https://www.occitanica.eu/files/original/1f86e9691486b05fcd7ea9c02c0b88a7.jpg 146999704fb8c137a5a2c14612a7e431 Omeka Image File The metadata element set that was included in the `files_images` table in previous versions of Omeka. These elements are common to all image files. Bit Depth 8 Channels 3 Height 1131 IPTC Array a:1:{s:11:"object_name";s:14:"1911 15e Anade";} IPTC String object_name:1911 15e Anade Width 1696 https://www.occitanica.eu/files/original/ef2fb0bb8429d1e6c0ede9230a905498.pdf 56871badee72ab6f06bb8833445f8312 PDF Text Text 3î»"Anade Mars de 1933 CLAMS DE DOUCTRINË SEMIADOUS Enta Yan de Maupoumè Lous hilhs, despuch de que y-a omis sus la terre, que-s soun toustém proufìeytats de Pobre dous lous pays. Se lous ayòus n'abousseu pas echartigat, semiat, adarroun e bastit, que serém baduts débat u calhau ou dens ue tute coume las bèsties dous boscs ; se n'aboussen yamey hicat per escriut ço qui s'aprenèn dens lous milès de yeneracious passades, qu'en seré braque la nouste batalère. Ets que dalhèn lou cam de las idées, e nous auts nou hem qu'espiga. E labets, quin se hè que pousquiam créde que noustes cansoétes e soun estoumagantes de berou, e que tout cadu que las deu boulé léye ? Perqué arroussega bèts tros de sufisénce, pusque la nouste bouts autalèu partide, autalèu que-s trobe negade dens lous coumbats e lous batahòris de la bite-bitante ? Nou-n s'en plangam : qu'en hou toustém parié. Que y-a quauques lues que lous noustes ancèstres, lous troubadous, e sabèn crida deya countre lous segnous chic dounayres e chic escoutayres e, despucb, lous cantadous de per nouste qu'an prédicat u pople qui semble abé-n de mey pressades. Qu'ey, si disen, l'esperit qui mie lou mounde, mes que soun bèt drin clas lous omis que las causes de l'esperit c hèn boulega, e se-s bolen da-s ue pause, plasé-s, que déu este sénse qu'ous ne coste goayre. Coume èy ategnut l'adye oun tournen las moumbrances, audits u soubeni dous mes. Qu'ère aco en 1904, e quauques felibres que-nse apoudyabem ta Fontsegugne oun Mistrau e lous sous amies e hasèn lou cap d'an de la reuniou de 1854. Quasi dus cents debots que-nse troubèm aquiu, e dus cents que hèn bère piéle de mounde, mes lou brèspe, coume debarabem lou coustalat, qu'aboum pênes à ha-nse u cami pou miey de las carrères nègres de caps. D'oun poudèn biéne aquets ? Qu'èren dilhèu dèts mile qui yessiben de las arènes oun abèn escanats quoate ou cinq taures. U gascou de la bovine ley ya deberé èste l'aymadou fidèu de la may Gascougne, lou mantienedou dous Reclams ; quoandes èm? } A las ores don yoenè, que-ns ey dous de semia. Qu'en bam arridénts, mes au ras de nous que s'en y escàden dous qui n'an que mesprèts en bouque. Puch, coume bacham la coste de la bite, que coumpreném perqué noustes mèstes, V. Lespy e Isidore �— 146 — Salles, n'abotíh pas d'autes cops ne las noustes ahides ne lou nouste estrambord. Nou-ns estém de camina, per aco, yetém lou nouste hourmén e lou nouste balharc. La gragne semiade oun deu cade ? Qui bòu sabé ? Dilhèu que la s'amassara bèt renard franchiman dous qui brégnen la nouste bit. Se seré beroy estudi d'espia quin las escoles literaris d'oïl aboun reclains dens las escoles d'O, quin Moulière e Lafontaine escadoun leyidous e disciples per capbat de nouste, b'en barém tabé u gn'aute, e dous mey curions, ta ha béde lous emprounts, lous raubatoris hèyts per hère troupe de francés à l'obre dous felibres. L'u d'aquets escàmbis lous mey counechuts qu'ey lou de las Létres d'Alphounse Daudet, doun la fine sentou, doun la besiade mesclagne d'arrises e de plous c s'engountren deya dens lous pouèmis de Yansemi, e dens lous coundes de Roumanilhe. E tant que y'èm dab aquet mèste dou prousey francés, be seré de souheyta que bèt die d'aquéstes, Yausep Loubet e biengousse, probes en ma, dise-ns tout ço qui déu au paysa Batiste Bounet ? Mentabe sounque lous autous, qui-ns e dében, que seré da ue listre sénse chue ne interès. Nou poudéin tapoc parla de d'autes obres que las Académies parisiènes an courounades dab beroys tins-tins au cap e qui-s troubarén se calé, raubades quasi moût per mont dens lous liberots de quauque felibre... Se lous mayes emprounten, se lous petits e peruquen, se lous boulurs e saben pana touts bius lous talhucs d'escriture, qu'en sera de nous auts escouliès de toustém, e qui s'en anèm sénse embéyes e sénse pretenciou nade ? D'aulhous, se nouste gay ey de semia nou-n boulham èste bantats. Enta qué ? Ya saboussem qu'aquets medichs de qui-ns e carguen de flous aus perfums embriagants e plascrous, qu'aquets proudics de coumpliméns n'an pas seguramén leyides dues arréques de las noustes ; medich u die, se per' escas e bibèm mey qu'ets, e qu'anèssem da u tour enço dou perraquè, nou-ns e seré mau aysit d'y tourna croumpa noustes liberots e d'apréne que lou gran mèste à qui lous abèm dedicats, nou-y hiquè yamey lou nas e que-s desbroumbabe de coupa-n las hoélhes : la couyounade, de bèt tems-a, qu'ey daune capbat d'aquéste mounde. Sie coum sie, amies, sayém d'amelhura l'eretadye recebut dous anciens ,e passém-lou aus qui-ns e seguéchen : nou coundém toutu brigue d'en èste pagats. �— 147 — Se y-a bahurlès capbat d'aqueste terre, que-n y counden toutu dous qui nou-n soun, dous esleyuts qui n'an que l'idée de s'y ha, e encoère, e toustém. Lou paysa qui cargue chens pèque u bros de hé débat de las lampades dou sourelh, dens la gouhasse qui-u coupe Palet e n'ey countén que quoan l'a beroy ploumat ; lou reyént qui parle u maynat, e dab pregaries e dab soegns l'enségne, dinque ne sàpie autant coume et ; lou médye qui s'apoudye ta lèu aperat, de dies e de noeyts, e-s bouque sus lou jras dou malaut, e cèrque à tira-u de las urpes de la niourt ; la sur de caritat qui adroum lou Malandrè e qui netéye la Pouyritùt ; l'artiste tabé, lou pintre qui léque u tablèu e tourne daban cent e quoan de cops ; l'escultayre qui cure lou bouci de inarme, lou toque, l'arretoque, dinque c Paye balhat lou darrè lis ; l'escriba qui pénse loungtéms à ço qui bon dise, yéte lou pugnat de las idées, las bique en ourdi, las ligue e cèrque à bonta-s sancé dens la soue obre, touts aquets, e erubaran yamey u pagamén à proupourciou dou lou tribalh ? Nou, de segu, e que seré afrounterie dous at dise. Toutes las bounequeries dous oustaus, touts lous ors escounuts dens las pregoundbus escurides de las mènes, e soun capables de paga d'aquets bé-hèyts que las amnes de ley e semien sénse coundc ? Nou tapoc, e que s'en manque : Lou felibre qui per escas se trufaré dous trucs de mas, dous certificats de papè e de las médailles de metau qu'ey en boune coumpagnie. Anem doungues, dens lous quoàtc dies que lou Mèste de la bite ense a lhèu proumetuts, c, coum disè l'aute, nou-nse estém de semia, d'autes que s'at coelheran. MIQUÈU DE CAMELAT. QUESTIOUS Paguèro. — Aquet moût emplegat p'ou Gers qu'ey endicat per lous us coum u penén birat de-cap au sourélh e per lous autes coum birat à countre-sourélh (nord). Qui-m sabera dise qui a rasoû ? Piàc. — Que disen, per la Lane, « moulhàt coum un piàc » ; mes arrés dous à qui at èy entenut dise nou m'a poudut esplica ço qui ey lou piàc ; qui at sap ? D'abance, gran mercés. S. PALAY. �148 — LOU XIX™ CAP D'AN DE F. MISTRAU 27 de Mars 1914 I A Mistrau Diu te hit nèche, amie, débat lou hèt cèu d'ar A'nt la mèma cansoun truntans dens tas Alpinas, Oèy reirenti l'aygat de las Grand-Mas latinas. Hilh hardit de Proubènça as desplèytat la mort ! �— 149 — Toun terrayre te tèn, gardera lou Tresort Qu'en partèns y'às quitat. En-houndans las racinas Dens lou co dau belh mounde, e clas coume lasinas, Tous cants an laudreyat dau Mèyjoun trunqu'au Nort. Toun peïs l'as aymat, y'as counsacrat ta Ma, Toun ama a perpitat, sens pòu mes sens foulia, En ligans lous cabelhs que ta man amassait. Preste dau renouèt de las gloris anticas As desligat las bouas de las belhas relicas Dens l'abuglanta luts dau sourelh proubençau !... YAN D'AQUITANA. Giroundi. Esplic de moûts : truntans, tel un écho ; desplèytat, défié ; lasinas, étincelles ; landreyat, illuminé ; perpitat, palpité ; en ligans, en attachant. II Permou de la mourt de F. Mistrau Oey la France sancére qu'a plourat sus la mourt dou pouète proubençau ; dens Malhane qui perd lou sou maynat qu'ey la tristesse e lou dou mayourau. D'il cap à Vaut dou mounde en y'abou nat ta ha bibe u lengadye naturau dab aquére sabou ? Qu'as tu cantal bèts ayres de roussignou, o Mistrau ! Tu qui de Mirélhe desbenturade e digous la tant courte passeyade s'audis noustes sanglous ? Quine doulou ! La Corse que ney toute part-birade, bielhs, yoens soun en plagnénce desoulade per tu qui de la France ères l'aunou. (Birade de M. C). J. P. LUCCIARDI, Felibre Corse. �— 150 — BIRADES Las mâs bel la nina " La mey bèro drolo déu noste parsà beuso goey e soulo (Jé à marida) besent qu'à la guerro lous sous oelhs s'en ban à sa may disèuo qui ausis plan soun mau : Deychat-me ploura Au rie de la ma. Nou-m trauets la peno ni boulhets crida-m : l'uo causo es justo l'auto nàni, bam ! Se réde m'àymots nou me hasquets maus : seré, o-bé, piri mouri e cara-m. Deychat-me ploura Au rie de la ma. Puch me dèts, May mio, dens atge tan brèu tan court l'argausi-m tan loung l'acoentà-m, en decha-m captiuo d'aquet qui s'en ba dab las claus barrayros de ma libertat, Deychat-me ploura Au rie de la ma. Ay, douço may mio, quau nou plourera [mes sou cô nou sio coum un tuhe dat] e quan sens braulados ba bese troulha las berdes anados que ma joentut a ? Deychat-me ploura Au rie de la ma. Que lèu mous oelhs troquen emper lou ploura la sabrouso taco qu'auèn en espia ; e puch nou se poden nou gayre oucupa-s, mendre qu'es en guerro lou qui èro ma pats ; Deychat-me ploura Au rie de la ma. Que las neyts s'en anguen Puch en-ana s'an lous oelhs qui hasèuon lous mes argoeytans ; s'en anguen : nou bèyguen tanto solitut quoan soulo me jàsi oun dus an cabut ; Deychat-me ploura Au rie de la ma. (Biradc de Andrèu Pic). LUIS DE GONGORA Y AKGOTE. (1561-1627). Esplic : Rie de la ma, lou bord de la mar ; l'argausi-m, lou plasé ; tuhe, calhau ; sénse braulados, sénse plagnénses. �— 151 — MOUNDE E CAUSES DE NOUSTE FREDERIC MISTRAU e ISIDORE SALLES Nou sèy mey quin s'aperabe l'escriba qui hasè baie dens ue rebiste que Mistrau nou hou pas arcoelhedou au pouète de Gosse. Que respounoum, coum saboum, à d'aquet dise aban-hèyt dens lous Reclams de May 1925 e, gracis à Marius Jouveau qui boulou pla cerca ta nous dens lous papès de Malhane, que dabem u bon tros de létre,. lou bou die dou mèste aus Debis Gascouns de 1885. Mes oey, que y-a miélhe que pla. E nou diguen pas, per ma fé, de qu'abém la rencure loungue. Nou ! La bertat qu'ey la bertat, e la bertat countre la mensounyc nou deu yamey cata ! Espiats qu'aquéstes dies, dus amies de Proubénce, mous de Castelin felibre de la mar ,e lou mayourau Conio (qu'ère à Pau en 1931) que m'an hèyt presént de quauques bielhs numéros de YAïoli, lou yournau que Mistrau e hé paréche de 1891 à 1899. Qu'èy sautât dessus, e de boune gane sus l'aumadye amistous dou pouète de Mirèio au de Gascougne. Aquéste cop n'ère pas ue létre, nou, mes u loung artigle. Amies, aci qu'ey, c en b'at pregan, lecats b'en lous pots ! " Gascougne '' d'Isidore Salles Enta tiéue cap à la ftourade de libes c de pouèmis que la nouste Icngne amie, toustém e de mey en mey, sénse nade eslangue despuch la nouste mar dinque à la mar mayoure, que caleré, coum disen, la troumpéte dous de Boulhargue, qui pétc pertout : Que la troubèm deguens dou yas sounque amantade de pedas, la lengue de Proubénce : coum hasè pèche lou troupèt Lou caud qu'abè brunit sa pèt. Qu'ère bèt bou d'at dise aquero, que y-a u quarantenat d'ana des, mes biban ! oey que n'y a d'auts que lous aulhès qui-s hèn bouri lou toupi dab ère. Damisèles de las mey delicades, moussus à chapèus de très soulès que s'en embaumen lou co coume d'u floc de mendras. �— 152 — Aci que y-a u ancien préfet, u gascou dous fis, u òmi de counsequénce — qui nou-s decharé ha u pechic à l'aurélhe, coume disen — per quauqu'arré de beroy — M. Isidore Salles, qui-nse mande tout fresc u libe suberbèt, de 474 granes payes in-8°, en parla dou pais de Gosse ! E credéts que nou saboure brigue, aquet, escribe en francés las pouesies qui l'arriben, s'ou ne biengousse lou tesic ? Eh ! bé, nou, ya que las soues frmèstes e s'aubrésquen à Paris sus lou boulevard Haussmann, Isidore Salles qu'a bastit lou sou beroy libe de Gascougne (Paris libr. Maisonneuve) en proubençau de las arribèrcs dou Gabe e de l'Adou. Nou n'aye nat degrèu. Tout l'arrebat, touts lous reclams, l'esperit sancé de la Gascougne que crème, que lugarnéye, que craque dens aquet brasè de bers, e de la race tout que s'y amuche, despuch la gascounade dinque au cant reyau, de Sent Bisens de Paule à d'aquet brabe basa d'Henricou, e de Yan de Hourcade dinque à Yan de Bernadote. Bertut sacrade de la Terre ! sacrade parladure mayrane ! Qu'arrés nou s'en pousque destaca ne desbesa, medich au double-banse, lous prefèts qui s'an passade la mieytat de la bite au ha la moune, à cassa-la au noum dou Goubern centrau ! E dounc, negats, regats, toursets las amnes dous maynats coume u tourtelh de bugade, ta tira-us la crouste qui abèn sus la pèt dens lou brès, e dab aquero, quoan sien bielhs, coume at disè tant pla lou troubayre Yansemi au ministre Dumount : Quand sarès arribat d'aquel mounde troumpaire Un bel jour, vous veiren veni Dins nostres prats flourits escouta la mesengo E demanda, per graço, à nosto vielho lengo Un coublet, un refrin, un mot, un souveni ! Isidore Salles, benaye à d'et n'a pas à truca-s l'estoumac. Qu'ey d'aquets fldèus qui nou an yamey desbroumbat — e la muse de Despourri, de Nabarrot e de Filadelfe, qu'où pague are à la soue debarade dab lous sous poutous lous mey francs. Pla hèyt, lous Gascous ! Aném, nou-s dèchen minya la loue garbure. L'abignounén Crilhou e lou gran Biarnés Henric, à las barbes dous de Paris, que hén prou de campagnes amasse : Diu bibostes ! lous lous arrè-hilhs nou denéguen aquére biélhe amistat. (L'Aïoli, 27 de garbe 1893). F. MISTBAU, �— 153 — PUNTS DTSTORIE U proucès de coumunes au sègle XVIIIau Dab quin interès èy deshèyt, puch leyit papè per papè la ligasse qui droum à la maysou coumune de Hours sus u proucès qui-s passabe de 1658 à 1662 ? La resou dou pleytey qu'ey méndre : U cantè de coumunau, u heuga de dus ou très yournaus d'estenude. Mes, ço qui ey maye, qu'ey Penhouliade peléye dous adbersàris. Que diserén qu'aquet mounde de la coumedie «Lous Pleydeyayres » de Racine que soun meylèu de case nouste. Qu'ous endebinam, qu'on s audim, qu'ous bedém à parla : J'écris sur nouveaux frais. Je produis, je fournis De Dits, de Contredits, Enquêtes, compulsoires, Rapports d'experts, Transports, trois Interlocutoires, etc. Que bedém la Yusticie, la Bite^ lou tribalh, l'ana dou tems, la guerre, la yelousie hastiale enter coumunes, lous faus testimonis, e tabé au ras, brabe mounde qui despausen chens pòu e chens cragnénce ; nou n'y bouten ne nou-n tiren. En fi de coundes que s'y escad ço qui ère passât de mode dens lous yudyamens, e qui nou hou mey admetut : La demande de publicaciou de mounitòris ou létre d'u yùdye de la Glèyse ta oubliga lous qui abèn counechénce d'u fèyt à-u dise sus péne de pecat mayourau. Doungues en Arribère-Ousse, à la fi de 1657, quoàte paysas de Liurou qu'anèn dalha e carga cinq ou cheys carretades de touye en u cantè de la Lane-darrè. Lous de Hours qu'at saboun, que hen amassade plenère e que digoun que la partide de lane dalhade e esfrutade pous de Liurou qu'ère loue. Qu'embièn requèste au senescau de Pau per trouble de poussessiou e que demandèn cinquante liures pou daumadye. L'amassade dous besis de Liurou que délibéra que lou terradou coumunau qu'ère hitat de peyres-hicades e que la partide de lane countestade qu'ère en deçà de las hites. Lous de Hours nou n'abèn ni poussessiou ni dret de dalh mes sounque dret de pèche de sou à sou. Probe qu'estoure hèyte à Liurou qui demandabe à èste hore d'ahas. Lou proucès qu'ère abiat. Au tems de garbe 1658 que biengoun à chibau sus la terre countestade : Tisnès, yudye, coumissari dou senescau de Pau, lou sou grefiè Vergez, de Neys aboucat de Liurou, De Barber aboucat de Hours. Que s'y troubèn tabé dus yurats de Liurou, u sendic e u noutari, puch très yurats de Hours. �— 154 — L'aboucat de Hours que demande aus de Liurou si entenèn esta mèstes de toute la lane de Hours ou soulamen d'ue partide, de la quoau ? L'aboucat de Liurou que respoun que aquestes nou bòlin brigue la lane de Hours mey soulamens la terre hitade e que-n dits la termière. Lous de Lucq, coum besis de Hours, an hèyt usatye dou drét de pecbénce sus la lane de Hours mey nou sus la terre dou pleytéy pramou que-y serén estats pignourats ou carnalats. L'aboucat de Hours que dits que la terre pleyteyade nou hè qu'u dab la lane de Hours. Si ère de Liurou que seré barrade per canès e barats. Lous calhaus pausats ta destermieya lou dalh nou soun hites. La lane de Liurou n'ey pas aquiu sou darrè, mes daban dou