https://www.occitanica.eu/files/original/a4ddd61abc8b67f2dfc8899752e061f6.jpg 146999704fb8c137a5a2c14612a7e431 Omeka Image File The metadata element set that was included in the `files_images` table in previous versions of Omeka. These elements are common to all image files. Bit Depth 8 Channels 3 Height 1131 IPTC Array a:1:{s:11:"object_name";s:14:"1911 15e Anade";} IPTC String object_name:1911 15e Anade Width 1696 https://www.occitanica.eu/files/original/91fe4bf45ddff497975331fb2b0a5be0.pdf eaf50408c5c1685ace62661fcfe53e4f PDF Text Text 26*o Anade. Setéme de 1922 •a AUS AMICS NOUSTES Tan per tan se quauques dies se desseparen de las hèstes d'Ayrë; Que lous qui abèn drin lou tesic d'en esta, que-s deciden à de bounes. La ciutat antic dous bords de l'Adou qu'ey prèste à ha-s la bère arcoelhénce. Que sera ue estangue de luts e d'amistat, u nabèt reclam à l'aunou de Gascougne despuch las ores estigglantes de Maubourguet e d'Orthez. Se Yan de France e boulé lusi, de toutes las soues blanques clarous, capsus dou cèu ! Qu'at hara. Anem-y doungues dab lous amies e coumpagnous. Lou Capdau e lou segretari yenerau que seran aquiu dens lou brèspe dou dissatte e lous qui ayen coumissious tad ets que soun pregats d'escribé-us à l'Oustau dou Coumèrce. L'endedie, diménye, 3 de Setéme, lou Counselh de l'Escole que s'amassara, à la Merie, ta las cheys ores dou sé (ore pègue) e que decidara : i° La datte de l'elecciou dou Burèu de Gastou-Febus en 1923 ; 2° l'empressiou de l'antologie ; 30 L'ourdi dous reports e debis aus Yocs flouraus. Puch, encoère aço : Que lous qui créden èste floucalhats aus yoçs e hassien coussira las loues recoumpénses. Qu'ey tan abeyiu, despuch lou trin-tran d'aquéres yournades, d'abé à manda medalhes e libes per la poste ! Lous lauréats que serén brabes se-ns estaubiaben aquèt tribalhot... E dinque à ballèu. Lou Président, < J.-V. LALANNE. ■a >• MOUNSEGNOU GASSIAT 1 Coan ban deMounhort—ou de Poumarès — entaHabas, arroun abé trabessat le plane lanibe dou Yert, oun se bèden, de ça-en-la quauques « tumulus », e oun pousouès e pousouères, d'auts cops, e hasénlou sabat, que paréch, à man esquerre, un bilatyot apitat au soum d'un tue. Gaham lou camin coustut qui s'y mi : que soum à Estibaus. S'ou miey dou bourg, u place, thicouyine mé proupote, sus laquau e dan la glise, lou presbitari, u oberge, quauqu'aute meysoun encoère, e, tabey, lou cemitèri. �— ±30 Pouyam lous escalés, e entram-yi, au cemitèri. Dou soula, qu'am, deban nous, à cauques pas u crouts de hé arrougnouse, plantade sus un piela de peyre blanque. Tiram en aban. L'erbe pigalhade (que soum à le fin d'un printéms emplouyit) que hèy sus l'aléye coum un tapis matelassât : lou truc dous nous talouns ne dechudera pas lous qui, per débat, soumèlhen à tout yamé. Au pé de le crouts de hé, qu'y a un tabuc, barrât dap u peyre negrouse. Abacham-sé enta léye so qui es escribut. Las letres, hèytes au cisèu, tan per tan se parèchen. Très cos qu'y soun débat : dus rays, lous abés Duplâa de Garât, e, au miey dous dus, lou lou amie, Mounsegnou Gassiat, « protonotaire apostolique. » Estacade au piela de le crouts, u plaque de marble biulet que muche moûts en létres daurades : « Per la mi toumbe. « Au segrat d'Estibaus. « « « « Counfiat à le eau1, lou gran parech mouri ; Mé ne mou pas : que drom ; ou printéms que-s rebèlhe. Atau lou cos cretién, coum u segnte soumi, Dou segrat ent'ou Céu reflourech e cabelhe. « Credo ». Au courné d'aquère plaque, à man dréte, dus létres mayoures : B. G. Que soun las permères dou noum dou defun : Bernât Gassiat. Et medich que s'abé heyt le sou epitafe. Bernât Gassiat que badou à Habas, lou 24 d'Abriu 1832. Soun pay qu'y ère, se dits lou registre, proprietère e reyén. De bone ore, lou meynatye que s'amucha intelliyen. Tabey, lou becari de labets — l'abé Duplàa de Garât, que thenou a-u balha les permères lecsouns de latin. Au cap de dus ou très ans, qu'où hasou parti ent'au seminari d'Ayre. Prou dehet, que-s hica en teste dous souns camarades, e ne desmarra pas d'aquére place — s'ey entenut dise — dincqùe à les estudis acabades, en 1858. L'abé Gassiat qu'estou, de tire, noumat becari à Sent-Esprit, près de Bayoune. (Aquére parropi qu'ère encoère de les Lanes). Mé n'y damoura pas bère pause. U persoune riche e caritadouse, qui counechèbe lou soun perpit d'en sabé toustem de mey, qu'on dou l'aryén qui calé enta s'en ana à Roume. Au cap de dus ans que s'en tourna, dap lou grade de doctou de théologie e de dret canoun. Dap aquère recoumandacioun, que-s hasou nouma curé dens lou diocèse de Paris, à Carrière St-Denis. Mé qu'abé plan trop de balentie enta s'acountenta dou méndre trabalh qui poudèben (1) Cau : houíat, bsáìt, �- 131 balha-u quauques parroupians pas trop debots. Que-s hica doun à escribe artigles enta u rebiste cathoulique (l'Ami du Clergé). Entertan, que trabalhèbe enta ha crèche de mey en mey les sous counechénses. Que grasibe à ha repacha le sou intelliyence de toutes les siénces qui lous omis poden estudia, e de touts lous arts doun se poden distrèse. Atau, qu'estou arqueoulougue, calculayre, pintre, pouète, e, sustout, gran musicayre. Qu'a heyt musique de toute mode, enta canta e