https://www.occitanica.eu/files/original/a0061c9a01fb8ac01a2034c2b2125a24.jpg 146999704fb8c137a5a2c14612a7e431 Omeka Image File The metadata element set that was included in the `files_images` table in previous versions of Omeka. These elements are common to all image files. Bit Depth 8 Channels 3 Height 1131 IPTC Array a:1:{s:11:"object_name";s:14:"1911 15e Anade";} IPTC String object_name:1911 15e Anade Width 1696 https://www.occitanica.eu/files/original/cbdceeb7c230882451521f0caad08a72.pdf aff7561b4e64b373c5fb6d2cb3768314 PDF Text Text ESCOLE GASTOU-FEBUS RECLAMS DE BIARN E GASCOUGNE 39au Anade 1934-1935 ��39«« Anade Octoubre-Noubémbre de 1934 Las Hèstes oou Mounl Je M arsâ i5, 16 e 17 de Setéme 1934 Ue biste dou Mount LOU DISSATTE L'arribade. L'Escole n'ère pas anade tau Mount despuch 1906, ço qui hè bint e oeyt ans ! Ue passade... Que-ns y escadoum coum nouste capdau Planté, lou beroy òmi, e-s troubabe. dens lous sous bèts dies, e s'en poudè biéne refresqui las amistats ligades aus tems oun ère aquiu proucurayre de la République. Ya eau dise que se l'arcoelhance de labéts, hens lou capdulh de las �Lanes, ère de choès, nou y-abou gran hourrère. L'obre nouste n'ère pas encoère prou counegude. Enta mey d'u lengassut, aquets felibres qui parlaben gascoû qu'èren bèt drin desestrucs ; nou cercaben qu'à bouta guerre, pertout e à desapita Paris. Mes, despuch, la terre qu'a tourneyat, lou nouste sourelh qu'a punteyat, qu'a lusit, e coum dits la cansoû : Qu'abém dat bou pic. Aquéste cop, n'èren pas mey ue doudzéne de moussus e dames, beroy mounde, certes, e de plâ-boulé, à-nse ha boune care : la ciutat sancère dou Mount qu'ère de pès. Que-s bedè, sounque d'espia quin s'y hasèn touts, per la gran carrère e la place de la Maysou coumune, à téne banderoles e sègue-ligues, à oundra las maysous de flous e de berdure, à quilha mats dab drapèus, arcs de trioumfe e escripcioûs de boune arcoelhance, que lou mounde. boulé que tout que housse plâ e qu'abèn coumprés que la hèste de l'Escole qu'ère la loue hèste, la de la terre gascoune e de la léngue mayrane. Au permè mout qui-u n'ère estât dit, mous de Larrieu, lou mayre debouat de la Bile, qu'abè embitat touts lous qui, p'ou Mount, e s'y hèn ta emberouyi la bite-bitante de la ciutat : présidents de souciatats, directous de musiques e d'orfeous, mèstes d'obre de sendicats de las hèstes e qu'abè demandât au capdau e à l'abat Daugé de dise ço qui èrem e ço qui hasèm. Moussu-ou Prefèt, M. lou yenerau Delpy — u inountés — M. lou douctou Bezos, bice-president dou Counselh Yenerau, lou Counselh de bile qu'èren arribats tabé de manière que ço qui s'anèsse descida qu'estésse sabut de toute la coumune p'ous sous mayouraus. La Presse qu'anabe ha rampèu. Au darrè d'aquet coumbit, que coumencè de s'en parla à tout de boû, mes quoan M. Daugé, quauques dies après e tourné tau Mount e debisè au teàtre daban la poupulacioû, lou bòlou qu'esté lançât à de bounes e touts que digoun que s'y harén tant plâ qui saboussen enta recébe lous felibres de l'Escole Gastoû Febus. U coumitat de la hèste que-s counstitui dab moussu l'adyoén Aragon en cap e, mercés à l'ayude de la Prèsse qui publica tout ço qui calé, à las afiches, aus prougrams, que s'en parla lèu dinqu'à las lanes de Bourdèu, lous mémbres que troubèn las miélhes bounes boulentats. Segu, arré nou-s hè chens péne, mes nou la marcadeyèn pas, lou bràbe counfray Henric de Sequè, mous de Rivière, ni MM. Banos, Bedouret, Cordier, Durou, Dussel, Lacaze, lou Dou Lalande e d'autes doun nou sabém lous noums ; dou lou tribalh qu'en a yessit ue hèste suberbère e coum ne s'en a pas début béde soubén au Mount ue d'atau. �— 5 — Aci qu'ey l'afiche qui l'anounçabe HESTE ANNAU DOUS FELIBRES de l'Escole Gastou-Febus au Moun lous dissapte 15, dimenche 16 e dilhuns 17 de setéme 1934. (Tout asso à l'ore pégue, dite ore nabe) DISSAPTE SÉ, 15 de Setéme: Passe-carrère, dab la Nouba dou 14e regimén, las musiques de la bile e lous bros enguirlandais. DIMENCHE 16, à 9 ores dou matin : Arcoelh de la Reyne dous Felibres au Sabla Que j'aura bioles e bouhes A la Maysoun coumune : BIN D'AUNOU - Salut au Mounumén dous mourts A 1 1 ores e un quart : MESSE dab cantiques e sermoun gascouns à la glèyse de la Madelène_ A 3 ores e mieje : A la PLACE DE COURSE (oèy las Arènes) NOUCE GASCOUNE Reyne e coustumats partiran de la Place de la Perpinière decap la Place de la Course oun se haran cantes, roundèus de capbat e de capsus, councours de pelhes e musique à tout coupa. A 9 ores dou sé, à las arènes : LOU BARTÈ Coumedie gascoune, à ha creba d'arrise DILHUNS 18, à 10 ores e mîeje : Cour d'Amou à la Perpinière Mijour e miey : DISNA DOUS FELIBRES Touts que haran enta mielhe se porten capets, cohes, pelhes, esclops ou escloupetes, coum ne pourlaben lous anciens doun èm lous arrehilhs. Nou pas desbroumba-s QUE MEY E SOUN MEY QU'ARRISEN Lou sou qu'es embitar à la hèste Lou Coumitat Meste-Menoun de la Hèste. Lou Passe-carrères. Que hè û temps « de coumande ». U cop de mey, la nouste Sente Estéle que s'en ey beroy entenude dab lou Febus enta que tout que s'en seguésqui. Au sou-çoucat, que s'en bam decap à l'Oustau de bile, que y'an �arrecoutit deya noustes capdaus Daugé e Palay, batalan coentats dab Moussu-ou mayre, mous de Larrieu, dab lou Dou Bezos, dab Henric de Sequè doun sentiram l'acciou pouderouse dens aquéstes yournades. E d'estrégne las loues mas amigues, e d'abisa dens la place, nègre de mounde, mantu febusiâ. Yan de Tucat, la soue daune, lou sou hilh caddèt, Laborde-Barbanégre e lous sous dus hilhs, Gastou de Fourcade, Andrèu Sarrail, Louis Bourdette, Zabiè de Puchéu, etc., etc. Photo René. Lous chancayres de Lucbardés au daban dou courtèdye Lou canoû que brounech e lou passe-carrères que s'abance gabidat per la nouba dous senegalés. Très cars atelats de parelhs de boéus que seguéchen. Que soun estais adoubais p'ous coumitats de quartiè : lou bros de Vesquiroulaijre, obre dou pintre Despagnet, p'ou quartiè de Rigole ; lou bros de las mudalhes, p'ous de la Caperote ; lou bros dou Yemè, p'ous dou Bourg nau ; tout aco seguit per u cop de mounde en gauyou e qui coumence plâ. Sus las galeries dou teàtre alluminat, la courale que cante à plcn de cap e que mande à las estéles qui de segu, se prénen la loue gahade d'aquets crits de yoye, d'aquets clams : Bigorre de Pascau d'Abadie, Là haut sus la mountagne, de Despourrî, Mountagnes puntagudes, de C. Daugé. Au tour, la Musique que hè trepa yoéns e bielhs en youga roun- �— 7 — dèus e que eau que las ounze ores que truquen enta que tout cadû que pénse à s'ana droumi. E tant qui lous us se passeyaben, à las arènes lous actous dou lendoumâ que s'y hasèn à répéta La Nouce Gascoune ; Mme CollotRamat e Mous de Rivière que miaben aco dinqu'après miéye-noeyt e n'ey pas de dise si èren countents en s'en tourna. Entertan, que-s parech que per Brocas, M. Bezos que surbelhabe lous dansàyres qui abè coumbidats e qui abèn respounut o coum u soul òmi. De segu, que y auré de que deberti-s. LOU DIMÊNYE Yan de France, mey maytiè que nous, qu'a deya caminat capsus las nubles e que las a esparricades quoan se. lhebam. Autos, cars, camîs de hèr qu'an amiat d'autes yuntes de counfrays. Dou Biarn enla, nouste reyne Clotilde de Lamazou, lou sou fray e las damisèles d'aunou, paulins, orthesiens, chaloussés, armagnaqués, de. l'Albret e de la Bigorre, qu'èm u bèt arramat d'escouliès oun se recounèguen : Daune Coustet e lou sou marit ; Mous de Foursans ; Antoni de Bastard ; l'abat Marcel Saint-Bezard ; Andrèu Pic ; Léo Lagarrigue, etc.. Nau ores. De toutes las bies qui recoutéchen à la place dou Sabla, qu'arriben gouyates, gouyats, gouyatines e gouyatots bestits à l'anciène mode, qu'en y a lèu mey de dus cents. D'u corn que sortin lous chancàyres de Lucbardès, miats per dus petits aulherots qui ne decharèn pas la loue, place, si pénsi, per quauqu'arré de beroy ! Lou courtèdye dous febusiens que s'abance, la Reyne au bras dou capdau, ta débat l'arc de trioumfe oun se leyech Salut à la Reyne e aquiu daune Durou, qui porte dab élégance la capule leuyère de las mimis dou Mount, que coumplimente nouste Clotilde en l'auheri ue beroye tistère d'ulhéts. La reyne qu'où respoun : Mercés de la Reyne. Daunes e damisèles qui-m hèt aci tant bèt arcoèlh, que soy hère urouse de poudé-b arremercia en be pourta, au me tour, lou salut amistous dou païs de Biarn. Qu'èy u maye plasé à m'estanga dens aqueste bile e de-m béde recébe coum ue so per las soues hilhes aus oelhs lusents de flertat e d'aunou. Yamey de la bite n'estey tant urouse, yamey nou troubèy tant plâ lou plà-hèyt d'ue amistat sane e horte, badude d'ue mediche fé, d'u medich ideau. Las noustes terres que soun besies e parentes, à maugrat que nou sien dou tout au tout parières... A nouste, que s'entén drin mey hort la brounitère dous gabes qui debaren de la mountagne ; aci, las aygues que soun mey doulentes e lous grans boscs de pis qu'an ue boune aulou de rousie qui apadse. Toutû, Biarn e Lanes que soun plâ parents, permou que s'amuchen pariés per l'amne, las tradicioûs, lou parla. Bous autes tabé, quoan biengat ta nouste, que b'y troubarat à Payse coum you m'en tròbi aci. En me recébe coum ue so bertadère, qu'abét boulut ensegna la parentat dous noustes dus parsàs e que b'en disi u befoy mercés au noum dou bielh Biarn. �— 8 — Aco hèyt, lou courtèdye que s'acatrie enta-nse mia dinqu'à la Maysou de bile. Arré de mey estiglan e de mey curious entaus qui n'an pas yamey bist tau cause ! Au daban, que soun lous chancàyres, puch lous menetriès ; Mous de Bezos qu'en a hèyt arriba de pertout : de Bernachoun, au Sen, que y ey lou Lestage dab la soue bouhe, lou pifrayre Yan de Lagrave, qu'ey de Luxey, que y a nou sèy quoan de bielayres miats per lou Joannès de Rallade, biengut dou Bayle de Sore ; lous de BièleSoubiran, qu'ey mous de Betuing, mèste de musique, qui-us a mandats ; que y a tabé très briulounàyres e que poudét counda que s'en sàben enténe touts. Dab arcèus flourits, pourtats cadû per ue gouyate e u gouyat, qu'ey coume ue tounèle pingourlade qui s'abance, daban de la Reyne, seguits per toute la yoenésse. dou Mount, qui cante e truque l'esclop chens fi ni cès dinqu'à la Maysoû de Bile, decourade coum nou-n esté yamey miélhe enta recébe lous grans persounadyes qui s'y estanguèn au temps passât ; la banère sang e or de Febus, dab lou sou Toque-y si gauses, Febus aban ! que-s yumpe au débat dou drapèu de la Republique. Moussu-ou Mayre dou Mount, Mous d'Aragon adjoén, Mous de Berthet, delegat dou Prefèt, lou yenerau Delpy, lou courounèu Sarrade, lous counselhès qu'arcoélhen l'ahoalh dous felibres s'ou lindau de la grane entrade e ue bère garbe de flous qu'ey auheride au noum de la Bile à la Reyne. Mous de Larrieu, que la coundusech à la Sale dou Counsélh, oun lous seguim, e que la salude coum aço : Salut de Moussu-ou MayreReynes, daunes, mèstes e felibres, Dens ue istoère de las Lanes publicade darrèremén, l'un dous autous, moussu Larroquette — un lanusquet — parlan de la race gascoune doun ey un hilh sapiént que dit : « Elle a conservé au milieu des vicissitudes, sa langue, ses mœurs et ses coutumes. » Tabén, coume ne serém pas fiers de-b recébe oey, felibrésses e felibres, bous qui-bs èts balhat per prèts-hèyt de mantiéne e de rebiscoula la léngue gascoune, las tradiciouns gasconnes, en u mout l'amne gascoune. Amies, amigues, de tout lou men co de landés que-bs e dise : « Sit lous plan bienuts dens la boune bile dou Mount. » Dat l'ajude dou me adjoen moussu Aragon, dab mèste Minoun qui presidèbe lou coumitat e sustout dat moussu l'abè Daugé qui pouyrén apera lou nouste cap de tinel (e que-ns proubèbe que lous ans en bertat lou dechèben un joen gouyat) qu'auém tribalhat. A touts que-bs souhèti de ha coum et. Ja-sé, de la frinèste de l'Oustau de bile, oun lous felibres me hén Founou de s'y rénde, qu'at poudut be rende coumpte per la presénee de miliès de gens esberits, de la musique municipau, dous sourdats que las brabes gens dou Mount qu'èren countents de-tse recébe e que-bs balhèben ço qu'an de miélhe : lou soun co. Qu'acabi. Reyne, dens lou soun blasoun coum at sabets, lou Mount qu'a dues clans qui soun lou simbole de recounechénee que la Bile a tau sou proutectou • �— 9 — Sent Pè. Per la pensade, Reyne, aquéres claus que be las reméti oey, douman e tant que boulhits : qu'èts la segnoure de la citât. Ounou à la beroye reyne e à las sous damisèles d'ounou. Ounou aus Palay, aus Daugé, e à touts. Merci d'èste bienuts, e ne disi pas Adichats, mes au Rebése. Bibe lous felibres ! Photo Pérodeau. Lou mounde à l'arcoelh de la Reyne La respounse dou Capdau. Moussu lou Mayre, Messius dou Corps de Bile, Lou Mount de Marsà, à de-cap-bat lous temps, qu'a recebut hère de persounàdyes de qualitat en la soue Maysoû de Bile, mes qu'ey proubable que nou n'y abou yamey de la qualitre dous qui recebet oey. Nou disi pas aço per bantacioû, ya que courrie lou brut que lous gascoûs que soun bante-glôries, mes n'ey pas tapoc per trufandise. Lous biscoumtes de Biarn qui bienèn aci qu'a cinq cents ans enta tiéne court segnouriau, lou rey Francés P, qui s'estanguè à boste en tourna, sens glòrie, d'Espagne, qu'èren, certes, de gran mounde — e nou m'èy pas à desbremba Gastou Febus, lou nouste patroû, mes, à despart Lou Nouste Henric qui demoure lou mayourau dous gascoûs passats, présents e à biéne, nad nou-n y abou qui aberén boulut tiéne pè aus felibres. Nou b'en arridiat pas ! Qu'ey