https://www.occitanica.eu/files/original/b34a15f4998d9abcce721816f70bd7d5.jpg 146999704fb8c137a5a2c14612a7e431 Omeka Image File The metadata element set that was included in the `files_images` table in previous versions of Omeka. These elements are common to all image files. Bit Depth 8 Channels 3 Height 1131 IPTC Array a:1:{s:11:"object_name";s:14:"1911 15e Anade";} IPTC String object_name:1911 15e Anade Width 1696 https://www.occitanica.eu/files/original/f2d4547f053361c528f459b1fd5d9732.pdf 3a520b8cfee3d47ded7c16b29652fe7c PDF Text Text Heurè de 1924 28au Anade. •« JULES DE CARRIVE Ai soum que soun eras madures, e soulen de dise pèr capsus e capbath aus peys mountagnès. E lous amassedous que coélhen tout so qui dou cap e subèrpassen las branques miyanssères, pramou que s'y miralhe au cla dou sou la frute la méy chucouse e la méy daurade. Atau que hè l'Escarnade hastiale qui passéye, usquoans dies a. la dalhe e loudragou p'ous caiiis de l'Escole. Coundats, si-b plats, lous cabélhs ayaquats desempuch très més : Al-Cartero lou beroy pouète, Luis de Bàtcave lou sapién de l'histori, Roger Pèyre l'escribâ dous castèths regiounaus ! E hoèy Jules de Carribe. Que se l'a anat coussiraa mièy parié dou Moun-Arridén oun troubabe toustém tan de yoye, tan de pats, tan d'arcoélh amîstous lou felibre en passèy. Nou, que hè trop la Malecarouse, que s'en tourni ta l'ihèr la Maledite ! Qu'y a p'ous entours de bint ans qui abèm hèyt counechénees dab Iules de Carribe. Qu'ère p'ou felibrèy de Cauterés. L'ahoalh de Nay, numerous pèr aquéth téms, que se l'abèn hèyt segui dab éths e qu'èren fiers d'aquéth Biarnés de grane tiérise qui Bibal e debè pèr la seguide subèrnouma Porthos, pramou qu'abè la payère, la hourtalésse, la boentat dou héros de Dumas. Sus la fî dou taulèy, quoand lous méstes en aboun desquilhat tan e méy, coundat, cantat, arridut e tringueleyat sustout en francés, lous de Nay que s'y hén au méy-ha de poussa lou nouste amie. Ta dise la bertat. n'y arriban pas de pous. Més de bounes ou de maies, que calou ana-n, e Carribe que desclucheta lous cluchéts dou libi. En tau moumén ! Quine ahide ou quine audaci ! Que s'alenga e drin pèr drins lous hestedous que-s caran. Oh ! ni yèstous ni biahores, û debis tout simploutot, quauqu'arré coum la parladure d'û payran qui-s prouséye dab lou canalhè, més dab quin biarnés de choès, quin esprit de boune toque ; suban l'escadénce, arridén, ou doucétou piperrat. Lafore que hesè boutée, pramou que l'abèn fransimandeyat ûe hèste qui debè sustout esta biarnése. Drin pèr drins que quilhe l'aurélhe, que lhèbe lou tès dou cap, la nublade qui ou hesè l'oélh tan ennegrit que s'esbassiba e lou foundatou de l'Escole que-m �-78crida dou cap de la taule enla : Truque malhuque, Lalanne, aquéste qu'en éy de la race beroye ! La banère de Febus n'amantabe pas qu'û escouliè de méy, més aquéste que coundabe pèr dèts. A maugrat dou sou adye, l'amie nouste que debera ta la pataqueyade dous yocs : que s'en pourta la poume pertout oun passa. Coum la soue paraule, lou sou calam qu'ère engragnayre d'esprit arridén e de bite bitante, d'aquéth esprrit e d'aquéth arris qui hesèn tan amistouses las noustes amassades. Ballèu qu'entra a la yurade, qu'en hesèm û repourtur e tabé û mémbre dou nouste counsélh : que s'y talhuqua ûe place de choès ; e a la mour de Planté que semblabe l'û dous très ou quoate qui poudèn préne la soue place. Entèr éth e you que s'ère hargoatû malhou d'amistatqui la mour mediche n'éy pas pouderouse de trenqua. Ne m'en broumbi pas chéns tic-tac au co. Més tabé, quoant m'éy estade preciouse la soueayude. Tour pèr tour secretari yenerau e presidén, que m'en èy bis de toutes pramou que se loufautulhéy belousat pèr dessus, lou qui s'y sèt, pèr grans qui sien lou sou boulé, lou sou poudé, toustém pèr debath quesén las pounthades dous brouncs. Mercés aus amies, que m'at èy poudut bira, a cops lou qui-m a lou méy sarrat lous puchéus de la bie qu'éy Carribe. Sie benedite la soue memori ! D'idées laryes e yenerouses, que respettabe las oupinious dous autes, toustém, en tout incas, en tout loc. Que m'a tan aydat a ha de l'Escole coum lou port oun lous homis de toutes coundissious e de toutes oupinious e-s podenayma coum rays bertadès en l'amou de la Patrie. U die que l'èy dit aquéste paraule qui ou touqua dinquòu pregoun : Carribe qu'èts ûe counsciénee ! La soue mour que baha û gran boèyt a l'houstau de Febus. Més quoant maye encoère a la case ensourelhade qui mentaben Moun-Arridén ! Aquiu qu'atén l'aperét de l'amie qui l'a qùitade, la coumpagnère de la soue bite qui èy soubén aperade la hade de la maysou hurouse. Que la souhèti nou pas loudesbroum, més l'apatsemén qui déu biéne, qui bièyra a l'auyou de la soue hilhe d'adoupsiou douce e bonne coum tout so qui tagn a l'Amie qui s'éy apoudyat. J.-V. LALANNE. �— 19- DEBIS DOU DINERÈ La grane coénte de queste an que se m'en ba hèyte. Coan disi la grane coénte, lou paysan de nouste que-m coumprénera. Tout an, à Fore de dalha, hieja, entra lous hégns, ou de sega, bate, bénta, ha lou palhè, [ou paysan n'espie pas ne à la susou qui trémpe la camise, ne à la journade de oéyt ores qui hè brac lou jour lou mey loung de Fan. Chirga que eau ou la misère que truque a la porte. Més un cop grè, hegnère, — e tchay doun se pot, — sarcits de tout so qui eau enta la bite de Foustau, que pot escouta lou bèt ou la plouye, la bentorre ou la nèu. L'omi de Gascougne n'éy pas basut après lou pan : an per an que s'ou eau ha base e amassa. Atau lou Dinerè de l'Escole. Que me-n poudets crése : que tourni de-n passa e que sèy adare lous cope-caps qui m'a coustat, p'ou prumè cop qui m'an hèyt l'aunou, de sega, bate e ha lou palhè. Més quin plasé toutun d'abé ahas dab brabe mounde coum soun lous Escouliès de Gastou Fébus ! En touca lou pous à la caisse, — tout dinerè ou meste d'ahas qu'é mey que mens médecin à la soue mode, — qu'èy troubat que-n l'anabe prou plan. Lous sos que soun lous palmouns dous ahas. Lous noustes anciens que disèn d'un praube malerousas qui abè toustém deban