https://www.occitanica.eu/files/original/d30f086a7087e9f20d7a37fcaaef2a75.jpg 146999704fb8c137a5a2c14612a7e431 Omeka Image File The metadata element set that was included in the `files_images` table in previous versions of Omeka. These elements are common to all image files. Bit Depth 8 Channels 3 Height 1131 IPTC Array a:1:{s:11:"object_name";s:14:"1911 15e Anade";} IPTC String object_name:1911 15e Anade Width 1696 https://www.occitanica.eu/files/original/cbb3817226e0cc2ea42d8a3229ea2c97.pdf 5a902dd647bc00f4da9132c9bd56ebac PDF Text Text 35 au Anade •s Aoust de 1931 CLAMS DE DOUCTRINE PERMOU DE LA LÉNGUE MAYRANE La léngue mayrane, frut de nouste terre, qu'ey encoère bibe pusque la parlen quauques milious de persounes. Per aco, nou yogue dens lou païs qu'u rolle de gouye maugrat que la soue nécessitât de bibe lusésque dens la bite-bitante, dens la bite de l'entelliyénce e dens la bite mourale. Dens la bite-bitante qu'ey la léngue mayrane qui de d'ore'e hè noustes lous estranyès ; qu'ey ère tabé qui estaque lou paysa au sòu oun ey badut. Qu'ey segu que lous estranyès qui s'en biengoun ta France permou de cerca tribalh, permou de gagna dinès, que-s plasen d'abiade hère mey dens las proubincies oun escaden ue parladure qui-s semble à la loue. Qu'y troben de seguide la loue fayssou de pensa, de senti e de bibe. U italien arribat tant, per tant en Proubénce, u espagnôu, u catala qui passen en Rousselhou, ou ban dinque au Clapas, ou s'estanguen dens las bats de Gascougne que soun aquiu coume à case loue. Aflaqui noustes parlas qu'ey doungues amendri la naciou dens las qualitats qui a d'apera d'autes poples besis e de ha-us sous. Ya que diguen que déu mouri lèu la léngue, qui bòu sabe quoan de sègles e tienera pè ? Quoan n'y abou d'autan mespresades qui en l'ore nou soun tournades en aunou ? « De l'avenir d un idiome, si disè C. Juillian, personne ne sait rien et la science n'a qu'à se taire, sur la loi du lendemain ». E lou beroy académicien de hourni « Faire mourir une langue mais c'est pécher contre la vie sociale... Nous tous qui voulons que le français revienne au labour de son champ et à la pierre d'un foyer rural, ne touchons pas aux dialectes de nos provinces : ils sont sacrés comme toutes les parcelles du soi de la patrie ». Ah ! se sabèts quin lou reyént qui parle la léngue mayrane a u poudé maye sus lous sous escouliès ! L'idée d'escapa-s ta la bile nou yermiara dens lou cap dou maynat que se lou reyént se balhe ayres de Paris, coume ey la mode, se dits que lou parla de case qu'ey groussè, que pribe d'apréne lou francés e qu'où eau doungues espudi. L'escouliè dê souque paysane lèu que-s bed aquiu coume u praube malurous e ballèu que saunéye de granes biles, d'usines superbes, e que-s despache de mespresa ço de case, lous prats e lous cams trop petits. U de mey qui s'en ba. E lou boeyt que-s hè sus la terre mayrane. �2/Ì2 a E serbiré à d'arré de pintra meylèu la berou de la léngue dou païs, de ha counéche de qu'a ue literature, de merca las hèytes de noustes pays, lou gay de la bite de paysa, sarcide de santat, de libertat ? Qu'en y-a que disen, ya, las gauyous de la nouste Terre d'O, mes e n'y a hères ? La léngue nouste qu'ey de grane ayude dens lou cam de l'Entelliyénce. Prou que s'ey dit que lou miélhe ensegnamén dou francés que deu serbi-s en prumères dou parla naturau. Qu'ey la metode seguide loungtéms pous reyénts, e qu'ey estade renabide pou fray Saviniah. Mes, boutém que lou testimòni d'u reliyous n'aye pas ta tout cadu la mediche balou, lou medich pés, e audim ço qui-n disè u òmi destacat de toute credénce : « Refuser aux dialectes de France, si disè Jaurès, une place à l'école ce serait vouloir priver les gens du peuple d'un précieux élément intellectuel qui leur permet à eux aussi de penser en deux langues, faculté précieuse qui facilite la comparaison et le discernement et qui donne cette habileté de saisir entre deux choses voisines les ressemblances et les différences qui est le fond même de l'intelligence ». La léngue mayrane qu'ey lou bertadè lati de las escoles prumères, qu'ey per ère que lou maynat aprenera l'estimoulougie de hère de moûts, per ère qui sabera meylèu la grafie, e que permet dé ha-u gagna dab aquet tribalh de thèmes e bercious, coum dens l'ensegnamén segoundari. Àco qu'at a proubat lou luminous estudi de l'u dous bostes, de Yan de Tucat : De l'Utilisation du Béarnais à l'Ecole primaire. Ta l'ensegnamén segoundari que crey que tout cadu qu'ey d'accord, suban l'enquèste hèyte per Em!ile Ripert ; lous qui soun la luts de l'Ensegnance francése que bolen l'ensegnamén oubligat de la léngue mayrane. Aco, permou que lou francés medich qu'en deu cruba ue hourtalésse nabère. N'at boulets pas créde ? Agradais aquéste coumparè : Mario Roustan, bitare ministre de l'Enstrucciou public qu'ey anat nou y-a goayre en Russie soubietic e que y-a espiat lou fèyt d'ue renachénce estounante literari e artistic, à fin e à mesure que las petites nacious de l'Empèri russe e tournen de préne counciénse de ço qui soun : L'Ukraine, la Russie blanque, la Transcaucasie qu'an mercat u desbelh naciounau, e las léngues quasi incounegudes que rebiscolen dab rebistes, yournaus, qui paréchen en tartare, lettou, poulounés, yiddiisch, etc., qu'ey coume ue badude suberbère d'amnes qui semblaben adroumides. Lous qui boulhen mantiéne à la literature francése la fayssou, lou bestissi naciounau, are qui ey minyade per la quère de l'américanisme, que calera que-s biri à la literature d'O ; aquére ou, men que-s truie de l' Amérique. Deya hère de francés qu'an pescat à nouste ue ouriyinalitat qui-n bau gn'aute : Daudet, Paul Arène, F. Fabié. E aco que hasè dise à �— a43 — Jean Carrère (u gascou de Nerac) : « La Renaissance provoquée pat Mistral aura eu pour corollaire une renaissance du pur esprit français». Demandats au boste Leoun Rérard se nou déu la soue irounie maye aus paysas de l'arribère dab qui s'ey neurit. « La France est assez riche pour se payer deux littératures », si disè Lamartine. S'entram dens la ley mourale, l'emplec de la léngue qu'ey u debé. Ue léngue qu'ey coum l'amne d'u païs. Suban Mistrau « qu ey lou pourtrèyt d'u pople, la Rible de la soue istorie, lou mounumént biu de la soue bibe persounalitat ». La léngue qu'ey lou sinne de la nouste Race, e nade aute nou disera parié las soues leyéndes, lous sous cants, las soues pregaries. Brunetière, hilh de Touloun, que disè : « Tous les maux sont moindres pour un peuple que la perte de ses traditions ». La grane guerre n'abera pas abut ue enfluénce mayourau sus nouste cibilisaciou ? Qu'a toutu enhourtit lou nouste patrioutisme ; noustes parlas que serbiben au ligàmi dous reyiménts sus lou frount ou en captibetat. Nou mesuraram yamey lous sous serbicis renduts dens las trencades : Broumbats-be dous balénts qui sus l'Hartmanvillerskoff se hén esbrigalha en cantan la Coupa Santo. Abém dounc besougn de parla de la balentie dous noustes mourts ta ha touca dab lou dit la nécessitât, la balou de la léngue mayrane ? La France nou-n deberé èste hère ? Aquére léngue aberé mey poc de drets que gn'aute ta èste ensegnade ? — Rertat, que lous counsel.liès dou Counselh de l'Enstrucciou public que biénen d'agrada tau bacheíïeral u gnirgou d'Etioupie noumentat VAmharique. D01' F. CLEMENT. LOU COURNÈ DOUS POUÈTES MANDADIS POU REY-PETIT Charmantin auserou Ans oelhous escahits, à l'alete leuyère Ta qui bas prouseya dab la yoene beryère, Ourgulhous, Diu sab quin ! dou tou rouy baberou. Tu qui dens la clarou Dous matiaus aryentais de la Prime nabère, Gourguéyes, aux bruchous, toustém cante mey livre, D'ut-bouts de cristau, loute plie d'amou, A la beryère aymade Cante tout choaus, amie, lou secret dou me co ! Dijs-lou que bel tems-a, Ihèu s'en ey abisadè ?... De la mie pensade Qu'ey la Daune d'amou ! Puch, si coumprén aco, Dits-loa que s'aymeram per loungue lempourade... D0H LHEPT. �— 44 — FIDELITAT Diu que-m goardi de renega Per grandousè lou cam de brane , Se lou me pay ère u paysa \e haiiy esta qu'ue paysane. S'ey estai coundamnal per Diu A 'schartiga la terre dure, A bébé à tout pot à l'arriu, A minja brojes e mesture ; Qu'en anerèy à la sesou Cap-bal lous cams, cap-bal las sè.gues Coèlhe lou frai de, la susou Qui decha cùse per las règnes. Lou praube, se n'a pas poudut Da-m, ta jocs de hères mounlures. Autan de