biladye, au soum dou coustalat. Lou Yudye que da acte aus aboucats dous lous dises, que mérque las fermières de la lane pleytejrade, las pèyres hicades. Que hè arremarca de que n'y a de parières à la lane de Hours, loégn de la terre countestade. Que demande aus de Liurou de lheba las pèyres ta sabé si soun hites ; si-n soun que-y abera débat cadue très tros qui-s yuntèn d'ue pèyre escalhade aperats témoégns. Lous de Liurou que respounèn nou esta necessari, pramou que la forme e la grandou de las pèyres que disin que soun hites. L'endedie per daban medichs persounadyes, lous testimonis que soun audits. L'aboucat de Liurou que demande que lous de Lucq nou pouchquien esta audits pramou qu'an dret de pacàdye sus Hours e interès à ço qui gàgnie lou proucès. L'aboucat de Hours de respoune que si lous de Lucq an dret de pacadya de sou à sou sus lane de Hours, nou-y an dret de dalh e que très yournaus de lane pleyteyade n'ey pas u aha ta d'ets. L'aboucat de Liurou n'ey pas d'aquet abis ; que sustien que lous de Lucq qu'an gran interès à ço qui lous de Hours gagnen lou proucès pramou que la loue pecbénce que sera mey estenude e lou danyè de carnau esbitat. L'aboucat de Hours que tourne mantiéne ço de dit. Lou yudye que-u da rasou. Après sermén que soun entenuts cinq paysas de Barzu e cinq de Lucq. Que disin lou lou àdye, lou téms de memòrie, lou lou degré de parentat à Hours e à Liurou. Qu'an miat hère, hère de cops lou lou bestia à la lane de Hours e tabé en ço de qui-s pleytéye chens esta enquietats pous cfe Liurou. Lou cabalè de Lucq qu'a miat pèche las cabales sous èrms de Hours coumprés la lane countestade touts ans, despuch May dinquià Sen-Yan d'Aoust chens empechamén. Qu'an bist lou beterè de Liurou ha �— 155 — coum ets. N'an yaméy bist lous de Liurou dalha au parsa countestat, arré que ha-y pèche, pramou que lous de Liurou coum lous de Hours qu'an dret de pacadye de sou à sou sus lous lous èrms. Qu'an bist lous de Hours dalha héus à la terre countestade. N'an yaméy bist separaciou entre la terre countestade e la lane de Hours e n'an pas entenut dise que n'y abè. Qu'an entenut dise que Hours que-ri ère mèste e nou Liurou qui nou-n a poussessiou ni dret de dalh, arré que drét de pacàdye de sou à sou. Qu'an bist lous de Liurou arreha lous barats destermieyan /ous lous touyas dou parsa countestat. L'ancièn baylet dou segnou de Liurou e de Hours qu'ey passât tout die tredze ans chéns trouble sus la terre countestade. L'aboucat de Hours que déclare nou boulé ha audi méy de temoégns e ta d'et, l'enquèste qu'ey acabade. Dèts de Liurou que soun entenuts. Que n'y a de Coarraze, de • Lagos, de Luquèt, de Pountac, de Barzu. Touts que disin abé bist hémnes de Liurou coupa hèus dab haus sus terre countestade e amia-s'en lou hèch darrè au cot, omis de Liurou carga héus sus carrétes en terre countestade. Lous biladyes besis qu'abertiben lous pastous de nou pas decha-y pèche pramou que-y abè dret de gahade. Lous de Hours, après aquéres audicious, que disin que nou s'y pot abé fé en la depousiciou d'aquets testimonis, touts yents de mâchante bite, gus, mendicants, bestits de pedas, misérables e qu'auheréchen probes. Lou prumè, — u ahanat — qui a de que, qu'a reyetat sa may qui s'ey mourte de hami. Lou dusau, lou cinquoau e lou dètsau que soun boulurs de gran cami. Lou trésau qu'ey de Luquet, coumune besie qui a interès à ço qui Liurou e gagne lou proucès, nou pot esta entenut. Qu'ey u faus temoégn qui per cinq sos se beneré. Lou sètau qu'a mantu cop troumpat lous sous coumpagnous au cami d'Espagne. Lou oeytau que-s dits de la maysou de Casaban de Pontac, nou-n ey pas. Aquere maysou qu'ey hère aunourable e et qu'ey u bau-arré. Qu'ey hilh de Liurou chens trasse ni yenuit. Lou nabau qu'ey u briaguè, reyetat de lou, endigne d'esta temoégn. Per arrèst dou 28 d'Abriu de 1659, la Cour dou Senescau que da gagnât aus de Hours sus touts lous lous dises, que defén à Liurou dou-s troubla, dab miasse de cinq cens liures, que coundamne, Liurou aus frès e à paga la coupe lhebade chens drét. (La fi ta Faute cop). YAN DE TUCAT. Esplic : De sou à sou, dou lhebat dou die à l'escu ; trasse, race, ley ; yenuit, enyendrat. �LAS LÉTRES Lou Blasou de Cesari Daugé Dihort, lou 15 d'Aoust de 1932. Amie, Que te-n broumbes, tu e Palay que-m abets boulut majourau. .lamé jou ne-m auri sercat aquere coente. Que-m disèts aco qu'ère ente l'aunou de l'Escole nouste : à Gaston Fébus que Fat calé. Qu'èy dechat dise e ha e que-m an estacat à la boutoère la cigalhe qui cride au soum de la Tour Magne lou .tant signau dou Gran Mistrau. Mistrau que hasèbe atau lou gran cop de chiulet dou Cinquantenari qui clamabe Farrebiscoulade dou Mijour e de la Lengue d'O : Soun mort li bèu discire ; Mai la voués a clanli. Soun mort li bastisseire : Mai lou tèmple es basti. Vuei pòu boufa L'aurouso malamagno ; Au front de la Tour Magno Lou sant signau es fa. Aqui dessus, l'esperit que-m a trabalhat, e que-m souy dit : « Esta majourau, se n'é pas ue noublesse, jou que-m semble que-n deberé esta : noublesse nabère de segu, mes noublesse bertadère de la Lengue d'O ». La bielhe France que balhabe blasoun à l'espade ou à la pelhe de judje. Perqué la plume de Lenque d'O, qui espadasse e pleytéje ente sauba dou desbroum lou parla dous ancièns, n'aberé pas tabé lou soun blasoun ? Labets que me-n souy heyt un. Paris qu'a un escabot d'omis, un tchic de pertout à mens belhèu de per nouste, qui-s disen Caddets de Gascougne. Aquets caddets que s'abèn boutât à l'idée de brouni e que soun bienuts, mey d'un cop, ha la loue brounitère à la lisière de nouste. Que soun passats per Agen e Toulouse coum boussalouns de ha cauque boun disna dab parloutis franebiman �— 157 — meylèu que coum abelhes qui hèn mèu dou sabrous dab lou parla de nouste. Decham courre e disna plan aquets Caddets de lisière qui — se disen — ne bau pas lou drap. Nous qu'èm lous aynats, lous terrayres. A la case megne, pay e may qu'èren d'ue familie qui pourtabe capet e qui esquichabe la terre ent'au ha balha pan e bin e cauque tchic de carn, bite de Gascougne. Lou parla de Paris qu'où dechaben ent' ou qui ne pourtabe pas capet. Arrehilh de labouredous qui tagnen aus tems lous mey arreculats de nouste, qu'èy dounc arrigades pregountes. Tabé coum lous bielhs noums de la bielhe France e tabé de la bielhe Gascougne, que-m souy escoartierat..., s'ou papè s'entén, e oère lou blasoun qui-m souy heyt. Que l'èy boulut parlayre de so de men e de so que-m ats heyt au noum de l'Escole Gastou Febus. Escoartierat. Au prumè, rouje (de guîe) à la Tour Magne (d'arjen). Au dusau, blu, (d'azur) à la cigalhe d'or, qui é- de la Tour Magne, qui cante sus un branc d'olibiè d'or rutè, abracat en bande. Au tresau, blu, (d'azur) à la cigalhe d'arjén, qui é de meste en gay sabé, qui cante sus un branc de pin rutè d'arjén, abracat en bande. Au coatau, rouje, (de gule) au castet de Maubesin (d'arjen) qui é de Gastou Fébus. Croudzades en débat dou blasoun, dues plumes d'auque d'arjén. CRIDE DE CAPSUS Au front de la Tour Magne Lou sant signau es fa. CRIDE DE CAPBAT Que canti so de nouste. Las plumes d'auque que merquen d'abé escribut en Lenque d'O. D'auts cops tout lou mounde, franchimans e gascouns, qu'escribèn dab plume d'auque, e nous auts qu'èm dou peys oun las auques balhaben lou mey de que cscribe. Coum souy caperan, qu'èy boutât chapèu simple e sounquc'dues houpes en penén coum se hasè d'auts cops : atau lou blasoun qu'é d'un félibre caperan. Que-m pensabi de passa toute la bite chens aquet tra la la. Mes pujà desempuch mey de setante ans que-m at bey tout cambia deban lous oelhs, que-m souy pensât de nou pas damoura-m en darrè de tout so de oey e de-m ha aco de nau qui ne pot ne ha dou mau ne ha puchiu à digun. Tu, e bos ha-n autan ? Qu'as lou Marmorè qu'où harés bère aunou se t'ou boutabes sus azur caperat de nèu trebucante au cèu blu. Adiu, amie. C. DAUGÉ. �— 158 — RECLAMS DE PERQUIU Permou d'Henric de Pellissou. En seguide dou nouste soubeni au felibre de Baretous, nouste sost-capdau, J.