https://www.occitanica.eu/files/original/00bd637cb48ce84f5ee29d5af84facb3.jpg 146999704fb8c137a5a2c14612a7e431 Omeka Image File The metadata element set that was included in the `files_images` table in previous versions of Omeka. These elements are common to all image files. Bit Depth 8 Channels 3 Height 1131 IPTC Array a:1:{s:11:"object_name";s:14:"1911 15e Anade";} IPTC String object_name:1911 15e Anade Width 1696 https://www.occitanica.eu/files/original/aa556ba01820cdbb7a6dfadc7f9fdf03.xml e8ce229ac4957e12e1c3fc6e1e8470fc https://www.occitanica.eu/files/original/2a380889713d0e016c3690323a159c29.pdf 5cbf2f683ab8ecdaf434b3786fa527d1 PDF Text Text , ESCOLE GASTOD-FEBCS RECLAMS DE BIARN PAU. — EMP. DE E. MARRIMPOUEY YOEN, PLACE Ddu PALAYS �Plafactous de l'obre. défunts ADRIEN PLANTE, prumè capdau MICHEL-ALBIN BIBAL, YAN-BICTOR cap.uau (1896-1912). dounatàri dou Castèt de Maubesi. LALANNE, segretàri en pè dous Reclams (1900-1914) (1919-1923). Membres perpetuaus : Cesari DAUGB. René CUZACQ. Lous Reclams que publicaran au numéro de Abriu-Yulh de 1943 Crôuniquéte. dous Reclams : L'amassade de Peiitacouste, M. C. ; Lou cournè dous pouèles : La qui boulém carila, Yan de BOUZET ; Espoèr, TeoufUe de CAILLABÈRE ; Birades : A Nouste, Fran Majouranitch ; Lou Debis dou dinerë, Yan de TUGAT-; Mounde e causes de nouste : Max Laçlavère, Paul TALLEZ ; V flouquetot de dises, M. C; Las lètres, Yan de Moungay, Louiset de Latourrète, Paul Clavé;;, Lou Felbriidye de Paris e F. Mistrau, Yausèp LOUBET ; Hèytes de l'Arnibère-Ousse, J. COURRIADES ; Lous Memoris d'à nèn, Teoufile de CAILLABÈRE ; Las Tradicious, M. C, etc.. Que soubren enço de Marrimpouey : Quauques exemplaris de Versions gasconnes par S. Lacoste e dou Prousey d'u Marnés de J.-V. Lalanne. C'ádu, 18 liures. U counfray dous noustes que seré croumpadou de la Garbe de Pouesies (1520-1920) de M. C. ENDiaUES PAYES Bots de capd'an, U redoulic Crôuniquéte dous- Reclanis : Lou 'cinquantenàri dous « Dictons et Proverbes de Béarn » de V. Lespy, Miquèu de CAMELAT Lou cournè dous pouètes : Pas: trop d'escu, Cesari DAUGÉ ; Plagn, Henric SALANOUKAT 2 4 Mounde e causes de nouste : Lou soubeni de Léonce. Couture, Max CLAVÈHE 1 LA- -, . Mounde e causes dou Lengado : Pèy Goudouli, lou pouète de Toulouse, Aindirèu Pic. . Las Lètres : Yan de MOUNGAY . Reclams de perquiù, L. R... : Lous Debis : Memori sus la bite dou Presounè, Yorli LAFOSSE ; Arcoelhénce de mous de Cuzacq à l'Académie gascoune de Bayoune, Pèy Rectoran, René CUZACQ ' • Punts d'istoiie : Lous Segnous noustes (seguide), Yan de TUCAT Las Tradicious : Cansoûs de nau, M. C ■ Besiadyes : Lous sèt nebouts de l'ouncle de Bourdèu : Zabiè de PUCHEU... V Flouquetot de dises : La Renoumade, M. C 5 T 12 14 17 24 27 2? 22 �47a« Anade Yenè-Mars de 1943 1943 Sus lou llndau de la 47au anade de l'Escole Gastou Febus lou Capdau e lous Membres dou Burèu que manden à la Reyne e à touts lous Counfrays û sarrot de bots e de coumpliments. Bots de cap d'an Enta l'amie d'Arrens. Qu'y cad plumachs de nèu tourrade, Lous teyis que s'amanten de blanc E lous ausèths, quoan l'an hourade, Que cèrquen l'endost de l'embanç. Que hè ret. La nuble negrouse Qu'at ba boulé tout estuya Débat sa cape pouderouse... Lous gôlis, quin hèn ta minya ?... E toutu, moun Diu, be-t maucutes Dous auyamiots quoojï ey hè ret ? Mediçh dous omis que t'aucupes E que sabes n'y an pas dret. Que soun mâchants e nat ne pense Que chens lu que serém touts mourts ! Tout que-s semble esta recoumpénse... Mes quoan apères, qu'èm touts chourds. E you medich, daban la truhe, En escoutan canta lou hoec, Que-m desbroumbi que cade bue Qui puye au cèu, tau l'eslambrec, Qu'es tu qui me l'as aluçade Ta m'estaubia dehens lou cos Dau ret la mâchante chacade ! S'al èy atau, qu'ey tu qui at bos ! Moun Diu ! Que sabs qu'ey entau praubc Miéye bite lou hoec bambau ! Qu'où serbiré cfabé-le saube. Si torre per dehens l'oustau ? Ayes pietat, sustout perdoune, E da-s lou hoec. B'ey crud l'ibèr Chens l'auyou d'û hèch qui s'ahoune En brase s'ous landrès de hèr. Mes mourt de 1938. U. Redoulic. (f EDOUARD MOULIA.) �CROUNIQUETE DOUS RECLAMS Lou Cinquantenàri dous "Dictons et Proverbes de Béarn " de Vastin Lespy Qu'èm dens ue tempourade de cinquantenàris. Aquero permou que decap à las anades 1890, e las qui seguiben, coume at diigou Faute cop Edouard Bourciez « que bouhabe en Gascougne û ayre de rebiscoulade, que pensaben, enlingues, à sauba dou desbroum la léngue dous ayòus, l amne e l'esperit de la Race ». De bères hèstes e yocs flouraus qu'abiaben ue luside, û desbelh. Se la proubincie ère boulegade de taus estrambords, qu'ère permou qu'û sarrot d'aymadous qu'abèn esperucat papès antics e coelhut coùndes e cansoûs : Luchaire, Bladè, Couture, omis balents, que s'y èren hèyts, e dens lou Biarn, V. Lespy qu'abè éditât las obres de Nabarrot, de Foundebile, e publicat ue Grammatic e û Diicciounàri. En 1892 que bienè de ha sourti la dusau tirade dous « Dises e arrepourès ». Dens ù sapient abans perpaus qu'esplicabe quin ère necessàri d'amassa d'aquets arrepourès qui bah de bouque en bouque e soun testimònis de la sayésse dous noustes pays. Quoandes d'aquets dises an pourtat dinque à oey-lou-die lou tras d'û fèyt istouric, d'û reglamént de yusticie, d'ûe coustume, medich de credénces desparescudes ? Nat discours sus l'esperit nou pot balé û simple arrepourè. Partadyat en capitous, lou libe que tratte dous noums e subernoums estacats aus bilàdyes (qu'en y a ballèu quoàte cents) e puch la mestiou que toque aus Pastous, aus Paysâs, aus Maridàdyes, au Bestia, aus Ausèts, aus Pechs, etc. Que-s pot dise que la partide qui goarde lou maye interès que soun las payes sus las usances, lou- sourcierùmi, lous remèdis. Empermou qu'en cinquante ans aquéres credénces poupulàris qu'èren escoubades. Las hades, las brouches que-s soun esbanides; las coustumes que-s soun desbroumbades; nou s'y soégnen mey lous malauts dab tisane e emplastes preparats per may-bounc; lou cami de hèr, la beciclète, l'auto, e très guerres que cambiaben l'ana dou mounde ; La bite qu'ey de mey en mey ue mécanique. Quoan bastéchen, noû pénsen mey à pausa s'ou teyt la bouiarre lou loupî pausat de bouque-hens, enta que la maysoû sie saubade dou perigle, dou hoec e de tout aute malur ; quoan lou mèste entre à case soue, e bôu prouba qu'ey lou prumè e lou segnou de la familhe,nou-s gahe mey lou crimalh, e mey nou l'estregn. Edoungues aquet aha qu'ey hère ancién_ Hens û texte de 1345 que poden léye que lou beguè de Pardies que hou cargat de ha préne poussessioû d'û oustau de Mounegn e l'ourdi que disè « coume segnau d'aquére, qu'où ne Hura lou crimalh, que l'at pausa e metou dens la mâ ». Toutù quauques simbèus que suberbiben. Dens las bâches arribères, que planten encoère lou higuè au corn de la parguie, e de cla en cla que parlen de las halhères de Sent