ét trente liures mens dèts pistoles, ou qui ne pagabe pas sounque lou trente de héurè : aquet qu'alente à malayse ! De un qui s'at birabe prou beroy, que disèn : aquet qu'alente adayse ! Bertat qu'ère e bertat que sera toustém. E doun, en bèt touca lou pous à l'Escole qui mégne lous 27 ans, qu'èy troubat qu'alentèbe prou adayse. Nou pas que sim richês pouyrits : aquere bésiadure n'ey pas ent'ous felibres mey aboundous d'idées que d'escuts. Encoè qui, gràcis à Bibal, casteréjim s'ou tue de Maubezin oun casterejèbe Gastou Fébus, n'èm pas riches pouyrits tan se-n manque. Mes qu'am lou pan de l'anade e aco qu'és ue bère cause en Gascougne coum pertout. Urous lou qui pot bibe mens d'emprounta : lou pan dous auts qu'a nau croustes. Aco ne bo pas dise que s'abèm s'ou pan un tchic de masquedure qu'aneré mey mau. Tabé lou qui, enta estrées de cap d'an, oéus de Pascous, ou pramou de cauque idée amistouse enta l'Escole, bouteré masquedure de cauque so s'ou talhuc de pan, ne lou Présidén, ne lou Dinerè n'at prenerén pas perafroun. Afrouns atau, que se-n parleré enta dise nou pas d'at decha, mes de s'y tourna. Mey lou numéro mesau aberé de hoelhes e mey que s'y pouyré tournéja idées e parla de so de case. Daune Gascougne ne-n seré pas sounque mey poumpo.use e agradibe. �— 8o — Que-b èy dit lous Escouliès qu'èren charmans. Que m'an hèyt onestetats que hè trembla ; que-n souy encoè tout co-clabat. « Ne passits pas l'anade 1924 chens biene ha un tour en so de nouste», se-m dit un s'ou tros de paperot dou chèque poustau, e Diu sab se à sa case é soun lous plan arcoelhuts. Gn'aut que m'escriut : « Hè-t toustém beroy, se-m calameye lou capdau. Boulé e poudé que soun dus : coum tira sang d'ue arrabe? N'é pas coum lou nouste dinerè qui sab ta plan ha trintrineya lous escuts au plat. » Coum boulets ne sii pas jou countén coum un omi, en m'énténe coumpliméns de quére payère au prumè cop qui souy Dinerè ? Enta gn'aut, lous escuts que-s debiren pistoles. Escoutats : « Assi qu'abet las dues pistoles ta ha praba l'escole ad aquéste an. Adiu siate pourta pé plaa, ère e bous. » S'ou chèque, las dues pistoles ne hasèn pas sounque las dets liures : n'èm pas de Gascougne enta-d-arré ; bertat brabe pastou ? Aquéste aute que-m dit : « Dab salut qu'en doudze mes e-n s'y pousquam tourna : adiu siat. » Que souy dou boste abis, brabe reyén, coum souy tabé d'abis dab aquesti beroy omî qui-m mande la soue coutise en escribe : « Hère de cops la pe pousquie embia e bous récébé-la. Adiu siat ! » Que-n èy dous qui m'an embiat : « Salut e fraternitat ». Disem-me se n'é pas aco beroy. Un desarrigat que m'escriut d'où ha bouta escouliè pramou à las brumes dou Nort qu'où eau arrays dou nouste sou de Gascougne. Chucats asso qui m'arribe de Belgique : « Moussu lou Dinerè. Qu'èy recebut aquéste mati la boste paperole e autalèu que-p embii lous tintins. Adichat e hèt beroy. » Se touts abèn hèyt coum' aquet Pauiés, s'abèn pagat de tire dab lou chèque poustau, coan de cope caps aberén esparegnat au praube Dinerè ! Se-b disèbi que m'an mandat abrassat de bers ! Qu'arrisets? E doun que pe-n bouy ha léje coate. Dab toutes mas gauyous, A bous, nabèt capdau, Ugran pugnat de flou» E dets liures que-b dau. Un pugnat de flous, lou titre de Capdau — Palay, nou-n siets jelous —e dets liures au cap, que boulets de mey? De countén qui èri, jou tabé que m'èy gahat lou calam e qu'èy arrégat s'ou pitè aquestis bers. A l'Escole nouste, Qu'èm coum rays e sos. Se boulém, aus Reclams, pan dab mesout e crouste, E, dessus, masquedure ou boune carn chens os Plascnte au qui la gouste, Eou Dinerè, se n'éy pas un Saute-la-brouste, �- 8i — Que-b disera qu'où eau un gran palhat de sos. Lous sos ne soun pas céts qui s'amassen au bos. S'ére atau, tout soulét que-m hari la courbade. Dous qui soun francs coum l'or Que-n trouberi, se crèy, p'ous toujas de Dihor, Mant'un tistèt, mant-u bère courdade. Se lous céts poussen au touja, LoUs sos que hèn poutchiqueja. Nat plasé ne ba chens trebuc. Qu'a calut ha « recoubreméns » s'ous qui s'èfen endarrerats per nou pas abé lou téms ou pensa-y prou lèu. Cauque d'un de quets « recoubreméns » que s'éy croudzat dab lou mandat chèque. Lous qui toutun an hèyt boune arcoelhénce au papè que s'at trouberan pagat enta gn'aut an. Qu'abém tabé broustes e arrams de casuts ; mes branques nabères qu'an yessit e l'Escole n'a pas magrit. Adare qui-n sabéts autan coum lou Dinerè, que-b bouy dise coum lou de toutare : « Hères cops pousquim embia la séutade annau à l'Escole nouste. A Diu siats, pourtat-pe pla ère e bous. » E toustém : Fébus aban ! C. DAUGK, lanusquet. ■ts , i> CAPS DE GASCOUGNE JOUSEP NOULENS (1828-1897) Lou Jousep Noulens, pouète gascoun, que badouc à Coundom lou 29 d'octobre 1828; A Coundoum que hasouc sous estudis dinque au jour oun parti cap à Paris persegui lou mestiè de las Letres. A mes d'un punt, Noulens s'amerite d'esté estudiat aci : Qu'ey Noulens qu'assoulè en 1866 aquere Rebiste d'Aquitafii qu'ey estade loungtemps un larè de recerques istouriques oun se soun benguts assieta touts lous qui an hurgat dins lou passât de la Gascougne, auant que nou badouc la Rebiste de Gascougne qui ère, ère tabé, nou y-a pas encare loungtemps, un larè clarejant. Mes Noulens ère mes qu'un istourian, Noulens qu'ère un pouète. Ac a dit, ac a escriut : « Enhourcabi Pégase à quinze ans ; touts lous lésés de ma joenesse lous èy dats à desgruja rimes e à counda emistiches. » Apey aué rimât loungtemps en francés e s'este barrejat a la boulegadîsse dous Salous d'Art de Paris que-s tourna bira cap au soun païs bertadè e, pouète, rimec en gascoun la Flahuto gascon 110 : Adaro, astan frouncit per l'adge Que la ribéro per lou bent. �— 8s — Lou francòs nou-m semblo plasent ; Mes s'emplegui lou bielh lengadge, Tant musicaire e gaihasent, Em crezi recaijut mainadge... La Flahuto Gascouno qu'ey un libe de pouèmes, n'y a mes de 60, touts cargats de l'aram dous cams d'a-nouste, aram blous sensé nat mescladis hourastè. Oats so que dits lou pouete en prumè : Agradats aquet pràube floc