https://www.occitanica.eu/files/original/53f778b769ab4c3aca289294312e4860.jpg 146999704fb8c137a5a2c14612a7e431 Omeka Image File The metadata element set that was included in the `files_images` table in previous versions of Omeka. These elements are common to all image files. Bit Depth 8 Channels 3 Height 1131 IPTC Array a:1:{s:11:"object_name";s:14:"1911 15e Anade";} IPTC String object_name:1911 15e Anade Width 1696 https://www.occitanica.eu/files/original/9ad6c162d680e37cf7b95b5e88e86034.pdf e0884417ba22cdfa8476705624624760 PDF Text Text ËSCOLË GASTOU-FEBUS RECLAMS BIARN E GASCOUGNE 43au Anade �La nouste Reyne Clotilde �43aU Anade Octoubre-Noubémbre de 1938 Las Hèstes Je Sent~Sebé~cap de Gascougne 3-4-5 de Septéme 19^8 La Reyne au soû balcoû. L'ARRIBADE Augan, dounc, qu'ère lou tour de hesteya en païs de Lanes. A la nouste amassade de Pasques, lou Counselh de l'Escole, sus l'embit dou mayourau Daugé, que decidabe d'ana ta Sent Sebé, cap de Gascougne e lèu lou Burèu que hé lous entenuts dab la Municipalitat e lous amies de l'endret. Que-ns y èm doungues escaduts dab lou Capdau lou dissatte 3 de septéme, s'ou truc de mieydie e, de la gare puyan tau tue de Mourlane, que poudèm béde deyà quin s'y hasèn à oundra la ciutat. Sus la place d'arribade, qu'ey coum û eschàmi d'abelhes balentes ; las garlandes que s'estiren, lous mats que-s quilhen au sourelh e daban nous, la carrère qu'ey coum ue loungue tounèle flouride de briulet e d'or. �— 4 — Tè ! b'abém aquiu lou Yan de Guichot ! Enta nou pas manca-s la partide, qu'ey arribat, dab la Daune, quoate dies per abance. E coum debisam de la bile en susmaute, que bedém à lusi nouste capdau d'aunou, Cesari Daugé, dab ue troupe d'amies de Chalosse. Que hèm counechences tabé dab quauques Sent-Seberîs qui s'en amaneyen, despuch bère mesade, après abé cavihat la mécanique, de la méte au punt. Que saludam aquiu moussu lou douctou Dubedat qui n'esté pas lou mens ahoegat, M. Roger Dupouy, président dou Coumitat de las hèstes e qui n'a pas marcandeyat la péne qui l'a coustat, M. Beauseigneur qui a tirât lou plan de l'ournamentacioû de la bile, M. Le Pape, qui a dessinât lou prougram, lous membres dou Coumitat, touts beroy e charmant mounde. Sent Sebé engarlandade. Qu'at eau dise d'abiade : la decouracioû de Sent Sebé qu'ey quauqu'arré de bèt, de suberbèt. E bedoum yamey, despuch quarante ans qui-ns en bam capbat Biarn e Gascougne, aquére aboundànci de courounes, de garlandes, de banderoles, de flocs e de drapèus ?... A cade croutsade, arcs de trioumfe, en trabès de cade carrère, escriuts en gascoù : Amies, siats lous plâ biengitts ! etc. E brigue hade mesclagne. Cade carrère que b'a ournaménts à d'ère, e la soues coulous : rouyes, arroses, bérdes, blues, yaunes. Portes e frinèstes que soun oundrades chens manque, e que leyim sus las pourtalades de hère d'oustaus dus moûts d'arcoe.lhénce. A las bitrines de magasîs e boutigues, qu'an espausat causes anciènes : chales pingourlats, yolhes de couyre treslusént, hèrrades e escauhe-lheyts, bachère tlourade, medich edicioûs de libes dou païs : Lous Debis gascouns d'Isidore Salles, Maubesin, pouèmi illustrât de C. Daugé, Lous dus parlas d'à nouste de A. Darclanne, etc. Mes n'ey pas tout. En us-quoandes oustaus, au dessus de las pourtalades lou gascoû que-b' apère : « En ço dou Martin que y a de boun bin ! » se dits ue enségne. E gnaute : « Se-bse plats aço, qu'at dam de boun co ». Bouchés, coucassès, marchands de quincalhe e farmaciens parié, touts qu'embiten en gascoû, à la gascoune. E tout heyt dab û goust, leuyè, délicat, coum se bère mâ de hade abè, per miragle, adoubât tout aco de beroy. Toutu qu'an abut plâ póu. Lou dibés sé, û auràdye de bent e de plouye qu'a mancat de darriga tout aquet flouralissi. Mes, Sente Estele, la nouSte patroune oundrade, qu'a tout apadsat e lou doumau hèyt nou s'ey pas yuste counegut. Qu'ey die de marcat — e que y a hourre — mes lous estranyès, si hèn per cop puchéu, n'arrèsten pas lous tribalhayres : à noeyt, tout que sera prest enta la hèste. A cinq ores, la Reyne que déu arriba, mes enta l'abé drin permè, ne bolen pas aténde que lou tri que l'amie, au pè de la gare e qu'ey au Mount de Marsâ qui la ban coélhe, dab ue bère auto de gala bestide de flocs per mous de Bacarrère. De tant loegn qui recounéguen l'auto, lous dou quartiè de Perè que hèn peta ue boumbe; lou tribalh que s'estangue, e crits de « Bihe la Reyne » e patacs de. mâ si-n boulét, quoan la charmante �— b — soubirane, graciouse coum toustém, passe au miey d'aquet brabe mounde. E tout lou loung dou camî qu'en sera parié. Lou die que debare, la brespade qu'ey douce; d'û cap à l'aute de la bile nou soun qu'esclaquerats d'arride, crits de yoye, brounit de hèste. Lous felibres qu'arriben per escabots e que hèn la loue partide à la cansoû coumune. Tout are, la clique dous « Caddets de Gascougne » doublade de la musique de Cauna e auts entours, que hara û passe-carrère gauyous qui finira de méte en estât de gracie tout lou mounde, en aténde lou gran die. A la Maysoû coumune. II LOU DIMÉNYE De boû matî, Sent Sebé qu'ey de. pès, e que s'en despachen d'acaba lous arranyaments. S'ou truc de las nau ores, nouste reyne Clotilde de Lamazou que parech s'ou balcoû de l'oustau de France, dab las soues damisèles d'aunou, en bestissi naciounau. Cade quartiè de la bile que-u n'a delegat ue enta la saluda; que soun damisèles Andréa Brethes, Renée Lalanne, Manéte Larcebeau e Marie St-Genez, toutes beroyes, charmantes e esberides à mirande, e dab las Biarnéses qui l'an seguide, Marcèle Berot, Louise Lurdos, Lucienne Crampé e Lilou Faribault, la Reyne que sera beroy acoumpagnade. E l'aussalés Medebièle de-m dise tout doucines : « Au mens, la nouste reyne que la poudém espia, qu'abém medich lou grat d'audi quin parle. L'aute semane, ya n'aboum gn'aute qui-s passeyabe per �Paris, mes sénse que lou brabe mounde la bedoussen autademéns qu'en pourtreyt sus las hoélhes dous yournaus ». En cade cap dou balcoû, dus hérauts dou temps de Gastoû Febus que souen hens la loungue troumpete, coum d'auts cops, l'entrade de la hèste. La place qu'ey deyà garnide de yent. E quin ey beroy lou cop d'oelh ! Las cohes Manques, lous chales flourits, las pelhes clares, lous grans berrets, las chamarres blues que pigalhen lou sòu de mile coulous. Couroune d'or s'ou cap, Clotilde que salude lou soû pople; toutû que lou douctou Dubedat, dens la léngue dous dius, souhèyte la plâ-biengude à la Daune de YEscole Gastou-Febus, à la « daune d'amou, reyne tabé au miey dous paysans de la douce Chalosse... E de hourni en seguin : « Jumplat boste plasé à l'arrit de la Hount e boste co doutent s'ous grans boscs de la coume... E quan tournets ta boste, au pè de las mountagnes, Que-b soubiéne de nous !.. . » Lou douctou Dubedat qu'auherech à la Reyne ue garbe de flous suberbère, toutû que dou houns, de la place, nègre de mounde adare, puyen las aclamacioûs. La musique qu'en da û branlou, lous coumissàris que s'esdeburen ta hica en ourdi lous dus cents couples de yoenesse qui haran courtèdye à la Reyne qui, bachade tau houns adare, pren lou bras dou Capdau e qu'ous seguim Au mounument dous Mourts Qui ey oundrat tabé de las coulous patriaus : blu, blanc e rouye. La garbe qu'ey pausade au pè dou mounument. Tout cadu que-s tire lou sou capèt; lous tabards e lous claroûs qu'en manden « aux champs ». Lou Capdau que dits perqué èm aquiu : « Quoate ans de seguide, lous de la gran guerre qu'an pataqueyat e hères que-s soun mourts ta que pousquiam bibe, ta que nade lute parière noû biéngue mey desbarata las terres de France. Diu que boulhe que tandes de plous e tande de sang nou sien estats barreyats en balles. E haut lous cos I » La minute qu'ey pougnente. Mâchants bruts que s'enténen per acera, dou coustat de la Prusse... Permou dous Défunts. La glèyse dous Benedictîs, qui se disen lous libes, e lhebèn, aquestes coulounes au sègle Xau que s'ey tabé parade ta-ns arcoélhe. U serbice reliyous, coum de coustume, qu'y sera hèyt permou dous noustes défunts, e qu'ey mey de. dus mile fidèus qui-s biénen assoubaca débat las très naus grandouses, floucades ères tabé e estiglantes de luts. Que-nse plats de recounégue aquiu moussu lou yenerau Berdalle e madame, arribats esprès de Pau sounque enta assista à la misse de memóri dous noustes desparescuts. Miade de mâ de mèste per l'ourganiste Yan Dupouy, la Schola de la parròpi que hara enténe cants gascoûs à tout loung de la cere- �— 7 — mounie : Ço que dits, û cantic nabèt de C. Daugé (soliste, Mlle De Laporterie), Pregàrie ta la Patrie, de Simin Palay (soliste, M. Passicos), Imne à la Pats, de Rameau, Pan don Cèu, de Sarran, cantat per Clotilde Lamazou e, ta la sourtide, Estéle de la ma, de M. lou canounye Bounet, représe au repic, à plée bouts per toute l'assistance. A l'Ebanyèli, M. lou canounye Bucau, archiprestre de l'Abadiau, que puyabe en cadière e que largabe lou soû Debis d'arcoelhenceLous meys rays, Que souy urous e fier de recébe en la nouste Abadiau, lous Felibres de l'Escole Gastoû-Febus, aymadous de la biélhe léngue d'Oc, qui an boulut ha la loue amassade en la bile de Sent-Sebé. Que salùdi, en permères, la Reyne e las soues damisèles d'aunou qui porten au nouste tue de Mourlane la gràci qui flourech s'ous bords dous Gabes de Biarn. Que salùdi lous mayouraus Palay e Camelat, balénts de plume e d'accioun, qui taplan parlen e escriben sus nouste païs. Que salùdi touts lous Felibres de l'Escole qui bolen la Gascougne ne-s mouréchi pas. Que salùdi sustout lou mey gran amie, lou canounye Daugé : gascoun « cap e tout ». Qui sab tout ço qu'a hèyt d'escriuts — e dous me broys ! — Que demoureran coum flous de las lanes que sénten toustém boun. Se-b disi qu'a 80 ans sounats, ne-m creyret pas; que saute e que cante coume un joén. E prêcha dounc ! Que bats enténe aco ! Que souhèti que la mort — aquére mâchante — n'ou gàhi pas de hort d'anades. Ne carré pas que despiti aquet bèt càssou de Gascougne ! Quoant a parlât de biene à Sent-Sebé enta la Felibreyade, que l'an respounut : Sent-Sebé... petite bile adroumide ! Ne sèy pas se dromen à Sent-Sebé ! Me lou Felibre de Dihort que b'a broy dechidats ! Que b'a abuts touts, dou mé petit au mé gran, lou puple e lous moussus. E oey n'y a pa mey nad partit; toutes las barralhes que soun cadudes. N'y a pas que Gascouns qui hèn ue grane familhe enta ha rebibe lou tems d'auts cops oun s'aymèben coum rays. Que balhen un bèt exémple. Que souy countént de bous e que-b hèsi coumpliméns à touts. Qu'at saben ! Aci qu'èts à boste ; La Glèyse qu'e la maysoun dou Pay. Qu'y-a place enta touts lous maynàdyes, même lous qui hèn semblans de s'escapa. Aci qu'èts estats batisats, aci qu'abets hèyt la Permère Coumunioun; aci que b'èts mandats; aci qu'abets plourat lous bostes mourts : Pensats ad ets pendén la Messe : Que-bse muchen lou boun camin. Pregats enta touts lous felibres défunts, enta qu'anin repréne au cèu la cansoun de la Terre mayrane, entaus que la guerre s'a panats, brabes de nouste, bestits de glôri, qui an saubat la France. E lou boun Diu boulhi que lous bius, lous joens sustout — pramou que soun l'espérance — sin coum ets lous que eau per nou pas decha la Gascougne pèrde la soue amne, las soues tradiciouns. C. BUCAU. Qu'ey M. lou canounye Daugé qui parlara à l'Ebanyèli. Lou soù predic qu'ey ûe paye d'istòrie, las hounts crestianes dou passât, quin adentour de la toumbe de St Sebé, martiri, la bile s'ey bastide, puch dou moustiè dous Benedictîs. Qu'ey û sapiént talhuc de prose gasaoune tabé coum ne poudè qu'esta-n dab aquet mèste de la lengue nouste, �— 8 — A la Maysoû de Bile De la glèyse abadiau à l'oustau de bile, nou y'a grane camade. Toutû la yoenésse qu'a lou temps de s'arrenga en double rengat ta ha, dab miey cercles flourits, ue plasente tounèle à la Reyne quoan hè soun entrade. Qu'ey moussu-ou mayre Larréde qui arcoèlh lous Felibres hens la sale dou Counselh, entourât dous Membres; qu'embite la Reyne à préne place au gran fautulh e que la salude dab las paraules las mey presades. Puch que rapère la permère besite de l'Escole. « Qu'a 36 ans, se dits, lou Felibrige que bienou besita-s. Lous felibres qu'èren megnats per M. Adrien Planté, aparentat dens SentSebé : qu'ère fort distingat e. fort aymable; mes la soue présence e la dous Escouliès ne hasoun pas gran brut. Las enbitaciouns qu'èren estades adressades sustout à la haute soucietat e lou puple ne s'apercebou pas de gran cause. « Oey qu'ey tout diferent. Toute la bile qu'es en l'èrt. Touts qu'an boulut tribalha ta ha-b la mey bère recepcioun poussible. » Puch, adressan-se