https://www.occitanica.eu/files/original/f4daf2984a494aa077fe51ce9dd83724.jpg 146999704fb8c137a5a2c14612a7e431 Omeka Image File The metadata element set that was included in the `files_images` table in previous versions of Omeka. These elements are common to all image files. Bit Depth 8 Channels 3 Height 1131 IPTC Array a:1:{s:11:"object_name";s:14:"1911 15e Anade";} IPTC String object_name:1911 15e Anade Width 1696 https://www.occitanica.eu/files/original/b2cd2f6970f34f3b9a457cedf80a7be9.pdf 0175fdaa82e0d40af7f3a00466946e31 PDF Text Text Yenè de 1938 42»u Anade ■rï =i> ~ 1938 Sus lou lindau de la 42au anade de l'Escole Gastou Febus, lou Capdau e lous Membres dou Burèu que manden à la Reyne e à touts lous Counfraj's û sarrot de bots e de coumpliméns. 1937-1938 S'ous arrepics de las campanes de Nadau, Ta la Terre que s'ey encaminat l'An nau, E l'amne ubèrte à la splendon d'aquet mistèri, U cop de meij, Vomi que dit au Temps : Qu'espcri ! Si lou temps empassible, abùgle, mut e sourd, A ta d'et lou dura qui-s trufe de la mourt, L'òmi que bat e que s'abie e puch que passe couru â 'sclat de lugrâ qui rande û drin l'espace. Mes si, p'ou cèu escu, d'aquet arraij lambét, Arré nou demoura, quauqu'oelh qui l'espiabe qu'en sabera goarda, toutû, lou tras escrét. Diu boulhe, òmi qui-n bas cabêns la bite nabe, Que dèches, en passant, coum l'arraij dou lugrâ, U soubeni qui, per delà tu, bibera ! SIMIN PALAY. ESPLIC DE MOÛTS. — Lambét : mince — Escrét : pur, blous. �LOU DEBIS DOU DINERE Coum at decidaben lou dimèrs de Pasques darrères, l'Escole qu'a countinuát de persegui lou soû ana e, à maûgrat granes despénses uabères, que s'at a birat. Las soubres de l'an abans que-s soun demourades sancéres e medich quauques-ues que s'en y soun hournides. Que poudém doungues béde à biéne l'anade 1937-1938 chens nade pou, e que eau espéra que nouste emprimàyre noû mantienera toutes las augmentacioûs d'oun èm miassats. Atau la coutise de bint Hures que poudera paga lous noustes débuts. Qu'abèm escribut quauques cragnénees aus Reclams de mars, toutû permou de la sanetat de l'obre e de las ayudes qui recéu de touts estréms, permou de la counflénee que lous Escouliès an dens lous gabidàyres desinteressats e ahoegats, e de la loue fidelitat, qu'abém poudut paréche cade mesade couine abans. Coumptat sus la taule de l'anade passade lou noumbre de redactous de nouste Rebiste ! Qu'en y-a sichante-e-oeyt. Si troubat ue publicacioû mesadière felibrénque dab autandes de calams, qu'aberat û gat dab nau coudes. E ço de mey curious qu'ey que noû bolen pas esta bantats. Acountentëm-lous pusqu'at bòlin atau. Nou-ns empacharan pas de pensa enter nous : N'an pas besougn bantorles, mes coum lou boû bî, que-s banten touts soûls. E labets à qui eau remercia ? Qu'en y-a hères. En penné aus 485 counfrays qui an pagat la coutise e sustout aus 302 qui nou la s'an pas hèyte demanda. Aquéres escritures soubrancères, aquére courredére ta l'oustau dous messadyès nou soun goayre agradibes tau dinerè. E tau Recebur de la Poste dounc, de quine tempourade hastiouse ey l'encause ! Quoan me bed dab lou paquetoû de papès, be-m hè plâ beroy arcoelh, mes qu'endebini la soue pensade. Que-s deu dise : « Aquéste que m'en ba ha minya candéle ! » E, de mey, qu'en coste dinès. Nou sabét que la dinerole qu'a pounat augan passât 232 fr, 40 de très de recrube. Amies, counfrays qui-m leyit, que b'en prègui, si quoan leyit aço n'abét pas encoère pagat la coutise, quoan passe lou factur, dab û chèque-poustau Bourdèu, 34-321, embiat-la detire. Qu'estaubiarat tribalh abeyiu, escuts à la dinerole, e encoère û cop, dou houns dou co, lou Dinerè que b'en dits gran mercés ! Sus aquets 485, qu'en y-a 65 de nabèts. L'Escole qu'ous a arcoeIhuts dab gran plasé, e la soue campane qu'a tringuereyat gauyousemén coume à la glèyse quoan û maynat e debién crestiâ. Mercés aus recrutàyres de l'Escole. B'en y-a tabé beroy escabot. Nou-s podin noumenta touts à d'arroun. Balhém toutû ue mencioû au suber-capdau Mous de Daugé, au Pesquitou, à Zabiè de Puchéu, au Crabè de Mountmartre — escusats que s'a cambiat la blouse e que-s hè apera are Yan-Pèy d'Escanecrabe — que las hè pèche, las �— 75 — crabétes, s'ous bords de l'Adou. Hiquém lou noum dou baient Yan de Maupoumè e dou brabe Yan de Medebièle, aussalés esbarrit capbat Paris. Perma ! 40 counfrays que-ns an quitats. Quauques-ûs dab l'ahide de tourna, d'autes per toustém. A touts e sustout aus qui partiben ta l'aute mounde, qu'ous goardam ù fidèu e courau soubeni. La coutise à 20 liures, e meylèu l'encaride de la bite que soun estats l'encause d'ue diminucioû dens lous doûs boulountàris. L'an 1936 que y-a pla 56 counfrays qui abèn dat mey que lou début. Auganasses, lous dounatàris que-s soun achicats. Qu'en y-a toutû 24. Qu'ous debém û mercés, e medich qu'ous noumentaram. Que soun : Daunes : Coustet e Lalanne; abats Daugé, Bégarie, Laffont, SaintBezard, Veisse; MM. lou courounèu Ballé, lou président Berard, Bourdéte, Chalas, R. Chapon, Courtiade, Desclaux, Dessarps, Dufourcq, Lacaze, Lasserre-Capdebile, Latourréte, Marquassuzaà, Marrimpouey, Maumus, Mounguillot, Sequè. Que seré ue manque de noû dise que mantû amie que pague ta û, ta dus d'autes amies e atau là nouste listre. qu'a mey d'endoum. Ue manque de las bères tabé que seré de nou dise que las hèstes de Tarbe qu'an engrechat las arrodes. Touts lous Parlamentàris de Eigorre qu'an respounut d'abounde à l'apèu dou Capdau taus Prêts dous noustes Yocs flouraus e numerouses soucietats de cantàyres, de Tarbe, de Pau, de Saubeterre, de Campa, de Rabastens, e d'autes coumpagnous qu'an aydat à las ha suberbères. Are que b'èy à dise û segret. U amie qui, de coustume, e, largue lous courdoûs, qu'a balhat en û cop cinq cents liures. Nou bòu pas que-s sàpie, que cararam lou soû noum; toutû, ne credét pas que seré yuste de bouta sus la dusau payé dous Reclams, après la liste dous plafactous de l'obre défunts dues nabères arréques ? Ue que seré la dous Membres perpetuaas, oun e.scriberém lous qui dan cheys cent liures, e Faute la dous Membres d'aunou, oun serén lous qui prénen abounaméns à 50 liures per an. L'idée qu'ey lançade. Nou semble ni hole ni pègue; que-s pot toustém arcoélhe e discuti-s. Que bouleri tabé dise quau ey lou sentimént dous noustes counfrays à perpaus dous Reclams. Lou dinerè qu'ey pla plaçât tau counéche. Lou dembès dous chèques-poustaus que parle. Escoutats aquéstes probes d'amistat qui chourren d'abounde tau dinerè. Qu'en ey tout esmudit. Lous bermelhous qu'où ne baden à las machères e Parrisoulét aus pots : « Coumpliments amistous — Bou soubeni — Santat que-b sie e loungademens ! — U hèch de mercés — Diu boulhe que pousquit tiéne loungtems la nouste dinerole e credét à la mie sancére e franque amistat. » De tout aquero, mercés amies ! E à l'adrésse de l'Escole dounc, las laudous que plàbin. E quin parla beroy ! Leyit senou : « Que m'ey agradiu de-m dise toustém amie fidèu de l'obre ! — Serbitur de la nouste bère Escole ! — Escoutissoun per la valento Escolo Gastoun-Fébus osco ! — Legisse toujour lous Reclams dab lou mey gran proufieyt — Loegn dou Biarn que-m sera bèt plasé de recébe la bouts de la Terre mayrane dab lous Reclams ! etc.. » �— 76 — Enfìngues, acabém lou debis dab aqueste clam de. û animadou de nouste so, la balénte Académie Gascoune de Bayoune : Ribe l'Escole è lous RECLAMS ! A trubès lous prats è lous çams, Semiém In semence d'éley ! Qu'en demourara quauqu'arrey. COUMPTE DINERÈ DE L'ANADE 1936-1937 I. _ RECEBUT Coutises Dou de M. de Sardac, mayre, Leytoure Dou dou Sendicat d'Initiatibe de Leytoure Bente d'ensinnes Ristourne per la Mantenence de Biarn è Gascougne Bente de « Reclams » Couperas Interès dou liberet de Caisse d'Epargne Ànounces Dou d'û «Amie de l'Escole» Soubres de las hèstes de Tarbe 10.027'05 100 » 50 » 50 » 40 » 2 50 99 85 143 » 100 » 500 » 1.000 » En tout 12.112 40 II. — PAGAT A l'Emprimàyrc Près de recrube Coutise à la Soucietat de Bourdèu Croumpe d'u nabèt reyistre Timbres de poste Despénses dou Capdau Très escots d'embitats au banquet de Tarbe 9.299f80 232 40 31 » 42 » 106 40 200 » 66 » En tout..... 9.977 15 Soubres 2.135 25 YAN DE NABETHS COUNFRAYS MM. Baylacq, château de Lucq, St-Faust, par Jurançon. Pataà (abbé), curé doyen, Morlaàs (B.-P.). TUCAT. �_ 77 — LOU COURNE DOUS POUÈTES DOULÉNT SOUBENI Pouesie dite daban la Pèyre sacrade de Mourlâs tau Coungrès dous Goumbatants dou 21 de Noubémbre. Que y-a bint-e-tres ans, per maladit brespau, d'aquéste carnpaniu trenibe lou metau, dab batalhs enhouliats que cridabe : La Guerre !... Que cale dounc parti ta defénde la terre ? IJOUS paysâs que dechèn de bate lou ronmént. Ah ! qu'esté, ta las maijs, û tarrible mouménl, cos herits, esglasiats, praubotes, que plouraben; ploura mes que poudèn, campanes qu'aperaben; l'ayre qu'ère empousoat, per malurau danyè, que calé tiéne cap au tum de l'estranyè. Qu'at calou tout decha : Diu que sab, ço qui-n coste ! — Bèn ! que tournarèy lèu, ne ploures pas, mamâ, si disè bèt hilhot (oh ! crùde lendoumâ /) Omis hèyts, bèts gouyats que bachaben la coste, lous oelhs drin engourgats, mes, abans tout, Biarnés ! N'estén pas lous darrès, lous balents Mourlqnés. Ta tourna lèu ?... Qu'estén mey de quoàte ans d'esprabes, à bibe dab pedoulhs, enhounsats per las grabes; las urpes de la Mourt chens ces daban lous oelhs, entutats p'ous assès, chens cèu blu, ni sourelhs. — Que y-a dèts-e-nau ans, lous canoûs que-s caraben e lous peluts, lous Mus, per Mourlâs que-s coumptaben. (Aci qu'an hèyl l'aperet dous défunts.) E dounc, quarante-e-oeyt, per toustém que mancaben. Be sabet quin mourin, bous-auts, lous rescapats ? Tout à l'aunou, de part daban chasclats, traucats; e qiie-b dèchi pensa quoan cluquèn las perpères, decap oun s'en anèn las pensades darrères d'aquets quarante-e-oeyt qui bieném saluda, martirs ! Decap au cèu l'amne que-s tremuda. Que soun mourts ta la Pats e que s'en eau soubiéne. A l'aunou de taus mourts, abachém lous drapèus; au pious soubeni, demourém touts fdèus; se-s mourin enta nous, espiém ta l'Abiéne, lusin sénse houlie e chens bram dous canous : Siam d'amistat ligats dessus aqueste terre, aubrin lous noustes cos à tout ço d'amistous atau que seram horts, prou t'aucide la Guerre ! YAN DE GUICHOT. �MOUNDE E CAUSES DE NOUSTE LENGADO E GASCOUGNE dens la GERUSALEMNE LIBERATA de Torquato Tasso Enta Andrèu SARRAIL. « Hère saye, hère escadude, hère nouble l'esley dou sudyèc de la Yerusalèm liberade e dinne d'aquet maye esperit qui sabou councébe quauqu'arré couine û pouémi uropeâ. » Atau e dits Leopardi dou pouète. de Ferrare. U pouémi uropeâ, urouse trobe enta défini î'interès d'aquet cap d'obre oun cade Pople latî se pot escade la care goerrère de l'û ou de l'aute dous soûs capdaus antics. * * * Las noustes terres de France qu'embièn à la Permère Croutsade usquoandes caps beroy couneguts : Hugues de France, Roubert de Nourmandie, Boemoun... Arramoun de Toulouse, lou mey pouderous per las tiénses e lous bassalhs e « qui hé lou bot de nou tourna yamey ta la Tasque enta goarda ço qui de bite e-u soubrabe à tuma lous Inlidèus l. Que y'èren d'autes gascoûs : Arramoun de î'Isle-Yourdâ, Gastoù de Biarn dab Ion sou hilh Centot, Bouyè coumte de Fouch, Amanieu de Labrit e d'autes. Que disen que Gastoû de Biarn sounque dab lou seguissi de trénte cabalès, que bedou lou !