De basilic e d'arrouselos, De coucuts e ramèus de broc, Lugrejats de blancos estelos. Lou liri plats à las puncelos : A las Daunos de bielh estoc : Las flous dou prat ou de l'arroc, Margaridos e pirapanelos... Qu'ey pla tout aco qu'embaume dins lou libe de Noulens. Noulens qu'a sabut, droulot, per coumbes e tupès d'Armagnac, jouga la berde canauère, s'ey broumbat dous sous ayres agradius e â trauèslou remembre l'a aperade e entenude la flahute, de nauèt, mes cande, mes oundrade. cargade de tout lous soubenis dou païs aymat : O sounadouso canauère, Instrument prim de noste moun E de la Muso Bouscasséro, Gourguejo, musiquéjo encoéro Per emberouï la cansoun D'un escu troubadou gascoun ! E la sounadouse canauère à n'aquet aperet amistous a gourguejat la bouts de la Gascougne. de toute la Gascougne, dous oustaus, de las sègues e dous camps. Escoutem-la. Que dits? Bouscassère qu'ey toustém estade, bouscassère que demoure. E cante l'Isard « cregnous de serbitut », lou. Cot-Arrous « amie dou praube legnaire », lou Cardin, la Lau^eto «joio dou lauraire », lou Pinsan duc, lou Mulet,^lou Buóu, l'Esquiró, toute la Gascougne que bole, que saute e que trabalhe, nou se countente de pintra las besties, mes las hè parla : lou jardiné c lou Tchot, la Peirossilhano e lou Conçut, lous Plagns de FA^ou, la Cuco e l'Arrou^è, e d'autes encare. Apèi las besties las flous (la briuleto au Lugran) e las causes [de l'oustau (lou Carclh, lou cuyoun). Noulens en boun gascoun nou-s desbrumbe pas la cousine e cante VEscaudoun. Un escaudoun bien amarat Hè leuà las pelhos pou prat ! �-83- cante taben lou Picopout, coume se diu : Nad bin de Bourdèu, ni d'Espagne Nou baù, per dehoura la cagno, Un boun beire de picopout... lou Picopout e las Bregnos, Lous mousquilhs, lairous e pintaires, Per halops taston lou bin dous... e la Despeloucado, Lous besis soun benguts à la despeloucado, Lousjoens apariats : amourous e besiado En dus birats de man descouhon lou cabelh, L'estorson ras dou cot darrigon sa purruco ; Labets sa punto d'aur, nuso coumo la cuco, Clarejo dins lous dits, coumo un tros de sourelh... Gascoun, Noulens sab traduse la beutat dou païs. Sa pouesie simple e gaujouse brounich de touts lous reclams dous camps de l'iuèr à l'estiu, dou printemps à l'abor. Sa Muse paysane que cante un reclam dous oun repoumpichen de cops lous arrisoulets e lou paraulis gay dous goujats e de las goujates. « L'ensemble escriu M.Michelet dins soun libe Les Poètes gascons du Gers, forme ainsi une gerbe magnifique où la rondenr s'allie à la malice, la bonhomie à la passion, la naïveté à l'esprit raffiné, la fermeté à la douceur, et la vigueur à la mollesse. Le trait saillant de ces compositions c'est qu'elles sont puisées aux sources vives du sol gascon et possèdent à un haut degré le goût du terroir. » Noulens qu'ey un pouete bertadè, noun l'un d'aquets agles qui trauèssen lous ayres à cops d'ales trebatentes, mes l'un d'aquets pinsas, d'aquets cardis, d'aquets cot-arrous dous nostes bosc qu'aletéjen proche de nous, sous tupès berds, dins las sègues, amies dous lauraires e dous pastous, aquets ausèts qu'ou-s hè dise, lou pouète : Quan lous oubrès à la brespado, S'en tournon camiso couhado, Hausset ou ressego à la man, Lous saludi d'uo piulado Que bo dise en lenguo sacrado : Adichats, besis, à douman ! E decops, soubén, dins un rebirat de trobe lou pouete que-s rebire tabé beroy sous oelhs enlusernats d'un ray.de pouesie maje. Y a dins la Flahuto Gasconne pèces de prumè escantilh. Cau legi lou pouemo au Gigan de la Pignade oun lous arams de las lanes, gèdre, mousse, agrèu e majourane embeliuen e apatsen mentre que lou pouète e-us hè touca las plagues poustemejantes dou gran pin ainat de las lanes, Pas unplagn nou cai sus la brano, Pas un plagn nou mounte au lugran ! Lou bent soul en passa plourejo Sus ta blassaduro e toun mau, Doun lou sudamen s'esgoutejo... �-84Cau legi taben Lou Pastou e la Pastoure, pouemiot que decops trinde coume un tros de Teoucrite. Quan marchos, nado cicoulano Nou tournejo coumo toun cos ; Gn'a pas nat gruet de majourano Ostan rousadet que tous pots ! E puchqu'èy noumat Teoucrite, bouy enta acaba moumenta la Pregari de la bielho atielhèro, que nou pot pas nou pas escouta lou Boun Diu : Quan, de bosto bouès soubirano, Debaro de dins la campano, Moun Diu, un tringlat d'Angelus, Talcu m'ajulhi sus la brano E ma pregari, de la lano, Mounto, en s'aleteja, capsus ! E puch tabé las trobes sus la Moulhè d'autes cops que soun, de quins, de toute prumère pajére : Lou paradis teng den ma crampo, Oun lous mubles parlon de tu, De tous poutets, au cla de lampo, E de tous poutets, à l'escu... Caucoum praco me manque encoèro ! Per acaba de me mubla, Amie, me cadre la eugnèro, Trigues pas de me la balha ! La Flahuto Gascouno ey seguide d'un boucabulari gascoun. Noulens, à la grane respelide de noste lengue boulouc non pas sounque pourta bers, mes encare pèyres de las cantounayres ta la bastisse dou dicciounari gascou. E aco qu'ey un exemple maje ta nous e ue aunou ta et. Noulens qu'a dounc cantat la Gascougne e atau qu'ey entrât dins aquere bère troupe d'ornes qu'an, à trauès lous sècles, seguit l'estele. Apèy Marcabrun e Cercamon, Garros, Ader, D'Astros, Baroun, Bedout, Dugay, Laffargue e Cassaignau, Noulens qu'a clamât la bouts dou terrayre e coume tau lou griç « lou praube gric que s'ahuto », dou quau dits : L'amo dous morts doulento canto Cado cop que cante lou gric, l'ame de la terre neuricère, de la terre doun la sabe gourgueje de nauèt à las ahides esmiragglantes de la respelide, aleteje d'un cap à l'aute dous repics que « l'escu troubadou gascoun », coume s'apère, maneje sus sa flahute bouscassère. Ismaël GIRARD, cou m'enjés. �-85POUESIE LA HOUNT D'ARMENTIU (Hount de las doulous) Pou ras dou bioth mercat au trubès de l'arrêc, Carriulant d'ue anraque en chourre bribeyante Au miey dou segarra qui la floque sou bèc E debath aus castagns, la Hount tout dous que cante. Clare coum lou cristau, fresque coum drin de glas, S'ou penent escantat de la pèyre