per l'espade, lou mey soubent, qui lous qui apèren grans an counquesit ue renoumade, en ha chourra la sang e nou chourrabe pas sens lou triste acoumpagnamént dous plous e de la doulou ; lou pôple, be-lhèu, qu'ous amirabe, mes qu'ous cragnè e qu'aymabe mey, de segu, sabé-us loegn que proche. Be sabet l'arreprouè ? Pous de frèbe e besite de Segnou, Dab u cop per an qu'en y a prou, e que hourniben autâ-plâ : « Qu'en y a de trop ! » �— 10 — Si ère estât questioû de brabe mounde coum nous, qu'èy l'aubùri qu'aberén cambiat lou bèrs e dit : Dab u cop per an n'y a pas prou. Se-m perméti de parla coum aco, Messius, qu'ey permou n'èy pas pòu que-b trufét de you coum se seré d'û marselhés qui-s bouleré ha passa per lou rey de la Canebière ; que hèm cantes e cansoùs, qu'enbentam coundes (lui atriquetam autâ-plâ qui-s pot ta que porten soulas e gauyou au cô dou brabe mounde, ou, encoère ta que-s sentésquie drin de tremouléte au cô e larmes douces débat lous perperéts ; digat-me, biarn, si n'ey pas miélhe que de patacasseya, peleya-s, bira tout de pounce-pilate en nou decha per darrè si que roeynes e rencures ? L'ômi qui a hèyt ue cante qui demoure, que-s mérite autant d'aunous que qui que sie, toutù coum lou qui a troubat û beroy counde : l'û e l'aute qu'an proucurat à Diu sap quoans, û moument de plasé, qu'ous an hèyt arride, e n'ey pas de oey qui ba lou dise : « Que bau miélhe arride que ploura ». Si tout lou mounde e-nse sabè coumpréne, nou y aberé pas yamey guerre. E si daubus e créden qu'abém prés Gastoû Febus enta patroû permou d'esta hardit souldat e gran cassàyre, que-s troumpen ! Qu'èm dou seguissi de Gastoû Febus permou qu'a coumpousat la cansoû la mey poupulàri de nouste e qui-s cante toustém : Aquères mountagnes qui tant hautes soun... Qu'at bedét, n'èm pas omis de guerre. Que boulerém pertout que s'y cantèsse e gauyousamén, à plée bouts e co ubèrt e, sustout d'aquéres beroyes cantes de nouste, autant plâ de las anciènes que de las nabères — permou nou n'y manque pas de las ues e de las autes. Que sabét lou dise : Lou qui cante, soun mau encante... e touts, ay-las ! qu'en abém quauque-r-û ! E que boulerém, tabé, que nou dechèssen pas pèrde l'esprit gascoû, l'esprit dous coundayres, dou Yan de las Teulères, de Gassiat, d'Isidore Salles, de l'Artè dou Pourtau e dou Pierroulie dou Peglè qui abét touts counegut e aymat : qu'ey la nouste richésse, aco, la qui-nse permet de « ha hgure » au miey de l'aute mounde de France ; e crediat si, per cops, e hè dou trufandè de-cap à nous-auts, aquet mounde, qu'ey per yelousie mey lèu que per aute cause. De tout temps, en aqueste pais de Lane, que y abou cantàyres, coundàyres e dansàvres ; ne caleré pas que s'en perdousse la ley. Qu'èm arribats enta sarra la rounde. Segu, mercés à Diu, ne sount pas encroucats touts lous dansàyres e la bouhe dous menetriès n'ey pas crebade, que s'en manque ; qu'en èy arroun de you dous soulides encoère ; aquet estros de jas-band que s'y hè tant qui pot à-nse boulé tira de l'ayriau, mes qu'èm à case, l'amne dou cos ! e que boulém esta mèstes à case ! Aquiu, Messius, qu'abét lou nouste « programme ». Arroun de you, que bedét yents de tout bord, de toute ley, de toute credénce, de toute oupinioû e qui s'en enténen coum las cordes d'û briouloû. Touts que s'y hèm ta mantiéne sancè l'esprit de la Gascougne e que credém que ta d'aco ha, nou y a arré coum la lengue mayrane. Mercés, Moussu-ou Mayre, de-ns abé prestat l'ayude de la bile dou Mount enta que las noustes idées s'esplandéchin de mey en mey. Que diserat tabé mercés per nous à toute la brabe poupulacioû qui bién de-nse ha ue arcoélh estrambourdan e doun èm touts esmiraglats e tremoulents d'emoucioû. Tringuém dounc à la santat de touts e bisque lou Mount, bisque la Gascougne ! �— 11 _ Photo René. La Reyne Clotilde, cantan Aquéres mountagnes �— 12 — Que tringam dab de boû piquepout à la rounde, puch, au bras de Moussu-ou Mayre, la Reyne que bâche ta la place, nègre de mounde qui l'aclame. Que bam saluda lous souldats qui soun escriuts sus las taules de brounze, Au mounumént dous Mourts. Aumentat de la hourrère qui-s pressabe sus la place, lou courtèdye que s'encamine de-cap au casalét qui goarde lou mounumént de l'escultayre lanusquet Despiau. Las troumpétes dou 14e, mandades per Moussu-ou Colonel Messegué, que soun au corn dou mounumént e sounen, touts lous berrets que. s'abachen e, touts carats, que hèm puya la pensade taus qui cadoun permou de la terre. La Reyne que-us largue las flous qui l'an dat e lou capdau que clame : Lous noums qui, sus aquestes taules de memàrie, E diseran à touts la cante de ta glorie, De ta glorie d'eternitat, 0 terre nouste ! e tout l'amou qui t'eg pourtat, Que soun lous noums dous hiths dous Caddèts de Gascougne, Dous qui n'an pas yamey counegut la bergougne Dou lâché qui hè recula. Capbat lou temps, e per delà, Aunouran lous balents qui-ns an saubat la terre, Mandém-lous u pions mercés ; Qu'ey d'esta boûs Gascoûs qui 'stoun de boûs Froncés, E qui gagnèn la guerre ! Puch, lou co drin premut, permou tout cadû qu'a de qui pensa, lasines ! que s'en bam de-cap à la glèyse de la Madelène oun se. ba dise ue Misse entaus défunts. L'orgue, débat lous dits adrets de Madamisèle Fontagnier, que brounech à l'entrade e, à l'Ebanyèli, moussu l'archiprèstre Beaumont que puye en cadière enta dise la pla-biengude aus felibres. Que souy countént de saluda dab lou mey gran respèc la Reyne dou Felibridye biarnés e gascoun. Que souhèti que lou soun règne e sie loung e urous. Que salùdi tabegn lou Felibre majourau, président d'aunou de l'Escole Gastou-Febus, lou nouste abat Daugé, qui ba mounta dens aquéste cadéyre prechedére taplan coume un joén. Mes, que sera toustém joén. Que-m hè hère de plasé de saluda lou Presidént de l'Escole GastouFebus, lou poète Simin Palay, qui n'abi pas bis despuch trente-cheys ans. N'a pas goèyre chanjat. Lou mestiè de poète n'es pas machan per la santat. Que salùdi touts lous felibres qui soun dens aquéste glèyse, de quin endret de la Gascougne que sien bienuts. E qu'ous feliciti. En aquésti tems oun y-a tan de gascouns bergougnous, qui an hounte de parla la léngue mayrane, e qui esperréquen lou francés, bous autis que parlats plan lou gascoun e plan tabegn lou francés, l'un arroun Faute. En aquéste tems oun n'enténen pas à parla que de mécanique, de crise e de chifres, que desplegats dens lou cèu leujè e cla de la Gascougne lou beroy drapèu de la Poésie. E que parlats dou tems de d'auts cops oun lou mounde n'èren pas mey pècs que nous. Que hèts plan. �— 13 — Que demandi au boun Diu, aus Sents, à la Séntes de la Gascougne, de-b benasi touts. E que bourri que touts, quoan b'en tournits à case, siets countents de Parcoelhence qui-b auran hèyt, coum se déut, lous dou Mount. Atau sie. Se n'èren pas dens u sent loc que trucarén de mas e tabé quoan puye en cadière nouste capdau d'aunou. Que predique sus l'Ebanyèli dou die. Que dits las prumeries crestiane.s dou Mount ; qu'a pla boulut adouba-ns sus aquéres hèytes u punt d'istòrie ta d'aquéste numéro dous Reclams. Tant qui misse e-s dit, la Schola, gabidade per Mous de Rivière, que cante : La Pregàri dous Tribalhadous de Lacountre, VAnyelus de S. Palay, puch à la coumuniou qu'ey nouste reyne Clotilde qui desglare Pan dou cèu de l'abat Sarran. En sourti, qu'enténém p'ou permè cop u cant lègre nabèt : Laudat que sie lou Diu dou Cèu. Que-s parech la Schola qu'a après tout aco de beroy en ue semmane de repeticioûs ; ère e lou sou mèste gabidayre, Mous de Rivière, que-s meriten coumpliments e, chens rèyte, qu'ous n'embiam û brassât. A las Arènes. Très ores. De pertout aban qu'arribe mounde à brumes. Per las carrères oundrades, qu'ey û coumbat de hèste rouye. Qu'abèn parlât sus lou prougram d'ue Nouce gascoune, mes qui s'anabe endebina qu'assistarém à ue representacioû oun coundarén lhèu dus cents actous e cantadous ? Per la Lane nou soun pas reàles, per aco, las nouces de cent embitats e mey ; toutu ne s'en y déu pas béde soubén d'aquéste escantilh. E sus lous gradés d'aquéres arènes magnifies, quoan y a d'espectatous ? Lhèu mey de cinq mile, si coumpte lou nouste dinerè qui s'y counech à las chifres. Que crey qu'u auditòri atau qu'ey de counde ha dens ue hèste felibrenque ! Au redoundèu que s'ey estallade la Musique, counduside per mèste Mouchez, qui, p'ous entr'actes, hara retreni ayres dou pèys. Sus l'empount, tant qui dounzèles e dounzelous s'aprèsten, la Chourale de Mous de Cassagne que cante Dus pastous, Bigorre e qu'ey ue tounerrade de bravos qui hè brouni quoan n'embie la darrère note. Mes, chou ! Lou ridèu que s'oubrech sus u décor de crampe landése adoubât per M. Laporterie, de Roquehort e auta-lèu cadû de ha oelhs e aurelhes. Oey, lou Bartè (M. Durou) e la Julie (Madamisèle Suzanne Dehos), que ban marida la hilhe, Pouléte (Madamisèle Beziat) dab lou Yan de Lacaze e n'ey pas u petit aha. Tabé y-a eau béde quin s'y hèn ! E daban lou mounde. countents coum tout, que-s debanen toutes las escadences doun lous anciens seguiben rie per rie la tire-corde. Qu'ey d'abord lous endics balhats aus embitedous, lous casse-cans, aperats atau permou qu'abèn u gran bastoû floucat ta-s poudé tira dou puchéu lous arrebòhis, e lou Mèste, coum la Daune, en hemne abisade, qu'ous hèn répéta la leçou. Puch qu'arriben lous présents dous embitats, espiats à d'arroun p'ous oelhs aguts de la Daune, �— 14 — Adare, la nouce qu'ey preste. Que cinten e que courounen la Nòbie e qu'ey la scène toucante dou perdoû. Haut ! que eau parti ta la glèyse. Lous gouyats ne s'an pas desbroumbat la passade ni la sègue. De l'ue part e de l'aute, las cansoûs que-s respounen. U cop partits, las cousinères e las serbidoures que s'y hèn coum desmanegades ta qu'au tourna la taule que sie prèste. E coum hè calou, que gousten lou piquepout. Que y a aquiu ue cousinère redounde (Madamisèle Marie-Térèze Dehos), que poudét créde que u béyre de bî nou hè pas pòu ! E aquet disna ! Arré n'y manque, ni la poule sarcide, ni lous pouloys roustits, ni lous gàrfous daurats. E touts que debisen, que batalen, que canten, qu'arriden à qui miélhe hè. E coum se eau plâ desgourdi las gambilhes au darrè d'u tau repèch, la nouce que debare ta l'èyre. e lous pès de s'y ha à trepa au soû dous briuloûs, de las bioles, e de touts lous utis de la biélhe mode. Ah ! qu'ous eau béde lous de Brocas quin dansen lou Roundèu de Cap-bat, lou Saute-Garie, lou Kongot ! Arroun, lous chancàyres de Lucbardès que dansen lou quadrilh e la polka-piquée. Lou mounde qu'ey en yoye ; yamey nouce coum aquére e que eau que l'escu que s'anounce enta que pénsen à s'en tourna. Mes, p'ou camî, ne-s poudèn pas cara de tant plâ qui s'en ère tirât en artistes d'eley, lou Durou e la Julie e la charmante noubiéte e las cousinères; e quin abèn cantat beroy lous dounzelous e las dounzèles. E lous menetriès, quin seguiben à ue la clarinéte dou mèste ! E lou Bedouret dab las soues crabes ! E u tau, e gn'aute ! Countents qu'èren touts, la ! Lou Bartè. Tabé, lou sé, sus las nau ores, las arènes que tournaben brouni coum u abelhè quoan bòu eschemia. Las lampes puchantes, dou soum enlà, qu'aluminen coum s'ère lou die. Lous dou Coumitat qu'an acatriat tout de mâs de mèste. Que ban représenta lou Bartè, de C. Daugé, qui, despuch las hèstes d'Ayre, en 1922, a hèyt lou tour de la Gascougne e dou mounde, si-s pouderé dise, pusque la coumedie que s'ey yougade dinqu'au miey de l'Afrique ! Que soun lous artistes de la Garbe, de Sent-Loubouè (Eugénie les Bains) qui ban mia lou yoc ; aci qu'ous abét : Lou Bartè. . . Y. POUBLANC. La Julie Y. LASSERENNE. Irène LAFENÈTRE. La Pouléte.. . Ue biélhe G. ANGLA. Lou Médecin Robert CLÉDES. Marcel LAMOTHE. Lou Laguire. Marcel LAMOTHE. L'abùgle Dus Moussus : René LAFENÈTRE, René CALIS. Besins : G. LASSERENNE, D. TASTET, F. BRÈTHES, J. LAMOTHE. Bebedous : G. DUPOUY, J. DARZACQ, Ch. DAUGA, A. DARRIEUX. Lou garçoun de café : A. LAMAIGNÈRE. �— 15 — Que truquen lous très cops e qu'ey Simin Palay qui parech daban lou ridèu. « Brabe mounde, se dits, que bat béde ço qui ey lou nouste Teàtre, lou teàtre gascoû. Ne-s semble pas goayre — urousamén ! — au de Paris, oun, si-s parech, ta ha arride la yént, eau sustout pipauteries de tout escantilh ; per aco, qu'èy la hide que b'en arriderat tabé, mes que sera aunestemén, si pòdi atau parla ; nad pensament hastiau nou-b tournara pas à l'idée quoan la pèce sie acabade e atau qu'ey plâ. « Lou teàtre qu'ey ue debertissance oun touts, petits e grans, dében poudé escouta ço qui s'y dit e espia ço qui s'y passe, sus l'empount. Diu mercés, en Gascougne qu'abém l'esprit prou délibérât enta sabé recounégue ço qui ey plâ hèyt, quoan sera en francés, mes toutu, à ço de nouste que y èm mey au fèyt, e qu'ey aquiu la rasoû que lous actous de nouste que s'en tiren autant plâ que lous de Paris. D'alhurs, qu'at bat béde. « Que-s parech qu'abém u petit défaut — à mens nou sie ue qualitat : que troubam que ço de case qu'ey toustém miélhe que ço d'estranyè. Quoan s'ayech de la bite-bitante, que troubam qu'ey malurous de calé ana ta l'emprount. Hè dounc, que m'adrèssi aci à touts lous qui s'interèssen au teàtre poupulàri : reyents, curés, directous d'Amicales e de Patrounàdyes, perqué bat cerca per Paris ço qui abét aci, à pourtade de mâ ? Lous felibres que-b an hèyt coumedies, drames, cansous, monologues, cantes à 2, 3 e 4 bouts : serbit-b'en, e que bederat que lous bostes auditous que s'y grasiran mey e miélhe