>èt permé las tours de Yerusalèm. Quoan cintèn la bile, qu'estou encargat de las enyibanes de goèrre e que preguèn aquet magnifie e jénee segnou de da-y toutes las atencioûs ». Lou bescoumte nouste e Amanieu de Labrit qu'estèn lous permès à puya sus las paréts de la Ciutat santé, desarroueades per las machines dou Biarnés. N'ey qu'à Gastoû, òmi liberau e boû taus bençuts, qui-s bouloun susméte lous darrès mourous qui emparaben lou Temple : lhèu permou d'abé empachat lou massacre de las hemnes e dous bielhs. * * * Torquato Tasso que mentau dab hère d'aunou Gastoû de Biarn e lou soû hilh Centot (Ge.ntone en italian). De mey, qu'embénte, que hique dens l'arou dous segnous, ù gascoû nabèt, aquet Bambaldo ou Rimbaldo que nat texte, nade note dous saberuts n'esclarech. 1. liéde lous istouriâs Don Vaisscttc, Marca, Monlezun, etc., c tabé Mourte e Bibe, de Camelat (paye 189). �79 — Gnaute cause : suban lou pouète, lou capdau unie dous gascoûs qu'ey Arramoun de Toulouse. Audits quin ne parle : U cop passats lous cabalès, oerats La yent de pè : Ramoun cap-dabantéye Toulouse qu'ey ad et, e qu'esleyou Enter lous Pirenèus e la Garoune E l'Ouceâ, quoàte mile goerrès Armais, enstruits, hèyts aus mau-parats Roû mounde soun e yénee capitàni Nou pouderén abé ni hort parié. (Cant I, bers 480-488.) Aquére simplificacioû qu'ère boulude, lhèu, enta unifica lous materiaus e pourga lou briu dou pouémi. E doungues, Arramoun que tienera hens l'obre lou rolle de counselhè abisat, toustém counsurtat, quauqu'arré coum lou Nestor dens l'Iliade mes û Nestor crestiâ. * ** Au cant V, lous Sarrasîs que manden aus Crestiâs la yoéne e alihèrre princésse Armide, dab sourcierùmis e encantaménts que debera sedusi lous capdaus prencipaus. Que-s presénte coum pribade dou soù reyaume e que-s hè segui, enta recounquista-u, d'û ahoalh de cabalès crestiâs. Que-y soun : Gastoû e Centot, e lèu, la yelousie que ba part-bira aquére troupe. Lou mey ahoegat de touts qu'ey Rimbaut de Gascougne (Rimbaldo de Guascogna). Aquéste caddèt qu'a ta s'y ha, et tabé, au ras d'Armide, lou Hustach (Eustazio), mes la maline qu'ous apatse e qu'ous s'en amie touts hens û Palays encantat. Aquiu, entaus amucha lous soûs poudés, qu'ous hè bàde péchs, puch û cop tournais omis qu'ous engadye à-s hica de la ley de Mahoumet. A maugrat de proumésses, de gays e de richesses, touts qu'où dan lou denoû, sounque lou nouste Rimbaut de Gascougne. Talèu qui at sàben, lous crestiâs que manden à Tancrède ta castiga lou rènegat. Lou cant VII (bèrs 245 à 365 —- 120 arréques) que-nse counde la hèyte. Tancrède qu'arribe au rie dou castèt d'Armide. Rimbaut que parech : Tancrède lèu que tourne préne hide E recounech las armes, lou parla. Aquet qu'ère Rimbaut, lou de Gascougne, qui partiscou dab Armide e puch que-s hè pagâ permou d'Ere, e goerréye enta 'mpara lou créde mauhasèc. Dinque à bouque de noeyt, lous dus segnous que pataquéyen toutû qu'Armide, dou soum de la tour, que seguech lou coumbát : Au soum-sus, Armide assedude Que bed e qu'entén sénse este biste. Enflngues, per ue broucherie de la Reyne mourisque, lou gascoiii �— 80 — que trioumfe dou crestià. Tancrède que cad dens û clot nègre oun lou bouten seps aus pès e aus pugns. * * * Care misteriouse la d'aquet Rimbaut, de Gascougne : Creacioû natre, de l'esprit escusèc e grandous de Torquato Tasso, creacioû mench counegude que la d'Herminie ou de Arnaut. Quin se hè lou curious encantamén ta qu'aquet gascoû e debiéngue renégat ? Quin í'embésque la ley ourientau de Mahoumet ? Aquet cercàyre de yoye (fui causech meylèu l'amou que lou debé, qu'a, si-m sémble, û sentit Barresièn, abans lou tems. Que pot ha de s'ahouni dens lou gourg dous renègs quoan e-y troben l'amou e la sabou de las ores ? Boulcntat d'òmi, hère umane, amne carnau, simbole lhèu. Aco qu'a boulut créa lou pouète italian e tout cadû de nous auts qu'y pot recounéche lous soûs falhiments... * * * Que sera doungues û gn'aute hilh de las Terres d'O, Arramoun de Toulouse, qui castigara l'enyaulante Armide. e lou soû esclabe Rimbaut. Per maie sorte, Argant loctenént de la Reyne, que cargue, glàdi haut, lou bielh capdau e ue bire de la goerrère Clorinde qu'où dèche herit. Lou Tasse qu'a hèyt baie magnifiquemén la mustre cabalère dou coumte de Toulouse e qu'en parla coum aço lou lou Godefroy de Boulhoû : O biu miralh de la balou antique, la yent nouste Boulhe segui-t ! En tu, lusech de Mars L'oundrade discipline e la sapiënce. * * * Qu'en ey dous cabalès crestiâs qui nou bolen renega e que l'Armide e mandabe presounès au Prince de Damas ? Que seran desliurats en camî p'ous Croutsats. De Centot, de Gastoû, de Rimbaut medich nou-n parlaran mey. * L'assaut ultime à Yerusalèm que s'anabe da. Godefroy de Boulhoû qu'abè hèyt lou *ot de-s bate coume û simple òmi de pè. « Mes, si-u dits Arramoun de Toulouse, û capdau qu'a d'autes debés que d'èste sourdat ». Lou pouète aquiu dessus que-s boute countre l'istòri, que disera que las enyibanes dou sèti que houn bastides pou coumte de Toulouse, e auloc de mantiéne à Gastoû de Biarn la glòri d'abé counquistat lou Mieydie de la ciutat, que da aquere hèyte au coumte moundî. Au cant XXau, aquéste medich qu'enhountech lous gascoûs qui s'aflaqucchen e ensegnan l'estoumac avis patacs, que tourne de hica la nouste race à l'aunou e qu'ey sus aquets dus bersets (73 e 74) qui acabaram : E lèu au soum qu'ey Arramoun qui-s pinque : Puch, dab lou pugn, que y'enayre la Crouts. ANDRÈU PIC. �— 81 — PUNTS DE DRET BIARNÉS Las Pênes de l'adultèri, à l'adye mieyè Lou Code Penau de. 1810 que castigue de très mes à dus ans de presoû l'adultèri de la hémne, mes l'òmi que s'en 'tire dab cent à mile liures d'aménde. Aquerò que deu esta, segu, encoère ue probe que lous omis que soun egaus e que n'en èren pas abans la Reboulucioû grane. Toutû aquére enyusticie qu'a hèyt bèt drin crida, sustout à las hémnes. Enta las ha cara, lous yuristes (e abisat-be. que labets nou y'abè, coume de oey, gaymantes aboucates, ne tapoc licenciades en dret) qu'èren touts bielhs e yelous. Qu'an tout esplicat, en dise suriousemén que lou leyisladou, en han ço qui hasè, n'abè en biste arré d'aut que la defénse de las familhes; e doungues, si disen, oerat ço qui-s ba passa se la hémne adulterouse da nachénce à û maynat : suban la ley, aquet nabèt biengut qu'ey lou hilh dou marit de la soue may quoan toutes las probes — de fèyt — e serén counIre; atau permou de l'adultèri de la moulhè, ue sang ounourable que seré mesclade de sang estranyè sus louquoau lous douttes soun ubèrts. Se l'adulterouse ey mey castigade que l'adulterous, qu'ey ta defénde l'aunou de las maysoûs. Coum toutes las oupinioûs, aquére tabé que-s pot sustiéne,, mes que-nse eau ha remerca que s'ey punide la hémne, lou maynat, sounque. suban escadénees particulàris, que demourara, toutû, à la cargue dou marit e de sa may, qu'en sera lou hilh leyitime toutû quoan la yusticie abera mandat la pecadoure dus ans ta la presoû. Atau que soun defenduts, hère plâ, la maysoû, la familhe e l'aunou de. la case. La defénse qui preténden d'abé hèyte enta la familhe, per tant suriouse qui sie (dus ans de presoû) que-m parech poc ayside à ha balé, e, de mey, s'ey bertat ço qui disen de l'adultèri de la hémne, se las counsequénees malestruguères qui a (e qui d'aulhous noû biraram en claman qui aye pecat) e porten tort à las familhes, dou punt de biste mourau, l'adultèri de l'û coum de l'aut, qu'à la mediche impourtanci. Se parlabem dou punt de biste medicau, que seré sourdeys, pusque soubentotes l'adultèri dou marit que hè mey de mau à la soue familhe que noû pas lou de la hémne; e n'abém pas à mentabe quauques malaudies (gahades autaplà per l'û coum per l'aut dous espous) e qui séguin dens lous maynàdyes à biéne e soun la bergougne e la finicioû de tandes de malurouses familhes. Aquéres esplicacioûs n'an pas gran chue, e se-s pot qu'en eau cerca d'autes. Que sèy que noustes oundrades le.yidoures dous Reclams que ban crida : « Que la sabém, la rasoû de l'enyusticie aquére ! Las hémnes nou boten pas e las leys que soun lous omis qui las se horguen. » �— 82 — Nou gauseri pas trop dise noû. Mes toutû, s'ey aco û drin la bertat, n'ey pas toute la bertat. Nou poudém abé, aci, hens aquéste rebiste, la pretencioû d'estudia coum s'at meritaré aquet proublème, ni d'en da la soulucioû bertadère. Mes que pensam, toutû, noû pas esta hore de la bertat istouric en ligan aquére ley immourau à la desparescude, apuch las turméntes de la Reboulucioû, de la mourale tradiciounau de noustes cibilisacioûs crestianes. Permou qu'û simple cop d'oelh sus noustes drets antics, sien escriuts ou coustumès, qu'en balhe la probe en hère de locs, d'ue egalitat coumplète e sancère dous dus pecadous daban la ley cibiu. Qu'ey, en hèyt, lou pecat mourau qui perseguibe la ley. Nou poudém ha aci l'istòri de las pênes estacades à l'adultèri despuch que lou cristianisme s'ey estenut dens l'Empèri de Roume, non daran qu'ue oelhade sus lous drets, sus las coustumès en terres aquitanes trattan d'aquet punt de dret penau. Que disi plâ aquiianes, permou qu'au loc de m'en tiéne, counie de coustume, au Biarn e à la Bigorre, que parlarèy û drin dous drets « bascous » e dous lengadouciâs dou Quercy, permou que dens aquet biàdye que haram quauques coumparès. Bam quin s'en amaneyabe sus aquet délit lou bielh For yenerau. Qu'ère adoubât e présentât d'ue hèyte coumode e prou scientific pous dus biarnés Mazure e Hatoulet, omis de ley e de gran sabé, qui èren, ço qui nou goaste arré, bous amies dou Biarn. Lou lou triba'lh que-s mérite admiracioûs, ya que s'y beyen quauques errous à perpaus de lasquoaus nouste sapiént counfray Yan de Tucat, dens lou sou article sus lous Questaus e hasè lusi la sancére bertat istouric. Lou texte de las leys qui bat léye que deu puya tau sègle XIVa". RUBRICA XV, art. 21 dou For yenerau : « Si auguns es près en adultèri, ab l'autruy molher, et aucune ab l'autruij marit, entrems deben courre per toute la viela. » B'at bedét, nou y-a pas aci dues leys, l'ue enta l'òmi, l'aute enta la hémne. Lous adultèrious, quoaus que sien, que dében courre en bounte per toute la bile, dab lou ou la coumplici. Nou s'ayech pas tapoc coum per oey, de presoû : la punicioû que demoure, sustout, mourau. Aquéres pênes qu'an desparescut, si disén permou de l'aunou début, de la dignitat