-B. Laborde e A. Lasserre-Capdebile, que-ns escriben que lou sou counde de Règle qu'ey estât publicat per Pellissou medich en 1905, hens la Revue du Béarn et du Pays Basque. Mous de Laborde, qui goarde lous sous papès, que hournech aço : « Nou crediat pas que ço qui èy d'et e sie de gran coumpte-ha. A part lous arrepoès e quauque troussicot de badineries, tout qu'ey estât emprimat. Lou Libe de Baretoù doun parlabe qu'ère à ha de cap à cap. Ço qui a escribut sus quauques coustumes ou credénces de la soue balée nou garniré pas hère de payes... » Auserè qu'abém counegut lou felibre, auserè que s'ey demourat. Las Counferénces. — A Pau, Mme Claude-Winz-Soucaze, d'Izeste, membre de l'Assouciaciou Reyiounaliste, qu'a hèyt ue hère beroye debiséte sus las Cantes Biarnéses au Cinema-Palace ; que s'y plasoun hère à Pescouta d'abord puch à escouta canta Mlle Saloy, qui a ue bouts de roussignoulét, lous Cantadous aussalés e lous dou Rallye-Gelos, qui soun pertout oun eau ha balé lou Biarri. — A l'Amicale Jean-Bergès, de Yelos, lou nouste sapiént counfray, mèste J. E. Prat, qu'a biengut da — e ha da aus auditous — u tour de passeyade p'ous endrets oun reyentabe que y a trente ou trente cinq ans ; qu'abém tournât béde lou Yelos ancien e la bite-bitanle d'aquére petite coumune qui a bist toulu de gran mounde, pusque l'emperayre permè e lou tresau Napoléon qu'y soun biengiits, chens de coumpta toute ue courderilhe de segnous, de magistres dou Parlament de Biarn, d'omis de haute boulade, doun, malurousamén, lous bius d'adare n'an pas l'ayre de-s soucia hère... Présentât per Simin Palay, M. Prat, que hou aplaudit u sarrot de cops, ço qui probe que prenèn plasé de l'escouta, si et tabé parechè préne-n à segouti lous soubenis ancièns e lou bèt tems de la nouste yoenésse... — Lous estudiants Bamoundéncs, coum at abém dit deyà, que perseguéchen lou lou tribalh : lou 10 de yé, lou nouste escouliè Antòni de Bastard qu'a debisat sus Mistral ; lou 31, R. Bége, d'Assat, qu'a estudiat lous Coundes Biarnés de Yan Palay. A touts, coumpliments. �Lous Dansayres de Baigts. Aquéste cop qu'en parlâran dou Pount d'Orthez ! Aperats pou « Réveil Basco-Béarnais » lous dansayres que l'an gahade ta Paris. Moun Diu ! quine arcoelhénce au Palays de la Mutualitat, dab mounde dou gran e dou yénce : Mous de Berard qui presidabe e au ras d'et mous de Garât ; puch Mous de Navarre, président de PUniou pirenénquc e d'autes capulats. La courale dou « Réveil » qu'en cantè de basques c de biarnéses, mes ço qui hou suberbèt qu'èren noustes dansayres qui estreaben lou nabèt costume, e s'y hèn dens : lou saut de l'esquiròu, lou seguissi, lou pas d'estiu, lou Peyroutou, lou saut de l'agasse, la fricasséye, la matelote, lou Tique-Mariou, la danse de l'escoube, 7ou Yan-Petit. Ya ba sénse dite que noustes amies que soun tournais encantats e esmiraglats de tout ço qui an bis : qu'en goarden u soubeni qui nou s'estupera de dies. �— 160 — A l'Académie gascoune de Bayoune. Lou dissatte à sé, 14 de yenè, à POustau de bile de Bayoune, l'Académie que hasè arcoelhénce à u nabèt membre, Mous de Lacouture. Qu'ey mous de Detchepare, biblioutecàri municipau, qui dens u debis en gascou lou dabe la pla-biengude. Touts dus « bielhs camarades de misère » que soun estats à la guerre dens lou mey « broy regimén de France, lou 142, lou me broy pramoun ne parleben pas sounque gaseoun, même lous bascous ! Que s'en soun tirais dab quoques tougnes, mes d'aco n'en parlin pas me ». Aco dit, mous de Lacouture que coundabe aq.uéste : « Que bouy pe racounta ibe petite istoère. Qu'ey counecbut un òmi qui tan qui bibè ère estât counselhè municipau dens le sou comune. N'ou counechèben pas nat enemic pramoun ne pleyteyèbe pas e qu'escoutabe tout lou moundc cbets countraria arrés. Au Counsëlh, quen lou Mayre lou disèbe : « A vous, un tel, donnez votre opinion sur cette question » que respounèbe : « Se ne-b heỳ pas arrey, moussu lou mayre, coumensats de l'aute part » c que boutabe tustém dab le majoritat. Pourtan que prenèbe quoque cop le paraule, qu'ère le noeyt de les elecciouns. Pouyat sus ibe taule, que hesèbe tustem lou même discours : « Messius, que-b arremercie de m'abé noumat, le place ne raporte pas, mes que hèy aunou à l'òmi ! » L'Escole Gastou-Febus que mande au nabèt académicien lous sous sóuhèyts (loungademéns que sic de las amassades !) urouse de sabé qu'à Bayoune, ue* coumpagnie de sapiénts e d'amies que tribalbe permou de la Léngue mayrane. Permou de la cansou gascoune. D'u aperét de Yan de Bouzet dens YAlmanach gascon de Bourdèu, que tiram aquéstes moutots doun baram nouste proufieyt : « Si l'on prétend toucher le peuple, c'est par des chansons et non par de la belle littérature qu'on a le plus de chances d'y parvenir car il aime mieux écouter que lire, chanter que réciter... En Gascogne nous avons trop de poètes et pas assez de chansonniers... Il faudrait d'abord faire revivre celles de nos vieilles chansons qui sont toujours susceptibles de plaire : Maudit sie l'amou, Roussignoulet qui cantes, Dus pastous à l'oumbréte... renouveler le répertoire et créer des œuvres nouvelles. Depuis une cinquantaine d'années c'est à peine si nous pouvons compter une dou- �— 161 — zaine de chansons devenues populaires : Bèt cèu de Pau, Beroye flou, Bords de l'Adou, lou Paysa, lous Piquetalos, la Cansoun dou lin, etc. Beaucoup de nos meilleures mélodies anciennes furent l'œuvre d'anonymes artisans... toute personne de goût peut donc prétendre à créer une mélodie qui sera entendue avec plaisir ». Lou IVau Centenari de Miquèu de MontaigneAqueste darrè de heurè, que y-a quoàte sègles, qui badou lou qui debiengou, coume en se debertin, l'u dous mayes autous francés d'aquets tems. Hilh dou Peyrigord e còssou de Bourdèu, nou deneguè yamey d'oun ère yessit, e tant ère amie dous noustes païs d'aygues cantantes, de brabe mounde e de mountagnes suberhautes que s'en disè gascou. Qu'abè terres à Lahountâ, ras dou Gàbe, b'at abét leyit ? Om que sab ço qui pensabe de nouste léngue mayrane, e Léonce Couture puch Maxime Lanusse, esperucan lous Essais, qu'amuchaben quin e s'y escaden, sénse noumbre, tèrmis qui sabouréyen la Gascougne. Nou dechém doungues aquéste tour la soue obre sénse passa-la drin mey, sensé leyi-n las payes quin-s abém mercades d'u sinnet e qui parécheran yénees dens l'anade dou sou centenari. Estanguets de Paris. Cade dibés à sé, au Café Voltaire pous cutours de l'Odéon, lous amies de la Léngue d'O que s'acampen ; mes, Panam qu'ey u bèt biladye, e d'autes estanguets que saben ha tasta bi de las noustes bits e bouniqueries coum ne preparen las daunes de Gascougne. «Aquéste sé de Nadau, si-ns escriu Yan de Maupoumé, que-ni troubabi cnço de B. Gady de la place Victor-Hugo (qui-b serbira Yandoulhe d'Orthès e lou cassoulet de Toulouse) e, aubrin la porte qu'ey ço qui trebùqui ? Ue taule oun très païs e debisaben gascou. Que poudets créde quin plegabi la came ta batala drin aînesses ! » E Louis de Latourréte de counda-ns aquéste : « Qu'èm ue doudzéne de biarnés harts d'ana taus grans disnas oun nou $aben que parla francés daban municious qui nou soun de case. Tau diàtchou e sien aquéres hèstes-annaus de la poulitic ! Nous auts, lous gauyous droullats, qu'abém foundade enço d'u amie de Saut de Nabalhes la coumpagnie de la Goudale ; yoens coum bielhs nou-ns y hèm qu'en biarnés, e apuch abé adoubât las �— 162 — ganurres de boune grèche d'auque, que cantam à bouts plées (e yustes, Diu biban !) las doucines cansous de nouste ». Tè, pusque canten à la Goudale, lous ayres aymats dou païs de las cantes, que calera que hassien u hèp, hèp à Yan de Bouzet, e à la couderilhe dous Febusiens de la capitale. Dou. Lou 7 d'aqueste mes de Heure qu'an pourtat en terre à Coarraze, la moulhè dou nouste biélh amie Cyprien Pomès, mémbre dou Counselh de l'Escole. Qu'ey u cop erude qui l'atégn au mouillent oun touts dus poudèn enfingues yui de drin de pats au darrè d'ue bite de tribalh liacane. Mme Pomès qu'abè reyentat pendén quarante ans e nou y abè que poc de temps qui s'abè prés la retrèyte. Que pregam Cyprien de Pomès, las soues familhes et touts lous paréns, amies de la noste obre despuch toustém, de créde que lou lou dòu que-ns e toque à touts e qu'èm dab ets de tout co en aquére rude esprabe. L. R. ■a — -^a^— »■ LA BOUNE PARAULE Je suis Gascon... (L u Trosdous « Essais » ch. vm), Il y a bien au dessus de nous, vers les raontaignes, un gascon que ie treuve singulièrement beau, sec, signifiant, et à la vérité, un langage masle et militaire plus qu'aultre que i 'entende ; autant nerveux et puissant et pertinent, comme le français est gracieux, délicat et abondant. (L nj Ch. xvn). J'ay veu, par occasion de mes voyages, quasi touts les bains fameux de la chrestienté ; ...qui n'y apporte assez d'alaigresse, pour pouvoir iouïr le plaisir des compagnies qui s'y treuvent, et des promenades et exercices à quoy nous convie la beauté des lieux où sont communément assises ces eaux, il perd sans doubte la meilleure pièce et plus