https://www.occitanica.eu/files/original/83419a364c80061ba22909b30020187b.jpg 146999704fb8c137a5a2c14612a7e431 Omeka Image File The metadata element set that was included in the `files_images` table in previous versions of Omeka. These elements are common to all image files. Bit Depth 8 Channels 3 Height 1131 IPTC Array a:1:{s:11:"object_name";s:14:"1911 15e Anade";} IPTC String object_name:1911 15e Anade Width 1696 https://www.occitanica.eu/files/original/cf4ec9fe2b3a52b162e449456623e1ce.pdf 9a0a33f4fe3a0bbd981466826fd30098 PDF Text Text Heurè de 1938 42*» Anade CLAMS DE DOUCTRINE Lou Felibridye e la Bite-bitante En-permou qu'û medecî, bèt die, que digou : le génie confine à la folie, us-quoandes, e de brabe mounde, que créden que touts lous omis d'enyenie que soun hòus ou tout au mens drin « toucats ». De manière que quoan ue grane entelliyence, sustout se s'ayech d'û poète, dits causes qui estounen permou que sortin de l'ourdenàri, la maye partide dous qui n'an qu'ue coumprenedere, boutém mieyère, que pensen de tire : « houlie ». Mes, lou temps que passe, las enbencioûs de l'òmi d'enyenie que proben la loue balou e de houlie nou s'en parle pas mey : qu'ey û gran esprit e arrés n'at countredits. Quauqu'û toutû que s'ey tirât de l'abenture sens escàrni serious ni trufandise : qu'ey Mistral. Saye, au sens ancièn, esprit ploumat e serious e gran poète, en despieyt d'aco, reaies que soun lous qui l'an criticat e nad n'at a poudut ha à boû dret; que y abou, que y a e que y abera petits cagnots ta layra au darrè dous qui soun mey grans qu'ets, mes quoant om bet la hèyte, nou hèm qu'arride. Mistral ne founda pas tout soul lou Felibridye, mes qu'ey et qui l'a balhat l'endoum e la balou d'ue douctrine souciau; lous qui nou béden en nous, felibres, que rimayres, cantayres e. saute-la-brouste nou soun que de praubes ignourents — e qu'en y a ! Mes, ue cause qu'ey de remarque — que soy dou mestié e qu'en pouch dounc parla — lous criticàyres que houn ou que soun d'ourdenàri de la courpouracioû dous gazetiès, journalistes coum disen oêy en francés. Or, si d'autes cops nou y abè en aquere proufessioû qu'escribâs d'ue ley particulàri, au die de oey n'importe qui que pot esta gazetiè e escribe de. tout e de n'importe que, toutu coum û omi politic pot esta, à d'arroun, ministre de las finances, de la yustice ou de la guerre. Aquet mounde qu'aprénen aus despens dou mestié, coum disen lous bielhs, e encoère, si aprénen ! N'ey pas la sapience qui coumande, coum lou dret sens at demandaré e drin d'adretie que sufech; que saben toutû qu'an lous ahas dab mey ignourents qu'ets. Mes, aço qu'ey parla ta nou dise arré pusque toutû, si-s parech, lou mau qu'ey sénse remèri. Lou filosofe Bergson Que dits en quauque loc : « L'idéal serait une société en marche et toujours en équilibre, mais cet idéal n'est peut-être pas réalisable. » Qu'a lhèu rasoû, mes toutû que y a toustém omis qui tribalhen à réalisa aquet équilibre. E eau dise, labets, que soun hòus ? Certes, qu'èm touts d'acord �106 — sus quauques Listes de la houlie e qu'an créât asiles taus cas qui arrés ne countèste, lous cas danyerous ta la persoune, prése en soul : û hòu qui bòu tua, hica lou hoec en ue maysoû, ha desralha û tri s'ou camî de hèr e autes peguessotes dou medich escantilh, mes, quoan s'ayech de proutedya la soucietat umane, prése en ensemble, countre ue troupe de hòus groupats en partit, per exémple, nou s'y parle pas mey d'asiles ta l'y embarra. E toutû, aquére hourre que poudera esta hère mey danyerouse, que poudera suslheba ue reboulucioû e lous auciguts que-s coumptaran per milès. De segu, qu'ey enta para lou danyè qui prediquen e escriben lous qui soun proubedits de sens e de sapience e qui saben plâ, permou qu'an estudiat e méditât l'istòrie de l'umanitat, quoaus soun las règles qui dében esta seguides enta que l'òmi pousquie proufieyta de la bite matériau coum de la bite de l'esprit, la bite equilibrade sénse laquoau n'y pot pas abé bounur, dens la mesure oun lou bounur, ou ço qui aperam atau ey poussible. U d'aquets qu'ey lou nouste Mistral. Marie Gasquet, qui hou reyne dou Felibridye e qui acousta loungtemps lou Mèste, qu'a dit d'et : « La sagesse de Mistral, nourrie de réflexion, informée par la plus haute, culture, et que nous retrouvons partout vivante dans son œuvre, lui a fait peser, examiner, résoudre la plupart des problèmes contemporains. » E aquére sayésse que l'a hèyt béde las causes coum soun; que. sap que la bite qu'ey û coumbat e que noû s'en sourtiran qu'en soufri; noû y a qu'a leyi lou cant de Mirèio, lou parlament de las Sentes : O chatouno, ta fe 's di grando... Dempiei quonro as, avaa, rescountra lou bounur ? E que perseguéchen : « Lou qui sera embeyous de bébé en ue source qui yamey nou-s estarech e nou-s trouble, en soufri que la se croumpe !... Que eau que la pèyre sie brisade si-n boulét tira la palhéte. d'aryent... Urous dounc qui pren las pênes e qui-s seque en ha lou bé ! » Mistral dounc que sabè coum l'aute que la bite dou Paradis terrestre qu'ey ue enlusioû, mes que s'y eau ha coum si ère ue cause segure enta l'atégne. De tout ço qui abè après aus libes e en espia tabé autour d'et, qu'en abè tirât aqueste senténeie : L'òmi lou mey malurous qu'ey lou qui n'a pas nade patrie. E sus aco qu'a establit toute la soue douctrine, emparade, per lou restan, sus la mourale crestiane foundade sus l'amou permou, ya-s coumprén, l'idée de patrie soûle nou pot pas resolbe tout, ou qu'y caleré ha bèt drin à las estirades. E. Mistral n'ère pas û d'aquets qui aymen de coupa û hiéu en quoàte eabiroûs ; ço qui dits qu'ey toustém cla coum lou die. �U cop assegurat en soun penSament, que seguira lou soû plan sens relàmbi, coum disen en Proubence, e cadù dous sous discours que pausara û punt de la douctrine, nou y a qu'à cita lous sudyèts : Ço QUE VOULÈN; LA LENGO DOU MIEJOUR; L'ESTACAMEN AU TERIÎAIRE; LA DESPOUPULACIOUN DI CAMPAGNO; LA FRATERNITA DI POPLE, ETC. Touts aquets discours que soun courts, mes qu'ous hournira quoan escribie hens lou soû yournalet L'Aioli, que s'y esplicara sus lous punts de detalh e, en fî de coumpte, la probe que sera hèyte que lous foundaments que soun plà seduts e que lous diciples que poden persegui Facoumplissimén de l'obre û cop lou Mèste partit. Malurousamén, lous omis, mey que mey pressais de touca las rcalitats, que s'en ban au mey courre e cadû per et de-cap à ço qui-u semble à pourtade de mâ e doun pouderan proufleyta de tire, au ldc de s'uni ta feni de basti la maysoù coum eau; lou cadû per et qu'ey la ley de trops enta que l'obre nou-n sie drabade; lous efforts esparricats n'an yamey dat que poc de cause mes qu'ey hère mau-aysit de ha coumpréne au qui-s cret mey hort que touts de que s'engane. Si la douctrine felibrenque n'a pas encoère dat la resuite qui dou abé, nou eau pas cerca-n la rasoû alhurs. Mes, ço qui ey bertat qu'en sera toustém e lous qui an la fé que tribalharan, quines que sien las ciicounstences countràris, à la ha prebàle. E après cls, qu'en sera... ço qui-n sera ! Urous adounc quan pren li péno E quau, en ben fasent, s'abêno ! SIMIN PALAY. ABIS DE COUNSEQUÉNCE Las quitances de l'anade que ban parti û d'aquéstes dies ; lou Dinerè que sera plâ recounechent, permè, dou boulé manda las 20 Hures de l'abounament per lou mandat-chèque au sou noum : J. Tucat à Espoey, c. c. p. n° 34.321 : Bordeaux. NABETHS COUNFRAYS MM. Chayé (Abbé), 54bis, chemin d'Ares, St-Augustin (Gironde). Dubédat (Docteur J.), Saint-Sevcr-s/-l'Adour (Landes). �— 108 — ENSEGNAMÉNT Lou Parla nouste dens las Escoles segoundàris A perpaus de l'ensegnament dou biarnés ou dou gascoû dens las escoles segoundàris, û amie que m'a demandât de précisa qui-n se poudè enténe l'esplicacioû d'û texte, dab l'ayude dou petit libe « Du gascon au latin ». Que-m tourni gaha lou calam dab plasé e que bau saya de ha béde — pas brique à titre de moudèle, mes sounque coum ue. endicacioû — ço qui hari you medich si-m troubàbi dab ue troupe d'escouliès daban û texte biarnés. Que eau dise, tout ço de permé, qu'aquére sorte d'esplicacioû nou-s pod adressa qu'aus escouliès qui counéchen deyà prou pla la longue mayrane e qui an deyà estudiat dus ou très ans de latî. Que s'escad yustamén que dens lou prougram de la classe de 3al1 e s'y trobe tabé l'esplicacioû de textes de bielh francés e l'estùdi de las leys mey impourténtes qui mien dou latî à la lengue d'oïl. Si, au medich temps, e hèm quauqu'arré de parié dab lou gascoû, aquets dus estùdis que-s coumpletaran l'û per Faute; arré de miélhe enta intéressa l'escouliè, enta-u ha coumpréne mey à-d'ayse e ta-u ne ha lira maye proufieyt. Que disi, Faute die, que las grammatiques, coum lous dicciounàris qu'èren libes à counsurta, mes pas à estudia directamén. Ayam dounc au ras lou petit libe « Du gascon au latin » enta si hè rèyte; mes coumencém per léye û texte gascoû ou biarnés. Que bam préne, si boulét, dens la « Garbe de Proses », à la paye 20, la letre tâ counegude e ta beroye de Larroque sus lou complot dous gahus countre lous hasàs. Que supousam de qu'ey deya estade leyude e coumentade pou mèste; lous maynats qu'an poudut aprecia la beutat de l'estille e la nautat d'aquet counte animaliè qui sémble ue permère esprabe dou « Chantecler » de E. Rostand. Are que bam estudia lous moûts e la lengue. Tourném dounc léye las perméres arréques d'aqûére létre : « Cacaraca ! Cacaraca ! Qu'èy sauneyat, que b'at bouy dise. Qu'ère dou tems oun las bèstis debisaben. U sé, que m'èri agradilhat au bec d'û càssou, hens û base, e estuyat dehens las hoelhes, qu'abuy lou parât de béde passa causes estranyes debath you. Qu'entenuy ue brousside dehéns lous èrs, e en passan deban lou mey bisàdye, las machères fretades de las loues aies proubudes, ue troupe d'ausèths noeytius que s'abatoun, à trubès las broustes, sus lou sàu c que-s pausan sus Verbe. » Nou poudém pas estudia l'û après Faute, touts lous moûts qui soun aquiu : que-nse ealeré ores e ores e que-y aberé quàsi de que ha-n û libe. Que-nse bam countenta d'en béde quauques-ûs e, autant qui-s pousque, de-n tira cade cop ue ley yenerau qui-nse tournara serbi enta-n esplica d'autes. Passém dounc biste sus cacaraca qui ey ço qui apèren ue onomatopée, qu'ey à dise Fimitacioû d'û crid ou d'û brut. Lous