que dab ço d'aute. Qu'en bat abé la probe : que lèchi la place au Bartè ». E la coumedie que-s debane, à cade. moument coupade d'esclaquerats d'arride. Mes tabé, lous enterparlayres que soun, sus lou taulè, coum à sa case e lou mounde tabé qu'ous semble d'esta nou pas en u teàtre. mes en ço d'u Bartè bertadè. Dab et que partéchen ta Barçaloune croumpa lou porc ; que l'y béden ha u pari dab dus ourginaus qui credèn, segu, dou youga lou tour, mes lou paysâ que bòu gagna-u e qu'où gagnera, quoan l'y calera tira e poussa dinqu'au l'ende-doumâ, au miey d'ue troupe d'ahas mey debertissants lous us que lous auts... entaus qui-u béden à s'y desbate coum û diable. Enter lous actes, Simin Palay, Bedouret e madamisèle Dehos que counden istoères e que canten cansous. A la fî, touts qu'apèren l'autou, qui ey plâ fourçat de biéne sus l'empount : que counde l'aha dou hoec d'artifici qui abèn essayât ta sabé si ère boû e qui n'abè pas boulut parti gn'aute cop lou sé de la hèste, mes nou s'en pot pas tira coum aco ! Lou Crabè ! Lou Crabè ! si-u demanden. E canta que l'at a calut, au miey dous esclacs d'arride. e dous « bravos ». U roundèu ayreyan que ligue las mâs de la yoenesse trebatente, e aquiu sus que s'acabe aquére yournade coum ne s'en abé pas bist nade yamey, de segu, au Mount de Marsà. �— 16 — �— 17 — LOU DILUS Lous trîs dou dilûs mayti qu'amien encoère d'autes counfrays : L. Faure, lou cantayre lourdés, Leoun Teissier mayourau dou Felibridye, Fernand Bernéde, lauréat dous yocs ; tout escas que bié d'arriba Mous de Claverie de Saubaterre dab lou sou Rallye Gastoû Febus. Sus la place, lous cors que dan l'aubade à la Reyne e à Moussuou Mayre, e lou courtèdye que s'en ba tau Casau dou Mount, la Pépinière, oun se tieneran lous yocs flouraus dens lou medich cadre qu'en 1906. Adentour de la Reyne, que s'assèden : Lou Capdau Simin Palay, Moussu-ou Mayre dou Mount, Daune Coustét, las damisèles d'aunou e u ahoalh de gouyats e gouyates. Lous mountés que soun au pè de la cabanèle flouride en grans escabots, cinq ou cheys cents, lhèu mey. Permè d'oubri lous Yocs, Moussu-ou Prefèt que bién saluda la Reyne e lous felibres. Lou Capdau qu'où dits u gran mercés de l'aunou qui-ns e hè. Coum de coustume, après abé cantat touts à masse e. lou berret à la mà, Aquéres mouniagnes, la Reyne que hè lou sou Debis dous Yocs flourausDaunes e Mèstes, Que y a quauques anades adare, qui de felibreyade en felibreyade e-m passéyi capbat Gascougne dab lous balents dabanteyàyres de l'Escole Gastou Fébus. Pertout qu'estém recebuts coum princes bertadès, pcrtout que s'abisèm que nouste obre qu'ère coumprése e aymade. Cadu médich lou qui nou counechè nouste lengue, que la troubabe suberbère permou que la bouts clareyante dou nouste baient e toustem yoen Capdau que sap aluga au co dou qui l'escoute, l'eslame qui nou pot mey estupa-s. E aci, qu'abem abut u arcoelh suberbèt. Qu'abém bis dab gran gay que lou Mount qu'ensegnabe u gous maye ta la nouste lengue aymade, las cantes tant bères dous noustes parsas, taus bielhs e sayes arrepoès. Qu'abem bis lous bielhs bestissis dous ayòus à courre per las carrères e qu'an embaumât l'ayre de pious soubénis. Las maynades aci que soun beroyes, graciouses, e balentes, lous gouyats couradyous e fiers, d'aquets que arré n'arrèste si an dit : « Que bouy ! » E qui gausaré dise labets que la Gascougne que-s mourech ? Nani, la Gascougne que bòu bibe. E maugrat que n'at boulhen quauques-us lhèu, que lhebera toustém lou cap haut au sourelh, permou que demoure goalharde coum las arroques pirénénques e libre coum l'ayre qui hè tant pla canta lous pis de bostes lanes. Que y a en France quauques desestrucs qui an gausat mesprésa nouste lengue e noustes tradicious. Que-n y a qui soun anats dinqu'à dise que tout eslans regiounau qu'ère ue cause hère danyerouse, medich ue miasse en tau pais e qu'an essayât de desrui toute l'armounie de ço de case. Urousamén toutu qu'en soubren dous qui saben e qui-s brumben : Tant qui y aye Gascons en Gascougne, nou-s decharam yamey pana ço qui ey nouste, pla nouste, e d'arrés mey. �— 18 — Siat amies, coum lou saye paysâ qui eschartigue la terre abans dou balha lou grâ qui déu ha praba. A l'endret oun bòu semia lou roumén, que hè u laurat pregoun qui amantara las yerbes maies e hara yermia coum eau la gragne. Bous auts tabé, siat de balents eschartigayres ta qu'au casau de Gascougne nou bàdie yamey ni ourtigues ni brocs. Atau que prabara tabé nouste léngue mayrane, estiglante coum lous arrays dou cla sourelh d'estiu, e arré nou la poudera empêcha de préne à case la place qui ey la soue : la prumère. Enta ha ue Gascougne oundrade de las mey hautes bertuts, ue France mey sane e mey horte, toustém, Febus aban !... Lous Yocs flouraus que soun uberts. Patacs de màs e crits de Bibe la Reyne ! U tranglet biarnés de la fanfare de Saubaterre e lou secretàri, Andrèu Pic, que ley lou Palmarès dous Yocs, toutu que Marcel Saint-Bezard e Fernand Bernéde, qui soun aquiu, e biénen cerca-s lous lous prêts de las mas de nouste Reyne. Autalèu qu'èy nouste Capdau qui prounounce lou sou Debis felibrenc Daunes e Mèstes, Que hè 28 ans, — qu'ère en 1906 — per u die ensourelhat coum aquéste, l'Escole que biénou tau Mount p'ou permè cop. M. de Planté, d'Orthez, que la miabe, seguit d'u escabot de balents arribats de Biarn e de Gascougne. Mous de Planté qu'ère estât Proucurur de la Republique au Mount e que y abè dechat us quoandes amies qui goardaben lou soubiéne d'aquet beroy ômi doun la boune gracie e la poulidésse lechabe pertout d'oun passabe u tras agradiu e duràble. Que hasoun aus felibres u arcoelh charmant coum ne sab ha la soucietat distingade en Gascougne, mes, b'at eau plâ dise, lou gran cop de mounde qui bedoum yé e adare que-nse e decha debisa quàsi enter nous. Nou-nse couneguèn pas prou ; que eau dise tabé qu'en èrem à las permères anades de l'acciou qui, despuch, n'a hèyt que crèche e esténes sus tout lou peïs. Aquére accioû, Mous de Planté que la défini en quauques moûts courts e boûs oun nou y a pas arré à cambia : « Que boulém, si digou, ha que sie mey pregoun, mey counscient au co dous gascoûs l'amou de la terre nouste e arresta lou desracinamént qui-ns aflaquéch (1). Enta y arriba, que cercam à reméte en aunou la lengue mayrane dab lou sou passât glourious; à desbelha pertout l'esprit de las noustes proubinces; gracie à d'aco, que pouderam ha pèce à la centralisaciou parisiène doun lou gouludè las se cure e-us tire tout ço qui las distingabe e hasou la loue glòrie au temps passât e qui, dens l'abiéne, e-us permetera de tiéne mayemén la loue place e lou lou reng hens la grane familhe francése. Permou, n'at desbroumbet pas, esta de sa case, reyiounalistes, proubincialistes, descentralisatous, coum n'èm, lous felibres, n'ey pas decha d'esta lous hilhs aymants de la grane France... qu'ey, au countràri, boulé sarra-s arroun dou sou drapèu ; qu'ey pourta-u û amou d'autant mey ardent e precious, qu'aquet amou debouat e sera trempât à la counscience sancère dou patriotisme e esclayrat e rasounat ». (1) La bèlhe, au teàtre, Auguste Laborde-Milaa qu'abè hèyt û debis mayistrau sus aco, en parla dou moût déraciné labéts à la mode permou dou libe de Barrés. �— 19 — Lous felibres de labéts que soun lous d'adare ; sens relach, que tribalhen à ha coumpréne de mey en miélhe la loue douctrine e, per segu, l'idée qu'a prou plâ caminat pusque las très ou quoàte doudzénes d'aymables e brabes persounes qui èren biengudes enta-ns escouta qu'a 28 ans que soun, oey, centenats. Qu'an dounc plâ tribalhat. A la Cour d'Amou IPifB Lous embitats de la Nouce Gascoune Photos Pérodeau. Au boste tour, Daunes e Mèstes, que tribalharat. Si ue boune partide de la soucietat e sustién lous felibres, nou eau pas denega que gn'aute partide nou paréch pas abé coumprés oun ère lou sou intérès espirituau e matériau ; n'èm ta daubus que cantàyres, debisàyres, poètes, artistes e que-ns an hèyt ue tau reputacioû de pescàyres de lue que hères nou-ns escouten que dab û arrise drin trufandè au corn dous pots. Que soun aquets qui eau educa. Tout d'abord, qu'ous eau ha coumpréne lou tort qui hèn aus lous hilhs e hilhes — lous qui n'an — en nou pas lous ha parla gascoû. Au die de ouey, dab las aysines qui abém de biadya, qu'ey necessàri de sabé parla ue troupe de lengues ; dab la ley qui permét aus maynads entelliyents d'ana tau lycée, tau coulèdye, qu'ey toustém utile que l'eslhèbe, de petit en hore, àye l'esprit magarnit de sapiénee. Or, tau qui sort de Pescole primàri sustout, lou nouste parla, qui ey latî, que l'oubrech de tire las portes de Pespagnòu, dou pourtugués, de l'italiâ, de toutes las lengues yessides dou latî e qui soun parlades en nou sèy quoan de parts sus toute la terre ; lou francés soulét, que s'en manque hère que pousquie ha lou medich serbici ! Que pagam proufessous ta que lous noustes hilhs aprénien lou latî, l'anglés ou l'alemand — e quoan l'an estudiat û sarrot d'anades, nou-n sàben que poc de cause ! — e qu'ous empacham d'apréne �— 20 — lou gascoû qui ne cosle pas arré ! Aquére ignourénce dous intérès noustes, que la eau ha desparéche ! Sabé nou cargue, si dits Parreprouè, e la lengue de case qu'abém l'abantàdye de poudé l'apréne sens que-ns en coste û so. Cantàyres e debisàyres, o-bé qu'en èm, Diu mercés ! E qui-nse boulera ha coupe de ço qui sayam de-ns emberouyi la bite ? Mes, que toucam lous pès à terre, per aco ; qu'abém ue bouque débat lou nas e que sabém que la richésse qu'amie l'aysè per laguens. A qui ey debude l'esplandide dou tourisme qui amie per nouste tant de biadyadous qui dèchen tintins en passai! e hèn bibe tant de mounde ? Aus felibres ? Que soun ets qui, en banta cadû lou sou cout de païs, en lou ha counégue per dehore an enguichat lou curiousè dous qui ne couneguèn pas l'endrét e qui-us y an atirats. Que soun lous felibres qui an lous pennés entinoat aquéres hèstes dou soubeni qui hèn rebibe, coum aqueste, per lou plasé dous oelhs e de l'amne, tout û passât beroy e amistous ! Mes n'ey pas tout ! Qu'an la pretencioû d'esta d'autant bous citoyens que qui que sie e de s'y enténe auta plâ que lous poulitics enta hica de pès û systèmi d'administracioû qui balhara mey de plâ-sta à la France e mey de libertat à touts en descentralisa, en federalisa, pusque lou mout qu'ey oey à la mode lous païs francés. Qu'at bedét, qu'èm « réalistes » sens decha d'esta poètes. Ça-biét dab nous, touts, de quine ley qui siat, de quin partit qui-s boulhe, de toute credence e de toute «philosophie» ! L'Escole Gastoû Febus qu'ey ue familhe, ú larè d'amistat oun cadû a la soue place. Mey e siam e mey lèu que pouderam coumpli l'obre doun boulém que la Patrie sortie mey unide, mey horte, mey grane ! E toustém Febus aban ! Que disen encoère mey d'ue cansou gauyouse, tournade gaha per la hourrère aus arrepics : Mous d'Hubert, Mous de Bedouret, Mous de Durou. Lou Capdau medich que deit dise u counde dou sou pay : La hémne arrebouhiègue, toutu que lou Rallye ne yogue mey d'u dens lous entermieys. Que eau miey-die que soune enta que-nse tirém d'aquet beroy endret, permou que-ns apère Lou Disna. Que s'ey hèyt à l'oustau St-Martî, coum d'aulhous en 1906. A la taule d'aunou, que coundam la reyne Clotilde de Lamazou, lou mayre Larrieu, lou capdau S. Palay, lou capdau d'aunou C. Daugé, Daunes Durou e Techené, lou yenerau Delpy, Mous de Berthet representén dou Prefèt, Mous d'Aragon adjoén au mayre, Leonn Teissier, Beaumont arehiprètre de la Madelène, Daune Coustet e lou sou marit, lou D°u Bezos, MM. Dussel, Frédéric de Rivière, Mous de Bedouret, lou D"11 Lalande qui s'y hén tant e tant permou d'aquéste hestau ; sénse counda noustes yoentuts demiades p'ou mey yoén de la coade, lou sost-capdau Laborde-Barbanégre. De quoan en quoan lou Rallye Gastoû Febus qu'en da bèt àyre. Talèu que lou bi espumous ey barreyat dens lous béyres, lou Capdau que-s lhèbe._ Que dits las escuses dous qui dab degrèu e s'aboun à esta per case : Lou courounèu Messegué, lou pastou Mousseigt, nouste sost-capdau J.