enta youga. Et medich qu'abé u buts de les mey beroyes, e un qui l'a entenut canta cansouns italiènes, que m'a dit que nat artiste de tiatre n'auré heyt mey de plesi qu'et. En 1869 que s'en ana dou coustat de Versailles, à Marnes-laCoquette. Aquiu tapauc lou mounde n'ou hasén pas gran empath à le glise. Que-s hica doun à escribe mey hort que yamé e à batalha dens dus ou très gazètes reliyouses. Qu'abé lou renoum d'un coumbatiu couratyous e leyau, mé qui tournèbe toustém lous trucs mey hort que ne l'y dèben. Se lous blaus qui-u hasèben èren blus, et que boulèbe tourna-us nègres. Despuch quauques téms, qu'ère counechut, tabey, coum un predicatou de choès. Qu'abé, d'aulhous. tout so que calèbe enta d'aco : lou talén, le buts, le presténse. De pertout qu'où mandèben, de Toulouse, de Marselhe, d'Amiens, de Paris, de Roume medich, oun lou sou amie, Mounsegnou Puyol, ancien superiou dou coletye de Dax, e boulou ha-u entène aus cardinaus e aus abésques. Que s'en tourna dap lou titre de « protonotaire apostolique »... Mé le mourt que l'arregoeytèbe. enta-u cade dessus en plégne force de l'atye. Qu'ère toucat dou diabète. Maugrat qu'anassi, tout .an, à les aygues de Vichy, e que hasoussi so que l'arecoumandèben lous médecins, qu'abou u crise, à Alger, oun bienèbe de prêcha un coaresme dous mey estiglans. Que s'y repausa oeyt yours, puch que-s gaha lou camin de case. Tan per tan s'ère arribat, que tourna càde malau. Qu'abou biste heyt : lou permè de may 1899 que-s mouribe à 67 ans. Lou chéys de may, un dissatte, lou soun cos qu'arribèbe à Estibaus, e qu'où debarèben dens le toumbe, au segrat oun abé dit que boulèbe droumi en pats. II Qu'y a doun bint-tres ans que Mounsegnou Gassiat n'é pas mey d'aqués mounde. Y doun, que parlen encoère d'et à Estibaus, coum se n'y abé pas sounque cauques més qu'aboussi desparechut. Aco perqué ? — Perqué ? pramoun qu'y ère populari e que l'y eymèben. E qu'y ère populari e que l'y eymèben, pramoun, et, �— 132 — qu'eymèbe lou péïs e qu'eymèbe le yen. L'amistat qu'apère l'alhistat. Ta lougn coum estoussi, n'a pas yamé passât de s'en biene dus mès, tout an, au ras dou soun bielh amie, Moussu Duplàa de Garât. E, lou dimenye, le misse acabade, que-s mesclèbe aus paysans, sus le plaçote de le glise, e, dap ets, que parlèbe en gascoun e qu'arridèbe de boun co. En 1890 ou 92, que-s hasou basti u beroye meysoun, à mieye lègue dou bourg, sus le route de Dax à Orthez. Que Tapera « Ou cout dou Houec ». Aquet noum que-s leyt, en létres blanques, sus u plaque blue estacade en un piela dous pourtaus. Que bienèbe passa les bacances aquiu, e que-s carculèbe, se-m pénsi, de s'y entuta, decap au bielhè, enta-y feni lous souns yours dens le tranquilitat e le pouesie d'un peysatye mirabilhous. Dous balcouns d'aquère meysoun, bestide de berdures pingourlades que bèden esplandi au sou lous cams e lous prats berdeyans qui lou Luy bagne de les sous aygues basouses ; mey lougn, lous coustalats broustuts oun soun apitats lous cluchés puntuts de Habas, Ossatyes, Mounhort, Dounzacq, etc.. e, tabey les bachades labouredisses oun parèchen, hort lougn, les tours blanques de Dax e de Buglose. Qu'es en hilh aymadou de le Gascougne qui-et a escribut les pouesies engarbades dens lou libi qui-a serbit de payrin à le sou meysoun : « Ou cout dou Houec ». Aquiu que soun touts lous istoerots qui-s disen pr'assiu, de pay en hilh, au larè, à les despourguères, pertout oun s'amassen omis e hemnes enta trabalha en debisan. Biban, be seri you counten de poudé-b dise quauques-ues de les istoères sabrouses qui courren assiu capbat. Mes, le place hèy ! Istoerots en bers plan tourneyats, qui hén ploura ou qui hén arride, lous uns pietadous, coum Pan e Roumatye, Enhournade, etc.. lous auts gauyous : Le Gouye dou Caperan, Un Camalh. etc. quauques-uns plan sabrous, yuste peberats, coum : Gras e Magre, Gouéou à le Brase, Mouléte ou lart, etc.. Touts, qu'an le sabou e lou perhum de le bone terre gascoune. L. LACOUTURE, lanusquet. Le maye part de so qu'ey escribut que m'es estât dit per Moussu l'abè Lavielle, ancien curé de Pouyane, e Moussu Durquéty, reyèn à Estibaus. Que-n lou disi assiu grammerci ! L. L. �— 133 — POUESIE LOU BIELH LIBE Aço que m'at digou lou bielh libe amistous — E sa sapiénce, au cap de mile ans, yoéne encoère, lous antics dius de Grèce apelhats en pastous au tems de d'autes cops l'ensegnèn à la terre — : < Mie, la bite qu'ey braque ; e lou moumén hoeytiu à cade pre qui passe esbréque lou Debiéne ; Om nou-s bagne dus cops dens lou medich arriu e l'aygue enter lous dits nou la,podes retiéne. Dèche dounc lous tous oelhs emplia-s à la Berou quoan passan aus sendès de la bite e-t destrigues ; que sàpien lous tous pots coélhe lous moûts d'amou dab la mèu dous poutous sus las bouques amigues. Que l'Esprit embescat d'u mey nouble Ideau qu'alàndi la Pensade à las puchantes aies, mesclan de la Beutat l'estrambord immourtau à l'umane doussou de las causes mourtales. Bèn, la bite qu'ey boune e mayrane aus roumius ; Sas cares, ayme-las ou tristes ou riséntes, Aymé dinque au hounsot amarous dous adius, dinque à l'aspre sabou de las lèrmes couséntes. Ayme ! Qu'ey lou gran mout, ta que, mey tard, lou