aus felibres, qu'ous assegure que toute la bile, au noum de qui parle, que s'ey reyuide talèu qui-s sabou qu'abèn décidât la loue besite; qu'an poudut béde quin ère dous grans lou plasé dous Sent Seberis d'abé lous qui méten tant de talent e d'ardou à mantiéne lou parla gascoun e, dab et, las tradicioûs, l'ana de la bite sane e naturau. Tabé, qu'ey de tout co qui-us souhèyte la plâ-biengude à Sent Sebé e qu'espère qu'en empourtaran la certitude que touts aci que soun de cô dab lous felibres enta persegui la loue obre. Ad aquéres paraules amistouses nouste Capdau Simin Palay qtie respoun : Respounse dou Capdau Moussu lou Mayre, Loungtemps a, que s'abèm hicat à l'idée de ha lou biadye de Sent Sebé e, dens nouste esprit, que debè 'sta ue manière de pelerinàdye au loc oun lou nouste permè Capdau, toustém regretat, moussu Adrien Planté se troubabe coum à sa case e oun boulou, à las permères anades de l'Escole Gastoû Febus, biéne cerca coumpagnoûs d'eley enta l'ayda dens l'obre entreprése tau saubamén de l'amne dou païs e dou nouste parla. Oey que y èm, à Sent-Sebé-cap-de-Gascougne, e que bouy, tout d'abord, dise-b lou nouste mercés, à bous, moussu lou Mayre e au Counselh de bile coum à toute la poupulacioû Sentseberine, à puch, saluda la memòri d'aquets omis de nautat qui arcoelhoun, qu'a hèyt 36 ans lou darrè 21 d'aoust, mous de Planté dab lous soûs escouliès. Qu'èren aquiu M. Sentex, lou mayre de labets, lou douctou Léon-Dufour, cugnat d'Adrien Planté, M. de Laporterie, M. Abadie, président de la soucietat de Borda, l'Artè dou Pourtau, curious poète e d'autes doun lou noum se m'escape, touts omis de merque e qui, au permè aperét, abèn respounut quio au Capdau. Mous de Planté qu'ère û ancien magistrat e û istouriâ : que sabè ço qui ey la bite deu mounde en soucietat e quin se déu amia lou mounde, û païs, ue nacioû, la camina coum eau e dab assegurance. Que eau, en permè, omis d'eley — en francés qu'apèren aco les élites — dab lou capàdye boulut e necessàri ta gabida lou pòple, qui n'a pas abut lou temps au lou �— 9 — desi d'estudia, mes qui sab qu'a besougn, permou d'aco, d'esta coundusit, toutu coum lous souldats d'ue armade an besougn dous oflciès ta mia lou coumbat. U cop lous cadres fourmats, mous de Planté que-s disè que la troupe que seguiré. Nou s'ère pas troumpat; e oey qu'èm ue armade dab l'actibe e la resèrbe. Certes que y a hère de reserbistes mes, ço qui ey beroy à béde, nad nou demande à préne la retrèyte, quoan aberé passât Pàdye e de quoan. Ey bertat, mayourau Daugé ? Hè ! permat ! tant qui y a tribalh en û camp, nad nou pause l'apè, per ancièn qui sie, e lou camp de l'Escole per nou pas esta gran, qu'a besougn de hère d'oubrès. Coum mous de Planté, qu'en bieném lheba sus aqueste boune terre de Chalosse, au parsà baient de Sent-Sebé qui, à maugrat de trucs e patacs de l'éstranyè — e Diu sap si-n a début para capbat lou temps ! — à maugrat de mile misères a sabut bénce lou sort e demoura-s sancé. Lous sous hilhots que soun estais e que soun l'aunou de la France, permou que-s soun demourats Gascoûs e fiers d'en esta. Saludém la loue memòrie e metiam nouste bite au pa de la loue ! Per la glòri don terraire, Vautre aci que siOs counsent, (loumunièm toulis ensen ! Bisque Gascougne, aunou à Sent-Sebé e Febus aban ! SIMIN PALAY. Tant que noustes capulats e parlen tà plâ, que-ns agrade d'espia lous pourtreyts de tandes d'illustres St Seberis qui oundren las parets de la sale : LOXTS yeneraus Lamarque e Durrius, lou doctou Léon-Dufour (lou sapiént descroubidou de la bite dous barboùs e dous parpalhoùs), lous mayres de gran renoumade, de Ladoue, Dubedout, doctou Sentex, e Grandin de PEprevier... Que s'y trinque gauyousamén, que si coumplèten las counechences e nou s'en bam qu'apuch d'abé hèyt lou tour d'aquet antique mounument. La hèste poupulàrieQu'èm au tantos. Qu'arrecoutéchen sus la place las troupes de yoenésse qui-nse debertiran quauques ores. U cabaliè que dabantéye la coude-ligue, seguit dous de la poulici municipau e qu'en ban lous escabots : Lous hechoutès qui bénen la légne cargade s'ous àsous ; lou marcat de St Sebé, dab lou crabè qui siule e la garfoulère benén las soues coques. Cade. quartiè de la bile qu'a entinoat ù car, e qu'en y'a cars engarlandats e cougnits de mounde ! Aci la triène : Lou techenè (quartiè de Soustras) ; Lou porte-lheyt (quartiè dou Castalét) ; La nonce gasconne (quartiè de Pountix) ; Lou ristoun (Place de las Platanes) ; Lou péle-porc (quartiè de Perè) ; La despélouquère (quartiè dou Tour dou Sou); La paloumère (quartiè dou Tribunau) ; Lou ijemc (quartiè de Perè) ; Lou ca de la règne (quartiè de Belloc), e tout aco, cantan e arridén. Entermiey d'auts que dansen (la cibade, lou Yan Petit, etc.), e p'ous entours aulhès e aulherots que passen e countrepassen dab lou bastoû, bestits de la périsse, e bebén de quoan en quoan au cuyoû ta refresqui-s la ganurre. �— 10 — E puch que diseran que noustes yoentuts qu'an perdude la gauyou e nou saben mey deberti-s ! Touts aquets caddèts... e caddètes que ban, que tournen, que caminen, que dansen, que canten qu'ey û plasé dous béde, au miey dou sourelh gascoû qui lusech coum au mey bèt die. Lou Roundèu. LOUS YOCS FLOURAUS Très ores. A las arènes. Au cap qu'an lhebat û empount oun se tieneran lous ouratous e la yurade. Adentour de nouste reyne Clotilde e de las soues damisèles d'aunou, de daunes Labarthe e Langeron (en bestissi proubensau d'Arles), que-s soun asseduts : lou capdau S. Palay, lou subercapdau Daugé, lou mèste en gay sabé J. Eyt, lou dinerè Tucat, lou segretàri Y. Bouzet. Mes dens las arènes cougnides dou sòu dinque aus trabatèts, quoan e quoan de caps ! Lhèu quoate mile personnes. Daune Clotilde qu'abie Aquéres mountagnes que l'assistence e gahe à Parrepic. Puch qu'alengue lous Yocs dab aqueste Prouclam de la Reyne. Daunes e Mestes, Ne pouderèy pas coumença lou me debiset chens dise-b û gran mercés de l'arcoelh suberbèt qui abem troubat à boste. La terre de Lanes, qu'at sabèm deya, qu'ey entaus Felibres, aboundouse de yoyes e de douçous. E que-m soubiéni pla de l'arridente Peyrehourade qui-nse recebou que y-a quauques ans; de Dacs que coussire l'Adou encantadoure; e tabé dou ��— 12 — Mount. Aquet Mount, 'gauyous e estiglant coum ue aube de may, oun l'arride ère aysit, l'ayre embaumât e lou cèu cla !... Aylas ! tout aco qu'ey passât ! Adare qu'abem bist Sent-Sebé. Diu ! Quin ey beroy floucade e esmiraglante boste bile, e quin ey arcoelhende ! Aci qu'ey tout bérou, pouesie e encantamen. Qu'ey bibém tabé ores agradibes enter toutes e qu'ey poudem miélhe coumpréne lou pla heyt d'ue amistat bertadère e sancére, bastide sus las leys naturaus qu'arré nou pod desrui. E, ballèu que s'en bam ana ! Encoère de boste que partiram, lou co marfandit pîa segu, mes dab l'ahide pregoune que nou sera pas tant lèu tout acabat. Bissè noustes pensades que demouraran sos toustem ? E si touts, à l'oumpre de la mediche banère e 'bibem ahoegats per û soul ideau, que compliram adayse lou gran tribalh qui atén nouste Patrie Gascoune. Mes, si boulem la rébiscoulade grane e sancére; si nou boulem pas mey entene-s dise que n'èm pas bous que ta sauneya, si boulem goarda noustes tradicious e ha segnoureya nouste lengue, qu'abem lou debé sacrât d'esta mounde d'acciou bertadère. N'abem pas nade pause à perde e que-nse eau coumbate de tout nouste poudé enta que nou s'ahounésque pas tout ço qui aymam, qui boulem mantiéne e ha praba. « Qu'un pople toumbe esclau, Se ten sa lengue ten la clau Que di cadeno lou deslieuro». Permou d'aco que balharam la maye aunou à d'aquére léngue qui ey mey bère que nades. Coste que coste à maugrat tout que la saubaram e arrés nou la se gausara rauba permou nou trebuquen pas lous Gascous quoan an dit : « Que boulem ! ». Ne boulem pas demoura endarrè, mes que boulem ana-n coum l'enteném, lou cap lhebat e las mas libres ! Oh ! que sey que quauques-us qu'arrideran empermou que nou abem enta defende-s que lou calam leuyè de noustes escribâs e la flabute amistouse dous gaymans troubadous ! Mes que crey, e dechat-me créde de que pensât atau, que crey qu'û bent de rebouluciou espirituau que passe sus la Terre d'Oc e que lou crit d'ayude de Mistrau : « Ah ! se me sabièn entendre ! Ah ! se me voulièn segui ! » que sera ballèu cambiat en û crit de bictorie. E tant pis per aquets qui n'auran pas sabut enténe ! tant pis tabé per aquets qui n'auran pas boulut ségui ! Que Sente Estéle e-ns dabanteye sou cami de la bictorie e toustem « Febus aban ! ». CLOTILDE DE LAMAZOU-BETBEDER. Lou Coumitat qu'a pensât à tout. Arroun de l'arène, qu'a hèyt plaça hauts-parlayres electrics de manière que pas ue paraule nou ey perdude. Ue periglade de patacs de mâs que saluden aquet bèt parlainént, toutû que S. Palay e prounouncie lou soû debis annau de Douctrine felibrénque. �— iâ — Debis dou Capdau. Daunes e Mèstes, De segu» mantû que-s sera hort estounat, quoan ne seré qu'en leyin las afiches de la hèste, de ço qui s'y hàssi tant de bruhèyre sounque permou dou Gascoû, dou praube patoès clous anciens, qui èren tant ignourents : ne sabèn pas, lhèu, quoate moûts de francés e encoère qu'ous estroupiaben... Permetét-me de demanda-b escuse per ets. Ignourents, qu'en èm touts chic ou hère, si boulém ana dinqu'au houns de las causes, qu'en èm cadù autant coum yamey lous ancièns e ço qui sabém ne haré pas goayre d'endoum au pa de ço qui nou sabém pas. ignourents, à Sent-Sebé, dou temps qui touts y panaben Gascoû — qu'ère la lengue naciounau dou païs — ignourents n'en y abè pas mey qu'aus noustes temps; qu'ère ue bile sapiénte dab las soues escoles, lous soùs coulèdyes oun bienèn de hort loegn apréne lou grec, lou latî, l'ebraïc e lou francés per dessus lou marcat. Or, be sabét l'arreprouè : « Si plau en ço dou besî, à nouste qu'arrose ». De Sent-Sebé, la plouye de la sapience qu'arrousabe, de segu, lous enbiroûs, E coum l'enstruccioû ère dade à touts lous qui boulèn apréne, riches e praubes, n'ey pas dounc aci lou loc oun eau parla de l'ignourence dous anciens. Qu'ey despuch cent cinquante ans, sustout, qui caleré segui la décadence dou sabé per aquestes terres, aci e hore-païs, mes aco d'autes qu'at an estudiat e n'ey pas besougn que m'y fourni. Si dounc s'en y a troubat ou s'en y trobe ta s'estouna de ço qui y aye omis, hemnes e gouyates coungregats en soucietat ta parla, defénde e ha balé la lengue nouste, que-m bau perméte en quauques moûts d'ous ha coumpréne quin ey estounan... que s'en estounen. E tout d'abord qu'ous assegùri que si nous, lous felibres, defendém l'ancièn parla countre aus qui-u bolen tua, qu'ey permou qu'èm patriotes. Si^u mantienguém e s'en serbim fièramén, qu'ey permou qu'èm patriotes e, de mey, counscients dou nouste ròlle e dou nouste debé d'omis cibilisats ! — O ho ! si ban lhèu dise quauques ûs, be la prenét sus û toun hère haut. N'ey pas la péne... Ne s'en bau pas la péne... — Brabe mounde, qu'ey aquiu l'errou : que s'en bau la péne e û sarrot encoère permou qu'abém cent rasoûs de créde que lou mantién dou parla mayrau qu'ey ligat à l'idée de ço qui aperam la patrie e à l'idée de cibilisacioû e de progrès de l'umanitat. Qu'ey ço qui ey la Patrie ? U petit cournè de terre au miey dou globe terrèstre, dab ue maysoû quine que sie, grane ou chicoye, au miey de d'autes maysoûs oun biben en tribalha, ayma, canta, soufri c ploura omis e hemnes pausats aquiu au grat de la bite per la boulentat de Diu, omis e hemnes qui an counstituit familhes qui, à mesure qui aumentaben e crechèn, an hèyt nacioûs, petites nacioûs d'abord e qui, au fou tour, se soun coungregades enta ha lous grans païs qui bedém adare sus toute la terre; mes, per granes qui sien, lou yèrmi permè qu'ey la familhe dab û pay e ue may doun toute la decendence ey sourtide. Qu'ey à d'aquet pay e à d'aquere may qui lous hilhs e dében tout. Permou d'aco Diu qu'a dit en soun coumandament : « Qu'aunouraras toû pay e ta may», ço qui bôu dise: qu'ous escoutaras, que seguiras lous lous counselhs, que haras coum an hèyt e miélhe encoère, enta ha-us aunou. Lou qui manque de respect aus ancièns de case, qu'ey espiat coum û mounstre ou qu'auqu'arré d'atau e ne crey pas que s'y trobe, au mens per nouste, goayre d'aquets mau-baduts qui nou respecten pas lous parents, qui n'àyen pas lou sentiment de la familhe, la flerretat dou lou sang. La noublesse dou sang, d'autes cops, qu'ère recounegude quoan l'ômi, lou cap-maysoû •muchabe las mey granes bertuts, las mayes qualitats qui-n �— 14 — hasèn û sudyèt d'eley de-miey lous autes e digne de l'amiraciou de touts. Permou d'aco, lou pòple qu'où