Yan, mes que soun poques, si crey, las glèyses oun lous caperas benedéchen lou floc ligat de yèrbes e qui saubara dous aygats e de la grêle. Aquéres tradicious noû soun qu'û soubeni. En Baretou noû canten mey tapoc aus calhabàris : Calhabàri, Manuguet, à Peyrot cent cops de hoet, à Peyroutine tout autant, calhabàri tout augan'! » A Mourlàs noû ban mey las gouyates, p'ous dies de marcat, bené-s ço qui ey lou yénce ournamén d'û cap de hémne, lou péu, e lous trufandès noû criden mey Au péu ! au péu! Enta Nadau, lou payboû nou saberé mey canta : « Cantém Nadau, maynadest cantém Nadau au corn dou hoec, minyém quauques iroles, e be- �biam bèt goutet». N'an mey en memorie û soulet ayre toucan lou Diunenè ! Se la sègue se hò, àbèts cops, à las nouces de campagne, aus entèrrous, lou seguissi de las plourayres n'ey mey enta banta lou défunt. La mode que s'en ey perdude. Mes, à cops, mantû paysâ que sab encoère desteca-n d'aquets arrepourès oun ey escribude la bertut, la noublésse, la prudénci : « Noû soun paysàs touts lous qui porten l'agulhade ; ta-s harta de lèyt noû eau espoupa l'aulhe ; en toute cause digues, lhèu, enloc aquet mout n'esta lè»... Hens l'obre de Lespy couin dens û escrî que soun mercades paraules à l'aunou de la Terre mayrane, e lous Bi/arnés patriotes que y poden léye dises qui soun lètres de noublésse : « Lou Biarnés qu'ey praube mes nou cap-bache; lou Biarnés qu'ey su,s Faute yént toutû coum l'or ey suber j'aryent; praubes tant qui Diu boulhe mes la bachère uète ». Ue frase qu'ey soubén û cap d'obre d'irounie : « Bét chibau, moussu, s'ère boste ! Arrit, tlstet, las higues que soun madures ? Boucha l'arrée dab ûe serbiéte de mesplè ; qui dou mus dou ca s'amouréye que s'en hè ûe guirounfléye ». Paye per paye, quoan d'esplics sus Fistorie, lou passât dou Biarn, sus la soue parladure que mèste Lepy arrecaptè e quij abém aquiu en abounde ! Ne lous recoelhs de Bladé ta FAgenés, ne lous -de l'abat Dardy tau Labrit, ne lous de Yan Bourdéte tau Lebedâ, ne d'autes flocs nou s'y poden acoumpara. La coelhude aquére qu'ey arrecade dab û soegn, e ue amou de hilh ta las paraules e debis de la soue may. Que seri toutu cridat se nou broumbabi aci, que nouste capdau Daugé qu'a publicat despuchlou sou maye tribalh : Le Mariage et la Famille en Gascogne. Au sou recoelh preslu, Lespy qu'a heyt lou tour dous arrepourès qui-s mentaben en France, Lengado, Proubénce, Espagne, e suban l'escadénee, que balhe coumparès. Oey lou die nou-n demouren goayres dous qui an counegut de chic ou de hère lou gran amie de las causes biarnéses, e lou coenteyaben dens la soue crampe de la carrère dou Castèt oun s'esbielhabe. Aquére sorte, que l'aboum û die de l'estiu del894, gràc's à Yan Passy, labets archibiste à Pau. Que-m miabe enço dou sapiént doun la porte nou s'alandabe que taus riales amies : Bidache, Planté, e quauques auts. N'ey pas sénse ûe piouse cragnénee qui seguibi lou me coumpagnoû e puyàbi lous escalès. Lespy que-nse hé boune arcoelhénce, e lous dus que debisèm. D'arrè-oelh que cèrcabij piéles de libes, sus las taules ou lous armàris, e noû s'en parechè nat ; gn'aute susprése, lou mèste qu'abè Fayre de bibe dens lous soûs soubenis e auloc de parla-ns. coume at esperàbi, d'aquére renachénee qui punteyabe per Tarbe, Pau, Ortès, e anabe liga Bigourdâs e Biarnés, auloc de noumenta lou Peyrè, lou Labaig, lou Lafore ou lou Planté, que seguifoe gn'aute hiu e qu'ère dab lou manescau Bousquet doun bienèn de lheba l'estatue dens û tourroum-bourroum de ceremounies oufleiaus. Que-nse recitabe boucîs de létres que lou batalhè de l'Aima e de Sebastopol escribè à la may soue. Amie dou chue de chermén que-y bantabe d'abord lou de Yurançou, e que parlabe dous reyiments de biarnés batisats «lous Diu-bibants ». Lou prousey, bère pause, que s'ère atau perseguit ; qu'èrem de partide. Enta merca la bisite dou yoen mountagnòu lou mèste qu'où hasè estrées dous « Dictons et Proverbes » dab dedicàci de la soue escriture, fine e hemoulénte ; ya nadabi coum pensât dens ue aygue tèbe, e que debouy dise gran mercés, gauyous de la hèyte coum û cardinat sus la branque. E dou beroy exemplari;, au cap de cinquante ans, que sayàbi de tira-n la raestiou d'aquéste parelh de payes. MIQUÈU DE CAMELAT. �LOU COURNÈ DOUS POUETES Pas trop d escu Bielh per lous ans, joen per l'esprit, Sansé chens arré qui tourtéje, Coum sèy jou canti coum lou grit Qui biu darrè la chaminéje. Calàm aunesie aco que sèy 1 Que sèy tabé que la Gascougne, Gràcis à Diu, de ço qui hèy Ne pouyra pas tira bergougne. N'èy pas la bouts dou rouchinoun Qui, fine, trauque la neyt clare, Mes la dou grlt qui p'ou branoun Ou per la prade bire-bare. Se s'y boutabe lou cussoun, Dou qui s'apère la cretique, Ne seré pas nat gran pvusoun : Tan per tan léujère coutchique. Calam en mon, se souy soulet, Sus papes oun pensade e-s boute, Countén que hèy lou men piulet Mens de sabé s'arrés m'escoute. Trouba que dise qu'és aysit. De quets que-n a toute carrère. Ço que hèn ets qu'at hèn blasit : Limac ne hè que limarère. Se souy estât lou boun oubrè — Diu m'oayti d'esta bante-glôri N'at sèy. Que sèy qu'arré de lè Ne-m ey jessit de l'escritóri. Pramoun d'eco, que-n souy segu E d'at pensa ne-m da pas pêne, Ne hara pas Ihèu trop d'escu S'ou men calam aus tems à biéne. De lauda lou men escauloun Se troben souy pas prou moudeste, A touts ta-n demanda perdoun Plan ajoulhoat qu'èy bouque prèste. C. DAUGÉ, Dihort, lou 15 de heurè de 1943. lanusquet. Plagn Ta Simin PALAY. Ayguéte troumpibe, Au houns de la bath, Que coules, debath La pibe ! Ana-s'en !... Sab$ oun ? Ray ! tout dret ! l'andade De cap l'alandade ! Oun soun ! ■ A l'ore d'escap, Ausères paurugues S'en ban, dab aurugues Au cap. Dab la hoélhe mourte E la flou dfabriu, Lou témps, bént ou briu, M'empourte ! Dus grâs de locoure ! Dacha-s la prisoû ! Gagna l'aurisoû ! E courre ! Praube encabiat Pou camî celèste Sies, e dou lèste Abiat ! Henric SALANOUBAT, biarnés. �MOUNDE E CAUSES DE NOUSTE Lou Soubeni de Léonce Couture (1832-1902) N'aboum pas lésé, en heurè de 1942, de mentabe lous quarante ans de la desparescude d'aquet mèste de l'Ensegnamén ; dou qui, p'ou prumè cop en 1879, abiabe ù cours de Léngue mayrane à l'Unibersitat de Toulouse ; dou qui loungademéns estudiè lous libes de case nouste dens la soue Revue de Gascogne e balhè courau à touts lous qui-s serbiben dou lou calam permou de la Patrie. Nou saberém miélhe debisa-n qu'en tournan publica l'escriut qui-nse hasou en 1911, tau dètsau cap d'an, lou sou yénce escouliè, lou sou hilh suban l'esperjt, Max Laclavère becari yenerau de l'archebescat d'Auch. Oerat-lou dounc. * * * La Bouts de la Terre qu'a boulut, à l'aucasioun dou 17 de heurè, hè lou cap de l'an de Léonce Couture, e pramo d'aco qu'a demandât à un amie cinquante lignes end'esplica très paraules : I. _ COUTURE HILH DE LA GASCOUGNE. 