co, quoan toûn bielhè 'stadit cercara l'escauhade, au lare dou Rebroum, nou counégue lou do dou bounur qui-t dech'es à ta porte barrade !... » Adrien de BIBES. NABETHS COUNFRAYS Mlle M. Detchenique, à Laurens-Bénesse-Marenne (Lanes). MM. Lascourréges (Paul), 42, carrère Victor Hugo, Mount-de-Marsa. Bedout (Frances), prouprietari, à Ribarrouy, per Garli. Sallenave (Bernât), à Autebielhe, per Saubaterre-de-Biarn. Forgues, reyent, à Saubagnou. Barry, reyent, à Nabalhes-Angos. Mora, reyent, à Laluque (Lanes). �— 134 — LA TERRE BEROYE En bath d'Aussau. Peu purmè cop, que tirèy lou cap à l'arieste d'aquéste mounde en aquet corn de mountagne, pas en castèt gense, mes en casete aymade. Hat de las causes ! hat de la case mayrane ! qu'apèren toustem lou hoeytiu ou lou horebandit. Lous qui ban busca la mounéde per dera las aygues, lous qui porten l'ost en pèis estranjè, toustem que soun requerits per lous soubenis de la purmère joentut e las trangades deu campana nadau. Talèu la plégue hèyte, plégue d'escuts ou plégue de laurès, que gahen la bie de la maysou deus ayòus. Coum la lèbe perseguide per la hourre deus cas roundouleye per camps e hias, passeye la mute peus coustalats e tourne arrecouti, en badan, au hourat de la jasse, atau u die, après mantue courrude per las bies d'aquéste mounde, gnacat per lous tribulocis de la bite, que bouy rende lou darrè suspit près deu brès nadau. Aquiu dilhèu, lou mau n'ey pas tan pesant, la doulou tan hissande, las darrères passades tan estretes. E coumprenets l'allegrie deu me cô quoan aléti l'ayre de nouste, quoan houri lous tras de maynatje, quoan las flous deu pèis e-m hèn arrisoulets aus cutours deus sendès, quoan bouts aymades sounen à las aurelhes?Lou cô que-m sauteriqueye débat la poupe, l'arrée crouchide que-s quilhe, las gambilhes que s'atrebéchen, u arrè-goust de joentut que-m arisse la pètch per aquets abras de la tasque mayrane. Ere nou cambie pas. Coum ue nobie agradibe e apoulingade de flocs, de liloyes e de pèyres finies, la bath qu'ey cintade de mountagnes embousquides, de seubes pregounes, pingourlade de turouns, de planés, de pênes blangues e lusendes. Lous prats berdurès que l'amantoulen, e per la bâche, las lanes poumpouses qu'en hèn lou sièti. Lou gabe, coum u riban d'arjent, qu'amie las aygues de soum à houns per chourrups, bourits e andades, en chibiteyan, en musiqueyan toustem la mediche zoun-zèyne droumilhouse. Lous bilatyes que soun penuts aus coustalats coum nins à la poupe de là may. Acera-haut, lous pics nebès que hen la goarde, sourdats gigants qui belhen sus la droumide d'ue reyne, la reyne de las Mountagnes. Lou tems, dab la dent agude, qui despulhe las seubes de la hoelhade, las flous de la loue esplendou, qui gnaque la nouste care, qui crouchech lous noustes os, n'a pas prése sus lou grèmi de la Terre. Toustem aqueste qu'arrebiscole, e si ue beutat s'estupe, gnaute qu'eslourech. Tabé lou medich parsa qui a estacat l'amne deus payrans qu'encadéne la mie, e que bouy ayma e mouri oun eths an aymat e soun mourts. N'an pas cambiat, que soun lous medichs, lou Prat deu Rèy, las �— 135 — planes deu Benou, la péne d'Aste, la punde de Sent-Mount, lou bosc oumpriu d'Arriutort, las lacarres de Sieste, lou Pan quilhat, lou pic de Gers, lou coth de Goursy, e, acera encoère, sus lous termis d'Espagne per dessus las serres d'Aygues-Caudes e de Gabas, lou pic hourcut de Mieydie. Aquere tasque qu'ey estade hourade per mountagnôus balents qui estangan lous Mourous au houns de l'Aguelade, deçà Bielle, qui mestreyaben daban lous coumtes de Biarn, qui pourtaben l'ost aus lous coustats, e tournaben truc per truc aus patacayres. A medich tems qu'encantaben lous dies per las cantes gauyouses ou doulendes, empensades per la bite-bitande : l'amou, l'allegrie, las tristesses ou las causes de case. Per las hèstes, suôu peluret deu bilatye, qu'alargaben lous sauts aussalés ou lou branlou ayrejant au sou de la flahute e deu tambouri. Hens aquere bath sabrouse que-s soun esbatuts lous antics, apelhats de pèce, de rase, dab la culote courte, las causses bourrugades e lou péu cadent coum lous reys d'autes cops. Las modes de Paris, las idées bahurlèques pas mey que l'estranjè embadiu n'abèn tiengude en Aussau, qui goardabe coustumes e libertats. Oey que soy tournât t'Aussau. Las ! quin cambiamen ! Perqué la gent hoech lou bibe deus payrans ? Perqué lous de oey deslèchen l'ana d'autes cops, la bite sane, las coustumes simples, la pelhe aproupriade e plasende ? Lous omis que s'apelhen coum bourjés : adiu la culote courte, las causses bourrugades, la cinde e lou bestou rouy ! Lou hemnis que seguech lou tras de las madames de Paris : adiu la cohe blangue e lou sacot, lou coutilhou à plecs, la gounele, las pourtetes pingourlades, lou debandau blanc ! Que soy engoechat d'aquet abandou, peramou que semble que medich temps ayen mudat l'amne deu pèis. Qu'ey coum s'esperissaben la tasque e se traucaben lou grèmi de la may, lou grèmi de la Terre beroye. Mile oubrès horebienguts, nègres coum demouns, que houraden las pênes, que hénen las mountagnes à cop de flouret, à cop de dynamite. Lou prougrès que capbire nouste parsa, qu'a estupat soun amne. Autescops, si