-B. Laborde, J. Eyt mèste en gaysabé, lou pay Mounaix, Cyprien de Pomès, Louis de Latourréte qui �— 21 — biadye en Suisse, Yan de Bouzet qui-s passéye per las Asturies, M. lou Pastou, etc. E que perseguéch atau, l'arride s'ous pots : « D'autes cops, qu'at pouch aboua, nou-m poudi tira la prudère de la lengue e en tau auhèrte. coum aquéste, nou bedi pas lou moument de parla. Are, que bouleri mey lèu cara-m, mes qu'ey la misère de las aunous de nou pas se poudé, quoan mey om at desiraré, demourà-s tranquile e escouta lous auts. « Toutu, oey, quoan at bouleri mey encoère, ne pouderi pas esta-m de-b prega, M. lou Mayre de dise lou nouste courau mercés à toute la boste familhe d'administrats qui-ns an hèyt tant d'aunou. Mercés tabé aus qui, despuch la permère ore, an tribalhat dab tant d'entelliyénce e d'ardou ta-nse balha la biste merabilhouse de tout û païs en regaudissénce permou de la terre-mayrane e l'espectacle, qui nou-s pot desbroumba, de la double hèste de las arènes. Aquets balents oubrès, ne pouch pas noumenta-us touts, mes que sien assegurats, dou permè dinqu'au darrè, de la nouste recounechence ! » Lou Capdau que dits mercés tabé à la yent d'eley qui s'ey boulude biéne assède à d'aqueste taule oun s'acosten toutes las classes de la soucietat : aquiu que bedém la probe de. ço qui ey l'amistat felibrenque, coumunioû sancère en l'amou pregoun de la Patrie. « L'obre de l'Escole Gastoû Febus, obre de counserbacioû e d'esplandijnént de toutes las forces espirituaus de la Gascougne qu'a troubat aci û sòu plasent oun tout ço qui ey necessàri e bòu ha : aydat-se à ha praba la plante ! Lous mey balents que passen daban ! Quoant om a bist l'esbalans poupulàri d'aquestes dies, qu'ey segu que seran seguits ! « Trinquém à d'aquét abiéne, qui pot esta proche si boulém. Hardit lous mascles ! Coum at clamabe lou capdau Planté, e bisque la Gascougne dous Gascoûs, floc chens parié de la terre de France ! » Quoan lous aplaudiments se soun apatsats, qu'ey à Moussu-ou Mayre Larrieu de broumba touts lous qui an tribalhat à d'aquéres hèstes poumpouses ; et tabé que dits mercés au Counselh municipau qui l'a pla boulut segui dens la soue idée de ha ue arcoelhance amistouse e tringlante à l'Escole Gastoû Febus ; mercés à l'adjoén Aragon, aus dou Coumitat, mercés au Dou Bezos, mercés à l'armade, e qu'espère plâ que lous felibres ne tarderan pas à tourna. Leoun Teissier, pouète de Proubénce, delegat per la rebiste lengadouciane Calendau, que porte aquéste Brinde de Leoun Teissier Coume lou poudès crèire, siéu grandamen urous d'èstre delega pèr la jouino revisto Calendau pèr veni saluda li bons ami de la grando revisto gascouno Lous Reclams. Car nous es de mai en mai indispensable de se vèire de mai en mai souvènt e de se sarra lis un amé lis autre. De gènt creson que nous fasen ilusioun en vouguènt reviscoula de causo à jamai morto e qu'au jour de vuei, li gènt se passiounon que pèr lis assassì o lou cinemà. Pamens vaqui lou presidènt Doumergue que nous fa vèire pertout dins lou mounde li naciounalisme que s'enervon e que descervelon. A vosto porto mémo, vaqui li Bascou que demandon is Espagnôu un minimum de liberta. E i 'aurié que nautre pèr nous endourmi dins quau- �— 22 — que abestissamen mourtau ? Certo noun ! e que pertout ounte parlan mémo lengo, eici que i'a 'n pople que se disèn prouvençau, lengadoucian o biarnés, que tout acò 's miejour (que tout acò 's Franço) pertout ounte se canto en beguènt vin de Jurançoun o de Castèu-Nòu-di-Papo, pertout sian de fraire e d'ami que coumunian dins la mémo fé e dins lou mémo ideau. Noun m'aparten à iéu, pecaire de vous défini ço qu'es aquel ideau e qu'aven de revisto mesadiero pèr lou faire, mai vole simplamen aussa moun vèire à la prousperita d'aquéli revisto sorre : Reclams e Calendau. Photos Pérodeau. L'esberit Bedouret que cante adare la glòrie dou piquepout e de l'Armagnac ; qu'escoutam encoère MM. Dussel e Durou, puch coum lou Rallye Gastoû Febus e bien d'entra, lou Capdau que-u coumplimente de la soue fé felibrenque. Ta biéne frayreya dab nous, lous de Saubaterre qu'an sabut decha la loue hèste annau e lous lous embitats : ne soun pas yèstes qui-s béden tout die... Simin Palay que hè sabé labets que la felibreyade de 1935 que-s hara à Saubaterre. Mes lou mèste en pè dou Rallye que hè sinnes que bòu parla. Lou debis de P Claverie. Que y-a bint ans, si dits, qu'èrem à la fi dou mes de garbe, e per Saubaterre tout qu'ère prèste, que debèm arcoélhe l'Escole, youga La Hilhe de Massicam, de J. V. Lalanne, e lou Gastou-Febus, de Miquèu Camelat, mes au 1' d'Aoust las campanes de toutes las glèyses que trucaben tad autes hèstes de gn'aute ourdi. Nou duraben pas très dies, mes, aylas ! �— 23 — quoàte ans. Qu'y partibem dèts d'aquets qui abèm tribalhat à la boune arcoelhance à l'Escole, e que tournabem... dus ! Mes se lous mourts dalhats e droumen acera hore lou lou darrè soum, benaye Diu ! las mays qu'en hén bade d'auts. Maynats en 1914, de qu'en y-a que soun baduts omis e oey que sounen dou cor permou de bous auts. Que seguechen lou tras de Yan dou Bousquet, de Lalanne, d'Al-Cartero... Bengats doungues ta Saubaterre ; bielhs e yoéns que seran urous de-b y béde e qu'y ligaram frayralamén las amistats, permou, be sabét l'arreprouè ? A Saubaterre, Boune terre, Boune yen ! Que disi dounc : à l'an qui bién, e qu'y siam touts ! La Reyne labéts que-s lhèbe e qu'entoune la Coupe Santo ; au repic touts qu'où hèm rampèu e sus û tranguet dous cors dou Rallye, que-s lhebam, urous d'aquére bère fenide. Tourna que s'en eau. Mes tout que s'acabe, medich las hèstes, e deya bèt escabot d'amies, Gastou de Fourcade, Antòni de Bastard e d'auts, qu'an gahat û trî de la brespade... Encoère bounes sarrades de mas, encoère drin de batalis, enter yoens, daban u pintou dou blanc, oun cercam lou tribalh à demia dens l'anade 35, e que s'en debém ana cadu ta las soues coéntes. A l'an qui bié doungues, si à Diu plats, s'ous bords dou Gabe d'Aulourou, à Saubaterre. MIQUÈU DE CAMELAT. P. S. — Que boulhin trouba lous noustes grans mercés aci lous counfrays de la Presse mountése, de la Petite Gironde, la Dépêche, la Liberté du Sud-Ouest, la France, qui touts an tant countribuat à l'esplendou de la felibreyade. Gran mercés tabé à mous de Bretous cap-secretàri de la bile e aus sous ayudes ; à touts e toutes qui tribalhèn à las guirlandes qui oundraben carrères e places. Si desbroumbam quauque-d'u, que-ns e boulhi perdouna. L'Arrè-hèste dou Mount. Apuch de la tauleyade, quoan coumencèn de separa-s lous amies, lous yoéns, ahamiats toustém de deberti-s e qui tabé esperaben lou gran bal dou sé, nou-s boulèn esbarri talèu. Mes, ço qui calé ha ? Ço qui calé ha ! Mous F. de Rivière, qui estou lou mey atrebit dous ourganisatous de. la hèste, qu'at sabou trouba autalèu : Que-ns amassabe au Café Divan, e aquiu que-nse proupousabe de hourni à las hèstes u prougrame nabèt, tout nau badut : ana-s passeya u drin à masse p'ous adentours dou Mount e passa lou brèspe ta gauyouseméns qui-s poudousse. Pensât dounc se aquet debis ère agradat dab plasé, p'ous noustes gouyats (gràcis à Diu qu'en abém u troupèt à l'Escole) e p'ous yoens lanusquets dou Mount. Lèu qu'arriben las tomobiles qui-nse dében amia, e sénse quita lou Mount, que las tiram decap à l'oustau de Francis Planté, lou �— 24 — pianiste doun n'èy pas à ha sabé lou noum ne tapoc la gran renoumade. Hens aquet beuraymàdye que debin apréne, per la bouts de Mous de Rivière, ço qui n'ère de touts aquets utis qui an serbit au mèste. Hens aquet « studio », coum disen lous Mountés, que poudém counda lous pourtrèyts de reys e de reynes, lous escriuts mandats en recounechénce e admiracioû au Prince dou piano. Esmabuts, en nous auts, que tournabem de disé-us lous bèrs dou Capdau audits aquéste mayti : Lous gascous... ...la race bère dous horts, dous hardits, dous gauyous, qui mande per toute la terre souns maynats-reys e sas cansoûs ! Mes Francis Planté nou demoure mey au Mount ; que s'ey retirât aus cams, au parsâ de St-Abit oun lou bielhè, las ! lou tié clabat. Maugrat que y'anèssem nou lou bedoum pas. Aquero dit, permou que la dusau partide dou nabèt prougrame qu'ère d'ana ta St-Abit. E que tournen puya sus las tomobiles la nouste reyne Clotilde, las soues damisèles d'aunou, lou Lamazou, lou Sarrail, lou Sequè e que-b pensât pla qu'au miey de touts que y'ère lou sost-capdau de Biarn. Que-s parech qu'adentour dou Mount lous camîs n'an que plecs e bire-plecs e t'ana ta St-Abit que passen daban lou Cam d'Abiacioû. Sus u sinne de Mous de Rivière que debaram, manière d'espia bira capsus dou cèu lous dus ausèts de l'Aero-Club de las Lanes. E Mous de Rivière de ple.yteya au ras de nouste reyne Clotilde : « Que-b eau, si-u dits, recébe oey lou batiôu de l'ayre, enta que nou pousquien pas dise, lous franchimans, que permou que goardam noustes tradicious qu'èm endarrerats ! » E nouste reyne, decidade cop sec, que partech sus l'ausèt decap à las nubles. Ue pause e que tourne de touca lou sôu e sénse trebuc. Mes credét qu'ère esmabude d'aquére hèyte ? Brigue nou n'ère : Que m'y tournari plâ, si disè, saludade qui ère per trucs de mâs e per esclaquerats d'arride. E aquéste cop, à de. bounes, que partibem ta St-Abit : Arcoelhénce aquiu de la familhe de Francis Planté, toutu que daune la lue espie deya dou cèu enla, e que s'ou lindau de l'oustau e cantam la cante nouste : Aquéres mountagnes Qui ta hautes soun ! La serade ère acabade ? Nàni ! Que dansaben au Mount e qu'y debèm esta, à maugrat que lou Mount n'estèsse à la porte besie. Se housse estât u bal ourdenàri dab danses qui sabét, nou b'en parlari ; mes lous lanusquets, qui soun de Gascougne, nou dansaben aquet sé que biélhes danses noustes, e que-m broumbi encoère de l'estrambord qui s'en pourtabe la yoenésse quoan dansèn p'ou darrè cop « Lou Saut de la Pigue ». Que-s pod dise nue touts lous Mountés qu'èren aquiu à segui lous felibres. �— 25 — Miéye-noeyt que trucabe quoan la dansatère s'acabè, e toustém gabidats per Mous de Rivière, qu'anabem plega la came dens u estanguet oun preparaben u tourrî qui arrousèm de quauques pintous dou blanc e que crey que retreniben hort cantes gascounes, debis gascoûs e anilhets de yoye... Nou seri pas estounat que hère d'aquets lanusquets de bint ans e biengoussen en troupe l'an qui arribe ta noustes hèstes de Saubaterre... MANUEL LABORDE-BARBANÉGRE. •a — »• LOU COURNÉ DOUS POUÈTES ABOR Lous bestias qui soun bachats que blanquéyen dens lous prats, e que soun tabé tournais lous aulhès dab las grans capes ; Abor, que t'escapes. Quin s'ey hèyt qu'èy debarat lous cinquante, e qu'au me prat flous nou-m soubren '? Saberat, qu'aquero drin hort que-m toque e que-m estarroque. Rouye qu'ey lou broc madu, e lou sé qu'ey lèu escu ; b'en y-a brumes pou cèu blu ! Siule, mouliè, cante bibe, l'aygue que t'arribe. En Abriu, lous esquerets be trucaben aus agnets ; e, ta nous coume tad ets, nou cercabem dab la yoye qu'u goust de liloye. Tourném de bouha-ns lous dits ! Praubes arbes marfandits, pous rets ayres segoutits, be-m plats poc la remudance de la boste danse ! Prime, que hoegous, perqué ? N'at coumprén l'esperit mé, quin tout bire-bare en plé ; quin la bite arrayadisse tant lèu e s'esquisse. Oun passèn lous bostes brouts ? Sensé hoélhes, ya prengouts semblance de mudes crouts : Quin tout en u loung seguissi e-s perd lou bestissi ! Coum d'auts qu'èm anats à sauts, que cantèm nous auts coum d'auts mes ta bibe n'èm mey cauts ; las cames n'an mey bouludes mourdéntes courrudes. Quin tout cour e tout s'en ba ; tout sourelh be-s deu couba ? Qu'èm ? U brounit de taba, e pou tour n'abém que causes berdiuses-berdauses. Bederam, d'are en adès, la gauyou d'autes sendès ? Sendès, camis primtanès, oun, d'auts tems, beroy pinnaben, per prou que-s barraben. N'èm pas mey de hèste-annau, mes, débat lou tempourau, despulha ballèu que-s eau : Illusious d'abor qu'èts courtes, e tabé pla mourtes ! 1927. (Tirât de L'espigue aus dits.) MIQUÈU DE CAMELAT. �— 26 — QUOAN LOU SOUMELH... Quoan lou soumelh tardabe à-m biéne coussira, auts cops, hargabi bers dous clas dens l'escurade e lou matin n'abi qu'à lous da la boulade ou mèylèu sus pargam, touts cautets, qu'à-us couca. Are que lou malur s'ey cargat de-m maca e sabi que sa man yamèy n'ey abeyade, tremoulent per lous mens, au loung de la belhade, prouséyi dab lou Rey d'aciu e d'acera... Lous bersets mens ne balèn pas pèt de castagne e se m'an hèyt, en-pramou d'ets, quauque margagne trufandèque, plan hèyt qu'ère pr'ou cantadou ! E bau mèy ma pregàri umble mes plourassère ? N'at sàbi ! Qui sab ? mes s'à Diu n'agrade hère, Et, au mens, ne-s trufara pas dou pregadou ! GUIRAUT DE LA SEQUÈRE, A lanusquet. 3> 4* DABAN LA PÈYRE DOU SOUBENI Quoan lous de qui bin nou hasquen mey luts Sus l'obre d'aquets caduts en palhade Be-y seras encoè, pègre aci quilhade, Ta goarda lous noums dous noustes peluts ? Enta-t apita touts lous Bourderous, Que biengoun pourta cadu sa partilhe ; Qu'ès lou frut d'uniou de nouste familhe « Bourdères » ô may, de côs pouderous. Plantade en bou loc, ras de la carrère, Digues qu'ès aquiu despuch la gran guèrre Enta soubeni dous qui 'sten chasclats ; Mes digues sustout au passan « Tribalhe Ta que plus yamey la mourt nou-nse dalhe La flou dous hilhots de hayne abuglats. » ZABIÈ DE PUCHEU. �— 27 — Ue maysoû anciène PUNTS D'ISTORIE Lou Moun de Marsan Lou Moun, joen à pa d'Ayre e de Dacs qui èren cap de puble de la Novempopulanie, n'é pas toustem estât la grane e agradibe bile de oey. Sent Pè que l'abè lou dessus. En débat de Sent Pè, la Douze e lou Midou qui hasèn un gramous hourque-arriu en balha la Midouse, ne besèn pas sounque cauque cabanote oun bibè petitemen cauque pescàyre. Per delà l'aygue s'abiaben las Lanes de Bourdèu toute bruc, brane ou lagues ; aquiu, aulhcs, crabès e baquès de la mountagne hasèn courre tout l'ibèr lou bestia, qui-s tirabe la hàmi dou bente en pechedés magres e arits, en atende lou mes de may qu'ous tournèssi balha l'èrbe grasse e sanitouse de la mountagne �— 28 — desnebade. Bacades e aulhades seguiben un camin, aperat de Sent Pè, qui anabe de Sent Pè de Bigorre à Sent Pè dou Moun dab lou dret de ha pèche ana e tourna. Per un cop, que parli dou XIau ou XIIau siècle, lou biscounte de Marsan que hasouc de quet hourque-arriu ue bastide, hilhe de Sent Pè qui-s damourabe s'ou Moun, e la nabère bastide qu'ère batiade Moun-de-Marsan. D'are-en-là, bachets mey grans que galupaben marchandisses, bin, aygue de bite, blat d'Armagnac e de Tursan dinc'à Tartas, lou Poun d'Orioun, Dacs e Bayoune. La bastide qu'ère barrade, fortifiade dab ue tour plan soulide e un senescau que disèbe la justici à cent parròpies dou Marsan e dou Gabardan. Banlèu, lou Marsan qu'abè cinquantes bastides e lou recebedou de quéres bastides qu'ère au Moun. Se lou pèys d'Albret, laniu e sablut, abè lou soun segnou mèste à Tartas, lou pèys