0 be plan ! Basut à Cazauboun, estudiant à Euse e Auch, qu'ère à l'escole encoère quan tiré soun plan ende dise un jour tout ço que se pot counda ser la Gascougne. E dounc toute la bite que trabalhèc à hè passa dens quarante bolumes de la sue Revue de Gascogne, ço qu'amassaue, ou hasèue amassa per ajùdis causits de las antiquetats de noste proubince. Las causes de bèt tems-a ou hasèuen pas mespresa las obres dou jour d'auèy. Après las létres d'Henric IV e de S.ent Bincens de Paule, lous bèrsis de Pè de Garros e de G. d'Astros, lou hasèue pas degrèu de legi las obres de M-quèu Camelat, de Simin Palay, de Filadelfe de Gerde, e dou Cascarot tabé, e de tant d'autes. A cadun serbissèue sa paje de critique e de coumpliments. Boulèts que bous digui ? Couture qu'ategnèue pertout: pertout doun es passât, qu'y pouyran gragna, mès segades soun hèytes, e la garbe poulidement ligade. End' ajuda lous oubriès de l'Abéngue, qu'a dechat à la Soucietat historique de Gascougne la soue couleccioun de libes gascouns, aço bo dise touts lous libes escriuts en gascoun, ou hèyts per gascouns, ou qui parlen de la Gascougne. De sigu, dambe sa plume, soun poulit parla, sous estùdis de toute sorte, qu'auré poudut, ça disèuen, se trouba ûe place à Paris. Jamès n'a boulut quita la Gascougne, sounque dus ou très ans qu'angouc estudia à Paris e en Italie, a toujours demourat pr'ac.i. Counti pas que mous auje quitats en ana à Toulouse : y'auè pas que la Garoune que mous separèsse, qu'ensegnaue la joenésse de noste païs, continaue la « Rebiste de Gascougne » e enfin, quan lou receboun à l'Académie dous Jocs flouraus, parlée pas aus Toulousencs que de nous aus, de noste sabé-ha : Le Génie ffascon ! IL — COUTURE, L'OMI BOU E UMBLE. Sabènt que n'ère coume pas un : pr'aco se cresèue pas, e n'aymaue pas de se ha bése. Dambe maynadges e grans persounes, gens simples e gens de sa traque, pertout que sabèue se hè ayma e hè, plasé, rénde serbici, presta libes, balha rensegnements. e tout aco sensé que digun se sentiscousse geynat per sa sciénee. Cau à dise que coundaue istòries e cantaue cansouns coum un troubayre de d'autes cops : Jamès n'an bigt en soucie- �tat un coumpagnoun plasént e aymable coum et. E, quan lou brembaue, que tournaue d'un gran serious, e digun nou gausaue s'en estouna. Aquet òme a toutjour cresut que se meritaue pas de canta messe ; mès, dinque à la fin de sa bite, qu'a pourtat la soutane e lou suberperis, e qu'a counserbat las deboucious dou Seminari. Que s'es toutjour coumpourtat coume s'auè recebut lous ordes ende passa curè. Un amie que ï'auè perdut de biste e cresut mort en 1870, qu'où demandée, quan lou tournée trouba, coume que n'ère pas abésque. S'es pas oayre fachat que quan ère fourçat de refusa l'entrade de la Revue de Gascogne, à quauque original, testut e pauc de sén, ou à un escriuan que regaue pas de dret siloun lous principis de la beritable sciénee. Alabets Couture besèue pas que lou deué de défénde la sue reputacioun e la reputacioun de la Gascougne en face dous sabénts. Autrement qu'encouradjaue toutjour oubriès e aprendissis que boulèuen coume et trabalha en l'aunou de noste proubince. Se lou prumè cop d'oelh lou hasèue bése lous defaus d'un artigle ou d'un libe, soun boun co lou hasèue toutjour trouba quauque coumpliment que passaue auant ou après la critique. Lou mèste coumplasént qu'ajudaue l'autou à se courrija, e pramo d'aco s'en hasèue un amie. III. — COUTURE, ENSEGNADOU SENSE PARIÉ. Qu'èy dit que n'aymaue pas de se hè bése. Un jour pr'aco, qu'en coumbéngui, Couture s'es bantat. Oerats aci perqué. En 1877 qu'establissèuen à Toulouse l'Unibersitat catoulique e que se desbrembauen, d'y bouta ue cadière d'ensegnament, just la que calèue à toute force dens noste capitale dou Miejour. Couture alabets qu'abertiscouc, e se hascouc counèche : parlée de sous estudis, de sa bibliothèque, de sa loungue preparacioun dous encouradjaméns recebuts de Paul Meyer e de Frédéric Mistral. L'escoutèn, e asta lèu la cadière d'ensegnament de la Léngue d'o, e de las autes léngues roumanes, estouc mountade dambe Couture ende proufessou. L'Unibersitat catoulique qu'aouc l'aunou en aquet punt, d'arriba prumè que l'Unibersitat dou Goubernament. Couture sabèue tout : Filosofie, religioun, literature e tout ço que s'ensieg. Tabé, quan l'ac demandèn, qu'ensegnèc lous grans pouètes d'Italie e lous grans teologiens d'Espagne. Ser la literature de noste gran siègle en France y auè jours que lou crilic sénse parié Sainte-Beuve l'auè hèyt soumissioun. Jamès lous estudiants de Litoure, d'Auch e de Toulouse se desbremberan ço que gagnen à esta ensegnats per un òme que sab tout. E Couture se countentaue pas d'ensegna à l'escole. Qu'ensegnaue pertout d'oun l'enterrougàuen, diguens e dehore, diguens, en sa crampe, au miey de libes à pilota; dehore, quan flanaue, un libe à la man; per las carrères ou setut ser un banc de proumenade, en omnibus ou en camin de her, coume s'escayjèue. Poudèuen pas lou suspréngue, qu'ère toutjour prèst à respoune. Lou bèrs de Paul Tallez qu'at dits : Que sabè 'tout, arré qu{aco, me qu'at sabè ! E ûe cause curiouse qu'ès aquéste : Couture qu'auè lou sabé-hè de haussa lou qui l'escoutaue dinque à soun nibèu. Un dot proche d'ue boune source se pléye d'aygue dinque au nibèu de la hount : atau lou qui parlaue dambe Couture se cresèue asta sabént coume et. Boy encoère dise un mot, qu'aydera à se bremba de tout : Couture qu'es estât, pendén cinquante ans, la bouts de la Terre de Gascougne. Aquére bouts que retrenira dens noste païs tant qu'y auje en Armagnac, en Biarn, en Bigorre e dens la Lancs quauques amies de la Terre mayrane. MAX LACLAYERE, �— 7 — MOUNDE E CAUSES DOU LENGADO Pey Goudouli, lou pouète de Toulouse (1580-1649) Pey Goudouli qu'a escribut en lenguedouciâ : mes qu'esté lou mèste imitât e credut de l'Escole bielhe de Gascougne, la dou sègle 17au. Qu'ère l'amie persounau de d'Aslros. Qu'arcoelhè Larade. Aus 15 ans, en 1627, Baroun que-u mandabe ûe peçote. En fi, Bedout, quoan biengou per Toulouse en 1633, que s'esmiraglabe de la glori dou bielh cantadou. « L'amourous soulitari » que badou cop sec dou ganidè de reputacioû esprabat pou gouyat d'Auch. * ** Lou payboû de Goudouli' qu'ère yessit dou parsâ de CourrensanLanapats, pas loegn d'Euze e de Goundri, en Armagnac (e lou darrè d'aquet noum nou-y desparechou qu'aquéstes darrès ans). Lou Pèy que badou en 1580, Passade de la Trilhe, en Toulouse ; qu'ère hilh d'û suryént hort puyat au barcalhoû soucian. Maugrat la praubère, Goudouli que passarà mey tard per « omi de merit e coundicioû». Qu'abè estudiat lou Dret e lou sou ray qu'estou oufleiè dou Rey. Mes Pèy nou pratiqué yamey nat mestiè : lou sou amie G. de Lafaiïle (hasendè de l'edicioû de 1678 dou Ramelet) que da aquéste imadye mesurât de l'escribà : û « auneste omi » d'aquet tems e nou û truque-taulè