disèn à la belhade, hades poulides que bandoulejaben peus boscs oumbrius e ajanes limpretes que-s prouseyaben dab lous pastourets amourous suôu cant de las aygues. Las ! oey despuch Laruns dinqu'à las termières d'Espagne, las aygues que soun encadenades, lous chourrups nou cantouleyen mey ; lou hum de las enjibanes qu'estupe la hoelhade, lous ausets que soun hoeytius, las hades e las ajanes esbarjades. Si lous paybous tournaben qu'en aberen lou cô macat. Pèis me, ta demoura lou pèis, ta goarda lou tou cos, ta goarda la toue amne, demande lou secret à las hosses deu segrat ! Audech la bouts doulende deus payrans qui predique : « Hilhots, mantengat la tasque. » Abat BADIOLE. (d'Aussau en liiarn) �— 136 — MACHANTO COUSINO w SEGOUN ACTE SCÈNO I (Diguens de cousino. La padeno toursudo e la cassarolo crebado soun abandounados sou dournè au parouple. .Le haure i sietat soul triste, encanterat sus la taulo.) LE BITOR. — I auejadiu d'esté tout soul aci... Plan que disen : Bau milhou este soul que mau accoumpagnat : i boun un tems, més uo bito d'armito pot pas dura. Ço que m'echordo le mès qu'i de hè la cousino... Ey pas chanço enta'm hè la cousino... (Gardo. la padéno e la casserolo). Ey las mas e la gauto — sustout d'aquéste coustat— encoèro toutos claufidos de bispirous... I ey uo prusèso à m'esgarraupia dinco au biu... Ero ?... la Bitoèro... tournara ou tournara pas... Cresi, jou que tournara... enfin l'ey pas acassado... s'en boulouc ana, la poudèui pas estaca... La courroucey i bertat... més tabe s'at meritauo... Cado jour èro en retard enta-m hèdinna... I pas sa fauto at say bien — i la fauto de la Marioun. Quin chamòu de henno !... i flatouno pe dauant e bous trahich per darrè... un coutèt a dus talhs... le diable s'y coupare le cot. Cado jour benguèuo bira le cap à la Bitoèro. — Oui, y èro qu'a tort ; pas la Bitoèro. Que boulets hè ? La Bitoèro le bo tengue tenoum : Ah ! b'en destecauon parauletos. Enfin aco ray : debisa, passo encoèro : «Enta hè cara la henno le calere hè un punt à la lengo». Au mens me hè la cousino ! Quand tournaui de la forjo tout eslangourit, l'estoumac flac, enta me rebiscoula auèui la taulo nudo e la soupo fredo... De que parlauon las duos blagayros ?... de jou. Quand entrey que besouy ? la Bitoèro afustauo à la Marioun la cassarolo esculado... Se trufauon toutos duos de jou... de la mio cousino, e rihagnauon de la padéno toursudo e de la cassarolo esculado. Mès y-a quauqu'un... escloupejon dauant la porto... Tuston... (Tuston). Entrais... (Sa bèlo may parich, se lèuo) Tounerro de tounerro... la bèlo-may (Douçoment). Ba perigla... SCÈNO 11 (La bèlo-may entro en coulèro.) LA FRANÇOUN. — Adechats Bitor I ■ LE BITOR. — Adechats... marna, (tout douçoment) ab disi, se m'estofo, l'ac perdouni pas. — En hasets de poulit praci, parich. — Quin ey le boste dise ? LA FRANÇOUN. LE BITOR. (ij Béde lous Reclams d'Aoust, �-137 — LA FRANÇOUN. — Bous... coumencets pas de bous arrequilha coumo un pout. LE BITOR. — Bous, se benguets ceca brut... tournats prengue le même camin e barrat-me la porto dempey dehoro. LA FRANÇOUN. — Souy pas bengudo enta hè chamalh... au countrari. I pas la péno de bous esbijorra atau... Quand besouy je, la Bitoèro arriba, que las lermes le coulauon a riuèros aci (hè ensem- blant) aco me hasouc un patac su l'estoumac (se tusto l'estoumac) en pourtarey loungtens le blau. LE BITOR. — A qui la fauto ? LA FRANÇOUN. — A bous. LE BITOR. — A jou ? LA FRANÇOUN. — A bous ! o à bous ! Se bets pas qu'afrounts aci,.. aquéro praubo maynado. Se sabèuots coumo ey brabo... a le co sus la man... touto aneyt a plourat coumo un limac. LE BITOR. — Afrounts ? I jou que m'en bési prumo d'ero. LA FRANÇOUN. — Bous at podi prouba. LE BITOR. — Cachau de clouco... qu'en hasets dise aquet mot, se m'ats poudets prouba, dau moun nom e m'aperarey pas més Bitor. SCÈNO m (Françoun, sourtido en coulèro, tourno autalèu, teng pe la man sa hilho qu'entro à countro-co.) LA FRANÇOUN. — Bous at ba dise, éro, qui se dol des afrounts ? Dirais que nou ?... — Beyram, (à sa henno) quand t'ey hèt un afrount? — Tousten. LE BITOR. — Tousten i jamès. Dit-me quan ? LA FRANÇOUN. — Bouy pas soustengue digun, mès (à soun gendre, LE BITOR. LA BITOÈRO. dechat parla la Bitoèro. LE BITOR. — Que parle ! Parlarey jou tabe. — Benguèuon de mous marida. Un se tournauon de LA BITOÈRO. la belhado.., Hasèuo uo fret de can, le cèu unit coumo le pesquè tout plané... Auèuos las mas à las potchos... t'èros clucat dambe la casqueto dinco las aurelhos !.,. LE BITOR. — S'auéi fret... LA FRANÇOUN. — Dechat-lo dise !... LA BITOÈRO. —Marchauon costo-costo... parlauon pas mès que dus muts. Jou boulèui parla... LE BITOR. — T'en empatchey pas. — Hasèuon truca les esclops sus la tourrado. — Uo probo que i auèuo pas hango : i afrounts tout LA BITOÈRO. LE BITOR. aco ? — Ero pas un hasti de moun ana atau sensé parla? — Perque ? LA BITOÈRO. LE BITOR. �- 138 LA BITOÈRO. — Pramo que tout èro poulit : le cèu èro puntat d'estèlos ; se besèuo la Cluqueto... se besèuon les très Bourdous. Alabets jou, tout bounoment te digouy touto graciouso : « Oerdo decaps le cèu, oerdo las estelos aneyt coumo soun espèços? — Me