pourtabe à las dignitats e lou rey qu'où dabe û titre. Si aquet titre passabe aus hilhs, qu'ère enta que-s soubiengoussin dou qui l'abè méritât lou permè e que hasoussin ço qui calé ta s'en rende dignes ets tabé. Atau l'idée de la familhe que prenè force de mey en mey, setude qui ère sus las bertuts de la race e lou respect dous ayòus. Or, la douctrine dous felibres qu'ey en permè basade sus la familhe, souque de toute force souciau e naciounau. Ha dounc,-e toustem en miélhe si-s pot, coum hasoun lous payrans, qu'ey la manière la mey segure dous aunoura. E coum la paraulê porte la pensade, que-s pot afirma que parla coum ets qu'ey segui la loue ley e lou lou exémple. Qu'ey lou parla gascoû qui-us dabe lou sentiment de la soulidaritat frayrale, familiàu e patriau; qu'ey lou lengadye coumû qui-us hasè coumpréne miélhe e qui-us esplicabe aquet sentiment e qui-us dabe la flerretat d'esta d'ue nacioû bère enter toutes. « Ue lengue, si a dit Mistrau, qu'ey ue mountyoye, ue antique bastisse oun cade passant a balhat la soue pèce d'or, d'aryent ou de couyre; qu'ey û mounument immense oun cade familhe a carreyat la soue pèyre, oun cade ciutat a bastit lou sou piela, oun ue race entière a tribalhat de corps e d'amne pendent centenats e milès d'anades. Ue lengue, en û mout, qu'ey la rebelacioû de la bite-bitante, la manifestacioû de la pensade umane, l'enstrument suber-sant de las cibilisacioûs e lou testament parlant de las soucietats mourtes e bibes. » N'aberi pas besougn de-b en dise mey e qu'abet coumprés quoau ey l'obre dous felibres. Qu'en y a que la countrè-carren en preténde que lous patoès que porten tort au francés, mes aco que soun pretencious d'ignourents pusque, yustemén, aus coulèdyes que hèn apréne lou latî enta miélhe sabé lou francés. E lou gascoû n'ey pas aute cause que û dialecte latî. E despuch quoan ue personne qui sap dues lengues ey mey ignourente que la qui nou-n sap qu'ue ? E qui pretendera tabé que lou gascoû n'ey qu'ue lengue praube ? Lous qui saben de letre qu'ous ne daran la probe countrari aysidemén. Lou riche d'ue lengue, toutû coum la fourtune d'ù ômi se coumpte per lou noumbre dous miles qui poussède, que-s coumpte au noumbre dous moûts; or lou dicciounàri dou gascoû qu'a mey de moûts que lou dou francés. Escoutat quin lou boste poète Isidore Salles amuche lou richè dou gascoû en aqueste beroy counderilhot : LA RICHESSE DOU PRAUBE A l'ôiilhe tounude lou bent ! Sus tous petits caduii que daube e qu'enténi dise soubén : « Lou gascoun qu'es u léncou praube. » Le Ninéte doit Cap dous pounts, un dimercs, que s'en ère anade béne garis, piocs ou capouns au marcat de Peyrehourade. Bint ans ! Lou primtemps à les dents, grane teste, brabe coum qnoàte, que hasèbe dise à les yens : Bisclam ! Lou bèt brin de gouyatc ! �— 15 — Sus lou camin, hèyt à mitan, ue arreeardère que passe : — Quoan bos de le pouralhe ? — Tant ! — E-t trufes de you, gouyatasse ? Bère boèture e fier chibau s'arresten. Le buts gaymantine d'un moussu cride : « Oun bas atau ? Bos bine dab you, gougatine ? » — De quet pan you ne minyi pas ! E Ninete repren le trote. Passe un curé : « Bam ! d'aquet pas, que-t bas fatiga, gougatote... » E le noegt, rentran à l'oustau, le may que dits : Hè dounc, Ninéte, as hèyt boun biàdge ? — Atau, atau... — Aném, bin soupa, gouyatéte. Troubats-me dounc en lou francés, moyen de dise en u' paraule, l'amistat, l'amou, lou mesprès, le pietat e... le faribaule ! ISIDORE SALLES. E lou Capdau que fenech en manda-n à l'assistance, segoutide per aquet parlament, û apèu tringan à l'unioû de touts, coundicioû permère ta sauba la terre. U tounerre d'aplaudiments que partech d'aquere hourre de milès de Gascoûs : qu'an coumprés e ne-s desbroumbaran las paraules qui biénen d'enténe. Qu'ey au tour dou subercapdau Daugé de léye lou Report dou Councours de Sent Sebé Aqueste an, brac lou Councours, brac tabé lou report : brac e boun, sarcit e de boun pés, aqui la note. POUÉSIE Sounque très councurrèns. Dab la mustre Flous d'abor, lou prumè qu'a mandat oeyt pouésies : Retour (qu'auré poudut dise Tournât) : Caritat ou lou praube de d'auts cops qui droumibe darrè-u palhè ou à la hegnère ; Terre ou arré ne bau sa case, sustout se oun acasits en Biarn ou Gascougne ; Qu'èy lous sos ; Si crédi ; Lou crêpant e lou bermi de luts, fable plan escadude ; Flouréte, cante à coate bouts, palaures e musique dou medich. Tout aco nerbious, cla, beroy troussât, esberit ou piètadous. L'autou, trente ans cabaliè à la Garde de Paris, que se-n éy tournât péu gris au Biarn e qu'a boulut prouba que, se à Paris és estât lou balén cabaliè, n'abè pas la culerosse en s'acabalia adare s'ou chibau dous pouètes qui s'apère Pégase. �— 16 — Flous d'Abor que bouten Yan de Guichot, de Mourlaas, hore councours dous yocs de la nouste Escole. Que balham prêts ex-equo : Duo d'amou én 1860, par Mous Jean Destibarde, secrétàri de la mairie à Bielenabe-de-Marsan ; Trobes, dou reyot R. Courtiade, dous Sarrasis en Chalosse. PROSE Coate mandadis. Hore Councours : L'orne mau basut (en Tursan e Chalosse que l'apèren Lou Yan Pèc), per Daune Andréa Barrère, de Gabarret, Lanes. Prêts : Aluquets Luquets, per l'abat Larroudè-Bereilh, à Arance, en Biarn. Qu'a mandat un hech de 27 coundes qui haré ue broucadure disénte de soun dou parla de Luc. Moûts nâtres de coundes d'espourguères ou dou cout dou hoec, nade descripcioun coum se-n hè tan au our de oey, coum s'èren dits per un qui pourtabe capet, chamarre e esclop e ère passât per darrè las escoles. Menciouns : Pregari s'ou cassou de Qnilhat, per P. Jacob Cantabre, à Pau ; Lou lulhur e l'anglés, de M. Fouques, à Baigts. TIATRE Sounque un mandadis qui se-n porte ue mencioun d'aunou : Lous Bascous, pèsse en ue heyte e én prose. Que s'y trobe bouhades de so qui-s passe adare en Espagne bascou. A plaps, la pèsse qu'éy prou dramatique, e, s'ère plan jougade, que pouyré mu-cha ue partide de la counsciénce bascou en questes dus ans passais de guerre enter rays de lenque e de race. C. DAUGÉ. Las medalhes dous prêts que soun estades auherides per MM. Daraignez, Lourties e Milliès-Lacroix, senatous de Lanes, e per MM. Bezos, Lassalle e Fully, deputats. Que sien arremerciats de s'esta coum aco intéressais à la nouste obre. De seguide lous lauréats que biénen sus l'empount oun la Reyne lous balhe lous prêts qui s'an gagnats. L'u d'ets, Yan de Guichot (boutât augan hore-councours) que dits la soue pèce doulénte La Crouts de la birade e la soue fable arridénte : La graulhe e lou boeu. Lous qui adès es sentiben esmabuts are que s'esmeliguen d'arride. Probes que lou disedou qu'ey coumprés e dounc hère aplaudit. Mes, d'u cap a l'aut, que coumencen de trepa, de crida: Lou Crabe, lou Crabe ! e, coum tant d'autes cops en d'autes locs e loungtems-a, C. Daugé que cante d'ue bouts yoéne e lègre autant que quoan l'entenoun p'ou permè cop, pensi, qu'a trente, cheys ans d'aco, lous de Sent Sebé. . Guilhot, riche de trénte crabes, Cade mati bien à Mugroun... Mes, qu'en y a qui saben que M. Dubedat qu'a quauqu'arré hens la poche de la chamarre. Boulé ou noû, que eau que puye sus l'enpount enta-nse dise : ��~ 18 — LAS FUMELES DE NOUSTE Ho ! daunes, gouyates e damisèles ; mèstes e gouyats, Aço qu'èy escribut en pensan à bous, à la bère yoenésse qui-nse hè soubiéne dou noust tems de d'auts cops, de las amous passades, e hè rebibe en nous tant d'aymables soubenis. L'aute sé, ô charmante Reyne, que-b èy presque escandalisade quoan èy parlât de las noustes fumèles. E doun, que saberats qu'èm pr'aci capbat quauques cantouns de la biélhe Gascougne qui tieném per aquet ancièn dise. E lhèu ne trouberats pas hort de païs oun las daunes (pramou que las apèren tabegn atau, mes soulemén quoan soun basudes un chic de counsequénce ; de toute mode) dounc ne trouberats pas hort de païs oun las daunes tant coum per nouste tiénin à las mans lou coumandamén dou tinèu. E sabet ço qu'es lou tinèu ? Qu'es la fortune dou tribalhedou de terre, dou peysan, à sabé lous acataus, las bèstis e même las yens. O, pr'aci capbat que trouberats encoère familhes de dèts e doudse persounes en un soulet tinèu. E tout aquet mounde, fumèles, toutouns, mounounes e tatas, coches, omis, mesteyat pr'ue daune qui tien lous escuts e lou goubernamén, e quauque cop hère me plan que lou de Paris. Pr'aci que beyrats lou your de marcat de Sent-Sebé (be sabets ço que-s dit) : Dus fumèles e très aucats, tout aco que hèn un marcat ! Doun, que beyrats aquet your e même ser semane las fumèles embita-s à l'aubèrye enter ères, embita lous mèstes e paga enta tout lou mounde. Pr'aci ne beyrat pas yamey un òmi ha lous ahas chens l'abis ou lous ordes de la fumèle. E ne sera pas boun heyt que s'at bo; e n'at bo pas toustém que b'at asseguri. Rialemén pr'aci qu'entenerat à dise ue hémne. Aco ne soune pas trop plan e même que decheré enténe à dise hort de causes. Tandis que la fumèle qu'ey la future daune, ue anciène gouyate qui s'a troubat un mèste, un òmi qui é lou soun, qui-u hè pourta grat e tant bèt aunou. E quoan de cops abém bis lou Yantirot tourna-s'en hart dou marcat de Sent-Sebé, broy estenut ou houns de la calèche, duran que la Yantire mièbe l'ataladye e lou mèste, tout amasse, à la case. Certe ne-s bé pas mey austan. Tè ! que b'at disi las me bounes causes que-s pèrden. Mes ço qui ne chanye pas, qu'abém toustém de bounes fumèles bién broyés e bién sancéres. Nous que-ns apèren lous mèstes, pramou que soun ères que porten las culotes. Atau que ba per noste. Dou DUBEDAT. E que s'y arrid e que s'y truque de mâs lounguemén. Enta la boune fi d'aquéstes yocs, que bederam ûe nautat : Us quoandes febusiens musicàyres, cantadous e cantadoures de ley, que. hèn baie Flouréte (de Guichot) e Quoan lou rey parti de France ! la bielhe cante de Francès Ier. E d'aquéres bouts riàles, que s'en esplandech coume û ayre de countentè, de berou, de gay ! �La iSerade La noeyt qu'ey la d'û beroy die de septéme ; talèu soupat, ya qu'à la deshèyte dou passey lous autocars s'en ayin empourtat centenats de besitayres, qu'ey û llubi de mounde qui tourne abia-s de cap à las arènes de Mourlane e lou counterolle que puntara cinq mile entrades ; que semblen û cougnét gigant oun las yents brounéchen coum las abélhes, dou houns tau soum dous gradâs. A l'ore mercade, lou ridèu dou teàtre que. s'oubrech e la Corale counduside per M. Jean Dupouy, que hè brouni la Cante de Gascougne de Cesàri Daugc, sus la musique dou ray curé, Joseph Daugc, Arriban à la hèste... lous ûs sus lous auts. mourt decan de Pissos. A d'arroun qu'enteneram — e qu'aplaudiram — Mioun la poulido, de M. Grellier, cantade, dab acoumpagnament d'orchestre, per M. Mazet e la corale, Roundèus gascoûs, Dus Pastous, tout aco hère plâ mandat per bouts franques e tringlantes. Puch que. sera l'ore d'arride — e d'esta segoutits tabé — dah lou Franchiman, de Simin Palay e Lou Bartè de Cesàri Daugc. La troupe dous actous qu'ey la de Sent Loubouè e qu'en y a, qui-n amucharén à hères, qui an anat aprcne au « Counserbatori » de Paris enta youga la coumedie. Lous felibres qui èren au Mount qu'a quoate ans, qu'en y an recounegut quauques ùs, lou Jan de Poublan enter autes e qui ey toustém lou mey debertissan Bartè qui-s pousqui trouba. E la Julie, dounc, e la Pouléte !... Tabé, que poudét counda qu'en estcn aplaudits e que s'at meritaben touts ad arroun. Mieye-noeyt qu'a trucat quoan s'en eau tourna. �— 20 — III LOU DILUS Qu'ey lou Dou Dubedat, gran amourous de la soue ciutat, e moussu-ou mayre Larrède qui-ns e presenten tout ço qui soubre. d'antic dens St Sebé : La place dou Tour dou Sou, dab las soues demoures segnouriaus, la glèyse, lou soû campana, lou claustre dous Jacoubîs. Que-nse hèn estanga daban la mey biélhe maysoû de Sent Sebé, que-nse mien à ço qui demoure d'ue tour de las murralhes qui barraben la bile. Que bisitam encoère la superbe couleccioû de bachère de Samadet amassade per lou regretat M. Sentex, lous soubenis dou yenerau Lamarque, hilh de St-Sebé, que saludam l'oustau dou sapient Dou Léon-Dufour, etc. M. Dubedat, qui sap tout ço d'aquiu, que rend aquere passeyade agradibe de l'û cap à l'aut. Nou diguen mey que lous Felibres nou soun que pècs recitàyres de bersets, noû ! que soun omis qui bolen apréne l'obre dous lous pays, quin an biscut, quin s'an birat las maies ores e. quin an préparât aus lous hilhs la terre neurrissère e lous oustaus qui-ns abriguen. Entaus amies de la Gascougne lou passât, lou présent e l'abiéne que soun ligats d'û noud qui nou-s pot coupa. Lou Disna Ue centéne de coumbidats, e de segu mey, qu'anaben plega la came dens la £<ran sale