coum at boulou la tradicioû poupulàri ; que sabè las lengues antics e la mythoulouyie coum nat : tabé l'italiâ de hère plà ; òmi de soucietat, qu'abè l'alande de las portes dou duc de Montmorency (escapitat en 1631 !), dou coumte de Carmalh prince de Chabanés, arrè-hilh de Mounluc. « Il plaisait sans dessein ni affectation... un de ses grands talents était les bons mots et les railleries ingénieuses». Lous soûs amies? mounde bouryés dou Parlament e de FAcademie dous Yocs Flouraus ; médyes, yentius de boune payère coum mous de Resseguier, brigue d'aquerej noublésse mendrilhote qui s'agradabe dou praube d'Astros pous lues d'Armagnac ; escribâs per ahoalhs : ûs qui latinéyen coum Malard e Semblancat ; d'autes qui felibréyen deyà : lou Doujat bé tire-courdeyè lou « Ramelet » d'û lexic ; e quin nou mentabe à De Boissière lou segretari de mous de Carmalh. U cop, medich, que mandé à Goudouli de las parts dou sou mèste, goubernadou de Fouch, û roumàdye d'Andorre permou que mounségne e-s tesicabe dou pouète : Moussu-l Comte que me demando oun pot acos fa resplandi sa clartat l'Apolloun moandi, estounat de n'augi noubèlos de sas dib\inos caramèlos. De segu, à ha dou pouèto, Goudouli, nou badou rie. A la fî qu'ère yuste roeynat e que debou béne à pèces ûe borde abude de l'eretat dou soû pay : « 'Von dit, si counde Lafaille, que ne luy en étant demeuré que le bâtiment avec quelque jardin auprès, il fit cette plaisanterie d'écrire sur la porte en gros caractères : Métairie de deux paires, et au-dessous en petites lettres : De poulets ; on dit encore sur le même sujet qu'un de ses amis le voulant détourner de vendre une vigne « qu'en ferois-je (lui dit-il �froidement) il y pleut comme à la rue »... Lous moussus dou Counselh de Bile que l'amounedèn d'ûe pensioû de bielhè. B'ère la glòri de Toulouse e Toulouse b'ey la ciutat palladiane ? Qu'arcoelhou la mourt dab serenitat e, si-nse counde Lafailhe « un de ses amis l'ayant rencontré qui se promenoit dans le cloître des Augustins et lui ayant demandé comment il se portait et ce qu'il faisait là : vous le voyez (lui dit-il, en frappant contre terre de l'a pointe du bâton, dont il s'appuyoit), je heurte afin qu'on me vienne ouvrir ; par où il sembla prédire sa mort... ». Lou 16 de seteme de 1649 que-u sepeliben en ço dous Carmes : Barou que l'auroustabe d'ue ode-epitafe ; en 1808 las soues osses qu'èren boutades hens la glèyse de la Daurade oun soun are. * * * Enta la longue moundine Goudouli qu'abou ambicioûs de las hautes ; qu'ey û òmi de fourmacioû classic. En las payes qui acaben la « prumere flourete » que da au leyidou esclarides « Countro Tu libret, e per Tu», n'ey lou filtre : imitacioû dou,s Grecs e dous Arroumâs ; de l'Arioste, de Pétrarque ; de Rounsard tabé, rampèu dat aus francés de Paris : Malherbe e Maynard, oerat-ne lous punis essenciaus. Maynard, d'aulhous, qu'ère de Toulouse e Goudouli que l'abè coumbidat û cop : Atal Apolloun se reserbo Le dous oubratge de Malerbo ; Atal Maynard es inmourtal, Qu'un cop dinnèc à moun oustal. Hens las dues payes « d'abertissomen » qui dabanteyen lou « Ramelet moundi » que dits que nouste parla e pod sustiéne coumparès dab las autes parladures classics e oèrat la yénce declaracioû : « nouyrigat de Toulouso, me play de manteni soun lengatge bel e capable de derrambulha touto sorto de councepcius ». Mey loegn, que mustre quin lous «moûts del pays biben de lours rendos». En 1678, Lafaiïle que hara baie l'echartic de Goudouli e la boulénci de basti obre bère : « lorsqu'on entreprend d'écrire en une langue dans laquelle on n'a ny bel usage ny règles pour se conduire, il n'appartient qu'à un esprit très éclairé de sçavoir faire le choix des mots et des expressions et de se former en même temps un style dont on n'a point d'exemples»... La permère edicioû dou « Ramelet moundi » qu'ey de 1617 à Toulouse en ço de R. Colomiès. Que s'en counéchen 18 dinque à 1843 ; mes la yénce qu'ey la dou Douctou J.-B. Noulet en 1887. * * Lous « thèmes » qui armirouen en l'obre de Goudouli que soun eschényes de grandou e de noublésse. Qu'a hère cantat lou bî e la taule ; l'amou, que-y bié en suberpés. Qu'aymabe subertout lou lésé, lou plaestà, l'anance de l'esbagat qu'arrés nou destrigue. Dou bî qu'at a tout dit : la soue deboucioû tad et qu'ey la d'û paysâ dou tems de Roume. Quoan ne parle, de Bacchus, que dèche d'esta libresc, estruit, escoulàri. Lou berset que petrilhe de yoye e de naturau : enter dues doutzenes poussibles de bères citacioûs, tastats aqueste : Quand me bâti pes chays, à cops de gimbelet, Moun segoun es le flascoulet. Labels, tout foc e fum, aterri la pepido E li fau demanda la bido, �Quoan pintre lou sou ideau de harianè de boune coumpanie, l'estil que bad aniu, que goalhardéye : Abousse lou parât, si dits, de poussedi un brabe casLèl garnit de btat, bin e pastel, (dambe) lebrauts a la pendilho boan cambajoun sas la gresilho, callos à l'ast e perdigals per nous escurà les cayssals. D'aquet bot de bite suau e apatsade quoantes cansoûs n'a hèyt : ue, que-n tescou, en la dusau « floureto » dou Ramelet qui ey ue perline de naturau : cade coumpagnoû e dits lou soû berset : lou «gazalhà», l'enchayayre », 1' « asclayre », la « burrayro », 1' « houstesso » e touts amasse e cadun dab lou sou beyre : Azaguem nous la courado d'aquel de mestre Matiu ; Paro douncos camarado, e tu, budo-me del tiu. Méndre qu'ey l'arreboum de l'amou per lou sou co. Que-u pintre suban lous imadyes literaris dou tems e lou tems que soun las prumeries dou sègle 17au ! D'aulhous qu'estou mey lèu û riberénc qu'û naulè dou flùbi noumentat hens la carte dou « Tendre » : oerats en lou Ramelet lous pastous enribantats e doulents, las madames armilhouses de plous quoan trinde lou clarî, lou parla rasounadou e mythoulouyic : ço qui-s pod noumenta en gascoû «lou puniilhà», en francés «la préciosité» ue raquère qui-s perloungueyarà dab hautes e bâches dinque la fî dou sègle 18au. Audit aqueste de Goudouli : Soun èl, en clartat aboundous, tuo le lum des Tres-Bourdous ; E daban soun pel estendut le soulel me sembló toundut. Mes lou Pèy nou seré gascoû si nou sabè trufa-s, quoan s'escad, d'aquet minousè de counbencioû ; / Belo, sourtets, ça disio jou, e begrets boglre serbitou que de caytibè se palusso : En l'atendén, tout escalfat, Sentigui que m'abion coufat Un grasel d'aygo de merlusso... * * * Goudouli qu'ey l'òmi de la Bile : atau la bite paysante qui yéch blousse de l'obre de Dastros, de Garros, d'Ader, qu'ey aci mens impourtente ; la nature qu'ey enta nouste moundi reduside ou quasi au plasent casau dou Président de Mouncrabè, casau situât en plée bile oun ère, medich, ue partiénoe de bosc ; ou l'Aramè, à las portes de la bile, au cant dé la Garoune; la casse qui hè horenida lous estadyans de la ciutat, ad et que-u «noumbre sustout la hartère : Hè