respounous, tout reboulhut coum aço : « Oerdo decaps la terro, las beyras mès claros ». LA FRANÇOUN. — E be i un afrount ou uo respounso ? LE BITOR. — Ey uo respounso, més pas un afrount. LA BITOÈRO. — L'aute cop !.,. LE BETOR. — Quand ? LA BITOÈRO. — M'en brunbarey tousten. LE BITORT. — De que ? LA FRANÇOUN. — Bats bese !... LE BITOR. — Bous, carat-bous. Me souy pas mandat enta-m hè aglana de reproches pe la henno, i prou pe la belo-may i trop. Quin ey aquet afrount ? LA BITOÈRO. — Te reppellos pas M. Pagant ? LE BITOR. — (Arrits uo grano pauso a gorjo-birado). Si... Aquet afrount — pusque bos que siojun afrount —■ le bouy counta joumèmo à ta may. La bouy hè arrise à se desmantibula las machèros. (Hè la nicho). L'aute jour dounc arribey de la forjo cansat de fatigo. Coumo tousten sus la taulo uo soupo rebourido, fredo coumo le glas, brico de fricot. Le digouy coumo ço à la Bitoèro : Francoment pot pa dura... Te demandi pas forço trabalh... au mèns me hè la despenço... A pèno auey dit aco, que s'aluguec ; le bacant alandat, en digouc paraulos, parauletos, uo pièlo at boulhots pas sabe. M'enloubiscouc, m'enbabulec, le Boun Diu boun preserbe. Ey bourgougno de bous at tourna dise. Quand besouy aca, me prengouy un cugn de pan, uo asclo d'alh, l'angouy minja tranquilc dauant la porto enta aue la pats. Moussu Pagant passée... « Bietd'ase, ça dits, qu'es calouriu, de dinna dehoro dambe uo fret a peyro-hiéne. » Qui mau nou hè, mau nou penso, le digouy atau : « O tièts moussu qu'i la chamineyo que hume trop e podi pas supourta de m'enhuma atau. » M. Pagant en benguèuo paga un trabalh. Entau tira le coumpte, l'embitey à entra. Pendent que draubiscouc la porto, un tros de barrot le passée au ras de las aurelhos en brouni e entenouc uo bouts agro que bramauo : « Gran feniant que gaujos entra ! Moussu Pagant tournée bisti barra la porto e s'assaubec en tout me dise : « Jou tabe n'ey uo chaminèyo que humo, més toutun pas tant que la tuo. I bertat ou i pas bertat ? LA BITOÈRO. — I un afrount ou i pas un afrount ? LE BITOR. — Ero un afrount enta jou. LA BITOÈRO. — Enta jou. LA FRANÇOUN. — Enta toutes dus. �- 139 — — Alabets en quites. — Seran quites. LA FRANÇOUN. — Alabets ? LE BITOR. — Ço qu'i passât sera passât. LA BITOÈRO. — Ço qu'i passât sera passât. LA FRANÇOUN. — Sera pas trop lèu d'en fini ! LE BITOR. — Cau fini. LA BITOÈRO. — Cau fini. LA FRANÇOUN. — Escouto Bitoèro : te podi pas dise qu'as tort, mès te podi pas dise qu'as dret. Pusqu'ets tournais amits, te podi pas dise qu'uo causo : «Jamès henno mudo N'y estado dou marit batudo. » LE BITOR. LA BITOÈRO. (S'cmbrasson touts très c le ridcu cay) H. DAMBIELLE. coumenyés. •s rjjïSo 1 = s- RECLAMS DE PERQUIU A l'Escole nourmale de Lesca. Qu'ey dab plasé qui an tournât d'enténe à Mous d'Eyt qui hasè la quoatau batalère de 1922 aus escouliès reyents de Lesca. Coum sudyèc que s'abè prés Gastou X de Biarn, autademens, Gastou-Febus. Dab la soue counechénce de las tempourades antics dou nouste pèys qu'a beroy hèyt bibe las Terres oun Febus segnoureyabe, l'òmi de guerre e las soues arcoelhénces e las soues casses. Qu'a dit quin ère aquet caddèt, mèste crud e mèste besiat dou Biarn qui suban Vidal de la Bâche « réussit à incarner cette brillante civilisation où sombra, dès le xiir3 siècle, la civilisation du reste du Midi. » E are, bacances e passeys ! E que lous counferenciayres amies e tournen trouba en 1923 lou cami d'oun Lesca espie planes e mountagnes ! Prou de paraules pègues, tribalhém ! Aco que poudoure èste la*debise dou D3U Vinas, dens lou report qui hasè aquéste prime, daban lous felibres de la Mantienénce de Lengado. Lou nouste yoen amie, Ismaël Girard, que bié à parla d'aquet bèt prougram dens u article qui cab à maie ayse sus quoate coulounes dou Courrier du Midi (16 e 17 de Garbe) e se, malaye, n'èrem pas tan estrets b'ou publicarém I Balhém-ne toutu troussot �— 140 — ou gn'aut, cerquem-y quauques bertats, d'aqueres qui, se-s pénsen e se-s disen, nou s'escriben tout die, bertats qui entren dens lou biu coume lesénes e luséchen coume eslambrècs, —la yoentut qu'a lous sous drets e que hè pla de s'en serbi : Je le répéterai inlassablement, il ne suffit pas de célébrer les mérites de la langue d'Oc, de la proclamer la plus belle sous le soleil, de dire que ceux qui la parlent sont des gens épatants il faut encore habituer le peuple à la lire. Dix lignes de notre langue dans un journal valent mieux que deux colonnes de louanges en français. L'enseignement à l'école, c'est là le point critique. Nous devons y penser toujours et toujours travailler dans le but de faire entrer à l'école primaire l'enseignement de notre langue. C'est l'école qui tue notre langue sans bénéfice pour le français ni pour l'esprit public... Elever des statues c'est une belle chose, mais lancer un journal ou éditer des bouquins c'est centupler l'action félibréenne... Il est des gens qui croient avoir fait une chose lorsqu'ils en ont parlé... Nous avons de rudes ennemis, ils sont officiels, ils ont la vie dure. Il en est un, le plus rude de tous, notre faiblesse, notre mollesse... » Be soun doungues toustém de sasou aquets dises capbat dou mounde besiat dous Felibres ! L. R. COPS DE CALAM N'ou desmounédis pas. Qu'ère la heste d'Ayre. Coum se hè, lous gouyatots que-y galopen e ne poden pas parti chéris lou so pramou que cau paréche. Lou drôle de Pauquine, én Bachey, qu'ère un de quets gouyats qui boulèn paréche à la heste d'Ayre. Pénsats doun 1 Bachey qu'és à pourtade : un cop debarade la coste dou Hasan e passais Lafitau e l'Henri, én un saut que soun au poun de l'Adou ou à la place dou groun. « Marna, que bouy ana à la heste d'Ayre. — Bè, gouyat, bè e tourne dedore. — Mes qu'aberi besouy cauque so ente paréche. > La may que-s ba coelhe un escut e que l'y balhe. De quét tems, un escut én potche que hasè péta lou taloun mey que nou pas un papè de bin liures dous de oèy. « Aqui qu'as un escut, s'ou dit la may. Dab un escut que pouyras paréche ; mes ne t'ou desmounédis pas. — Nàni, marna. > Lou drôle qu'arribe, trobe ue troupe de gouyats, entre én ue auberje e que hèn pourta bin. « Dechats me paga à jou, se dit, bous auts que paguerats toutare. » E que balhe l'escut. Que se-n ba bese lous tirelires, lous chibaus de boy, escouta la musique, damoure ent'ou hoéc d'artefice e s'en tourne. « E te l'as demounédat ? s'ou dit la may. — Nàni, mama, s'ou respoun lou drôle, que l'ôy despensat tout én un cop. » C. DAUGÉ, lanusquet. �— i4i — MOUNDE E CAUSES DE CATALOUGNE La Pouesie Catalane e Verdaguer. Dab la rebiscoulade dous Yocs flouraus à Barceloune en 1859 que couméncen lous bergougnous essays de renachénce literàrie en Catalougne, abiats per u prim escabot d'omis. De touts, lou mey counechut qu'ey lou Rubio y Ors. • L'istôrie d'aquets yocs que-s pod esparti en dues tempourades. La prumère que s'en anaré dinque à 1877, anade oun parech YAtlantida de Verdaguer, e la segounde que s'en daré dinque à oey lou die. Que soun de gran interès, à la loue époque, lous noustes yocs permou que, per labets, au loc de segui coume bitare camis nabèts e ayres nabèts de la literature, que dan,ets, las prumères leçous de goust e dens la nouste primabère de maynadè literari, que soun la literature catalane sancére. Maugrat que coutiben hère de genres lous pouètes d'aqueres ores, nats nou cabélhen mey que d'auts. Que soun de mediche traque e l'ideau de Patrie, Fé, Amou, qui obre en ets, dab toute la hourtou d'u sentimen reliyous, qu'en hè coume ue d'aquéres familhes tan unides que nou decharén escapa nat hilh dens la soue libre boulade. Toutu qu'abem à da quauques noums. Dens la pouesie poupulàrie, que hén beroye yesside : Marian Aguilò, Mila y Fontanals, Jaume Collell ; dens lou rouman literari qu'èren mèstes : Ramoun Pico, F. Pelays Briz e Y. Verdaguer. Que-s hasoun endabans, dens la pouesie reliyouse, Anicet Pagès de Puig e dens la pouesie patrioutic Y.-L. Pons y Gallarza (lou yénce cantadou per segu de las prumeries dous Yocs flouraus). Hens la pouesie amourouseque poden parla de T. Llorente e de Francés Matheu. Lou mèste, Mila y Fontanals, que-s trobe medich èste u debot de la pouesie epic e la cante dramatic, qui abou hère de cantadous, qu'escad dens l'ômi de teatre, Angel Guimera, coumpousicious d'ue berou chens parière. Mes dens lous darrès ans, decap à 1880, que-s hasèn audi d'autes ayres emprountats à la darrère cansou dous literatous d'Europe. Dinque are, en Catalougne, la maye part que s'en èren bienguts au lirisme batalur e enlat ; lous hasas mey esperoats dou roumantisme francés, castelha e italien, Hugo e Lamartine, Zorrilla, Manzoni, qu'èren estats lous gabidayres dou co. Débat las bentoulères estranyères qui bouhen, l'enspiraciou que deu cambia. �— 142 -a Dab lou lauréat Francés Matheu que s'encamine lou reclam de Musset e de Heine. La parentèle d'aquéste aleman que desbélhe l'enyenie pouetic de Apeles Mestres e enfìngues, J. Bartrina, que barréye dens las soues pouesies castelhanes l'amarou e lou hechuguè bebuts dens lous plagns de l'italien Leopardi, adoubais dab lou douctrinarisme doun se hasè mustre en aquets tems, méntre que goarde ta las soues pouesies catalanes lou sentimen amistous de hount yermanic. Aquet pa de pouètes que boulegaben dab las loues idées nabeyantes, las aygues tranquiles, douces de la pouesie flourau e nou s'y pens«be mey à l'unitat d'enspiraciou d'autes cops. Qu'abem dit, mey capsus, que lous noustes yocs apoudyats de 1859 enla, que soun l'arredits de l'arbe de la nouste Renachénce. Are, qu'abem à hourni qu'aquere renachénce, prabade à l'auyou neurissère dous yocs, que poudoure seca-s, e n'èste qu'ue manifestaciou ballèu de patèrnes e feni dens lou peguè d'ue decadénce. De segu, que-s seré acabade coume ue cause escure, tan per tan ayudade per la coustume e la tradiciou académies, sensé ligàmis tilhous e bius dab l'amne poupularie, se la Proubidénce nou abousse hèyt bade en Catalougne u pa de catalas de ley, de cerbèt cla, qui debèn amia las aygues apadzades de la Renachénce au punt de la tradiciou coupade despuch très cents ans. La prumère obre de bugade lenguistic qu'ère coumplide per Marian Aguilo, la segounde, d'istòrie literarie, per Mila y Fontanals. Sensé las hèytes dou prumè, nou poudourem béde à plouma-s la léngue amaynadade per l'enyenie de Verdaguer (e que cau dise que lou nouste pouète maye n'estou que lou