moussude L'aygue que chiscle en espartin Jte'us e mendras, E que-s nide au Iheyt d'or d'ue gobe sablude. Hount beyhasénte, o Hount sabrouse d'Armentin, Assecat e'goarpit u bêth die d'estiu, Enta prega-t de da-m ue arrebiscoulade, Decap ta Tu que m'en anèy, gaymante Hade. Deyenous que-m bachèy sàu miralh dous tous oelhs, E tu que m'arcoelhous, beroye, coume arcoelhs Lous doulents qui goarechs e qui-t clamen ayude. E ta ha-us desbroumba l'auyou de la courrude, Aus mis pots entadits autalèu que tenons La frescou dous tous pots arridents e goustous. A plegn canè que m'auheris, hount toustém sane, Lou sang empregnedou de la Terre mayrane, Sang blous qui taus rouments s'escoun débat lou sàu, Sang qui graméye e qui s'arrounce à l'arraydu, Coum blancspouris largats chens cabéste ni trabes, Héns las bégnes d'aryent dous arrius e dous Gabes... Que bebu ! Mespresant autalèu lou gaumas, Engoalhardit pou recounhort qui-m bareyas, Chens brigue mey senti-m tapauc de la sayade, Sou cami de l'arrèc que gahèy Tabiade ! E tabey, Hount, en soubeni dou gay qui-u hés, U praube rimalhayre aciti que-t dits : Mercés ! AL-CARTERO (Pouesie tirade dou darrè libe dou défunt D°u Lacoarret: Pou Bilatye II, qui bié de paréche) �— 86 — Qu'abiam acibach, ouey, u estùdi mey que mey intéressant dou nouste confray G. Mascaraux, counegut dou mounde sapient pelions recercs e las troubalh.es qui a hèytes à las espelugues aussaleses. Ou'èm segMS que hères, sinon touts, que leyïran aço dab lou medich plasè que Ions bèrs charmants d'aquet baient felibre. LA GASCOUGNE D'ABANS L'ISTORIE Tau qui bôu pensa au prougrès merbelhous e à las imbencious esmiraglantes de la fi dou sègle passât e dou qui couménee, que y'a de que-s demanda quin l'inyenie de l'ômi a poudut hica sus pè ue cibilisaciou per tan de coustats rafinade. D'autes qu'an flourit dens lous tems antics : Chine, Japou, Inde, Cambotye, Perse, en Asie; Egipte e Carthage, en Afrique; pobles Incas e Aztèques, en Amérique; Grèce e Roume, dens la nouste Europe, ta nou parla que de las méy counegudes. Suban las règles qui gabiden lou mounde, toutes aqueres cibilisaciou s qu'an abut la loue temsade de crechénee dinque qu'aboussen atengut au maye punt de prougrès e de puchance, ta despuch debara e s'escoune, quauque cop chens decha d'autes testimônis deu lou passatye que las roéynes de mounumens grandious, enterrades chic à chic per lous sègles. Mes à toute cause que eau ue abiade, e si l'ausèt de la cibilisaciou armiroue oey ta capsus que n'èm bèt drin enlusernats quoan lou boulem espia ; que-s eau soubié, ta segui l'acoumparès en dechan de coustat la leyende dou Phénix — tout ausèt, au princîpi, qu'ey sourtit d'u oéu. L'ômi, abans d'esta chic ou hère cibilisat, qu'a dounc début passa per Testât saubatye. Moun Diu ! Lou nouste ourgulh n'a pas à s'en oufensa : saubatyes b'en èm encoère per tan de coustats tau qui sab espia e pensa. Mes quau que sie lou nouste sentiment ad aquet sudyèc, que debem hida-s à ço quis'an proubat las trobes dous sapiens qui, despuch oeytante ou nabante ans-a, an desarrigat de la terre lous secrets qui y èrem estuyats ou qui, dinqu'à labets n'èren pas estats coumprenguts. D'aquet ômi saubatye qu'an troubat lous apès, utis, armes en pèyre ou en os; tout ço que lou tems n'a poudutdestrusi. Praubes enyibanes aus oelhs dous qui nou poden councébe ço qu'a début esta l'ebouluciou de l'esprit d'imbenciou, mes oun troben toutu la merque d'ue intelliyence maye. Mey qu'aco encoère, d'aquet ômi qu'an troubat lous os, lous esquelétes, sancés ou nou, en cas prou riales, qu'ey bertat, permou qu'a calut qu'aquets os e-s troubessen en coundicious especiaus ta-s counserba, quoan n'èren pas cremats lous mourts, ço qui ère la coustume enço de hère de pobles antics. �-87Au lou coustat, ou à la place qui aucupaben quoan lou mourt esté sepelit. qu'an coelhut bèts cops, lous couliès hèyts de cousquilhes ou de dents houradades de grans herurns desparescuts ; animaus moustrous que l'ômi, chètre e miey nud, sabè toutu maseda ; las soues armes : pues de sayetes ou de lances, en pèyre ou en os, beroy agusades : destraus de coumbat, ou tau tribalh, hèytes d'ue pèyre dure trencante, ahialade dab soegn à l'esmoule plate, puch soulidemén ligade à u manyou henut, ou traucat e soubén labets, ayustade à ue gayne en cor de cêrbi. Lous mey anciens d'aquets os ou esquelétes descroubits à Neanderthal (Allemagne) ; Spy (Belgique) ; Le Moustier (Dourdougne) ; La Chapelle-aux-Saints (Courrèze) ; à Combe-Chapelle, près de Montferrand, (Dourdougne) e usquoans d'autes endrets, lou mey soubén enterrais en tutères, ou espelugues, que-ns dan ue idée de Testât de saubatyè de l'ômi qui-ns a debanteyats en noustes pèys. Saubatye! b'en debè dounc esta aquére praube créature au cap aloungat e aprimat, au frount aplatit, lous arquets dous sourcis abansats en teyt, corn lous dous grans sinyes, lou mâchera de bach yetat en aban ; care de brute oun nou debè goayre lusi Tenteliyence, mes ômi toutu. En s'ahounsan mey loegn dens las brumes deu passât, aus tems geologics oun se soun hounuts lous glacés qui croubiben las mountagnes, e oun cauplassa la fourmacioude las batse loudepòsi dens las arribères d'aquéres pièles de calhaus ardounits per lou briu de las aygues qui-s troben mesclats à Taryèle rouye. — La géologie que-ns aprén qu'aquere aryèle que bié de l'acciou de la néu e de la yelade qui pouyrech las arroques de miure (granités) de las mountagnes — que poudem figura-s la bite misérable de l'ômi qui biscou en aqueres temsades, encoère mey saubatye, mey caytiu, cap à cap dab lous grans elefants e rhinocéros, espèces desparescudes, qui èren hèyts ta bibe en aquets tems de rets tarribles, apelhats qui èren d'ue loungue raubiole de périsse lanouse. Qu'ey cause counegude la trobe qui an hèyte mey d'u cop de moustres coum aquets [elephas primigenius ou mammouth) troubats en Sibérie frescs e tout sancés, counserbats hens lou glas, dab la loue pèt, la loue carn e lou lou péu, Diu sap despuch quoan de mille ans. Quoan de sègles e-s soun