maynàdyes �— 109 — cme-n troubaran adayse hère d'autes dens lou lou parla, sustout à perpaus dou crit dous animaus : clouqueya, piula, gnourra, liama (au loc de layra), esmarroc, coucut, etc. Arribém à qu'èy sanneyat. Si demandam, labéts, aus escouliès d'autes formes dou mont sauncya, l'ù ou Faute que-nse disera qu'à lou que disen souneya; û franchiman que disera sounya qui s'y arretire ù drin, ou reba qui-n ey tout diferént. Cerquém d'oun bién aquet mout : lou lexique étymologique dou nouste libiot nou porte pas sauneya, mes souneya, ço qui ey parié e que-ns endique : somnu -j- idiare, rêver. Lou mout somnum qu'ey de boû latî classique, e l'accusatif de somnus. Que eau moumbra que lous moûts latîs que soun demourats à nouste, coum pertout, débat la forme de l'accusatif, mes que Y m de la fi qu'abè deyà cessât de-s prounounça dens lou latî classique. Souneya qu'ey dounc fourmat per somnu, en y hournin lou sufixe -idiare. Quin se hè qu'aquet sufixe ey badut -cya ? Beyam las letres ue per ue. D'abord, au loc d'û i latî que troubam à nouste û e. Mes aco nou-nse ba pas estouna loungtems; si counsurtam lou nouste manuel aus paragrafes 3, 4, e 16 oun se parle de Fi, que. bedém que Fi loung dou latî qu'ey demourat i coum en bit (vitem) e hilh (filium), mes que Fi brac qu'ey passât à e; per exemple pisce que da pech, pilu que da peu, plicare que da plega, etc.. Lou permè i de -idiare qu'ère brac e nou poudè balha qu'û e. Passém au (/ : si ère estât tout soul entre dues boucaus, lou nouste manuel que-nse dits au n° 48, de que-s seré manténgut coum dens béde (videre), créde (credere), nid (nidu) etc. Mes seguit d'û i dabanl gnaute boucau, lous dus soûs que-s hounen en û y, de tau sorte que radiu e-nse da array, video, que bey; invidia, embeya, etc.; atau dounques -idiare que debè passa à eyare. Que-nse soubre 'encoère las dues letres de la fi, -re. Que poudém Bouta coume règle yenerau que dou latî au gascoû lous moûts que-s soun abracats pou cap de darrè, en pèrden coum qui diseré la coude. En efèyt, au n° 29 (voyelles finales) qu'apreném qu'en tau pousicioû, nou s'ey counserbat que l'a e que toutes las autes e soun cadudes; atau locu qu'ey redusit à loc, pisce à pech, surdu à sourd, furau à hum, vite à bit, etc. La maye part de las counsounes qui demourèn finaus après aquere cadude, que-s soun mantengudes; mes entre las quauques excepcioûs que eau precisamén bouta Fr. Per tant qui dens lous textes de Fàdye mieyè e-u troubam encoère escriut : mar (mare), clan (claru), dizer (dicere), madur (maturu), etc., que poudém créde que la soue cadude ey estade tardibe, mes que deyà, en aquet moument, nou-s prounounçabe goayre mes, puchque permetè de dise : pòdes crede-m au loc de creder-me; -débes dau, au loc de dar-lo. Aco dit, que sabém adare dab touts lous detalhs que -idiare qu'ey badut -eya, en bertut de leys qui s'apliquen en touts lous moûts e en touts lous cas. Aquet sufixe qu'a serbit dens lou latî coumû e tardiu à fourma ue troupe de bèrbes nabèts; que s'ey adaptât à noums e adjectifs; de tour(n), hour(n), punt, hèsta, brèspe, etc., qu'an tirât tourneya, hourneya, punleya, hesteua, brespeya, etc.; de �110 —niùc, pèc, hòu, etc., qu'abém mequeya, pegueya, houleya, etc. Beyal d'autes exemples au n° 98 dou nouste libe. Que-ns aberém encoère à rende counte de ço qui s'ey passât dens lou radicau dou bèrbe somn-idiare enta qu'aye dat soun-eya ou sauneya. Enta d'aco que eau sabé d'abord que tout o seguit d'ue nasau (n ou m) que s'ey barrât en ou (n° 8); puch que lou groupe mn que. s'ey redusit dens la prounounciacioû courente à û soul n, coum hèm dens lou mout franeés automne : somn qu'ey badut soun-. Mes en quauques endrets oun an boulut mantiéne Vm daban Yn, noû y an réussit qu'en lou desfourman e en lou hén passa à û soû besî de ou counsounantic : atau lous moûts domina, lamina, baduts d'abord : domna, lamna per la cadude de la boucau braque i, estregnude entre dues autes mey resistentes, qu'an acabat per balha : douna ou dàuna, e launa. D'aquére fayssoû somn- qu'a poudut demoura dab la forme saun- deguens lou bèrbe sauneya. Digairi, enta-n feni dab aquere questioû, que quoan lou mout somnu(m) ey estât traitât tout soul, coum û noum, dab lou sens de le sommeil, qu'ey Yn qui ey cadude coum estén lou darrè soû deu mout e que-ns a demourat : soum. Qu'ey drin parié à ço qui-ns arribe dab tour(n), hour(n) oun Yn ey mude, mes que tourne paréche dens tourneya, iournère, hourneya, hournere, etc. Coum bedét, que-y a hère de causes à dise dab û soul mout. Au darrè de ço qui abèm esplicat, lous moûts dise, tems, parât, béde, passa, causes, aies, pausa, èrbe, qui-s troben dens lou medich texte que-s coumprenerén sounque dab ço qui ey estât dit. Bèt aute coum càssou, hoélhe, machère, ausèlh, que-nse harén béde de nabères leys de la transfourmacioû dou lengadye. Dab càssou que seré la mantience d'ue abans-darrère boucau (n° 28 dou nouste libe) ; dab hoélhe lou Irattament particuliè de Yo seguit d'û y (10); dab machère e auseth, l'éboulucioû diferénte dou groupe latî II suban qui-s sie troubat au miey d'û mout ou au cap (n° 65). Nou eau pas boulé esplica touts lous moûts à-d'arroun. Qu'èy parlât tout are de souneya, permou d'amucha tout lou partit qui-s pod tira d'û soul mout. Mes enta coumença, que seré ue miélhe metode de causi moûts simples e aysits coum : pause, aie, cause, erbe qui soun à pênes diferents dou latî : pausa, ala, causa, herba; puch de n'entra qu'à petits drins dens las eboulucioûs mey coumplicades. Aquero, cade mèste que s'at bed, dab la soue pròpi esperience. Ço qui eau sustout ha coumpréne aus maynàdyes, qu'ey, dens lous cambiaméns dou lengàdye, dens lou passàdye dou latî au gascoû, au franeés ou à l'espagnòu, qu'arré noû ey i'obre d'û pur hasard, lou mendre detalh qu'a las soues rasoûs e lous soûs efèyts. Boulé countenta-s de cerca etymologies, qu'ey peguè e sciéneie d'ignourents. Dise que lou mout ausèth que bié dou latî avis, qu'ey desfigura la bertat e pausa lou proublème en faus. Que eau sabé d'abord que la vent bengude d'Italie enta s'establi pous noustes parsàs qu'abè sustituit à avis lou mout aucellu. E si pretendém counéche la science dou le.ngàdye, nou admeteram ue etymologie qu'autant qui poudém rende counte de toutes las letres qui coumpausen lou mout, Y. BOUZET. �PUNTS DE DRET BIARNÉS Lous Drets de la Hémne beude sus lous bés dous maynàdyes baduts dou maridàdye Lòu dret, e per counsequénce la soue espressioû matériau, ley ou coustume, nou demouren que poc de tems paries à d'ets-medichs. Lou dret en û païs, en ue pause, de l'istòrie soue, qu'ey dictât au leyislatoû per la force de las causes, p'ou sentimént yenerau dou pôple d'aquet tems e d'aquet païs. Çambiaméns de dret que s'en hè quàsi tout die, e ta nous auts, lou maye qui ayam supourtat, nou-ns ère amiat per û cambiamén d'idées dous noustes pays mes per ue mudance souciau estranyère, la Reboulucioû grane e lou Code de 1804. Que-ns y èm hèyts, mes ya poudém dise que lou dret qui-nse mestéye en-l'ore n'ey pas l'obre de l'oupinioû de la yent de nouste. Oey, hère de leys hourgades à Paris n'espèren pas d'èste aplicades Ad ta desparéche autalèu. Mes, nou-n digam mey : Se dou nouste bielh dret las leys e cambiaben tabé n'ère. pas û cop per sègle, meylèu de quoan en quoan e qu'ey d'û cambiamént d'aquets qui-b bouleri parla oey. L'enstitucioû yuridic doun bau debisa que toque encoère, de. loegn, au maridàdye, au matrimonij coum disèn lous ancièns. E que dében èste counsiderats à d'aquet sudyèc dus mouménts : 1° lou dret au sègle ounzau ou doudzau, e 2° lou dret dou For renabit dou sègle sédzau. Qu'ey à dise quoàte cents ans apuch. Que poudém leyi dens l'edicioû dous Fors de Mazure e Hatoulet la ley qui seguech : FOR DE MORLAAS. Rubrica XCIV; art. 291 « Item, es usadye en Bearn que si ung home da per molher sa Filha à ung autre; e aqueg ha loc, e aya recebuda sa molher, e feyt linhadge dap ère, I e II o plus, e abèn linhadge, eg se moor, et la molher après la mort de son marit fé largesse de son cos, ya per aquero los amicxs deu marit ne lo podin tore los bées deu marit, aven linhadge de luy, sino que. era prencos autre marit per si medixe : car si ac fasè, no deu usar de aquegs bées. » Si espiam, en prumères, la léngue. qui emplegabe lou Bielh For, qu'arremarcaram de tire, quin ey poupulàri e poc yuridic. La cause ifuridic de la situacioû de « béude » abans lou maridàdye, au mouillent de las « spousalies » quoan lou pay de la qui sera beude. e « la da per molher à ung autre home » ou, plâ segu, enta poudé èste béude que-s eau marida, mes, e qu'at bam béde toutare, aco que s entén chens se dise dens lou For arrenabit dou sègle sédzau. Adare, déni quauques esplicacioûs. La prumère frase que-s coumpi én adayse e nou l'abém doungues à esplica; la dusau, au countre, qu'ey bèt drin trop braque « e aqueg ha loc » que deu boulé significa : Se lou maridàdye de. la hilhe de l'òmi qui la da per moulhè à û gn'aute, qu'a loc... « E aya recebude sa molher » qu'ey ue coundicioû maye. Are, la mode qu'a cambiat, mes à l'adye mieyè, dab las �idées crestianes dou maridàdye canounic, que calé abans tout que la hémne enta poudé este la moulhè daban Diu e daban lous omis d'û tau ou d'û tau, e housse estade recebude p'ou marit. Toustém en dret canounic, lou maridàdye qu'a sustout en biste. lou « linhadge », ue case sénse maynàdyes que sémble maladite, e la hémne < brehaigne » que hou mespresade. Que soun aquéres oupinioûs qui b'espliquen lou perqué dous prumès moûts de l'art. 291 dou For de Mourlaàs. U cop aquero pausat, bam lou houns dou Dret. Qu'ey cla; per tant que hàssie « largesse deu son cos » arrés nou l'y poudera tira, « tore » coum dits lou For, la tutéle dous maynàdyes baduts dou soû marit; aco n'at dits pas lou For, mes qu'ey ue counsequénee dou reyime matrimouniau de nouste, reyime doutau, qui ey à dise de separacioû dous bés. Lous tèrmis medichs qu'en dan, s'en ère besougn, ue nabère probe; nou parle pas, arremarcat-lou, sounque dou cas oun ey a « linhadge », perque at haré, se. la hémne abè per si-mediche û dret sus lous bés dou marit mourt ? Qu'ey simplemén permou d'abé la « tutela » qui pot goarda lous bés. E tad ère, n'a pas nat dret, à probes que se-s maride û gn'aute cop, « no deu usar