de Marsan que prenè renoumade à tau pun que, un moumen dat, l'abésque d'Ayre que-s disèbe abésque de Marsan. Pensats lou Moun se-n ère flèr ! La bilote que-s goubernabe ère rnediche dab jurats, cambiedés cade anade coum en tout lou pèys de Gascougne. En préne la place, lous jurats dou Moun qu'anaben ha sermen, sus l'auta de Sent Pè qui toustem dauneyabe s'ou tue, de ha boune justici à touts lous Mountés. Aquet sermen que-s hasèbe en lenque gascoune arrimade à la mode dou tems. Toute carque publique, toute adjudicacioun publique que hasè sermen sus la sente crouts ou s'ous sents abangèlis : lous bouchés dou Moun qu'anaben jura sus l'auta de sénte Quitèyre de balha carn frésque e minjedére. Segnou dou Marsan, Gastou Febus que s'abè hèyt basti au Moun un castèt en 1344 e que-y balhabe hèstes coum hasèbe à Mouncade d'Orthez. Qu'ère au Moun qui lous segnous dou pèys de Marsan anaben ha oumàdje enter las mans dou biscounte ou dou soun mandé. Très cents ans d'abiade, chens trop de mau, lou Moun qu'ère passât aus Anglés dab Eléonore d'Aquitàni. Ue mâchante passe ent'ou Moun qu'ère estade la de 1569. Mongomery, lou tarrible coumandan de las bandes proutestantes de la reyne Jeanne, e Monluc, coumandan dous catholiques, que prenèn l'un après l'aut la bile qui abè labets très cintes de murralhes ou de terrés : pensats se. lou Moun abè abut pous e macs dab aquére batsarre. Mey de trente ans que se-n ère sentit e qu'abè coum coumandan au castèt un proutestan : l'un dequets qu'ère un Fortissoun de Dihort. Au tems de la Frounde, lou Moun que s'ère dat au herudje Balthasar, dinca que s'ère calut susméte coan Bourdèu at abè hèyt en 1663. E-b diserèy Eléonore, la so de Charles Quint, qu'ère passade au Moun ent'ana espousa, lou 7 de garbe de 1533, lou rey de France Francés 1° en so de las clarisses dou Bêche, hilholes de las clarisses dou Moun ? E-b diserèy tabé lou rey Charles IX e la reyne Catherine de Medicis que j'èren passats en bet ana à Bayoune ? E-b diserèy encoè Louis XIV qu'ère passât ana e tourna à Roque- �— 29 — hort, au Moun, à Tartas e à Dacs coan se-n ère anat espousa à Sent Jean de Luz, en 1659, la hilhe dòu rey d'Espagne ? Hore d'equi, arré de nau ne s'ère bis au Moun dinc'à la Reboulucioun de 1789. La bile qu'abè coumbens de Clarisses, de Franciscains, d'Ursulines e tabé un coulèdje de Barnabites qui s'ère hèyt Ancien castèt, oey caserne Lacaze dòu tems de. Francés P. Coum parropie, lou Moun qu'abè ue glèyse serbide per 15 prebendès, dits de Bresquit ; mes l'aunou qui a oey d'esta archiprestre qu'ère labets à Uchacq, glèyse arrehèyte de nau à mens lou pourjalet dou xnau siècle qui an plan hèyt de sauba, mes toustem perdude sus ue tucole de sable. La Reboulucioun de 89 que debè bouta lou Moun mèste en pè dou departemen de las Lanes. Dacs que boulé la prue : mes Counselh generau, préfèt, e, per la fin, encoè Boger-Ducos de Dacs que muchèssi lous cachaus, cour d'assises, lou Moun qu'at abè tout. �— 30 — Lou prumè Napoléoun que-y passabe lou 13 d'abriu de 1808 decap Espagne, e que disèbe un cop arribat à Bayoune : « Que eau Las Lanes que sien un cop lou prumè dous departemens de France ». Que-y tournabe passa aus galòp lendouman de Toutsans decap Paris. La glèyse de la Madelène dou Mount Tchic à tchic, lou Moun à l'estret que-s tirabe las cintes de murralhes e terrés qui la hasèn paréche arregagnade e que-s hasè bile aubèrte oun troubaben de tout : courses de chibaus, de baques lanusquétes e de taus espagnòus, tiàtres, cinémas, cafés, magasins oun s'apièle tout so qui pot ha besouy e nou pas ha besouy, caserne dab sourdats nègres d'Afrique, capuchins qui ban pourta dab la cibilisacioun la boune renoumade de la France en Ethiopie e alhouns. So qui mey e-ns agrade, que s'y trobe brabe mounde qui ne demande pas sounque à arcoelhe lous félibres de l'Escole GastouFebus : qu'at a hèyt lou més de setéme passât. Lou Moun qu'a balhat omis de balou. Lou Menicou de Gourgues 1522-1582, que s'abè benut tout so de soun ent'abé bastimens e que se-n ère anat tourna préne la Floride s'ous Espagnòus. La familhe de Mesmes qu'a balhat omis de léy, diplomates, omis de guerre. Basut au Moun, lou manescau Bousquet, 1810-1861, sénatou, qu'a balhat lou noum à la caserne dou Moun e qu'à la soue estatue de brounze à Pau, place. Bousquet. Ne parlam pas dous generaus basuts au Moun ou qui se-n y soun anats acaba de bibe un cop la plégue hèyte. Clabam asso en dise que la place de deban lou Lycée e la Pépinière que s'a prés lou noum de Francis Planté, lou gran pianiste, cousiot d'Adrien Planté, lou nouste prumè e tan aymat présiden qui abè megnat au Moun, qu'a mey d'un bintenat d'anades, la nouste Escole Gastou-Febus, encoè maynade : de segu ue troupe au Moun que se-n broumben toustem e la bile, qu'a hèyt mey béroy encoère que n'abè hèyt au prumè cop. C. DAUGÉ. �MOUNDE E CAUSES DE LENGADO ALCIDE BLAVET Blavet es mort... De pensa qué à la subito, sa bello tèsto flamejanto n'es plus, acò m'irrito. Veirai plus sa noblo caro, lou biais de soun capèu masclamen pourta coume n'ausirai plus sa voues caudo bresina nosto lengo prouvençalo. Ah ! quet ami delicious ! Aro tout es lini. Em' éu evoucarai plus Arnavielle, Rougié Brunei, BertrandMistral nimai li bèlli lumiero de l'Amista ! Entristesi vene de prene « L'Amigo Rustico » aquéu libre escret ounte avié bouta tout soun cor. De mai pìous òumage n'en vese ges que vous parla dòu pouèto. Coume faire pèr retipa la frescour, la gràci, lou coulourun de « l'Amigo Rustico » ? Li vers de Jan Pagan (A. Blavet) soun fa pèr èstre saboura entre, ami, alentour d'uno taulo coumoulo de fru e de flour. Souvènti-fes m'espace dins soun libre em'un plesi abrama, e de pouësio que i'a canton dins ièu coum' uno musico esmouvènto e pertoucanto. Lou pouèto es, osco seguro, mèstre de soun istrumen e quouro lou prouvençau es gaubeja (Mistral mes à part) per d'artisto qu'an noum d'Arbaud, Brunoun Durand, Baroncelli e Blavet, la lengo nostro se plego en tout. Rèn de mai varia qu'aquelo lengo sublimo, familièro, dindanto e gravo. Dins « L'Amigo Rustico » lou balans e l'eisanço s'endevenon meravihousamen e lou libre es auboura pèr un grand alen dòu cor. Un véritable trésor liri ! D'image requist que vous fan barra lis iue pèr li reteni mai long tèms dins la memòri. De balado, de cansoun, de sounet, de plang, li gènre li mai divers sèmpre tria d'un biais requist. Un dous chalun trespiro d'aquelo obro : es coum'uno counfidenci tras que douço e agouloupanto. Chasque cop l'on se ié coungousto ; l'esperit, pièi, se barro, leituro facho, pèr miés se souveni e. pantaia encaro. Vous lou dise : prenès lou libre en man e viéurés de bèllis ouro. En bon escoulan de Mistral, Jan Pagan pren si sujet à son entour. Es ansin que si tèmo favourit soun li pastre, li flour, li coucoun, la Prouvènço, l'amour e lou soulèu. Ges d'enfluènci estrangiero qu'aduson lou desordre mai tòuti li vertu e qualita de la raço. Que laisson dins la vido un remembre sacra. Bimbarolo d'enfant e raive de jouvenço Jan Pagan a treva la naturo e ié déu forço. Es d'aquéu biais, que soun obro es richo, acoulourido, variado e que lis armounio se ié sucedisson diferentamen. Remarcas l'oùjet di dos peço que durbisson e clavon lou recuei. Fugissen, dis à l'Amigo, li ciéuta e coursejen lou raive. Eilamoundaut, sus li mountagno, la lumiero n'a ges d'egalo : Liuen di ciéuta, liuen dòu chafaret di carriero Amigo, coursejen un sounge simple e dous. Se li camin d'avau soun asardous Sus la cimo di mount la lus es sèns pariero. �— 32 — Enfin lou suprême desi dòu pouèto : Vourriéu qu'à moun ouro darriero fague soulèu. Quand de moun jour darrié faudra que pique l'ouro, Ah ! que vespre ignoura picara, — tard o lèu ?... Vourriéu coume en abriéu que fague de soulèu. La bello sereneta antico ! Pèr dessus tout, lou pouèto plaço l'amour de la patrio dins un mouvemen de fièro alegresso : Felibre, canten sout la triho Li pantai d'aubo o de brumour E que s'auson nòsti clamour Pèr la glòri de la patrio. Mai aime, entre touti, reteni la balado en l'ounour dòu nouvelun. Acò's d'un biais fluide, e d'un ritme que fai sounja à Ronsard e i pouèto de la Pleiado. Tastas me aquéu mèu : L'iver, que candelo, A fa pataflôu ; Un giscle d'estello En raisso d'or plô. Empena de nò Canto dins la Touno Lou bèu roussignô, La roso boutouno. La sensibleta de Jan Pagan nais encaro de la naturo. Es uno voulupta veraio que nous es pourgido, que se nourris dins l'amo e se iè recato. A l'Amant n'i 'a proun d'un cor que l'ame e de la soulitudo : E li grand troubaire vanta Diran pas jamai Palegresso Que vuejon lis iue velouta D'uno jouvo e bello mestresso. Ai las ! li mot dison mau lou charme de la pouësio d'aquéu que plouran. Se pòu-ti espeluga li raioun dòu soulèu, li prefum d'amour, la fugido di jour ? Sachès de cor la balado di Troubadour, lou Pastre, Dins lou Brès e, li peço escarido, recitas-vous lèi à la campagno, li vèspre d'autounado e veirés se fai pas gau d'ama li bèu vers e de li révéla à sis ami. Si qu'acò chanjo di tristesso de la vido-vivanto ! E moun «mo piano Liuen di vau proufano Subre mount e piano Emé lis aucèu. * * * Blavet mort, es un pau de iéu que quito noste mounde. Es éu que, dins d'ouro trop courto, m'atriné au culte mistralen. Aro, n'ai plus, per me counsoula, qu'à religi si libre, si letro e si pouèmo en fuiet. La Prouvenço a d'auboura lou souveni d'aquéu pouèto d'elèi. Acò permets-me de l'afourti à Blavet au noum di felibre en lou quitant sus aquesto terro ounte tout es tant fragile... ETIENNE BOUDON, mèstre d'obro. �— 33 — RECLAMS DE PÉRQUIU Hèstes. La beroye bile de Salies de Biarn, qui goarde autant coum yamey nade, lou culte dou Passât, que s'ère hicade en gran tranlay, aquéste fi d'aoust, enta ha tourna dou pèys de las oumbres, coum disèn auts cops, lous bielhs Salies e, dab ets, rebiscould per û die, la bite antic de la ciutat. Lou permè de septéme dounc, tout qu'ère sus pè tau lendedie, mes, malaye pu ! quoan arrés n'at aberé pensât, lou temps que hé boutée. Per aco, heyadoures, marcadères, techenères, espardegnàyres, pique-talos, cerclàyres e salières, musiques e dansàyres e que mey ! toute la bile qu'esté dehore e deberti que-s hén toutu. Mes quoan mey e seré estât bèt tout aco si lou sou abè boulut paréche sus touts aquets beroys bestissis, aquets cars e aquéres danses ! Lou diménye mati, que s'y hé l'entrade de la maysou de caritat foundade p'ou nouste amie toustém regretat, lou poète Al-Cartèro (Dou Lacoarret), doun la bère fourtune esté dechade à la Bile de Salies entaus praubes. Moussu-ou mayre, en aquére auhèrte, que sabou ha rebibe lou soubeni dou plâ-hasent cantàyre dous piquetalos e mous de Hountaas, que digou dab co quauques poésies dou beroy saliè. A la glèyse, M. l'abat Cambus que hé u predic de. mèste. Poe au darrè de la mourt d'Al-Cartèro, que s'y ère parlât dou ha û mounument. Be eau espéra que l'idée n'ey pas abandounade ? — Au courént d'aoust, YEscole d'eras Pircneos qu'anè da-s û tour en bat d'Aure, à Sarrancoulî, la beroye bilote demourade tant gascoune. Que l'y receboun à mirande ; toute la yoenésse de l'endret e diu sap quoan de delegacioûs dous entours qu'arcoelhoun la Reyne e lous felibres, amiats p'ou capdau, mous de Lizop, e lou secretàri en pè, mous de Sarrieu. De l'Escole Gaston Febus que s'y troubaben Simin Palay, J. Eyt, Lahargue, A. de Bastard e d'autes membres noustes bienguts ta frayreya e participa à la gauyou de touts. Que y abou debis requists, coum disen acera, e lous de Sarrancoulî, qui nou s'en me.nshidaben pas, qu'estén esmiraclats d'enténe lou lou curé, nouste counfray, mous de Cantet, parla-us, en cadièrepredicadére, en û gascoû soulide e fi, triscat de mâs de mèste. La hèste dou brèspe qu'esté de las mey gauyouse.s e, de segu, lous d'Aure, qui n'abèn yamey abut lous felibres à case loue, nou perderan pas lou soubeni d'aquére charmante amassade. Permou de Cesari Daugé. Que pescam aquéste mieye paye dens lou Buleti de l'Amicale de Garras ou : Ce 12 juillet, avec les beaux orateurs en langue d'oïl que nous applaudissons chaque année, nous avons eu la joie d'entendre M. l'abbé Daugé, venu des Landes avec tous les parfums de la Pinède. C'est en langue d'oc qu'il nous a fait l'honneur de chanter Garaison. Je n'apprendrai à personne que de nos deux langues, celle-ci est l'aînée, que de l'Aquitaine à la Provence, les troubadours chantaient �— 34 — brillamment, voire « précieusement », tandis qu'on bégayait encore el plutôt rudement dans les pays d'outre-Loire. Si je ne m'adressais qu'à des félibres, il serait plus qu'inutile de présenter M. l'abbé Daugé. Quelques mots seulement pour ceux qui n'ont pas encore l'honneur d'être escouliès de Gastou-Fébus, ou de l'Ecole des Pyrénées. Curé dans les Landes, il porte ses 76 ans avec un entrain à faire jaunir d'envie plus d'un quinquagénaire. Vice-président de la Société Borda, il est, de plus, Majorai du Félibrige, décoré de la Cigale d'or, c'est-à-dire, comme Camélat et Palay, l'un des 50 membres de cette Académie de la Langue d'oc, que préside le Capoulié Marius Jouveau, successeur de Mistral, et qui se recrute entre Nice et Bayonne, entre Perpignan et Limoges. La liste de ses œuvres, en gascon ou en français, ne compte pas moins de 52 numéros. Rien de plus varié : drames, comédies, souvent joués, un voyage en Ralie, trois grands volumes de folklore gascon (bêtes et gens, coutumes et traditions) : des études sur de curieuses pierres tombales, plusieurs