dounc escourruts despuch aquets tems oun semblé Tòmi abé mercat lous pennés tras de la [soue parescude sus lous planés de la bielhe Europe ? De segu, hort mey que n'at poden councébe lous qui n'an pas hèyt estùdis de géologie, ou qui-s hiden à las leyendes ou aus escriuts biblics mau coumprenguts. Qu'ey ço qui la mey haute autoritat dou mounde catoulic : u pape dous mayes d'aquestes darrès tems, a boulut ha coumpréne �— 88 — quoan digou que calé tradusi lous « mile ans » de las escritures sentes per ta loungues temsades de sègles, que s'y perd la nouste praube coumprenedure. Sus touts lous punts de la terre oun an hèyt recercs d'aquet ourdi, lous sapients qu'an bist lou libe dou passât oubri-s ta d'ets e, dab l'espessou de las terres d'aygat, lous bs dous animaus qui an serbit de neuritut à l'ômi; lous testimônis de la soue endustrie, las diferences de forme dous utis, de las armes, dous ournamens, qu'an establit, dab prou de claretat, u ourdi dous tems escourruts dinqu'à l'aube de l'Istôrie. Aqueres temsades, qui ets apèren atyes, que soun : La de la pèyre picade, la de la pèyre alissade, la dou brounze, la dou hèr. Més enterl'ue e l'aute d'aqueres dibisious, hèytes drin laryemén, qu'an troubat place d'autes qui an tirât lou lou noum de las estacious prencipaus oun, en permè loc, an descoubrit mérques d'ue industrie prôpi à u tems dat. Mes que seré esténe aquéste estùdi chens l'esclari d'y méte trop de noums arrebouhiècs. e ta demoura-s à pourtade de touts, que s'en tieneram à ço qui dabanteye. (que seguira) ■s Félix MASCARAUX (d'Arudyj Membre courrespoundent de l'Escole d'Anthropologie de Paris. 'W-, s- UE LEGUE DE MACHAN CAMI Quoan lou Piarrinou de Cantegril estou rasât, beroy afèytat de la cinte rouye e dou berrét nau, qu'apera la Rouséte la soue hilhe e tout en lou ha dus poutous qu'où digou : Anem amigue, que bau abé bèt téms enda biadya e per très dies qu'ès daunéte ; balhe-m adare la bèste hèyte en case. La maynade diliyénte qu'aubedi e qu'espia soun pay dab u ayre amistous ; eth, n'abou lou cô esmabut, maugrat que n'at hasousse paréche brigue. En sourti decap à la borde oun ère lou pastouris, que chebiteyabe ta d'eth medich. Malaye ! dise qu'ue gouyate, balénte, escricade dab bèts dinès, coum èy la nouste, dise que s'a hieat au cabèlh, aquét tros « d'espitalet » chéns larè, chens oustau, que tout so qui èy aci, que sera ta d'aquet mouquirous !... Tout aco, que-m birouléye, que-m mét lou sang en aygue. E toutu, ne pouch mèy besé-le à ploura... Quoan m'a espiat bitare, héns sous oélhous qu'èy leyut coum héns u libi ; |aquére drôlle ! que-m haré baticà u esclop.... E tabé que-m brembi de sa may, de la mie bérouyine, partide quoan bayou Rouséte. Lou sou soubéni que m'a goardat de toutes las péguesses... Quin estou ère, brabe ta you ; �— 89 — qu'èri praube tabé e toutu, dab quine amistat estouy arcoelhut héns aquéste oustau ! Perqué ne hari pas la mediche cause ta d'aquét gouyat ? Ne ya pas arré à dise ; qu'aberi aquiu, u brabe e beroy yendre. .E lou riche Caddèt qui cresè d'abé la mie yénce flou ? E dounc, té, que s'arranye !... Que bouy Rouséte urouáe. Au truc de Mieydie, lou mèste qu'esté hens la cousine. Sus la taule recaperade de téle sirade, las sietes e lous beyres qu'èren deya pausats; lou tourri que humabe hens lou gran salé, la moulete qu'abè u perhum de coque, lou yambou coèyt à punt, las boulies héns u platét flourat, lou roumatye sabrous sus las hoélhes d'aberagnè, tout qu'ère prest. Chéns mouta, lou pay e la hilhe, que-s boutèn à taule. E qu'ère l'imadye dou bounur à d'aquére ore, aquére crampéte de paysa ! Toutu, la bère Rouséte n'ère brigue gauyouse e, de la bése en pensade, lou pay qu'où digou en arrise ■: « N'ès pas berouyine atau, si Louiset e-t besè, dilhèu ne-t bouleré mey. » — « Ah ! pay, que p'aymi tan e bous, que-m hèts péne ! Perqué em débisats dou qui ne boulets enta hilh ? toutu, qu'ey brabe, estaubian ; lou purmè que sabét, que bau mey, yent qu'aryent ! Quin abou resou l'éretère de Cantegril, que ya bint ans, de decha parla soun cô. » — « Ah ! bésiade, be sabes doun beroy pleyteya lou tou ahà... E doun tè, en soubeni de la praube may, you tabé que-t bouy ha plasé : que diseras au tou Louisou, que d'are enla, qu'où perméti, de passa las clédes e lou pourtelè de Cantegril, » — « Ey poussible que siat tan bou ? » E Rouséte que-s yéta au cot de soun pay. — « Anem, hilhote, que l'aymaréy you tabé à d'aquet droullot qui t'a sabude tan beroy atourmeliga... Adare, qu'ey l'ore, apère lou Patou, que sera lou tou goardia : ne seras pas lountéms souléte, puch que lou toutu sera aci, sus las dues ores, e you, que-m bau hica lou cami debath lous pès. à la croutsade, que troubarèy au segu, lou Yantét dou Biella. Encoère u poutou e à dimenye ! » Més, lou praube pay, ne tourna yamèy bése ni la soue case, ni la soue hilhe ; malurousamen ta éth, ne trouba pas la coumpagnou dab qui debè ana au Bascoat, e, soulét, chens ayude que caminabe ta arriba à Mourlàs abans l'escu, més u cop de matraque que l'estenou mourt, en u cami escamparrat ! Lou purmè qui pourta la triste noubèle, qu'estou lou mouliè dou Sau : que biené de las lanes de St-Laurens. Aus quoate camis, qu'abè bist u ômi coucat. Coum n'ère pas pauruc, que debara de la carréte e, quoan abou recounechut lou Piarrinou qui l'abè benut tan boune baque, quoan bi que ne-s mudabe pas mey qu'u esteruc, �— 9° — mey mourt que biu, que hica lou chibau aus lambres e que bienou ha la soue declaraciou. Lou deshur que-s sabou ballèu per lou bilatye ; lou mayre qu'aberti lou béuTray ;dou Piarrinou. Quin bam abé lou couradye d'at dise à la maynade ?... Que calou qu'ai sabousse toutu la praubine, qui tan per tan, bibè lou sou rèbe encantat. Qu'où hén crése que soun pay qu'abè recebut u cop de pè de chibau, mes quoan arriba sou loc, quoan bi aquét cos capérat que cayou à yenous : — « Ey bous, qui trobi atau, pay aymat, respounets à la boste hilhote ! Qu'erets tan bou, e toute souléte, que-m dechats. Pay, que-p'en prègui ! Aubrit las perpéres, encoère u cop, espiat