dequegs bees ». En dus moûts, suban lou bielh For, (pie que hàssie la hémne béude, se nou-s-tourne marida, que goarde. l'administracioû dous bés dou marit e la tutèle dous maynats, soûls prouprietàris d'aquets bés : La béude, qu'ai tourni dise, n'a pas nat dret que permou d'èste may. Aco qu'ey lou prumè estât dou dret. Beyam are quin s'amanéye lou For nabèt d'Henric II, rey de Nabarre, de 1563 : RUBRICA : De Marit e de molher, art. XII : « La may per lubricitat comettuda après la mort deu marit, per la tutella e. administratioû deus bees et personnas de lors enfants... et aussi se se maride. » Noumentém tabé, dens lou For dou reyaume de Nabarre de deçà dous ports dou medich rey e dóu medich tems, l'art. XIV de la rubrique XXV titulade : Deu Matrimony : « Mes la molher qui commettera lubricitat après lo décès dou marit sera privada de. tots légats et donations en sa favor per lo marit feytas. » Espials tabé l'article XV de la mediche rubrique : « Se la may convola à segondas nossas ou cornet lubricitat après la mort deu marit, perdera la tutella et administracioû deus bees et personnes de sons enfants, e prestara la relica de l'administration deus bees despuch lo décès deu marit et lui seran dedusidas las charges que per rason dequella abera supportât... » Lou teins, que l'an près, noustes bielhs, enta cambia la ley, mes qu'ey û cambiamén de boune sorte, bertat ? Toutû, à maugrat lou cambiamént maye dens lous drets de la homne béude, û punt qu'ey demourat — e oey encoère que-s demoure parié — tau coum l'abè pausat lou bielh For; que bouy parla doun se tourne à marida, deyà, au sègle doudzàu que-s perdè per aco la tutèle, mes que la se goardabe quoan hasè « largésse » dou sou cos. A perpaus d'aquet mout, que-m brémbi que lou nouste Gapdau, que-m debisabe bèt sé, au corn dou larè, dous Boucabulàris d'û tau ou d'û tau, e que-m assegurabe que lou mey beroy au sou abis, �— 113 — qu'ère dilhèu lou Boucabulàri dous Fors, e la m'en da û exémple, que-m leyibe yustemén l'article 291 dou For de Mourlaàs. Que-m hasou, qu'at pòdi dise, ue bère « impressioû » aquére « largesse » : E à tu, que t'en sémble amie leyidou ? Qu'ey û d'aquets qui nou-b lîèn ploura quoan se trebuquen en û texte de ley. Se-b hèn arride, tout cadû qu'ous pot coumpréne. Quaus soun, quaus pòden èste las rasoûs d'aquet cambiament ? Que-m parech poc aysit d'at sabé au yuste, permou de hères de rasoûs qui an poudut abé resurtes countràris. Qu'ey aquero Fempath dens Festùdi de Fistòrie dou dret. Que sayaram toutû d'en da ue, balhe ço qui balhe. B'abém bis, en d'autes payes parescudes aus Reclams, que lou dret de las hémnes à èste eretères qu'ère d'autes cops egau ad aquet dous omis; que sufibe d'èste aynade, quoan y'aboure ue piéle de muscles enta ereta. Qu'abém bis quin lou For arrenabit abè cambiat aquero. D'are endabans lous mascles que tiren de barres las fumèles. Que-s pouderé doungues èste ue counsequénee d'aquére diminucioû dou dret de la hémne. Mes que crey meylèu, qu'ey l'idée de la counserbacioû dous bés dens las familhes qui ey estade l'idée mayourau dous pòples pirenénes, qu'en ey aci encoère la rasoû. Que credém que lou For dou sègle doudzau que s'esplique atau : Abans tout que eau counserba ue may aus maynàdyes, quoan seré hémne de poc, e permou d'aco nou eau tira-u lous bés dou marit : Que deu neuri lous dròlles, Au tems dou For d'Henric II, que-s soun apercebuts que goarda ue may taus neurigats n'ère pas lou tout, e que la lubricitat de la may. qu'ous poudè pourta espergudissi, èste û pecat tabé à la niemòrie dou mourt, de la mediche fayssoû que las secoundes notices. Lou dusau marit,. be proufieytara, lhèu drin trop, dous bés dou prumè ? Dens Faute cas, nou seré û marit nabèt qui at haré, mes taus drolles que seré parié. D'aulhous deya dens lou bielh For, la tutèle que-s perdè dab lou dusau maridàdye, permou dou tort qui pourtab.e aus hilhs deyà baduts. E, labets, en espian deplâ, noû pouderén dise qu'au houns, en despieyt de las semblances, lou nabèt For nou hé que segui lou bielh en lou da ue maye pourtade ? * * Per oey lou die, lou Code cibiu, art. 395, que tire tabé la tutèle à la may qui-s tourne marida, sénse parla de tout ço qui qui abém bist de mey en dret biarnés. Toutû nou eau pas créde permetudes las largésses de la may, en dret franeés; si noû soun pas prebistes pou code, que soun, à bèts cops, castigades de la mediche hèyte que d'autes cops per mantue ley doun parlabem adès. Acabém en dise que y-a ue superiouritat dou punt de biste yuridic autaplâ que mourau dou For de 1563 sus lou Code cibiu de 1804. Hens û soulet article, tabé, la questioû qu'ey resoulbude, quoan are e-nse eau leyi mey de très leys e mey de bint-e-tres articles enta n'abé l'idée sancére. f MANUEL DE LABORDE-BARBANEGRE. �— 114 — LOUS MOUNUMENTS NOUSTES GARRASOU EN MAGNOAC La glèyse antic de Garrasoû, deboucioû doun l'istòrie e semble l'anouncie de. la glòrie Lourdése, qu'ey au medich diocèse de Tarbe, au houns dou Magnoac terratòri qui, abans la Reboulucioû, ère de l'archebescat d'Auch. Que-s trobe dens û plec de terré, la bat dou Cièr, qui au sègle XVIau, n'ère qu'ue lane croubide de. mates, de gnèbres e de hauguères. Que s'y rengountraben herams à quoàte pâtes (hère de loups) e d'autes à dues, lous bandoulès qui n'abèn ta mestié que d'arresta e de rauba lous biadyadous esbarrits per aquiu. La Lanemése que s'aperabe labets Lane de Bouc permou que lou Bouc (lou Demoun) qu'y coumandabe lou sourcierùmi dous païs de Gascougne, e lou lanè mey au ras de Garrasoû qu'ère noumentat Lane de pélepout. Au bourdalat aquet, en l'an 1526, que parlen dens û Libe terré (cadastre), d'ue maysoû « casau, courrau e bignes » oun bibè Guilhèm de Sagazan, qui debè mouri-s reliyous à la mounyerie de Fabas, e qui hou lou pay d'Anglése, l'aulhère, ue abans Bernadéte. A l'endret oun la Bieryine abè parescut aus oelhs de la nène, que bastibe.n ue capère despuch de 1540, tau coume ey demourade dinque à oey-lou-die. Garrasoû qu'a bis passa guerres de reliyoû, turméntes de la Reboulucioû, e las soues estatues, arreliques d'art qu'en èren semiades à d'arroun. Benude coum bé naciounau, qu'ey en 1834 que M. Laurence, qui n'ère que becàri yenerau, e l'acquesibe au noum de l'abésque dab Foustau e las terres que-y soun estacades. Lou coulèdye abiat en 1847 que debè tiéne pè dinque à 1902. Barrât de labe.ts à 1924, lous ancièns reliyous qu'où tournaben croumpa, e qu'aubriben la maysoû d'educacioû qui ey bitare en plée bite. Mes n'ey pas sénse degrèu que lou pelerî se hè counda ço qui manque, ço qui s'ey perdut de las richésses artistics, tribalhs hèyts per oubrès de ley : lou gran-auta qu'ey arrecaptat dens la glèyse de Mounleoû; quoàte autes estatues à Bazourdan. Nou soubren dens la capère de Garrasoû coum obres de gran balou que lou Crist, la cadiére predicadére, ue estatue de Ste Anne e gn'aute de Sent Yoaquî. Ue de las yolhes qu'ey YAbugle, tablèu dou Pay Piboû. Qu'ey de counde ha, tabé, de mentabe las pintrures demourades sus las murralhes e qui representen lous grans fèyts de Garrasoû. Que soun sustout curiouses coum doucuments dou temps, permou lous persounàdyes que soun pintrats, coum disen, d'après nature dab lous abilhaments qui-s pourtaben à d'aqueres époques (17au sècle). Pay ANTÒNI LARROUY. ��— 116 — LOU COURNE DOUS PAYSAS PAYSAS E TRIBALH DE TERRE Hens aquéste sègle de la ba-biste, qu'en èm arribats à û punt oun ey mau-aysit de trouba, e sustout de parla de causes nabères e toutû qu'ey aco qui bouleré la gran hourre dous leyidous. Counda-n de nau ? Malaye ! Tout qu'ey estât dit e lous escribâs, ta coumplàse aus lous amies, qu'espraben de counda istòries biélhes dab moûts nabèths. Coum qui diseré café arrebourit. E, per aco, que y-a ue questioû qui n'ey pas estade goàyre segoutide encoère e que-b diserèy perqué : qu'ey la questioû paysane. Qu'èm aci en plé mistèri, e que tién à ue troupe de resoûs. Lou mounde qui tribalhe camps e prats ne parlen pas hère de ço qui-us toque, qu'escriben encoère mench, e labets n'ey pas coumode de sabé ço qui-s pénsen. De quoan en quoan, lous grans yournaus que hèn ço qui apèren û bèth « repourtàdye » à la campagne; quauque yournahste que trabèrse ue doudsenote de bilàdyes à sichante à l'ore, en tourroumbiole, qu'espie lous paysâs per dessus lous plèchs, que s'estanque û cop ou dus ta debisa dab la poustière ou lou marchand de toubac, e après aco qu'en sab sus la bite dous paysâs mey que bous e you amasses. Que b'en tire dus quoans artigles esmiraglants qui ne troumpen pas arrés que lous de las biles. Que s'apère ana drin biste en besougne. Lou défunt Richepin, quoan abou décidât de pintra la bite dous bouhèmis, qu'estou prou aunèste ta passa dèts ans dab eths e d'apréne à parla lou lou lengàdye; apuch qu'en poudè debisa. Ne-n counéchi pas hères qui aberén aquet couràdye de bibe enço d'û bourdè ou d'û metayè abans de fabrica û libe sus l'agriculture francése. E, ne bouy pas noumenta arrés ne tapoc tira à cadû ço qui-u rebién. Despuch de Beryèli qui a cantat lou sòu dous ayòus en tèrmis merabilhous, après l'abé... abandounat, sie dit en passan, qu'abém abut de thiquet ença l'Oulibè de Serres, Bixis e Joigneaux. Mes au ras de nous, Guillaume e Perrouchon, reyénts de bilàdye, Javel e Labat, medecîs de campagne, qui an espiat e parlât dous paysâs per proucuracioû, e qu'en lous eau lauda tabé coum à Mous de Pesquidoux. Pensât dounc se Lacoarret, Baudorre e tant d'autes qu'an abut mérite de canta lou tribalh de la terre, mes la maye nautat qu'ey quoan û paysâ tout blous, en se tiran la bergougne de daban e debise loungademéns de la soue bite-bitante entermesclade de péne e tribulòcis dab quauques petits plasés p'ou miey Que bouleri poudé parla-n coum se. déu dou Paul Froument, baylét de paysâ e pouète, partit trop lèu ta l'aide mounde, tabé coum Begarie, Fedoret lou muletiè proubençau qui desglarabe, qu'a très semanes encoère lous sous couplets en medich tems que las lègues de camî. Aus Reclams de Biarn e Gascougne, qu'ey proumetut, que bam abé d'are enlà lou nouste cournè ta mentabe ço qui hèn e ço qui pénsen lous d'aquéstes parsâs. Cade mesade, sustout l'ibèr, qu'y �— 117 — debiseran Yulien de Caseboune, Sansoû e lou boste serbitur, dab d'autes lhèu encoère, que diseram quin se