de l'oustau de France, oundrade ère tabé coum ta las hèstes mayes. A la taule d'aunou que s'assedèn : Daune Clotilde de Lamazou, moussu-ou mayre Larrède, lou D°u Dubedat, Simin Palay capdau de l'Escole, C. Daugé subercapdau, Mous Roger Dupouy; daunes e damisèles S. Palay, Guichot, Lurdos, Labarthe, Marcelle Berot, Marie-Louise Langeron, directrice de l'escole menadyère, Luciène Crampet e bint autes de Sent Sebé e dou dehore; lous mèstes en gay-sabé J. Eyt e Loussalez, Tucat nouste dinerè. Guichot lauréat dous yocs, Sarrail, Henric Séqué, mous de Durou e la soue daune, etc.. En de balles que-y cercabem nouste Laborde-Barbanégre dab la soue troupe, de yoens trebaténts e arridents... Tapoc nou y'èren ne Louiset de Latourréte ne tandes d'auts de léngue desliberade; toutu dens û cournè que s'èren amassats quauques amies de. la Goudale (la soucietat qui capbat Paris e mie la lute permou de Biarn e Gas cougne) lou capdau Caula, Bouzet, Courtiade, Medebièle, Mounguilhot, Zabiè de Pucheu, etc.. Que y a place à l'oustau de France, mes toutu touts n'y poudoun tauleya, hères per la loue faute. Plâ que-s pot arrecoumanda de-s ha escribe per abance, de brabes caps-maysoû, dount la hemne pouderé, qu'at sàben, trouba-s abeyade si-u calé recébe à disna mounde qui noû s'atendè pas, nou pensen pas à-s ha goarda ue place e que soun drin escamussats quoan soun préses toutes... Double repentit qu'en ayin, permou la bioque qu'esté boune e d'abounde. Lou meste-coc Dupouy que s'en tira en aunou. �— 21 — A l'ore dous brindes, Daune Clotilde que dits : « Que toute barbe d'ômi se càre, lou capdau que ba parla. » S. Palay qu'assegure de nouste recounechénce à moussu-ou Mayre e aus bous oubrès d'aquet parelh de yournades, au Dou Dubedat, à Roger Dupouy (herit de la guerre, e président dou Coumitat de las hèstes), aus musicayres, aus cantayres, à touts lous qui an tribalhat à ha d'aquestes très dies de hèste ue cause qui coumptara. « Si m'en desbroumbi, que m'escusen, si hournech, mes touts que sàpien qu'ey û mercés esmabut qui-us adressi e qu'ey à la santat de touts lous Sent Seberîs qui trinqui e couralamén ! » Moussu lou mayre Larrède, en û gascoû presat e fi, e. countent, que-s pot dise de la tant urouse debanade de la heste, que remercie lous felibres, Brinde de M. lou Mayre. Que m'abi préparât un « discours en très punts », mes qu'ère en francés e qu'èy lèu recounegut, talèu counechences hèytes dab lous felibres, que lou francés, per ouey, n'ère pas de la partide. Que-m trôbi dounc dens la situacioun dou praube qui demandèbe Paumouyne e qui recitèbe Un Pater en paguement. Quoan n'ou balhèben pas lou petit so qui atendèbe, que disèbe en carragnan : « Encoère un Pater de foutut ! » Que pouch dise-n austan dou men « discours » préparât en pure perte, mes ne-u regrèti pas ; soulemén, que-m eau « emproubisa » en gascoun... Certes, nou-m gène pas de parla gascoun, qu'ey la parladure de tout yourn à noste, mes daban mèstes de la lengue, lou men debis que risque d'esta un chic coumunot. Que-m escuserats : coum disèbe l'Aute, que harèy mélhe tau prouchén cop. Que-b dirèy en coumença que soy mey que countent, urous dou succès de la hèste fehbrenque. Tout que s'e passât magniflquemen ; la poupulacioun qu'ère entousiaste e que s'y es tant plan hèyte, que, si m'an dit, dèts mile persounes que soun bienudes dou dehore enta-b béde, enta aplaudi lou courtèdje esplendent de la Reyne. Jamey à Sent-Sebé n'abèn bist arré de tau. Siats dounc arremerciats, messius de l'Escole Gastoun Febus, pusqu'èts estats lous prumès animatous d'aquere magnifique hèste. L'Escole Gastoun Febus qu'a ue missioun doun s'aquite fort plan : reméte à l'aunou ço que lous poètes de noste an pensât e escribut de boun e de hort sensat : cansouns, e quoan d'aymables poésies, de broys countes qui-s serén mourts chens bous e qui meriten toutun de surbibe, causes charmantes e doun se regalen touts lous qui aymen las causes plan dites e qui proben à touts que l'esprit gascoun qu'es de qualitat. En aténde aquéste hèste, qu'èy releyut libes gascouns e quoan de broys e magnifiques poèmes y èy retroubat ! Aquére Maysoun Manque, d'Isidore Salles, que pot esta coumparat à ço qui an escribut de mey emouciounant en toutes las lengues. E quoan n'y a de bères proses tabén qui forcen l'admiracioun ? Lou Felibrige que hè la me boune obre qui sii en han ayma lou Passât e remete à l'aunou lous escribans de noste ; touts que-bse boulém ayda ta la mantiene. Me, per lou Présent lous Simin Palay, lous Daugé, lous Camelat, lous Guichot e tant d'autes que decharan, etc tabey obres durables e qui ounoureran la lengue gascoune. Lou Felibrige que hèy tabey obre de pats e d'unioun. A Sent-Sebé, qu'a reiinit tout lou mounde; lous rouyes, lous blancs, lous blus e lous qui n'an pas nade coulou qu'an trabalhat ensemble enta célébra la glorie dou Gascoun. Coum tout aniré plan se aquere entente poudè dura !... Me, que m'arrçsti; nou pas toutun aban de pourta la santat de la çhar- �— 22 — mante reyne qui es au men coustat e qui mérite plan aquere reyautat qui porte tant broy. Aus felibres présents ou absents. Aus mens amies de Sent-Sebé qui an tant trabalhat enta que la hèste estesse mey bère e qui s'y soun tant plan escasuts. A louts santat e merci ! Bibe lou Felibrige ! Bibe Sent-Sebé ! M. LARBÈDE. U triple ban qu'ey batut e touts que triheam à la boune pensade de M. Larrède. M. Dubedat que redits lou soû Salut à la Reyne; Daune Durou que débite ue beroye pouesie d'Isidore Salles : Sent-Sebé, toutû que nouste capdau e ligue à las hèstes la moumbrance dous 80 de Daugé. De seguide, très pouètes, Zabiè de Pucheu, R. Courtiade e S. Palay que parlen à l'aunou dou nouste subercapdau (que Diu qu'ou-nse goardi en santat, e loungademens !), e que s'en seguéchen periglades de « bravos ». Lou président de l'Escole deres Pirénées : Mous de Lizop qu'abè cargat Andrèu Pic de balha aus cap-dabantès de l'Escole GastouFebus lou sou salut courau, mes perma, yé brèspe, Andrèu Pic qu'ère aperat p'ou debé e nou poudè trasmete aquet reboum amistous. Qu'ey doungues Zabiè de Pucheu qui beu au noum de Lizop, à la santat dous mantienedous de la Gascougne. Puch, l'amassade que s'acabe per la « Coupe Santé » dou pouète de Malhane, que touts e canten drets e cap nuts. Lous de qui nou y èren. Au soû debis de gran mercés e. d'adichats à St-Sebc, nouste capdau qu'abou û amistous soubeni taus counfrays qui nou poudoun biéne. Ta bère troupe l'encause qu'en ère dens la loungou dou camî : St-Sebé n'ey pas sus la gran bie de Puyo à St-Gaudens... L'obre de cade die, lou malautè qu'en estangaben d'autes. Malauts qu'en èren Sansoû e Moulia : « que poudét pensa, si-ns escribè puch, aquéste, que souy estât punit dens la payère oun me hesi lou gay d'esta dous bostes. Que hari yelous lou défunt Laguigne medich. Pensât dounc, à dus pas de case esta empatalicat quoan an courrut auts cops lègues ta esta amasse ! » Daune Coustet, Cyprien Pomès qu'abèn reùnious de familhe ; mous de Claverie, capdau dou Rallye Febus de Saubeterre, tout parié ; lous de Baigts qu'abèn la hèsteannau ; lou pay Mounaix que predicabe à Sarrance ; Marcel de SaintBezard qu'ère dens la retrèyte dous caperâs à Auch; Auguste Lacaze que-s fresqueyabe à Hasparren dens lou Bascoat, e malaye, coum s'apoudyabe de Bayoune enlà, Antoni de Bastard que s'esmanglabe dens û patac d'auto, e la noubèle arribade tout escas que. debè hica ûe brume de tristésse sus Tallegrie de la hèste-annau. Lous adichatsLou die que hache e, boulouns ou noû, parti que eau. Mes escoutém encoère la cansoû dou D"" d'Uzer que Durou e cante e aquéste aùte que Guichot e tire dou sou repertòri. Aném-se passeya encoère u cop, sus la place dou Tour dou Sou; espiém la pourtalade de la gleysiau de St-Sebé, debarém las carrères toustém floucades e puch �— 23 — dém ue loungue e amourouse oelhade à fa bat de l'Adou qui, de Mourlane, s'estén aus noustes pès, casaus e bitàdyes, campanas de quoan de glèyses e, p'ou miey, lou làrye riban d'aryent dou flùbi . nouste, l'Adou, e « louy louy la ma berdouse dous pins de la lane qui ban dinqu'à Bourdèu ». Toque mâs ! Au rebéde ! à l'an qui bién à Ortès, si à Diu plats ! L'Escole nou-s desbroumbara yamey de Sent-Sebé. Qu'ey ù mes-a qui s'y tribalhabe à la soue arcoelhénce e que s'en parlara : « Las probes qu'en soun hèytes, si-nse dits Daugé. Delà-yé Ayre, yé lou Mount e oey Sent-Sebé, enloc lou pople n'a coumprés que la hèste dous Felibres qu'ère la soue hèste mediche, enloc n'a boulegat e noû s'y ey mesclat coume aus païs lanusquets. Las Lanes noû soun mey las endarrerades, coume at bòlen ha crede lous sapiénts libes de géographie adoubats au cournè dou hoec per mounde qui-s gagnen lous sos adayse ». Mes Sent-Sebé que s'en porte lou floc ! U balans parie, ue tau unioû, ne lou méndre desourdi ne lou méndre trebuc ! Sounque clams d'amistat e d'estrambord. A Daugé, ue daunéte que disè : « Nous-auts de Sent-Sebé, qu'èm estounats de ço qui bedém ». E gn'aute. : « Oerats dens aquets dies, qu'aboum noû pas û cop nouste patroû, mes ùe hèste qui balè quoàte cops Sent Yoan ! » E, noû saberém miélhe acaba lou nouste counde, que per aquéres paraules de dues brabes chalousséses. U film de la felibreyadeQu'abém après que M. l'Archiprètre qu'abè hèyt filma la nouste hèste. Boune idée aco ! Tabé quauques dies apuch, lous Sent-Seberins qu'an poudut tourna-sy, mes aquéste. cop, tranquilement asseduts à la sale dou Patrounàdye. E touts qu'en an coumplimentat e arremerciat moussu-ou Curé, coum de yuste. MIQUÈU DE CAMELAT. P. S. — Las imàdyes qui oundren aquéste counde-rendut que estades coumunicades per lou Coumitat de las Hèstes de Sent-Sebé, tabé lous medalhoûs dou coubertis dessinais per l'artiste M. Le e qui reprcsenten antics mounuments de Sent-Sebé. Que boulhin au nouste grat û cop de mey. Lou blasoû de St-Sebè. soun coum Pape créde �TAUS 80 ANS DE CESARI DAUGÉ 1 A bostes notices d'or — que-y à cinq ans d'aco — Que disèt aus amies bienguts enta-b jfa hèste : « Dab peus blancs coum bedet, mes toustém ijoen lou cô, Cent ans gusmerarèy... si lou boun Diu s'y preste ». Aus oeytante sounats, mey trilhant que daubus Qui n'an pas binteyat, arré 'ncoè nou-b espante ; A Sent Sebé qu'èt oey au miéy dous de Febus, Hardit coum lou crabè prèst à larga sa cante. B'abém, nous-auts, besougn d'omis de boste talh ; Letruts yamey sadouts de la boune sapiénee, Cercàyres dou passât qui, d'où méndre brigalh Sàbin tira leçoûs esdressan la councience. E n'ey pas t'amassa-b ne glóri ne dinès Qui chens cès tribalhat, noû ! qu'ey ta que bribéyen S'ous pots dous yoens gascoûs loûs mouis dous dabancès, Ta que lous arrèhilhs per aci nou-s abéyen. Nou boy pas mey enla, que-m mancaré l'alét, Que-m pouderi 'sbarri si mey loungtems parlàbi ; Nou pouch qu'esbamboula coum hè lou bent houlét ; Oundrat Capdau d'aunou, perdounat-me, que clàbi. Coum lou qui-b baiera, Ihèu n'ey encoè badut, Que pregam lou boun Diu (qui-nse boulera 'nténe) De lecha-b, d'à calam baient e puntagut, Onbra tau bé de touts per delà la centéne. ZABIÈ DE PUCHEU. �— 25 —. 