boste Rouséte ! » E qu'où poutouabe, e qu'où fretabe, que la calou lheba, qu'ère coume ue bariade ! Quoan lou medeci, e las outouritats, aboun hèyt lou lou debé, qu'enterrèn lou praube Piarrinou. E la campane à la bouts doulente que hé sabé à tout lou parsa que u brabe ômi. qu'ère de mench en aquéste mounde ! Toutu. trouba qué calé lou peliè qui abè hèyt lou cop. Bagamouns, boetès, ramounurs, estamayres. qu'estoun arrecattats. Qu'aboun bèt cousina-us, serca la bousséte panade au praube mourt, decha-us bése lèu lou sourelh que calou : ne y'abè pas probes... Tau coum la lèyt e prabe chic à chic, héns la cautère, bruts mauhasénts que courrèben las carrères e lous labadés au sudyec dou Louiset e per u bèt die, lous dous courdous, qu'où te biengoun arresta. « Tè, e seré doun éth, qui aberé hèyt lou cop ; d'auta berdes e n'a madurat ! Qui aberé cregut aco de u gouyat dous coum u agnèt, serbiciau en ta tout lou mounde- Qu'abera pergut la termountane, si disèn las coumays. Piarrinou ne l'aura pas boulut balha Rouséte ! » E ère, en quin éstat ère ! Qu'ère miragle si l'abèns aubaden i oéyt e die, que la calou belha, lou sou praube cap qu'estou mounbirat per lou chegri. Dab quine amistat lou sou toutou, aydat per la bielhe Cataline, dab quine doussou, e l'abèn soegnade. Més, si la frèbe ère bachade, lou sou co b'ère doun macate endoulourit ! — « Ah ! toutou, bé souy you bayude, à la mâchante ore, e perqué ne m'abét pas dechade mouri ? » — « E doun, ne trobes pas que ya prou de tristè atau ! E you, que bos que sie soul coum u armiti ? » Labets Rouséte, coucade sus l'espalle dou praube bielh, que plourabe lou sou pay aymat, tabé lou sou amou, Que sabè que Louiset, qu'anabe esta yudyat : u fèyt soulamén que demourabe à esclari. Lous yudyes que l'abèn birouleyat enda sabé oun ère, à �- oi — l'ore dou murte. «Ne pouch respoune que la bertat se disè : que goardabi la bacade à las lanes de Mourèu. » Qu'ère l'ibèr, lous batalis que n'anaben per las bélhades e las esperouquères ; mantu gouyat que reba d'esta lou nabèt Louiset de la beroye eretère. Més cadu que sab que tout saunèy qu'ey mensounyè. Au cassou cayut tout lou mounde hè soun hèch ; lou praube Louiset n'abou pas mèy d'amies : segoutit p'ous us, mespresat p'ous autes ! Que boulets, se disè la bielhe Fabine, race que racéye : d'oun bién aquét tabé ?... La daune de Bordenabe e lou sou marit, mèstes dou gouyat, que hournilhaben cèu e terre ta descoubri lou murtè. Ets, qu'èren segus de la soue inoucence. Si n'ère pas lou hilh dou lou sang, qu'abèn prestit la soue amne à l'imadye de la loue. « E, que poudém lheba lou cap à case! » se disè lou bielh Bordenabe. Més toutu, la loue péne qu'ère grane de sabé aquet maynadye, qui despuch bint ans, lous mentabè pay e may, dou bése, héns las urpes de la Yustici ! E Rouséte, quin l'auré poudut desbroumba, l'amie de toustém. Quoan n'ère encoère qu'ue nenéte, qu'ey sous youlhs de Louiset qui a bist las beroyes imadyes pintrades qu'ey encoère Louiset ; qui pourtabe hens la choyé'tisterete de yuncs tressats, las arragues coelhudes en goarda lou pastouris. Quoan abou hèyt la purmère communion, Rouséte qu'estou miade au counbén. — « Ne ploures pas bèn, pouriquéte, s'ou disè Piarrinou, toutes semmanes que t'anerèy bése. Més. bé coumprénes toutu qu'ey endau tou bounur, qu'apreneras aquiu u sarrot de causes agradibes. » E Louiset ne manqua yamèy, pendén las très anades qui demoura aquiu, de l'embia lous mielhes fruts de la sasou, so qui hasè dise au praube Piarrinou : « Qu'ey toutu braboulot ya, aquéste maynadye. b'ey doungues doumadye que ne sie pas lou hilh d'aquéste endret. » — « Més, qu'en sera si ey toustém lou qui eau, » respounè daune Bordenabe. E lou téms que passa, chens tesics, chéns trebucs. Puch, u mayti, que bin debara dou briscar de Piarrinou, ue bère damiseléte, qui-s yeta au cot de daune Bordenabe. « Que souy you, si digou Rouséte, adichats à touts ! » — B'ey grane, espie doun Louiset, que t'arribe adare à l'espalle, aném hè-u dus poutous à d'aquére beroye maynade. » E Louiset bergougnous que s'apresse, e tau coum lou parpalhòu e poutiquéye las flourétes, tout choalines, que poutoua la macheréte bermelhe !... (que seguira) Marie FREMAT. �RECLAMS DE PERQUIU L'Ensegnamen au Lycée de Bayoune. Lous cours qu'an coumensatau Lycée. Mous de Bouzet qu'a deya hèyte la soue prumère leçou sus : La Léngue, lous sous caractaris, las soues termières, la semiade dou lati dens la Gaule dou Mieydie, lous caractaris dou lati vulgari, etc. La batalère de l'abat Daugé. La counferénce anounçade que s'ey hèyte au Gran Seminari de Bayoune, dab la presidénci de Mounsegnou l'Abésque. Que y èren embitats lous proufessous dou Lycée : Gavel, Colas e Bouzet. Se s'y soun plasuts, aco ne-s demande pas. Le Gascon est-il une langue? qu'ey estât u debis semiat del'esperit lou mey aboundous, lou mey estiglant ; u loung espatraclat d'arride. S'apèren léngue, u dialecte impausat perla poulitique à u pople (coum lou dialecte de l'Isle de France n'ey estât à toute la Gaule) lou parla de Gascougne qu'ey de la mediche souque latine e lou mey noble e lou mey tilhous qui sie. La probe qu'en ey dens la bertut de las obres dous sous escribas e de l'abat Daugé, pouète e coundayre, lou bèt prumè. A l'Escole nourmale de Lesca, Nouste counfray, Yan de Tucàt, hens lou « Bulletin trimestriel de l'Amicale » que da u bouci de las soues leçous d'istorie en l'anade 1923 : Aquere lecture que seré de gran interès ta hère de nous auts qui parlam e desparlam bèt cop sensé sabé, dous noustes anciens. Qu'u die, coume Mous d'Eyt, qui-nsa dat ue petite istorie dou Biarn, Mous de Tucat e yunti las soues leçous en u bèt e beroy libe, e touts qu'où ne seran recounechents. Lou 23 d'aqueste mes de Yè, Simin Palay qu'a hèyt à Lesca, u debis sus lou Coitnte Gascon. Qu'en a hèyt sourti l'esprit suban lou pais Armagnac, Bigorre, Lane ou Biarn, e amuchat quin se poudèn coumpréne atau las influences dou sòu e dou climat auta pla sus l'intelliyence, pusqu'ey proubat qu'en an sus lous corps. Lous