de la persoune umane. Lhèu toutu mey que dies de presoû que hasèn dou bé aus qui tienèn ligàmis defenduts. Toutu abans, las pênes qu'èren estades mey grèus e mey crudes, medich en dret nouste. Lou For d'Ortès, lou For d'Aulouroû que porten lous moûts : « Uterque nudus (touts dus nuds) e « xets bestiduras » ; e aquére pêne qu'ey mercade dens lou mey ancien For yenerau oun ère endicade la despelhade dous delictous. Coume ère prou escandalous aquet passe-carrère, lou For qu'où hasou desparéche.. Adare espiém lou For renabit de 1563. RUBUICA : De Penas et Lmendas; art. XVI : « Près en adultèri, sia mascle o femeli, tous dus deben courre la Villa, e esta afuetats de 10 executôs de la Hauta Ynsticia. �— 83 — Dou punt de biste de la péne que semblara que y'aye quauqu'arrê de nau, ue péne courpourau que-s yunte à la péne mourau. Mes om que pot pensa que la « proucessioû » dous dus amourous que s'acoumpagnabe quasi toustém de trucs e patacs. Que parlen d'ahuetade, mes quine ahuetade ? Ue cause de maye interès; aquéste cop, lou For que parle p'ou prumè cop ue léngue yuridic mouderne, mes lou dret qu'ey demourat parié, se au mench, la de parla a cambiat. Que parle, en l'ore, en tèrmis yeneraus : Mascle e fumèle que soun parieremén castigats. Nou caleré pas toutu, leyidou senticous, trouba-b espantat en léye ço qui dis! toutare que lou « fuet » qu'ère lou castic coustumè de l'adultèri; que y'a bounes rasoûs de créde qu'ère realemén aplicat e que (dab escuts proubable) y'abè manière d'escapa-y. Lou For nou dits arré aquiu dessus. Mes y-a bam béde ballèu ue coustume oun ey prebiste la hèyte de s'en amaneya dab lou Baile. Qu'ère dounc parié coume lou Dret dou Segnou, ue manière de Bexaciou fiscau, nou debèn este ahuetats que lous praubes. Las causes n'an pas yamey cambiat e oey lou die coum labéts, lous ardits que-b estaubien hèytes desagradibes coum lou «fuet». Lou For de Nabarre, ou meylèu dou Reijaume de Navarra, art. 10 de la Rubrica : De penas e Emendas, qui ey dou medich tems que loti For renabit que tratte lous adultèris coum lous macarèus, que seran, si dits, touts punits extraordinaremén. Que bòu dise aquero ? Cadù qu'at esplique à la soue mode. Lous ùs que preténden que s'aplicaré à la fayssoû de yudya; bertat qu'ey, qu'en dret roumâ, que calé segui û Ordi; qu'ey ço qui apèren en latî : Ordo judicatorum priuatorium, e tout ço qui-s hasè sénse segui aquet Ordi qu'ère aperat : extra ordinem. Hens nouste cas, nou seré pas estât besougn de passa daban d'û yùdye. Que pouderém dounc pensa que la ley qu'ère especialemén aplicade chens segui las modes ourdenàris, dou cas d'adultèri qu'en hasèn coume quauque manière de calhabàri. Mes d'autes que disen qu'ère la péne, ère mediche, qui ère estraourdenàri e noû pas la « proucedure » ; en Nabarre coume en Biarn, la péne coustumère qu'ey « pecuniàri », qu'ey péne d'aménde. La mourt, la presoû, l'ahoetade qu'èren ta tau délit ou crimi, doungues estraourdinàris. Qu'èm meylèu d'aquet abis, permou qu'en touts locs qu'ère la péne dous macarèus e noû pas la mode de yudya qui ère estraourdiuàri e qu'abém bist que lous adultèrous qu'èren punîts parièramén. E ue cause de segure, qu'ey encoère l'egalitat dous dus sexes daban la ley. Se bitare e s'en bam drin per capbat de la Gascougne, ta la petite bile de Mountcuq, que troubam coustumès e pribilèdyes hort intéressants. Noû soun pas, ya s'en manque, pariés à las leys deya bistes, mes qu'an dab ères û ligàmi qui nou-s pot denega. S'en eau créde la tradicioû, aquéres coustumès qu'èren dades pou coumte. de Toulouse Ramoun VIII, en 1224, mes noû poudém cou- �— 84 — îiégue lou pargam ouriyinau desparescut dens las guerres de Cent ans. Lou texte d'are que seré ue mâchante coupie de 1606. Que y'ey dit que lou rey de France Francès Ie, que las renàbi en 1518. Qu'aberén doungues ue istòrie coumparable à la dous noustes Fors. L'article 10 nou parle brigue de l'adultèri; qu'où tourneram béde gn'aute cop. Mes, ço que y'a de curious qu'ey aço : « si homi moulierat ero troubat pel baile am femno maridado en adultèri... aitals adulterdous perdon tout lou moble quez encourregut al Senhour. E mai devon courre toutto la villo, ensemps touts nuds, se non volon accordar am lo Baile del Corps. » Dues luts que poudém tira d'aquerò. En prumère.s, la péne prencipau qu'ey aci ue péne de counliscacioû, lous mobles que passen tau segnou; qu'ey û dret mey feudau que nou pas lou nouste. Lou passe-carrères que-s mantién, dab las modes antics. De mey, aci que bedém escriuts dens la ley, la manière de s'estaubia la bergougne de la passeyade. Proubable que s'aplicabe tabé à la perte dous mobles. Qu'ère coum per Biarn ue fayssoû tau segnou de gagna-s souricots. Mes qu'at tournam dise, las modes de Mountcuq que. soun mey feudaus, pusque la péne prumère escriute dens la ley n'ey pas ue aménde mes ue counfiscacioû : « probe yuridic de la Haute e Soubirane prouprietat segnouriau sus lous bés dous Besis de la Bile ». En dusau loc, û punt tout nau; à Mountcuq, noû semble pas que y'aye adultèri se lous dus delictous nou soun pas maridats : « Omi moulierat, fenmo maridado ». U de maridat, seguramén, pusque l'adultèri ey ue manque au debé de fidelitat enter espous. Aquére coundicioû nabère nou seré pas ue soubrance d'û dret antic mey yenerau ? Que-ns ey mau-aysit de da ue respounse, mes beyam toutû que las coustumès de la bat d'Aure. que disen : « Hommes mariés, s'ils sont trouvés en adultère avec des femmes mariées ou non, qu'ils soient punis. » Aquiu, se soun punides las hémnes nou maridades, soûls lous omis maridats qu'en poden esta. (Ey segu ? Las coustumès d'Aure e Quoàte-Bats que soun de 1300. Nou las èy pas bistes. D'aulhous las leys penaus èren aplicades per Mountcuq e Aure, coum ne serén oey per û tribunau ? Noû, proubable. E atau qu'en poudém préne e decha, mes que-ns a plasut de da aquet coumparè dab nouste dret biarnés. Dem û cop d'oelh en acaban. Quoaus que sien las coundicious de l'adultèri; mey numerouses à Mountcuq, mey yuridics per èste mey yeneralemén esprimades en Biarn e Nabarre, pertout en noustes parsàs l'òmi e la hémne que soun parieremén castigats per las coustumès. Nou credém pas que noustes pays antics ayen boulut proufieyta de l'adultèri (coum at pretén lou leyisladou de oey) enta defénde la Familhe. Que la sàben toutû defénde quoan eau. Noû, ço qui semble acquesit, ço qui an boulut (e probes qu'vn balharam gn'aute cop) qu'ey castiga lou Pecat qui ey l'adultèri. Qu'ère doungues lou coustat mourau dou délit qui abèn en biste, e atau que s'esplicaré l'egalitat qui abém poudut ainucha. �85 — En despieyt de las pênes mey estranyes que crudes, noustes bielhs drets dou Mieydie, e mey que nats lou dret biarnés, en seguin las bies de la mourale toute simple, qu'èren dounc mey près dou dret ideau, que lou de oey. Qu'at semblaré au mens sus lou punt mercat per aquéste estùdi. En ère pertout atau ? Qu'at bederam dens gn'aute tribalhot oun debisaram de la hémne béude. MANUEL DE <• LABORDE-BARBANÉGRE. Qu'ey dab û crèbe-co pougnent qui plaçam aci aquéste article, escribut per Emmanuel de Laborde-Barbanégre quauques dies aban que nou périsse de la manière la mey inatendude e la mey crude. Lou diménye mati dou 5 d'aquéste mes, lou nouste amie que partibe ta la mquntagne d'Aussau dab 1res camarades enta passa la yournade à deberti-s sus la néu, Qu'abè hèyt ue noeyt de tempèri e la sayésse que coumandabe la prudence, mes anat-b'y ha quoant om ey yoens e atrebits ! Quoan s'estén aprestats au plâ de Gourréte, que partiscoun ta de-cap las Pênes Mangues qui soun au dessus de Ferrières; qu'en anaben suban la règle, à Mnt pas l'ù de l'alite, Emmanuel qu'ère lou darrè. La néii qu'ère moude e la puyade pénible. U moument, lous de daban que s'aperceboun que Laborde que parechè rayusta-s û ski e, quàsi auta-lèu, û arroulh de néu que s'eslitabe à l'embat; quoan la brume qui abè hèyt Iheba s'este bachade, ne-u bedoun pas mey : la masse eslurrade qu'où s'en abè pourtat. Serca que poudoun, pendent mey de cinq ores que curèn la néu ta saya de retrouba lou corps, mes en balles : qui sap oun s'ère eslissat ? La pièle de néu, sus l'endret présumât de la cadude qu'ère haute de oeyt ou dèts mètres... Que calou abandouna l'espérance de rebéde biu lou praube gouyat; n'esté retroubat que lou didyaus. Daban û tau esglas, qu'ey ço qui-s pot dise ? Entau malurous pay, lou sost-capdau aymat de l'Escole, qu'ey û cop dou sort terrible; pèrde û hilh d'aquére entelliyence, brabe coum lou boû pâ, à l'ore oun, après tant de tribalh e de fatigue, e-u se bedè arribat, — qu'abè 2(> ans — que y a de que desespera-s. Mes, que y a d'autes fray e sos e que eau ha cap, esta mey horts que lou malur. Que sie assegurat que touts lous Escouliès que ressentéchen la soue péne, que la partadyen e que prèguen ta que trobe en aquere amistat ue counsoulacioû qui boulerén autan eficace qui-s pousqui. E ta nous qui, de mey proche que d'autes, biscoum dab Emmanuel, qui l'aymabem coum û de nouste, aquére mourt brutau quense Mre lou co, que-nse hè û dou à nou pas at sabé dise. Diu que l'aye ! S. P. e M. G �— 86 — Las aunous funeràris Las aunous hèytes au nouste nialurous counfray per la poupulacioû de Pau e dous entours, oun la familhe Laborde-Barbanégre ey tant counegude e estimade, que passèn e de quoan las qui-s béden d'ourdenàri; de per tout qu'èren arribats per centenats ta pourta au pvaube pay d'Emmanuel e aus de sa case la merque de la part qui prenèn à la loue, doulou. Flous tabé, qu'en y abè û car. Darrè lous perdants, en raube, que-s tienèn Ions aboucats, Mèste Boudon, lou lou bastouniè en cap. L'Escole Gastoû Febus que y ère tabé dab lou Capdau, las très reynes, daunes Coustet, Tonnet-Sarrail e Clotilde Lamazou-Betbeder e hères d'escoulières e d'escouliès. Au co de la glèyse de St-Martî, qu'abèn prés place, autour de M. l'archiprèste Dnbarat, mey de quarante prèstres. Aban de parti tau cemitèri, sus lou lindau de la glèyse, Mèste Boudon, felibre manteneyre e Simin Palay que. digoun û adiusiat esmabén au nouste amie. Lou salut dou Bastouniè dous Aboucats Je viens apporter l'adieu du Barreau à notre jeune confrère et m'incliner devant son cercueil. La Terre de Béarn va entourer pieusement la dépouille de cet adolescent qui avait une si belle fidélité au terroir et qui en suivait toutes les maintenances avec une attention scrupuleuse. Emmanuel Laborde-Barbanègre allait parmi nous, simple d'allure, avec cette clarté du regard qui illumine l'être tout entier, vivant avec une sorte d'austérité de laquelle l'émotion n'était pas exclue et ayant une tendresse candide pour les paysages de son pays. Avocat stagiaire travailleur et consciencieux, d'une formation juridique solide, il recherchait les controverses subtiles et érudites. Mais il manifestait également une curiosité intellectuelle passionnée, amoureux