11 Coum gouijat hqrdit parié, Qu'entenéts, balént Daugé, Trucs, oèytante, à l'arrclodyc De la boste bite. U cos de courau que-b lodge L'amne qu'y perpite Quòate Mut ans a. E ta coumença, En pou pan lèyt de Gascougne, Qu'audits Tcnemic saubàdyc Qui sus lou nouste lengàdye S'y hasè de mante tougne. Lou barri que l'ats bastit; D'emparés bèrcs munit; Sic en prouséy, bers ou tiatre, Escribe qu'èy hèste En-tau boste calam natre. En tout passât mèste. Hèyt qu'ats, nouble amie, Tribalh magnifie : De castèth, de case ou fèyre Disén lous gays c misèris Coumedies e mistèris Letres, pouèmis coum pèyre. Talèu sourtit de magnat, Dab ardou qu'abéts oubrat, Tau coum û gran capitàni Apitan û barri Ta defénde l'Aquitàni; Leuyè coum û sàrri, Pertout en û cop, Aus patacs s'ère op. Daugé, lou brabe hilh d'Ayre, Ta la nouste parladure, Per your cla, per la noèyt escure, Hèyt qu'abéts dou batalhayre. E lous gascoûs, boste noum, Qu'on goeytaran dou desbroum... Mes la Gascougne qu'ey mourte... Nou pas qu'ey esclabe, E s'a bite loungue ou courte, Diu soul qu'ac pot sabé. Austâ plâ, belhèu, S'aco plats au cèu, Sera la léngue gascoune, Arroun dou Téms l'escourrude, Qui disera la biscude De Paris : la Babiloune. L'an boste quoate bintau, Enta-u claba, hèy, capdau, Troubadou de daune bère : La Gascougne aymade, Bous, coumbatiè doun ey fière E doun tire oundrade... Diu ço Que bòu, pot... Qu'exàuci lou bot Qui hè la nouste patrie : A Daugé, plèy de sapiénei, Bint ans de mey d'existenci E toustém bérd... atau sie ! R. COURTIADE, chaloussés. �III Quoant om a bist quoàte bints cops, Coum disen, madura las higues, Om qu'a 'staloat hère d'esclops e... trepilhat quauques ourtigues, Mes qu'an bist tabé, gracie à Diu, lou couslalal arrayadiu oundra-s de flous toustém nabères e lou cèu blu, desennublat, blanc de lue ou tout estelal de lutséles, meg-que-mey bères, Que l'enteniam encoè loungtemps, passan s'ous tues e sus la plane, à retreni dinqu'aus estréms de l'esberit païs de Lane, arride-s'en de-cap à bous e barreya sus l'amne ouberle las delicies e las gauyous de ta mey magnifie auhèrte, presént de Diu e qui permét à l'ômi de fé qui-s susmét au Mèste qui mie lou mounde de supourta miscap e flèu e sabé, quoan sera dou hèu, lira gags e gracies d'abounde. E lous qui l'ayen entenut, qu'où hèn reclam toute la bite, permou qu'en et qu'ey countienut lou boû qui s'ou mounde perpite ! Amies, trinquém à la santat dou qui tant beroy a cantœt, e demandém à Sent Cesàri qu'entercède auprès dou Boû Diu ta que touts siam encoère aquiu tau célébra lou centenàri. Atau que se-b eg, aparit, Et qu'y sera 'sberit coum oey, tout prest à ha gnaute camade... Lâche qui manque, au Diu qui creg! e bibe ta Gascougne aymade ! Magourau Daugé, hilhot d'Ayrc, despuch qui hét lou permè crit au cantè de la Dour cantagre, û crit qui s'eg perloungueyat : qu'a pugat, bachat, tournegat e loule la nouste Gascougne Crit de gascoû feau e prous Qui dits au mey malecarous : Ayme, cante, tribalhe, espère ! Agde-l'y, Diu que t'aydera, c mage gay que-t bienera si t'estas fidèu à la terre ! que l'a 'ntenut e que-u counech ; qu'ey û crit qui cante e brounech, qui prègue, s'en arrid c hougne. SIMIN PALAY. Pensât à ha perbiéne au Dinerè de l'Kscole lou mandat-chèque qui ey hens aquéste numéro ; que b'en sabera grat. �— 27 — PUNTS D'ISTORIE UO LETRO DE GASTOU-FEBUS escriuto .. à Kœnigsberg (en Prusso). En 1357, lou Gran Mèste. de l'Ordre Teutonic qu'aperèc à et lous segnous de Franco countro lous Slaves de las boucos de l'Elbo qui èron encoèro pagans. Gastoû-Febus, Corbeyran de Fouch, Gastoun de Grailly, capdau de Buch e mantuns autes qu'entenoun l'aperet e que partiscoun, ça dits uo bielho carto « en terro de Prusso, countro-us infldèus e destructous de la ley crestiano, end'ou prougrès de la fé bertadèro, per la majo glorio e aunou de Diu tout-puchent ». Atau, l'esprit de la Prumèro Croutsado que biu encoèro au cô dous ségnes gascoûs, entre duos tustados dab lous anglés,... à mens que suban dom Vaissette, autou de l'istorio dou Lengadoc, Gastoun de Biarn nou s'en sie anat enta's tira de dauant e nou pas se rénde de mèy en mèy suspect au rey Joan lou Boun, après lou desastre de Peytau (Poitiers). Aquiu noste Coumte partit, un matin d'abor 1357, damb'uo « notabla armado » (Bernis), qui èro touto à sa cargo; lou biàdye coustèc ca « abem grandament despendut », dira Gastoun, qui déu, en passant à Bruges, emprounta aus marchands 24.000 escuts d'or, pagables à St Joan 1358... E qu'escriu en Biarn aus soûs sudyècs énde que paguen aquet deute e sauben soun aunou. Aci aquero letro, mandado de Kœnigsberg lou 9 de heurè 1358, au senescau de Fouch, Ramoun d'Albi, e à Jourdan de Perelho : « Gaston, per la gracia de Dieu, comte de Foys, vescomte de Bearn, de Marsan, de Gabardan, als nostres amats Jorda de Perelha e Ramon d'Albi, senescal de Foys, chevaliers e conseilhers nostres, salut. « Cum nos, per lo biatge que abem feit en Prussia, ajam grandament despendut e malebat (emprountat) sus nostra fe e donats hostatges, à pagar vint e quatre mille escuts viels, lo jorn de Sant Johan-Baptista procha venent, al loc de Bruges en Flandre; per que volem e vos mandam que vos, Mossen Jorda de Perelha, apellat ab vos lo nostre amat Jacmes Bertran, thesaurier de. nostras guerras, en Bearn, en Marsan, en Gabardan vos trasportets; e vos, senescalc de Foys, vos trasportets, ab lo nostre amat Ramon Fabre, thesaurier del Comtat de Foys, en lodit nostre Comtat e que als prélats de nostras ditas terras e als autres nostres amies, losquals an acostumat de valer e de ajudar à nos e à nostres predecessores en nostras coytas (soucis) e nécessitais, vos signiflquets las causas dessusditas de nostras parts, e los preguets de part de nos tant afectuosament coma vos poirets, sobre tota la fe, amor, lealtat en que els nos son tenguts, que els nos vuelhan prestar de lors deniers, cascun segon son poder, e coma à vos sera bist fazedor, per tal maneira que nos lor en ajam a sentir bon grat. �— 28 — « E sobre tôt volem e vos mandam que so que per lor vos sera prestat, vos o cascun de vos, lor assignets sus nostras rendas ordinarias o estraordinarias, donatios o autres emolmens, qualsque sian en nostras terras dessuditas, prometens à vos e à cascun de vos que so que per vos autres lor sera pagat, assignat o obligat, sus nostra fe lor sera tengut per nos, aissi coum si en nostra propria persona e nos presens era estât feit. « E pregam e requerem los prélats e sosmes dessudits, en l'amor e la fe en que els nos son tenguts que, à vos e à cascun de vos, en las causas dessusditas, vos ajan obesir. « Dadas à Conisbert (Kônigsberg) lo nau jor de febrier, e sageladas jus nostre propi sagel, l'an mil très cens cinquante sept (1358. n. s.) ». En Prusso, Gastoun « fec grans armas, assalts e estorns » (Bernis) e, la pats hèyto, qu'angouc cassa en Suèdo e Norbèjo, s'en eau crése la crounico. Dens soun libe sus la Casso, en tout cas, Febus que parlo d'un animau « lou rongier », qui, suban Cuvier, n'ey aute que lou renne e qui, segu, nou's passejauo pas p'ous parsans de Pau. Après aco, s'en tournée au païs. Lou crounicàyre M. de Bernis que counto aci uo causo curiouso : en Prusso, Gastoun auré après que la Dauphino e sas 300 daunos, cassados de Paris per uo susmauto, èron embarrados dens Meaux per lous Jacamars (lous Jacques). La Dauphino qu'aure escriut en bers au noste Coumte : Lassa ! Sire, que farem nos ? En terra de Prussia, per esser pros, Bots em morts e houtis. Don v'en retornats, mon dos amies, Comte de Foix, jo pregui vos, E fets vos que lo vostre secos Pusque Diu vos a assi tramis Nos gard de nostres ennemies. Gastoun Febus, courtés, que respoun à la Dauno : « Per ma fe, ce ne son que vilans; E si jo meti ma lansa en man, No vos dobtets pas, madamo, Jo prometi, à la res que plus ama, Car jo vos juri, per moun ama, Que seran de mort tant prochans Que nou seran tots vius deman. Com es del blanc carbo la flama». Soubeni dous troubadous (a la res que plus ama = à celle que j'aime le plus). Aquets bers sount incouneguts de Froissart. Que dits, et, que, à Chalouns, Febus a après lou sèti de Meaux e qu'ey partit desliura las daunos. « Lo comte Febus, ab sa espasa, escofle los Jacamars » e las daunos « fou gran festa al dit comte e a totas sas gens » (Bernis); qu'èro lou 7 de jun 1358; e Froissart d'acaba soun istorio : « ils (Febus et les siens) furent moult bien venus de ces dames et damoiselles ». Que s'ey hèyt, en Biarn, dous ordes benguts de Kœnigsberg ? N'ey pas agit à sabé; nou counégui qu'un document : un acte dous cossous de Lezat (3 de jun 1358), passât à Toulouso; maugrat las despensos hèytos ende fourtifia la bilo, lous de Lezat que balhon cent dets floris « de boun or e de boun pes » ende prouba soun estacoment au Coumte. Aquéste, d'aulhous, à penos tournât en Biarn, qu'aura d'autes coupo-caps : empatcha lou coumte d'Armagnac de préngue la Bigorro. M. SAINT-BÉZARD, armagnaqués. �RECLAMS DE PERQUIU Que la-ns abém birade prime. N'abém pas à rebouri ço que tout cadu esprababe d'angouysses e d'espantes dens aquéstes darrères semanes. Gracis à Diu, e aus omis d'Estat, la trucassade que sémble rembiade ta gn'aute cop; e aquiu sus, lhèu û parelh de dies, que-nse dechabem eppera que la biélhe Urope qu'anère naula sus aygues mey apatsades. Mes nou ! Be Fabets tournât d'audi à la Radio lou mèste de la Yermanie ? Quins brams, quines miasses e quin ourgulh ! Dinque are nou s'at abou que dab lous Tchèques qui-n yemiben esbrigalhats. Labets, are, ta quaus mey ? Qu'ey à cragne. que n'ayam ballèu de las parts dou pertusà, (qui nou bòu que la Pats !) bère aute maie desbelhade. Empermou dou cantayre SalezàQue ban ha bibe la soue. care dens û cap de marme, e, per aquéres escadénces qu'aboun hèstes musicayres au Casino de Pau lou 25 de setéme. La basse Dupré, hilh dou Bic-Bilh, que dabe la soue darrère serade (permou que d'are enla que s'en ba proufessou). Cantes anciènes coum Mnudil sie l'amou, Roussignoidet qu'èren cantades; de nabères coum la Cante de Bernatou de Labaig-Langlade (hicade en musique per nouste. counfray l'abat Poque), tau medich qu'èren cantades per Dupré, qui-s hasè audi tabé dens lou Retour dou Grenadiè e Yacoulet, roumances de nouste Yan de Guichot. L'assisténce causide (lou bèt mounde de Pau que y'èren bienguts) n'estaubiè brigue las patacades de ma. Mes tabé quines adoubes à d'aquets ayres doulénts ou gauyous, la basse. Dupré nou-y boutabe ! Encoère lou Lexique de L. Roucb. Au nouste darrè numéro qu'abém segnalat lou gran tribalh miat à bounes fis per l'ancien proufessou dou lycée d'Auch, e qui sera arrecaptat per et au Libiè de l'Unibersitat de Toulouse. Mes que-ns èrem troumpats sus l'estenude soue. d'û chifre ; que parlabem sounque de 2000 payes, qu'ey dèts cops mey qui eau dise. L'aha qu'ey de counsequence. Aquet Lexique, qui-s deu demoura manuscrit, coum pensen, que coumprenera, si-ns escriu lou balént autou, de 60 à 70 libes de 380 payes cadû, decap à 25.000 payes. Qu'aquére obre e sie soubén counsurtade p'ous estudiants de létres ; qu'ey lou miélhe dous bots qui pousquiam ha, tout en coumplimenta û cop encoère mèste Rouch. �— 30 — Lous Dansayres de BaigtsQue-s soun passeyats hère aquéste estiu. Qu'ous aperaben ta Betharram, ta Lestéle e ta Saubeterre. Aquiu, en setéme, qu'aboun gaymante arcoelhude de la part dous amies : Claberie, Gastellu, Larrieu-Barou, Minvie.lle. Lou bielh mayre Balagué que y'ère e qu'abè tiengut, à maugrat lous 81, à ha seguissi aus yoens : Lou Biarn qu'a encoère de bounes arredits ! Nabèt Superiou de Gimount. Leopold Medan, proufessou au bielh coulèdye à las ores de 1910, que-y tourne coume cap d'oustau. Aquére nouminacioû que sera hort agradibe à touts lous amies dous noustes parlas. Om que-s broumbe, lhèu, que l'abat Medan que hou dous prumès en Gascougne à tratta coum materious d'ensegnamén la nouste lengue e la nouste istòrie. Oey que troubara, coum proufessou d'aquére ensegnance abiade per et que hè ballèu trénte ans, lou nouste sapient e balént amie Marcel de Saint-Bezard. De la coullabouracioû d'aquets dus mèstes, la Patrie nouste nou pot que cruba-n drin mey de lustre : Dab respèct que-nse tiram lou berret daban lou nabèt superiou de Gimount ! Artistes de Nouste. Coume cade estiu, lou nouste Capdau qu'a debisat, à Bagnéres, en ue serade ourganisade per la Soucietat Ramond. Que s'y ey oucupat d'ue familhe d'artistes, lous Dancla, dount lous très hilhs e la hilhe, miats per lou pay à Paris, meritèn, l'û au darrè de Faute, de s'empourta û permè prêts au Counserbatòri à l'adye de quinze ans. Lou mey célèbre dous quoàte que hou Charles, dount la reputacioû de biulouniste despassa las fermières de France e qui demoura proufessou au Counserbatòri de Paris pendent près de quarante ans. Lou soû fray caddet, Leopold, briulouniste tabé, qu'y proufessa dinqu'à la guerre de 1870. Lou cas d'aquere familhe qu'ey unique e que meritabe d'esta raperat. Sus l'ayre d' " aquéres mountines "• Goayre nade hèste nou-s passe, adare, en païs d'Armagnac, sénse que s'y enténie.n gascouneries. E suban lou dise d'û yournaliste ('?), oerats quin s'acababe, lou 4 de setéme, lou disna dou Councours agricole de Mountreyau dou Gers, oun s'èren amassais mounde dous capulats de la poulitic e dou paysanis : « M. Dabat, si dits, chanta à la gloire de l'Armagnac La nouste aygue de bie », dou canounye Laffargue. E sous-prefèt de Coundom, e senatous, e deputats, e hourrère que y'anaben à plé tutèt : « Quan jou béui, que nou béui, ne souy pas goulut ; qu'aymi de la béue per petits gourlups. » �— 'ól — Lou teâtre nous te. A miey yulh darrè, la troupe balente dous Biarnés gauyous de Saubeterre que metè sus l'empount ue nabère pastourale dou Yan de Sabalot — qui abèm deyà mentabude — Yan Petit. Dus cops qu'ey estade representade e dab succès, ya ba de si. A la permère qu'assistaben moussu Bérard, senatou, mous de Minvielle, mayre de. Saubeterre e bèt escabot d'estranyès qui saben l'adretie e lou plâ-boulé dou baient autou. Aplaudiments e coumpliments tabé ne-u manquèn pas à d'et coum aus sous actous ; qu'ère à dret, d'alhoûs, permou