eslhèbes-mèstes qu'y troubèn interès mes plasé tabé, permou be-b pensât pla que calou bèt drin arride. Hèstes de Nadau à Coundom. Noustes amies de Coundom qu'an boulude la loue belhade gascoune e que yan coumbidat lou Cascarot d'Auch. Dab et que s'èren amiats lous artistes de ley, Daune Montanier e Sempè e la serade ques'acababe dab la nabère pèce « Lou Perdigalh » estreade en A oust à las hèstes de l'Escole Gastou-Febus. �- 93 — U pa de Councours. . Aço qu'ey taus ysens qui bolen présenta coumpousicious loues aus Yocs flouraus. i° A Bourdèu, la Ligue de Guyenne et Gascogne qu'aubrech lous Yocs de 1924. N'y poden ha mandadis que lous de Gascougne. A l'arbe qu'an penut beroys arrams : L'arrasim d'or, lou yenèbre, lou broc. Que s'y pot embia, à M. Lajoinie, 5, carrère Fondaudège, Bourdèu, abans lou 15 de mars, pouesies (30 bèrs lou mey) e pèces de teatre qui se s'at balen seran yougades e dében èste escribudes ta u teatre de dehore. 20 A Agen que y-a toustém lou councours dou Yansemi. D'aci au 15 de mars que s'y pot manda pouesies en très coupies(ioo bèrs lou mey) sensé sinnet à M. Amblard segretari dou councours à Agen. Gauyous. Per cap d'an lou parpalhòu rouye dous balents que s'ey pausat sus la poulacre dou bastouniè de l'ourdi dous aboucats de Paris, Manuel Fourcade. Toute sancére, l'Escole Gastou-Febus que s'en dits urouse e aunourade-e que s'aprèste à hesteya coum eau ta las soues hèstes d'Aoust, aquet aute hilh oundrat de Bic de Bigorre. Perma ! la troupe de Caddetou que s'ey pausade tout aquèste abor. Nou s'en eau estouna ; daune Teresou de Laterrade que-ns a dat u petit actou ta las pèces d'Abadie e de Palay. Aquet qu'en sera dous bous, permou qu'a hèyte la campagne de l'estiu darrè dab la soue may e lous coumpagnous e se nou l'an pas bist youga, praube d'et, n'ère pas la soue faute pusqu'ère à l'estuyòu ! Mes adare, hèy !... Lous défunts Aquéste tour que s'ey mourte au ras d'Orthez, à 83 ans, daune Sybii Annesley, ue hemne charmante, qui boula sta de l'Escole aus sous permès temps. Qu'ère Anglése, mes per aco, bère troupe de biarnés nou soun pas autan biarnés coum n'ère M"'e Annesley. Que couneguè toute la nouste literature e que parlabe u biarnés toustém sabrous e escricat qui ère u charme. Ste Estele l'aye arcoelhude ! L. R. �— 94 — LAS CANTES LA BIELHE D'AULOUROU 1 / -fl-a. f i ^ J »' i JOJ^ ; i' / M ^ / /' j) i ^ C d-^t- 'ííci\ F_ d o-u tnûi - /ni ii ,i> j'i ^ /"ai h-/"ion Jti- JV'.".rif,|-n'r'-f'ilJJ|JlJ^ 'ne de 5 A Aulourou y-a ue bielhe (bis) Qui n'a qu'ue den daban E lou trin-trin, trin-tran La bielhe, Qui n'a qu'ue den daban E lou trin-trin, trin-tran. Bèt dimenye à la danse (bis) Que-y rencountre u yoen galan E lou trin-trin, etc. Toutdous, que-u ditsàl'aulhére(6i5 Gouyat, e-t bos marida i E lou trin-trin, etc. I Lou dilus que la fiensabe (bis) Lou diraars que l'espousa, E lou trin-trin, etc. Lou dimers que la trucabe (his) Lou diyaux que l'escana. E lou trin-trin, etc. Loudibés. que l'enterrabe (bis) Lou dissatte, lou cap-d'an. E lou trin-trin, etc. Lou dirrienye et que dansabe (bis) Dab u bèt bouquet daban E lou trin-trin, etc. 8 Dab l'argén de la bielhasse (bis) N'abou ue de bint ans. E lou trin-trin, etc. Aquére cante que la hase brouni per las arribères de Nabarrens e d'Orthez, Auguste, lou darré troubadou, doun lou Meste Lalanne a tan beroy coundat las hèytes hens Lou Prousèy d'u Biarnés. L'abat Daugé que l'a arrecattade tabé hens Le Mariage et la famille en Gascogne. �LOUS LIBES Lou CAF-COUY de Baigts. — Mous dou Pourcatè. Carnabalade en très hèytes, birade e ayustade dou Pourceaugnac de Molière, in-12 de 55 p., Pau, MARRIMPOUEY, emprimayre, 2, Place dou Palays-de-Yustici, 1923. Que-s bén : 50 sos. Arréns nou pot prétende ha ue coumedie me}- plâ troussade, me}r dibertisante que Molière, qui demourera toustém lou meste en pè ta las trufandères e ta las couyounades plâ tirades. E so qui hè founde d'arride en francés qu'a de segu la mediche bertut en biarnés. Soulamén, ta sabé tourrina à la mode de Biarn so qui Molière abè cousineyat suban lou goust de Paris, nou eau pas esta brigue estros. Estros, nat nou gauseré dise ni soulamén pensa qu'en ey lou Cap-Couy de Baigts. Aci, qu'a prés Monsieur de Pourceaugnac deu coumique francés e que l'a arrebestit dab la pelhe biarnése de Mous dou Pourcatè. L'aha que-s debire parié capbat las dues pèces. U pourcatè de Larbaig, qui a heyt fourtune dab marchandise de calhet, e qui-s pense que l'òmi qui a mounède qu'at a aquiu tout gagnât: esperit, sabé, manières, que s'apoutye decap ta Orthez ta biéne espousa ue damisèle, hilhe d'u riche marchan ; la gouyate qu e s'ey acourdade e proumetude à u moussuret qui l'agrade, mes qui n'a pas fourtune ; au pay, Moussu Castagne que l'agraden bèt drin mey lous escuts deu Pourcatè. Aqueste yendre espéran qu'arribe dounc ta féni lous arcords e passa lou countrat. Praube d'et ! Lou moussurét de la bile qu'a lou diatchou à l'espargate <!.... quauques amies autan endiablats coum eth. Toute aquére boune clique qu'enterprenen Mous dou Pourcatè à la debarade dou camî de hè, que hèn semblans d'esta lous sous grans couneguts e amies, que-u biren de cibot en cousséye, que-u hiquen enter las mâs de dus medecis qui bolen balha-u u labamen à toute force; que hèn arriba dues hemnasses qui pretenden que las a espousades, puch abandounades, que-u hèn u bente de poù dab lous yandarmes e lou Tribunal ; per la fî, lou pourcatè que hè au brut dab lou pay de la gouyate, qu'ey gahat per lous déus galous e que s'en tourne tout esbaryat tau sou parsâ, en léchan la damisèle marida-s dab lou moussurét deu sou goust. Tout aco qu'ey birat en biarnés goustous, oun gourguèyen lous moûts beroys e sabrous de l'arribère de Baigts, oun las hèytes trufandères per oun passe lou pourcatè pe balhen à tout pip-pap l'arride estoursedé. La coumédie que pot esta yougade per dèts ou doutze gouyats e nou eau pas hère de frès de pelhes ni d'arnés ta la hica suoù taulè deu tiatre. Que la recoumandi aus qui soun en serques d'ue coumédie agradibe, bestide dab esprit