volumes de vers, etc.. Avec Palay et Camélat, il est une des colonnes de l'Ecole GastouFébus, où l'on travaille si bien depuis quelque quarante ans, à sauver la langue « mayrane », cette chère langue gasconne que Montaigne vante si fort, que Montesquieu parlait avec ses vignerons. Il faudrait cesser, une bonne fois, de. l'appeler « patois ». Un patois, c'est le jargon des Berrichons ou des Morvandiaux, au pays des « j'avions » et des « j'étions ». Appelez encore patois, des phrases comme celle-ci : « On t'appelle à toi parce qu'on t'a besoin ! » Mais notre gascon est une vraie langue, comme le provençal, une vraie langue avec sa grammaire (voyez celle, toute récente, de Jean Bouzet, agrégé d'espagnol au lycée Rollin), — avec son magnifique Dictionnaire, en deux grands volumes, de onze ou douze cents pages sur beau papier, que Simin Palay vient de publier, en y allant royalement de son temps et de sa bourse, — avec ses œuvres de toute sorte, et ses Revues. Voilà onze ans que. je la lis fidèlement et vous seriez bien gentils d'en faire autant. Cent abonnés de plus la mettraient en bonne posture, pour la plus grande joie de ses rédacteurs, les plus désintéressés des hommes. » Se n'èm pas counténts nou sèy pas ço qui-s caleré ! Per aquero, que lous amies de l'obre qu'escouten l'embit dou redactou dou Buleti e que-ns amien lous cent abounats qui-ns e hèn rèyte. Lous Biarnés de Bourdèu. Aquet diménye 8 de Garbe, l'escabot dous amies bourdalés que basé lou sou passey estibenc. Mey de cent, amiats en dus grans cars e en coude l'y sègue per ue trouperade de tourroumbioles coussudes qu'anaben, aquéste an, tau beroy païs de Blagnac. Ta-y arrecouti que s'y passe per u cami qui trabèsse prats arridénts e coustalats ensourelhats cargats de pès de bits lusents e gauyous, arrecats coum sourdats u die de rebiste. A ounze ores, Blagnac, beroy coum u so nau, bagnat per la Dour- �— 35 — dougne qui sémble adroumide dens u yas de berdure e de flous. Biste ! Que cadu que-s cèrqui ue cadière daban la taule parade... Au truc de las batalères lou proufessou Bonnecaze, qui ey d'Aussau, que deglare u prousey qui hè rebiscoula la pouesie au co de cade coumbidat, que dits la « terre mayrane, toustém aymade » qu'amuche quin « las cantes noustes e demouren frésques e yoénes e soun goardianes de l'esperit de la race. » Mous de Toulet que destéque tabé, hère plâ, la léngue dou nouste Henric e lou proufessou Courriades que tire u papè, escribut à l'aunou dou capdau de l'amassade. Espiats-lou drin : Au bord de la Garoune, au miey dou gran Bourdèu lous Biarnés abeyats de loue esparrisclère s'y hasèn à crida dinque à atcgne lou cèu, sus Pèr : « Moun Diu ! dechat-m'enténe encoère, las cantes dou païs e lou parla poulit qui sab rebiscoula mantu co 'ndoulourit ». Amistous, lou boun Diu, que respounou de tire : « Quoan remountat lou Gabe u cop Bièle passât, à dret dou caminau lou biladye s'estire qui sémble coumanda de capsus e capbat. Bilhère qu'ey soun noum, e aquiu que badou l'òmi qui-b èy causit, lou boste saubadou. L'oelh escarrabelhat e la care arridénte que gabidera pla tout lou boste troupèt, qu'ayudara lous flacs, e nou sera chens coénte ! Qu'esdressara lous torts, pusqu'ey ômi de Dret ! Qu'où b'èy hèyt sus mesure e qu'en soy hort countén, Tabé poudet crida : « Bisque lou Presidén ! » Tad acaba qu'audibem « Bèt cèu de Pau », « Roussignoulet », « Aquéres mountagnes », etc. E, en s'en tournan que calé bebé-n gn'aut pintou à St-Emelioun, païs dou bou bi e tabé d'aquet gran caperâ, l'abat Bergey tant aymat l'aute cop p'ous peluts dou 18° R. d'I. O, ou nou, lous biarnés de Bourdèu e soun de brabe mounde ? A. COURRÉGES. L'exémple dous Bretous. Se las noustes hèstes dou Mount an boulegat milès e milès de lanusquets, ya n'ey estât parié, acera à Roscof, coum lous hilhs de Breizs y tienèn la loue amassade. Que caleré mantue paye dous Reclams sounque tau prougram de la semane. Digam qu'y hen arcoelhénce aus delegats dou païs de Galles, d'Ecosse e d'Irlande, qu'y bin courtèdyes, espausicious, councours d'enségnes, representacious, e qu'audiben cantes e debis. Lous omis de la poulitic, de la reliyou, de l'ensegnance, la prèsse britannic e francése que-s daben la mâ tad aquére hèste annau de la Terre bretoune. E tout aco de bèt qu'at pôden léye dens la rebiste An-Oaled (Lou Larè bretou) n° 50, de Carhaix (Finistère), doun lou mèste en pè ey lou druide Jaffrennou, l'amie de la Gascougne. �— 36 — Las Enquèstes lenguistics dou proufessou Rohlfs. Qu'ey doungues partit d'Arrens aquéste miey aoust, acabalat sus la saume dou mouliè e las Masses garnides de cartes, de paperalhes, e bessè d'u sacoutot de marks qui s'abè debirats en escuts de France. Bachan lou cot de Ouisque, qu'a bis en Aussau lou nouste amie Eyt, lou proufessou Bonnecaze, e estangat quoàte ou cinq dies per las plouyes qu'arrecoutibe toutu dens lou Bascoat, puch à Rouncal. Que basé boune coelhude de moûts antics counechuts dous dus estréms de la mountagne à Anso, Hecho, Bielsa, Torla e que tournabe per Gabarnie e Yèdre oun hasè nabère messibe dens lous cayès e la memòrie oundrade de Rondou. N'a pas desbroumbats lous Reclams e que s'a poudut ha dise p'ou reyent de Hecho, la fourmuléte de la Sabe à la mode aragounése. Beyats senou à la paye 40. Gauyous, Lou 6 de septéme, lou Mérac qu'ère en yoye. Mous de Guichamans qu'espousabe madamisèle d'Astis. Lou nôbi e la noubiéte que soun d'anciène souque biarnése e lou pay de l'ue e de Faute, qu'a Diu sap quoan d'anades que-s hasoun escribe au reyistre de l'Escole Gastou Febus ! Be-b pensât dounc si la nouce esté de las qui eau, à la mode dou pèys. Arré n'y manca, ni la cinte, ni la sègue, ni las cantes de circounsténee, suban la tradicioû. Boune sie l'ore ! coum disen, entaus gayhasents espous, e que lous lous parents e boulhen agrada lous noustes respectuous e couraus coumpliments. Nouste counfray Balagué qui, se n'at a deya hèyt, e deu tira ballèu lous quoàte sorts, qu'a célébrât l'aute mesade lous cinquante ans dou sou espousalissi. Qu'a boulut enténe ue misse dite p'ou sou cousiot, l'abat Balagué de Sarrance, e à l'ebanyèli, l'abat Cambus, caperâ de Baigts, que hasè lou debis aus urous yubilaris ; cheys arrè-hilhs, e noumerous parents e amies qu'èren dens l'assisténci. Despuch lou disna, lous « Dansàyres de Baigts » que bienoun dansa sus l'erbéte dou pàti lous mey beroys sauts. Que y-a encoère bèts dies, ta la gàuyou biarnése ! Dòus. Aquéste mes de septéme, YEscole qu'a perdut dus balents aymadous de l'obre e qui maneyaben la lengue biarnése hère beroy. Mous de Daléas, ancien pe.rceptou à Nabarrens, que s'ère debertit à escribe mantu counderilhot plâ troussât, enter-miey de d'autes oubrétes ; qu'ère û brabe òmi qui aymabe plâ lou sou païs. Daune Freinât, de Lembeye, que s'ey mourte, yoéne encoère, aquéste fî de septéme, d'û alep malurous, ue cadude mâchante qui hasou qu'a dus mes ou per aquiu. Reyne de l'escabot dou Bic-Bilh, Lou Parsâ, qui a hèyt de boû tribalh per aquiu, que s'y hé tant qui poudou enta ha balé la nouste beroye lengue, qui parlabe e escribè dab goust e plasé. Qu'abè recoelhut mantû prêts p'ous yocs flouraus de. Biarn e Gascougne. E tabé que s'èy mourt nouste amie tarbés, Yausèp de Cabarbaye, �— 37 — banquiè, qui dens la soue yoenésse ère estât segretàri de la soucietat de cantàyres, lous Troubadous mountagnòus. Qu'abè tant per tant passade la sichanténe e arré nou hasè prebéde ue fi tant proumpte. Que s'ère toustém enteressat à la nouste obre e que perdém en et û brabe counfray. L'Escole que prègue las familhes dous défunts de créde que preném touts la nouste part de ia loue pêne crude. L. R. NABETHS COUNFRAYS Mmes Blant (Le), Château d'Arette (B.-P.). Durou, rue de la Gare, Mont-de-Marsan (Landes). Ducasse, 3, Square Soubiran, Mont-de-Marsan (Landes). Téchené, place de la Poste, Mont-de-Marsan (Landes). Mlle Saban (Angèle), 14, avenue Pierre 1er, Paris (16e). MM. Larrouy (Abbé), à Garaison, par Mauléon-Magnoac (H.-P.). Lamazouère (Emile), Garage, Place du Foirail, Auch (Gers). Courriades (Pierre), professeur honoraire, 24, rue Chaperon, Libourne. Poublan (Ernest), instituteur, Barzun (B.-P.). Brousse (G.), 47, boulevard Carnot, Agen (Lot-et-Garonne). Tucat (Pierre), directeur d'Ecole, La Négresse, Biarritz (B.-P.). Planté (Georges), St-Avit, par Mont-de-Marsan (Landes). Serres (Jean), St-Sever, Landes. Larrieu (Jean), Maire, Mont-de-Marsan (Landes). Bezos (Dr Robert), à Brocas-les-Forges (Landes). Rivière (Frédéric de), 33, rue Victor-Hugo, Mont-de-Marsan (Landes). Menjot (Dr), à Morlaàs (B.-P.). Durou (Abbé E.), curé de Maillas (Landes). Bétous (Abbé), Montesquiou-s/-Losse (Gers). Labrit (Calixte), notaire, à Lagor (B.-P.). Lay (Jean), 30, avenue du Honga, Mont-de-Marsan (Landes). Vimes (Georges), à Labouheyre (Landes). Espinasse (Pierre), 46, rue d'Etigny, Pau (B.-P.). Dartiguelongue (Amédée), contrôleur des contributions indirectes, La Chapelle-aux-Pots (Oise). Lalande (Dr René), 14, allées Brouchet, Mont-de-Marsan (Landes). Ernst Schiile, Splugenstrasse, 12, Zurich (Suisse). M. et Mme Planté (François), St-Avit, par Mont-de-Marsan (Landes). c *Sft& - »• ABIS DE COUNSEQUENCE La Poste, adare, que hè paga 4 liures enta recruba û mandat. Que counselham aus Escouliès de Febus de s'entira à miélhe marcat — ço d'estaubiat qu'ey ço de permè gagnât — e d'embia la loue coutise de l'anade qui couménce dab u mandat-chèque à Mous de Tucat, dinerè à Espoey (B.-P.), qui a lou coumpte poustau n° 34.321 Bordeaux. �— 38 — LOUS PASSEYS Ue Camade en Alsace (seguide e fi) Que s'y parle prou soubén de ço que noustes yournalistes apèren « le malaise alsacien ». U sarrot de mounde que-nse disen que eau au mey lèu « assimila » lous alsaciâs, qui, per malur, e soun baduts alemans. Que tiénen 1' « autonomisme » per quauqu'arré de terrible, etc.. etc, Nou y-a pas u mes, hoélhes de Paris, e « Le Petit Parisien » en cap, qu'èreri encantats d'apréne que 72 % dous counscrits alsaciâs que parlaben francés, e nou y-a goàyre, u « pacifiste » paulin que-m demandabe, à you tournât d'Alsace, ço qui pensàbi d'u Goubern qui dechabe lous alsaciâs parla aleman. Que boulét, qu'ey ue cause qui nou poden debèrse, hère de francés, d'abisa-s que d'auts francés e batalen dens ue léngue qui n'ey pas la loue. N'at poden pas coumpréne e. toutu que-b cridaran que soun ta la libertat, e que despuch lous ayôus de 1789 qui l'an auneride au mounde, etc., etc. Béroye libertat, que la qui bòlen da per segu aus de qui nou n'an nade embéye de la recébe ! Béroye libertat quoan disen : « Que serat libre si pensât coum pénsi you, e sinou, à maugrat de bous, que b'y oubligaram ! » Béroye libertat que la qui bòu, cop sec, tira en u pòple la léngue soue ! Mes, digat-me, quin ne seré si l'istôrie, per malur, ère anade à l'arrebouch, e si francés d'ue proubincie francése èren estais oubligats de parla lou tudesc ? Quin aquets medichs omis aberén cridasseyat ' E nou bau pas au countre. Quoan èm entrats en Alsace, la prumère cause qui bouloum ha, c dens u die, que hou de desrui l'obre yermanic de 48 ans. Mes, malurousemén, ou se boulét urousemén, nou-s poudè demia ta biste à maugrat de l'Idée. Que calou counda drin dab lous fèyts ecounoumics e souciaus, que y'abou que-has taus qui la France e mandabe aquiu coum founciounàris. Quauques esperits de ley, d'aquets qui an toutu apréses e la yeogràfie e l'istôrie, que s'abisaben lèu de ço qui-nse separabe dab lou païs d'Alsace. Lou senatou Eccart que-ns a segnalat dens ue broucadure tirade en 1925, quin lous burèus cargats de l'ourganisaciou dous serbicis lourréns e alsaciâs èren estranyès ad aquéres terres debiengudes à hore-mà ta la France, quin demourèn estoumagats daban la diferénee e l'ourdi de las enstitucioûs tant desparière.s dab las enstitucioûs francéses. Aquero que-s passabe sus la fi de 1918, tout escas despuch l'armistice. Mes coum dits Eccart « les doctrinaires ignorants des réalités » que-s boutèn à dise autalèu que l'Alsace qu'at debè decha tout : Ourganisacioû ecounoumic, souciau, yuridic, reliyouse e que sèy you ! ta préne ço de nouste. �— 39 — Tout... qu'ey û mout qui nou hè sus lou papè que quoàte létres, mes en bertat qu'a mey de counsequénce. Que s'y sayaben d'at cambia tout en 1924 e om que sab ço qui s'e.n segui : d'aquéres lûtes que debè bade l'autonomisme alsaciâ. D'aulhous, en espian dab oelhs apatsats, ère trop mâchante l'ourganisacioû alemande ta que la cambièssen ? De qu'en y-a que la disen auta boune senou miélhe que la francése. Lous dus poudés, lou de Berlin e lou de Paris nou béden pas las causes tout parié, aquiu la maye diference. Entau senatou Eccart, doun be parlàbi, l'Aleman qu'ey l'òmi de l'ourganisacioû ; que partech dous fèyts naturaus, ecounoumics, souciaus enta saya de bouta-y ourdi ; au countre, lou francés qu'ey l'omi dou reglamén ; que partech de l'Idée qui-s hè d'aquéres causes — e soubén que-s troumpe sus l'estenude e la claretat d'aquére idée — à bèts cops que hara leys, espleyts e règlaments sénse suspesa las necessitats naturaus. Ta que dounc estouna-s se las leys empousades à l'Alsace per lous alemans èren mey aysides à aplica, e, en u mout, mey souciaus que nou pas las leys francéses qui, quauque cop, e soun leys de partits poulitics, leys de pouliticàyres ? E puch, lous alsaciâs qu'an d'autes rasoûs de boulé-s goarda las coustumes loues. La prumère, coum bedét, qu'ère l'empoussibilitat oun èren de part-bira en u cop leys, coustumes