plasé qu'èy abul Dab h> méndre de las tesures. E se, de, nai riche caslèi m'a pas hèyle l'eretère, AOÍÍ Que m'a dechat ço de mey hèl : L'annou, dab l'amou île la terre. E tout lou. sou dinne passât, Entertan que lou tems debare, S'im me co qu'on tiéni troussai Dehens hais pires de sa chamarre. Pay, que-t déhi de poudé, oey, Dens u-mounde qui tan peguéje, Disé-m countênle de ço qu'ey E manda-n passeja l'embéje. AINNINF, RARRAN. NABETHS COUNFRAYS M. Cazaux, instituteur, Ecole Alexandre Dumas, Sfax (Tunisie). Mme B. Lalannc, i/i, avenue de l'Ermitage, Le Bouscat ((iironde). Mme G. Vammalle, , rue Voltaire, Tarbes. T �/|5 — 2 BIRADES Sus u bielh ayre Que-l coumbidi à coélhe pères qui ballèu ban madura. Que las flous nou madurèssen, lou coumbit, dèche-u esta ! Lou perès qu'an poque traque nou eau qu'estira la ma. Lous perès qu'an poque traque la qu'y pousques arriba. . Tau casau bachém amasse quoan lou brèspe ya s'en ba. Drins à drins per la bachade sayém d'amourouseya. De l'amou de cade brèspe rute que madurara. Poutins rouys de gouyatine esprès hèyts enta poutoa. Quines pères mey madures soun mey bounes à tasta ? Tiu ! B'en as la bouque chique nou sabs mey d'oun coumensa. Que-m haras beroye arrise e la noeyt s'esplandira. S'ou pouts oun droum aygue frésque l'ausèt que gourgueyara. — Sc-t coumbidi à coélhe pères que-m plats d'amourouseya. Oey las flous douma la frute, rute d'or coume nou n'y a... Séngles nèns per cade ma ! JOAN M. GUASCH. (Birade de M. C). �CAUSES BERDIUSES BERDAUSES Qu's aco ? Preste à serbi de yumpe ou de hourque ou de thianque ? LA BRANQUE. Oun se uoude u gn'aut bras ou s'amourle un boutoun ? Lou BROUNC. Capère esclaricàde e qui-s belh dinque à nouste ? LA BROUS LE. Caputh (pii s'escargalhe en badén téndre e moirlh ? Lou BROUTH. Yocne hilhe de plégue e de flingue qui siule ? LA BRILLE. So qui lailie à la branque en Laloun prim e dret ? Lou BROUQUET. Legnère de barralhe en deloun de carrère ? LA BRÈRE. Sec caputh s'escoun de bielhè chèns traballi ? Lou BRUSCALU. Mesclagne de charre grièste 1« sègue male-plague ? LA BRUCHAGUE. Lou ben que lou hèy cade trencalhat thic ou mie ; Lou BROUSTIC. Serbidoure d'escoubé à la nouste mayrane ? LA BRANE. Qui b'esquisse la pélhe e chaque au méndre toc ? Lou BROC Hiu dou boys oun se lien coum horte e line ligné ? LA BRIGNE. Que lou segayre dache e l'arroumigue pren ? Lou BRÉN. Coum la darrère proube au pè dou hoec de case ? LA BRASE. P. TASTET. chaloussés. Bsplic de moats: "Brouth, bourou ; Uriule, yoenc e loungue plantagne ; Brève, barralhe d'arrarries ; Brigue, tilhe dou boès. �EN MEMORI DOUS CAPDAUS DEFUNTS Yan Bictor de Lalanne Adare qu'ey lou tour dou tresau capdau. Que souy, chèns bantori, lou de l'Escole qui l'a lou mèy ancienemé.nt counechut, e dounc, l'u d ous qui-s poden créde segus ta-n debisa. Que y a dequero proche de sichante ans : qu'ère en 1872, per la ientrade de las escoles en seguide de las granes bacances. Lalanne, qui ère reyént à Angous, sus la termière don Bascoat, que bienè d'esta noumat à Bérenx. A pênes aquiu — e, si-m pensi, abans la soue installaciou, — que biengou ha besite au sou mèy proche besî, lou reyént de Baigts. Que-s présenta en plée classe, e que m'en soubiéni coum si lou fèyt s'estousse passât ye medich. Que bédi encoère moun òmi tau coum ère aquet die : magre coum u secalh, palle coum u malaut, la care desnudide coum u clergyman anglés, u makila bascou en mâ, bestit en blouse, e dab u berrét gran coum ue esmoule. Lous reyénts, per aijuét téms, ne moussureyaben pas coum: lous de oèy, qui-s méten, coum disen, s'ou « trénte-quoate ». Per aco,- la boune yént que respectabe « moussu reyént » e qu'où daben lou salut adarroun, toutû coum à (( moussu mayre » e « moussu curé ». Lou pourtrèyt qui bieni de da dou capdau n'a pas nade semblance dab ço qui muchen las grabadures tirades aquéstes darrès ans : la care qu'y ey plée, lou bestissi de bitare. Més ço qui n'abè brigue cambiat en et,qu'ey eslame dous oelhs, miralhs d'ue bère intelliyénce, e dous pots sourisénts, d'oun soulèben sourti paraules agradibes, engalinayres, quauque-cop drin trufèques — mes chèns malici — clouquéntes autapla coum las qui abém tant de cops audides e aplaudides à las amassades de l'Escole. Lou die oun l'éy bist p'ou prumè cop, que m'en anabi s'ous quatourze ans, qu'èri à l'escole ço qui apèren « cap de classe », e moussu reyént que bienè d'enterpréne la mie preparaciou ta l'escole nourmale. Que l'estouy présentât, que-m espia lous cayès, que-m questiouna ue pause, e que-m prengou sus l'ore en amistat, — ue amistat qui m'a toustém goardade e qui toustém ï'èy tournade. Lèu arribat à Berénx, qu'abè mountat ue bibliothèque escoulari de las plâ magarnides. De téms en quoant qu'y coussirabi e m'y hesi presta quauque miéye doutzéne de libes . Jules Verne qu'ère l'autou mey aymat de la mie yoentut. Lalanne qu'ère u cap franc, sancé, més tarriblemént biu, e aysidemént fachediu. E medich que-s acoumparabe à u broc d'aragnou. Dab aco, hère bou, la mâ oubèrte e lou cô sus la mâ. Que-s desbroumbaben d'en lou boulé, per tant qui l'aboussen troubat hissant, gnaquént ou chaquént. �En pouìitique, qu ère d'idèyes abansades tad aquets tems, e de qui-n abè qu'où disèn « ta la republique de Robespierre ». Més b'en lou maucutaben hère à tort. N'auré pas de bère pause, coum l'omi de C;3, embiat lou sou maye enemic — s'en abousse nat — enta la guilhoutine ou lou hourcat patibulari. Despuch, d'aulhous, coum bèm touts, que s'abè hicat hère d'aygue au bî (aço sie dit chéns méchant y oc de moûts : lou nouste amie qu'ère « abstème ». En atendén, qu'ère drin tard quoan s'abisa de ha repè : lou goubèrn de 1 <( Ourdi moral » que l'embia, en 1877 refresqui-s lou temperamént au loc de Diusse en lou Ric-Bilh. La camade de l'esbarrit n'estou pas de durade, e p'ou més de heurè 1878 que recoutibe enta Berénx. En setéme de 1880, qu'estou noumat à Lahountâ... Per quauque resou de santat, que-s hesou da, au més de noubémbre, u counyét qui-s perloungueya entio l'entourn de Pasques de 1881. Pendent cinq à chèys més qu'estou supleat per u yoén brebetat « indigène » frésc yenit de l'escole nourmale, e que proufièyta dequét « intérim » ta s'emplega coum secretari de la municipalitat d'Orthez. Que crèy que fraya mèy en aquére aucasiou dab lou défunt Caddèt de Hourcadid que dab moussu Planté, dab louquoau n'abou, bahide, que relacious de simple poulidésse e per escadénee : qu'ère lou « partit countre », coum debisen per aciu,«qui mestreyabe per labéts a l'Oustau-de-Bile, e lous còssous de la listre Planté n'aboun las tournes que l'endan. Qui auré dit, à d'aquére ore, — et, lou prumè, n'at auré credut, — qu'estoure u die l'amie lou mèy courau e lou bras drét dou capdau Planté qui debè tant balentemént segoundeya coum secretari de l'Escole Gastou-Febus ? Quoan estou tournât à de bounes au sou poste, be s'en abou de crudes à béde, !ou praube Lalanne, au mièy dous Hountanacs ! Que s'y troubabe aquiu, qu'y a u cinquantenat d'anades, ue poupulaciou qui, proubable, n'abè goayre cambiat d ana despuch lou téms oun n'abè hèyt lou pourtrèyt Miquèu de Montaigne en lou libe mentabut lous Essays. Lous qui l'an leyut que saben qu'aquét escribâ qu'ère co-segnou de l'endrét, e ue tradficciou, qui pod esta bertadère e s'ey trasmetude entio d'are de pays en hilhs, que bòu qu'aye demourat, ouoan bienè enta Lahountâ, en l'oustau, toustém de cap en sus, aperat 1' (( Ermitatye ». Au téms dou reyentatye de Lalanne, la yént dou bilatye qu'ère encoère meylèu mesfidèute qu'arcoelhénte à l'esgard dous « horebienguts » : atau chafraben lous estranyès, lous qui n'èren pas de la loue race e baduts s'ou loc. Més n'ère pas aco ço qui poudè tesica lou mèy u founciounari. Qu'y abè, coum en tout endrét de case, dus partits qvfli s'en boulèn coum câs rauyous, e qu'ère ue gnique-gnaque de cade die atisade per touts lous diables d'ihèr. Lou partit catalougat « reacciounari » qu'ère mèste de la mèrie, e coum Lalanne hesè las founcious de « grefiè », coum ne boulé pas mescla-s dequére « poulitjique » qui �l'enhasticabe, coum serbibe leyaumént lou sou mayre, qui, per esta petit paysâ, n'ère pas nat pèc, que debinats adayse per oun l'argoeytabe lou partit countre. Ta la République ou countre la Republique,, la maye part n'èren sustout qu'u amassadis de yan-lires, passan suban las