que touts que s'en tirèn à mirande. La pastourale que seré partide ha lou tour dou pèys, mes, malaye, ue triène de malurs qu'a boutât la troupe en dòu; mes, la bite que seguech, coum disen... A l'an qui bién ! U tribalh utile s'ou teâtre. Lou baient felibre audenc E. Vieu que bién de larga û tribalh de pacience dount lous amies dou teàtre nouste e-u seran recounechents : qu'a dressât lou catalogue de toutes las pèces d'oc qui a poudut counégue, e nou n'y manque pas goayres ; qu'en y a mey de 550. L'enbentàri qu'ey bèyt en ourdi pratic : pèces ta gouyats soûls, ta gouyates soûles, ta persounàdyes mesclats; pèces classades per impourténee : û acte, dus, très, etc.; coumedies, drames, pastourales, carnabalades; toutes las endiques qu'y soun en ourdi de manière que lou qui bòu sabé que. que sie, qu'at trobe de tire à la soue place. Touts lous amatous de teàtre, lous cap-mèstes de troupe que deberan abé à pourtade aquet catalogue. Demanda-u à Vieu, Puicheric (Aude), nou coste que 10 liures. Hens la catedrau de LeytoureA las hèstes regiounalistes qui-s tiengoun la dusau semane de setéme dens la patrie de Bladè, M. l'archiprètre Sentex qu'abè pla boulut liga ûe ceremounie reliyouse. A la misse haute de Sent Yerbàsi que s'y cantèn cantics dous noustes, e l'abat Marcel de Saint-Bezard que-y hasou lou predic en léngue inayrane. Lie hèste annau parière qu'ère coum lou reboum de la yournade de l'arrasim en ciutat de Coundom oun predique loungte.ms-a, e dab quin arsec, lou canounye Laffargue. U musée de la séubeAu banquet de Sent Sebé, M. lou canounye Daugé que leyi ue note hère intéressante dou Directou de las seubes e de las aygues de Lanes anounçant la creacioû à Hossegor d'û Musée dou boy (musée de la Forêt), oun se proupose d'amassa tout ço qui toque la culture dous arbes, lou lou espleyt e utilisacioû ; que-s proupose tabé d'y yunta ue sale dou folk-lore landés : bestissis, mobles, bachère, imàdyes dou païs, tout ço qui toque, en û mout, la bite-bitante dou pople dous pinadas. Que sera recounechent à touts lous qui-s boulhin desha de causes anciènes enta d'aquet musée de l'ai ha sabé. Escribe à M. le Conservateur des Eaux et Forêts à Mont-deMarsan. �— 32 — Enta CantaLou nouste plâ-cantan escouliè, M. l'abat Poque, curé de Caubios, que bién de ha emprima dues beroyes cantes de la soue coumpousicioû : Cante de Noeyt, doun a hèyt paraules e musique, e La cante de Bernatou, sus la poésie dou regretat M. Labaig-Langlade. Au darrè gala dou Palays d'ibèr de Pau, lou beroy cantayrè de l'OpéraComique de Paris, Ernest Dupré, que las hé baie en biarnés sancè e qu'aplaudin à d'arroun l'autou e lou cantadou. Si-b boulét proucura aquéres dues charmantes obres, escribét à l'autou à Caubios-Loos (B.-P.), Gauyous. Aus darrès yocs flouraus de Proubence, lou Yan de Guichot que s'en a pourtat ue beroye jolhe, la permère de la coumpeticioû enter parlas autes que lou proubençau. Aquet beroy espleyt dou nouste amie n'estounara pas à d'arrés, mes touts, dab nous, qu'où ne haran, de segu coumpliments : E que s'y tourne ! — Lou nouste counfray bourdalés Maurice Martinet, proufessou d'espagnol au coulèdye de St-Nazari, qu'a espousat, lou 30 de garbe darrè, madamisèle Yvonne Planchot. Qu'auherim aus yoens maridats lous noustes bots de bounur plâ sentits. Lou riban rouye. Nouste benerat counfray, M. lou canounye Marsan, baient e pacient hourucayre de bielhs pargams — Diu sap quoantes n'a espugat ! — que bién d'esta decourat de la Crouts d'aunou per lou ministre de l'Enstruccioû Publique. Si decouracioû ey estade gagnade, qu'ey ])lâ aquere. Tabé, touts aci que s'en reyuim e que pregam lou nabèt chibaliè d'agrada lous noustes respectuous coumpliments. L. R. <I g. * ABIS DE COUNSEQUENCE Aqueste numéro que coumence l'anade escoulàri 1938-39. Hères d'Escouliès qu'an deyà hèyt tiéne la loue coutlse au Dinerè — qui-us n'arremercie — e qu'assegure lous auts de qu'ous seré hère recounechent si-u manden la loue (25 fr.) p'ou mouyén dou mandat-chèque qui an trouhat hens aquéstes « Reclams ». Qu'ous ne coustara tant poc de tribalh !... E lou Burèu de l'Escole que-s permet de redise que lou Dinerè que hè lou sou tribalh — prou aburau e hacanè --à gràtis e que n'aberé pas besougn d'aquet enta esta prou oucupat. Qu'espère dounc que tout cadû que boulera ha û petit efforts enta-u diminua la soue besougne. �LOUS MEMORIS D'U PAYSA L'APREMTISSADYE 1 (seguide) III Qu'abi quatourze ans e brigue d'idées de ha û founciounàri. Que pensèy que. you tabé que-n sabi prou ta ha parié dous auts : û paysâ. Cayès e libes qu'estén sarrats e coum calam, lou mànyou dous utis. Be-m sentibi leuyè ! Leçous, debés, oubligacioû de marcha d'après l'ore; tout aco, de labets enlà nou-m tesica mey : qu'èri libre, arré nou-m pesabe, urous que cantàbi. L'escole qui-ns agradabe à touts, qu'ère la de la bite de case. Oun poudèm trouba-s miélhe. que d'oun èrem baduts ? Tout qu'ère d'abounde à nouste : hort d'aucups, mes nade ore emplegade pègamens; de qué sus la taule, e que-ns y tienèm pla; dinès, sounque demanda-n au dinerè. Au miey de la yoye e de las cansoûs qu'abèm abut la sorte de càde, que boulèm demoura-y. Qu'èrem s'ou boû cami, las probes : dous trente ans biscuts au larè de familhe, n'èy goardat que de boûs soubenis. Mes, tourném ta la régue. Dinquio labets, n'abi yamey passât û die sancé atelat au tribalh. L'ardou de las permères ores nou dura pas coum credi. Que-y abè encoère dues pèrches de sòu e deya lous mes pugnets nou poudèn goayre mey estrégne lou mànyou. Aquéste que pesabe, toutû b'ère pla lou medich qui-m abi près lou matî ! Coum me sentibi lous dits touts amours, que-m espièy las mâs e que ço qui bedouy : Dues bouhèrles en cade ûe. Lou sang que chusmabe de l'ue qui-s ère traucade. Qu'estey drin esbariat : « Au doubleban, si-m digouy, que ba 'sta tout aço ? » En tourna, lou sé, biste que demandèy à mama ço qui debi ha ta las màs qui-m escousèn. — Ço qui débes ha, maynat ? Tourna ta l'escole, tè; be bets que n'ès pas prou hort ! — Nàni, nàni, mamà, que bouy esta paysâ e qu'en serèy. Au lheyt, abans d'adroumi-m que pesàbi las idées qui-s afrountaben : Ta 'sta paysâ, de segu, que. eau hère boune boulentat e que seré 1. Bédé Reclams despuch de yulh. �— 34 — boû d'abé forces de soubres; you de la petite traquéte, n'abi que lou me cap. De l'aut part, tourna ta l'escole, ana toustém au dabans, à quauqu'arré d'incounegut, esta emplegat de l'Estat ? Noû e noû, qu'aymàbi trop la mie libertat. Adroumi que-m hey toutû; la yungude dou permé die d'aprentis que-m abè masedat. Qouan me desbelhèy, las mâs qui-m abi soegnades la bëlhe qu'èren coum à qui dits goarides, mes qu'èri tout macat. Que-in embièn ta goarda lou mayram e lous omis que-m balhèn couràdye : — « Que t'y haras ya, si-m disèn, espie ta pay, n'ey pas hère goalhard e toutu, taus tribalhs, Fase-foute si l'y harén lous horts ; dab adresse om qu'arribe à tout. Tout l'abor qu'estey baquè. Quin bèt tems e-m bedouy ! Aco qu'ère bacances de las loungues, brigue mey d'estùdis abeyius. Que-m hàsi toutu, segui toustém de que léye, û libe d'escole taplâ; que troubàbi labets causes de las qui n'abi goayre coumpréses au-daban. Per aco, n'ère yamey « l'algèbre » qui repassàbi, n'aymàbi pas prou lous incouneguts, lous chifres eschucs, noû, noû; d'autes cams qu'espigàbi. Lou brabe reyént que-m prestabe « obres causides », de qué passa de loungues e merabilhouses pauses. En seguin las payes qui leýi, segut au miey de la prade, be-s escapabe loegn lou mé esperit ! De quoan en quoan, que tournàbi lous mes pensaméns tau ras dou bestia qui prouseyàbi ; lou trang dou metaloû qui « Pregoune » sabè ha tant biu, que-m yumpabe e lou libe que se-m empourtabe taus moundes loegnècs. O, que miàbi bère bite. Ço qui tabé m'agradabe en anan boè qu'ère de carreya-m sus las cabales. De poudé, d'aquiu capsus, atula lou meyram, mestreya, que-m hasè desbroumba qu'èri caytiu. E quoan — cause qui soubén arribabe — encountràbi û troupèt de. baques estranyères qui, dab las noustes, hasèn à la tume, que-n èri mey urous que countrariat. Aydat dou câ, de dessus la yègue enlà — coum lous chibaliès hens la hourrère — à cops d'agulhade. e en crida, que desseparàbi las encournades en peléye. Toutû, beyat, n'èri pas cabaliè; û cop dessus, que-m ploumàbi prou plâ, mes ta puya b'èri droulh ! Mey tard, drin hountous, qu'estire-cousseyàbi sus lou carè t'arriba-y. Nou, n'èy yamey sabut puya leuyèramens à chibau; à maugrat nou-m pesèsse la grèche, tad aco e ta la danse (oun me tieni bandât coum ûe baléstre) n'èy poudut yamey amucha drin de gràci. Sinoû, d'aquere sesoû d'abor, la mie sesoû preferade, quin passa agradablemens ! Beroy espartits, lou die e la noeyt que-s partadyen labets lou nouste cos chens l'ahana. D'où lheyt que yessit dab embèyes de tribalha, e lou sé qu'èt yuste. amatigats ta gaha lou droumi. �— 35 — IV Tout qu'acabe de madura, dous arissous ubèrts, talèu qui plobie, s'escaparan las castagnes luséntes. Aquéstes qui càden toutes desglarades, nou eau lecha-las perde, que soun las perméres e toute t'rute nabère que. hè gay. Ta que nat ahamiat de passàdye n'aye tenterilhes d'amassa-las abans bous-auts, qu'ey à l'esguit dou die qui eau parti castagna. Coum entaus tribalhs cri lou qui mey chic de rèyte hasi, qu'eyretabi d'aquet aucup. Qu'ère abeyiu de lheba-s de tant mati, mes ta nou pas esta lou darrè dous castagnàyres qui-n anaben cap la lane, ayréye que-m hasi talèu qui-m aperahen. U cop de pès, moun Diu, qu'abi lèu hèyt d'empassa-m Fesdeyoa e, countent, dab û sacot e lou tistèt que-m acaminàbi. A cade estrêm dou carre.rot, sus las sègues, lous hiéus triscats e tenuts la noeyt per las aragnes, que blanqueyaben, ilouchan débat la cargue d'arrous qui-s abèn emparât. Acoustumat qu'èri à las tèrres ras de case, la camade toutu que-m parechè loungue. D'où bilàdye enlà, lou camiot estret qui seguibi, que-s acababe à la nouste castagnère, oun yuntabe lou camî de. Nay à Anoye, hère mey passadyè. Yuste aquiu, la bie que hasè û gran pléc, nou-n calé pas mey ta que lous passans trenquèssen en biscorn la castagnère de Pucheu, estaubian-se. atau quoate pas. Lou sendè que-y ère batut e, lous boeturès medich, nou-s desbertin û cop à lécha lou camî' grabierat ta segui-u ? Mes, qu'ous y boutèn palhéte dab û barat. A maugrat d'aco, lous pedagus yé poudoun, coum de coustume, enhounsa-s dens l'oumbre pregoune dous grans castagns : si lou sourelh brulle lous camîs, que hè tant gay d'escapa-s drin de las soues hissades. Quoan, à la prime, abans nou cadousse la charlite, goardabem aquiu las cabales e, per l'abor, e-y castagnabem, b'en bedèm passa mounde, sustout lou dimars, die de marcat de Nay ! Hemnotes dab û tistalh cargat s'ou cap e gn'aute au plec dou bras; riales las qui caminaben soûles, qu'ère à troupèts de dues ou très qui passaben, barre dou cot tenude e pès regan la proube, e lengue desligades... Sus lou tard, soubén soûls, s'en tournaben quauques biejhots dab û hechot au cap d'û bastoû ou û sacoutot sus l'espalle. Qu'èren d'aquets engourrinits qui, t'ana béde lou cours dous porcs ou de las baques, e courrin quoate ou cinq marcats abans de béne ou de croumpa. Dab aquére desencuse qu'anaben minya-s û gnac de coque, chuca drin de sauçote e desquilha quauque pintoû. Puch, à la deshèyte dou marcat, drin cauts d'aurélhe, que pensaben à gaha cap à case. Débat dous castagnès, quoan se countrepassaben, las cames drin aflaquides, be coumpti que la-s aberén plegades dab gay ta passa-n lou darrè pintoû, si y'abè abut ue aubèrye ! Qu'èren yuste à miéye trèyte de Mirepech à Lagos ou Bourdères mes nat bouchoû per aquiu nou-s yumpabe au dessus de la porte arcoelhante d'û estanguet. �— 36 -- Qu'at bedét, quoan èrem aquiu n'abèm pas lou tems d'abeya-s e, si, de la part dou bosc, au prat de Cazaus éy biscut ores agradables, aci, au miey de la lane, sus aquere terre nouste qui-ns bienè d'ue ayole, n'ère mey parié. Plasés dous oélhs, soubenis de gn'aut oùrdi que m'en demouren. Sentiments de fieretat e de recounechénce que puyaben dou houns dou me cô de maynat e que m'embadiben sanceraméns. B'en èri fier, quoan at sabouy, d'aquere may-boune, hilhe de Bignau de Lagos, qui s'en ère biengude noure ta Pucheu. B'abè lou cap ploumat, la yoene daune qui beden qu'à l'endre.t oun s'en bienè n'abèn nade castagnère, digou : « Sus aquere yournade e mieye de terre qui-m balhèn de suplement lous de case, que bouy que planten castagnès; à nouste qu'en abèm ». D'aco que-y abè hère de lues, permou que t'abrassa las cames de quauques castagns que calé que s'y payerèssen à dus maynats. Desempuch la