deu mey fi, deu mey biarnés. Nou s'y pot pas demanda quauqu'arré de mey escadut ta passa u brespau ou ue belhade de Carnabal. �— 96 — Abbé BERGEY, curé de Saint Émilion, ex-aumônier militaire du 18e. — Ma Garbetto. Récits et poésies en langue d'oc (Contrée de Lesparre), in-8° de 100 p., Bordeaux, bureaux de la Revue méridionale, 5, rue Fondaudège. — Que-s ben : 6 liures, enço de l'autou, à Saint-Emilion (Gironde) ou à la Revue méridionale, .Moussu l'abat Berge)', l'aumoniè tan aymat deu 18e penden la guerre, que sab debisa, — e que n'a heyt ploura us-quoans quoan a biengut predica à Pau hens ue gleyse cougnide de mounde — mes que sab tabé maneya d'escatse lou calam e ha brouni la parladure de case. Lou sou parla n'ey pas lou de la mountagne, n'ey pas lou qui èm acoustumats d'enténe à l'Escole Gastou-Fébus : qu'ey lou gascou de las parts de Bourdèu, deu parsâ de Lesparre. Aquet parla, si s'ey drin embastardit per las hantacious dab la bile, si s'ey u drinot enfrancimandit, qu'a goardat toutu la sape e la bertut deus bielhs terrés de Gascougne. Mous de Bergey, arroun las granes hestes, la félibreyade tringlante de Bourdèu, oun abc saludat, dab lou briu d'u hilh aymadou, la loengue deu brès, la loengue deus paysâs, la loengue deus peluts de per nouste, caduts acera loegn penden la maie guerre, qu'a boulut tira deu sou cô de Francés, de Gascou, de Caperâ, ue garbe de cantes en l'aunou deu pèis de case. La debisade qui hé à Bourdèu, quauques soubé»;is de guerre, pouésies loungues e braques, las ues doulentes, las autes miey arridentes, tout aco que hè u bèt libe de mey de 100 payes, dab à l'esdret la rebirade en francés, Nou s'apère pas aco soulamén u libe beroy e oundrat d'u paraulis poulit e escricat ; qu'èy u libe bou, u libe qui enhourtech l'esprit e l'amne deu leyedou. Aquiu qu'ey glourificade la terre mayrane, la terre oun badoun e chirguèn lous pique-talos, lous bignès, cambiats en souldats lou brespe de la moubilisaciou, e qui patin, qui-s batoun, qui mourin, ta goarda, ta sauba l'aunou e la libertat de la France. Aquets peluts qu'estoun de bous souldats, sâs, goalhards, paciéns e capbourruts ta gagna la batalhe, permou qu'abèn poupat aquéres bertuts aus planés sabluts deu Medoc, aus coustalats bagnats per l'Adou, aus parsâs oun canten lous gabes. Léye aquet libe qu'éy u plasé. Chuca la sape qui-n sort que balhe au cô balentie e ahide couralude. J. B. L. »• *aj>T'ga T<- NABETHS COUNFRAYS Mlle Ferry, à l'Escole de las Chartes, Paris. MM. Coureau, curé de Labouhèyre (Lanes). Poudenx (Xavier), à St-Geours d'Auribat per Poy-anne (Lanes). Duboscq (Gaston). Publiciste, à Dax. L'Emprimayre Mèste en pè : E. MARRIMPOUEY. � Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Patrimoine écrit occitan:périodiques Description An account of the resource Ce set contient les périodiques numérisés par le CIRDÒC issus des collections des partenaires d'Occitanica Revista Item type spécifique au CIRDÒC : à privilégier Région Administrative Aquitaine Variante Idiomatique Gascon Aire Culturelle Gascogne Type de périodique Revistas d'estudis localas = Revues d’études locales Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Reclams de Biarn e Gascougne. - Anade 28, n°04 (Heurè 1924) Alternative Title An alternative name for the resource. The distinction between titles and alternative titles is application-specific. Reclams. - Annada 28, n°04 (Heurèr 1924) Subject The topic of the resource Félibrige Gascon (dialecte) -- Périodiques Littérature gasconne -- Périodiques Histoire locale -- Gascogne (France) Description An account of the resource Reclams. -février 1924 - N°4 (28e Année) Creator An entity primarily responsible for making the resource Lalanne, Jean-Victor (1849-1924) Daugé, Césaire (1858-1945) Girard, Ismael Lacoarret, Léonce (1861-1923) Mascaux, Félix (1864-1945) Frémat, Marie La bielle d'aulourou Laborde, Jean-Baptiste (1878-1963) Marrimpouey, E. Source A related resource from which the described resource is derived <p>Bibliot&egrave;ca de l'Esc&ograve;la Gaston Febus&nbsp;</p> Publisher An entity responsible for making the resource available Escole Gastou Febus (Pau) Imprimerie de Vignancour (Pau) Date A point or period of time associated with an event in the lifecycle of the resource 1924-02 Relation A related resource Vignette :&nbsp;<a href="http://www.occitanica.eu/omeka/files/original/e472a8c919c77eed6b76d1205b58246f.jpg">http://www.occitanica.eu/omeka/files/original/e472a8c919c77eed6b76d1205b58246f.jpg</a> <a class="link_gen " href="http://www.sudoc.fr/039860345" target="_blank" rel="noopener">http://www.sudoc.fr/039860345</a> Is Part Of A related resource in which the described resource is physically or logically included. Reclams de Biarn e Gascounhe&nbsp;<a href="http://www.occitanica.eu/omeka/items/show/2019">(Acc&egrave;s &agrave; l'ensemble des num&eacute;ros de la revue)</a> Format The file format, physical medium, or dimensions of the resource application/pdf 1 vol. (20 p.) Language A language of the resource fre oci Type The nature or genre of the resource Text publication en série imprimée Identifier An unambiguous reference to the resource within a given context <a href="http://www.occitanica.eu/omeka/items/show/2732">http://www.occitanica.eu/omeka/items/show/2732</a> INOC_Y2_11_1924_02 Rights Information about rights held in and over the resource Domaine public/Domeni public License A legal document giving official permission to do something with the resource. Certains droits réservés Temporal Coverage Temporal characteristics of the resource. 19.. Date Modified Date on which the resource was changed. 2016-06-29 Occitanica Jeu de métadonnées internes a Occitanica Portail Le portail dans la typologie Occitanica Mediatèca Sous-Menu Le sous-menu dans la typologie Occitanica Bibliotèca Type de Document Le type dans la typologie Occitanica Numéro de revue Contributeur Le contributeur à Occitanica Inoc Catégorie La catégorie dans la typologie Occitanica Documents Patrimòni cultural = Patrimoine culturel