assurée de leur effect. A cette cause, i'ai choisi iusques à cette heure à m'arrester et à me servir de celles où il y avait plus d'amœnité de lieu, commodité de logis, de vivres et de compaignies, comme sont en France les bains de Banières... (L m, ch. n). MICHEL DE MONTAIGNE, �— 163 — BITE-BITANTE Lous dóus d'u pay Grils e biahore enço d'Oumprarel : De segu bèt malur qu'ous ey arribat. Qu'y bau. De la crampe oun bouy entra que-m bié arcoélhe coume u ayre aset, cargat de machans arams, u bàfou qui sc-m gahe au cot. Qu'èy tabé pênes de tira endabans permou de l'escuride. Qu'an barrats lous countrebénts e deguens ue sourre-bourre de hémnes que s'y bouléguen ; que ban, que passen, que criden, que plouren. Sus u lheyt, estenul, lous bras estirats coume u Ecce Homo, la care blanquide, lous oe^hs sensé luts que y'a L'aynat dou me amie Oumpraret. Que l'ey doungues arribat ? Hort mau que deu esta pusque lous besiadyes se soun amassais : Que cèrqui d'ana dinque au4heyt. Ue hémne que-m dits : Que l'an pourtat, are, are, de la mountagne. Qu'où hèy : Quin ey, e s'at pod bira ? Arrés nou-m respoun. Que poussi, que-m hèy u cami pou miey de tande mounde. La may, à l'entan, que s'a prés lou sou hilh ; qu'où sarre las mas, que cerque de l'at escauha. La praube hémne, aclapade pou malur, nou dits paraule e nou-s tire lous oelhs d'aquets oelhs qui-s demouren clucats. Lou pay, et, qu'ey per aquiu, que vogue dous bras, que-s truque lou cap, que bòu ha-s ana coum ta cassa las aies de la mourt miassante. Que s'en ba assedé-s drin au cournè dou hoec ; d'aquiu que tourne de parti decap à la frinèstc ; que l'aubrech. Pla qu'a hèyt. Atau u arrayòu blanc, l'arrayè-u dou sourelh d'estiu que trauque las oumpres de la crampe e que bique drin de }a soue gauyou dens tandes de dpulous. Que bau decap à ía may : — Ram, aquet maynat, d'oun se dol ? — Be m'at semblabe, si-m hè labets à moûts coupats, que-ns e tournaré u die macat, esbrigalhat pous calhaus de la mountagne ! Per you, nou-m podi da nat mout dabaii k>u pourtrèyt esglasiat d'aquére soufrénee. Lou pay que-s passéye toustém. Qu'ey are, cap e cap dab lou sou segoun hilh, lou qui ère tabé à goarda lou bestia e n'a pas abut la méndre macadure. Qu'où ^ahe pou bestot : — Enténes ! Que m'as à dise s'anabets ta la péne d'oun dabaren tout die calhaus. — Nou, pay ! Nou, si hè lou maynat, tremoulan coum la brouste, n'èm pas anats d'aquets estréms ! Mes Oumpraret que segoutech lou cap coum se nou credè arré de ço qui-u disen : — Qui at sab aquero, qui at bòu sabé I �— 164 — L'òmi qui m'a bis loutu, que-m hè : — Bèn, que m!'at pénsi ço qui ey arribat, coume se y'èri, u petit calhau que s'ey destacat, qu'a bourroumbeyat e lous noustes en audin l'arreboum que-s soun.hicats à courre. La pèyre qu'a lhèu regat lou mey yoenot sénse touca-u, c, malaye, qu'a ategnut! l'aynat darrè l'aurélhe. At aboussem sabut prou lèu qu'où poudèm arresta lou sang, mes lou tems d'ana-y, qu'en a trop perdut sang, qu'en a maculats nou sèy quoan de inoucadous. Praubin, toutu ! E, behsut, aclapat, banit que-s dèche cade sus ue cadière. Ue hémne, la prumère besie, qUe-m dits labets : — Se n'ey pas de dòu-ha ! Aquet qu'ère neurit e que s'en serbiben coume d'u baylet. Nou parlabe que de baques, de bestia, que boulé que lou sou pay qu'où croumpèsse ue dalhe. Qu'où bedèn toustém dab u coutèt à la ma ; balllèu qu'ous hasoure touts lous utis. Bertat que-s destrigabe tabé e soubén qu'où seguiben, qu'où peleyaben à loue. Quin boulets ! Coume ère lou prumeret de la coade tout qu'où cadè dessus ; qu'ère à besougn pertout e que caloure que nou pensèsse (ju'à tribalha, mes maynats que soun maynats. Be s'an a debcrti tabé ! Que-m tirabi dou hourbari de daban dou lheyt. Qu'anabi tau cournè oun !a serouléte de quoàte ans n'abè nat ayre d'abisa-s dou desòu qui hounibe sus la maysou. Assedude dens l'escabèle qu'abèla mounaque dens la haute : — Nini, s'ou hase, que eau couse ! E dab las agulhes e lou hiu raubats à l'esplinguè de marna, la nène que cousè. 0, dues passades e qu'ère prou. — Nini, que eau estudia. Qu'èm à l'escole. E labets que s'anabe coélhe la eroèts, lou libe d'estofe dab imadycs rouyes e blus, tout plé d'ausèts e de bèsties counegudes. Dou sou ditou que hasè : A, e, au ras, u asou aurelhut, qu'abè l'ayre d'espia tabé, que hasè : B e lou boéu malhut e cournut qu'at semblaWe escouta. — Tè, si disè en trucan la mounaque. Silence, qu'èm à l'escole ; Té ! e que-n dabe à l'asou. Asou, nou eau mey ha hi-ha ! Boéu, nou bouy que digues Moe! qu'èm à l'escole. Hi-hi, Nini, que eau droumi. E que la desbestibe, qu'où tirabe fou mouchoèr dou cap, lou dabantau, que la se coucabe gn'aute cop dens la haute e que l'ayumpabe : « Snurn, soi/m, béni, béni l » Puch cop sec : Nini, que-s eau lheba ! c que la lournabe de besti... A dus pas dou larè, qu'ère lou darrerou qui proumetè de ha u bou mountagnòu. Tout ardoun, grassoutot, qu'empliabe lou brès ; lous dus pugns dens la bouque, qu'ous se chucabe coume se houssen la poupine de la may. Mes, acera, que y-abou gn'aute segoutide : ■— Ya ! qu'a aubrits lous oelhs ! autapla n'ey pas mourt. E la hémne qui dise aquero d'ue bouts plagnedoure, que hournibe: �— 165 — — Mudém-lou, pourtém-lou decap à la frinèste ! Mes la may sénse decha-u touca per arrés, d'u brassât que-s gahe lou hilhot, e qu'où presénte à la luts embisaglante : La blangou aquére e poudera tourna la bite à d'aquet co qui nou truque goayre mey, à d'aquet cos doun lous mémbres nou-s saben mey boudya-s ? De la bouque, tant per tant, s'en ey partit u rangoulh. :— Que-ns e bos decha labets ? si dits la may qui-u se sarre ; nou alédes mey, praubot ! Lou nèn qu'a yemit encoère, e Iheban lou bras que-s boute la ma darrè l'aurélhe, sus lou hourat qui ey toustém ubert e qui sanne rouy dens lous perrècs : — Quc-t doles d'aquiu praubinot ! si dits la may. E sénse mey, qu'estacabe 'lous sous oelhs brumous sus la care de mey en mey blangue dou sou hilh. — S'anabem cerca lou capera ? si-m hè tout dous ue d'aquéres hémnes. E, toutes, de troussa-s la care dens lou dabantau, e lou pay dab lous dus pugns sarran lou cap de bouta-s à dise : — Nou n'èy yamey poudut tira arré ! Auloc de soegna-m lou bestia, que s'escapabe au darrè dous nids, pous arbes enhore b'en abè houradats pantelous, e esquissades bèstes. Ya s<'at bau, toutu nou pensabe qu'à deberti-s e que coundabi de ll'àbë esmanglat au pè d'u arbe ! Tè ! Désespérât, sénse sabé mey oun n'ère, l'òmi qu'anabe ta las dues eu yoles penudes sus l,a murralhe e oun lous mèrlous, innoucents piulayres, e-s segoutiben las aies e boulouren passa pous barrots per la pòu de tandes de caps estranyès are dens la crampe. Las cuyoles destacades, qu'èren deya per terre e dab lous pès, coume per houlie, que las hasè courre pou coulidor endaban... Que dise daban aquére doulou P Lou mounde qu'espiabem esmudits, co-estregnuts toutu que lous auyàmis piulaben e al'ateyaben. E la may, estacade aus oelhs dou maynat, que birabe lou cap per aquero e de ha : — Oumpraret ! Oumpraret, e qu'où gahe bitare ? que t'en poden lous ausèts ! Mes aquéste, dechan Jas envoies, que touriiabe*decap au Iheyt e espian, sénse béde proubable, que cridabe : —-Nou balè que ta despéne ! Nou saboure es|aubia lous dinès qui-u balhabi ! Yamey n'aberé hèýt u òmi ! E sus aquére auresou funerari, aquet aurost bèt drin court, dens aquéres ores de rauye e d'ourrou, nou-s broumbabe mey de qu'en abè tabé dcshèyls quoan de nids, puyats quoandes arbes, e esperracats bestissis, que s'eslurrabe s'ou son. Que-ns y hicabem à très ou quoàte ta lheba-u, e dab pênes qu'où hasèn tourna. E Ion nèn P Lou nèn, en aquéres, que-s dabe u sang-boutit ; dues aledades e tout qu'ère acabat ! M. G. �LOUS COUNDES GAUYOUS LOU POUTÉT Q-uan lou défunt Moussu Matulh estèc arribat curé de Laas e costos de Perissou, se boutée à l'idèyo, lou sant òme, qu'anauo coumberti touto la countrado. Tabé cado maytin que lou boun Diu hasèuo, leuat à punto d'aubo, prenguèuo tout just lou tems de s'escura e de s'abilha, partichèuo à la glèyso, e aquiu, ajunlhat au pè de l'auta, preguao Diu las ouros entièros. Au sourelh lheuat, s'anauo penga à las cordos de las campanos enta souna lou trin-tran, trin-tran de la messo, mes poudèuo, ja, souna las tringalhados pendent mes de miejo ouro de tems, pas mes de crestias, à la messo, que de péchés à la pachèro d'un moulin de bent. Lou dimeche, mountauo plan en cadiéro presicadéro, mes, parla, crida, truca, que poudèuo hè mes d'uo ouro d'arrelòdge, y' auèuo pas enta l'escouta que