lèu, laquay, bouleguen-nous ! Ajats-me fayt qualques lardous, Enginat foc e lardadouro Per me gauteja, de boun houro, D'un lebraut..... �— 10 — La soue pensade qu'ey mey lèu d'intelliyence que de sensiblè e qu'ey et qui plape atau la pouesie de las hounts : E l'aygo de las founs plus nétos Sent la susoû de las raynétos. Toutu, û cop, hens la pèce « Bèutat fantasiado » qu'a sabut pintra-ns dab frescou : Les boès que matats de lassièro Soun al prùnsou per la ribièro. Tant que las massipos s'estan Jouts le gran oum e mentretan QuSelis fan talo o talo causo, la boualho pel prat se repauso O, gouludomén, à bel cays, De l'erbo majénco se pays. Mes tablèus atau que soun riales : Hère numerous e escaduts tout lou countre que soun lous de la bile : Lou petit mounde e lou gran, lous mestieraus, las carrères, lous estanguets dab lous sourdats e lous arcabus, las hémnes lengudes e cridassères. Qu'en y a qui an disparescut coum aquets serbiciaus qui anaben d'oustau en oustau coélhe la paste prèste à enhourna p-ous mestes pan-cousès : qu'èren lous « mandayrèls del four». Aqueste que-ns counde las soues abentures e quin «al prumiè truc uno bielho ransouso, à qui les ans an laurat touto la caro, drubis la flnestro e me coffo un aurinal d'aygo naffo de miejo nèy t... » Mes qu'abèn coumpensacioûs : « Rebélhi las bèlos chalandos que may que may benen querre la taulo dan le sé descourdat, etc.» gnaute cause en-anade tabé : las trilhes daban las maysoûs oun las mounes dous batalurs, passeyan la carrère puyaben per mendicà mounede à las hiestres ; à la Hount de Mountrabè, oey Casau de las Plantes, nou saberém mey tapoc béde pufsayres : Iouts uno r'aso de bint passes, Uno douts inbisiblo cour, Oun las filhetos d'alentour Se senten bagna les debasses ; Achetos ! ay ! ça. fan apèy. Nous beci frescos per tout oèy... Goudouli qu'a counegut lous darrès destroubles de la France abans l'ourdi poulitic e lou balans merabilhous dou gran sègle. E doungues coum Dastros, coum Garros que sab ha bibe ta nous aquets sourdats esbagats e layroûs de quoaus lou « Croucan » de las « Eglogues » ey lou mey escadut : d'aulhous Goudouli qu'a près lou medich titre oerats-ne quauques arrèques chens mey de perloungament : Un tems êl roudèc per aci, countén e franc de tout souci sounque de prene la mounino ; mes quan le tambouri touquèc, uno embejasso le piquée d'ana fa courre la galino. Las dibertissences dou gran mounde qu'an abut en Goudouli û pintre e tout au cop û animadou : lous « proulogs de Carmentran », qui engalinaben aquere soucietat de délicats que soun hère atrebits e ouriyinaus ; lou pouète qu'ous largabe ei medich sus Pempount : qu'engarbeye �— iì — aquiu la mythoulouyie, las tradicious poupularis (û cop : la leyende de Magaloune) e si eau l'exotisme puch que parecherà lou Rey dous Topinambous, ue tribu d'Indiâs qui hasè parla d'ère en tienén tole aus Espagnòus. Qu'ey en dà lou balans aus dansayres de Carmentran que Goudouli, deyà sus l'adye, e-s coupabe ue came au cabilha. Lou disedou, en et, qu'ère merabilhous e que-u hasè... « aymat del mounde, amay des barris, tant del gros que s'enditmenje de sati coumo de la mouneco que s'escalfuro de courdelat ».... Hens aquere prose, hens aquere pouesie l'innoucéneie, la yoye dou yoenè, d'ue amne boune que hèn ligàmi : quoan de coumparès, quoan de rebroums de yocs de maynadyes qui oey soun perduis e per segu de aneianetat : Crabo es tu crabo .. lou Buto l'oll : fr : le Boute-hors. — Las espillos : fr.: la poussette. — Luo capitani mal goubern : fr.: le jeu de l'Abbé. — La manitorto . . Lous quatre-pipóts : segnalat per A. Durrieux hens l'ediciou de Garros. — L'oulo routo : fr.: le jeu du pot cassé— Lou joc de catitorbo : fr.: le colin mailhard. — E lous bielhs moûts, yoye dou felibre e nouceyade de l'aymadou d'en-tems : Lou « Ramelet » que-n arrecapte per bintenats : Qui counech oey, per Toulouse, lous « toulzas » e lous « carrolis » qui eren galabis ; qui ba counsurta lou « gourmancien » : fr. : nécromancien ; que y a miey sègle que las gouyates hasèn boula « plumalhets » (volants) dab « paletos » (raquettes de volant) ; e lous cassadous n'empleguen mey « la bigatano » (épieu de chasse) ni lous pesquedous nou hèn biéne de la mar « saumirous de mer » (poulpe commun). ** au Suban Lamartine, abans lou sègle 19 , la pouésie, en France, qu'ère : « trop souvent un élégant badinage rimé, un jeu de la langue, de l'oreille et de l'esprit ». Qu'ey hère plà dit e Goudouli que-n da la probe. Las epigrammes e lous moûts escaduts que-s chifren per bintées : Aquestes soun poc escousadés e impersounaus ; acets pruséns chens arré de trop : Ranquino, per nous abusà, Fa la doulheto e la mourénto ; mes nous, sabèm que dèts-ans-a Fasèc Mat ans que-n abiò trento. Hens las pèces loungues [prou soubént d'û centenat de bersets] lous yocs de moûts que s'encadenen à bèt endoum e chens deg rasounable. Us sudyècs sancès que courren sus aquet goust esquèr qu'a hèyt escole : Espiat en la tresau floureto la fi de « Castèl en l'ayre : e, coumo me^n tournabi soul le jour cantèc e fourèc poul (per ; le poul cantèc e fourèc jour). « La letro de l'extrabagant al curious », toute du tau pipiàdye calculât que deu esta tabé mentabude. * * E seré doungues tout retouric e ayside gauyouse hens aquére obre ? Goudouli n'a brigue abul d'aquets balans, d'aquets cop d'ales lyrics daban la mourt, daban l'Amou, la flaque yoye dou bibe dous omis, daban Diu e la hade largade aus mourtaus ? Si, amies, mes poc : lou soû �— 12 — enyenie que-s s'estourbère quoan tracte questioûs atau : De la mourt qu'a sabut pintra la herésse dab ûe bigou mieyancère : (Quoan), sur un cos lèuse de bido Les berms fan al tiro-que-pot. ou aqueste escadénce trayiquemén magnouse : Esprit, couratge, bouno mino Soun a moun bras indifferens E les éls d'aquere moundino morts, nou faran plus les mourèns. Mes trobes parières soun l'excepcioû : Goudouli coum lyric n'ey pas presiu : û cop, toutu, la glòri de las armes qu'a sustienut l'amplou dou sou debis : « l'odo à mouns. le Prince de Coundé sus soun intrado dins le- countat de Roussilhoû » qu'ey bère, chens batalis e coum Malherbe de Paris las sabè plouma :... E mémo les mounts Pyrenéses Besis de l'uno e l'atttro mar Beyran l'enseigno des Francéses Oundeja sur le Gibraltar... Las pèces reliyouses que soun « nadaus » e autes tros de balou desparière. Lous nadaus escributs per û omi de bile que soun eschenyes d'aquere frescou paysane que d'Astros sabè engountra au pic dou calam. Nou-n y a nat qui s'amerite ue citacioû. En las estancis sus « La mourte passlou de nostre Seigne » lou de-qué pouetic que praubeye autant. D'aquere loungue pèce espiém toutu aquet imadye : Bous, pensats dins un Ort à nous salba las armos Coumo l'aujol Adam las perdèc dins un Ort. * ** Mes la fî d'aqueste pedassadye qu'ey bienude : Que souheytam à û yoen