eleccious, d'u partit à gn'aut, e hère adayse. E touts, per aco, que-s sabèn dise lous pialas dous Goubèrns qui-s seguiben. Près cadu en particuliè, lous qui abèn s'ous péus lou Lalanne, qu'èren de segu brabe yént, mes per aco capables de-s béne bémne e maynadyes tau mantienemén de l'Idée — dab u gran I — mout qui abèn en bouque e doun n'èy yamey sabut brigue lou sens ; capables tabé, ta desha-s d'u òmi qui nou lous plasè, de carca-u de las mey moustrouses mensounyasses. Que b enténi, counfrays e amies de l'Escole, à nouste, nou s'y deu pas debisa d'oupinious e credénees, ne tapoc de bères mays, mes dechats-me counda que quoan aquets pouliticayres e bin que nou poudèn ha dou reyént Lalanne u « agent électoral » qu'où hén desplaça e, se-b plats, permou que suban ets n'ère qu'u tèbe republiquègn. Lou II d'Abriu iS83, u arrestat dou Préfet qu'où noumabe à Lucq de Biarn, Lou medich die, que-m tiraben à you dou houns dou Rascoat e que m'emb/iaben ta Lahountâ. S'en abou et gran gay, ne-s demande pas. Que l'estou aco oli dous sus la maie plague, d'abé u amie dens l'endrét qui dechabe. De la mie arribade b'en èren estabanits lou mounde qui l'abèn hèyt desfouralha ! Mes, prou, dechém aco. Que s'y passa coume u quinzenat d'anades chens que s'estoussen tournats yunta, mes que demourèm en létres seguides e que-s tournèm Irebuca depla dab las prumères amassades de l'Escole. N'ey pas que nou-s bedoussem despuch 1893 qui èri à Loubieng. Loubieng que-s toque dab Orthez e Sente Suzanne. Abeudit de la soue prumère espouse, Lalanne qu ère passât ta Bidache e que s'ère arrè-maridat dab ue serou de daune Perguilhem, reyénte à Pau, e atau qu'ère uiiensat dab ue familhe de hère d'aunou de Ste Suzanne. Aquiu que-s bienè pausa las bacances, e soubén que coussirabe per nouste. Gran pescadou, que m'arribabe en seguin lou Laa, oun s'y coelhè, per labets, anyèles, trauguéns, e troèytes, à tistes. Amie Lalanne, quoan me bienès cerca enta-t tiéne de tole sou cantè de l'aygue, au miey dous càssous e dous haus, entan que l'am de la ligne tenude enguichabe lou pech, b'en abéim hère batalat de las noustes benalèyes e trebulòcis d'u passât qui-ns abè segoutits ! Sapis au mench que ne-t desbroùmbi pas. E qufin se pouyré ? Qu'èy deban lous oelhs, cade die qui-s Ihèbe, la biste encantadoure d'u paysàdye qui-m parle de tu. N'èy qu'à bouta-m à la frinèste dou mèy oustalet ta béde desplega lou campèstre dou « Pèys qui aymabes lou mey », aquére « arruade de terrés qui quirauléyen » dou �— y5o —- Touroun de Sent Pic de Berenx eiïtiòu castera de Baylocq, en passan per l'isle de Massicam e las roèyné*s dou castèt de la rèyne Yane : tout aco tant richemént, coulourademént e deliciousemént descriut dens lou tou Prousey d'u biarnés. Aquet beroy e dous parsá. Mey d'u cop b'èy graduchat lous penéns de Sent Pic ; oun s'y bed encoère, estuyats dens la brouchague ço qui soubre dou castèt de Moungiscard bastit per Gastou IV tournât de la Groudsade. Aquiu que-s debè acaba, cinq sègles mey tard, la peléye dous papistes e dous huganauts biarnés. Mey d'u cop, b'èy seguit lou camî qui bourdéye lou Gabe, enter Bérenx e Baylocq. Quin degrèu ta you, amie, que ne s'y siem yamey engountrats ! ìoutu nou s'en debè manca de goayre e lhèu qu ey la toue faute. Qu'èy après — lou tou cousi de Bayl'ocq que t'en a escusat — qu'abès hèyt aquéstes darrès ans u passèy per aquiu, decap à la capère de Nouste Dame d'Abet qui-t trigabe de besita, (sanctuari doun èren anats en lou tems, e Urbâ II, e Sent Bernât, e Clément V lou prumè pape d'Abignou), mes quin se pod que n'ayes pas labels pensât à-m coussira. Que t'ère tant aysit de trubessa lou Gabe au Pount dous Souspis : En u petit quart d'ore qu'ères à case, e que l'auri seguit en la toue darrère camade. Que hous toustém ta you l'amie e lou mèste. liens lou Prousèy d'u Biarnés, que parles d'u Auguste troubadou. Bèn, lou bertadè troubadou, lou bertadè felibre qu'ey tu, l'ahoecat debot e defensou de noustes tradicious e de nouste léngue mayrane, tu qui n'as sabut tant pla mustra las berous e canta las laudous. Touts, escouliès de Febus, qu'aplaudibem en 1919, quoan permou de la desmetude dou Capdau Batcave, lou counselh de l'Escole te bicabe au cap de la nouste obre. Coum lous que y'èren abans que debès esta lou bou gabidayre. Courte qu'ey estade la toue presidénee : Quoan dechès la cadière de capdau, que sentîbes deya l'estrèyte dou mau qui souptement t'empourtabe quoàte ans despuch. Amie Lalanne, à ballèu, au rebéde acera oun t'es apoudyat dab bère troupe de febusiens ; lous qui soubren que bieneran à d'arroun. Quoan y sdem, quauques-us, la bère felibreyade qui heram ! J. GABDÈRE. •a gKSg» J ==» »• LAS TRADICIOUS La Sabe Sape, sape de nouguè — e de pèt, de cerisè, — e de came d'auseròu, ■— sapera se lou bôun Diu at bon, — Autapla que pod sapa — coum la crabe crábouta. Pip, pap, pip, pét, — atau que hèn u chiulét. (coelhut à Orthez). E. MOULIA. �— s5i — LOU POULET E LA MARIOTE A LAS HÈRES DE BOURDÈU(') (petite coumedie en 5 tablèus) PER C. LAFFAHGUE. (Seguidc) TRESIÈME TABLÈU Que-s passe au sourtit de la gare de Bourdèu, lou matin de d'ore. Un banc deuan la porte. Sou soula, un emplegat d'octroi. Que s'enlén pei' darrè à crida : « Bordeaux, tout le monde descend de voiture ; par ici la sortie »,, Cauques biatjurs qu'arriben. Lou Poulet e la Mariote que seguéchen lou mounde. Ere, que porte un paè ou un caba ; ét, ue beace : per deuan, un\ pichè de bin, per darrè la poularde. . LOU POULET, SCÈNE I LA MARIOTE, LOU UN EMPLEGAT D'OCTROI, POULET Adare, que i soum, tè, Mariole ! Que soum arribats, e n'ei pas trop lëu. Que coumençàui d'aué las cames adroumides e erigarrancides de demoura en très plécs ser aquet séli de la carréte. N 'èi pas poudut clucha brique ; e tu ? LA MARIOTE Atau, atau. Adare que t'at pôdi dise : qu'èi aouut un bèt bénte de pòu quan èi bis que n'anauem coum lou bén. Que-m soui pcnsade trouba mau. Qu'èi bouhat à mal-aise dinca que la cautère a fenit de chiula. L'EMPLEGAT DE L'OCTROI Pai' ici la sortie ; allons, dépêchez-vous ! LA MARIOTE (que s'arrebire) Esjpie, Poulet, aquet oumias dat un casquet sou cap ! LOU POULET Que lou diable bo, adare, aquéste ? L'EMPLEGAT Vous avez quelque chose à déclarer ? LOU POULET Jou ? Que béngui à las hères de Bourdèu dat la hemno e né boni pas ne béne, ne croumpa. L'EMPLEGAT Qu'est-ce que vous portez dans la besace ? (1) Béde T{eclams despuch d'Abriu. �252 LOU POULET Que-ts at bau mucha, se tant at boulets bése. E s'et-s lie plasé de gousta lou bourrel de la nouste piparde, que sera de boun cô. Sabets béue à gaietés ? Mé, ne n'am pas en-de béne. L'EMPLEGAT Il faut payer ! LOU POULET De que, paga ! Et-s fcrùfets de jou, lielèu ? At pas cresut au méns qu'at am panât ? Aqueste poularde, qu'ei la hilhe d'ue elouque basude au MoulinNau, e lou hasan qu'auè la halhe fresque, là !... LA MARIOTE Que l'auèi pausade au mes de Noubembre e qu'où tirèi la perpite lou matin de Nadau... LOU POULET L'Annine que la sagnèc, jé ! e que-ts pouirém ehcoère mucha las plumes : que soun déns un nautél, au ras de la méit, à la hournère. L'EMPLEGAT 11 faut payer 3o centimes pour )e poulet, que je vous dis ! LOU POULET Moun Diu, praube, per chès sos, oarats-lous aquiu. N'ats pas besoui de ha tout aquet bazar. (En tout s'en ana, à la Mariote) ; Sàbes, hòu, tu, Mariole, que soun amarrans, aqueste moussuralhe !... LA MARIOTE Oh ! Qu'at boulerén tout en d'éls. De berois baléns, tout aco ! Se! sabèn lou téms qui ei eau en de ha béngue un cap de pouralhe !... LOU POULET E n'ei pas bien agit d'ousi armigalha. Balèu, balèu, dat jou. Que-ns at bam ana mintya ser aquet sèti. Atau, belèu, pagueram pas méi. E se aqjuel poulit moussu es lio bengue amassa lous os e las estroulhes !... (Que s'assè ten, e que mintjen en tout se kca lous dits. L'emplegat s'en ba). SCÈNE II LA MARIOTE E LOU POULET LA MARIOTE Oh ! Que bam mintya un boussin. Per que bos eoumença ? Per l'estoumac d'auque ou per la poularde ? LOU POULET Per la poularde, puch-a qu'am pagat ; e que-s pouiré bélèu oasta ! LA MARIOTE Toutun, ne la mintjim pas toute. Que-ns en caleré sauba cauque boussin en de-ns en tourna. LOU POULET, (lou coulèt à la man). Qu'an bien résoun de dise que lou courre que balhe hàmi. �— 253 — LA MARIOTE Lou moulél que coumertcaue dé-m prusi ! LOU POULET E à jou, las pèts dou bénie que se