passe per nouste e chens maucuta à d'arrés, que heram retreni quauques bertats toutes blouses, à cops drin amares, coum las disen lous qui n'an pas pòu de-s pèrde la place. (que seguira.) ULYSSE DE LASSERRE-CAPDEBILE. •3 =^SKl^ »■ TEXTES ANTICS Ourdounance de Yane de Labrit dou 3o de Yulhet i568 Attendut que lous rectours ou viguaris deus locqs son aqueds qui lous de la religioû fomana pretendin estar lous pastours, aqueds, et non autres de ladite religioû, pouderan en lours prones soulamens exhortar lou poble et far entender lous coumandamens de Diu, corregies au Decalogue, oraison dominicale et simbole deus Apostous, en lengoa vulgari deu pays, segon lou formulàri qui lous ne sera baillât per lous abesques en nostre dit pays, coume aussi sera feyte distribucioû ausdits rectous et viguaris deus Evangilis et Epitres deus cinquante dus dimentges, qui seran per nostre amat et féal evesque d'Oloron, segoun la charge qui en a acceptade, transladats en la lengoa d'aquet pays, et per luy aussi audit lengoadge explicats, afin de en far per lous dits rectours et viguaris, chascun ensaparoisse oun ladite religioû s'exerce, declaran au poble chascun dimenche ausdits prones; louquoal fourmulàri ensemble ladite traductioû ab lou surplus dont cy-dessus en feite mentioû, seran per nous approbades, auparavant d'estar distribuides et mettudes en usadge... (Tirât dous Registres dou Parlamént de Pau, e boutât p'ou canounye Dubarat dens la soue Histoire de Béarn de Pierre Salefranque 1ER v. pp. 109 et 110.) Esplics sus aquet texte : Mous de Dubarat que dits que nat exemplàri de textes biarnés nou s'ey connserbat. Proubable que la traduccioû coumandade. per la Reyne de Nabarre nou-s hé yamey. L'abésque d'Aulouroû, doun parlen, qu'ey Claude Regin, qui hou abésque en seguide de Gérard Roussel lou 2 d'octoubre 1558. Claude Regin, badut de Riom, en Aubergne, qu'ère^ estât priu de Sent Hilari d'Apcher, dou diocèse de Ménde. Nou sabè lou biarnés, s nou Paymabe. D'aulhous lous soûs prencipis reliyous qu'èren d'aquets tems countre la lengue bulgàri, medich lou franeés, e houssen d'usance dens lous ouficis. Que perloungueyè. Des])iich de la susmaute de 1569 e l'aboulhide de la Reliyioû Catoulic en Biarn, Régin coundamnat, que s'escapabe en Espagne. Que debè mouri-s à Vendôme, decap à 1595. LOUISET DE LESTÉLE. �LOUS DEBIS A l'aunou de Moussu J. de Pesquidoux (Discours prounounciat à las lièstes de Moulazun d'Armagnac, lou 21 de Noubémbre darrè.) Brabes Amies, N'y aura quauque d'un belèu qui-s demandera coum souy aci, oéy ? Oerats. Quan me disoun Moussu Dabat e Moussu Ducoum qu'anàuets aué aquéste beroje hèste, dat Moussu de. Pesquidous coum presidén, que-m gahèc austalèu l'enteriquère de béngue e la lénque que se-m boutée à prusi. Que hasouy belèu un tchic dou fayçounous, mé ne calouc pa oayre pleyte.ja ende qu'at dechèssi tout, libes e cope-caps, e que-m souy escapat dou Semenàri pér quauques ores, end'esta dat bous auts, pramou que hé toustém plasé d'esta dat lous amies, e qu'èts touts lous méns amies, au mén qu'at crési. Mounlazun, bésets bous, qu'éy toustém ende jou lou méy beròy endrét dou mounde; lou sourénh que s'y lèue méy cla, que j'arràje méy ent'à haut, lous sendès que-y soun méy aplanits, las sègues méy hloucades, lous casaus méy agrádius e las géns méy arriséntes. Que. j'èy courrinejat un tchic pertout, cercat céts e crugagues entermiéy las toujes de las lanes e lous tusocs dous bos, seguit lous arrius, hèyt camuchétes sous coustouns, thauthat las lignes e lous ams dén l'Isaute e lou Midou, gahat pèrehes e bruchéts, e que n'y èy dechat méy que ne. n'èy tirât; qu'èy tabé tringat en force maysonns, e ne crési pa de n'esta jamé sourtit dat ue came ! Aci que souy basut, aci que soun lous mors qui m'an hèyt ço qui souy; e adare que souy banlèu amiassat pou bielhè, que pénsi soubén au coustilhot qui mégne au cementèri, e que-ts demàndi pér gràci de m'y reserba un clot, quan lou boun Diu m'aperi, au coustat dou praube defun Sarrameà. Biu ou mort, que bouy esta de Moulazun. * * Que crési qu'ats touts entenut à parla dou Poulét de Soubère. Ne sàbi pas ço qu'auré hèyt déns ue aucasioun coum aquéste. N'ère pas oayre anat à las escoles, mé toutun que boulé ha de l'òmi, ana dat lou gran mounde e pari méy sabén que nou n'ère. Un diméche matin, à Estang, que troubèc lou noutàri. — Adiu, Poulét, e dounc que hès ? Qu'où semblée que, deuan un noutàri, que calé parla franeés, e que s'at capsèc de trauès, coum s'at podets pensa : — Je m'ai acheté des esclops, e je m'en tourne vite parce que la Mariote me criderait. Quan at coundèc à la Mariote ; Tè, s'ou disouc ère, que seras toustém pegoulhan ! �— 119 — Se jamé s'ère troubat deuan un académicien, que-ts assoulidi qu'auré tenut la came, e tirât de la canère lou parla dous diméches. E be jou, Moussu, ne bau p'aué tant de bergougne. Qu'èy poupat en gascoun pr'aci. Que souy plan anat à las escoles; en de bien dise, que-y souy encoère; qu'èy plan estudiat un tchic de latin e de grèc, e d'autes causilhotes; e toutun, ne souy pa brique coum lou qui ère anat dinque. à las hères de Bourdèu, e ne sabè pa méy coum s'aperaue un arrestèt ! A jou, la lénque que se-m bire toustém mey à l'ayse de-cap au gascoun; e que crési ne-ts safaerà pa mau d'enténe à dise en gascoun l'òmi qui èts, ço qu'ats hèyt e ço qui-ts deuém. Que serats belèu ahurbit pous coumpliméns qui-ts meritets; que bacherats lou cap, que clucherats lous oénhs, que-ts bousserats las aurélhes, que pouyrats quitemén ha un droumilhoun. E se n'at disi pa coum eau, que m'at perdounerats : que podets esta segu qu'at dirèy coum un amie, deuan ue assemblade d'amies. E labéts dounc, que bau alandà lou batanh de l'esquire. * ** L'òmi qui éy, Moussu de Pesquidous ? Ço de prumè, un beroy ômi; toustém rasât de frés; la memère frésque, la moustache bien alisoade, la crabate escricade, lou oénh sancé, lou pè leugè, lou parla amistous, drét coum un biule : que m'an dit que, quan lou besoun pér Paris, tout lou mounde s'arrebiràue, e quan l'aoun entenut : Bou Diu, quin charmatòri ! Un brabe ômi, aunèste e franc, toustém de boun rencountre. Cadun qu'où pot parla e téne la man; e dat aco, serbiciau end'ous praubes qui counéguen touts lou cledot dou soun castèt. Un ômi de nouste. Qu'auré poudut, coum hères d'auts, ana biue pér Paris, e tourna selamén pr'aci de quoan en quoan, quan ne j'a pa méy hangue per las carrères e quan la tèrre aboundouse s'y capère de flocs e de fruts, quan se poden ana jate entermiéy las pafoques de hén qui flàyren de louy en la, quan lous blats soun madus e dinque à l'escoube-so de brégnes. Nani, que trobe Perchéde austa beroy, l'iuèr quan torre, lou printéms quan tout s'esplandéys, l'estiu quan lou caumas aturre, e l'autoune quan lou bén segoutéys las branques e esperréque las hoélhes. E toutun que l'an bengut cerca de Paris enlà, end'ou tira lou capèt, e bouta-u sou cap un bèt chapèu dab plumes. Aquet beroy ômi, aquet brabe ômi de nouste, qu'ey adare un academicièn de France. Quan at saboum, que-ns passée per dessus un estremoulit de plasé. — Un academicièn, qu'es aco ? se-m demandaue l'an passât quauqued'un qui n'éy pas louy d'eci. Ey maje qu'un députât ? — Un députât, qu'éy plan quaucoum, s'ou disouy jou. Besouy que n'am, e forces n'y a que soun mounde coum eau. Me toutun, qu'en bésem hères, au mén quan eau tourna bouta. Deputats, que n'y a méy de 600 en France, e ne j'a pa que 40 academicièns ! — Oh ! labéts, que déu esta maje. Per jou, se disouc et, que m'estlmi méy aué quarante louidors que 600 sorres déns la bous- �— 120 — séte. Quarante lugrans au cèu que. hèn méy de lustrou que 600 candèles d'arrousée au soum de la mountagne ! E bé, lous méns amies, un academicièn qu'éy quaucoum coum aeo : ue neuère estèle au cèu. Nous auts, que la besèm à lusi per dessus lous duchés de Perehide e don Houga. Lous Parisièns, enteligéns e embejous, que l'an biste tabé; que s'an gahat ue canauère prou lounque ende la piha mey enta haut, ende que. tout lou mounde que la besoussi ! Aqueste cop, lou lugran que s'ey alucat à nouste : qu'en podem esta fièrs e glourious : ja pa jamé trop de lugrans coum aquet end'esclayra las baricougnes. * * * Qu'ey ço qu'a hèyt Moussu de Pesquidous ende-s mérita tant de glòri ? Pas gran cause, se dit ét. S'ou boulèm escouta, n'auré pa sounque bis ço que bésem, entenut ço qui enténem, aymat ço qui aymem. E qu'éy plan bertat que sab espia e escouta : Lou petit heraméy : lous pouricots qu'an la perpite, las poules qui cloucouréjen end'apera la clouquerade, lou hasan qui hé pindoula la halhe coulou de hoéc e qui-s téng dret e came large, coum un réy déns sa cour; lous pouloys qui hèn l'arrode en tout s'estournuda; lous guits qui garguitéjen en thuca lous thaparots; lous aucats qui s'escarràquen en s'arcoussa dessus las gourgues; lou can, trilhant coum un gendarme qui oèyte lou soula e qui layre, la liéyt, end'echenta la boulurdalhe; lou gat, enteligén coum un boulur, qui couscutéje à l'entour dou larè, coum qui nou dégne, en ha semblan de s'adrounii. Tout ço qui biu e qui-ns hè biue. Lou gran bestia : lou porc, en parla pér respèc, qui s'esgourrilhe de plasé quan la daune ou gratulhe e ploure, coum un gén, quan l'escanen; lou chibau, esberit e lusént,' qui hè dus henilhets quan éy eiisiuasat; lou buou, amie de l'òmi, qui-s mérite pa lous afrouns qui dabus cops s'amasse. Lous machans aujàmis qui-s glapen ço qui pòden : lou renard e lou tachoun, la beléte e lou gat-pùdi, la hourre e la hagine, l'esparbè e las agasses. E tabé lous ausèts qui hèn pa que passa : paloumes, becades, lausétes, ortolans, guits saubàdyes, sarcèles. E lou gibiè qui hè à l'estuyo e à la barre panade, dat lous cassàyres : lèbes, lapins, perdiganhs. Lous utis e lous amandéns qui eau au praube gripe-tèrre ende que la tèrre, boune niay, qui-ns neuréys quan soum bius, qui-ns capère quan soum morts, en-s dounqui ço qui-ns da: lous arets, las arréches, lous arras, lous herrichès, lous brabans e lous cas, las gaspères e las tines, lou trounh e lous tounéts. Tout ço qui hè l'orgulh dou paysan qui trabalhe : lou milhoc qui cabélhe, lou cam de blat qui sémble la ma quan lous cabénhs e-s poutouéjen, lous aubres quan berdéjen, las bies qui louréchen, lous arrasims qui flàyreh, lou bin qui