estudiant dous noustes, que bèt die e ploume û tribalh counsequent sus Goudouli. Que y a mestiou e l'escouliadye dou bielh mèste que hourniré engountres agradius. N'ey pas pouquetements que calousse esclari lou « Ramelet moundi ». Lou tourneyament d'aquets imadyes, si n'a pas grandou, qu'ey loegn toutû de la patricole lourde e dou ransut. ANDRÈU PIC. LAS LETRES De Yan de Moungay au nouste Segretàri en pè Paris, lou 29 de mars de 1943. Adare, dab la nabère ore d'estiu, qu'èy boune ahide d'abé drin mey de lésé ta escribe au me ana. Escribe ! Di(u sab s'en èy abut bère prudou quoan èri yoén e qui m'en credi de ha trobes. Mes, l'àdye que m'en a goarit, e, dens la tempourade qui passam, quin hari, pusque nou s y tuste mey ne papé ne embelopes ! Tabé, escusats aquéste hoélhe d'embaladye. L'ibèr de 42 n'ey pas estât autâ mâchant que lou de 41. que-ns at abem birat prou plâ, ya que n'ayam poudut ha hoec batalhè. Despuch quauques dies, d'aulhous. que sentim la prime e lous marrouniès qu'an pu"' �— 13 — teyat hoélhes nabèrcs, toutu que lous casaus e lous prats se carguen dou lou bestissi de flourétes, e que lous passerous s'esdeburen tant qui po~ den à ha piu-piu, basti la maysoéte qui-s garnira de quoaie ou cheys oeus. E puch, ballèu qu'en sourtira ue familhote d'amou. Per you que souy toustém û acoustumat de las amassades, cade diménye, enter dèts ores e mieydie, que bau ta ço dou mayourau Carie Brun, doun l'oustau ey au n" 40 de la carrère de Vanves. Lou mèste qu'arcoelh au sou libiè. Coume arribam lous ûs après lous autes, l'esquirète que trinque, e qu'arrecoutéchen mounde de toute payère, sustout lous debots dou regiounalisme : Touts qu'an l'a fé que s'ey plâ coumprés e aplicat, lou mounde qu'anira miélhe. Be-b pensât que Yan de Moungay que hè oelhs e aurélhes, mes nou l'eỳ aysit de segui coum caleré prouseys e discutides, e que-m agrade toutu d'èste au miey de tandes omis d'eley. A l'amassade dou 28 de mars, Caries Brun que-nse segnalabe û article de d'Illustraciou : Centralisation et Régionalisme de L. Reynaud. Que-s parech qu'ey u escribâ qui bau, e tabé nou n'ey que mey danyerous quoan de la soue plume floucade e despieyte l'obre dous reyounalistes e dous felibres. Lou brèspe dou medich die, qu'aboum tabé reunioû au Café Voltaire. Qu'ère, se boulet, ue belhade à l'aunou de Mistrau e de la soue moulhè défunte despuch lou 6 de heurè d'augan, à l'adye de 86 ans. Lou mayourau Loubet que-ns y leyi ue carte escribude en proubençau per quauques proufessous alemans qui asseguraben lou pouète de Mirèïo, de la loue admiracioû. Aquiu dessus que s'y cantabe « La Coupo Santo ». De Biarnés, dens aquére belhade, nou y'abè que boste serbitou. Mes, coum sabet, lous amies de Gascougne que ban soubén la ço de nouste counfray Lesaffre qui ey à la carrère Porto-Riche. La crampe oun èm arcoelhuts qu'ey espaciouse, cadières, fautulhs, e coum yolhes, soubenis e pourtrèyts ; que diserén û Musée. Utis d'autes cops, s'en y a ! Ue grane pendule antic qui nou mèrque mey las ores; ue herrade qui nou pouts espia chens sauneya à la mie praube may qui a pourtat en la soue bite, en quoan e quoan de biadyes, la soue herrade, de la hount de Hourgue à la maysoû de Moungay. Lesaffre qu'ey yoén, qu'a lou balans, l'estrambord e la fé bertadère. Que bien de coélhe û sarrot de yoens qui-s soun couneguts aus offlagts yermanics e adare que s'y hè tant qui pot au ras d'aquets yoens estudiants. Qu'ey atau qui gn'aute cop èrem coumbidals dens û cercle dou Bbard Sent. Miquèu. La Respelido, soucietat dous darrigats de Proubénce, qu'y parescou dab las soues cantes e las soues danses. Ue coumpatriote de Gascougne, Mêle Caillebote, qu'en cantè ue e que calou que lou bergougnous biarnés que digousse quauqu'arré, que s'en tiré dab lous bers de Simin Palay : A la Coupe Santé, tringade dite à la Ste Estèle de Beziès (1927). U cop gourgueyade la pouesie, que la calou tradusi, e aquiu, hòu ! que-m apercebouy que n'ère pas aysit : Ne poudouy ha de mench que de mequeya. Lou papè que s'acabe. Enter dues e très ores coum èrem au café, las sirènes que-s soun boutades à brama ; Lou cèu qu'ère tout blu, lous abious anglés que-y passaben, lous canous que periglaben, e que poudèh hède la claqnère dous obus coum flocs de la blanque... YAN DE MOUNGAY. �— 14 — RECLAMS DE PERQUIU Permou dous presounès noustes. Riais, de mey en mey riales, las noubèles dous amies esbarrits en Yermanie. Oun soun, lous abats Cantet, Lesbordes, e lous gouyats dansadous de Baigts ? Poques noubèles. Toutû, Andrèu lou hilh caddèt dou Capdàu, qu'escriii cade mesade, Marcel de Saint-Bezard (qui seré poudut tourna) e Catelan que perseguéchen la loue obre caritatouse au miey dous auts presounès e Pèy Massartic, fldèu de l'obre, maugrat que sie loegn dou païs, que bien d'embia la soue coutise au dinerè. Bréfeil, tabé, que demandabe libes, e mous de Marrimpouey que l'a hèyt mandadis de las obres de Lalanne, de Lacoarret, etc. La nouste pensade amistouse qu'ous acoumpagne. L'ensegnamén de la Léngue mayrane. Coume at digoum dens lous Reclams darrès, l'ensegnance nouste qu'ey balhade à Pau. L'Enspectou d'Académie, Mous de Labatut e l'enspectou primàri Mous de Leglise, qu'où daben l'abourride. L'obre qu'ey gahade au pè ; ue coumissioû que dara las endiques necessàris dens lou Buleti dou Coumitat unibersitàri e deya qu'y poden léye : Ue istòrie dou parla nouste per M. Henry proufessou agrégat ; Endiques de granmatic per nouste counfray J. Courriades ; û Boucabulàri e estùdis de textes biarnés, tribalhs adoubats pous mèstes Y. Eyt et Yan de Tucat. D'autes mestes : M. Ebrard, de Pau, proufessou au Lycée, M. Darramoun reyént, et Mêle Palu, proufessou au coulèdye de Pau, que daran la loue ayude. Bole qu'en àne ! N'auran doungues pas tribalhat endeballes despuch de 1890 quauques amies doun lou peu blanquéye, sounque l'exémple dous qui soun cargats de l'ensegnamén que sie lèu seguit en Bigorre. Armagnac e Lanes. La Federacioû de las,Soucietats de Biarn e Gascougne. Aquéste prime de 43 la Soucietat de Sclénces e Arts de Pau que decidabe d'aplega en federacioû las coumpagnies sapiéntes de case nouste, ço qui bòu dise las de Bayoune, Dacs, Tarbe, Bagnères e Auch. Lou presidént, Mous de Ancely que demandabe, per létre dou 8 de mars, au nouste Capdau, que l'Escole Gastoû-Febus se yuntèsse aus qui, en Gascougne, tribalhen à mantiéne lou sou esperit e la counechénee soue. Simin Palay qu'abè l'agrat de respoune qu'èrem per abance dab lous qui abèn décidât l'Unioû. Toutu que pregabe à Mous d'Ancely d'aténde quauque tems ; que boulé parla-n aus gabidayres de l'obre. La que'sti'OU que sera susmetude au Counselh de l'Escole qui deu amassà-s lou dilûs de Pentacouste. Encoère lou Crabè de Mugroun. Mous de Daugé que-ns esplicabe Faute cop quin l'abat Meyranx, decap à 1908, s'ère dit lou pay d'aquére cansoû ta poupulàri per