d'histoire locale, suivi avec affection dans ses travaux par les majoraux Camelat et Simin Palay, collaborant avec talent aux Reclams la belle revue de l'Ecole Gaston-Phœbus et aussi à une revue languedocienne à laquelle, sachant mon goût pour les lettres méridionales, il m'avait abonné d'office : Orcitania. Emmanuel Laborde-Barbanègre, c'était la ligne droite et par ces temps où les consciences ont l'élasticité des contrats, cela ne manquait pas d'allure. Ce qui lui valait tant d'amitiés et de sympathies, c'était sa magnifique franchise ! En un instant cette jeune destinée a été réduite à néant, mais si la mort l'a ainsi fauché soudainement, elle ne l'a pas surpris. Le matin de ce trépas tragique, il avait rempli ses devoirs religieux, car il était de ceux qui s'appuient sur des principes inébranlables et nous avons la conviction que sa courte vie, toute de droiture et de générosité a reçu déjà la récompense méritée. Nous le regrettons, le pleurons et nous prions son cher père, sa famille, ses amis frappés si cruellement, de croire que le Barreau de Pau tout enlier prend une grande part à leur deuil. ETIENNE BOUDON. �— 87 — L'adiu dou Capdau de l'Escole Daban û malur coum aquéste, las paraules de counsoulacioû n'aberén pas goayre de sens si la fé ne-us ne dabe. La mourt qu'a toustém ue herou terrible, mes la péne qu'ey sustout entaus qui demouren; béde à desparéche en plée force d'esprit e de corps û gouyat coum Emmanuel Laborde, qu'ey entaus soûs quauqu'arré de tau que soul lou temps, qui fenech toutû per apadsa las doulous las mey crudes, en poudera amoudera lou his pougnent. Mes entau qui-b parle e qui aymabe aquéste maynad coum si ère estât dous sous, enta la familhe felibrenque, la despartide qu'ey tabé de las qui part-biren iou co. Emmanuel Laborde qu'ère de Pescabot baient en qui nou-auts, lous qui s'en bam, pensaben de poudé hida lou flambèu qui gabide lou Felibridye. Nad miélhe qu'et nou seré estât capable dou pourta : qu'ère yoén, sapiént, ardent, plé de fé e de balentie e qu'espiabe Pabiéne — be l'ère dounc permetut ! — d'û oelh cla e segure. Nou y a que quinze dies, qu'escribè taus noustes Reclams û d'aquets articles de dret oun se plasè tant, permou qu'aymabe hère lou sou estât d'aboucat; que disè, de-cap à las darrères rayes : « d'aço, qu'en tournaram parla gnaute cop. » E qu'ey aquiu, en corps, las màs glaçades per toustém !... Mèste Boudon que b'a dit quin lous sous counfrays dou palays l'estimaben per la soue dreture, la soue franquésse, la soue amou de la terre mayrane tabé. Ah ! quio, be Paymabe lou soû Biarn ! Be Paymabe lou soû beroy parla ! B'en abè dounc ue amne de felibre ! Pertes de gouyats coum aquéste, arrés n'en pot mesura la pourtade ! Lous dessîs de Diu tapoc ne-s mesuren pas, mes que-s pot espéra que l'exémple d'Emmanuel Laborde nou sera pas perdut. Adiu, praubot ! Touts lous qui Pan counegut que t'an aymat : nou se-t desbrembaran pas ! S. PALAY. LAS TRADICIOUS Yocs de maynat Aquéste dise que-s cantourléye. au nèn dens la brasse : Coucouroueoû, — Qu'ey fret au péu, — Say-te cauha. — Ne gausi pa. — De que as pòu ? — De Madame Coundoû. — Que l'as panât ? — Un sac de blat. — Oun ey lou blat ? — Débat lou pount. — Oun ey lou pount ? — Dessus l'aygo. — Oun ey l'aygo ? — Lou bùu que l'a s'a benùdo. — Oun ey lou bùu ? — Que semio blat. — Oun ey lou blat ? La gario se l'a minjat. — Oun ey la gario ? — Que hè l'oéu. — Oun ey l'oéu ? — Moussu curé que s'en a heyt uo lamisso e touto la pèt dou bénte qu'où s'esquisso. Coelhut à Boumarchès d'Armagnac per Y. SANSOU. �88 — RECLAMS DE PERQUIU Debis dous amies noustesQu'ey dab gran gay qui segnalaram qu'aquéste 24 d'octoubre l abat Marcel de Saini-Bezard qu'a prounounciat lou soû prumè predic gascoû, à la glèyse de Castetnau d'Auzan : que-y plasou réde. Digam tabé qu'au Coungrès mourlanés dous Anciens Coumbatants, présidât per Moussu-ou mayre Menjot, nouste counfray Yan de Guichot que clamabe û « Doulént soubeni » daban la Peyre sacrade. E, tabé, dens la* reunioû de Mounlasun, hèyte. en noufaémbre, permou de Mous de Pesquidoux, lou canounye Lafïargue que hé lou discours qui abéram l'agrat de publica ta heure, coume oey lous bersets de Yan de Guichot. Noû, la nouste obre « n'ey pas û repepiadye », qu'ey de coumpteha, si-nse disè û amie nouste, que bibera, que s'estenera se oumén at boulém û drin. Nou prediquém, noû, toustém, lou petit troupèt dous fidèus; aném ad arroun da probes que la léngue mayrane que pot paréche dens quau se boulhe amassade de mounde — e à haute c.are ! Lous coundes GascoûsLous coundes amassats à trabès la Gascougne pou pacient Bladé de Laytoure, qu'an hèyt e que hèn toustém l'amiracioû dous curious de l'ana espirituau poupulàri, e Diu sap ço qui nou n'an pas tirât ! Nous auts, lous dou coumû, n'y bedém goàyre que fables enta ha passa lou temps, mes taus sapients qu'ey toute aute cause. Larousse qu'en dits, au sou dicciounàri : « Récit fictif destiné à mettre en lumière une idée abstraite. » Qu'ey d'aquet bord qui Mous de Rouché, président de tribunal de Beziers, estudie, hens « La Science spirituelle », lous coundes gascoûs. D'après et, quoate ou cinq qui 'n cite que serén coum lou résumât de la douctrine cathare dous Albigés. Sie ço qui sie, las deduccioûs de Mous de Rouché que soun au mens curiouses. Lou teàtre nouste. Que s'estén, que gagne place. Aquéste mes d'aoust que yougaben à Plasénce, p'ou prumè cop, la pèce. nabère dou nouste counfray Y. Sansou : La Tourreto, pastourale simboulic en bèrs, qui coundam pla de publica en 1938, dens lous Reclams. Per l'Albret e la Girounde, las amicales e lous patrounàdyes que-s oucupen de hica pèces gascounes e biarnéses sus l'empount. Que-s parech, auta-plà, que Lou Testament dou Mourt-biu que s'ey troubat au goust d'û musicien e la farce dou Simin que seré are, ue manière de « vaudeville » qui s'en ba parti ta ha lou soû tour de France. Coum de coustume, drin pertout, autour de nouste, en û sarrot d'endrets que s'aprèsten tabé à représenta pèces dou cabau de l'Escole. Ba plà, ba plà ! �PRESIC Heyt en cadière d'era gleyso-cathedrau de f la Sède " de Tarbo ed diménye 29 d'ed mes d'aoust de 1937 à ra misso dito ent'ats felibres défunts d'ère Escolo Gaston Febus. P'ed canounye J.-M. SOULÉ Cares frays, Escoutat en premè ed euanyèli d'ed XVmc diménye despuch Penta:osto, suban Sent Luc : « Quauques dios après (Yèsus que biéue de gari er' ourdounanço d'û capitàni) quauques dios après, Yèsus que s'en anaue de cap uo bïlo aperado Naim. Eds sués diciples qu'èron dab ed, è, tabé, uo grano courdèlo de mounde. « Coumo s'apressauen de uo porto d'era bilo, que carreyauen tyat cementèri û gouyat, hilh d'uo beuzo; e sa may n'auè qu'aquet. U pialè de mounde qu'où hasèn seguido. « Quand Yèsus agou bist aquéro may, qu'esté sasit de pietal. — Nou ploures pas ! s'ou digou. Puch q:ie s'apressè e que touque era cacho. « Eds carreyayres que-s pousèn; Yèsus, alabets, que digou tout hort : « Gouyat, lhèuo-t, que t'at coumandi ! » « Ed mourt que-s quilhè e que-s bouté à parla. « Touts qu'estén gahats de herou e que dèn glorio à Diu. « U gran proufète que s'ey Iheuat at mey de �— 2 nous-auti, se disèn; et Segnou qua besitat ed sué pople ! » « Era rumou d'aquet miracle que s'esplendiscou en touto era Yudéo e en touto era countrado ad, entour ». Que daram bitaro û mout d'esplic sus aquet miracle de Nousté Ségne. Auant d'ana mes enià, e m'èy au men à escusa de hè enténe ed Euanyèli en lengo gascouno en aquesto cadièro presicadero d'oun auét entenut tantes de presics estiglats e Diu sap quin coussutsi, desgraiïtats, be sabét dab quin gano, per nouste praube abésqué (que disi praube coumo se pourtauom deyà ed sué do) e encoro p'et pastou d'aquésto parrôquio à qui tabé, coumo disen, e l'ey beroy permetut ?... Nou, mahé brico ! Arrés, aci, n'a bergougno d'ed gascoû ! Sampa, Nouste Ségne nou parlé bigourdâ — e mahé ! qu'at aueré toutû beroy poudut hè ! — mes n'empleguè pas, per aquero, era lengo d'eds moussus e d'eds sapients de Yerusalèm, mes era lengo d'ed pople, touto flourido de causos d'era campagno, d'era bito-bitanto, d'eds ornes e d'eras hennos d'et sué temps. Ço qui nou l'empachè brico, maynadét de doudze ans, de bouta sénse paraulo eds doucturs d'era ley. N'èy pas poù, tapoc, que Nousto Dameto de Lourdo e sie per aquesto rumou essourdido : touts que sabét que parlaue ed bigourdâ à Bernadéto; «ed patoès de Lourdo encoro» se disèuo era maynadéto en s'arrequinquilha... Que y a d'aquero 80 ans. E Yanéto d'Arc, qui s tié aci dauant, e-b pensât �que n'auè goy d'enténe à brouni at tour d'ero ed gascoû d'eds sués mes brabes e balents capitànis : La Hire, d'Auloû, Xentralhos ? Que eau dise toutû qu'eds arneguets nou i'anauen brico... Douncos, Mounsegnou, ed proucès qu'ey gagnât. Agousset autant à l'ayse gagnât ed boste à Roumo, quand ed nouste benerable Pay à touts bous a aperat louy d'aquéste païs qui tant bous ayme ! Nourmand baient e aririsoulent mesclat de Parisièn, qu'en auet hèyt era aymablo counquisto. Quin doumàdye ! Ed Nourmand que-s hasè de dio en dio mes Gascoû, mes Bigourdâ enta arrecatta mes encoro en sué co era amno d'era Bigorro, ta la hè pouya toustém mes haut, entio Diu, en passan per Bernadeto e Nousto Damo... Siat arremerciat per touts en aquesto grèyso qui s'apère ed 'Sièti catedrau; siat arremerciat en noum d'eds Felibres de Bigorro, de Lanes, de Biarn e d'Armagnac; arremerciat p'eds mayouraus d'ed gran goy e aunou qui nous hèt de boulé présida aqueste ceremounie. O, mahé ! aqueste présidence qu'auré mancat at chapelet — que pôdi mesi dauït dise ed arrousàri — de toutes eras amasadoai qui auèn hido de bosto horte e estiglanto paraulo. Lyoun, ed Rhône que bous poden apera : à Tarbo, à Lourdo, à Bagnéiros, en païs d'er' Adour, d'eds Gabes, d'eras Nestas yamés nou bous destorembaran ! E aro, arrebirém-ous de cap à Nouste Ségné. Enta plâ dise, nou n'èrem pas plâ louy, puchque de bountat e debisabom à perpos d'ed sué abésque. Aquet miracle de Naïm que nous a hèyt bremba �_ 4 de d'autos agounies, d'autes enterraments ; e dilhèu mes de û d'enter nous qu'an dit : « Perqué n'auét pas birat de mouri, Diu pouderous e boû, eds de qui s'en anauon ? Perqué n'auét pas agut pietat, coumo d'era béuzo de Naïm, d'eds qui plouraom ad pè d'û lheyt ou d'uo cacho ? « Perqué, en aquéste ouro de hourbàri e d'anxio sus era terro de Franço e pertout, perqué noû bous hèt pas enténe e béye ? » Que pouderi arrespoune coumo ed sent ôme Yob ou coumo ed nouste Lamartine : « Qu'ey sa mâ qu'a tressât eds sendès d'er' aubeto, « Qui a penyat ed cèu e semiat ères estelos « E que soy dauan Ed. » Diu que sap ço qui hè. Nou l'ey pas mes mau-aysit de ressuscita û mourt que milo mourts — qu'en saberam quauqu'ariré mes tard, at darrè die. U miracle segu, que bau milo miracïes. Que disi que bau mes ! Permou