quauques maynatjots que se pessigauon, quauques bielhots que toussiuon e quaucos hemnos bien engouloupados diguéns las capétos, que proufitauon de ço qu'aperauon las batalères dou curé, enta poussa un petit droumilhet. Touts lous dissaptes brèspes, lou praube orne s'anauo ajunlha à la porto de la coufessadéro, mes jamés ou presque jamés nat pénitent lou benguèuo dise d'y entra. Quan besouc que poudèuo pas réussi d'aquet coustat, s'embarrèc diguens la suo crampo e se boutée à calameja dou maytin au sé, mes, que tio ! aquet orne n'èro pas hèyt enta s'eslouri per las oumbros, y bengouc lèu tout espanlichat, e se l'auon pas tirât d'aquiu, y seré estât mort. — E s'anauots à la pesco, moussu ! — Taplan, ça dits, moussu Matulh. E se croumpèc uo canauèro de siés sos, quinze paras de courdounet, miejo doudzéno d'inquets, e debaro que debararas decap la ribèro ; mes de demoura setut, las camos aloungados au ras de. l'aygo, e d'espia un boussoun que remudauo pas que poussât per quauque rabesan, n'angouc lèu las templégos engarransidos. Lou calouc cerca quaucoum mes. Se croumpèc un fusilh, lou prestèn un can, e oats-lou partit, �— 167 — passo bareyts, à trauès bosques e lanos e pim aciu, e pam aquiu, canlos e perdigats l'estiu, lapis, lèbes, paloumos e becados Piuèr, èro rare que tournèsso dambe lou sac boeyt. E lou soun mes gran plasé, quan tenguèuo uo lèbe, qu'èro de la se minja en coumpanio dous curés besis. Un maytin, qu'èro partit dou coustat dou tucò de Jamilo, lou soun can arrèsto quaucoum detras uyo brucho : Uyo lèbe partie, rnoun curé la tujro, la s'amasso e s'en tourno. Astalèu, sauto s'ou calam e hè cinq ou sies letros toutos parèlhos, entau curé de Marseilha, de St-Mau, de Miala, d'Aua e de Tillac. Oats-ne uyo : Counfray e amie, Dilus darrè, lou Tarquin me troubèc uyo pè-descausso, cruciatibus in pace, mortibus, amen, abimatus et infra, lou coupèy lou porto-pipo. Touto aquero latinado que bo dise que eau que bengots ditjaus enta bése s'ey bouno. Arribats dambe lou bénte boeyt e lou coutèt agusat. La Ulali bous hè dise que y'aura uo suspreso. E adiu-siats. La Ulali qu'èro la goubernanto dòu curé de Laas ; pas trop lusénto se boulets, à cops pleyo de tinto per las mas e per la figuro, mes à part aco, uyo cousinèro de pruméro tilho. A l'ouro dito lou ditjaus, touts aquets messius estèn aquiu. Cau que bous digoy, qu'au presbitèri de Laas quan y auèuo un dinna, hasèuon las aunous à moussu de Marseilha, en qualitat de mes joén, e lou boutauon à la taulo decuses à ço qu'apèron adaro lou bufet. Boun dinna se se pod dise ; quan angoun serbit la salado, la Ulali s'en tournée à la cousino. Moussu de Marseilha, atrapo lou coutèt tusto sou beyre ta l'apera : Astalèu la hémno es aquiu mes lusénto e mes pintrado" que jamès : — E dounc, Ulali, e aquero suspreso ? E la goubernanto s'atrapo un tros de taualhoun, s'en boucho lous pots, en tout dise decap lou curé de Marseilha : — O, moussu, per aquéste cop, bous pòdi pas balha qu'un poutét. Quan entenouc aco, e sustout quan besouc que s'echugauo lous pots, Tome bengouc rouge coumo un pout, e respounouc en gran coulèro : �— 168 — — Que disets, Ulali, èts pègo ou en benguets ? Un poutét à jou ! E bous èts pas espiado au miralh, sampa ! Mes la Ulali en tout hè la graciouso se biro decap à soun mèstre : — E dounc, moussu, quin ne hén ? E moussu Matulh de dise à la goubernanto : — Anén, anén, balhats-m'en un à jou, dous bostes poutéts, e balhats-ne un tabé en aquets messius. Anen, curé de Marseilha, dresso-t un pauc e dècho-lo passa. La Ulali s'en ba decap lou bufet e per la porto entrelandado en sourtich miejo doudzeno de petits toupiots plés de crèmo que la Ulali aperauo petits pots, poutéts : — Curé de Marseilha, ça dits moussu Matulh, counegueras aro l'arreproubè que dits : Pren-t'en nas, e tu bouco n'auras pas. LOU JANTI. armagnaqués. ■a »■ MOUNDE E CAUSES DE PROUBÉNCE LOUIS ROUMIEUX (Segnide e fi) Vesès coume aquéu galejaire avié l'esperit oucupa di trebau de l'eisistènci. Amavo talamen lis enfant que lis aurié pas vougu vèire grandi. E lis amusavo... Lou majourau Chassary nous â counta li tour que Roumieux fasié à soun Peirounet. — « Jouguen, disié Roumieux, que sabes pas faire acò ! ». e se levavo dos dènt f ausso, o bèn encrousavo si det d'un biais estrange. Un jour, Peirounet i'agantè la barbo en disènt : « E acò, jouguen que me lou farias pas ! » Roumieux fuguè ravi d'aquelo rebecado. Risié pèr l'enfant... Risié peréu pèr li femo. Sa courtesié èro requisto. Avié lou gàubi di Troubadour. Jamai res l'a vist demoura court de coumplimen galant. Sabié espremi emé finesso si sentimen afectuous o amiratiéu, e se fasié un plesi d'esgaieja li dono que vienen à soun entour. Si coumplimen s'acoumpagnavon souvènt d'un présent mou- �— 169 — dèste, mai toujour bèn présenta. A Dono Castelnau òufriguè un candeliè de brounze em'un auceloun quiha sus lou pèd : Is auceloun jamai fises pas soun secret Li plus poulit, se dis, soun li mai indiscrèt... N'ai qu'uno pòu, amigo : es que la bestiouleto Emporte de moun cor un tros sus sis aleto... Es verai qu'anarés l'aganta que de niue, A l'ouro que la som vous clucara lis iue. Dirias de vers de jouvenome, e Roumieux lis escrivié à 55 an. En 1884 encaro, òufrissié à Na Lauro Martin un gourbihoun de faiènço qu'un amour, amaga dins li floureto, n'aubouravo lou curbecèu : Emai demore quet au founs de sa garbello, Lou galant couquinot espichouno e simbèlo. De-qué vòu ? de-qué guèiro e de-qu'espèro adounc ? Languis d'èstre soulet emé vous, lou gandoun ! Es, acò, lou proumié quatrin d'un sounet que s'acabo ansin : Urous quau de l'Amour pùu empura la flamo ! Encaro mai urous quau au founs de soun amo Saup lou tène engabia coume un pichot aucèu ! Roumieux risié pèr lis enfant e pèr li femo. Risié encaro pèr lis ami ; e vous rendès comte, à mesuro qu'anan, qu'èro pas soulamen pèr escoundre soun soucit, mai encaro pèr esvarta lou soucit dis autre. Un bon mot, uno cascareleto, un conte, tout acò èro de guierdoun qu'òufrissié à si coumpan coume lou candeliè à Dono Castelnau. Soun rire èro vertadieramén un doun d'éu-meme : D'abord qu'avès tant ri de la malemparado Dôu paure.capouchin, que vous countè Roumiéu, Aquelo obro es à vous que sara dedicado. Ah ! n'en dèu agué fa fusa, segur, de cacalas, la malemparado de Fraire Bartoumiéu ! Aquéu capouchin,/7oiira coume dèu l'èstre un mouine, quistavo pèr soun couvènt. Un vèspre que rintravo em'uno saqueto d'argènt tin-tin, faguè un marrit rescontre. Un moufatan l'arrestè, en ié metènt un pistoulet double à la tèsto. Fraire Bartoumiéu sounè tòuti li sant dôu paradis à soun secours. Mai, lou bregand : Portes d'argènt souto ta roupo ; Lou save : baio-lou ! senoun, Fulobre, as proun manja de soupo ! Lou capouchin juravo qu'avié rèn, mai l'autre aguè lèu trou- �— 170 — va la saqueto. Lou mouine, alor, de dire : « Au couvent, van crèire qu'es iéu que siéu lou laire. Faudrié que moun abat veguèsse qu'ai lucha tant qu'ai pouscu, E coume provo de la lucho, Vous pregue alor de bèn voulé Descarga vòsti pistoulet Aperaqui dins ma capucho ! » Lou bregand se lou fai pas dire dous cop, e boun ! tiro uno balo. Bartoumiéu ié deraando de n'en tira uno segourido. E boun ! Uno tresenco... Alor, te penses bounamen, lé fai lou bregand à la lèsto, Qu'ai dins la pòchi de ma vèsto Tout l'arsena d'un regimen ? Lou mouine n'en voulié pas mai saupre. Tant-lèu que fuguè assegura que l'orne avié plus d'armo, zou ! estroupo sa soutano, e, reclamant si bèus escut, Part sus lou laire, e ié debano Tant de mougno e de lavo-dènt Que reprenguè lèu soun argènt. L'autre, abima de cacho-mourre Pren d'aqitelo erbo... Encaro courre ! De conte coume aquéu l'obro de Roumieux aboundo. Fan pensa i novellieri italian tant pèr lou biais que pèr lou noumbre e lou mouvemen dôu vers. Roumieux risié pèr lis enfant, li femo e lis ami. Risié, enfin, pèr li felibre. Felibre e ami, dirés, es-ti pas mémo causo ? Noun. Pèr Roumieux li felibre èron de fraire. Soun afecioun pèr éli es espremido em' uno bello fervour dins un bon noumbre de pèço. Se regalavo d'ama e d'èstre ama, e se fasié publicamen ounour de Pamista di pouèto de la lerro nostro, temoui aquest vers, larg e plen coume soun cor : Estre ami d'Aubanèu es un titre de glòri. Es pèr li felibre qu'a escri la famouso Noço de Guingoi, coume provo lou coublet satirique : Aviéu pèr me caussa de nòu Près un gnaf que se crèi felibre. Me disiéu : Fai de marrit libre ; Dèu bèn maneja lou lignou. Que lou tron curé ta bòutigo ! Es uno forjo