disciple e lou perseguidou d'Aguilo) ; sensé l'obre dou segoun, las yeneracious à biéne nou sabouren causi entre lous tems classics de la nouste literature anciène e lous qui porten lou sinne dou bielhè e de l'esclabadye. Qui-ns aberé ensegnat, senou, la haute ley dous poples libres qui tié dens lous mounumens immourtaus de las loues literatures antics, segraris de l'esperit de la race ? Tout parié, Aguilo coum Mila, qu'estoun pouètes de yénee balou, mes per aco que demourara la loue obre de cretics hère mey capsus que lous lous bèrs. L'u e l'aut que debèn èste, dens ue pause enhadade, lou cos e l'amne de l'enyenie catala ; que saubaben la Renachénce tan per tan coumençade dous abeyius trebucs de la paraule aboundouse e barlic-barloc. Dab Verdaguer la literature catalane que tourne d'èste l'enyibane qui ba per ère mediche e tabé, gracies à d'et, la léngue dou pople que dèche d'esta ue parladure bâche, patoès dous us, léngue académie de d'auts, e que puye au barcalhou d'ue léngue literarie. L'obre de Verdaguer que tié, de mey, l'aunou d'abé hèyte counéche la nabère literature catalane mey enla que las termières de la soue patrie. �- 143 - D'entrade, lous sous dus grans pouèmis epics que s'an méritât d'èste birats en hère de léngues coutibades de l'Europe. Seau ras e cau bouta las soues obres mistics e las soues petites cantes de patriote catala, que-s pod dise que YAtlanUda, pouèmi de payères mayes e de hounts prumères. qu'estou lou prencipi e l'esplic de la soue glorie. Premiat aus Yocs flouraus de 1877, que Susprenou lou mounde aletrat per l'esmiraglante hourtalésse de la fantesie e la suberpuchante richésse dou paraulis. Obre doun se discutech encoère la balou e l'amplou, que-s bedè que l'autou, hilh de paysas, qu'abé chucat à la poupe de la soue may la sabe horte e sanitouse de la léngue dou sou parsa e que l'abè ayergade, dab la soue biste merabilhouse e lous sous estudis pregouns, dens la dignitat d'ue léngue de segnous. D'u moulle mey escadut, e d'ue coénte mey mèche, qu'estou lou segoun gran pouèmi dou « Canigo» oun sabou, lou pouète, escade la sounadisse gaymante e musicayre despuch de la sounadisse hechugue, masclau e brounidoure, qui coumande dens lou sou prumè pouèmi. Las amarous e las désoles de tout escantilh, qui perseguiben à Verdaguer, que desbelhaben e qu'enhourtiben las pensades mistics dou sou esperit qui-s barréye despuch, en abounde, dens las soues obres lirics e qu'amuchaben lou mistic d'estounante calou de sentimen dens lou qui ey per à yamey lou pouète naciounau de Catalougne. D'autes cantadous que soun bienguts despuch : Guimera, Apeles Mestres. Que-s hén counéche dou tems oun Verdaguer ère en gran luts, Guimera per la berou e la masclou dou sou bouhet, toustém dramatic, Apeles Mestres pou sou lirisme trufandè. Qu'aberém tabé à parla de Miquel Costa e Llobera, hilh de Malhorque, pouète aus bèrs chens pèques, cantadou d'ue enspiraciou serée. E de d'auts, qui soun lous sous disciples e an proufieytat dous sous ensegnamens... Mes, qu'abraqui aquiu, e lhèu gnaute die, qu'en parlaram. Manuel de MONTOLIU, de l'Enstitut de Léngue catalane. •s . ' !—^sss^- s. LA DINEROLE Souscripciou enta ha mayemén beroys lous Yocs Flouraus d'Ayre, Darrère listre D'u capera amie de Gastou-Febus Amasse dinque à oey lou die 257 > 100 » 3571 > �LOUS LIBES C. DAUGÉ. — Lou Bartè, coumédie en quoate actes, imp. Labèque, Dax, 1922, — in-8° de 60 payes. Que-s ben enso de l'autou, à DuhortBachen, per Ayre-sus-l'Adou (Lanes) : 3 liures. N'éy pas dat à tout lou mounde d'abé la bete delà loengue plâ agusade, de sabé lou gascou dab toutes las soues finesses e d'escade u tribalh chens y ha nade estrousserie. L'abat Daugé qu'éy u d'aquets qui saben quoan de pues a lou pienti e quoan parech ue obre sinnade deu sou noum, oun que pot esta segu que sera quauqu'arré de fî e d'escadut ; à lou arré de patchoc ou de mau-cabilhoat. Lou Bartè qu'éy l'istoérote d'ue benaleye aparide à u Landes qui-s gagne u porc, — nou-s apére pas qu'atau, — en han lou pec penden u die d'arrelodye. Lou Bartè, atau que-s mentau lou persounadye, qu'ey partit tau marcat de Barsaloune ta s'ana croumpa u porc < dous armagnacs, blanc e nègre e hortpelut>. Que trobe dus Moussus qui hèn lou tracte de-u balha tout dat ue bestie si, dinquiòu l'endedie à mieydie, nou dits à toute persoune qui l'ane decap ta-u parla que l'u cop : Tire ! e l'aute cop : Pousse ! Marcat heyt e mojun ômi, tout lou brespe, toute la noeyt, tout lou matiau, nou sort pas d'aquére sounseyne pègue : Tire ! Pousse ! E que-s gagne u porc peladé de quoate quintaus. Autour d'aquére hèyte, l'autou qu'a apedagnat tout so qui debè adouba coum eau lou boussi. Abans de parti ta la hére, lou Bartè que s'at bat bère pause dab la Julie, la soue moulhè, u hissou de loengue double esperoat, ue arregagnade coum u pugn d'ourtigues. Que l'y serb d'esta braboulas, sinou que baderé cap de crabe sounque d'entene lou claquet de la hemnete qui-u serque d'arroeyt ta-u ha aparia e qui-u hèu hèch de recoumandacious sus la croumpe deu porc. Aquére entrade qu'éy escadude e qu'éy u talhuc sabrous de bite-bitante. Aco n'éy pas embentat e mey d'u, en entenen aquéres passades, que