se Diu en hasè autant coumo ne quistam, s'en y auè autan que d'estelos ou encoro de beroyos lheuados de sourelh cado maytî, arrés nou s'en esmiraclé, arrés nou s'en abisaré mes que d'eras flous qui houram ens pès sus eds prats. Ço qui seré lèu de nousto part, que seré de barra eds oelhs dauant ço que Diu hè e de bira ero esqu:o de cap ço qui noû hè enta demandau-ne couoipde. En loc d'arressuscita ço qui déu mouri, abisém, mes dauït, à nou pas decha mouri ço qui déu biûe. Ço qui déu biûe, que soun noustos tradicioûs crestianos, toutos eras coustumos qui hèn partido de û ayretàdye qui nou pot èste espudit. Era lengo, Frays e Felibres, qu'ey era amno e �tabé era pelho de tout ço qui aymam lou mes sus era terro gascouno. N'ey pas ed ahè de l'arressuscita, n'ey, mahé, mourto coumo ed hilh d'era béuzo, ni n'a hàmi de mouri-s. Mes ed ahè qu'ey de bouta-lo tout dio mes en aunou; e que eau trabalha tout dio à l'arrebiscoula. Eds- felibres nou preténden brique èste presicàyres de mouraîo ne doucturs d'era Ley; mes que soun, toutû, mes que semiàres de flous sus û passât défunt; mes que pescàyres de luo ou que cantàyres embriagats péras cansoûs de noû sàbi quines lauzetos qui huyen ad dessus d'eras brumos.... Eds felibres que soun eds hilhos de Mistrau qui-us a légat era counsigno : Soubeni ! Fidelitat ! Soubeni, Fidelitat... Quand û gouyat de nousto £-en ba p'ed moun enlà, embeyous d'ed charmatori d'era biloto, qu'a biste bergougno d'eds sués esclops e dilhèu encoro d'et sué berret. Malaye s'a tabé bergougno d,'ed sué parla mayrau, quan lou s'aparie de l'emplega ou quan s'en sie tournât ta caso ! Qu'aura dauït bergougno de sa pay e de sa may e, p'era fî, senoû tout biste, d'ed sué campanau e d'era gleyso, d'eras pregàrios, qui l'auè après era maméto, e d'ed sué pay d'ed Cèu. Sampa noû s'en pot amia era terro de caso dabat eds taloûs, mes que pot toustém garda fidelitat à ra lengue mayrano. Soubeni ! Fidelitat ! Ad dio de oé, que y a trop de causos qui s'escourren en barat de û ourgulhot mau coumprés1. Ouirgulh de blé hè, ad mey d'eds camps, chiscla ed francés — pouîido lengo, de segu, mes qui noû bo èste barre- �yade d'û amerat franchiman e d'û gnirgou de carrèros. Ourgulh e peguésso de créye qu'era cibilisacioû qu'ey ed camî de hèr, era elettricitat, eds abioûs, era T. S. F... Ey û cibilisat ed moussurrét ou ed moussurot bestit ad numéro û, qui s'en ba sus era suo tourroumbiolo, à hum, ad trauès d'eras carrèros hournides de mounde e qui dits, quan a aucit orne : « M'en trùfi ! que soy assegurat ! » Mes cibilisat qu'ey, at segu, ed pastou qui s'en carreyo sus eras espalles era suo auélho arranco.... Ço qui coumpde, qu'ey era amno. Era cibilisacioû qu'ey laguéns. Noû, mahé, nou eau espudi tout ço qui hè era bito mes! ayside, mes era peguésso qu'ey de mespresa tout ço d'autes cops e de dise : « Autrefois... Mais aujourd'hui ! » Soubeni e fidelitat à ra lengo e à ra terro de nousto. Praubo terro, tout dio dechado mes souleto ! E tant beroyo, toutû, en aquéste cautoû de Gascougno; pianos coussudes de Tarbo e de Nay; bats herescos e arrisouslentos de Campa, d'Auro, de Labedâ, d'Aspe e d'Aussau; costos d'Armagnac qui hèn chourra bî d'ed arrasim e pâ d'ed hourment; pignades de Lanos; Adou, Nestes e Gabes, quantes hilhs auét bistes à préne ed moun ? E quantes autes nou soun bayuts qui aurén rehournit eras casetos ? Ed nouste païs que îoumence de mouri-s, Nouste Ségné ! Qui dounc lou pod arrebiscoula ?... Bous, moun �Diu, pan dou cèu, coume cantaran là-haut, tout aro. Bous tabé, Nouste Damo d'eras mountagnos de nousto ! E bous autis tabé qui m'eseoutat. Touts ! Noû sabi pas de quin punt d'ed coumbat d'era bito èt partits, en quin punt en èt arribats, ne se bous auét dechat arrougna eds chapelets, ne se hèm camî touts à masso en cantan ed madech credo, ne s'era candelo d'era boste fé ahume encore... Noû bous counéchi pas touts, felibres ! Aci, ne bous auém qu'à ayma e noû pas à peleya-be; mes que bous èy à crida : N'ey pas era lengo qui eau sauba ne'sra terro ! Cado û de nous que s'en ba, e biste, tout dio, coume er' aygo d'ed arrius de cap à ra grano mar. Que nous serbiré tout ço qui nous a enlusits se tout aquero èro aquiu acabat ? Mes hauto estèsse era puyado de cap eras brunios sus ed abioû d'ed prougrès, mes herauto e mes pregounto seré era cayudo de cap era tombo. Que bous serbiré de yeta flous sus era nousto terro, s'èro, en passan, coumo sus û cementèri ? Qu'ey tant sento, toutû, nousto terro de gascouno, touto eslourido, mes que d'autos, de capèros e de Nousto-Damétos de tout orde e de touto payèro ! Nousto Damo de Lourdo, Nousto Damo de Garrasoû, Nousto Damo de Pietat, Nousto Damo de Heas, Nousto Damo de Sent Sabi, Nousto Damo de Poeylaûn, Nousto Damo de Betharram, Nousto Damo de Sarrance, Nousto Dame de Buglose, Nousto Dame de Cahuzac, Nousto Damo de Bento Mario d'Auch... Quantos autos qui hèn, at tour de Nousto Damo de Lourdo, era mes fièrto, coumo û rousàri de glôrio ! �— 8 — Nàni ! n'ey pas Diu poussible que Nousto Damo sie dabarado dèts-e-oeyt cops d'ed çèu ta nousto par arré, permou d'û soul d'eds qui soun eds £ués permès besîs. Que nous bo sauba, que nous saubara! Aymat-Ia, aydat-la ! N'ey pas poussible que tants e tants e bengon d'ed houns. d'ed moun puna 'ra Roco Santo e que siam, nous autis, eds mench fidèles. Soubeni ! Fidelitat ! Nouste Ségne que disèuo à ra yent de Yerusalèm : « Quantes cops e b'auri boulut arracatta at tour de you, coumo era gario hè d'eds sués pourics !... E n'at auét pas boulut... » Nous autes qu'at bouleram, Ségné Nouste ! Per amou de nouste patrioto tant aymado, de nousto France, per amou de Nousto Damo, de Bernadéto e de bous, Moun Diu, dab boste cèu per dessus tout aymat, oun aneram retrouba touts eds noustes frays. Atau sie. �— 89 — Gantes de NousteGastoû de Mirât nou s'estangue pas d'oubra ta la terre de Biarn. Que bien de publica, en ço de Philippo, 24, boulevard Poissonnière, à Paris, au prêts de 4 liures e 15 sos, û recoelh de cheys canteries à quoàte bouts desparières (mixtes). Qu'y soun Aqueres mountagnes, Maudit sie l'amou, Oère la ! etc., beroys tros de nouste tradicioû musicau e qui seran, de segu, après per bère troupe de canteries dou païs. Coumpliments à Mous de Mirât per aquet boû tribalh. Gn'aute cadière de Léngues roumanes. Qu'ey ue bère nautat la nouminacioû de. l'abat Salvat, coum proufessou de Léngue d'O à l'Enstitut Catoulic de Toulouse e que-ns en rcgaudim mayemént. Henric Gavel, lou sapiént erudit e escribâ gascoû dens l'Unibersitat, e l'abat Salvat dens la haute ensegnance de la cleryie, que seran dues bouts qui nou manqueran d'èste audides : Deyà lous cours qu'an coumençat. Broumbém-se toutû qu'û ensegnamént parié qu'ère estât apoudyat per Mèste Léonce Couture en 1879; que tiengou pè dab ue illustracioû e ue sapiénce chens parières, mes qu'à la soue mourt en 1902 nat aute proufessou nou perseguibe. Nou ban pas biste lous aharots de nouste léngue mayrane : Qu'abera calut 35 ans ta trouba-u gn'aute ensegnadou à Toulouse ! Lous Psalmes de Salette. Mercés à la pacience de M. lou pastou Cadier, de Saubaterre, noustes escouliès qu'en èren abertits, la darrère triène dous Psalmes d'Arnaud de Salette qu'ey coupiade e que-s pot espéra que toute Fobre puchante dou Biarnés que sera coum aco saubade. Om que sap que dous cent-cinquante l'abat Bidache nou n'abè poudut ha emprima que cent aban de-s mouri; lou dusau libe que parescou en 1880, tirât à 110 exemplairs sounque per la soucietat dous Bibliophiles dou Béarn. Que-s sap tabé que la tirade hèyte dou bibant de ia reyne Yane, nou-n demoure que très exemplairs couneguts : û à la Bibliothèque Naciounau, gnaute à la Brithis Muséum de Loundres e Faute qu'ey enter las mâs de Mous de Cadier. Aquére rèyte qu'ey debude, proubable, au fèyt que quoan lous catolics e tournèn gaha la nia en Biarn, despuch de Louis XIII, touts lous libes qui poudoun esta troubats au païs que houn bruslats. Dou catechésme proutestant qu'en esté parié pusque nou n'y a que û exemplàri de sabut e qui ey la poussessioû de M. Dubarat. Qu'ey doungues ue nautat qui ba esta auheride aus Biarnés. Mous de Cadier qu'a balhat lou soû manuscrit à l'Escole GastouFebus e que-s bam méte en mêmes d'où ha emprima per souscripcioû autalèu qui-s pousqui. Que coumptam d'abé tout aprestat enta l'amassade dou Counselb lou dimercs de Pasques qui arribe e û cop la decisioû prése, que haram ço qui calera enta la réalisa. Entertan, remerciém Mous de Cadier de l'ayude dade à nouste obre de renachence, que sabém que l'a coustat prou de. tribalh perrnou que. lou soû libe n'ère pas, de segu, de la miélhe edicioû e que �— 90 — coumporte quauque. pèque, mes qu'a troubat amies à Loundres e à Paris qui l'an balhat las courreccioûs dous passadyes mau emprimats e, atau, qu'èm segus d'abé lou « texte » sancè. L'Armanac de la GascougnoQue bién d'espeli e débat la soue pelhe berde, qu'ey mey esmerit que yamey. Coundes, cansoûs, bères poésies, lous miélhes felibres de Gascougne e de Biarn que las an signades e, de segu, l'armanac de 19^8 que. sera passât per touts dab lou medich plasé que lous qui l'an dabanteyat. Qu'où troubarat en nouste emprimerie e, tabé, las liberères de las gares per 45 sos; si-u boulét per la poste, que. calera manda 10 sos de mey. Ne-us regretarat pas. Poudé-s plase de loungs mouments per tant poc d'aryent, qu'ey cause prou reàle p'ou temps qui cour. Enço dous " Amies de la Léngue d'O "• La balénte soucietat felibrénque de Paris, presidade p'ou mayour&u Loubet, qu'a de noubémbre ençà abiat lous sous parlaménts. Lou 3 d'aquet mes, Yan de Bouzet, daban ue numerouse amassade de hilhs dou Mieydie, que presentabe l'obre qui a escribude dab l'abat Th. Lalanne : Du Latin au Gascon; tau 10 dou mes mourt qu'aboun ue batalère de Mous de Mangin sus lou teàtre poupulàri en Gascougne; lou 14 de yenè, lou président Loubet que debisara dous armanacs, e seguraméns se parle dou pay-boû dous armanacs L'Armana prouvençau, qui-n ey aus sous 84 ans, nou desbroumbara pas VArmanac de la Gascougno que hestéye lou sou quarante!! àri. La défunte espousicioû. Que-s sab prou quines pênes aboun, lous de la Proubince, coum e-ns apèren lous parisièns de Paris, dab û pot drin mespresous per cops, enta ha baie la loue idée d'esta représentais à l'espousicioû de qui bién de barra lous pourtaus penné d'esta fenide. E Diu sap tabé tout ço qui n'an pas abut à subi lous proubinciaus, û cop qui aboun fourçat i'entrade, de las parts d'aquets messius de la Direccioû; tant e tant que lou nouste amie Charles-Brun, hart de tout aco que demissiouna de président dou Coumitat. Or, si-n eau créde lous qui an seguit per mestié l'espousicioû, qu'ey lou plaça de las proubincies, lou Centre Régional, qui abou lou mey de bisitous e doun las hëstes e manii'estacioûs e soun estades las mey presade.s. Boune