Biarn e Gascougne e counechude de bèt tems-a. Se calé probes nabères, n'abém qu'a aubri l'Armanac de la Gascougne de 1901, à la paye 63, que bederam GuUhot lou crabè, paraules e musique coelhudes per Adrien Lavergne. Qu'abém encoère entenut dise qu'au coulèdye de Bagnères lous escouliès que la cantaben decap à 1875, mes que l'aperaben Lou Crabè det Cantoû, coum au parsâ d'Aulouroû tabé. Mes tout aco nou-ns aprén pas qui l'a hèyte. �— 15 — Lou teàtre nouste. Despuch qui s'y hèn drin pertout ta hourni de que an Secours. Naciounau e «colis » aus presounès p'ou mouyén de representacious e distraccioûs sanes, reaies que soun estades las « séances » recreatibes oun nou s'y aye yougat ue coumedie de nouste ; que s'y a poudut coumpta coum aco mey d'û centenat de brespades oun la yoenésse a pourlat sus l'empount tout ço qui an hèyt P. Abadie (La Mourote, Caddetou, etc.), Castèt (L'àsou embrouchoat), Camelat (Lole, Griset nouste), Yane de Mauco (Lou bounur qu'ey à case. Lou bilhet de permissioû), Moulia (Yan de Latuque), C. Daugé (Lous tiquets de la Gatinoun, Lou Bartè), S. Palay (toute la triène ou quàsi), Sansou (Las aygues de Bloussoun), R. Escoula, Geoffrin, Cazenabe (pastourales), etc. E pertout lou téàtre nouste qu'a hèyt mirande ! U councours escoulàri. L'Assóuciassiou familhau d'Orthez que bién, permou de la « Your-. nade de las mays », de ha û councours de'léngue mayrane, doun an poudut courridya 38 coupies d'escouliès dous coulèdyes de la bile e de l'Escole libre de Castetarbe. Que calé escribè ue létre au pay presounè en Alemagne. Lous prêts, de counsequénce, qu'èren balhats dens ue sale de l'estanguet Moulia, oun abèn serbit û brespè aus maynals : A Orthez, brès de l'Escole Gastou-Febus, que s'y escad toustém mounde d'eley, amies de la Terre biarnése. Capbat Bayoune. Aquéste 24 d'octoubre de 42, à l'Académie gascoune doun lou capdau perpetuau ey Mous de Oyarzun, que celebraben l'arcoelhence coum mémbre de l'académie dou nouste counfray e amie de Febus, l'istouriâ R. Cuzacq. En aquet perpaus, mous de Rectoran segretàri perpetuau e lou recipiendari que prounounciaben û parelh de discours qui èm hère urous de publi.ca. Permou de F- MistrauNouste sapiént coullabouradou, lou proufessou G. Rohlfs, que-ns escribè Faut die que hasè augan, à T'Unibersitat de Munich, û cours sus la Mirèio de Mistrau, dab lectures e birades dou pouèmi p'ous sous estudiants. E, adentour de la soue cadière ensegnadoure qu'en counde ue sichanténe, bint gouyats e quarante gouyates. Beroy aco, eh ? Adentour de « PArmana prouvençau » de 1943. N'ey pas sénse bêt agradamén qui passabem coum touts ans l'Armanac qu'en 1855 Roumanilhe hasou espeli permou dou gay e dou soulas dou pople dou Mieydie. En 89 ans, lou lîbe, qu'ère emprimat d'abiade per la case Aubanèu d'Abignou, e per escas, e bounureméns, apuch qui ère yessit de d'autes prémses que s'en tourne ta la maysoû doun lou mèste ey l'arréhilh (si crey) dou pouète de la Miôugrane. N'èy nat besougn de dise se tout aco ey à l'aunou de l'emprimayre e tabé de René Jouveau qui a ligat lou hèch. U floc causit de crouniquétes, de bersets, de fahtesies, de soubenis sus lous anciens Paul Arène, De Ricard et Donnadieu, e coundes dous beroys. Que y parlen medich dou Biarn. Ue paye qu'ey goardade ta Mgnou Jauffre't qui hou abésque de Bayoune. Quauques caperâs que-s broumben lhèu qu'en tourneyade pastourau qu'aymabe qu'où mentaboussen lou bèt cèu de Proubénce d'oun ère bîengut. — Qu'ère, si crey, badut au ras de Marsélhe, �— 16 — N'abè pas encoère toucat à la Terre biarnése, e lou Buleli caloulic de Bayoune dou 30 de mars de 90 qu'où liasè la soue pla-biengude en proubençau : Tu que vènes de Prouvènço Per semena lou bon gran Dins noste Bearn jito la semènço, Lis espigo granaran. U cop qu'ère arcoelhut en Arête, dens la bat. de Baretou p'ou président dou counselh dous marguiliès, Henric de Pellissou, e agradat d'ue pouesie en léngue de Mistrau. De qui poudèn este aquets bèrs ; en ère l'autou l'Henric qui abém counegut, courredou de yocs flouraus ? Proubable noû. E seré labets de quauque proubençau horenidat au diocèse biarnés ? Lhèu, encoère, eau cerca l'autou dens quauque amie que lou medich Felibre de Baretou abou en Proubénce, Yan Mounné, dab qui ère ligat d'amistat ? U counfray dous noustes, quoan seré l'Esbagat, que pouderé hica drin de luts sus aquére hèyte. Au medich armanac, lou Cascarelet qu'en counde ue de l'abat Bessou. Que-ns escusaran d'en hourni gn'aute qui credém de las bounes. Aco que-s passé dens lous tems oun la pudénte poulitic dauneyabe, en France. Lou canounye Bessou, qui n'ère pas sénse enemics en Rouergue, qu'abou quéhos dab la yusticie de Bilefranquc Bèt escabot de testirnònis que sayèn de carga de bergougnes aquet brabe hilh de paysâ, aunou, glòrie de la Patrie, Coundamnat, que hasè apèu à la Cour de Mounpelhè. Que parescou, doungues, daban lou Tribunau, cap e cap dab la soue biélhe goubernante. Que s'en mancabe que housse beroye, aquéste, e de mey qu'abé la figure yaunasse e plapade de lendies. Au presidént qui l'entourrougabe, lou canounye Bessou de claba-u dab aço : E credèt, moussu ou yudye, que per ue tau escudèle de lentilhes, qu'abandounari lou me eretadye en Israël ? E, coum pensât pla, la cour de Mounpelhè que l'acquitabe... Lous qui s'en ban : Daune F. Mistrau. Despuch lous trénte ans de la mourt dou mèste (25 de mars de 1914), la soue béude que perloungueyabe quauques arrays dou ciri dou cantadou de Mirèio"; e, de Malhane enlà, que seguibe l'obre dous disciples, qu'ous arcoelhè medich dab aunou quoan coussiraben ; que boulé pla soubienê-s de l'arcoelh qui l'ère estathèyt en may de 1901 à Pau, per Adrien Planté, la municipalitat e l'Escole nouste. Tant qui poudou qu'anè ta las hèstes oun celebraben la glòri mistralénque. E are, se lou soû cos droum au ras dou soû marit, la soue amne qu'ey aus Palays celestiaus oun lous de la "boune ley se soun amassats dens ue immourtau Ste Estèle. Lou 6 de heurè ue palmounie que la s'empourta. Qu'abé 86 ans. A las aunous qui l'erèn hèytes, lou dòu qu'ère miat p'ou sou nebout, lou capouliè F. Mistrau. Lou Canounye Fassy que-y digou la misse mourtuari e que parlé de la nouble béude défunte. Felibres de toats estréms que y'èren bienguts ; lou Goubern qu'ère représentât per M. Piton, préfet dou Vaucluse e lou sost préfet d'Àrle. Hèyte esmabente, la bielhe gouye dou menadye, la Marie dou Poêle, coum l'aperaben touts, que seguibe très més apuch, la soue daune: qu'abé 76 ans e qu'ère despuch mey de 40 ans à la maysoû... La mourt nou s'estangue. Que pregam lou Capouliè Mistrau e la parentat d'agrada las noustes respectueuses coundoulenccs. L. R. �— 17 — LOUS DEBIS I MEMORI SUS LA BITE DOU PRESOUNÈ à l'Oflag XB per Yorli LAFOSSE (batalère hèyte à la Facultat de Létres de Paris) Lou presounè que saunéye chens fi ne cès de la Patrie