s'es])ichorre, l'aygue de bie qui-s boute pélhe d'or en passa déns las deuèles... Tout aco qu'at bésem cade jour; qu'ey soum au miéy, e n'at sàbem pa ne bése, ne entene. E qu'at aymem toutun ! Qu'aymem ço �— 121 — cìe bòt e ço de boun : la poule í'arcide e lou goufit, lous cibéts quan la cousinère j'a sabut bouta lous adobs, lous hidyes d'auque bien moustous sér un palhat d'arrasims, la pouloje à la broche, e lou pastis bourit, e lou bin, per boun que sie. Qu'aymem de-ns bése, de-ns ayda lous uns aus auts, ende las batères, ende las segades, ende. las charmentades, pertout d'oun se pot arrise, batala e tringa. Qu'aymem dens réuni enter paréns, pramou qu'ende nous-auts la familhe qu'éy quaucoum de sacrât. Qu'aymem lou cluchè dou bilàdye qui soune lous arrepics de tout ço qui-s passe de gaujous ou de doulént dén las noustes bites. Qu'aymem la glèyse tabé, maysoun de Diu, e se dabuns n'ey ban pa méy soubén, qu'éy méy per négligé que per machanterie. E bé, lous méns amies, qu'éy dat aco, arré que dat aco, mé dat tout aco, que Moussu de Pesquidous qu'a hèyt libes, e dous beroys, m'en podets crése. Lous qui-us an legits — e que souy solide que n'y a hères aci, — que s'en léquen lous pots. Nou soun pa selamén lous sabéns qui en soun esmiraglats, mé tabé nous auts, touts nous auts. Que counégui un bourdalè qui-m disè : « Qu'a bien resoun, Moussu de Pesquidous, d'at apera : « A nouste ! » Tout ço que dit qu'at sàbem plan, mé n'at saberém pa dise coum ét : « aco, qu'éy un poète ! » E quan lou demandèy ço qu'ère un poète, que-m respounouc : « Per aco, n'at saberi pa trop esplica, mé un poète, se sémble, qu'es un òmi qui ne be pa las causes coum lous auts e qui boute lou sourénh d'oun j'a escurade. » Moussu de Pesquidous que boute luis pertout. * * * E que crési atau que bésets déjà prou ço qui lou déuem. Qu'a hèyt counégue ço qui hèm. N'y a dabuns, pér las biles, que s'esmaginen que lou blat que béng tout soul déns lous graès : ne sàben pa ço qu'a calut hurgateja e moulha-s la camise auan d'anisera lou groun déns lou soun brès quan l'a calut semia : laura, dessouca, treuersa, hema, sega, bate e pourga, ne-s hè pa en tout drou. mi. Que s'esmaginen que lou bin que debare dous charméns coum l'aygue cay dou cèu, que las poules que hèn lou oéu sénse bouta arré au guiuè. Qu'ous harén presque en-crése que las baques que couen au cap dous casses en se neuri d'aglans. Que sàbem nous auts ço que coste tout aco : arremerciam Moussu de Pesquidous d'at aué dit aus biladyès. Qu'a hèyt counégue ço qui soum : géns de trabanh, géns d'ordre, géns qui bon la pats dat touts e ne s'arcoèlhen pa à trucs è à patacs. Qu'a hèyt counégue las bordes de Belloc, de l'Arrère, dou Cassoutermi, de Sarrulhes, de Talhemagre, dou Trounquerét, e lous bos dou Bedat e dou Hourquet : d'are enla que s'en parle quitemén déns las Amériques. Qu'a boutât sou papè, e qu'a hèyt ana hère louy, sér las aies dou soun noum, la bile dou Houga, lous bilàdyes. de Perchéde, de Magnan, de Mourmès, de Toujun, de Sént-Aubin, de Moulazun... e que gausi crése que d'are en-là que-s tirera dou calam sér Moulazun quaucoumét de méy escricat encoère. �— 122 — E lous noums de las géns ? Quin ey aci, au méns dous qui couméncen d'esta péu-gris ou cap-pelats qui n'an pa entenut à parla dou Jauzille Tauzin, de la Mariète Lartigole, de la Marinète Branéns, de la Marilès dou Tastét, dou Jacoulét e de la Janète, de la Frise e dou Jeanti, dou Lanneluc, dou Nalis e dou Bernât : touts aquéts moûts que soun partits d'eci, e, leugès coum pabalhouns, qu'an dat lou tour dou mounde. E dounc, lou Cougét, lou brabe Cougetot, lou factur de Mourmès, qui disè : « Lou praube defun pay ne-m dechèc pa en heretàtye sounque terre sér las routes à boulentat... e qu'ey pramou d'eco que-m hasoui factur. » Que pourtaue lou sac, toustém plén de létres e de journals, d'arre.birades e de babioles, qu'auré hèyt arrise un catyot, e que sabè tabé barra lou cô quan coundaue dat respèc coum auè présentât las armes au Pape, à Boume : « Que souy plan petit, se disè et, mé quan lou Pape e-m besouc atau quilhat e bourroumbét : Aco, se hasouc, pot pas esta sounque un gascoun, e que-m benasic pér la bite e per l'eternitat. » Qu'a hèyt counégue la nouste aygue de bie qui flayre coum un hèys de flocs, bire las raquères e hè sauta lous bielhots : qu'at canterats toutare. Mé sertout qu'a hèyt counégue l'Armagnac, la nouste bère countrade. Que sàbi bien que disen plan melèu qu'a cantat la Gascougne. E qu'ey bertat que l'Armagnac qu'éy en Gascougne. Mé franquemén parla, ne-m dirats pa lou countre, bous, Moussu, tout ço qu'ats dit, tout ço qu'ats escriut, qu'éy bien sér l'Armagnac. Mé oarats coum se passe. : quan la halhe ey alucade, tout lou mounde que s'y bo cauha; quan lou bachèt éy abroucat, touts que ban bira lou calamèt. Atau dat bous. Lous de la Gascougne de Catsus, lous Toulouséns, lous Bourdalés que-ts tiren pér la lebite, e cadun qu'en bo aué un tros. Aci, qu'at podem dise entér nous auts : qu'èts un armagnaqués de boun courau. E se lous amarrans dous auts endréts at bon austoumén, qu'ous diram : E bé, labéts, pusqu'at bouléts atau, l'Armagnac tout soulét qu'ey toute la Gascougne ! * * * Adare, que bau bouta lou boussoun à l'esquire. Que disouts à Nougaro, e qu'ats tournats dise hères de cops : « Se souy l'òmi qui souy, qu'at déui à las géns, à las bèstis, à las causes, à la tèrre de pr'aci. » E bé, Moussu, que-ts gahem au mout. S'èts academicièn, qu'ey pramou de nous auts. E dounc, que soum touts academicièns. Que j'auèn boutât téms auan de houra lou soula dou gran pourtau de l'Académie : adare, que j'arribem touts à masses, en ha peta lous esclops e trinda lous esperouns. Selamén, quan calhi debisa, que debiserats empér nous auts. N'éy pa l'embéje qui-ns en manqueré : e ne soum pa mourmècs. Mé lous Parisièns que-s truferén de nous auts : ne soun pa anats, coum nous auts, à l'escole dous barèyts e de las merlcres. Que dirats à las géns de Paris que pr'aci que soum counténts de biue d'oun soum, Se eau tira la guignorre end'ens bira la poulhère �— 123 — e biue prou à l'ayse, qu'at hèm toutun de boun co e méy que mens en tout canta. Que sàbem recounégue lous amies e lous serbicis qui-ns hèn. Que boutem bien à despart las aunèstes géns e las géns qui-ns hèn aunoû — qu'ous at ats dit deja — que soum de. brabe mounde, qu'aymem de bése lou cluchè au miey dous noustes biladyots, d'enténe la campane tranga, de birà lous oénhs de-cap au cèu e de bouta lou Boun Diu au dessus de tout. C. LAFFARGUE, armagnaqués. ■a ^= -=— ■ ■■■■'-»• LAS REBISTES A perpaus dû Partit felibre Débat aquet titre, dens lous Reclams de Biarn e Gascougne de garbe 1937, l'amie Simin Palay que respoun au me article parescut au cap dou nouste numéro de mars. Qu'at hè dab tande d'amistat enta Calendau, dab tandes de coumpliméns ta you, que-m eau en prumères manda-u lous mes amistous grans mercés. Qu'ey toustém agradiu d'encountra replicàyres tant courtés; mes puch, à despart d aquet plasé, Palay que-nse hè lou de. quauques precisioûs utiles. E, û cop leyides, que-m bién autalèu en memòri l'arreproè : « Qu'èm d'accord e que pleyteyam. » O bé, lou résultat de la nouste discutide qu'ey, qu'au men sus la maye partide, n'èm pas loegn de s'en enténe en plé dab lou me brabe counfray e amie gascoû; qu'ey lou countràri qui m'estounèsse. Palay qu'assegure que, à la soue idée, quoan parlabe de « partitfelibre » n'at entenè pas au sens lou mey coumû e lou mey bach dou mout, au sens de la « poulitique pouliticàyre ». Meylèu que pensabe à ue « Unioû enta la defénse d'û ensémble de causes, causes de l'esprit d'abord, prencipis de la bite-bitante qui soun la resuite d'aquéres causes espirituaus... » Que crédi coumpréne deplâ ço que lou nouste amie a boulut dise aquiu, e s'at coumpréni, ue unioû d'aquéres qu'ey quauqu'arré de counegut e qu'en y-a exémples dens la bite public de. France : aquet dequerò que l'apèren d'ourdenàri ue ligue, nou pas û partit. Que sabi plâ que se, taus ûs, lou mout de partit a renoum prou lou de « ligue » desestruc, ta d'autes (subertout dens aquéste tempourade) n'a pas ue yénee reputacioû. Mes, perma ! nou hasi pas lou mus au « partit » per simple pòu dous moûts (e Palay que-m counech prou ta nou pas cràgne aquiu dessus; que m'agrade toutû, autant qui-s pot, d'apera las causes p'ou lou noum. Qu'abém deya prou d'escadénees de-nse mau-coumpréne; l'imprecisioû dou boucabulàri qu'en ey ue, e nou s'at bau de l'ayuda. Que parlàbi tout escas d'exémples. Gahém-ne dus, suban que s'escàdie, aus dus punts estremats dou �— 124 cou : La Ligue des Droits de l'Homme e la Fédération Nationale Catholique que respounen, si crey, à la defmicioû de Palay. Cadue d'aquéres dues, qu'acampen mounde d'oupinioûs poulitics desparières; que s'oucupen, se boulets, de poulitic au sens lou mey haut e larg dou mout; e, toutu, nou s'y pot dise que « hèn poulitic ». Sus ue ourganisacioû d'aquére ley enta mantiéne la cause dou Mieydie (e, qu'at fourni dise, aquero qu'ey quauqu'arré de mey qu'û partit) n'èy brigue, suban you, arré à dise countre en prencipe. Que broumbarèy toutu, que de tau ourganisacioû, sus ço qui toque, au Mieydie, qu'en aboum au mens dus essays : La Ligue Occitane en 1890 e la Ligue de la Patrie méridionale en 1923. Se aquets essays n'an pas réussit, aco que probe que l'idée daune n'ère pas boune. Qu'ey permou d'aco qui biéni de dise : « nou souy countre en prencipe » e que demouraré de s'en enténe sus hère de questioûs, mes que toquen sustout à la pratique. La prumère, e. ue de las mey de counsequénce, d'aquéres coundicioûs pratiques, Palay que la pause à la fî dou soû article. Qu'ey de sabé lou rolle que lou Felibridye yougaré aquiu deguéns. Segu, coum Palay (e aquéste qu'at sab e qu'at dits) que-m pénsi que, de Fobre mistralénque que deu yessi, senou û cos de douctrine, au mens quauques mayes prencipes de bite souciau — e medich poulitic — e. qu'en tau escadénce lou Felibridye que renegaré la leçoû de Mistrau à proupourcioû que nou bouleré èste que literàrie. Aquiu tabé, qu'èm d'accord. Toutu que harèy remarca, d'abiade, que seguramcns lou Felibridye que coumpliré (au mens endirectemén e per ue pourcioû) obre souciau en oubran sounque per la léngue : permou que sabém ço qui represénte