leçoû taus capulats qui n'en boulèn pas enténe à parla. Mes, entertan, n'ey pas la Proubince qui retroubara lous milioûs qui a pounat enta l'espousicioû. Dôus. Lou Douctou Dutauziet, de las Aygues de Sent-Louboué, gran amie de l'Escole Gastou-Febus, que bien de pèrde cop sus cop lous sous dus hilhs Robert e Henric, touts dus en bounes bies d'u bèt abiéne. Qu'auherim au praube pay en desòu l'amistat e lou soubeni dous sous counfrays de Febus. L. R. �— 91 — LA BOUNE PARAULE LES DIALECTES DE NOTRE LANGUE J'use de cette expression parce que tous ceux qui ont écrit dans notre langue ont eu le sentiment d'employer des dialectes, mais je ne préjuge pas la question que je ne fais ici qu'aborder et qui se résoudra d'elle-même a-posteriori à la fin de ce livre. Les discussions sur l'existence des dialectes sont analogues à celles que j'ai citées sur l'existence même de notre langue en tant que groupe particulier dans l'ensemble gallo-roman; comme, cellesci, elles dénotent, en général, une information insuffisante pour détruire des idées préconçues qui conduit à des classifications hâtives fondées sur des critères peu décisifs. Ces discussions n'ont du reste pas été complètement inutiles, car elles ont servi de point de départ à une précieuse analyse des faits d'intercompréhension, analyse dont les résultats sont confirmés par nombre d'autres témoignages, comme par mon expérience personnelle. Non seulement dans les assemblées félibréennes, qui réunissent des hommes de quelque culture ou tout au moins de quelque entraînement linguistique, mais aux foires, dans les cabarets des villages situés à la rencontre de parlers différents, j'ai toujours vu se poursuivre sans difficulté, entre gens des pays le plus divers, les conversations familières comme les discussions d'affaires. On a le sentiment très net d'une langue commune, prononcée un peu différemment; le contexte fait saisir les sons, les formes et les vocables qui embarrasseraient s'ils étaient isolés; tout au plus a-t-on quelquefois à répéter ou à expliquer un mot ou à changer la tournure d'une phrase pour être mieux compris. L'écriture grossit les différences dialectales en notant des sons voisins par des signes dissemblables. Néanmoins, l'unité fondamentale de la langue apparaît, assez nettement pour que même des recueils essentiellement populaires comme YAlmanac patouès de VArièjo, publient côte à côte, pour les mêmes lecteurs, des morceaux écrits dans des parlers assez éloignés par leur nature, quoique voisins dans le lieu. En lisant ou en débitant à haute voix, les gens du commun peuple transposent généralement d'eux-mêmes dans leur propre parler les sons et les formes du parler voisin. Les différences de vocabulaire sont bien moins grandes que ne le feraient croire les œuvres de beaucoup d'écrivains qui « s'attachent avec prédilection aux termes originaux et rares de leurs parlers respectifs plutôt qu'aux termes communs et d'usage courant ». Quand je causais, moi parlant le provençal mistralien, avec un confrère en Félibrige parlant même gascon ou béarnais, je n'entendais pas un mot sur cent qui fut étranger au fonds commun de la langue. Conformément aux explications qui précèdent, je ne préjuge en rien, dans le cours de ce livre, ce qui concerne une classification possible de notre langue par dialectes, parlers ou familles de parlers, etc.. JULES RONJAT. (Grammaire Historique de la Langue provençale.) �— 92 — LOUS COUNDES GAUYOUS CANICUS, REY DOUS CAS Canicùs, lou rey dous câs, fatigat de toustém enténe plagnéts sus lou coumpte dous sous sudyècs, qu'ous apera û die au soû palays ta essaya de tourna-us hica au drét camî. Coum se debè que. recebou lou sou mounde dab hère d'aunou : Cadû qu'abè û beroy cachetoû ta s'y apourica dessus e û beroy hoéc que cauhabe torde la crampe; aquéres bestiotes que s'y troubaben Isère plâ, pramou dehore qu'y hesè, coum disen, û rét de câ. Cagniule que n'y abè de tout escantilh : d'espés, de magres, de grans, de thins, de peluts e de pelats. Quoan touts estoun casats e carats, Canicùs que. prén la paraule e qu'ous dits : « Praubes chibaliès, hòu ! à ço qui-s paréch, que-n hèt de pròpie per aquiu capbat I Lous ûs que panen coustétes ou courades enço dous bouchés, lous autes que îhèben la came countre la debanture dous magasîs; d'autes encoère, que-s s'acroupéchen chens nade bergougne sou miey de las carrères e ta acaba, cause escandalouse, qu'en y a qui hèn à « repasser couteaux, ciseaux, rasoirs ». Tout d'û cop que s'arrèste e que bét toute la caniule frounci lou nas e ha lou mus. — E aço, se-s pensa que bòu dise ? U câ, hart, bahide, de courade, que s'ère... eslouchat e toute la crampe que pudibe aus trente tounerres. Canicùs, hòu de malicie, que-s lhèbe. Que boulé sabé quoau ère aquéth mau poulit qui bienè d'afrounta la mayestat dou rey e de manca de respèc embèrs lous camerades. Ya ! arrés ne respounou. Labéts, que-s gahe û bastoû d'aulhè, e pim e pam, qu'ous accasse touts ta dehore, e, quoan estoun touts sourtits, qu'ous crida per la clithère de la porte : « E sabét ne tournerat pas t'au mey palays que lou die oun aurat troubat lou coupable ». Ne eau dounc estouna-s, quoan béden dus animaus qui-s yunten pou purmè cop, senti-s l'û e l'aut à l'endrét d'oun a poudut sourti aquéth bént-coulis. Lou RAYROT, �— 93 — DOU TEMPS QUI LAS BÈSTIES PARLABEN Que-m pénsi que sabét lou counde de la noeyt de Nadau ? Lou praube petit Jésus, de nau badut, qu'ère tout escas bestit d'û panét usât e dounc mince coum ue telaraque. La sasoû qu'ère rede, aco be-s sap, e lou nenè que tremoulabe; qu'aberé, segu, atrapat û mâchant croc si, per boune escadence nou s'y abè troubat hens la misérable bourdete û boéu e û àsou qui, prés de pietat, dab la loue alét tèbe lou rescauhèn toute la noeyt dinqu'à l'aube; quoan hasou dies, Sent Yausèp que poudou ana cerca buscalhes enta ha drin de hoec. Mes lou petit Yèsus ne-s desbroumba pas las dues bounes bèsties qui l'abèn saubat e quoan tourna ha escu e que la borde esté boeyte, que digou à l'àsou e au boéu de qu'ous boulé recoumpensa. « Lou me Pay, si hé, ne b'a pas boulut da la paraule ou mey lèu que la be tiré permou que lous bostes permès parents que s'en èren serbits ta dise de lèdes causes; mes, pusqu'èts estats tant brabes, you qne-b bouy adouci la peniténcie e, touts ans, quoan tourne, la noeyt de Nadau, que pouderat debisa enter bous auts, au mens pendent ue ore. » Lénde-die, e lous qui seguin, qu'arriba mounde à hioles, b'at sabét, ta biéne countempla lou Diu-nanét, coum Faperaben lous noustes anciens. N'èy pas besougn de-b dise si, à trabès de beroys paraulis e s'y digou tabé peguésses e estrousseries. Lou boéu e l'àsou qu'entenèn tout aco e n'en perdèn pas û mout. Lou temps que passa e lou cap-d'an de Nadau qu'arriba. Sus lou truc de mieje-noeyt, l'àsou que dit au boéu, en parla coum bous e jou : « Adiu, camarade, quin te ba la bote ? » — « Dinqu'au soum de la culote », si tourna lou boéu. » — « Lou petit Yèsus ne-ns a pas couyounats, si rehé l'àsou : que bam poudé ha drin de prouclam : e-t trobes urous de poudé parla ? » — « Urous ?... que dependera de ço qui-s ba passa. E-t soubiénes de tout ço qui abém entenut à la borde de Bètîèm e despuch ? » — « Qu'entenoum hère de praubes debis e de paraules ta non dise arré... » — « E despuch » — « Despuch ? Lhèu encoère mey e. piri... » E atau que countinuèn; quoan s'aperceboun que l'ore qui-us ère ernpartide que s'anabe acaba, l'àsou que hé au boéu : « E coundes qu'abém plâ emplegat la pause ? » E lou boéu dou respoune : « Passade que l'abém, mes emplegade plà, n'ey pas segure : qu'ey ço qui abém dit ? Foutiroles e arré mey. E bos lou me abis tout cru ? Quoan lou Boû Diu e-nse coupa per toustém la paraule que hé plâ ; mes arrés nou-m tirara de l'idée que cpioan la boulou decha aus omis — qui s'en èren pénsi autan mau serbits que. lous noustes parents, — qu'ère entaus puni encoère mey que si-us at abè tirât tabé. » — Qu'as lhèu rasoû, si digou l'àsou, d'û ayre sentencious. E despuch aquet sé, à maugrat de la permissioû, ne n'an pas mey hèyt usàdye. LOU TALHUR. �LOUS MEMORIS D'U CAPBOURRUT PRUMERIES (Seguide e fi) VII. — BELINE Lou pouémi oun sayari de pintra la bite tribalhadoure e soufrénte dous mountagnòus que se-m tourrinabe dens la cabosse. Mes nou-m sentibi per encoère prou d'alet e de forces ta l'ayerga. Labéts, coum bien! de léye lou Nabarrot de 1890 éditât per Lespy permou dou Biadye dous Felibres, que dechàbi de sec las mies odes, sounets e fables e dinque à 1894, n'escribi que cansoûs. Qu'en bouli û flouquet, e d'aquére idée qu'en espelibe Lou piu-piu de la mie flahute (1895). U prumè recoelh noû hè goàyre de batsarre. Lou yoén escribâ, dens la gauyou nabère de s'espia en létres de moulle, que-s plats d'embia-u taus amies, taus redactous de rebistes, ta la parentèle. Aquéstes, d'û ayre destacat qu'en coupen lhèu las hoélhes e que sayen de béde ço que-y pot abé aquiu deguéns en sautan hère de payes; de qu'en y-a, mounde coéntats ou qui n'aymen que ço qui téchen per ets-medichs, sénse l'aubri, qu'où hiquen en û cournè, en mandan toutû banastes de coumpliméns ahoegats à l'autou. Dus ou très en quèste de mestiou, ou bertadès amies (qu'en y-a tabé, Diu mercés !) que passen dab hère de soegn l'oubréte, qu'en esprémen articlots de yournau; que prouméten au siuletàyre û abiéne merabilhous. L'edicioû toutu que s'esperdessie, per aquiu, que s'en ba de la boutigue dou liberàyre dinque au tistalh dou perraquè. E noû s'en parle mey. Dus mestes, dus amies dou mes que hén arcoelhénce à las mies rimalhères. Bourdétè qu'en hou encantat. Pusque l'abi credut, pusque nou gahàbi lou flahutet biarnés de Despourri, l'aunou labedanés qu'ère saub e la mie cansoû nou poudè qu'èste hort beroye e escadude. L'aute, Yan Passy, qui-m debè balha û loung prousey dens Le Progrès des Pyrénées de Pau; que tienè tout parié à ço qui n'escriboùssi qu'en parla dou me bilàdye. Mes, per d'autes rasous. En òmi dou Nord, que credè qu'en France nou y'abè place que ta ûe léngue literàri, lou francés, e, senoû, cadû que-s debè countenta de. la parladure en usance au pè dou sou campanè. Mes aquets dises nou-m gagnaben ballèu mey. De coenteya dab lous omis de la plane, qu'en arribàbi à noû mey estaca-m tant qu'aquero à la léngue mountagnole. Ta bèt counde, ta bère peguésse, noû die, mes ta ue obre de hortes aletades, ta û pouèmi, de segu, noû. D'aulhous lou me parla, per trop estremat, qu'abè moûts arrouchs, bienguts d'Aragoû e de Catalougne, tirades, testimônis d'û latî de la souque antic, e lou mounde de las arribères, entre Tarbe é Pau, lous qui leyiben, noû s'y gahèren qu'à male-ayse. Perqué, labets, nou mescla-m à l'ana literàri e seculàri dou Biarn, païs de las cantes ? �— 95 Ya eau dise que tant qui payeràbi las pèçotes dou Piu-piu, la pouesie de