penséra que l'autou qu'a début escouta mey d'u cop, chens ha semblans, darrè las parets deus oustaus landés. Arrepourès, hissades, trucs de loengue, tout aco qu'éy ayustat en paume de gat. Très besis qu'arriben, qu'entren ta bébe u cop, ta entene tabé lous darrès abis de la daune, e mouns herayres que gahen decap ta Barsaloune, entertan que la Julie e la soue hilhe, Poulete, aparien so qui eau tau pele-porc. A Barsaloune, lou Bartè, bou maynadye e gauyous coumpay, que busouqueye per las auberyes e aquiu que hé lou rencountre deus dus Moussus e la yougure de dise : Tire ! Pousse ! chens desatela. La noeyt escure qu'arribe, lous besis que soun tournais e, à la case deu Bartè, las hemnes que-s desbeyen e qu'arrougagnen. Per la fî toutu l'ômi que recoutech dab lous dus Moussus e yutyat de l'esbarye quoan à toutes las paraules, à touts lous crits biahore, à toutes las larmes de la hemne e de la hilhe, lou Bartè nou respoun que : Tire! Pousse ! Que eau ha? L'u que parle de mau-dat; l'aute de cop de sang ; l'aute de peguè ; lou médeci mandat, chens poude tira deu malau ni sou ni corde, qu'ourdoune la sannie e u cop d'escheringue. Oun qu'escat la sannie, mes nou-y a pas manière de-u mesura la canule. La noeyt e lou matiau que-s passen chens nat mielhurè. A la fî mieydie que truque, lou Bartè qu'éy goarit e que s'a gagnât lou porc. De cap à cap aquére coumedie qu'éy u chisclet d'esprit, u esclaquérat d'arride e si quauque medye de nouste a bèt malau tingat de la meusse, ensunat e tumehus, n'a pas qu'à-u balha per ourdounance d'ana entene youga lou Bartè. Las parets deu tiatre n'an pas souben entenut espatracats d'arride coum las aparira de n'entene cade cop qui lou Bartè paresquie sus l'empoun. J--B. L. L'Emprimayre Mèste en pè : E. MARRIMPOUEY. � Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Patrimoine écrit occitan:périodiques Description An account of the resource Ce set contient les périodiques numérisés par le CIRDÒC issus des collections des partenaires d'Occitanica Revista Item type spécifique au CIRDÒC : à privilégier Région Administrative Aquitaine Variante Idiomatique Gascon Aire Culturelle Gascogne Type de périodique Revistas d'estudis localas = Revues d’études locales Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Reclams de Biarn e Gascougne. - Anade 26, n°09 (Setéme 1922) Alternative Title An alternative name for the resource. The distinction between titles and alternative titles is application-specific. Reclams. - Annada 26, n°09 (Seteme 1922) Subject The topic of the resource Félibrige Gascon (dialecte) -- Périodiques Littérature gasconne -- Périodiques Histoire locale -- Gascogne (France) Description An account of the resource Reclams. - septembre 1922 - N°9 (26e Année) Creator An entity primarily responsible for making the resource Lalanne, Jean-Victor (1849-1924) Lacouture, Léonce (1832-1902) Bibes, Adrien de Badiole, Pascal (1866-1954) Dambielle, Honoré (1873-1930) Daugé, Césaire (1858-1945) Montoliu, Manuel de Lacoste, Jean-Baptiste (1878-1963) Marrimpouey, E. Source A related resource from which the described resource is derived <p>Bibliot&egrave;ca de l'Esc&ograve;la Gaston Febus</p> <p><br /><br />&nbsp;</p> Publisher An entity responsible for making the resource available Escole Gastou Febus (Pau) Imprimerie de Vignancour (Pau) Date A point or period of time associated with an event in the lifecycle of the resource 1922-09 Relation A related resource Vignette :&nbsp;<a href="http://www.occitanica.eu/omeka/files/original/e472a8c919c77eed6b76d1205b58246f.jpg">http://www.occitanica.eu/omeka/files/original/e472a8c919c77eed6b76d1205b58246f.jpg</a> <a class="link_gen " href="http://www.sudoc.fr/039860345" target="_blank" rel="noopener">http://www.sudoc.fr/039860345</a> Is Part Of A related resource in which the described resource is physically or logically included. Reclams de Biarn e Gascounhe&nbsp;<a href="http://www.occitanica.eu/omeka/items/show/2019">(Acc&egrave;s &agrave; l'ensemble des num&eacute;ros de la revue)</a> Format The file format, physical medium, or dimensions of the resource application/pdf 1 vol. (16 p.) Language A language of the resource fre oci Type The nature or genre of the resource Text publication en série imprimée Identifier An unambiguous reference to the resource within a given context <a href="http://www.occitanica.eu/omeka/items/show/2714">http://www.occitanica.eu/omeka/items/show/2714</a> INOC_Y2_10_1922_09 Rights Information about rights held in and over the resource Domaine public/Domeni public License A legal document giving official permission to do something with the resource. Certains droits réservés Temporal Coverage Temporal characteristics of the resource. 19.. Date Modified Date on which the resource was changed. 2016-06-27 Occitanica Jeu de métadonnées internes a Occitanica Portail Le portail dans la typologie Occitanica Mediatèca Sous-Menu Le sous-menu dans la typologie Occitanica Bibliotèca Type de Document Le type dans la typologie Occitanica Numéro de revue Contributeur Le contributeur à Occitanica Inoc Catégorie La catégorie dans la typologie Occitanica Documents Patrimòni cultural = Patrimoine culturel