d'agacin. Gràci à tu, pegot assassin, Ai lis artèu plen de boufigo ! �— 171 — Dins un estùdi sus li satiro en lengo d'O, Roumieux aurié sa plaço ; noun pas que fuguèsse pougnènt ,mai, coume lis orne de soun tèms, fidèu ; tradicioun crestiano, a segui Roumanille dins la satiro soucialo e, coume eu, a défendu la religioun. Soun sounet Lou Mourtalage soulidàri poudrié servi de prefàci is Entarro-chin. Un chin es mort lou même jour que soun mèstre. Lou capelan arribo pèr signa lou cadabre de l'ome. — Vai-t-en au diable emé ta crous e toun missau ! Ié cridon lis ami dôu mort. — Vejan, mi fraire, Japès plus, dis lou prèire : adurren, pèr vous plaire, L'animau à la glèiso e l'ome au cadarau ! Pèr tant sevèro que siegue, la vèrbio n'es pas sènso rire. N'es pas lou même, segur, qu'aquéu di cansoun. Roumieux es mai à soun aise, maugrat tout, dins lis estrofo dôu Mazet, e lou recouneissèn miés quand dis : Lou Mazet de Mèste Roumiéu Es un mazet coume n'i'a gaire... Poudès cerca dins la garrigo, Se n'atrouvas un coume aquéu, Dieu de moun nas fague uno figo ! Se countuniara maugrat tout à regarda Roumieux coume lou paire de Jarjaio, d'aquéu tipe de miejournau sèns soucit, bonovoio, simple d'esperit, mai noun sènso esperit, que Mistral n'en risié tant voulountié. Nous agradara toujour, à neutre même, après agué destousea quàuquis-un d'aquéli vers que fan pressenti un cor doulènt, de reveni à de jo pouëti coume La Mascarado : Argantère un bon raumas Davans la meisoun-carrado En vesènt passa la mascarado. Aquéu jo, d'uni l'an près pèr uno nouvèuta dins l'obro de Tristan Derème. Roumieux i'aurié ensigna que s'atrovo adejà encô de Dante... e d'Oumero. Se noste felibre avié mes autant de siuen à-n-escriéure si vers regulié, liogo de leissa trop souvènl sa plumo courre sènso brido ; se fuguèsse esta pourta vers li sujèt releva qu'èro bèn capable d'ajougne, parlarian eici d'un mèstre. Mai... lou Roumieux que tout lou mounde amo tau qu'es, mancarié au Felibrige, coume la grounzello au jardin. Es verai, e regretarian quasi d'agué vougu vous faire cou- �— 172 — nèisse un Roumieux diferènt, s'èro pas qu'es de noste devé d'esclargi un pau li legèndo. Trop cresien que sa vido èro estado qu'un long cacalas, d'agué couneigu, pèr eisèmple, l'istòri dòu galoubet que Roumieux se meteguè dins lou nas en disènt : « Es ansin que n'en jogue ! » à-n-un impourtun que venié de l'embouca, o touto autro boufounado. Trop l'an près pèr un sènssoucit incapable de mena sa barco, quand au countràri a mes uno bello famibo à l'ounour dôu mounde. Si biougrafo an même di qu'avié acaba sa vido dins la misèri. La verita es touto autro : Roumieux visquè si darrié jour à Marsiho, en 1894, au mié de si pichots-enfant, emé tòuti sis aise, e riche d'afecioun. Aquelis errour sus l'ome e lou pouèto se redreissaran à mesuro que Roumieux sara estudia à founs, e qu'apareissira capable de s'ataca à de coumèdi bèn establido e bèn menado coume La Bisco, e d'espremi dins de cant délicat li dòucis emoucioun d'amour. Demourara lou gai Roumieux, mai nosto amiracioun pèr éu sara mai seguro. Lou pouèto qu'avié près un tant poulit prouvèi'bi pèr deviso : Chasque aucèu trovo soun nis bèu, aura sa plaço miés marcado toucant li mèstre de nosto respelido. E, quouro viraren lis iue vers la Tourre-Magno, saupren miés que Roumieux èro dôu mounde dis anounciaire lou jour qu'amount lou sant signau fuguè fa. MARIUS JOUVEAU. Ribliougrafio de Louis Roumieux (1829-1894). — Quau vau prendre dos lèbre à la fes n'en pren ges, coumèdi, in-12 (1862. Avignoun, ROUMANILLE). — La Rampelado, in-12 de 400 p. (1868. Avignoun, ROUMANILLE). — La Jarjaiado, in-8 (1878. Mount-pelié, MARSAL). — La Bisco, coumèdi en 2 ate (1883, Paris, MAISONNEUVE). — Li Couquiho d'un roumieu, 2 voulume in-8 de 500 pajo chacun (1890, Mount-pelié, FIRMIN). Etc. a =D- NABETHS COUNFRAYS MM. Félix Pécaut, Directeur de l'Ecole Normale Supérieure, St-Gloud (Seine-et-Oise). Luc Labadie, 4, rue Jules-Lefebvre, Paris (9e). Cazenave de la Roche (Abbé), 174, Faubourg St-Honoré, Paris (8e). Touzeau Raymond, 82 bis, rue Tahère, St-Cloud (S.-et-O.), �LOUS LIBES DEBISET GASCOUN hèyt à la catedrale d'Auch sus Jean Guiraut d'Astros, per l'abat C. LAFFARGUE, lou 5 de jun 1932. — Tarbes, imp. des Orphelins-Apprentis, 36, rue Eugène Ténot, — in-12 de 15 p. — Prêts : 20 sos. Aquéste estiu passât, qu'an quilhat sus ue place d'Auch lou buste deu pouète d'Astros, qui esté becàri de Sent-Cla en Loumagne. Lous Reclams dou niés de Garbe qu'an parlât d'aquere hèste. Pendén la misse, à la glèyse-catedrau, Moussu lou canounye Laffargue, superiou dou Petit Seminàri, que parlé deu soum de la predicadére d'aquet caperâ qui ey defun despuch très cens ans. En publican ço qui digou alabéts, M. Laffargue que parle d'u « debisét gascoun » e que bôu dilhèu atau ha enténe qu'abém aci ço qui apèren en francés ue « conférence » meylèu qu'u predic, ou, si boulét, u sermoû. Que l'apère coum boulhe, mes lou talhuc de gascoû qui musiqueye hens aquéres payes braques qu'ey de l'escadut. L'ouratou qu'amuche que lou d'Astros qu'abè aymat lou sou petit pèis, lou cournerot de Gascougne oun ère badut e oun se mouri. Lou sou arriu — l'Arrast, — lou sou bilàdye — Sent-Cla — lous paysâs, la terre-may, lou « ramatje », coum disè, ou lou parla qui brounech peus coustalats e per las bats de Gascougne, lou d'Astros qu'a aymat tout aco coum l'abelhe la flou. — D'Astros qu'esté u pouète ; que bedou e qu'entenou las causotes d'aquéste mounde dab lous oelhs e las aurelhes d'u pouète ; ta las canta que troubè moûts deus luséns e acoumparès qui nou ban pas de cornequilhe. — D'Astros qu'esté u caperâ, òmi de Diu, òmi de débé ; reyén de Sén-Cla, qu'amuchè à ha de plâ à la familhote qui escouliabe. Ayma ço qui a aymat, camina de dret coum eth, aco que pod serbi d'exemple ta touts lous de oey e tau mounde de toustém. L'ouratou n'a pas anat serca rantoynes. Ço qui a dit qu'ey cla, néle, chens alounguès ; la bete qu'ey sarrade, lous moûts escarrabelhats e pusats à la boune houn gascoune. U debisét atau que pod serbi de mustre aus qui boulhen apréne quin eau trisca las idées e lous moûts ta ha u predic qui aye la sabrou de la tasque nouste. DEBISET GASCOUN hèyt à Nougaro, per C. LAFFARGUE, lou 4 de setéme 1932, — Auch, imp. Cocharaux, 18, rue de Lorraine, 1932, — in-8° de 12 p. — Prêts : 40 sos. Aquéste abor, per la felibreyade de l'Escole, Moussu lou canounye Laffargue qu'a laudat, hens la glèyse de Nougaro, très defuns, lous abats Léonce Couture, Paul Tallez, Fernand Sarrau, « très grans amies, tant bau dise de la même familhe, hilhs de la même terre-may, très cops de grane entelligence e de gran sabé ». Aquets très omis qu'an aymat la terre coum Nouste-Segnou. Que eau léye lou talhuc oun l'ouratou en-s dits ço qui ey qu'ayma la terre. Que poudét courre ta trouba quoate arrèques autant plâ pensades e oundrades de moûts autant escricats. Nouste-Segnou qu'a aymat la terre e lous acoumparès qui hè en desglaran las paraboles de l'Ebanyeli qu'en soun la probe. Lous très hilhots de l'Armagnac-de-Bach que l'an aymade tabé e ço �— 174 — qui an hèyt, ço qui an escribut qu'amuchen l'amou qui-us hasè tapateya lou cô ta d'aquere terre, la loue may, bius e mourts. Aquets très omis qu'an aymat lous maynadyes coum Nouste-Segnou. Touts très qu'an passât la loue bite à escoulia maynadè e yoenésse. Que sabèn hère, mes sustout que sabèn ensegna, que sabèn ha ayma ço qui amuchaben, que sabèn ayma coum eau lous lous escouliès. Nou soun pas estats soulamén proufessous de grec e de lati, mes, sie à las ores de l'escole, ou hore de l'escole, qu'an abut lou tesic de gabida las yoenes amnes e lous yoens esprits decap à ço de bon, de bèth e de gran. Touts très qu'an aymat lou boun Diu coum Nouste-Segnou. Pietadous, serbiciaus, « n'an pas yamey sabut ço qui bòu dise ha deu mau à u mousquit ». Caritatius e dounayres « n'an pas dechat goayre nat so ». Si n'y a deus qui soun aban-hèyts e bantariols, eths que soun estats deus qui-s hèn à l'endarrè e qui nou serquen pas à-s ha baie. Sie coum coundàyre ou coum predicàyre, Moussu LatFargue que maneye u gascou deus triats e deus pourgats ; lou mey isagne deus critics que s'en bédéra ue si bòu trouba à la soue palhade nade teque de besse ou nat cabelh d'urâ. En claban aquéste paraulis que-m pensi qu'au loc de balha aquéste esplic desestruc deu debisét gascou, qu'abéri hèyt mey que plâ de dise : Croumpat lou libe — u boussi de gascou d'aquere tilhe per 40 sos qu'ey dat tout dat — e passat-lou de cap à cap. Que b'en harat arregalissi ou sinou, n'abét pas nat peu de fi e bertadè Gascou. J.