Labaig-Langlade, Gastoû-Febus, dou nouste councours de 93 que m'abè embisagglat, e l'an medich, à Cautarés, enço dou liberàyre Cazaus, qu'abi poudut croumpa, e passa, dab la hamière qui debinats, lous Comités biarnés, sus bèt in 4°, sénse noum d'autou, qui èren l'obre, e n'at sabouy que hère despuch, dou reyént Lalanne. Que m'y boutàbi mey que mey, e coum bieni de desnida U reclam de mountagne de Louiset de Lacountre, dens lou libiè de Poueylahû, doun lou pay Cazanabe e m'abè enter-aubrides las portes, qu'èri coumbertit à de bounes. Tabé, coume en 1895 lous Troubadous mountagnòus de ïarbe me demandaben très ou quoàte couplets ta l'estrée de la Hount dou Marcadiu, que coumpousàbi en biarnés Lous Gabes de Bigarre, cansoû qui, armounisade per l'abat Mole, ey debiengude poupulàrie : très ans de seguide, dinque à 1898, que m'atelabi à l'oubréte sauneyade. Mey que las obres drin simplotes de Yansemi, Mireio que demourabe. ta you la mustre qui noû saberi atégne. Noû poudi pensa en ues télés d'aquére amplitut; nou-n bàden à parelhs, capbat dou medich sègle, artisâs d'ûe mesure tau, e nou sera yamey permetut qu'aus benaurats, munits d'ûe éducaciou literàrie, e qui noû an à gagna-s lou yournau, coum tabé aus besiats sénse ipoutèques de familhe, de payera d'aquets tribalhs grandous e acabats. Qu'abi toutû bounes espérances, e, en you medich, que-m disi que las terres de Gascougne e de Proubénce que hoùren prou desparières ta goarda-s cadue lou soû sapte. Ue care de la gouyate pirenénque be poudè abé, toutû, la soue berou despuch de l'esmiraglante chato de la Crau ? Ne l'arsec dous persounàdyes, ne la richésse dous tablèus, de segu, mes lhèu aute cause : Payrans, pays, mays, tatas, hilhs, hilhes, amigues e besies dens û cadre familhau, dehs lou tribalh de cade die, lous gays e las doulous que lous bius e coussiren. Medich ue maye place ta la moulhè, ta la daune qui èri estounat de béde prou escounude dens lou pouémi de Mistrau. Lous materiaus de tau manobre qu'ous abi. A case, p'ou besiàdye, qu'abi toustém biscut dab mounde de qui n'abèn en bouque d'auts parlaménts, d'auts tesics que lous dous tribalhadous; dises natres de coumparès paysâs, tèrmis toustém emprountats à l'ayre dous pasténes. Qu'ey la mie may, baquère dinque l'an oun se maridè, p'ous cuyalas dou Migouèlou e dou Marmurè, qui-m a coundat quoan e quoan de leyéndes, la de Male-lit, la dou Caddèt d'Arrouyâ, e d'autes... Coum aubribi lous mes oélhs sus lous ahourès de la nouste bat, très ou quoàte estius de seguide qu'èri puyat capsus, e que-m droumïbi au yas de la cabane. D'aquets ans, en 89, si crey, dab Payrî, que hey mey d'û tournot sus lou Migouèlou, que y'amountagnabe û amie dous sous, lou Louiset. Dou Budrussa, d'oun s'apoudyabem, que passèm coumes qui an ue troupe de lacs droumilhous e n'ey qu'à petites estanques qui-ns apressabem dou gran garroc qui serbech d'abrigue. Que-ns abè bis d'û tros loegn, lou mayourau, e lou soû anilhet de yoye que �— 96 retrenibe sus las murralhes de pèyre, pourtat de reclam en reclam qu'anabe houni-s dens l'aygue mourte. Payrî que respounè per gn'aute, nou pas ta hort, permou qu'ère aus sètante, e de gaha-s lou pè dens lous grèts de péne e de s'arrapa las mâs à las tusques de broc, que y'abè de que lassa-s lou bouhet. Que y'èrem toutû, e qué-nse toucabem de mâs dab lou Louiset, bielh payran et tabé, e tout urous de-nse béde. Aquet bounur qu'eslamatabe dous sous oelhs e que-s mercabe dens la prèsse qui abè de-nse ha tasta la boutéte enlade de binot, que la soue arrè-hilhe e bienè de pourta-u dou bilàdye enlà. Toutû qui s'assedèn, gauyous, lous dus pays-hoûs au pè d'û calhau, lou berret endabans s'ous oelhs ta bira-s dou sourelh qui cauhabe, lou bastoû sarrat dab las dues mâs au miey de las cames, à las bistes dou miralh glaçât. Que-m boutàbi drin endarrè dous coumpagnoûs, bèt drin fatigat d'abé garrapetat, mes lou co en yoye de ço qui abi daban, e tant nau enta you : Penàgles lis, chourrères brounidoures, garrocs henilhats, rouyes dous arrays de mieydie, dab p'ou miey quauques plaps de yèrbe bérde, flocs de gnèbre, nat arbe, que las abéts e lous pis que soun hère mey bach. Nat ausèt en l'ayre. Si, de quoan en quoan, agles ou bûtres per très ou quoàte, aies estenudes birouleyan sus noustes caps. Acera hore, de la mountagne desoulade e turmentade, û cèu pregoun qui-s tournabe mey estiglant cabéns de la gourgue imménse. Toutû que la nène maynade dous doudse ou trédse ans, que-s trufabe beroy de ço qui poudè espia per aquiu capsus e parpalheyabe adentour de Payrî e de Louiset. Aquéstés, que s'at coundaben. Bessè que s'at abèn ta quauque bèstie qui broustabe per aquiu, d'ue anésque aus corns qui yessiben e au beroy cabouloû, e qui proumetè d'èste. bendable; de quauque baque pregn ou beterère (e à cops l'ayre que pourtabe lou talantalan d'ue gran metale) e dou taure, permou que Louiset que l'abè croumpat en tièrrou (lou tièrrou qu'ey lou betèt qui bién de bàde) e qu'en ère bèt drin fièr. Mes sus lous très ans, are que-s tournabe bèstie danyerouse, e Faute se que la droullate lou hasè quauques guilhèsques, que l'abè seguide, e poc s'en ère mancat que dous sous corns ahielats nou la gahèsse per las pélhes e la ne mandèsse capbat dous galihors. Leuyère couine ue crabéte, bestide tant per tant d'û pelhou dab lou dabantau, la maynade qui nou-s soubienè mey de la hèyte dou taure, que sautabe, que dansabe meylèu de calhau en calhau : « Se la bedéts, hasè Louiset, aquero nou-s broumbe d'arré ! Dise de qu'û cournassat ou ue pèytade que la-nse poudèn aucide ! » Que s'en bienè sus nous-auts, coum d'estrèyte, e que s'escapabe quoan lou payran la miassabe dou tòtchou. Tè, nou sèy quin, que la bi estrégne de las soues manétes lous oelhs dou payran, qui, apatsat, are, la dechabe ha. Ere, dou dise : « Aubrits la bouque, bat béde ço qui-b bouy da ! — Dèche-m, cranc de sapourrote ! », se tournabe lou bielh. E coum, per fis, e l'aubribe ue bouque herrade de dents beroy blancs, qu'ey ço qui hasè ère, que l'y pausabe û barbòu sus �— 97 — la léngue à mode de tarroc de sucre. E de hoéye, e de ha tringla lou soû arride, e d'ana-n de garroc en garroc, leste coum l'esquiròu, toutû que l'aut escoupibe de boune gane e, à las à quoàte cercabe d'atégne l'empertinénte. « Demoure-m tè, que las me pagaras toutes en û cop... E qu'arrecoutesques anoeyt ta la cabane ! » E coum, lèu gourpit de la courrude, Louiset s'ère assedut, de darrè la péne, la maynade, yougan aus estuyòus, qu'où bienè ha : « Tit, tit ! » Se d'autes cops, ans despuch, e-y tournàbi tau Migouèlou, nat estiu nou-s passabe que nou y'abousse tabé passeys dens la haute bat d'Aussau e las arribères dou Gabe e de l'Adou. Lou ritme dou pouèmi troubat (autalèu qui-ns abém hounut lou moulle la cansoû qu'ey tramade) que mandàbi lous mes escriuts à Mous Zabiè de Cardaillac, û bicqués, amie dous Palays ê quin m'abè loungademéns dat epurau : que-m birabe la mie cante en francés. E qu'en hou ço que hère troupe e sàben : A la yesside de Garbe de 1899, coum lous Bercets de Yoenésse dou Simin Palay e partiben de las prémses de Croharé, à Tarbe, de ço de Lescamela, dab û medich coubertis coulou de roumént, que s'en boulabe la prumère tirade de Beline. Mars de 1937. MIQUÈU DE CAMELAT. LOU TEATRE NQUSTE Lou Mayre Aulhè Tragi-coumedie en 3 actes, s'ou pugn. (seguide) ACTE II Lou dimenche. Toustém à la maysoun coumune, cheijs ores dou matin. SCENE PRUMERE LOU NOURBERT-MAYRE-AULHÈ, LOU BERJILE, LOU LAURENS LOU BERJILE As droumit ? LOU MAYRE-AULHÈ Nou. LOU Ne jou. LAURENS �— 98 — LOU MAYRE-AULHÈ Qu'èy droumit d'ue aurelhe. Qu'èy saunejat qu'abèy darroucat à l'arrelhe. Que-m dechidi : qu'èy pòu. Que tourni sauneja : Un bruni de boussalouns e-s boute à tourneja. Jamé n'èy bis enloc ta hastiarot aujàmi. A l'entour de la charpe aquet tarrible echàmi Birabe, e que-m hasèn entra mile hissouns Qui-m traucaben la pèt coum autan de pousouns. Qu'èri coum mourt e touts disèn : « Qu'é mourt, lou [praube ! » Que trangaben sanglouts. Qu'aubri l'oelh : qu'ère, l'aube !... Lou cluchè saludabe un sourelh arrisén Qui-s trufabe de jou coum at hè lou rején. O ba, praubes amies, qu'èy lou hissoun que-m trauque. Qu'èy lou cap boeyt, lou co malau, la bouts arrauque. LOU BERJILE Jé, deban lou miralh, ne disès pas atau, E très cops, pét à pét, que-m hasès un berbau. LOU MAYRE-AULHÈ Se eau, que-y tournerèy. LOU BERJILE Berbaus ? Hè me-n adare ! Oey, qu'ès arré coum jou e la charpe que-s care. LOU MAYRE-AULHÈ Belhèu ! LOU BERJILE Belhèu ? LOU MAYRE-AULHÈ Belhèu !... LOU BERJILE Tè, Nourbert !... • LOU MAYRE-AULHÈ O, belhèu ! Dèche de-m enguicha lou mus. Lauréns, balèu. Jé, que-m a dit que souy auta pec que la lue. LOU LAURENS Qui ? LOU MAYRE-AULHÈ Lou Berjile. LOU LAURENS Aném ! �— 99 — LOU MAYRE-AULHÈ E qu'é de Bellebue. Coum jou, coum tu. LOU BERJILE Mes jou, coum tu ne dànsi pas, Pec, très cops pec, deban un miralhot, b'at sas ? Que s'enténen bouts de dehore. SCENE II LOUS MEDICHS, ELECTOUS UN ELECTOU Ah ! ah ! qu'abém troubat la porte desclabade. Oey qu'es balén, Nourbert, e que-t bam ha l'aubade. Segu que-t pourtant touts s'ou troussot de papè. A chibau sus la ley ne seras pas à pè. Ne tourneras pas mey eslurrat de l'aubarde Coum abès heyt un cop. à part ét, hort. Aquet parla m'enlarde. Messius, enta que dounc bienéts ? LOU MAYRE-AULHÈ, L'ELECTOU Ente bota. Oun abém lou quéssot ente poudé bouta Lou papè blanc ? LOU MAYRE-AULHÈ Coum blanc ? Dab noums que-y eau escribe E lou meng lou prumè. L'ELECTOU Qui n'ou bo pas qu'où gribe. LOU MAYRE-AULHÈ, arissat. So qu'as dit, insoulén ? Lou meng, qu'où bos griba-u ? L'ELECTOU Lou toun. LOU MAYRE-AULHÈ So que dires se-t hasèy un berbau ? L'ELECTOU Que diri qu'ès un pec. LOU MAYRE-AULHÈ Que dires u' peguésse. L'ELECTOU Que diri la bertat. N'ès pas roumén, qu'ès bésse. �— 100 — LOU MAYRE-AULHÈ, panlìchot. Se jou ne-m pourtats pas, qui dounc e pourterats ? L'ELECTOU Lou Paulin de Bourboun e mey moussu Barats. Jamè nat pec coum tu ne s'a boutât la cinte. S'ères un ramounur, tout caperat de tinte, Passan dab lous utis enhechats darrè-u cot, Que dirén : « Lou Nourbert porte plan lou licot ». Mes abé lou poudé coum la majistrature, Mes ana, coum hasès, capbat la préfecture Escuse-pét dous bouns e nou pas dous boulurs, Nou, nou, qu'é prou. Nourbert, oey qu'auras cent talhurs Qui hèn la punterade enta-t couse la beste. Dinc'à oey qu'ères meste e Diu sab quin pec meste ! Mes, au sé, que seras coum nous auts, mey Jan-blanc. B'at sàbes ? L'auticop que-t panèn lou hasan. Oey, que-t ban darriga la charpe tricolore. Qu'am prou d'un mayre pec : que-t at beyras enlore. Lou Mayre-aulhè, panle e arissat que s'estoumague coum se s'abè heyt passa un groun de habe au mauloc. Lou Berjile e lou Lauréns qu'où truquen sus l'esquie ent'ou ha desguibera. LOU MAYRE-AULHÈ Que souy mourt ! Que souy mourt ! SCENE III LOUS MEDICHS. UN