biélhes de miéy sègle ; la dusau qu'ère l'empoussibilitat tabé de tourna en darrè quoan soun endaban. Permou que nou eau pas abé pòu d'at dise — e be m'at permeteran lous leyidous dous Reclams, esperits uberts e libres s'en y-a ! — la France qu'ey hère endarrerade au punt de biste poulitic e n'a goàyre cambiat despuch la guerre de sétante. Aquero qu'ey tant bertat que hère de causes qui boulon d'abord ha cade en Alsace que las s'a debudes préne, mes que las s'a préses soubén mau e sounque dab l'idée prencipau : Que bouy parla de las assegurances souciaus. N'ey pas aci l'endret de descuti aquére ley, la ley pègue si disen quauques-us, ley doun l'idée ey boune e bère e l'aplicacioû tant de mau-ha. O ho, que calé abisa-s dous fèyts abans de la hica de pès. E doungues, aquére ley, que y-a bint ans que l'Alsace que la counechè e la France qu'ey estade oubligade de la hica dens lou sou Code permou qu'ey oey lou die ue nécessitât. Labéts nou-b estounéts se y'abou suspréses enço dous alsaciâs despuch l'anade 1918. Mey que suspréses, susmautes, coum Paris c sayabe de s'en amaneya. Qu'an parlât d'u séparatisme alsaciâ, e per ma fé, lhèu quauques-us ne soun debienguts, séparatistes ! Encoère u cop, per ue boune pourcioù, lous Gouberns de Paris que pòden ha lou lou mea culpa, ets qui preténden, suban lou dise de Moussu Eccart, que toute ley qui hournéyen au Palays-Bourboû e déu èste unibersau. Que-s pod tabé que per darrè d'aquet proublème tesicous, qu'y sie estade la mâ de l'estranyè... Abans de yudya d'aquets ahas, abans de crida countre lous alsaciâs que caleré léye lou praube bielh Rabelais, qui hasè dise au sou Gargantua : « Lou tems de las counquistes qu'ey passât. » E toutu nou y a cade mayti qu'a aubri lou yournau e léye : L'amalayse pou- �— 40 — lounés, balkanic, català, bascou, etc., etc., la peléye naciounaliste n'ey yamey acabade e que-s perseguéchen toustém la counquiste poulitic e la counquiste lenguistic. Toutu, lou proublème alsaciâ qu'ère estât resoulbut u cop dab sayésse: qu'aboum aquiu u goubern séparât, e per quauques estrems federau. Qu'at aperèn : « Le Commissariat général ». Aquero que basou pòu aus noustes grans centralisàyres. E pòu de qué ? « L'organisation d'une région dans les limites de l'ancien Reichtland fut de. nature à perpétuer le souvenir des temps passés et à nuire à la cause de la France ». Mes u francés tabé, Millerand, que sabou respoune cop sec : « L'Alsace et la Lorraine sont passionément françaises, mais elles sont aussi passionnément alsaciennes et lorraines. Comment pourrions-nous leur en vouloir d'un particularisme qui leur a permis de se conserver à nous ? » Au darrè d'aquéres bères paraules que eau dise ? Que crey que serén mey bères encoère, si, auloc de dise en acaban «. à nous », mous de Millerand abè hournit : « à l'union de nos provinces françaises ». MANUEL LABORDE-BARBANÉGRE. "^Of* •Ci !)• LAS TRADICIOUS Yocs de maynat Ta ha serbiUne, midune, mitréne, miclau, sancéte, pourréte, castère, chibau, pèyre, fèyre, madame Lichèyre, trie trac, tire la corde de capbath. Une, midune, mitréne, miclau, chibau, l'arrat que pud, coum dits lou coucuth, aço que ba plâ, coum dits lou pinsà : Gouloch ! (coelhut à Baigts). A. LASSERRE-CAPDEBILE. Ta ha saba Sana, sana, la 'squerola — sana, sana cuchiflet — si no a esta vez — à l'otra vez. — La Virgen de Puyeta — que me saque esta chifleta — la Virgen d'Escagues — que me saque este chiflet. — Un, dos, très... chiflo jes ! (Sabe, sabe, la 'squirole — sabe, sabe petit siulòu — sinou aquéste cop — à l'aute cop — La Bièrye de Pouyéte — que-m adoube aquéste petite siulôle — la Bièrye d'Escagiies — que-m adoube aquéste siulòu. U, dus, très (que dan u truc) siulôu yés !). — Dit per Veremundo MENDEZ-COARRASA, reyént à Hecho, proubincia de Huesca, en Aragon. G. ROHLFS. �— 41 — COPS DE CALAM Lou Tegnoulet. La meterière de Bournabe Qu'abè de loung acoustumat, A cade cop qui hournejabe, De méte toustém de coustat U tegnoulét enta la Daune, Dab la crouste cracante e jaune, Plâ redoundét e beroy haut E que Fat pourtabe tout caut, Autâ-lèu coégte la hournade. Aquéste an, tout cadû qu'at sap, Qu'ey estade magre l'anade, E ta que-s pousquie arriba au cap E ta nou pas que s'y emprounte Ou que nou càlie pas croumpa, Que eau que la daune que coumpte, E qu'estaubie sus lou pâ, Coum sus la pélhe e lou caussàdje ; Mes toutû, pusqu'en ey l'usàdje, Per du qui sie, que boulét ! Segui qu'où eau. Dounc, au darrè de la hournade, La meterière qu'ère anade, Coume tout cop, pourta lou tegnoulét. E b'èy dit que-s hasè drin bielhe ? Certes, qu'abè boû cap, boû pè, Mes que Mené dure d'aurelhe. L'adje toustém qu'amie quauque saloupè. En entra 'nço de la Madame, Que hé la reberence e lou salut, Mes, Ihèu e banda trop la came... Tant-y-a que s'entenou... bèt cop de brut, E qui 'scandalisa la madame, au segure, Permou qu'où se leji cop sec sus la figure. La bielhote auta-lèu que s'en apercebou : La daune que troubabe trop petit lou paytoû... — N'abè pas entenut la soue artilherie... « Escusat-me si dit, qu'ey hère praube l'an, « Mes crediat que s'abèy abut mey de harie, « Que l'aberi hèyt drin mey gran. » L'ÀUTE. �— 42 — LAS REBISTES La Cepère Amie Desestruc, As anat cepa ? Per segu, qu'as début ha drin coum tout lou mounde. Coum cante lou pouète, Setéme : « Que hè yermia lou cep, Vangosse ensafranade, La lecassine d'or, lou paloumet bluous ». Augan qu'ey l'an de la cepère e que n'an carreyat taus marcats de que arresta lou gabe. Nou-t demàndi pas si as hèyt prése ? Permou que de boste ta nouste que-y a quauques lègues de cami e, de loegn enla, lou mey estros que-s pod banta d'esta adret e lou mey praube crida fourtune. Lou cepassè qu'ey drin coum lou cassadou ou lou pescadou. Ta counda las troubadures qui a heyt, n'a pas besougn d'ana coussira nat bahurlè ta-u ha corde. Que las se sab ha tout soul e que-y hè boune mesure. Que n'a troubat per débat las héus aròus mayes qu'il casau, que n'a amassât de grans coum u cére de barrique, qui abèn la came espesse coum ue caus de cassoure, que se n'ey tournât dab cordes ou tisteths qui aberén garnit ue arcade de bros. You tabé qu'èy heyt coum lous autes, que souy anat taus ceps, qu'èy courrut las castagnères, sautât barats, traucat passadés, e gahat quauque camise de sudou. U brespau d'aquestes, que troubèy lou me amie, Yantin de Tirehum, qui ahechabe las arrames de castagnè esbourrades per la bentoulère de l'aute die. Ne-u calou pas segouti hère ta alenga ïou batalh de la bouque. — Que cepat, si-m digou ? Nou n'y manque pas, nou, d'aquet saloupè e nou bat pas abé hère de galère ta-n trouba mey que la boste part. Mielhe que baleré nou n'y abousse pas tant ; — E perqué ? — Perqué ? Permou, coum disen, « An de cepère, An de misère ». Augan que ba esta plâ bertat, trop e tout. — Bam, bam, Yantin, que-t plagnes de besiadè. L'anade n'ey pas trop mâchante. — Que parlât adayse, bous ! Nou sabét pas plâ ço qui-s passe à la boutigue deus paysâs. — Toutu, que-y a abounde de tout. — Abounde, abounde, que n'y a dilhèu de ço qui nou caleré pas. Quoan aberé calut plouye, qu'a heyt calou, quoan aberém abut besougn de calou qu'a hounit de plabe. Tout que ba à l'arrèbouhi. — Toutu, qu'abét abut hé, e beroy tems ta-u heya ; qu'abét abut roumén ? �— 43 — — Parlém deu hé ? Las tourrades de l'ibèr que s'abèn minyat l'arradits. La yerbe qu'ère clare, lou pè n'ère pas neurit. Hères, ta l'ibèr qui bié, que s'at ban trouba e lou bestia que passeran quauquecop lou chapelet daban l'arresteliè. — Mes lou roumén qu'a coulât ? — Qu'a coulât, si boulét, e lou couyét sustout n'ey pas estât troumpiu. Mes, e-m bat dise, bous quin se pot que l'abounde que sie la misère ? Atau qu'ey toutu. Lou qui coumptabe ha quauques souricots en benen la récolte que ba abé u toupi de hum. Que-u ba calé balha per u beth nou arré ou lecha-u cussoa au graè. Per aco, lou pâ nou bâche pas d'u ardit. Que eau créde que touts nou-y perden pas à d'aquet coumerce. Mes atau que ba e qu'anéra l'ana deu mounde : lous abilles que biben au despens deus pècs. — Bam, Yantin, lou roumén n'ey pas lou tout. Be-y a d'autes causotes mey abantadyouses ? — Quaous causotes ? L'arrcdalh, dilhèu ? En mant'u parsâ, ta n'abé drin, qu'aberé calut dalha arradits. Hères qui n'aberén embourdat une pièle de. quintaus que n'an estrussat tout doy ue linçole au soulè de la borde. — E lou milhoc ? — Lou milhoc, augan, qu'en coumbiéni, qu'ère plâ partit. Mes, la bentorle de l'aute die qu'a a tout esbrigalhat, qu'a hicat lous cams de milhoc en coque. Quoans de cabelhs qui-s ban pouyri ! Abet yamey bist, bous ue bouhade parière de bén ? A nouste las cabelhères que soun partides decap ta las nubles, lou teyt qu'ey houradat coum u segounè, poumès e perès que soun desglarats de toute la irute, e espiat-me aquéste castagnère ? Que-b semblaré de béde u bosc deu coustat deu froun, pendén la guerre, au darrè d'ue mitraillade. Lou qui boulhe minya iroles que las paguera cares, ou que seré hère à dise. — Que eau créde, Yantin, que la daune que t'a heyt hère mau esdeyoa aquéste mati, ta que sies atau mau ensunat '? — La daune qu'ère tabé mau lunade. Qu'abè pourtat, dimars, pourets plà grassoutots tau marcat. Que-us se n'a tournais. Ne-u ne daben pas ta paga l'aygue qui s'abèn bebude. E, dab aco, n'a pas troubat nade bâche à las causotes qui abè à croumpa tau menadye. Aco que s'apère esta coum lou marchan courtés : que croumpam à quoàte e que beném à très. E sabét, bous, si s'y pouderam tiéne ? — Que créy que. quio, Yantin. Permou la mode de-s plagne qu'ey hère bielhe. Plouye e bentoulère, tourrades e sequère, que n'y a toustém abut. N'èy pas entenut dise que, per nouste, nat deus qui esperniquen la terre e-s sie encoère mourt de hami. Que t'at bireras, bèn, per aquéste cop, Yantin. Que-n tourneram parla. Tien-te boutoat. Amie Desestruc, qu'at bédés, en sercan ceps, om qu'amasse tabé quauque batalère. Tout que plée lou sacot. Adiu, e dinquio las permères. (Le Patriote des Pyrénées). L'ESBAGAT. �— 44 — LAS LETRES Quoàte Létres dou canourrye Tallez S'escribèm à bèts cops au cansoè d'arrepics e cansouns, qu'ère quasi toustém tad abé noubèles de Sarran (qui, ya-s pod dise, n'ère letràyre que quoan lou plasè) coum toutu, au tems de la Bouts de la Terre, puch quoan cousoum lous Reclams coum abèm besougn d'endiques, d'esclarides, que lou Directou de Salinis e poudoure balha soulet, que trucabem à la porte de Tallez. Per aquéste tour, en tournan de las hèstes dou Mount, oun coundam plâ qu'ère atau en tournan de las de Bagnères en 1928 qui perdoum lou nouste Sarran, que-ns agrade de causi u floc de létres calameyades d'ue escriture fine e tremoulénte per Tallez. Que. broumbaran quin èren touts dus ligats d'amistat e quin lou canounye Tallez e hou òmi de boune coumpagnie, e moudèste, e autan qui-n poudoure esta, serbiciau. I 17 de Heure 1910. Amie Camélat, Escusats-me ! Se-ts ey pas respounut de tire, qu'é pramou qu'aquéstes darrès dies qu'èy auut coéntes dinque au nas. Que-m soubéngui plan de-ts aué proumés à Salies coundes e cansouns end ou boste nauèt journau : La Bouts de la Terre. Prouméte qu'es un; téngue qu'e dus e hère mey mau-agit. Toutun bouderi pas que-m prenoussits per mey gascoun que ne souy. Tabé que-ts embii dues cansouns. Chens musique, sabets, ban pas balé lou diable e seran pas, que n'èy pòu, arré de miraglous. A bous de bése se-ts en podets serbi. Que-ts e las dau de boun co. Hèt-ne ço que boulhits, arrabes ou caulets, coum disen à nouste. II Auch, lou 2 de Julhet 1911. Amie, B'ats plan rasoun ! Parla, canta, arrise e ha arrise, aco qu'où ba à l'amie Sarran me tourna respounse à las létres qui recéb, bechies ! coum disè Faute. Que tirerén nieylèu un escut de cinq liures de la bourse de Cresus qu'ue respounse dou soun escritòri. N'èts pas lou prumè qui s'è birat decap à jou, auloc d'et ende aué rensegneméns. Dounc, oerats ço qui-m cargue de-ts dise : — Quines obres a hèyt legi engoan ? — La Mirèio de Mistrau, Mous Soubenis de Yansemin, La Bouts de la Terre, Lous Reclams, Ere Bouts dere mountague, lous Armanacs, lou d'Auch e lou de Pau. — Quines cansouns a hèyt canta ? — Quauqu'ue de las mies, e d'autes tabé, poupulàris : — Quins deués a hèyt ha en gascoun ? — Nat. Lous souns drolles qu'an d'auts trabalhs à ha, e se per cas ous boutauen à escriue en gascoun dabuns que-y perderén tems e hère. E lous parents, en propi, e lous proufessous dou Lycée, sounque belèu mous de Sarrieu, que crideren à darrouca parets. Toutun, pendent las bacances, qu'é raie que j'auji pas quauque escouliè d'ous qui bénguen d'esta recebuts bacheliès, qui ne sagi pas de çounda ou �— 45 — d'arranya en bers quauqu'arré. L'André Semeilhon qui ats courounat que j'a dus ou très ans à Salies, erési, ou sabi pas oun, qu'ère d'equets. Que gn'a e que gn'aura encoè d'autes qu'espèri. Toutyour e de tout co à boste serbici. Lou prumè bolume de las obres de Couture que ba esta lèu près, qu'aura mes de milo pajos (1). III Nimes, lou 8 de Julhet 1913. Coum bous que plouri e que plourerèy loungtems lou brabe amie que benguén de perde. Quoan e mort n'èri pas à Auch, qu'èri à Paris en biàdye. E desempus hèy pas que courre e ne sàbi pas quoan pouyrèy tourna enta nouste. Aci pôdi pas ha gran cause : Paréns, amies, besites à ha ou à recébe. Que se-m minyen tout lou tems. Toutun per thic que-m dèchin de lésé, que-ts prouméti de-ts embia enta la Bouts de la Terre quauques lignes à l'aunou de Mous de Laclavère