m'en anauen en-ta darrè. LA MARIOTE E qui sab ço qui-s passe per nouste ? Nous auts que soum aei, ne manquera pas d'arré. Pourbu, au méns, que l'Annine ne-m dèchi pas pana lous pourets per la hourre ou per l'esparbè ! Ue ta bère clouquerade !... LOU POULET Quio, quio ! Minlje s'as hàmi ! L'Annine qu'ei en atje de sabé tout coum se hè. Qu'ous sabera bouta débat la cauje, e à l'échut, se plau !... LA MARIOTE E tous poulois ? Qu'anàuen tira lou rouge. E lous guits ? E lous aucatots que s'en anàuen tout sé decap à la pachère... Que-n irouberèi caucuni de negat !... LOU POULET A tu, pindoulane ! Se sabèi nada coum lous touns guits, que m'anguéri clampouncha tout sé au clot de la calhauère. Ne Languis pas cerca touts aquels cope-caps !... LA MARIOTE Oh, tu ! au méns, que n'ia dou plasé, ne-t hès pas machan sang d'arré. Ne penses pas à las loues moules, né à la moulénde, né mêmes! à moussu curé de Toujouse qui n'aura pas lou plat de troguéns en de dibès. LOU POULET Lou praube òmi, qu'ei bertat ! Dempus qui soui mouliè, ne-n l'èi pas oaire dechat manca, pramou que s'al mérite. Serbiciau e aunèste... c que-m toque de man pertout d'oun me trobe. Cade dibès qu'on pôrti de que ha la besilho. Déns lou bergat, grâcis à Diu, que j'a toustém péis, troguens ou blancliards, bruchéts e angèles, e qu'at aime tout, hé !... Mé, per un cop, que mintjera hauilhes, e la gouje ne m'en sabera pas mau, pramou que dit toustém qu'où boeiti lous toupins de grèche, dat aquéres gourmandères. En fin, Mariote, pensim pa'n aco : Adare que soum à Bourdèu. LA MARIOTE Ne m'at pôdi pas figm-a. LOU POULET E n'as pas encoère bis arré. Jou que bàrri lou coutct. Trousse lou cabas. Que soum benguts en d'ana bése la hérè, que-ns bam bouta lou camin débat lous pès, que i pouiram regista : la pèt dou bénte que-m tenelhe ! E que-ns eau amaneja. LA MARIOTE Aném, haut ! puch-a que soum aci, que eau ana bése la bile. Que dire l'Annine s'ou disèm que-ns soum estancats sou soula de la gare ?... (que seguira), C, LAFFARGUE. �— 254 — BITE-BITANTE Lous Cycles Aviator Qu'èrem labets, diïn abans de la guerre, hens lou terris oun lous inestiès dou biladye e s'acababen de mouri. Que s'y poudè dise : Crepaut e bibe ! Sàpous chens dinès qu'en èrem touts, e be s'y calé ha ta yunta quauques sourigots ! Que tieni ue boutigue d'esclops à Soumoulou dens l'arribère de l'Ousse. Mes, aco n'ère pas ue Amérique, tant per tant se m'y gagnabi cinq sos en cade parelh, e nou hassousi crèdi, permou que dab lou crèdi n'arribabi yamey à recruba tout ço de semiat. De l'aube de cade die dinque à las dèts e à las ounze dou sé, qu'èri aquiu, à badalha darrè dou me taulè. Yournades loungaynères, en aténde que lou mounde e bouloussen entra dens la mie cabane d'escloupè oundrade d'esclops bagnerés à naséte, d'esclops à la mode e de papès enta cstuya las murralhes. De cla en cla, toutu, bèt paysa que s'amiabe : — A quoan lous hès bitare, Lapassade, lous tous esclops ? — A très liures la hémne, à très hures e cinq sos la talhe d'òmi. — E quin lous as, de hau ou de nouguè ? si-m tournabe. — Amie, sounque de hau. Que soun auta soulides e n'an pas d'aquets brouncs qui, s'en sauter, e dèchen hourats, ne d'aquéres yeladures dou nouguè bounes ta ha entra l'aygue de las grabes. — Très liures e cinq sos ? Qu'ey ca ; qu ous bénes cas ! La pratique que-s dabe u tour dens la boutigue e souben que hournibe dab mesprèts : — Qu'en podi abé à très e dus sos, sus la place, sabs lou marchand de la gran blouse dinque à débat dous youlhs, e bé, qu'ous cride, coum ti at die, à très liures e dus sos, e de nouguè beroy fi encoère, e herrats, e d'u bernis lusént oun te pouderés miralha. — Oh, si tournabi you, que souy trop bielh are ta guigna miralhs, mes, aquets esclops, nou lous as espiats depla. Aquéstes darrères anades nou-n troubaras u parelh de nouguè sénse défaut, las yelades qu'an henuts lous arbres e lous escloupès nou-s serbéchen mey que de branques. Bèn (e labets que preni en mas u parelh sus lou taulè e qu'ous amuchabi à la frinèste) nou lous t'as caussats, que gausi créde que nou soun pas alurats coume aquéstes e dab ue sole beroy alissade au papè à béyre. Que souy segu qu'an u musòu de ca ; bèn, saye-t lous mes, e qu'en seras countént L'òmi, yemin, mourgagnan que sayabe, que sayabe. U cop causit que-m hasè : — E bos très liures e dus sos ? Gàhe-m are tant qu'y souy, permou �— a55 — que nou-m bederas pas tout die à Soumoulou ! Nou n'y rnanquen. sabs, escloupès d'aci à Pountac e d'aci à Pau ! Que coumensabi de gaha la mousque, mes, qu'y eau ha, pausadaméns que respouni : — Nou, nou podi. E que m'en tieni loungtems aquiu. Que cale cata, cara-s e arré mey. Coum se s'en anèsse, lou marcadeyayre que hasè labets : — Bos très e très ? E coundes que se souy entrât qu'ey ta crounipa ! Que y-as seguraméns bint sos sus cade parelh, e u d'aquéstes clies que-t bas retira dab u beroy plegot d'escuts, s'ous pèles à touts coume à you. Soubén, despuch d'abé hèyte chalibe coume aco, e m'en abé escoutades d'aquére payère, qu'ous dabi dab très sos de gagn. Soubén cncoère, despuch d'abé batalal e sayat, la pratique que-m hasè : — Coumbiengut qu'ey. Nou-n bos tira nat so, e doungues à très liures e cinq sos; nou sera pas lou dit qu'ous te hey despéne en balles, aci que soun lous de qui m agraden. Goarde-ious-me dinque à ballèu. Nou-s me bénies, eh ! que-m bau préne u chaure au marcat e anoeyt qu'ous me coussiràrèy. Mes, aquet paysa, qui ère coume d'autes, de la petagne de Couhet, nou passabe yamey ta croumpa-m lous esclops. Ballèu qu'ère lou tour de gn'aut. Qu'en debarabi dous lous olaus, dus, très, cheys parelhs. L'òmi ou la hémne, qu'ous espiaben, qu'ous prestiben las trousses dinque à ha-n craca lou bernis, qu ous suspesaben, qu'ous sayaben e qu'ous troubaben u sarrot de plaps. Ou qu'èren trop espés de la sole, ou qu'abèn lou coé trop du ; à touts qu'ous mancabe quauqu'arré : Paciénce dous anyous e de la Sente boune Bièrye dou cèu ! — Bo ! si-m hasèn, que-t deberés cambia d aquéste moudèle e abé-n de mey fis d'aci, de mey lis d'aquiu. Counselhs nou costen ardits e de counselhès la terre qu'en ey amantade. Medich, sénse dmanda-m lou prêts, aquets que s'apoudyaben ta dehore. Qu'abi pênes à m'at bira dab lous cinq sos„ dab lous très sos en cade parelh, quoan m'arribabe la sorte d en béde parti quauques-us. Que ha ? Qu'abi essayât de tiéne taulè sus la mie porte, mes nou-n beni pas mey per aco. Se-ni boutabi à courre lous marcats ? si m'èri dit. Que scgui Pau, Pountac, e u tems que-m bedoun à Lourde ë à Nay. Mes, coum calé minya dehore nou m'en gagnabi ta l'escuderie de la cabale e ta.us claus dous mes souliès. Que m'èy desbroumbat de counda-b de qu'èri maridat. U die, la moulliè que-m digou : — Nou as idées tad arré ! Tu qu'ères badut rentiè, mes lou tou pay, may e ouncous nou t en an dechat prou. Tant qui demoures aquiu à �— 256 — léye « La Petite Gironde » e coundcs que dab lou yournalet en mas, que-t ba cade drin mey de lard dens lou toupi ? Si cercabes quauqu'arré ta tira-t d'aci ; se demandabes au cousi de Nousty, lou qui ben beciclétes ? Oère, lou mounde que s'y dan de mey en mey, lou me cousi >lhèu que t'en decharé très ou quoàte, ta saya, e quoan n'y gagnarés que quarante sos per cadue... — Quarante sos, si hey à la daune, e dèts liures tabé ! E lendedie qu'abouy aquiu aquet plaçayre de beciclétes au nriey dous mes esclops. — Sabes ço qui eau ha, si-m digou lou cousi, nou m'en préngues que cheys, tout ço que y-a d'à bou counde e d ourdenàri. La maysou que-t da bint liures sus cadue. (Que dèy ue guignade à la mie hémne qui-s bebè la paraule aquére qu at poudet créde coum lèyt de la cautère) Se nou bénes, e perseguibe l'aute, nou goàstes nat so, se bénes, tant de bou. E sabes que soun bounes bint liures, quoan caden coume dou cèu s'ou pouchic ! — O be, cousi, hé tout dous la moulhè. — Si soun bounes, e hasi you tabé, mes qu'ey à créde, cousi, que Diu medich que t'a amiat oey ta nouste. — De mey, espie, e dise encoère, ta ha las causes depla que l'y boulém hica en létres coulou d'or lou tou noum. Bos, nou sera pas lè aco : Cycles Lapassade ? Lou mounde, oère, que soun ue troupe de pècs, e en béde qu'as ue mèrque toue que s'y yetaran. B'ès lou hilh dou païs ? Cycles Lapassade, que seré bét drin beroy. — Bah, si hasi, à Soumoulou, enségnes atau que s'en ban trufa ; que saben trop per case que n'èy benut qu'esclops e escloupétes. ■— Bèn, cousi, si coupe la mie hémne, hè coum boulhes tu. — Cycles Lapassade ! Cycles Lapassade, si canlabe toute glouriouse en passeyan dens la boutiguè, aco, aco que plasera ! Atau que soun hèytes las hémnes e nou las cambiarém quoan s'y boutarém dab las ungles e lous ugnous. — Nou boutes arré, bèn, si hasi gn'aute cop. — Si, si e tourné lou gouyat, gagnât pous dises de la mie moulhè. dèche-ns e ha. Nou y-a que lous aban-hèyts qui s'at biren. Oey lou die que eau brouni, youga dou tabard, ha-s ana, cridasseya ! — Nou létres d'or, nou ! si hournibi toutu. — E dounc, tau prumè marcat que-t pourtarèy rouy e blu, à darriga la biste, u escriut qui estacaras daban la toue porte, e lou diatche e sie se lous mousquilhs nou s'y gahen à d'aquére aygue sucrade. Coume aquero, au die adiat, qu'amuchabi miéye doudzéne d'aquets chibaus de hèr qui-n ban sus arroudétes ouliades, leuyères e yumpantes qu'ey u plasé. E, per dessus, que clababi sus la paret de case : Cycles Lapassade. Ah, lous de Soumoulou que s'y poudèn estanga, are daban nouste ! �— 257 — Qu'en èri dens u cèu. Qu'anabi de la boutigue la dehore e de dehore à deguens. Qu'escoutabi lous prumès marcadès qui arrecoutiben sus la place, e lous brams dous betèts, e la cansou dous àsous. Ya houre lou pet dou pericle se nou s'amiaben ballèu e se dus ou très e bienèn, de segu qu'en harén biéne d'autes. — Bèn,, si-m hé la moulhè, ,lou mounde nou saben de qu es en bite, ne de que t'ès boutât à las beciclétes. Nou t'arribaran se nou lous te bas coussira. Nou t'at digou lou cousi de Nousty ? Bèn, òmi, bèn ta ço de Trubès, pague-n quauques pintes adarroun. Quoan eau que s'en eau sabé ha mounéde, yeta-n drin ta lheba-n hère. Parle, puch dous Cycles Lapassade, adroumit lou qui ès ! Ah que m'aboussen hèyte òmi dab pantalous e nou hémne dab raubes ! Chacat per aquets dises eslamats, que partibi. Que m'assedouy au corn d'ue taule enço de Trubès, e à fin e à mesure que lous marcadès entraben, qu oUs te cantabi las mies brèspes : Nou y-a coum lous Cycles Lapassade ; qui m'en croumpe ? Ah, lous amies, qu'èri pla arcoelhut ! Quin calhabari ! — Tè, si-m hasèn, que cambies de mestiè, d'escloupè, cycliste ! L labets qu'es passât mécanicien ? Quoan ba dura, coume lou trot de la mule ? Ue pause que sayabi de respoune, e de ha, coum dits l'arrepoè, de tripes couradye, mes, autalèu boeytats lous pintous, bèt drin esmudit que m'eslurrabi decap à case. — E doungues, oun n'èm dab lous Cycles Lapassade ? si-m hé lou cousi, qui bienè d'arriba, curious de sabé quin cauhabe la bénde. Qu'où coundèy la beroye arcoelhénce enço de Trubès. — Bam ta l'aute semane, que tournarèy e de segu qu'en aberas benudes ue ou gn'aute. — Qu'aberas benut, o ho ! si-u digouy. E, dens ila semane, ya hasouy parti quauques parelhs d'esclops mes, becicéte, nade. Toutu lou dilus qu'atelabi la cabale e que m'en dabi à Pau, E coundat se-m estanguèy daban lous estalladyes de beciclétes ? D'u cap à l'aut de la carrère de la Préfecture, n'èren que noums en ock, en kof, en iche e en ka e en ann, angles, alemans, américains ou que bòu sabé. Ue luts que se-m hé : Prou pegueyat ! Tourne lous Cycles Lapassade e hique-t à béne d'aquéres enyibanes hèytes à l'estranyè. Que-m plaseré de desteca-b quin lou sé medich, engountran coum per escadénee lou cousi de Nousty, lou m'en amiabi ta Soumoulou. Aquiu, que hasèm cade l'enségne de Lapassade, qui m'abè tant mau serbit, e quauques dies despuch lou cousi que m'en pourtabe gn'aute, en létres mayes atau. Qu ère u mont qui n'èy yamey coumprés, mes qui m'a toutu balut dinès : Aviator. Petits monts d'aquets qu'en debèm estaca sus cade becicléte. E las machines bestides à la mode nabère, qm'en benouy qu'ère u plasé ! Tout qu'anabe à las merabilhes. Au cap de cheys mes que las puyabi �— 258 — de bint Mures. Quoan lou malur ne bòu, si disen, u pedoulh qu'estranglaré u àsou, mes tabé quoan ba, tout que ba de mey en mey pla. E las beciclétes; per este encarides, parti que hasèn, e, lou sé, en suspesan lou sacoutot dous escuts que m'en hasi bère arrise tout soulet en me broumban lous dises de mantu croumpadou : <( Se soun badudes mey cares, si-m hasèn, probe qu'en an mey soegnat lou tribalh e qu'aberan mey loungue durade. D'oun las tires? -— Oh, de l'estranyè, de hère loegn si tournabi you ». Coume que lou mout d'Aviator qu'abou mey de bertut que lou de Lapassade ! Mes, lou qui gagne drin, qu'ey tentât de gagna hère mey, sus lou counselh de la mie hémne, que-m boutabi à courre nou coum l'aute cop au ras de case, mes are per Bic-Bilh e Chalosse, Aspe et Aussau. Pertout qu'èri agradat. Ya eau hourni que quoan m'espiabi dens las debantures de boutigue, maugrat quauques hius d aryént qui-m tintaben lou péu, n'èri brigue l'escloupè d'autes cops, bestit en moussu que pourtabi casquéte grise e nou mey berrét blu. Nou parlabi tapoc mey biarnés. Ta plàse aus paysas de per aci, boulet m'ana ! Qu'ous eau parla u fiancés bèt drin fi. E la cabale ? Que l'abi benude e nou bouli pas mey èste endarrè, labé coum touts lous pourcatès, burriayres, perrequès, patissès e marchans d'anis qu'èy ue auto. Que souy counegut à dèts lègues adarroun e nou m'apèren mey qu Aviator. Ah, lou toupi que "sab bouri dab hère mey de brut enço de Lapassade ! E la mie hémne ? Doungues, maugrat que s'aye tirât lou moueadou de carrèus qu'ey en l'ore prou abeyade, e que bats sabé perqué! Tè, que soun lous besis e couneguts de Soumoulou qui nou pèrden la coustume de disé-u : Marioutou de l'Escloupè, Marioutou de Lapassade. — N'at bouy pas mey enténe, si m'a dit adès prou arregagnade, nous bené.m pas mey esclops ta èste escloupès, e aquet mout de Lapassade que pud à la borde e au hems de la parguie. Que m'apèren meylèu madame tout court ! — Atén-te drin, si l'èy hèyt. Hère de turouns que s'aplanéchen, migue, dab quauques bilhets blus. Are que lou sourelh arraye, que bouy ha-m croudza sus lous reyistres lou noum qui tant e t'abéye e qu'en y hiqueram en places gn'aute mey en gran qui decharam coume u aretadye aus noustes maynats. D'autes qu'ai an hèyt, perqué n'at harém ? Bos qu'y hassiam escribe lou noum d'Aviator, se-t plats ou men, praubine ?... — Aviator ! Aviator ! si-m a hèyt la hémne trépan de yoye, aco que-m ba ! E, pou prumè cop, despuch de qui èm maridats, qu'a boulut èste dou medich abis que lou sou òmi ! M. C. �— a5g — RECLAMS DE PERQTJ1U Reclams de la Ste-Estéle de Pau. Ue pèque de las mayes au nouste rendut ; n'abém pas mercat lou mandadis amistous qui-ns ère hèyt per Yausep Loubet e lous amies de la Léngue d'O « tau nouble prèts-hèyt dous gascous, ta la rebiscoulade magnifie, abiade pous oubrès de l'Escote Gastou-Febus ! ». Mercés, amie nouste ! Desbroumbats tabé sur la listre dous counfrays qui arribaben de loegn : Mous de Pujolle, u bigourda de Bourdèu ; lous felibres Max Cocoz e Marius Levet de Proubénce. Que-ns en escusen ? Nou y-a que lous qui nou hèn arré qui nou-s troumpen brigue ! Mercés aus yournaus de Gascougne qui balhaben coundes loungs ou bracs de noustes hèstes. Segnalém que « El Mati » quoutidian de Barceloune qu'a publicat lou counde dou biadye dous très delegats de Catalougne à la Stc Estéle de Pau e lous discours de M. Jouveau, de Bulart i Bialp, de Guasch e de Maseras. Permou de Batiste Bonnet. Quoan se mouri à Nimes lou gran prousadou de la Proubénce, que demandé que lèu que pourtèssen lou sou cos à Bellegarde lou sou biladye. La ceremounie que s'ey hëyte aquéste i4 de yulh e qu'en hou quauqu'arré de simple e de toucant, de béde passa sus u bros flourit e atelat de dus boéus, la cache dou praube e sublime paysa. Au cemitèri de Bellegarde, Lafarèt que saludè l)ou sou fray en pouesie dab quauques bercets coume nou s'en canéyen tout die. l.aforèt ? 