JENDARME LOU JENDARME, qu'espie lou Nourbert estoumagat. Moun Diu, coum é patchoc ! Machan boucin que s'a heyt passa p'ou mau-loc. LOU MAYRE-AULHÈ, que-s tourne e que cride : A l'assazin ! L'ELECTOU Coum dits ? LOU MAYRE-AULHÈ A l'assazin ! Jendarme... L'ELECTOU Que. l'abém pec. �— loi — LOU MAYRE-AULHÈ Trucats, trucats dab la boste arme. Au boulur ! LOU JENDARME Qu'an panât ? LOU MAYRE-AULHÈ Arré. LOU JENDARME Perqué cridats Au boulur ! Au boulur ! LOU MAYRE-AULHÈ Pramou moussu Barats Que-m bo pana la charpe aban sie escurade. Chens moussu, per coate ans que-m ère assegurade. Au boulur ! LOU JENDARME E-b carats, ou que-b hèy un berbau. LOU MAYRE-AULHÈ A l'assazin !... Messius, que sénti que me-n bau. Que-m bau passa ' L'ELECTOU Nourbert, as prou heyt de la bèsti ? LOU JENDARME Lou quéssot de bota ! Biste ou jou que-b arrèsti ! que-s tourne en pleng. Jendarme, bous tabé que botats countre jou ? Que-s tire In charpe de la potche e qu'où balhe pots. Charpe, adiu ! Adiu, charpe ! adiu, la megne aujou, Glòri dou gran Nourbert, aunou de la sou' bite ! LOU MAYRE-AULHÈ, L'ELECTOU Dinc'à soucouc, Nourbert, bas abé la perpite ? Balhe dounc lou quéssot, dèche ha lou burèu. Se-t hèn ha bireboc ne sera pas trop lèu. Lou Mayre-aulhè, oelhs de crabe, boute lou quéssot sus la taule e lous electous balhen papès de bota. La têle que dèche ana. (que seguira.) C. DAUGÉ. �— 102 — LOUS DEFUNTS Yan dou Gouf Au darrè numéro, nou poudoum que mentàbe en dues arréques la desparescude dou nouste bielh counfray lanusquet : L'û méylèu, Vaut mey tard partech e touts que hèn lou bire-bare ; e om que-s broumbe lhèu qu'en aoust de cade anade ou per capd'an nou mancabe d'escribe qu'ère aquiu et, lou degâ de l'Escole. Se n'a pas dit arré capbat l'estiu, aylas ! qu'ey permou qu'ère partit ta l'aute mounde. Senou que-s noumentabe Yan Duboscq, e se sinnabe Yan dou Gouf, qu'ère en soubeni dou gouf (gourg) qui toque à Capbretoû, oun ère loungtems estât reyént. Qu'ère dous prumès lanusquets bienguts à la nouste obre despuch las hèstes dacquéses de 1899. Que s'y ligabe dab J. V. Lalanne, e quoan aquéste, dab lou Capdau Louis de Batcabe e decidabe, en 1912, qu'il Counselh de quarante mantienedous que seré au Cap de l'Escole, Duboscq qu'ère de la prumère toque. Omi gauyous, boù coumpagnoû, qu'où bim soubén à noustes hèstes. A cops, que l'agradabe de rima istoerotes e que s'arrecaptè quauques prêts aus Yocs flouraus noustes, que y'a trénte ans d aquero. En 1930 qu'en hé dus libes dab la rebirade en francés : Eimalhotes en gascoun. U tems, dab lou reyént de Lauréde, Lacouture, òmi sapiént e beroy escribâ, e dab lou soû counfray, Pierre, reyént tabé à Capbretoû, que hé coume ue trinitat de mèstes d'Escole lanusquets. Ya bculerém poudé dise, oey lou die, que très gouyats qui escoulien maynàdyes, que soun dous noustes amies, e dous noustes escribâs au païs de Lanes. La gragne dous anciens e-s séré perdude ? N'at caleré pas. Gastou Fourcade Omis que y-a, nou deberén yamey mouri. Que soun la yoye e l'emparance de la loue familhe, lou lustre medich de la loue ciutat, e tabé l'ayude e lou counselh dous us e dous auts, adarroun. Qu'en ban sénse pleyteya ne plàgne-s yamey de l'ingratitut dou monde. Atau qu'en hou de Mous de Fourcade, û tems mayre ou ayude au mayre d'Aryelès. Esperit de ley que l'agradabe de léye las obres en léngue mayrane, e que hou escouliè fidèu de la Gastou-Febus despuch las prumères ores. Que poudoure escribe, e depla, e las probes qu'en soun dens lou debis biarnés qui-nse hé en 1933 à l'Oustau de bile; qu'ey et d'aulhous qui entinoabe lou hèstau, à la Glèyse, daban las maysous de Lacountre e de Bourdéte, e qui-nse gabidabe au Castèt de Miramount. �— 103 — Aus sous darrès dies ta crudes, mes supourtats per ue amne crestiane, la soue entelliyénce qu'abè goardat la soue luts sancére. Coum l'anabem béde (Diu ! quin ère debiengut sec coume ue escalhe) que boulou pla demanda-ns noubèles de las hèstes de Tarbe, e tabé ço qui n'ère dous amies, de Daugé, de Palay e d'aquére yoe.ntut pla-disénte qui deu demoura souléte ballèu, quoan lous aynats ayen cambiat de païs... Qu'auherim au sou fray Louis lou testimòni dou dòu de l'Escole Gastou-Febus. M. C. •s ! - - gffgq^ —' »• YOCS FLOURAUS DE 1908 Pouesie. — Sudyècs libres : Pouesies, cansous, sounets, fables, coundes en bèrs, etc. Prose. — Sudyècs libres : Roumans, noubèles, soubenis de la guerre, létres, cretic d'u autou de Lanes (C. Daugé, Mgnou Gassiat, Isidore Salles) passeys, punts d'istorie, coundes e leyéndes, etc. Teàtre. — Quau se boulhe la pèce, drame, coumedie, debertissance en bèrs ou en prose. Tradicioûs. — Recoelhs d'arrepourès, de dises, de causes-biscauses, de pregàries, de yocs. Credénces e coustumes, bielhs remèdis, etc.. Gloussàris. — Hournitures au Dicciounàri de Palay, moûts qui toquen au pi e à tout ço qui bien dou pi; noums de pechs e d'ausèts de la mar d'Arcachoun, etc. COUNCOURS DE LAS ESCOLES ESCOLES PRUMÈRES a) Maynats dou certificat d'estùdis : Counde de belhade; narracioû. b) Maynats dou cours mieyè : Coupie d'û texte de 10 lignes d'autou gascoû, à l'agrat dou reyént. ESCOLES SEGOUNDARIS Enta-us grans escouliès (eslhèbes de permère e segounde) : 1. Rebirade de Berijèli. « Las Geourgics ». Libe II, dou bèrs 397 : Est etinm ille labor... dinque au bèrs 419 : ...metuendus Jupiter uvis. 2. Rebirade de Cervantes. « Don Quijote ». Permére partide, Cap. XX, dou coumençament dinque à : el lugar donde se hallaban. �— 104 — 3. Discutide. — Menicoû qu'a gagnât quauques miles à la Louterie Caddetoû qu'aberé boulut que croumpèsse. tèrres; mes Menicoû qu'a mey aymat ha puya la maysoû d'û soulè è arranya-le enta que-y aye coumouditats e « counfort ». Caddetoû qu'a bengut béde lous oubrès au tribalh e que-s boute à discuti dab lou soû nebout. Entaus yoens escouliès (eslhèbes de 3au e au débat) : Description. — L'aubèrye dou bilàdye que s'ey « moudernisade » e de la borde qu'en an hèyt û garàdye. Coumpara la soue bite de d'autes cops à la de oey. Enquèstes gramaticaus (entaus grans escouliès) : 1. Estudiat dens lou parla de boste lou trattament de las boucaus seguides de Yod. Beyat enta d-acò lou Manuel « Du gascon au latin », n°s 9, 10, 11, 12. 2. Las formes dou presént dou Subjonctif dens lou parla de boste (bèrbes réguliès e irréguliès). 3. Sudyèt libre : û punt (au boste choès) de la Sintaxe gascoune ou biarnése. Balha règles d'emplec e exemples dens lou boste parla. COUNDICIOUS DOU COUNCOURS Lous Prêts : Medalhes de brounze, libes e diplômes, que lous lauréats soun pregats de coussira-s lou die de la hèste-annau de l'Escole. Si noû, demanda-us au Secretàri en pè en manda timbres ta l'embiade. Lous mandadis que demouren lou bé de l'Escole, e aqueste qu'ous pot publica se l'agrade. Que dében èste embiats : 1° La pouesie, la prose, lou teàtre, las tradicioûs e lou gloussàris à M. Camelat, segretàri en pè à Arrens (H.-P.); 2° Las coumpousicious de las Escoles prumères à Daune O. Coustet, reyénte à Doazoû per Arthez (B.-P.); 3° Las coumpousicious de las Escoles segoundàris à M. Yan Bouzet, proufessouagregat au Lycée Rollin, carrère Geofroy-St-Hilaire, 8, Paris (v°). D'aci au 15 de yulh 1938. Lou Capdau, S. PALAY. L'Emprimayre Mèste en pè : E. MARRIMPOUEY. � Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Patrimoine écrit occitan:périodiques Description An account of the resource Ce set contient les périodiques numérisés par le CIRDÒC issus des collections des partenaires d'Occitanica Revista Item type spécifique au CIRDÒC : à privilégier Région Administrative Aquitaine Variante Idiomatique Gascon Aire Culturelle Gascogne Type de périodique Revistas d'estudis localas = Revues d’études locales Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Reclams de Biarn e Gascougne. - Anade 42, n°04 (Yenè 1938) Alternative Title An alternative name for the resource. The distinction between titles and alternative titles is application-specific. Reclams. - Annada 42, n°04 (Genèr 1938) Subject The topic of the resource Félibrige Gascon (dialecte) -- Périodiques Littérature gasconne -- Périodiques Histoire locale -- Gascogne (France) Description An account of the resource Reclams. - janvier 1938 - N°4 (42e Année) Creator An entity primarily responsible for making the resource Palay, Simin (1874-1965) Tucat, Yan de Guichot, Jean (1883-1963) Pic, André (1910-1958) Laborde-Barbanègre, Manuel de Boudon, E. Sansou, Y. Ronjat, Jules (1864-1925) Lou talhur Camelat, Miquèu de (1871-1962) Daugé, Césaire (1858-1945) Marrimpouey, E. Source A related resource from which the described resource is derived <p>Bibliot&egrave;ca de l'Esc&ograve;la Gaston Febus</p> <p><br /><a href="http://www.reclams.org/" target="_blank" rel="noopener"><img style="height: 97px;" src="http://occitanica.eu/images/omeka/gaston_febus.jpg" alt="" height="97" /></a>&nbsp;</p> Publisher An entity responsible for making the resource available Escole Gastou Febus (Pau) Imprimerie de Vignancour (Pau) Date A point or period of time associated with an event in the lifecycle of the resource 1938-01 Relation A related resource Vignette :&nbsp;<a href="http://www.occitanica.eu/omeka/files/original/e472a8c919c77eed6b76d1205b58246f.jpg">http://www.occitanica.eu/omeka/files/original/e472a8c919c77eed6b76d1205b58246f.jpg</a> <a class="link_gen " href="http://www.sudoc.fr/039860345" target="_blank" rel="noopener">http://www.sudoc.fr/039860345</a> Is Part Of A related resource in which the described resource is physically or logically included. Reclams de Biarn e Gascounhe&nbsp;<a href="http://www.occitanica.eu/omeka/items/show/2019">(Acc&egrave;s &agrave; l'ensemble des num&eacute;ros de la revue)</a> Format The file format, physical medium, or dimensions of the resource application/pdf 1 vol. (40 p.) Language A language of the resource fre oci Type The nature or genre of the resource Text publication en série imprimée Identifier An unambiguous reference to the resource within a given context <a href="http://www.occitanica.eu/omeka/items/show/2963">http://www.occitanica.eu/omeka/items/show/2963</a> INOC_Y2_17_1938_01 Rights Information about rights held in and over the resource Domaine public/Domeni public License A legal document giving official permission to do something with the resource. Certains droits réservés Temporal Coverage Temporal characteristics of the resource. 19.. Date Modified Date on which the resource was changed. 2016-06-28 Occitanica Jeu de métadonnées internes a Occitanica Portail Le portail dans la typologie Occitanica Mediatèca Sous-Menu Le sous-menu dans la typologie Occitanica Bibliotèca Type de Document Le type dans la typologie Occitanica Numéro de revue Contributeur Le contributeur à Occitanica Inoc Catégorie La catégorie dans la typologie Occitanica Documents Patrimòni cultural = Patrimoine culturel