is physically or logically included. Reclams de Biarn e Gascounhe&nbsp;<a href="http://www.occitanica.eu/omeka/items/show/2019">(Acc&egrave;s &agrave; l'ensemble des num&eacute;ros de la revue)</a> Format The file format, physical medium, or dimensions of the resource application/pdf 1 vol. (16 p.) Language A language of the resource fre oci Type The nature or genre of the resource Text publication en série imprimée Identifier An unambiguous reference to the resource within a given context <a href="http://www.occitanica.eu/omeka/items/show/2710">http://www.occitanica.eu/omeka/items/show/2710</a> INOC_Y2_10_1922_05 Rights Information about rights held in and over the resource Domaine public/Domeni public License A legal document giving official permission to do something with the resource. Certains droits réservés Temporal Coverage Temporal characteristics of the resource. 19.. Date Modified Date on which the resource was changed. 2016-06-27 Occitanica Jeu de métadonnées internes a Occitanica Portail Le portail dans la typologie Occitanica Mediatèca Sous-Menu Le sous-menu dans la typologie Occitanica Bibliotèca Type de Document Le type dans la typologie Occitanica Numéro de revue Contributeur Le contributeur à Occitanica Inoc Catégorie La catégorie dans la typologie Occitanica Documents Patrimòni cultural = Patrimoine culturel