coume seguides mouraus e souciaus, la mantienénce, l'usance e la fierretat counciénte de la léngue mayrane. Que m'abisi, puch, que tout coundat e rebatut, se lou Felibridye nou s'empleguèsse que de la léngue, mes qu'aquero hésse coume eau, dab mey d'arsec e de seriousè, que seré proubable, û prougrès maye. Que bouy dise, en parlan atau, que despuch quauques tems débat l'enségne dou Felibridye que s'y barréyen bertaderaméns trop de tems e trop de forces en manifestacioûs dinnes tout escas d'û regiounalisme de Carnabal ou d'û folklorisme d'amatous : coèyfes e costumes, danses e musique, etc.. Causes hère poulides, agradables, medich de besougn se las dèchen à la loue place e au lou reng ue place qui nou déu pas èste lou prumè. Mes, causes qui nou-nse débeii escoune lou tribalh mayourau, ne destroubla lous noustes esi'ors ta tira endabans. D'aquet danyè, per trop bertadè, e qui pèse hort sus l'abiéne de la nouste cause, ya calera tourna-n parla. E que mercarèy, enflngues, que tout ço qui s'ey hèyt, mey d'û cop, c loungtems-a soubén gràcis aus omis d'ue gran balou, enta ha camina lou Felibridye decap à ue accioû souciau largamén coumprése, mes dinque à bitare endeballes. Palay qu'at recounech sénse pênes à las darrères arréques dou soû article. Despuch mey de (juoàte-bints ans, lou Felibridye qu'ey, oey, si sémble, mantiengut e tiengut en û cop per ue tradicioû trop poc « evoluide » daban las mudances de bitare e qui soun, d'û coustat, ue force, e de gn'aute �— 125 - ue cadéne. Qu'ey doungues mestiè de demanda-s se eau tourna coumença loungademéns ue esperiénee tant de cops segure d'espatracla-s. Encoère aci qu'èm dab Palay quoan dits aquéstes rasoûs : « La soue counstitucioû (dou Felibridye) que seré lhèu toutu prou souple enta que s'eslarguisse la bie, mes qu'a trop loungtems que lou plec qu'ey prés enta que s'y poùsquie coumpta sus û cambiamén de mouyèns propis à l'accioû qui miaré û partit felibre. Les metodes que. serén diferéntes : l'académie dou bî ne founcioune pas coum la counfederacioû dous bignès. » Nou s'y pot miélhe dise. E la counclusioû qui s'en deu tira qu'ey que y-a — encoère e toustém — ue obre à coumpli deguéns dou Felibridye; mes, de mey, gn'aute obre, parière d'enspiracioû, diferénte coume ourganisacioû e coume mouyèns, à préne en dehore d'et. (Calendau, aoûst de 1937.) PÈYRE AZEMA, Felibre maijourau. RECLAMS DE PERQUIU Lou teàtre nouste. Mous de Guillaumie qu'a représ, à la Facultat de Letres de Bourdèu, lou soû cours sus lou teàtre Gascoû, cours qui hè cade dilûs brèspe à 5 ores; la T. S. F. qu'ous esplandech à trabès lou pèys e qu'ey, ta l'obre. nouste, ue propagande de permère. Despuch Sent Marti, que s'at abou dab lou teàtre de Palay e are qu'estudie lou de Camelat. Hère d'estudiants e de bourdalés que seguéchen aquets cours e, en arremercia Mous de Guillaumie, que poudém tabé reyui-s d'aquére boune. auhèrte. E pusque n'èm s'ou teàtre, digam que de mey en mey lou soû camp d'espleyt que s'agranech. Dou Rouergue enlà, que-ns aprénen que Fescole de l'Estélo de Bessoû, animade per lou baient felibre Mouly, qu'a hèyt youga La hemne encrabade e La Bugade, dou nouste Capdau e que las pèces aquéres « an agradat fort à nostre pòple », se dits la carte. En Biarn e Gascougne, tabé, que countiiiuen de plase que s'en y a yougat aquéste tour en û sarrot d'endrets dab « succès ». Hè dounc, tant miélhe e que dure ! Lou Dicciounari nouste. At crederét ? Lou Capdau qu'a recebut coumande aquéstes dies d'embia lou soû dicciounàri ta Sydney en Australie, de l'aute part de la terre. Qui-s pot dounc enteressa au biarnés per aquiu ! Bertat que, suban lou dise dou Nouste Enric, Gascoûs qu'en y pousse pertout. �— 126 — Enço dous amies de la ' Goudale ". La soucietat qui ligue per Paris lous amies de Biarn e Gascougne que calanqueyabe despuch l'estìu darrè ; Qu'abè hèyte tant de calourasse ! Mes aquéste 15 de mes mourt lous mey capulats, ue quinzeade, que-s tournaben d'amassa, coumbidats pou capdau Mous de Caula. Aquéste que pausabe la questioû : « O, ou nou, e boulets que la Goudale e bisque, ou la eau enterra ? » — « O, si respounoun, la nouste coumpagnie que deu bibe. » E atau qu'en hou décidât; lous amies que seran coumbidats dus cops per mes, lou dusau e lou quoatau dissatte, en û estanguet proche dou Châtelet, e, per aci capbat, que trucaram de mas aus debis e à las cansous dous counfrays d'acera hore. La défunte espousicioû. Lous députais que la boulèn perlounga, lous senatous que l'an tuade : atau qu'en arribe soubén quoan y a trop de medecîs autour d'ù malau. Per aco, lous noustes deputats qu'abèn boutât la mourt e, per segu, qu'abèn las loues rasoûs : que las couneguém. Quoan calou hourni dinès enta basti e garni lou pabalhoû dous 3 B — Biarn, Bigorre, Bascoat, qui a coustat, si-s parech, très milioûs — lous de Paris que digoun que, si-u boulèm, n'abèm pas qu'au se paga e entertiéne; per ço qui ère dous beneficis, si-n y abè, que serén ta d'ets. Mes, qu'en aberém, de segu, pusque s'anaben arranya ta ha carabanes de touristes qui serén coundusides ta nouste e lous touristes que dèchen aryent pertout oun passen. En abét bist, bous auts, d'aquéres carabanes, per aci ? Lous qui, assoulidats d'aquére proumésse, s'y èren hèyts ta establi prougrams de hèste ta retiéne lous besitous, qu'en soun estats per la loue péne e nous auts, qui abèm pounat mounéde, per la nouste hide. Labets, tè, coum ey proubable que si abèn « recoundusit » l'espousicioû nou serém estats boûs encoère qu'enta paga, autan se bau que nou s'en parle pas mey. Permou dou pouète anglés Francis Thompson. Que y-a û cinquantenat d'anades, û yoén pouète que tirabe la guignorre — que soun causes qui arriben — mes gràcis à la familhe d'ù òmi de bé, pouète et-medich, que hou arcoelhut e saubat de la misère e dou desaunou. Thompson que-s mouribe en 1907, mes despuch, la soue estéle qu'a lusit mey que mey, e are qu'ey célébrât dens lous païs de léngue anglése. E, auganasses, coum lou sou pla-factou, Mous de Wilfrid Meynell e hesteyabe lous sous 85 ans, quauques amies de la pouesie, e entertouts, Mous Daniel O'Connor, qu'an pensât que nou poudèn miélhe rememouria lous dus pouètes qu'en hèn paréche. ue tirade, de « Lou Lcbrè dou cèu » capd'obre de Thompson, en cinquante léngues. Qu'y seran : Mandés, Nourbegian, Suedoés, Houlandés, Poulounés, Gaelic, Francés, Aleman,- Italian, Irouqués, Japounés, Bengali, Bretou, Bàscou, Proubençau, Catalâ, Gascoû, etc. ,etc... — permou �— 127 — qu'en Angleterre que saben que y-a ue léngue gascoune — qu'ey nouste amie S. André-Peyre qui mandara ue traduccioû en léngue de Proubence, e qu'an pregat lou nouste segretàri en pè de hourga la birade en léngue nouste. Qu'ey plasé de béde qu'au miey dous destroubles e dous thepics qui segoutéchen lou mounde sancé, quauques omis de ley que-s biren encoère decap à Daune Pouesie, la hade qui nou counech ne trebucs, ne termières, entau demanda soulas e yoyes. U councours. Nouste counfray de Paris « Pays Basque- et Béarn » qu'anounce û councours dount lous prêts seran auherits per ue maysoû de pastilhes e dragées. Hè ! qu'en y a qu'estimaran de que bau autant de. gagna d'aquéres bounisses que medalhes... Que s'y pot councouri en biarnés, bàscou e f'rancés, dab coundes courts ou « fantasies », mes qui-s reporten toustém au païs. Bèrs e prose, tout que pot ana. Manda lous manuscrits en double abán lou 15 de héurè, à Pierre Lious, 56, rue Planchât, à Paris (20e). Dous. La mourt heroudye que bién de-nse préne encoère û dous noustes : mous de Dolèris, mèdye de re.noum e biarnés d'eley, que s'en ey anat souptemén lou dimars 18 de Yè. Lous Reclams qu'an publicat de M. Dolèris prou de bers enta da la probe dou talent poetic e de la sapience lenguistic d'aquet òmi qui abè ue entelliyence tau que s'ère poudut enteressa à tout dab û bounur reàle. Ta Faute, mes, qu'en debisaram mey loungamén. Qu'ère badut à Lembeye en 1852. L'Escole que prègue Mme Dolèris d'agrada l'espressioû dou sou dòu pregoun. — Coum si n'ère pas estât prou abladat per la mourt dou sou hilh, l'amie Laborde-Barbanégre que bién encoère de pèrde la soue bère-may, daune Panaj ou. A maugrat dou sou gran adye, que tienè encoère la maysoû e las maynadétes ourfalines de la loue may, mourte qu'a oeyt ans, qu'abèn encoère en ère ue may ta las ayma. Diu que boulhi counsoula la doulente l'amilhe Laborde-Barbanégre ! L. R. LAS TRADICIOUS Lou Pic de JVIieydie Si lou pic de Mieydie, — et en sabè parla, — haré trembla l'Espagne, — quoan lous bed à passa. — Sa talhe qu'ey mouyène (?) — Soun èr cauderè, — sa figure de hyène, — nou y'a arré de mey lè. Coelhut à Aygues-Bounes, per : YAN PASSY. (1890) �LOUS PASSEYS Capbat dou Peis blu : Napôli Se yamey e-b gahe lou tesic de biadya e s'abet quoàte sos à la dinerole, que-b dise.rèy : « Anat da-b û tour per Italie, dinque ta Napôli, e que-b respouni, ne-b hara pas dou la camade. Tesics de biàdyes, pensât dounc s'en poudèn abé cinq estudians de Roume despuch esta demourats cheys mes embarrats dab lous lib'es ! Per ço qui ey dous quoàte sos necessàris, en cercan plâ, que s'en y trouba prou au mench ta s'abia, e que partibem. Lou diménye brèspe de Pàscou, lou tri que halabe decap entau peïs dou cèu blu. Qu'èrem touts cinq dou Mieydie de France e aco qu'ey de counteha. Tabé l'estrambord nou hasè pas rèyte hens lou nouste cledat. Ta coupa drin lou hourbàri dou tri, cadû que y anabe de la soue istoèrote e de la soue cante. Atau que hasoum retreni û « Bèth cèu de Pau », à ha bade yelous lou cèu de Campanie qui-ns aprigabe. De tems en quoan, lous caps que-s hicaben à la frinèste : Beroy, beroy ' E dise qu'autes cops tout aco n'ère que clots, gourgs d'aygue, palus, mallères. Que s'y a tribalhat dehèt per aciu despuch dèts ans e la terre aquéste qu'ey bitare riche. E lou tri que bare, e las istoères que-s debanen. Aquére petite nuble acera, qu'ey ço qui ey dounc ? Bite lous caps de hica-s à la pourtière. A û trentenat de kiloumètres d'aciu, au soum d'ue grane mountagne, ue coudirole d'espitourrets blancs qui sémblen estacats au bèc coum la téle blanque d'û drapèu... Qui penseré en ue periglade dens lous soumius d'û cèu tant blu ? E alabets ? Qu'enteném au ras de nous auts « Il Vesuvio ! » Qu'ey lou Besùbi ! Drin mourdent mes plâ quilhat, que-s destaque per aciu capsus. Ue humerade blanque e espésse que l'emplumache lou cap. Aquiu que l'abém lou f'amous Besube, ourgulh e terrou de la Campanie. Que s'en apressam de mey en mey, e entertan qui l'espiam, lou tri que haie, las lègues que s'eslurren, e que y'èm : Lou tri que s'estanque au miey d'û brouchàmi de mounde : qu'èm à Napôli. U cop hores de la gare, lous paquetots lechats à l'Hôtel, que s'anam passeya capbat de la bile. La noeyt que cad drin à drin; las carrères que soun cougnides de mounde — aciu tout cadû que biu dehore —. Lou pôple, aquéste, qu'ey lou mey cascant, lou mey pendard, mes tabé lou mey brabe e lou mey agradiu qui sie : Maynàdyes mouquirous, hémnes espeluchades, omis despenalhats, bielhs e biélhes acoats aus cantès de las portes, tout aquero qu'ey yent brabe. S'ey praube soubén qu'ey flère, drin ayside tau tribalh e dab boû co. Espiats-lous anoeyt quin saben hesteya las madonas qui poplen lous cournès de las carrères. Cadû qu'a balhat dou sou praubè ta ha mey beroye l'estatue ou l'imàdye de la Bièrye. Moun Diu ! quin ey estret e escu aquéste carrerot ! Aném chens pou. Brrr ! Aquet oumiàrrou dab ue barbe de très mes e la casquéte au cournè de l'aulhére... E... que mey. Que tire decap à nous-auts ! Gran pèc, que-t gahe lou bord dou màntou, qu'y hè û pot e que-t dits tout �doucines : « Buona sera, Padre ! » Au cap de la carribéte que s'y entén musiqueya e canta. E o, qu'abét aquiu û centenat de persounes qui escouten û piano-mecanique ploumat sus ue carréte tirade per û asoulot. Quoan l'èr ey fenit, cadû que yéte û souricot e la musique que tourne brouni. Anam drin decap entau port. La noeyt qu'ey cadude; las estéles que-s soun alucades à la cape dou cèu e que las bedém lusiqueya dehèt enter l'arrengade estréte de las carribes qui trabersam. Ue brousside leuyère que-s hè de mey en mey senti; qu'èm sou cantè de la ma. La lue que sauteriquéye gauyouse sus l'aygue yumpante; lous nabius estacats aus bords que sémblen de granes bèstis maserades. La bère e douce noeyt 1 Au ras de nous-auts, û mari que passe en cantan : « O dolce Napôli, terra beata ! » pendcn que tout acera bèc, en plegn cèu, sus mâ esquèrre, lou Besùbi qu'a «alucat lou sou oelh rouy. ...Oeyt ores dou matì. U cèu toustém blu, û sou estiglant; que tournam gaha lou nouste passey à trubès la bile. Aciu qu'abém la famouse glèyse de St-Yenè, « il duomo » coum disen. La bastisse qu'estoû coumençade p'ous reys de la branque d'Anjou (lous Anyebîs) qui mesteyèn sus aquéstes terres despuch de 1268, près de 80 ans. Marines, coulounes, brounzes, estatues, draps e pintrures que hèn û mounumént magnifie. S'ou coustat dret, ue capère de las mey riches, la capère de St-Yenè, patroû de Napôli. E, aquiu deguens û bintenat d'omis, de hémnes qui prèguen en cridan biahore, entertant que lou caperâ e bestech û buste d'aryent, relicàri de Sent Yenè ! Lou pôple d'aciu n'y ba pas en mequeyan dab eth. Se ne respoun pas prou biste à las bostes pregàries, se lou sang de la sénte ampoule ne s'esclarech pas detire au die mercat, que y-a de beroys rebalays, e lous mey hardits, si-s parech, qu'anerén dinque à-u truca. N'y hè pas toustém boû esta sent per Napôli ! De nabèth hens la carrère, que-s troubam au ras d'û bielh musicàyre (n'y. a pas praubets à Napôli !) qui bare la manibèle d'û ourguén à moulinet, e cadû que recounech l'ayre : « O sole mio ». E o, lou sou qu'ey lou gran encantadou per aciu. Coum se passéye p'ou cèu blu, omis, bèstis e mounuménts que sémblen arrenabits per la soue douçou clareyante. Aquéste Castel-Nuovo, bastit per dus francés au sègle XIIP", que-s pren tout die û loung bagn de. luts. S'ou cantè de la ma, qu'a goardat despuch sèt cents ans l'ana de la gcèyte qui espie loegn, decap au larye dou gran aygas, ta-y descroubi quauque enemic. E aquéstes biélhes portes dous remparts, e lou castèt dou Rey e tandes de glèyses antics !... Lou Musée naciounau, û dous mey famous d'Italie e dou mounde, qu.e-ns apère. Qu'y bedém las estatues las mey renoumades dous tems anciens : Brounzes, mousaïcs, frésque de que y-a dus mile ans. Quin sabé-ha n'abèn pas lous artistes d'alabets ! Mes ço qui-ns a lou mey enteressats, qu'ey ço qui an tirât en houdyan d'Herculanum e Poumpeï. Hens ue binténe de sales, lous soubenis dous qui biscoun dens las dues biles enterrades ! Mobles, balances, pés, estofes, cordes e que sèy you, qui èren d'aquets praubes malurous abrigats bius per la rauye dou Besùbi, dinque aus soubrets dou darrè soupa, carn, �— 130 — eros d'oéu hens ue assiéte, pas troubats bruslats au hour dou boulanyè, harie passade debath lous moulîs de pèyre fine. Hère plasént, mes que-b abertéchi, aquéres causotes que-b daran drin de mau de eo... Ta b'apatsa que-b counsélhi d'ana ha û tour au Pausilippe. D'aulhous, l'endret qu'ey tout endicat tad aco : « Pausilipon » en grec que bôu dise « fi de la tristésse ». E qu'ey plâ bertat : La frescou de l'ert, la beutat dou parsâ, la gaymante biste sus lou gourg de Napôli, e la bile mediche que-b hèn desbroumba, de pous, touts lous tribulôssis s'en abet, e nou pensât mey à d'aute cause, qu'à plegna-b lous oelhs de tout ço de bèt. La ma clare, lou cèu blu, la ciutat grandouse aus teyts rouys, espartide s'ous penénts qui debaren dinque au cantè de la laque e, trempan lou pè dens l'aygue, mèste de toute aquére beutat, encoère e toustém lou Besùbi. Lou sou que-s couque decap à nouste, decap à la Gascougne e you d'espia, d'espia encoère tant que dure l'esplendou de la hits... LESBORDES. ALEXANDRE ■a. i. — eszm— ». BIRADES Hechot de " Cantigas '' poupulàris pourtugués Las « cantigas » que soun pouèmis anounimes de quoàte bers cadû oun la sayésse poupulàri a hicat, en brac, ue bouharrade d'emoucioû, de malencounie, de yoye, d'amou mistic ou coumû. Lou camp d'aquére muse, qu'ey chens hites, coum la bite. L'arrose, per èste arrose, deu esta d'Alexandrie. La hémne, ta hémne esta, que deu noumenta-s Marie. Ço qu'ey lou bent tau hoec, l'ausénci l'ey ta l'amou; s'ey chin, qu'ey estupat lèu; s'ey gran, qu'où hournech bigou. * * * * Oh ! mar haute; oh ! mar haute, oh ! mar haute chens nat houns, ana suber la susmaute Bau mey que s'ous pots dou mounde O tutét d'aygue qui ploures, ballèu que t'as de seca : Lous mes oelhs soun hounts, mes ères nou-s decharan ploura. * * * * En droumin, besiadeyàbi de l'aygue au rie dou cous. Qu'a dit, l'aygue riuleyante : « Noû droum lou qui tién amous. * * s Mar, qu'en ès maridade, tu tabé moulhè biengous : La terre qu'as espousade e quoan bos qu'où hès poutoûs. * * O lue de miéye noeyt, n'arrayes lou seré... Oère, au qui-n ha dab las amous, qu'ey l'escû qui-n hè nacère. * Amou mie, que-t bedoùssi trénte dies cade mes, sèt dies hens la semane, û cop per escas tabé ! — Que-m dises que-t soy la bite ? — Noû ! Tonn amne e bouy esta; cos dab bite que s'en ba, méntre l'amne qu'ey etèrne. Qu'anoeytàbi enter las sèrres encantat per lous lugrâs; garrocs qu'abi hens lous bras : Dab tu que pensàbi qu'èri, * * * * �— 131 — Qu'ès Tu lou sou e you Foumpre Quau ey mey entestudit tu, sou, ta ha-m arrayade, ou you coum Foumpre à segui-t... P.ourtèy, quoan èri maynade, bères cintes e ribans : Are qui souy maridade, pòrti hilhs dens lous mes bras. Dou cèu enlà, tau très Reys, û lugrâ dabanteyabe... E Foelh toû que gabidabe moun co, cap au toû, tabé. L'oulibiè de poc crechénce quaus oulibes e pot da ? La hilhe d'û òmi praube quines amous abera ? Qui a parbouléts en cugnère, en yumpla que deu canta... mes quoàndes mays hèn cantère dab embéyes de ploura ! Que-t aymàbi plâ, gouyate; n'estousses Tu (you t'at die) û grasau d'aygue segnade oun touts e hiquen lous dits. Que-m couhessàbi en ù Càrme, que-m couhessàbi d'ayma... Ço qui-m dè ta peniténci ? Que:m digou de countinua. Per ayma-t à Diu dechàbi... Oè, quoande glôri perdouy... E are, bielhot. que souy, chens Tu, chens Diu e chens il on. Hens Nouste-Daune, Marie, t'encarnès, amou dibi, entran e hore-yessin coum Farray hens la beyrie. ANDRÈU Birade de : PIC. COPS DE CALAM U counte... qui ey lhèu bertadè. , Lou bielh Bertran, dab lou Boun-Diu sie, qu'abè û sac plé de coundes e qu'ère reàle, si daban et e parlaben de quauque hèyte qui-s bienè de passa per la coumune, n'abousse pas û d'aquets counderïlhots à serbi. U die, que rapourtaben que quoan lou Charloù de la Maysoû plantade ère anat demanda au Chirou lous cent escuts qui l'abè prestat entau tira de hountes, aquet Chirou que l'abè hicat dehore coum û pedoulhous. — E que b'estoune ? si hasou lou Bertran... Figurat-be qu'û cop que y abè gran hèste au Cèu; lou Boun Diu que y abè embitat toutes las Bertuts. Toutes qu'èren arribades de la Terre estan e que debisaben enter ères coum de bielhes amigues, urouses de-s rencountra despuch ue loungue separacioû. Per aco, lou Segnou qu'en abisa dues qui n'abèn pas Fayre de-s counégue : ne-s disèn pas arré. — E qui ès tu ? si hè à l'ue. — Que soy la Caritat, Segnou, si respoun. — E tu, qui- ès ? si demande à Faute. — Que soy la Recounechence, Méste. — Ah ! maynades, toucat-be dfî mâs tant qui èts aci, permou n'ey pas soubén qui-b rencountrarat au medich endrct quoan siat sus terre. LOU TALHUR. �— 132 — U boû meste. Aquéste qu'ey de las anciènes; nou bòu pas dise que la ley dous chenitres coum lou doun bau parla e sie perdude, mes enta dise la bertat, aço que-s passabe dou temps oun s'y anabe mey à chibau qu'en auto. Moussu d'Arrapetout, û riche prouprietàri, que hasè ù biadje, û biadje d'ahas de segu, mes coum lous camîs n'èren pas trop segus, que-s hasè segui d'û baylét e touts dus que caminaben à chibau, coum ère la mode. Mes que hasè en estaubian, permou qu'en fèyt d'abarè, que y aberé hèyt au défunt Curôlis, qui, ta s'estaubia l'aygue, se countentabe de leca û calhau umide. Moussu d'Arrapetout dounc, qu'arribe à bouque de noeyt en ue auberge e, la premère cause, que demande au tabernè si abè oéus plâ frescs. — Que soun de oey, moussu, de oey medich. — Ba plâ. E dounc, que m'en bas ha cose dus à la coque, e dab lou boulhoû que tremparas ue escudèle de soupe tau me baylét, qui ey en hica lous chibaus à l'escuderie. — Diantre ! si hè l'aubergiste, nou ba pas esta gras, lou boulhou ! — Hè dounc, qu'y hicaras très oéus au loc de dus : qu'ous me minjarèy, ja ! L'AUTE. Cansoû de TauleAyam bî, biengue