0 Laforèt lou proubençau doun nou s'ère mey bouhat téque binl ans a. A Nimes, lou sé d'abans, qu'abèn yougat la pèce dou Carpan ; senatous, députais, mayre e counselh,.e tout ço que y'a de mounde de ley que y'èren ; e tout aco que s'escababe dens las arènes, dab ue courso de biòu, dou marquévS de Barouncelli. Quauques libes. Lou numéro de las hèstes que-ns e boute à l'endarrè ; nou abém encoère dite la parescude de VArmanac dere Mountagne de IQ3I ; qui ey coume lous qui l'an dabanteyat agradat de pouesies, de coundes, de cantes {dab musique noutadei e imadyes de l'a hèstes de Luehou en i()3o. Que-s bén So sos enço de Sentein, emprimayre à Toulouse. Pascau d'Abadie qu'a hîcat à hits la soue nabère coumedie Mous de Pelesos aboucat ; qu'en parlant m mey tau numéro de setéme. �20O —- La biengude dous Lengadoucians e dous Proubençaus ta Pau, que-ns auheribe lou plasé de léye bères obres de counfrays noustes : A u four di Bloundin, noubèles hère beroyes sarcides d'ue douce malancounie, per lou nabèt mayourau F. Jouve ; Le Nouveau Languedoc counde de las manifestacious felibrénques d'aquére soucietat de yoens gabidade à Mountpeliè pous noustes amies : Lesaffre e Barthe ; Sus Mistral, moumbrances sus lou pay de Malhane, tant brabe, tant arcoelhént ta la yoentut, per Daune Boumaneto, rèyne dou Felibridye. Beioy tribalh e d ue léngue néte e oundrade, que touts lous (|ui audin à Pau à Daune lioumanéte e bouleran léye. Gauyous. Emmanuel Laborde-Barbanégre, lou hilh aynat dou nouste amie P. Laborde-Barbanégre, sost-capdau de l'Escole, que bién de passa baut-la-mâ, lou sou examen de la Licence en Dret. Quous ne hèm lous coumpliments lous mey couraus à touts dus. Dôu. Qu'abém après dab hère de mau-co la mourt de Daune Lacoarret, la digne béude dou toustém regretat Al-Cartero ; que s'ey adroumide à Salies, abançade en àdye e u gran seguissi de mounde que Fa accoumpagnade au segrat. Qu'abè hèyt emprima, malurousamén en poc de tiràdye, las obres qui abè dechat lou nouste amie e, coum at abè désirât tabé, qu'a dechat touts lous sous bés aus praubes de Salies. Que pregam la familhe d'agrada lous noustes respecluous sentiments de dòu. L. B. LA BOUNE PARAULE Académiciens d'Italie. Que-b poudets pensa de Mussolini ço qui-b agradi. Nou lou biri, ne nou l'ataqui. Aco qu'ey la coénte d'abord dous Italiens. You, nou hèy qu'espia. Mussolini qu'a créât ue Académie naciounau. Qu a delegats à las hèstes dou centenari de Mislrau très académiciens. QU'ous abets lhèu bis à Malhane. Mes, que y-a quauqu'arré qui dens aquére académie deu p.lase aus felibres : Qu'ey d'y béde Salvatorc di Giacomo e Pascarella. Lou Giacomo qu'ey u pouète qui escriu en napolelano, ço qui bòu dise que cante lou sou pais dens la soue léngue mayrane. Pascarella, qui ey u satiric, n'escriu que dens lou dialècte rou manesc. E dounc, Mussolini qui-us a noumats, ya-s deu pensa que lou regiounalisme nou pod ha dou tort à l'Unitat naciounau. En France, Giacomo e Pascarella nou pouderén èste de l'Académie ; mey qu'aco lous qui sinnaben Faute die lou manifèste d'Europe nou mancarén de da-us lou chaire de « patoesayres danyerous ». {Tirât de La Pignato). L'AMIC DE FLOUBÉNCE. �LA RICHESSE DOU PRAUBE Lou parla maynadè Lous nèns, en sayan-se à parla, qu'arrényen lous moûts ou qu'en embénten e soubén hère de tèrmis qui s'an troubats que passen dens la léngue de tout die. U estudiant aleman Walter Mobns à Ulm, escouliè dou proufessou Elohfls, que s'ey adressât à quauques counfrays de Gascougne ta n'abé dous qui soun entrats dens la lengue mayrane : Aci qu'ey ue prumière listre qui 1 abém embiade. Noustes amlics que soun pregats de ha-u mandadis de ço qui poden abé. Lous Cos : dents arratou (petit arrat) ; léngue, lencou, lencougne ; darrè, cucu, culin ; pè, pèpè ; sé, poupou. LA NEURITUT : coque, cocu, coucou ; café, fèfè ; pa, paynet, chocolat, colat. Lou BESTISSI : ehapèu, peu ; dabantau, mantau. Lous PARENTS : payran, paychet ; mayrane, rnaychéte, même ; ouncou, tonton ; tante, tata. Lous ANIMAUS : gat, minou ; chibau, coco ; agnet, bè-bè ; baque, maa ; ausèt, piu-piu ; garie, pipire ; hasâ, quiquiriqui ; guU, litou (aperat atau permou que ta ha biéne lous guits qu ous criden : litou, litou !) , LA MAYSOU E LOU MOUBU.IÈ : maysou, casougne ; cadière, chè- chè ; lheyt, Iheytou. D'AUTES MOÛTS : poutou pounine ; adichat, alha ; arrise, arrisougne ; droumi, hè-nono. M. C. Coumparès Bijarre, coumo uo sébo. Gran, coumo u lata. Cia, coumo las glèysos. Espés, coumo pus de cardo. Magre, coumo uo sernalho. Gourman, coumo uo leseno. Pesant, coumo u estourroucadé. Esmerit, coumo u gra de milh. (coelhut à Senac, Bigorre). Lou CHOURDARO. bigourda. �— 262 —' COPS DE CALAM La mourte e lou mourt. Qu'entarraberi ue hemne e qu'èren au cemitèri. Uii cop pregaris heytes e lou cop d'isop balhat, qu'anaben bouta la pru mère palade de terre s'ou crofe debarat au houn de la hosse. L'omi, d'are en là soul coum un égout d'aygue, que plourabe à pieu moucadé, e enta touts que saboussin que la plourabe atau : « La praube ! se dit. Nade coum ère enta ha l'escautoun ! » Lou cop après, au medich cemitèri, ue hemne qu'enterrabe l'omi. La qui plourabe tan que oelhs abè. (( Lou praube ! se disè toute sanglouts. Ah, lou praube ! Qu'ère brabe à pugnats. Jamé ne-m a trucade que ne-m at aboussi méritât ! » Toutun, lou do d'oun pot biéne aban ! DAUGÉ. lanusquet. En segui la nouce. Ta nou pas lou ha desaguiis, Tout bielh gouyat drin desplumat qui 'stousse, • Lou Peyroulét qu'ère anat à la nouce Dou Yoanicot. Qu'èren permès besis. Mes, à la fayçou doun seguibe, Dab lou sou mus d'enterramén, Que-s bedè pla que nou s'y debertibe, E qu'abè l'esprit en turmén. La Yanitote, ère tabé bèt drin madure, Mes qui n'abè pas renounçiat, Que guignabe lou bielh gouyat : — Qu'en hès, si-ou dits, ue figure ! Ey permou que lou Yoanicot Que s'a hicat la corde au cot ? — O bah !... — Labets, qu'ey p'ou countràri ? E que-t hè drin de dòu, si pari, De nou pas abé hèyt coum et ? Mes qu'ès à temps, si t'y bos préne... E tout dous qu'où hasou : « Que-s pouderém enténe... » — O bah ! si tourne ha lou Peyroulét, Que bouy segui la coustume seguide Despuch nou sèy pas quoan p'ous mes anciens — Be-hide ! Nou-t bos pas toutu ha curé P A boste que nou y a ni curés ni becàris ! — Nou, mes, de pay en hilh, dou permè tau darrè, Que s'èm toustém estais celibatàris. Lou TALHUR. �—- 263 — LOUS COUNDES GAUYOUS LA BELHUSE L'abat Soumdecosle, curò de Riutort, en Bia-Bilh, qu'anàue passa touts ans ue sasou à las Aygues de Capbern. Aqueres aygues que soun, coume cadu sab, soubiranes enta soulatya lou hardèu de malandrès, qui càycn sus lous bielhs, coume la misère suous praubes e, lou brabe cure qu'anè franquit la septantène - Aqueste estiu darrè, lou mau que l'auè dedicat à auança la sue abiade decap à l'estaciou plahasénte. Que desbarquè dounc à la Hount-Caute au mes gran pous de la sasou, per u die de calourasse à hè badalha îous gats dauan las portes ! « Ah ! moussu curé, si-u hè la daune de l'Oustau Sent-Yuscp, oun debarè, b arribat en u mâchant moument ! Qu'èy l'oustau plé coume u oueu ! Nade crampe de libre ! » « Per l'amou de Diu, si respounou lou curé, troubat-me per aqueste nèyt u cournè, à boste, oun pousqui esténe u matalas enta-m'y repausa. Que soy aganit de fatigue c n'éy pas la force d'ana mes louy enta cerca-m gn'aute alotye ; douma, que beyram ! » La daune que réfléchi u moument, puch, toute countente, qu'on digou : « Tiet, moussu curé, que bau hè mielhe : que bat prene ia mie crampe, per u sé ou dus ; y ou, que m arrenyarèy toustem : Atretan, qu'auram quauque alotye de boéyte ! » — « A la boune ore ! si hè ou brabe curè. Que-m tournât la bile ! Mercés pla. Lou boun Diu que-b pagara aquère boune obre ! » — « Anat, anat, seguit lou Pierre qui-b ba coundusi à la crampe, anat-be repausa ». Lou Pierre que puyè lou petit bagatye dou curè, qui-s ycte de lire su-ou lhèyt, oun se poudou estenilha las sues praubes camotes encroucades e endoulides per la fatigue d'où biatye. Mes la nèyt qu'estou loungue e pénible. Lou soumelh que huyè, destroublat à cade moument per lou trim tram qui-s hesè per deguens l 'oustau e lou batahori dou mounde, spurtit ou gran ayre, sus la place e su-ous passeys de la bile, à la recerque d'u bouhet d'ayroulet fres que. Tant y a, lou brabe curé que passé la nèyt blanque. Au die, n'auè pas clucat la perpere. Qu'es lhéuè, décidât à cerca-s u aute alotye, bore d'aquet hourbari. En permères, que s'anè dise la misse à la capère de la Hount-Caute ; aquet deué coumplit, que s'abiè decap à la hount dou Bour'dé, oun prenou dus beyroulots d'aygue, enta coumença la sue bagnade. Adare qu'ère gran die. Lousourelh, Iheuat de dore, en aquere sasou, que tintaue d'or lous cims dous coustalats bcsis. A l'arrebès d'ue charmante coulinetc, qui barràue, coume u ridèu, lou païs, à l'aouès, sus u esplassiot plané, ue maysouetc blanque, à