camote que très paus apriguèn dou tems de l'ayole, b'en abèn sentit passa bentorles lous puchants arbes qui bédi ! tirets qu'èren toustém ; e si la may-boune noû gousta, lhèu, que chic de l'rute loue, nous autis, gràcies ad aquere hemne pouderouse, que poudèm chens dòu ha cose iroles tout l'ibèr. Nou-n bedèm pas la fî, que-n y abè ta da-n, lou sé de Nadau, quauques tistalhs aus reyterous e que-n soubrabe ; nou-n benèm pas nade. Mercés balente dabancère ! Chens bous — lhèu nad aute ayòu n'aberé abut la boste ore de boulentat — nou serém estais besiats atau e n'aberi lous pious soubenis qui-m a lechats aquere oumbreyade. N'abi hèyt lou rèbe de basti-m'y ûe maysoû quoan estoùssi gran ! Entertan, qu'ey aquiu qui, sus l'û dous bruchoûs bourdeyan lou camî, me lechèy tenda, qui panèy lous auserots d'û nid. Yèste de maynadè doun l'amare remembrance nou-m a yamey quitat. Dab la nouste castagnère, très autes qu'alargaben l'aròu oumbreyat. En ço de Hourcade, dues biélhes cames toutes curades (nou-y demourabe que la pèt) que-ns assessabem quoan plabè e que lou bent brugglabe capsus dous clouquès qui arrestaben lou sou bouhét arrauyous. Hens l'apric qui-ns auheribe lou praube biélh trouch eschalat, qu'èrem aquiu, amasses, cinq ou cheys drolles cougnits coum lous pouricoûs débat la clouque. Qu'atendèm la fî de l'eschalagas e, si durabe mey que de coustume, que-ns arribabe de pensa : « Quin s'arranyarém si, per cas, debèm passa la noeyt aci ? Be-y aberém hère de pòu ! » Urousaméns, nou hasèm que parla-n e n'èrem pas loegn de case. Quoan lous arissoûs nou cadèn pas prou biste, que la sesoû se perloungueyabe trop, lous omis que decidaben de segouti lous castagns. N'ère pas petite coénte, toutu qu'at hasèn. Lou berdigòu que-m aberé gahat s'abi début garrapeta coum hasèn d'auts ; sounque dous espia qu'èri tout pèt-birat. B'a cambiat hère lou tems d'aquet coustat, e urousaméns ! Dise que labets, per quauques arissous arrepròpis, que riscaben de-s coupa lou cot !... (la fi ta Faute cop) ZABIÈ DE PUCHEU. �LAS TRADICIOUS Nouste-Dame d'Aoust à Laruns En seguide de la beroye page de Jan de Moungay, aussalés, mous de Brefeil que-nse mande aquéste létre qui, de boû grat, e hèm passa per la létre de moulle. Las hèstes de Nouste-Dame e-s pèrden, o ou noû ? Amies e counfrays, Bréfeil, qui eij yoen que dits noû, e aci qu'abets lou sou truc de campane. Montluçon, lou dilhus de Nouste-Dame de 1938. Pla car amie e counfray, Qu'èy lejut dab hère de gay lou debis de Jan de Moungay sus la hèste de Nouste-Dame de Laruns. Que m'a dat hère de dôu de noû pas esta-y augan, mes que sabet autaplà que jou que lou mestiè militàri nou dèche pas hère de libertat. Qu'èy hèyt tout ço qu'ey poudut ta-y poudé biéne, mes en baguenau. Bitare oun n'èm pas que dus tutaàyres e û briulou, la musique qu'a début esta drin magre. Mes nou eau pas désespéra permou d'aquero, la Nouste Daune de l'anade abenidére, que gausi l'espéra au mens, que-m bedera, segu, jouga sus lou taulè las biélhes danses d'Aussa'u. Qu'èy bis, e aquero nou-m hè pas hère de gay, que lou counfray Jan de Moungay que semble pourta* lou dôu de tout ço de bielh en Aussau. Dilhèu que noû s'ey pas mesclat desempuch loungtéms de la bite paysane à nouste, mes qu'aberé début sabé que lou praube défunt CasassusBarthou, de Laruns, qu'abè hèyt, bèth tems-a, escole deus branlous e deus sauts. Que deberé sabé medich que j'a bitare dus jougayres : CasabouneTreyt tau tambourî e Nouguen, lou nebout de l'abugle bielh, qui an gahat la seguide e qui poden tiéne û bal autaplâ qu'auts cops. Nou-m hè pas goayre d'embéye de parla de jou, mes que sabet, segu, que soy prou amuchat deus bielhs ayres d'Aussau ta pourta lou drapèu qui nou poudera hica la Balée en desaunou. Bitare qu'èm dounc très, e que-b pôdi assegura que si Diu e-m da ûe bite prou loungue, que seram mey numerous, dab l'ajude deu tems, de la paciéneie e subertout de Pamou. Dens lou pais proubençau, si m'an dit, que j'abou ù tems oun lou tambourî se mouribe, mes que j'a abut quauques esperits de la bourre permëre qui an rebiscoulat tout e deplâ. Bitare que soun mey de dus cents tutàyres. Taqué nou seré pas hèyt parié en Aussau e dens lous païs adarroun, oun lou tambourî ère, au tems passât, en aunou ? Bitare qui soy encabestrat, non pôdi ha arré, mes que gausi espéra que lou boû Diu me dara prou de balentie, au tems à biéne ta poudé ha aquére obre pietadouse qui, lhèu, saubara lous noustes branlous deu desbroum. Déjà dens la bat de Câmpâ qu'èy amuchat û joén qui pot, are, deplâ jouga las danses de l'endret. Las bounes boulentats que-y serén, segu, mes que las eau trouba, e que-m bouy carga de segouti tout aquéste arôu de paysâs qui soun toustém daban ta hica lou bestissi dous bielhs, aus qui nou boulèn pas jamey amucha-s deplâ de la musique biélhe. �— 38 — Soubén que nou soun boûs qu'à abraca las danses e à ha la mescladére de « folk-lore » que bouleré espudi carnabal medich... Pregat lou counfray Jean de Moungay de nou pas hica-s la cape de dôu e de non pas arrengura per lous branlous. Nou soun pas mourts; que soun plés de bite encoère. Nou n'ey pas tan coume auts cops, segu, mes toutu, prous que soun lous joéns qui s'y saben ha, simples, doubles, triscats e camades. Si nou n'ya tandes qu'au tems passât, lous tutayres, tapauc, nou hèn pas manque... Ta bous e taus counfrays, las mies granes amistats e lous mes felibrencs saluts. ROBERT BREFEIL. •s ■ - gKSgj^^- î- LAS REBISTES MÈDYES I Quoan de mèdyes nou n'abém qu'û enta hurga-ns la malaudie, ayant hides dens lou moussu, entau malaut, bère allegrie ; n'èm pas encoère à l'agounie, quoan de mèdyes nou n'abém qu'û. Se lous mèdyes, per dus e soun, deya la cause que-s barréye, lou malaut qu'en a de pregoun se-s tire biu de la peléye; lamourt qu'espie e que s'abéye quoan lous mèdyes per dus e soun. Mes se soun très, mey mau que ba, tau malaut, mâchant equipàdye ! Bira que pot, tourna bira, per tant qui sien de capàdye; que pot apresta-s tau gran biàdye S'a très mèdyes entau soegna. DON PAUL ALRAREL. (La Cigalo Narbouneso). �— 39 — II Le régionalisme dans l'enseignement primaire Il est intéressant de noter que l'enseignement primaire, fortement centralisé, se laisse peu à peu pénétrer par l'esprit régionaliste et que certains enseignements vont être bientôt réalisés dans le cadre de la région. L'arrêté du 23 mars 1938, modifiant l'arrêté du 23 février 1923 fixant les programmes d'enseignement des cours de fin d'études primaires élémentaires (13 à 14 ans), arrêté paru au « Journal Officiel » du 30 mars, donne les instructions suivantes : Histoire. Le. progrès agricole en France à partir du XVIIP siècle. Spécialisations régionales. — Géographie. I. Activité économique française. On consacrera une attention particulière aux produits qui font l'objet d'une culture dans la région (vin dans le Midi, céréales dans le bassin parisien, etc.) Le vêtement. On parlera : a) de l'origine des produits textiles; b) des centres de transformation; c) des marchés d'exportation, s'il y a une industrie textile régionale. II. La région. Ce mot doit être entendu largement. On insistera sur les faits de la géographie humaine et sur leur liaison, ainsi que sur les aspects du passé... — Applications du calcul. LJtilisation des connaissances mathématiques acquises à la résolution de problèmes concrets de la vie pratique relatifs : à la vie sociale et aux activités familiales, dans toutes les écoles, à la vie rurale et aux activités agricoles, à la vie urbaine et aux activités industrielles, selon le milieu où vit l'enfant. — Travaux pratiques (à l'atelier, aux champs, à la maison). Les travaux pratiques sont adaptés aux activités locales et les indications sont donnée à titve d'exemple. Si l'on songe que ces programmes entrèrent en application au 1er octobre, on peut mesurer l'importance du résultat acquis. Désormais, l'orientation est nette. Dans les milieux enseignants primaires, pour la première fois, on reconnaît officiellement que l'on doit tenir compte de la région, de son passé, de ses diverses activités. Il est probable que d'autres réalisations suivront. Cet esprit nouveau permet au régnionalisme de marquer un point. (L'Action Régionaliste). HÉLÈNE RENARD-FUCHS. Pensât à ha perbiéne au Dinerè de l'Escole lou mandat-chèque qui ey hens aquéste numéro ; que b'en sabera grat. �— 40 — COPS DE CALAM IstoerotesMoussu Laplume, dab lou boun Diu sie, qu'ère lou mey brabe ômi de regent qui escoulièsse débat la cape dou cèu ; cade cop qui ère fourçat de puni û mounard, b'at calé plâ, qu'en ère tout part-birat e que. disè, à la fî de l'escole au punit : « Tu ne diras pas chez toi que tu as été puni : on te battrait » ; pensât si lou gusot s'en bantabe. Qu'abè" û escouliè qui n'ère pas boû ni ta bouri ni ta rousti. Toutû, lou die de la distribucioû dous prêts, ne boulé pas que s'en tournèsse chens arré à las mâs, manière de nou pas lou méte en counfusioû. Per aco, qu'où nouma lou darrè : — Jeantin Patarin, si clame, prix d'exactitude. Mes lou Jantin ne-s presentabe pas. Que-s menshidabe, segu. — Jeantin Patarin, si tourne crida. Mes labets, lou Toène que hè tout hort : Il est pas encore arrivé ! ■ * ** Que-b brembe que y a quauques temps, la guilhoutine — qui n'abèn pas biste despuch mey de cinquante ans, que tourna tau païs. E n'ère pas per arré, lou misérable qu'abè massacrât dus praubes bielhs entaus pana lou sac d'escuts qui s'abèn estaubiat dab plâ de pênes. Quan moussu Deibler abou acabat de l'esgabera la camise au coundamnat, qu'où demanda si boulé bébe û beyroulot de rhum. Qu'où digou l'aute : Faites voir. Quan abou la boutelhe daban, que la gaha, que l'espia la tiquéte puch que la tourna pausa : N'en bouy pas, se hè, qu'ey drogue ! N'èy pas embeje de m'enpousouna. * ** Questioun de couhadjeUn bielh noble, roeynat coumo lous bielhs roubis, ta-s redaura quauquo cousturo, pensée de-s marida richement e partis, décidât, à la bouno abenturo. Troubèc prou lèu. Mes, la futuro èro coquèto que nou-n say. Aco ray ! Soun pay lou dauo cinq cents milo, tau nouste gus de que mena bito tranquilo, ça cresèuo. Toutun, soun besin, brabe amie de toutjour, pensée de l'abertic. « Moun chèr, ça-u dits, counéchi l'ayretèro e la sàbi fort despensièro : sounque damb souns chapèus, segu, te roeyneré : en cambio cado diménehe... Mes, si pot counsoula-t, en rebénche, bielh coumo ès, éro te couhera per arré. LOU JEPO. �Palmarès dous Yocs flouraus de Sent-Sebé (1938) POUESIE Flous d'Abor, per Yan de Guichot, de Mourlâs* (ex-equo) : Duo d'amou en 1860, per Yausèp Destibarde, medalhe auheride per mous de Milliés-Lacroix, senatou ; Trobes, per R. Courtiade, dous Sarrasis en Chalosse, medalhe auheride per mous de Bezos, députât. HORE-COUNCOURS : PRÊTS PROSE HORE-COUNCOURS : L'orne bau-basut, per daune Andréa Barrère, de Gabarret (Lanes). PRÊTS : Aluquets, luquets, per l'abat Larroudé-Bereilh, à Arance (Biarn), medalhe auheride per M. Daraignez, senatou. MENCIOUS : Pregarie s'ou càssou de quilhat, per P. Jacob-Cantabre à Pau; Lou talhur e l'anglés, per Marcelin Fouques de Baigts. TEATRE MENCIOU D'AUNOU : Lous Bàscous, pèce en prose, per B. Daniel e P. Jacob-Cantabre. ESCOLES SEGOUNDARIS Qu'an cquncourit escouliès de Garrasou, Gimount, Nay, e St-Pède-Bigorre. I. — REBIRADE DE BERYÈLI A. Grans escouliès. — Prêts (ex-equo) : Yusti Bordenabe de St-Pè e Yan Barrère, de Garrasoù. Mencioû : Y. Camy, de Nay. Bous tribalhs de M. Reulet, J.-L. Miquèu, J. Rumeau, de St-Pè ; Fr. Casteret, M. Cazaux, de Garrasou ; R. Burgan, de Gimount ; J. Samson, L. Baradat, J. Bordenabe, de Nay. B. Yoens escouliès. — Prêts : A. Jèze, de Gimount. Mencioû : B. Lannuque, de Nay. Bous tribalhs de A. St-Martin, A. Beyrie, J. Lassalle, de Nay. II. — REBIRADE DE CERVANTÈS. A. Grans escouliès. — Prêts rabère de St-Pè, J. Samson de M. Seguinotte, L. Baradat de cade de St-Pè. B. Yoens escouliès. — Prêts de Gimount. Bous tribalhs de que de Nay. : J. Camy, de Nay. Mencioûs : G. PeyNay. Bous tribalhs de L. Bourguignat, Nay; J. Justeau, G. Abeillé, A. Four: J. Husté de Nay. Mencioû : G. Bajon J. Castagnet, J. Grangé, J.-B. Lannu- �42 — III. DlSCUTIDE ENTRE CADDETOU E MENIQUE. Mencioû : P. Labarthe, de Nay. IV. — L'AUBÈRYE DE D'AUTES COPS. Prêts : J. Lassalle, de Nay. Mencioû : P. Idrac, de Gimount. Bous tribalhs de R. Maclauzet, de Gimount; A. Beyrie, de Nay. V. — ENQUÈSTE GRAMMATICAU. Prêts (ex-equo) : P. Ambielle, de Nay ; J. Bordenave, de Nay. * ** Prêts d'aunou de las Escoles : Medalhe au coulèdye de Nay, auheride per mous de Lourties, senatou. Lous Prêts ourdenàris que soun estats auherits per MM. Fully e Lassalle, députais, e per quauques amies de l'obre qui nou bolen pas èste mentabuts. A touts, au noum de l'Escole, lous noustes grans mercés. Lou Capdau, S. PALAY. P. S. — La yurade que s'ey troubade dens l'oubligacioû de decha de coustat quauques pèces doun lous au tous amuchaben ue ignourence trop grane de las règles de la bersifleacioû classic e de la grafie de l'Escole. Que eau plâ que lous qui bòlen councouri sàbien que si lous yocs flouraus soun uberts aus aprentis rimayres, qu'ey toutû endispensable de sabé d'abord quin se hèn lous bers e puch que la lengue gascoune e la lengue francése que soun dues e qu'an cadue las loues leys. NABETS COUNFRAYS MM. Daubas (Georges), ingénieur, directeur des ardoisières de l'Anjou, Pouancé (Maine-et-Loire). Oberhausli (Ernest), à Troyen (Suisse). Dassié (Mlle Irène), pharmacien, St-Sever-sur-Adour. Deloste (Emile), Maire d'Eugénie-les-Bains (Landes). Guichot (Mme), à Morlaàs (Basses-Pyrénées). Loussalez-Artets (Mlle Marie), P. T. T., 22, rue Général Lewel, à SoukAhras (Constantine), Fleygnac (Mme), pâtisserie « Aus Embans », Saint-Sever-sur-Adour. Fauthoux (Louis), rue des Arceaux, St-Sever-sur-Adour (Landes). Matharan (Joseph), école Ste-Marie, rue de la Convention, à Auch (Gers). �— 43 — Bernés (abbé G.), Grand Séminaire, à Auch (Gers). Larrieu (abbé R.), à Noulens-Ramouzens (Gers). Benezech (Docteur), Bagnères-de-Bigorre. Larrède, Maire de St-Sever-sur-Adour (Landes). Grellier, pharmacien, à St-Sever-sur-Adour (Landes). Dulas, avoué, à St-Sever-sur-Adour (Landes). Dutilh, avoué, à St-Sever-sur-Adour (Landes). Lemée (Georges), à St-Sever-sur-Adour (Landes). Guérive (Maurice), industriel, à St-Sever-sur-Adour (Landes). Crabos (Abel), industriel, à St-Sever-sur-Adour (Landes). Piet, boulanger, à St-Sever-sur-Adour (Landes). Dufourcq (Mlle Yvonne), rue du Général-Lamarque, à St-Sever-sur-Adour. Lalanne (Mlle Jeanne), place de Verdun, à St-Sever-sur-Adour (Landes). Langeron (Mme), Directrice de l'Ecole Ménagère, à St-Sever-sur-Adour. Dupouy (Roger), percepteur, à Montfort-en-Chalosse (Landes). Bichon (Mme), chemiserie, 62, boulevard Rouget-de-1'Isle, à Montreuilsous-Bois (Seine). Dufourcq (Mme Maurice), 106, avfcnue d'Orléans, Paris (14e). Saint-Palais ( le Baron de), 16, rue de Marignan, Paris (8e). Crampe (Mlle Lucienne), chaussures Bally, rue Maréchal-Joffre, à Pau. Montguillot (Mme), à Horssarieu (Landes). Labastie, Directeur du Crédit Lyonnais, à Mont-de-Marsan (Landes). Laburche (Basile), Bar de la Gironde, à Tarbes (Hautes-Pyrénées). Larroudé-Bereilh (abbé J.), à Arance, par Lacq (Basses-Pyrénées). Fouques (Marcellin), à Baigts (Basses-Pyrénées). Claverie (adjudant Jean), S. P. 613 (Syrie). Casenave (Martin), à Mazères-Lezons (villa Chic-à-Chic), près Pau (B.-P.). Lagougine (Paul), au Bo'iirdieu, Ste-Christie-d'Armagnac, par Manciet (Gers). Duffo (abbé), professeur au Grand Séminaire, Tarbes (H.-P.). Souville de Salleneuve (Mme), château de Salleneuve, Mont d'Astarac (Gers). Bédat de Monlaur (Pierre), château de la Flouette, St Médard (Gers). Castay (Joseph), Coudures (Landes). Pensât à ha perbiéne au Dinerè de l'Escole lou mandat-chèque qui ey hens aquéste numéro ; que b'en sabern grat. �— 44 — LOU TEATRE NOUSTE LOLE Pèce dramatic en très hèytes (1) (seguide) LOLE Touts dus qu'atendèts que m'en anèssi. (Que partech.) SETINE Despuch que lou caperâ n'ey mey à case, n'y boulerés l'abitacioû ! SABI Praube nène ! SETINE O ho, praube nène ! E beroy endiablade, e noû m'at digues à you qui la counéchi ! Se noû souy sa may, be souy pla sa neurisse ? E que m'en empleguèy de dèts ans, boucha-la neuri-la, e desbelha-m'en dens las noeytades. SABI Tata dou Sabî, e de Lole neurisse, boulets que-s liguém ballèu de maridàdye ? SETINE U maridàdye dab Lole ? Se credoùri yamey ! Be bau poc, s'at sabès coum Setine ! E tè, p'ou bé qui-t bouy, hilhot, noû t'estaques à d'ère. Noû n'a que t'Audeyos. B'ou dabe la cape qui goàyre nou t'abès boutade ! SABI Noû m'en hèy gran chue, anats, d'aquére cape, mes de quauque arré mey... Qu'ey hore de barres, Audeyos ? SETINE Qu'ey mourt ? SABI Ou quàsi 1. Béde Reclams despuch Abriu. �— 45 — SETINE Labets, counde-m quin se tournéye aquet aha ! Se lou manque l'Audeyos, lhèu... SABI (espian se Lole parech) Bats béde, lou rey que pague au de qui préngue l'Audeyos cheys cents liures en louis d'ors dous rouys e dous qui tringueréyen. E labets lou segnou qu'ey perdut. SETINE S'ou gahen ! Abans d'esta-n segu, nou-t bantes d'aquére ! SABI Qu'ey lou me pay Agaus qui m'at balhe coume segu. Que pod tiéne quauques dies, ue sasoû, boutém, mes autalèu que noubémbre aye nebat sus mounde, maysoûs e bordes, oun boulets qu'û òmi perquiu e s'estùyi sénse qu'at diguen las léngues dou bilàdye ? Bous, qu'en harets, au corn dou hoec per belhades ? SETINE U ômi, û segnou débat la seminéye ? U caddèt per qui eau tremoula e cragne ? A mench que lou caperâ nou lou-ns amii ! Mes, noû l'amiara pas : Praube d'et ! chens yoye, chens luts, sénse l'auyou de la soue glèyse, embarrat, claberat au castèt de Lourde ! SABI E, Lole, s'y pénse ? SETINE A l'Audeyos que rèbe ! E que-s bed au soû bras, partin oun ? En biàdye, hore dou nid oun la tiengoum trop besiade, e oun pauses douces lou soun binagrouses. Bèn, quoan dab lous toûs oelhs medichs e t'at béyes, qu'at crederas ! (Que s'en ba.) SABI (SOUI) O, qu'a rasoû, que peguéyi de segui tant e tant aquere biciade e ingrate ! Nou sèy ço qui-u hari ! SETINE (tournan) Care-t, qu'ey aquiu ! �— 46 — SABI Cara-m ? Autant bau qu'at sàpie !... Noû la parlarèy mey ! (Que s'assed e Lole que passe en hielan, sénse espia à d'arrés. Sabî nou l'es pie tapoc, que-s parle à d'et medich.) A bèts cops qu'espèri e soubén noû ! Soubén que-m hèy, dilhèu s'ére coumbié toutû, qu'û segnou nou pod liga-s'y s'ere coumprén d'oun ey, e noû deu preténde puya-s'en yamey tau castèt de Coudures. SETINE (à Lole qui s'ey anade assède) Que. hiélês ? LOLE. O. SETINE Sabî qu'a dues paraules à-t dise. LOLE E bé ! SABI Aco nou pod ana ! Oère, hort de bruts que brounéchen à las aurélhes, dits-me, au mens, Lole, se-t serés fiançade ? LOLE Qu'en souy ! SABÎ (à des part) Nou parlém d'Audeyos, trop de pênes qu'en auré (haut) : Dab Martî ? LOLE Ha ! Bère mensounye ! Dab Marti ? Nou l'èy mey bis, e tu qu'at sàbes, qui dounc at saberé se n'at sabs, lou die oun l'aboum pou darrè cop aci ! Yournade gauyouse e. qui seguiben tandes destroubles, mounsegnou qui s'estuye, Diu sab, e l'ouncle qui lous sourdats s'en amiaben enta Lourde. SABÎ (à des part) Bam, are que-ns at ba dise. (à Sabî) S'èy balhade û cop la mie. fé, la me pòdi béne gn'aut cop ? (à despart.) E las mies amistats oun lodyen, bèt drin loegn. (Haut) : Loegn que bouy parti ! LOLE �— 47 — SABI Se d'ayudes as besougn, sabs, e de quine ley que sien ! (partin) LOLE Loegn... SETINE Oun s'en ba ? (tentât) SABÎ Que seguirèy, oun l'agràdi ! SETINE Diu segnou ! SABI Qu'ey hole ! Aco nou pod mey èste qu'ue hèyte de Pepi qui m'a embrouchide la maynade ! Ta que. lou Martî que l'aye dab et quoan s'en ba cassa, quoan birouléye la mountagne e s'adroum débat quauque pèyre coum las bèsties ! (Martî que parech dab ue cape s'ou bras.) Tè, qu'ey aquiu ! (A Setine.) Escapats-be ! LQLE (entran tabé) Ta que 'scapa-s ? SETINE (qui s'en bòu mia à Sabî) Yèsus ! MABTI (à Sabî) Onii, noû partësques ! Nou m'ayes met atau; qu'es dounc pauruc dinque aquiu, dinque à ha-t oumpres se-m beds ? N'y pòdi ha-y dab tu, d'abances qu'as gagnât partide. Qu'an belhat per tu sus aquéste maynade, qu'an coades las bostes amistats. Bèn, praube, que-t calera toute la légne qui pousse aus boscs ta t'escauha ! Qu'as gagnât. Be pénsi, mes lou dit menin que-m dits : Noû, noû-s mariden per encoère, Lole e Sabî ! SABI Que l'aymàbi abans que tu, e mey que tu ! MABTI Qu'ey dounc toue ? Oey nou hès sounque ayma, mes douma qu'espouses ? �— 48 — Abise-t de trebuca, nou courries biste permou lou qui cour daban e qui n'espie oun se hique lous pès, à cops que s'eslurre e, meylèu hèyt que pensât, qu'ey de paternes ! (Que-s tire la cape de dessus l'espalle.) Lole, e recounechets dounc aquéste cape ? LOLE O, e que m'en hèy aunou ! SABÎ (à Lole) E sabs qu'ey mie ? qu'ey la qui-t dèy aquet sé qui cantabes au seré de la noeyt. (Sautan sus Martî.) Gusard ! la me tournes ? Ah ! que la-m bas rauba, que la m'as panade, Diu sab quin ! MABTI N'ey pas lhèu panade, mes prése, noû b'en broumbat mey, ne sus quines espalles ? LOLE (doulénte) Ah ! (qui s'aprèsse) SETINE N'ey pas you qui la hialèy ? Noû pod èste qu'en mâchant camî se per manières lèdes qui l'as tirade au Sabî. Per case nouste, quoan e y ès dounc entrât ? MABTI (espian à Lole) Lou qui sab, que-s care, e lou qui nou sab, que hè toustém biahore. SABÎ (à Martî) Tourne-la-me ! LOLE (bibeméns) Sabî, s'arrés a la coupe, qu'ey you. SABI Se n'ey que tu, ray. LOLE You que la dàbi à l'Audeyos, lou sé qui d'aci partibe. (que seguira) M. C. L'Emprimayre Mèste en pè : E. MABRIMPOUEY. � Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Patrimoine écrit occitan:périodiques Description An account of the resource Ce set contient les périodiques numérisés par le CIRDÒC issus des collections des partenaires d'Occitanica Revista Item type spécifique au CIRDÒC : à privilégier Région Administrative Aquitaine Variante Idiomatique Gascon Aire Culturelle Gascogne Type de périodique Revistas d'estudis localas = Revues d’études locales Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Reclams de Biarn e Gascougne. - Anade 43, n°01-02 (Octoubre-Noubémbre 1938) Alternative Title An alternative name for the resource. The distinction between titles and alternative titles is application-specific. Reclams. - Annada 43, n°01-02 (Octobre-Noveme 1938) Subject The topic of the resource Félibrige Gascon (dialecte) -- Périodiques Littérature gasconne -- Périodiques Histoire locale -- Gascogne (France) Description An account of the resource Reclams. - octobre-novembre 1938 - N°1-2 (43e Année) Creator An entity primarily responsible for making the resource Camelat, Miquèu de (1871-1962) Bugau, C. Palay, Simin (1874-1965) Lamazou, Clotilde de Daugé, Césaire (1858-1945) Douctou Dubedat Larrère, M. Pucheu, Zarbié de Saint-Bezard, Marcel Brefeil, R. Albanel, Paul (1873-1929) Lou jepo Marrimpouey, E. Source A related resource from which the described resource is derived <p>Bibliot&egrave;ca de l'Esc&ograve;la Gaston Febus</p> <p><br /><a href="http://www.reclams.org/" target="_blank" rel="noopener"><img style="height: 97px;" src="http://occitanica.eu/images/omeka/gaston_febus.jpg" alt="" height="97" /></a>&nbsp;</p> Publisher An entity responsible for making the resource available Escole Gastou Febus (Pau) Imprimerie de Vignancour (Pau) Date A point or period of time associated with an event in the lifecycle of the resource 1938-10 1938-11 Relation A related resource Vignette :&nbsp;<a href="http://www.occitanica.eu/omeka/files/original/e472a8c919c77eed6b76d1205b58246f.jpg">http://www.occitanica.eu/omeka/files/original/e472a8c919c77eed6b76d1205b58246f.jpg</a> <a class="link_gen " href="http://www.sudoc.fr/039860345" target="_blank" rel="noopener">http://www.sudoc.fr/039860345</a> Is Part Of A related resource in which the described resource is physically or logically included. Reclams de Biarn e Gascounhe&nbsp;<a href="http://www.occitanica.eu/omeka/items/show/2019">(Acc&egrave;s &agrave; l'ensemble des num&eacute;ros de la revue)</a> Format The file format, physical medium, or dimensions of the resource application/pdf 1 vol. (48 p.) Language A language of the resource fre oci Type The nature or genre of the resource Text publication en série imprimée Identifier An unambiguous reference to the resource within a given context <a href="http://www.occitanica.eu/omeka/items/show/2971">http://www.occitanica.eu/omeka/items/show/2971</a> INOC_Y2_17_1938_10-11 Rights Information about rights held in and over the resource Domaine public/Domeni public License A legal document giving official permission to do something with the resource. Certains droits réservés Temporal Coverage Temporal characteristics of the resource. 19.. Date Modified Date on which the resource was changed. 2016-06-28 Occitanica Jeu de métadonnées internes a Occitanica Portail Le portail dans la typologie Occitanica Mediatèca Sous-Menu Le sous-menu dans la typologie Occitanica Bibliotèca Type de Document Le type dans la typologie Occitanica Numéro de revue Contributeur Le contributeur à Occitanica Inoc Catégorie La catégorie dans la typologie Occitanica Documents Patrimòni cultural = Patrimoine culturel