d'oun biengue, Ayam bî dinqu'au mati ! Qu'a prou tourrat, lou bî qu'ey cla, Qu'ey escadude la bouride; D'aquéste, que s'en ba parla, Tout en yougan bère partide. Que s'y ba calé tiéne dret E goarda ploumat lou berret. II Lou mèste joén de la maysou Que sap qu'abém touts la pepide... Dab lous amies, arré n'ey soû : Qu'a la boutelhe hère ayside; Enta prouba qu'ey la bertat, Trinquém à la soue santat ! III Lou nouste bî n'ey pas flaugnac, N'ey pas poumade ni poumpougne, Quoan se passéje à Festoumac, Que eau trouba lou co quin hougne ! Si Diu e-nse bòu ha pati, Fiat !... mes, que-nse dèçhe lou bî ! JAN DE LA BIGNF,, �LOUS MEMORIS D'U AUSSALÉS La Pregàrie A Zabiè de PUCHEU e à Miquèu de CAMELAT, en soubeni d'û rencountre à Arrens. Lous qui an abut lou plasé e la sorte de bibe ou de passeya-s despuch mey de cinquante ans per la bath d'Aussau, toustém tau berdurè plé de frescou, encantamén dous oelhs, sounsayne de las aurélhes, yoye dou co urous qui ayme, nou pouderan créde qu'û estiu de las prumères anades oun lou camî de hèr e puya dinque à Laruns que y'aboun gran sequère. La mountagne Berde, lou Gourzy, lou Pan-Semoun, e Bugère, tout que s'ère usclat, nat cap de bestia ne-y poudè pèche de la desoulacioû qui gaha lou mounde. Sus la place, la Hount de marme blanc, cantade per Nabarrot, qu'abè péne à decha cade û hiu d'aygue, qu'û ayre boumit de Fihèr e sogoutibe abans de-s pèrde per la carrère. Achucs qu'èren lous casaus, miéye bite dou praube mounde de la mountagne : Cauléts, poumes de terre, cébes, pourréts, leytugues, touts que-s cremabe talèu qui hasèn tatès au sou. L'arriu medich, debarat dou gran penént de Césy, e qui ta beroy hasè bara las moules de Tresòu e de Peberè, oun lou grâ de roumént, e tabé de milhoc e-s bienè cambia-s en harie qui serbibe de neuritut cade die en paste doun la may-daune hasè las miques qui cousèn au metau de la garbure; e, dens la grane meyt, lou pâ de qui pcudèn dise chens menti : Boû coum lou pâ de case.. Tems benedit oun lou pay e la may amuchaben aus lous maynàdyes de quine sudou e-s gagriabe. * * * Cade cop qui m'en bau ta Laruns, be lhèbi lous oelhs esmabuts sus lous hours bentourruts qui ploumen sus las carrères... Hens ue maysoû, cousiots e rays de mench de sèt ans, que s'y hasèn à trepa, e-s trufaben de la calourasse. La may mie qu'aprestabe lou disna, ue d'aquéres garbures coum nou n'èy mey goustades enloc hore de nouste. Copsec, qu'abou ue idée : Ha bouta de youlhs lous maynadins ta demanda à Diu, la plouye plâ-hasénte. Noû seré estade biarnése, ne sustout aussalése si talèu dit n'ère aubedide. Lous très granits qu'èren deya au pè dou Crucifies, à la galerie, e lou cap birat ta la Bièrye de Hourat; soul lou darrèrot noû s'apressabe brigue. La may qid, sus aquet chapitre, n'entenè badina, que s'aprestabe au décida dab ue boune latéte mes, et, tranquile : « Tantine, you ne bouy pas ha nade pregàrie ta qui plàbi ! — E perque, hou ? qui m'a bis aco ! Aci, de youlhs coum lous auts !» e hé la may. �— Ì34 — Mes lou gabillat, capbach, nou-s boudyabe, e « Noû ! » e « Noû ! » si disè dab force. E la mie may que l'anabe estira drin ta hica-u au medich pa que lous auts, quoan lou nèn cridè misericòrdie dab las soues mâs yuntaùes, tant que Faute, estounade lou hasè tout dous : « E perqué dounc, beroy ? — Pramou aquéste matî, papa bielh qu'ey partit ta la borde dab las espartégnes e chens paraplouye. » * * * E qu'ère la bertat, lou hilhot qu'abè pensât au desòu dou praube bielh, soul acera hore e sensé apric. Atau la pregàrie qu'esté rembiade tau sé, quoan tout miscat nou poudè gaha lou qui tienè la maye e boune place dens lou co prendhi dou nèn. (que seguiran.) JAN DE ^Wf- •s MOUNGAY. — »• LOU TEATRE NOUSTE Lou Mayre Aulhè Tragi-coumedie en 3 actes, s'ou pugn. (seguide e fi) ACTE III Lou sé de bota, deban la maysoun coumune de Galhères. SCENE PRUMERE LOU BERJILE, LOU LAURENS, UN JEMÈ LOU BERjiLE, Que-s passéjen tan qui tiren lous papès dou quéssot. mans à las potches, capet s'ous oelhs. Ne ba pas. LOU LAURENS Nou pas trop. LOU JEMÈ Que pouyré bira miélhe. LOU BERJILE .Tou que-m hè do d'abé pagat mant'u boutelhe. Escoutarn. Que s'estànquen. Ue bouts, qui a la corde au cot, que sangloutéje noums. �— Ì35 LA BOUTS (dou Nourbert) Darricau. Barats. Gourgues, Pujo. LOU BERJILE, que-s passé je. Tè, lou Nourbert e jou que hèm à l'estujo. Ets que soun lous cabelhs e nous qu'èm las espourgues. Ne s'entén pas tira sounque Barats e. Gourgues. Escoutam. LA BOUTS Darricau, Barats, Franc, Sabathè, Gourgues, Pujo, Lucbert, Lannegran. que-s tourne passéja. LOU BERJILE, Amies, tè, Que souy coum lou Nourbert, banlèu lou co que-m manque. LOU JEMÈ Qu'enténen aquets noums coum enténen la branque A crouchi. LOU BERJILE Lou Nourbert e jou que j'èm dessus; Que la séntim peta débat lous pès touts dus. LOU LAURENS E qui léch ? LOU BERJILE Lou Nourbert. LOU LAURENS Lou Nourbert ? Quin couradje ! Abé tan d'estoumac lou Nourbert au soun adje ! Tè, que-s meriteré qu'où hasoussi dus pots. LOU BERJILE Au miey dous boussalouns, Laurens, trauque se. pots. LOU LAURENS U journade coum oey jamé ne s'ère. biste. Berjile, à tout jamé Galhères sera triste. Qui dounc e-s ba boulé ha soegn dous coumunaus E qui-ms e birera d'arenlà lous berbaus ? Que s'entén coum ue parrabastade de pins qui cròchen en un cop. LAS BOUTS Bibe moussu Barats ! AU TE S BOUTS E l'as, aulhè, la beste ? BOUTS Lous canouns ! Hets peta coum s'ère enta la hèste ! �— 136 — BOUTS Bibe moussu Barats ! BOUTS Tourne te-n, mayre-aulhè ! BOUTS Que-n abém prou. BOUTS Qu'am prou de tan de pegoulhè ! Lou trisquemalhadjè de las bouts qu'at cope tout. Lou Berjile e lou Laurens s'ahuten coum gats escoudats. SCENE II LOU MAYRE-AULHÈ, LA JUNIE, MOUNDE LOU que s'espatraque s'ou souln de l'oustau coumunau. MAYRE-AULHÈ, Ajude ! UN ELECTOU Tchén te dret ! LOU MAYRE-AULHÈ Ajude, que bau case. ! L'ELECTOU Nou, jamé lou Nourbert n'arribera 'sa case. LOU MAYRE-AULHÈ Ajude ! Encoère ajude ! LA JUNIE, gui galope en ha esbarja lou mounde dab lous bras. Es aqui, pegoulhan ? Que-t an boutât dehore ? e dounc que-t at bos plan. Que serbibes de pec à toute la coumune. Que cresès dab la charpe abé heyt la fourtune E de Boustens au Moun serbibes d'arrisè. LOU MAYRE-AULHÈ, à la JlinÌC. Ah ! n'a pas mey que brocs enta jou lou rousè ! Que bau case, tchene-m. La cinte,, ah praube cinte ! Qui me la tournera ? Qu'où pàgui double pinte. E lou banc oun lejiy tan de cops lou journau A la messe, au sermoun : banc rembourrât de nau ! La Junie que se l'arroussègue. La téle que dèche ana. ACABAT L'Emprimayre Mèste en pè : E. MARRIMPOUEY. � Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Patrimoine écrit occitan:périodiques Description An account of the resource Ce set contient les périodiques numérisés par le CIRDÒC issus des collections des partenaires d'Occitanica Revista Item type spécifique au CIRDÒC : à privilégier Région Administrative Aquitaine Variante Idiomatique Gascon Aire Culturelle Gascogne Type de périodique Revistas d'estudis localas = Revues d’études locales Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Reclams de Biarn e Gascougne. - Anade 42, n°05 (Heurè 1938) Alternative Title An alternative name for the resource. The distinction between titles and alternative titles is application-specific. Reclams. - Annada 42, n°05 (Heurèr 1938) Subject The topic of the resource Félibrige Gascon (dialecte) -- Périodiques Littérature gasconne -- Périodiques Histoire locale -- Gascogne (France) Description An account of the resource Reclams. - février 1938 - N°5 (42e Année) Creator An entity primarily responsible for making the resource Palay, Simin (1874-1965) Bouzet, Jean (1892-1954) Laborde-Barbanègre, Manuel de Larrouy, Antoni Lasserre-Capdebile, Ulysse de Laffargue, Célestin (1879-1946) Azema, Pierre (1891-1967) Passy, Yan Lesbordes, Alexandre Pic, André (1910-1958) Bigne, Yan de la Moungay, Jan de L'aute Daugé, Césaire (1858-1945) Marrimpouey, E. Source A related resource from which the described resource is derived <p>Bibliot&egrave;ca de l'Esc&ograve;la Gaston Febus</p> <p><br /><a href="http://www.reclams.org/" target="_blank" rel="noopener"><img style="height: 97px;" src="http://occitanica.eu/images/omeka/gaston_febus.jpg" alt="" height="97" /></a>&nbsp;</p> Publisher An entity responsible for making the resource available Escole Gastou Febus (Pau) Imprimerie de Vignancour (Pau) Date A point or period of time associated with an event in the lifecycle of the resource 1938-02 Relation A related resource Vignette :&nbsp;<a href="http://www.occitanica.eu/omeka/files/original/e472a8c919c77eed6b76d1205b58246f.jpg">http://www.occitanica.eu/omeka/files/original/e472a8c919c77eed6b76d1205b58246f.jpg</a> <a class="link_gen " href="http://www.sudoc.fr/039860345" target="_blank" rel="noopener">http://www.sudoc.fr/039860345</a> Is Part Of A related resource in which the described resource is physically or logically included. Reclams de Biarn e Gascounhe&nbsp;<a href="http://www.occitanica.eu/omeka/items/show/2019">(Acc&egrave;s &agrave; l'ensemble des num&eacute;ros de la revue)</a> Format The file format, physical medium, or dimensions of the resource application/pdf 1 vol. (32 p.) Language A language of the resource fre oci Type The nature or genre of the resource Text publication en série imprimée Identifier An unambiguous reference to the resource within a given context <a href="http://www.occitanica.eu/omeka/items/show/2964">http://www.occitanica.eu/omeka/items/show/2964</a> INOC_Y2_17_1938_02 Rights Information about rights held in and over the resource Domaine public/Domeni public License A legal document giving official permission to do something with the resource. Certains droits réservés Temporal Coverage Temporal characteristics of the resource. 19.. Date Modified Date on which the resource was changed. 2016-06-28 Occitanica Jeu de métadonnées internes a Occitanica Portail Le portail dans la typologie Occitanica Mediatèca Sous-Menu Le sous-menu dans la typologie Occitanica Bibliotèca Type de Document Le type dans la typologie Occitanica Numéro de revue Contributeur Le contributeur à Occitanica Inoc Catégorie La catégorie dans la typologie Occitanica Documents Patrimòni cultural = Patrimoine culturel