meytat esluyade dens u floc de berdurè, que hesè titès entre mey las branques hoelhudes dous arboulcts. Lou curè que l'auè guignade en arriba. « Aquiu si-s disè. qu'ami la pats e la tranquilitat. Qu'ey seri fort pla, bore de la hourrère dou mounde. s'auri descou- �— 264 — brit dilhèu, l'alotye qui cerqui ? Qui sab ? Qu'ey à quoate pas d aci ; que-y bau, u oop de pè ». E, tout de tire, à petites camades, lou bastou, herrat à la ma, que gahe lou sendè oumpriu qui-u mie, en u quart d'ore, à la maysouéle. Yuste que y auè ue crampe à louga. La maysouete qu'apartenguè au Touénou, u garçou de bagn qui, despuch bint ans, trâbalhàue à l'establissiment dou Bouridé. Maridat dab ue brabe e ba/ente paysane, la Toanéte, que hesèn touts dus u petit menatye urous e fort pla que s'auèn estaubiat de que hè-s basti aquére maysouete. La Toanéte que recebou lou curè. Hère fière de da lotye a u ministre de Diu, qué-u muchè la crampe à louga, ue crampe tengude <lab ue proupetat escricade, à l'acès dou mâchant tems e dou sourelh ardent de l'estiu. Lous coumbienguts qu'estèn biste hèyts e lou brabe curè qu'arrestè per u més lou sué nauét alodye. « A prepaus si hesou à lla daune, en sourti, qu'èy besougn ue belhuse. E troubarèy aco per aci ? La néyt que-m desbelhi bèt cop e que m'auéyi si n'èy pas ue belhuse. Que-m teng coumpanie, enta dise ». — « Ue belhuse ! ue belhuse, sli hè la Toanéte,... que beyrèy de trouba aco. Anai, moussu curè, qu aurat ço qui demandât ; siat tranquile ». Lou brabe curè, que-s hesou pourta lou suè petit bagatye à la crampe arrestade, e lou sé madech, à 1 entrade de la neyt, que s'anè droumi ; que-s proumetè de repara la neyt blanque darrère. Que-s hasou las prégaries dou sé, puch, que prenou u libi pietadous e que sayè de leyi u moument ; mes qu'où barré biste ; las létres qu'où dansàuen dauan lous oelhs. Que s'aprestè à hiqua-s au lhèyt. Sus aqueres, que tustèn à la porte : « Entrât ? si hesou lou curè ». La porte que s'oubri ; ue bielhe hemne qu'entré, plegade en dus tros. Moussu curè que la saludè ; la hemne qu'où hesou ue reberénee à la mode bielhe, puch que s'anè assieta en u cournè dou larè ; qu'estirè u bach dé la poche e que-s hiquè à tricouta. Moussu curè que demourè u moument sensé paraulte, estounat de la hardiesse empourtune d'aquére hemne, qui-s benguè hica, sénse fayçou, en u endret oun n'auè arré à hè ne arré à béye — « Madame, si-u digou; b'cy aqueste crampe qui èy lougat à la Toanéte ? nou-m soy pas aumen troumpat ? » — « Nani, moussu curè, qu et aci à boste. Het ooume à case. S'auet besougn d'arré, nou bous genêt pas ». E la brabe hemne que reprenou lou soué oubratye et nou parlé brique de s'en ana. Ues loungues pauses lou curè n'entenou que la trique-traque de las broques qui firiiscoun pe-u da su-us nerbis. Las paciences que l'escapèn : « Madame, si hesou drin emmalït, e-m bouleret dise, si nou soy pas trop curious, qu'ey ço qui hèt aci ? » — « Hé ! bi'al beyet, moussu curè, que tricòti, e n'ey pas finit d'u moument ! Quoan àyi hèyt aqueste parelh de bach, qu'en bau coumença u aute parelh ; qu'èm u sarrot de mounde à nouste !.. » D'aquet moument enla, la bielhe hemne, qui soufriue despuch qu'ère entrade de nou poudé batala drin, que ratrapè lou tems perdut e lou claquet que �— 265 — te de la bielhe e de la soue familhe. La hilhe qu ère maridade dab u brabe paysa, u baient ome qui tribalhaue coume u galérien enta ueuri ue couade de dròlles numerouse. L'aynat qu'anaue sus lous doutze ans ; qu'ère preste à hè la permère coumunniou. Mes moussu curè nou l'aymaue pas en pourmou qu'arnegaue coume u carrete... Lou segoun qu'auè dèts ans, qu'esludiaue e qu'auè bou cap... Lous autes qu'èren bounemént de la madeche traque ; que-n y auè u per an. Lou darrè qu'auè dets e ouèyt mes, e nou caminaue pas encoè. « Pla, si hesou moussu curè, fatigat d'escouta aquére batalère, digat-me quoantes n'auet e que continuerai gn'aute moument boste debis ; adare que soy drin fatigat. — « Quantes n'y a, si hè la hemne ? Ouerats nou-us ey jamés poudut amassa touts en u cop enta-us coumpta, mes qui n'y deu auèse ue doutzene ou poc s en "manque ». « Bien si hesou lou curè. Adare madame, que-m bat hè lou plasé d'ana beye si soy dehore ; qu'èy besougn de-m coucha ; qu'èy gran soumelh ! » — « Oh ! moussu curè nou-b yenet pas ! quoan be despoulhet, que-m birerèy de c... ou que m'en anerèy darrè la porte u moument e que tournarèy, quoan siat au lhèyt ». — « Enta que boulet tourna, si-bou-plèt ? N'èy pas besougn arrés aci. Que m'èy lougat la crampe enta you tout soul e n'enténi pas de la partatya dab arrés. Anem, hèt-me lou plasé deb en ana ». — « Oh ! nou-b decharèy pas soul, moussu curè ! que m'an lougade enta-b téngue de companie e que herèy liou mié deuè ! » Moussu curè que coumençaue d'ahuma ; la moustarde qu'où puyaue au nas. Tout d u cop, qu'esclatè. « Ah ! ça si hé emmalitíiat, boulet-me boeyta la crampe ou nou ? » La henné espauride que gahè la porte à la courrude. La Toanéte qu'entenè, u moument-a aquére discute ; que boulou sabé dé ço que debiraue e qu entré. « Mes moussu curè, si hesou, beî m'auet demandât ue belhuse, berta,t ? » — You, ue belhuse, respoun lou curè ! Que-b èy demandât... ue belhuse, o ; mes pas ue gardiane enta-m belha ! Que soy u malaut, si boulet ; mes nou soy pas encoère mourtau, mercés à Diu ! Qu'èy demondat ue halhe enta la nèyt ». — « Ah ! moun Diu, si cride la Touanéte ! Quine peguesse qu'ey hèyt ! Mes moussu curè, qu'ey boste faute ! Si m'auèt demandât ue halhe, ue luts, ue candele, autau qu'auri coumprés e n'auri pas hèyt aqueste bourricade ». Lou c.urè que parti d'u esolaquerat d'arride : « Ah ! Toanéte ! n'ey pas boste faute ! que-m soy mau esplicat ! qu'ey la mie : que-b demàndi pla escuse ! E bous, brabe mamete, si-u hè à la bielhe' hemne qui-b èy hèyt perde tems enta d'arré. En pagues d'aqueste ore perdude, que-m bat permete de-b auhiri ue petite estrée. E lou brabe curè qu'où bouté u paperou de cinq liures à la ma. (( Adare, si digou moussu curè, si-m boulet créye, que bam ana droumi touts. You que càyi de soumelh. Que-b souhèti ue boune nèyt ». E que-us barré la porte su-u nas. E. ABADIE. bigourda. �— 266 — CAUSOS E MOUNDE DEL LENGADOC PAU ÇHASSARY (1859.1930) (Seguido e fi) Nostre grabelenc inspirât aviò déjà rimejàt un bèl manadèl de pouemots e de sounets quouro, las famousos fèstos latinos que se faguèrou ambé Mistral à Mount-Peliè, acabèrou de l'enfelibra. Es aladounc que dintro à Ja Mantenenço del Lengadoc e à la Soucietat per l'estùdi de las lengos roumanos, e que publico, de seguido, quaucos broucaduros poueticos : Pecals mignots, douge poutous raubats à ma capouneta de Musa (1882). En vacanças, sounets lagnats, sounets amourouses, sounets amisladouses, que la courdelado des segounds s'adorno d'uno supèrbo odo rounsardenco : Dins li bosc (1887). Tout acò 'sentindat dins une lengo purò, alispado, eleganto ; tournéjat sus un ritme armounious. Se vei déjà, qu'encò de nostre pouèto, uno counëissenço impecablo del dialete se junto à-n-un gaubi gracius variât, embelinaire ; que tout ço que salira de sa plumo sera sempre d'uno nauto tengudo, noblamen entretriat, manriat autant que plasent. Lou journal La Cigale d'Or, qu'à-n-aquelo epoco aparo lou Felibrige dins lou Clapas e porto escrich sus s^a bandièiro : Luse tout co qu'es bèu ! Tout ço qu'es laid s'escounde ! vanto, coumo se dèu, aquélos prumieiros belugos d'un talent que s amaduro. « Li vers de Chassary, escriu, an garda la frescour dòu rieu claret que cascarelejo sus Li roucas e contro li rouino dòu viei castèu de Grabèls, lou mistèri suau que dourmis dins l'aigo verdo de la font prefoundo qu'es tout-escas la Sorgo de l'endré ; amai, fau lou dire, la tendrcsso dòu soulèu que poutounejo li garrigo ferrigoulado e li vigno'brounzinarello, llourissent subre li colo e dins li piano grabelenco... » Jusquos aro es sustout l'amour qu'a emparaulat nostre pourtaire de lahut, e ambé quane envanc ! <( Quau dis felibre de vint ans, dis cor en cremasou » nous escullo Ghassary. Lèu-lèu, tout en clamant la gauch ou fa doulou qu'aquel eterne sentiment coungreio dins nostre paure cor, soun inspiraciu s'espandis en s'enaussant, de l'amour de la femno, adourablo meravilho, à l'amour de la familho e del fougal ; enfin, sensible à toutos las bèutats e à toutos las grandous, en