qui-ns a dechats ta biste, hère trop biste. Mey que digun qu'où déui de dise coum Paymàui e coum s'at meritaue. IV Estang, 19 d'Aoust 1913. Que souy aci dempus jasé. Auant de-m gaha à las coéntes qui m'aténden e qui-m ban ahurbi pendén touts aquéstes jours, qu'èy boulut tengue la mie proumésse. Qu'ey dounc hèyt en courre aquéste matin l'article per l'abè Laclavère e que-ts e l'embie de tire. S'en podets (tira) quaucoum de boun, tant miélhe. Se j'a quaucoum à cambia, à tira-n ou a apessa — e qu'en y deu aué — disats au Cascarot (1) de tira, de cambia e d'apessa coum boulhits, e d'aparia tout au miélhe. A banlèu à Auch (2). V Auch, 14 d'Aoust 1927. N'èts estounits pas, lou men amie, se ne-ts èy pas encoère remerciât de ço qui ats dit de ta beroy, de jou e de las mies cansouns. Lou darrè numéro dous Reclams que s'ère esbarrit, e ne j'a pas que quoàte ou cinq jours qui ey poudut legi lou boste article. Urous seri se meritaui la mitât dous coumplimens que m'ats hèyt. Me, praube de jou, que s'en eau, e de hère, que sii dou sabént, lou troubàyre e lou musicàyre qui ats bantat. Que crési toutun d'aué pla escasut ço que boulèy ha : cansouns poupulàris qui truquèssin au co lous brabes paysans de nouste qui, au mens quauques uns saben pas A ni B. Aco qu'é prou ende la mie glôri. Que m'a calut, qu'at ats sabut belèu, ha-m coupa ue came que j'a très semanes, e desempus que souy clauerat ser un fautugn chens poudé boudya, tabé pouyrey pas ana à l'amassade de Riscles (3). Que-m hè do, pramou qu'auri auut gran plasé à béngue sarra la man à bous, aus amies Palay e Daugé e aus auts que seran aqui. Perdounat-me la mie escriture, la man que-m tremble coum sèy pas que, e que sémbli un nèn qui aprén à ha las létres. VI 16 de setéme 1928. Ah, lou men amie, quine triste noubèle ets béngui anounça ! Lou nouste praube Cascarot, qui ère arribat ja sé de boste, qu'ey mort... Quin malur ! Quin malur ende sous amies, ende touts ! Coume at podets debina qu'èy lou co plen de do e lous oelhs de plous. La ceremounie de l'enterromen que-s deu ha dimars matin, qui sab se pouyrats béngue ! �— 46 — VII 15 d'Abriu 1930. Lou men amie, Hère boune la boste pensade de nou pas decha passa lou centenàri de Léonce Couture, chens balha un adichats à la soue memòrie. Jamé ne parlaran trop d'et quan seré pas qu'end'ou mucha en exémple. De segu que souy tout dispausat à tribalha à ha-u aunou, pramou tout ço que sàbi e ço que souy — se souy quaucoum — qu'es à et qu'at déui. Me que dise d'et que n'aujin pas dit encoère ? — Que ha ? Bercets ? N'ey eau pas pensa ; m'en pòdi pas tira nat dou cap. Soubén, au lheyt, qu'an poudèy pas droumi, qu'èy sajat d'arranya de petits rematoères ta l'Armanac, n'ey souy pas jamé arribat. Que boulets ? Lou men barricot qu'é boeyt e que souy au cap de l'acabide. Toutun, que beyrèy de-ts embia, quan seré pas que très ou quoate causilhotes sinnades dou men noum, puja qu'ey tenguets. PAUL TALLEZ. * * « Per u cop, lou canounye, cargat d'anades, nou tienè ço de qui abè proumetut. Dus més despuch d'aquére létre, Diu qu'où s'aperabe e qu'anabe, acera capsus, yunta-s au mèste Couture e aus sous grans amies Laclavère e Sarran. M. C. (I) Lou soul qui aye encoère poudut paréehe. Que hou aprestat e publicat per lou becari-yencrau Laclavère. ('ì) Qu'ère labels en bacanees en Arrens, <lab ue troupe dous sous eseouliès. (3) L'Escole Gastou-Febus qu'y debè ha la soue amassade annau. .c! — gtaag^— —,, LOUS LIBES Lou Dicciounàri. Las rebistes rapidités que parlen toustém dou Dicciounàri dou nousie parsâ, autant per France que per l'Estranyè — e Ihèu men à VEstranuè qu'à France. Atau qu'ey loutu ! Que s'y pot da per esplic qu'à l'Estrangè las lengues roumaines que soun met] estudiades e per tney de mounde qu'aci ; sens boulé dise qu'eu ue bergoutjne entaus Francés — que. sabém, las ! à que tiéne-s'en sus l'esprit dous qui soun eargais de redui l'ensegnamént per Paris — que-s pot toutû regreta qu'en sie atau. Merquém doungues dab plasé lou permè article pareseut en ue rebiste francése — au mens au nouste sabnt — ; qu'eu de la plume dou nouste sapiént e baient counfrag, moussu Ion Prcufessou Gavei, e qu'a parescui liens las Annales du Midi, qui-s publiquen à Toulouse despuch quarante-chegs ans. Aci qu'eg lou dit de mous de Gavel : Dictionnaire du Béarnais et du Gascon modernes (Bassin de l'Adour), par Simin Palay, Majorai du Félibrige, avec la collaboration des félibres de l'Escole Gastou Febus. — Ce livre était impatiemment attendu de tous ceux qui s'intéressent aux dialectes méridionaux ; il ne décevra point leurs espérances. Il est le fruit d'un labeur considérable, patiemment réalisé par l'un des hommes qui connaissent le mieux toutes les variétés de la langue gasconne. L'auteur n'a pas cherché à faire autre chose qu'un dictionnaire : sauf en des cas très rares où il y avait intérêt à mentionner l'origine de certains éléments, il s'est abstenu des considérations étymologiques, et il convient de le féliciter de cette réserve, que d'autres lexicographes n'ont pas toujours assez pratiquée. Son information en matière de vocabulaire est d'une richesse remarquable. Les explications sémantiques sont simples et précises, les exemples bien choisis et pertinents. �— 47 — En matière orthographique l'auteur n'a point cherché à innover ; les graphies adoptées sont celles de l'Escole Gastou Febus. Un point épineux était celui de la transcription à adopter pour l'ancien a post-tonique. On sait qu'il présente aujourd'hui, en Gascogne, trois prononciations différentes suivant les régions : un a parfois très pur, comme à Pontacq, parfois altéré comme à Lourdes ; ailleurs un son de o ; ailleurs encore une articulation plus ou moins analogue à celle de l'e caduc français. Sans doute il serait à souhaiter que la vieille graphie a fût remise en honneur, comme le fait M. J. Bouzet dans son excellente petite grammaire béarnaise ; mais dans l'ensemble du domaine gascon, il ne semble pas que les esprits soient, jusqu'à présent, suffisamment préparés à cette restauration de l'usage ancien ; aussi M. Simin Palay a-t-il jugé prudent de s'en tenir à la graphie e. Mais il a eu soin, pour éviter toute confusion avec l'e fermé post-tonique, de marquer celui-ci d'un signe diacritique, précaution que ses devanciers, ainsi que les,écrivains béarnais négligent trop souvent. L'ouvrage se recommande non seulement par la valeur du fond, mais encore par le soin que la vieille maison Marrimpouey, de Pau, a apporté à l'impression. En menant à bonne fin ce labeur énorme, M. Simin Palay s'est acquis des droits à la reconnaissance profonde des romanistes. On ne saurait trop louer le désintéressement avec lequel il lui a consacré tant d'années de travail, car malheureusement les œuvres de ce genre ne rapportent à leur auteur aucun profit matériel : il est consolant de penser qu'il existe encore des âmes assez nobles pour que l'amour de la vieille langue ancestrale puisse leur inspirer d'aussi généreux sacrifices ! H. GAVEL. ■a- — *SSZ(& —' »■ PALMARES DOUS YOCS FLOURAUS de ig3<4 POÉSIE 1" Prêts : Medalhc d'aryent, auheride par Mous de Milliès-Lacroix, senatou de las Lanes, à M. Théo Caillabère, d'Arrens en Bigorre, per VAmountagnade. 2»u prèts : A M. l'abad Saint-Bézard, à Lagraulet en Armagnac, per Las très pas tour os. Mencioû d'aunou : A M. Bernède, d'Acs, per Lou salut d'un Troubadou. Mencioû à Madamisèle Denise Boques, de Gabarret (Lanes), per las soues poésies. COUNDE EN BÈRS Prèts : M. Bernède, d'Acs. PROSE Ie Prêts : Madamisèle Robert Barrère., reyente à Gabarret (Lanes), per lou sou counde La Moantagne berde. 2AU Prèts : XX., d'Ayre sus l'Adou, per Lou Louiset e lou Bertrauoun (counde). TRIBALH CRITIC Prèts : M. l'abat Saint-Bézard, per Lou canounje Tallcz. BECIT DE BIADYE Prèts : M. Estièni Catalan, d'Arrens, per Ai arrebat d'et sou. TEATRE Mencioû d'aunou : X., per la coumedie La Cigale de Gascougne. �— 48 — COUNCOURS DE LAS ESCOLES PRUMERES MAYNATS DOU e CERTIFICAT au I Prèts : A/eu, Jean Dupouy ; 2 Prèts : L'Ausèt, Jean Condut. Mencious : Lou bilhet de la louterie, Jean Pargade, et Cabbat lous pins, Denise Roques. COUPIES e I Prèts : Claude Barrère ; 2aa Prèts : Olivier Pierre ; 3au Prèts : Christian Lafon. Mencious : André Ducos, René Sourbès, Jean Moné, René Cazade, Jean Maille, Jean Lugat, René Pargade, Jean Faget. Touts de l'Escole de Gabarret (Lanes). COUNCOURS DE LAS ESCOLES SEGOUNDARIS TRADUCCIOU DE BERYÈLI (Eslhèbes de 2au e de lr") Prèts, ex-œquo : Roger Clos, de Nay ; Jean Laban, de. Bétharram. Mencious d'aunou : Bernard Prat, de Garaison ; L. Costedoat, de Moncade ; A. Hitau, de Bétharram. Mencious : A. Peyroutet et H. Camus, de Nay ; M. Cazaux, de Garaison ; J. Crabé, de Bétharram ; A. Sahuqué, de. Moncade. (Eslhèbes de 3au) J.-B. Hourcade, de Nay. DlSCUSSIOU ENTRE U PASTOU E U PAYSA Prèts, ex-œquo : J. Crabé, de Bétharram ; Roger Clos, de Nay. Mencious d'aunou : J. Couture, de Moncade; A. Hitau, de Bétharram ; Louis Garrot, de Nay. Mencious : L. Mounicou, M. Caperet, A. Peyroutet, de Nay ; Ch. Tauzia, de Moncade. (Eslhèbe de 3au) Prèts : R. Recaborde, de Nay. Mencious : X. Jusaux, A. Barrère, P. Sebé, de Moncade ; J.-B. Hourcade, A. Fonda, de Nay. COUNDE ENQUÊSTE GRAMMATICALE Prêts : Louis Garrot, de Nay. Mencious d'aunou : J. Arriat, de Bétharram, A. Peyroutet, R. Cazaux, de Nay. Mencious : L. Morlaàs, L. Bergé, M. Caperet, R. Recaborde, M. Hourcade, A. Fonda, de Nay, M. Pomès, H. Camus, L. Hourrègue, de Nay. Hors-Councours : Roger Clos, de Nay. NOTA. — Nou y a pas abut d'augan councours de musique ; lous mandadis n'an pas poudut, en counsequence, esta classats. Lou Capdau : L'Emprimayre Mèste en pè : SIMIN PALAY. E. MARRIMPOUEY. � Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Patrimoine écrit occitan:périodiques Description An account of the resource Ce set contient les périodiques numérisés par le CIRDÒC issus des collections des partenaires d'Occitanica Revista Item type spécifique au CIRDÒC : à privilégier Région Administrative Aquitaine Variante Idiomatique Gascon Aire Culturelle Gascogne Type de périodique Revistas d'estudis localas = Revues d’études locales Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Reclams de Biarn e Gascougne. - Anade 39, n°01-02 (Octoubre-Noubémbre 1934) Alternative Title An alternative name for the resource. The distinction between titles and alternative titles is application-specific. Reclams. - Annada 39, n°01-02 (Octobre-Noveme 1934) Subject The topic of the resource Félibrige Gascon (dialecte) -- Périodiques Littérature gasconne -- Périodiques Histoire locale -- Gascogne (France) Description An account of the resource Reclams. - octobre-novembre 1934 - N°1-2 (39e Année) Creator An entity primarily responsible for making the resource Escòla Gaston Fèbus Source A related resource from which the described resource is derived <p>Bibliot&egrave;ca de l'Esc&ograve;la Gaston Febus</p> <p><br /><a href="http://www.reclams.org/" target="_blank" rel="noopener"><img style="height: 97px;" src="http://occitanica.eu/images/omeka/gaston_febus.jpg" alt="" height="97" /></a>&nbsp;</p> Publisher An entity responsible for making the resource available Escole Gastou Febus (Pau) Imprimerie de Vignancour (Pau) Date A point or period of time associated with an event in the lifecycle of the resource 1934-10 1934-11 Relation A related resource Vignette :&nbsp;<a href="http://www.occitanica.eu/omeka/files/original/e472a8c919c77eed6b76d1205b58246f.jpg">http://www.occitanica.eu/omeka/files/original/e472a8c919c77eed6b76d1205b58246f.jpg</a> <a class="link_gen " href="http://www.sudoc.fr/039860345" target="_blank" rel="noopener">http://www.sudoc.fr/039860345</a> Is Part Of A related resource in which the described resource is physically or logically included. Reclams de Biarn e Gascounhe&nbsp;<a href="http://www.occitanica.eu/omeka/items/show/2019">(Acc&egrave;s &agrave; l'ensemble des num&eacute;ros de la revue)</a> Format The file format, physical medium, or dimensions of the resource application/pdf 1 vol. (48 p.) Language A language of the resource fre oci Type The nature or genre of the resource Text publication en série imprimée Identifier An unambiguous reference to the resource within a given context <a href="http://www.occitanica.eu/omeka/items/show/2908">http://www.occitanica.eu/omeka/items/show/2908</a> INOC_Y2_15_1934_10-11 Rights Information about rights held in and over the resource Domaine public/Domeni public License A legal document giving official permission to do something with the resource. Certains droits réservés Temporal Coverage Temporal characteristics of the resource. 19.. Date Modified Date on which the resource was changed. 2016-06-23 Contributor An entity responsible for making contributions to the resource Camelat, Miquèu de (1871-1962) Lamazou, Clotilde de Larrieu, J. Palay, Simin (1874-1965) Laborde-Barbanègre, Manuel Sequère, Guiraut de la Pucheu, Zarbié de Daugé, Césaire (1858-1945) Boudon, Etienne Courrèges, A. Rohlfs, G L'aute L'esbagat Gavel, H. Marrimpouey, E. Occitanica Jeu de métadonnées internes a Occitanica Portail Le portail dans la typologie Occitanica Mediatèca Sous-Menu Le sous-menu dans la typologie Occitanica Bibliotèca Type de Document Le type dans la typologie Occitanica Numéro de revue Contributeur Le contributeur à Occitanica Inoc Catégorie La catégorie dans la typologie Occitanica Documents Patrimòni cultural = Patrimoine culturel