-B. LABORDE. ■a. ■ ■ »■ ■ LOUS QUI S'EN BAN FÉLIX BROCA Qu'es un bray bayounes de Bayoune qui desparech dens le persoune de Félix Broca. Au mitan dou nabèt berdigò aportat à noste per lous d'aulhoubincuts, qui bouyren lia de la noste citât ibe bile bàscou ou charnègou, Félix Broca damorabe ço que lou Bayounes es toustém estât : un latin, un gascoun. Mantruns que debisen sus le léncou d'oc en tèrmis causis, en périodes oratòris plan bincudes, dens lou mé pur francés. Félix Broca, et, que mentinèbe à Bayoune le lèncou d'oc en parlan gascoun à touts lous Bayounes qui rencountrabe, cbèns nat espàntou, mès tabey cbèns le mendre bergougne. Badut en 1851, à l'arme Panecau, carrèyre au nom gascoun de les mé anciènes de le bile, Félix Broca, despucb tout yoen, qu'a toustèm goaytat au bouns dou co l'amou dou cout natau. �— 175 — Douât d'ibe broyé buts fmote é yuste, qui sap dens coant de councèrts, representacious teatrales, bèstes, etc. a poudut parèche, toustèm dens un but d'ounte l'interès ère horebandit mès ount le caritat trobabe le sou part. Qu'aymabe le musique à le passioun. Que pòden dise que penden mé de bint anades, Félix Broca qu'es estât lou chèf qui a sabut entretine au mitan de le yoenesse bayounese l'amou de l'art coral. Lou soubeni de La Castagne, famuse troupe de cantedous, qu'es encoare présent à Bayoune. Dous succès remportais per aquere societat, débat le baguete de Félix Broca : à Pau, Pampelune, Bilbao, Sent Sébastién e tant d'autes biles oun l'art dou bel canto es estât toustèm tincut en aunou, qu'es encoare dab fièrtat que lous bielbs bayounes en parlen à le yoenesse foot-balèyre de oey-lou-your . De cap à bielhè, Félix Broca n'abè pas désarmât. Qu'ère un plèsi de l'entène à quoate-bints ans, au capitou de l'Académie, canta le cantote gascounc, d'ibe buts, de segu aflaquide, mès toustèm yuste e plasènte. Tout ço que Bayoune comité de Bayounes bertadès que l'an seguit au segrat. Un cop acabat l'ahouc, que pensabi entre youmedich qu'abi escriut, n'y a goayre, quoques bèrs qui poudèben auta plan s'adressa à le memòri dou regretat Félix Broca : You, chèts arrey dise à persoune, M'en suy tournai, tout pitadous, En pensant que lou bielh Bayoune S'en anabe un chicot dab bous. P. BECTOBAN. , , , , , ^.^ao- —. J>- Mgnou DE CARSALADE Cargat d'anades, aus quoate-bints e cinq, l'abésque d'Elne e de Perpigna qu'ey passât dens aquéste fi dou mes mourt. Qu'ère badut à Simorre, e doungues gascou. « Que souy, si-m escribè u cop, d'aquére fière e horte race ! » U hilh d'Armagnac que-nse amuchara bessè quauque die, l'exémple de la soue bite d'estùdis ta la Gascougne, que-nse ensegnara quin hou dous foundatous de la Soucietat Histouric de Gascougne, tant boune tilhe embeutade sus la souque de la rebiste de Léonce Couture : Non abém aquiu dessus nade endi- �— 176 — que, e que noustes counfrays que-nse en escusen ; per labets, lous qui soun au goubern dous Reclams qu'èren maynàdyes e las couleccious parescudes hens aquets tems loegnècs que soun riales ou per trop carestiouses. Tant y-a qu'en 1899 lou canounye de Ste-Marie d'Auch qu'ère saerat bisbe catalâ. E, oerats quin ey : de labets enlà, nou boulou mey èste que catalâ, e au troupèt que Diu lou hidabe que hé mandaméns dens la soue lengue ; u catéchisme en catalâ que serbibe à ensegna la douctrine crestiane ; lou Pastou qu'aprenou la lengue. Lous felibres de per aquiu n'aboun nat amie de miélhe ; lou Felibridye, gabidat per lou capoulié V. Bernât, que celebrabe la Ste Estéle de 1911 en bile de Perpignâ e qu'en hou u trioumfe poupulàri. En 1914, aperat à la présidence dous Yocs flouraus de Barceloune, Mgnou de Carsalade que disè : « Puch dise, senyors, sens orgull, que soc digne d'aquesta presidencia. « Encare que sigui nat en la terra de Fransa y que hi hayi passât cinquante anys de ma vida sensé vis coneixer, sens ohir l'harmoniosa y sonora canlilena de la vostra llengua, sensé llegir els vostres poètes y prosistes, sens baver trepitjat lo sol de la vostra patria, jo me vaig trovar un dia, hi haura aviat quinze anys, per una gracia spécial de Deu, de Gasco que era ahir, Catala avuy... « El dia de la meua consagraciò, quan prosternât en el pavimen de la Seu metropolitana d'Aux vaig rebre Funciò épiscopal, à mesura quels rits sagrats se complien, sentia que una transformaciò estranya s'operava en mi, que rebia un carisma particular que era com un nou baptisme, y que amb aquest carisma una novo sanch s'infundia dins les meues venes, un nòu esperit, un nòu gust penetraven la meua intelligencia... venia de ser fet catalâ per la gracia de Deu... Es Deu que m'ha unit à vosaltres... » Omis d'aquets, segnous de la sapiénee, mantienedous de la Patrie, nou deberén bade bielhs, non deberén yamey mouri... M. C. L'Emprimayre Mèste en pè : E. MARRIMPOUEY. � Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Patrimoine écrit occitan:périodiques Description An account of the resource Ce set contient les périodiques numérisés par le CIRDÒC issus des collections des partenaires d'Occitanica Revista Item type spécifique au CIRDÒC : à privilégier Région Administrative Aquitaine Variante Idiomatique Gascon Aire Culturelle Gascogne Type de périodique Revistas d'estudis localas = Revues d’études locales Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Reclams de Biarn e Gascougne. - Anade 37, n°06 (Mars 1933) Alternative Title An alternative name for the resource. The distinction between titles and alternative titles is application-specific. Reclams. - Annada 37, n°06 (Març 1933) Subject The topic of the resource Félibrige Gascon (dialecte) -- Périodiques Littérature gasconne -- Périodiques Histoire locale -- Gascogne (France) Description An account of the resource Reclams. - mars 1933 - N°6 (37e Année) Creator An entity primarily responsible for making the resource Camelat, Miquèu de (1871-1962) Palay, Simin (1874-1965) Yan d'Aquitana Lucciardi, J.P. Gongora, Luis de Mistral, Frédéric (1830-1914) Daugé, Césaire (1858-1945) Montaigne, Michel de (1533-1592) Lou janti Jouveau, Marius (1878-1949) Laborde, Jean-Baptiste (1878-1963) Rectoran, P. Marrimpouey, E. Source A related resource from which the described resource is derived <p>Bibliot&egrave;ca de l'Esc&ograve;la Gaston Febus</p> <p><br /><a href="http://www.reclams.org/" target="_blank" rel="noopener"><img style="height: 97px;" src="http://occitanica.eu/images/omeka/gaston_febus.jpg" alt="" height="97" /></a>&nbsp;</p> Publisher An entity responsible for making the resource available Escole Gastou Febus (Pau) Imprimerie de Vignancour (Pau) Date A point or period of time associated with an event in the lifecycle of the resource 1933-03 Relation A related resource Vignette :&nbsp;<a href="http://www.occitanica.eu/omeka/files/original/e472a8c919c77eed6b76d1205b58246f.jpg">http://www.occitanica.eu/omeka/files/original/e472a8c919c77eed6b76d1205b58246f.jpg</a> <a class="link_gen " href="http://www.sudoc.fr/039860345" target="_blank" rel="noopener">http://www.sudoc.fr/039860345</a> Is Part Of A related resource in which the described resource is physically or logically included. Reclams de Biarn e Gascounhe&nbsp;<a href="http://www.occitanica.eu/omeka/items/show/2019">(Acc&egrave;s &agrave; l'ensemble des num&eacute;ros de la revue)</a> Format The file format, physical medium, or dimensions of the resource application/pdf 1 vol. (32 p.) Language A language of the resource fre oci Type The nature or genre of the resource Text publication en série imprimée Identifier An unambiguous reference to the resource within a given context <a href="http://www.occitanica.eu/omeka/items/show/2883">http://www.occitanica.eu/omeka/items/show/2883</a> INOC_Y2_14_1933_03 Rights Information about rights held in and over the resource Domaine public/Domeni public License A legal document giving official permission to do something with the resource. Certains droits réservés Temporal Coverage Temporal characteristics of the resource. 19.. Date Modified Date on which the resource was changed. 2016-06-29 Occitanica Jeu de métadonnées internes a Occitanica Portail Le portail dans la typologie Occitanica Mediatèca Sous-Menu Le sous-menu dans la typologie Occitanica Bibliotèca Type de Document Le type dans la typologie Occitanica Numéro de revue Contributeur Le contributeur à Occitanica Inoc Catégorie La catégorie dans la typologie Occitanica Documents Patrimòni cultural = Patrimoine culturel