meditaire pregound, en crestia arderous qu'es toujour estât, �— 267 — fa mai de plaço dins sas prouducius à l'amour de la Naturo, à la filousoufio de la vido e à Dius. . Sèm en i8o5. Lou Counsistòri del Felibrige ven de li décerna la Cigalo de Nimes (de soun grand amie defuntat Louis Roumieux) que fara, bruzi supèrbamen per nostre plasé. Très ans après, acampo sas trobos escampilhades deçà délai, dins un libre : Lou vl dau mistèri, dedicat à sa benaimado moulhè, e que, dins sas dos prumièiros partidos, cabis la milhouno ambrousio qu'aje dounado al public. Aqui i a de bressairolos per sous efantous, de douços remembranços de batejats, de prumièiros coummuniouns ou de fèstos famijhalos, de trobos en l'ounou de sa parentalho ou de sous amies, de pèços de circounstancio, de cansous mai qu'encapitados ; mès, i a atabé, uno bèlo flourisou de pouèmos (Verita, Justigo dis orne, Niue de Toussant, Lagno, Lou coundamnat à mort, Tristo realita di causo, Lou triounfle, etc., etc.), ounte la nauto valou de l'idèo e sa pregoundo filousoufio, ligados à la magnifico bèutat de l'espressiu, quilhou Chassary al prumiè reng des pouètos pensaìres. E caldriò pas creire, per acò, que s'es atudado dins soun cor la flambo pouetico de l'amour. Al sens contro, cremo de mai en mai, monto brousento e petounejo, coumo Dins li bosc, dins de pouèmos de toute meno : L'Amour e Diano, I ban de mar, La cabelladuro, etc, e sustout dins aquel Saume d'amour, en cinq partidos, embrandat d'uno passiu enrabiado, d'un paganisme aubanelenc e parnassian que demourara, à moun avejaire, soun cap-d'obro liric. La proso es estado manejado ambé lou même mèstrige ouriginal per Chassary ; uno proso terradourenco e quasi touto clapassièiro, à despart, un brinde : Ce qu'es rous, e dous pichots pouèmos en proso prouvenealo : Ma sorre, Pluèio d'estèlo, que tenguèt à ajusta al Vi dau mistèri. Es dau lou conte e la galejado poupulàrio que s àdralhèt de preferenço sa plumo, coumo la de forço primadiès : e avèm pas à nou'n plagne. Lous semenèt touto sa vido un pauc pertout : dins l'Armagna revendu, LTòu de Pascas, La Cigalo d'Or, L'Armanac rouman, La Campana de Magalouna, joui séudounime de Lou Maseliè, dins l'Armanac cetòri, joust lou de Pesca-arcèlis ; e n'acampèt uno prumièiro meissou en 1895, dins soun libre. En terra g alésa que lou faguèt pareja ambé Lou Bourgal e l'ilustre Cascarelet. Encò de nostre countaire, la sourneto es ounèsto e goustouso, maliciouso sens michantise, finamen irounico e talounairo, adrecho per faire esclata lou rire franc e sanitous ; sa formo es un moudèlo incoumparable del lengage de soun terraire, e lou cacalas s'i espèrto souvent, autant del coumic granat de l'espressiu que de l'aciu mai �ou mens plasento. La partido mareanto de En terra galesa es aquelo seguido de racontes entrasents sus Pradet de Gange que dourbis lou libre e qu'on legis e relegis sens jamai s'alassa. Doumage que Mèstre Chassary noun aje pouscut nous douna la segoundo garbìeìro de sous contes lengadoucians qu en 1898, en tèsto del Vi dau mistèri n'anounçavo la procho encabaletado, e, dins aquelo garbiàiro : las nouvèlos farcejados aproumesos de Pradet « despèi lou jour ountc mouriguèt per rire jusqu'al jour ounte, sens hou voulé, s'atroubèt mai mort, coumo disou à Seto ». Noun a avut, de mai, lou bounur de fahe espeli : Ave Formosa, pouèmo liric prouvençau acabat, que, de segur, nou'n seriam petimats, emai noun ajèsso pouscut pourta pus naut lou renoum de soun autou... P. Chassary, tout matrassat de la pèrdo de sa caro moulhè e de sa filho Mario, mouriguèt, ai-las ! lou 6 de mars 1980, sens que lou Gouvèrn se sioguèsso. ounourat en espillant à la boutounïèiro de soun boumbet lou riban rouge que s'ameritavo bèl cop e qu'une grosso colo d'amies demandavem per el ; lou qu'aviò désirât soula men « la crous d'or e d'evòri que sas fìlhos poudiòu penja à soun col, lous ribans blancs, blus ou rosos que poudiòu ne flouca sous pèlses » faguèt soun darniè badal, sens autro ambìcíu que la de mounta al paradis acourdat à l'ome fort. Sa familho deseounsoulado, que li renouvelam aici nostros coundoulençios esmougudos, sous ancians escoul'ans venguts des quatre caires del despartamen, las pus nautos noutabilitats de Mount-Peldè, sous counfraires saberuts de l' Academio de scienços e de letros de la vilo, lous membres de ,1'Escolo felibrenco del Pavage, que n'èro lou venerat decan, li faguèrou un enterramen de prumièiro, ounte manquèrou pas las lagremos de regret nìmaì las lausenjos elouquentos. Sa figuro d ome vertuous, de proufessou mannat, de grand majoural del Felibrige, noun se desfaçara del cor de toutes lous que l'òu aimât, e sas obros remarcablos, que n'avèm dounat uno simplo noutaciu, lou ressuscitaròu, per sempre. dins l'amiraciu de la Franco d'Oc. Mars 1931. REINAT L'Emprimayre Mèste en pè : E. FOURNIER. MARRIMPOUEY � Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Patrimoine écrit occitan:périodiques Description An account of the resource Ce set contient les périodiques numérisés par le CIRDÒC issus des collections des partenaires d'Occitanica Revista Item type spécifique au CIRDÒC : à privilégier Région Administrative Aquitaine Variante Idiomatique Gascon Aire Culturelle Gascogne Type de périodique Revistas d'estudis localas = Revues d’études locales Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Reclams de Biarn e Gascougne. - Anade 35, n°11 (Aoust 1931) Alternative Title An alternative name for the resource. The distinction between titles and alternative titles is application-specific. Reclams. - Annada 35, n°11 (Aost 1931) Subject The topic of the resource Félibrige Gascon (dialecte) -- Périodiques Littérature gasconne -- Périodiques Histoire locale -- Gascogne (France) Description An account of the resource Reclams. - aout 1931 - N°11 (35e Année) Creator An entity primarily responsible for making the resource Clément, F. Lhept Barran, Annine Guasch, Joan M. Tastet, P. Lalanne, Jean-Victor (1849-1924) Gardère, J. Moulia, Edouard (1889-1939) Laffargue, Célestin (1879-1946) Camelat, Miquèu de (1871-1962) L'amic de Flourence Lou chourdaro Lou talhur Abadie, Pascal (1856-1932) Fournier, René (1871-1940) Marrimpouey, E. Source A related resource from which the described resource is derived <p>Bibliot&egrave;ca de l'Esc&ograve;la Gaston Febus</p> <p><br /><br />&nbsp;</p> Publisher An entity responsible for making the resource available Escole Gastou Febus (Pau) Imprimerie de Vignancour (Pau) Date A point or period of time associated with an event in the lifecycle of the resource 1931-08 Relation A related resource Vignette :&nbsp;<a href="http://www.occitanica.eu/omeka/files/original/e472a8c919c77eed6b76d1205b58246f.jpg">http://www.occitanica.eu/omeka/files/original/e472a8c919c77eed6b76d1205b58246f.jpg</a> <a class="link_gen " href="http://www.sudoc.fr/039860345" target="_blank" rel="noopener">http://www.sudoc.fr/039860345</a> Is Part Of A related resource in which the described resource is physically or logically included. Reclams de Biarn e Gascounhe&nbsp;<a href="http://www.occitanica.eu/omeka/items/show/2019">(Acc&egrave;s &agrave; l'ensemble des num&eacute;ros de la revue)</a> Format The file format, physical medium, or dimensions of the resource application/pdf 1 vol. (28 p.) Language A language of the resource fre oci Type The nature or genre of the resource Text publication en série imprimée Identifier An unambiguous reference to the resource within a given context <a href="http://www.occitanica.eu/omeka/items/show/2859">http://www.occitanica.eu/omeka/items/show/2859</a> INOC_Y2_13_1931_08 Rights Information about rights held in and over the resource Domaine public/Domeni public License A legal document giving official permission to do something with the resource. Certains droits réservés Temporal Coverage Temporal characteristics of the resource. 19.. Date Modified Date on which the resource was changed. 2016-06-29 Occitanica Jeu de métadonnées internes a Occitanica Portail Le portail dans la typologie Occitanica Mediatèca Sous-Menu Le sous-menu dans la typologie Occitanica Bibliotèca Type de Document Le type dans la typologie Occitanica Numéro de revue Contributeur Le contributeur à Occitanica Inoc Catégorie La catégorie dans la typologie Occitanica Documents Patrimòni cultural = Patrimoine culturel