loegntane. L'espérance dou die benedjt oun pausara lou pè sus lou sòu de France qu'où da hourtalésse e que l'acounorte. Hens la bère Patrie ta beroyeméns desparière, la soue pensade que-s boute en cèrques dou cournè oun ey badut, oun hou maynat, puch gouyat. Qu'ey Francés mes tabé, se eau, Bretoû, Bàscou, Proubençau, Gascoû... Que saben quin agrade au mounde d'ue medvche proubincie, autalèu qui-n soun esbarrits, d'amassa-s enta batala de causes de loue. En plé Paris, lous de las Proubincies b'an las loues amassades e las loues soucietats amistouses ? A l'Oflag XB que poden espia tout die sus tros de papè estacats à la paret d'ue barraque : «Réunion des Tourangeaux, Vendredi à 10 heures» ou encoère «Réunion des Auvergnats», etc.. N'èm que quoate dou Mieydie à la crampe 9. Dus que soun moundls de Toulouse e que hèn brouni lou francés coume s'ou cant de la Garoune, mes n'an queha coum hère d'omis de bile dou lengadye e de las tradicioûs de 'lia loue Race. L'aute qu'ey lou qui m'aprenera la noublésse de la m'.iQ parladure gascoune, qui-m hara coumpréne lou nouste enyenie de mounde dou Mieydie e me debisara de la nouste Literature suberbère. Yan Lesaffre qu'ey lou soû noum; qu'a la fine care d'û Biarnès, e que l'abèn subernoumat « lou nouste Henric » au tems oun amuchabe Ue barbe abantadyouse, mes qu'ey tabé lengadoucià per la soue souque de famiIhe, e la soue gran counechénee e la soue amou de la c^bilisacioû nouste que hèn que pod parla de toutes las Terres d'O. Coum m'ayérgui à la yasse apitade au-dessus de la soue qu'abém ballèu l'escadénee de debisa dou nouste brabe païs, e qu'endebini en Lesaffre ú cap qui porte dab et û noble ideau. Lou soû qu'ey tescut de fieretat e d'amou tau Bé lenguistic, literàri e culturau dechat p'ous qui an biscut abans nous auts à Case nouste, de la boulentat arderouse de non decha deli de taus richésses dens lou desbroum e de las ha praba, au countre. en hèn baie l'enyen!« de la nouste Race. Aquet ideau qu'ère batisat dou noum de Felibridye e que trobe lou soû simbèu dens lou culte ferberous que Lesaifre a boudât à la memòri de Mistrau, cantadou de la Proubénce. Lou pourtrèyt dou pay de « Mirèio » qu'ey au cantè d'aunou, au miey de las fotos de case, au cap dou lheyt. Que-m mench-hidàbi de la balou de la Léngue permou qu'abi parlât gascoû dens lou me petit endret de Couményes oun me souy neurit gouyatot. Toutu l'ensegnamén ouficiau à l'Escole prumère, puch à l'E. P. S. e à la Nourmale nou m'abèn yamey hèyt counéche las soues nobles arredits, nou-m daben nade endique sus la s;oue dignitat, nou-m iniciaben à la soue �— 18 — Iiterature. (En France, qu'enségnen à û Gascoû tout parié coum à û Flaman) coum se l'Unitat naciounau abousse quauqu'arré à cragne dous estùdis sus las cibilisacioûs proubinciaus e l'esplandide de l'enyenie pròpi de cade proubincie. Lesaffre que m'enségne aquére luts. Qu'at hé, en pruméres, coume èm à prouseya-ns dens la crampe, toutû que la plouye chourréye débat dou cèu grisous dou Hanovre, qui-nse balhe lou regrèu dou sourelh de Proubénce e dous cèus pirenencs. Puch, sus la pregàri de quauques amies, rèyte d'escriuls, aperan soulets lous sous soubenis, Lesaffre que-nse desgusmère en quauques batalères lou camî hèyt per las Létres ouccitanes. L'escaboi, estret d'abiade. que prabe, hort d'esbagats entrigats per aquére amassade de mounde atenciounat que-s yunten curious permou que soun tabé dou Mieydie, medich quauques hore-bienguts de delà de la Léyre e doun lous ancèstres an dilhèu, que y-a sèt sègles, ayudat à la roéyne de Carcassoune e au sèti de Mount-Segu que s'embésquen au lusént debis e que s'asséden sus lou sable. Simbèu trebatént d'amistat, aquéres reunious de presounès qui-n escouten l'û d'ets qui s'essaye à rebiscoula à las loues aurélhes lou passai de la Patrie loegntane ! Atau Lesaffre que predique. Que parle de la parentèle de las léngues d'o, que hè û tablèu de las noustes Létres aus sègles escourruts e ta la Gascougne que balhe endiques sus Despourri e Nabarrot doun las cansous se canten encoère, e enflngues sus la Renachénce felibrénque. A l'entan, las counferénees qui-s debanaben dens las crampes qu'an hèyt eaidoum, e, are, grâcis au plâ-boulé dou mèste dou Cam, que-s haran dens ue d'aquéres sales qui serbéchen de refectori. Lesaffre qu'a poudut abé libes de France, qu'en proufiéyte enta persegui û ensegnamén segu, dab mantue batalère sus l'obre de Mistrau e ço qui n'ey de la Rebiscoulade en Proubénee, en Lengado e en Gascougne. Alau, que l'ey dat de mentabe, à la soue ore (Setéme de 1940) lou magnifie mandadis dou cap de l'Estat à Daune Mistrau e que-nse parle de la bite balénte e unide dou pay de Malhane; que passe mantu cap d'obre dous soûs, que ley obres dous soûs disciples publicades dens la Garbe dou proufessou aleman Karl Voretzsch... Aquiu qu'ey estrossemens amuchat dilhèu lou Païs incounegut, encantat oun èm g'abidats pou nouste coumpagnoû en las douces ores qui poudouren èste ta nous coum las mey leuyères de la nouste bite de captius. Mey tard, à la prime de 1941, ue bertadère Unibersitat que s'entinoue à. l'Oflag X-B, permou que proufessous d'eley nou-y manquen, labets Lesaffre que hè u cous de Grammatic e de boucabulari proubençau dens la loue parentèle dab lou Lati, lou Francés, l'Espagnòu, lou Català, l'Italien e lous autes parlas d'O. Aquet ensegnamén que-s debè mentiéne maugrat la malaudie e lou despartit dou proufessou, d'autes que gahaben la halhe e lous proubençaus, lous lengadouciàs, fous catalàs e lous gascoûs, que perseguéchen, à l'Oflag X-B lou plâ hèyt de bouta drin de charmatòri à las ores dous esbarrits en estudian la léngue de la Proubincie aymade, e en léye las obres dous noustes escribâs. E, ço qui ey de counde-ha, n'ey pas autant ço que Lesaffre e-ns aprén qu'aquet tesic arderous qui-nse bouhe d'entra nous auts medichs dens l'Oustau bastit p'ous noustes antics ta-y desnida dous noustes oelhs îlluminats las richésses las mey escounudes. Que causech sustout las soues �— 19 — mustres dens las Létres proubençaus qui lou soun mey counegudes, toutu que d'autes que-s toquen à d'autes autous, aus gascoûs doun saben meylèu lou parla. Aquet interès renabit ta la léngue de la proubincie b'a dens et medich ue bertut pusque-ns probe lous hourats de la nouste educacioû primàri, va que nou-ns esianguém d'auihous au sens mespresiu d'aquet ensegnamén dit primàri, mes permou qu'are qu'en bedém plâ las courtes bistes, quau que sie la maysoû oun ey balhade, toute culture literàri qui n'a pas à la sole l'estùdi de la Léngue pròpi e de la soue souque latine. Permou d'aco nous aufs nou poudèm tasta deplâ l'espagnòu qui estudiabem, lou gascoû de la nouste may e lou francés, léngue ouficiau, sensé garrapeta dinque à la hount roumane e proufieyta dous lésés de la nouste presoû e de l'ayude d'û amie proufessou de latî. Mes l'ensegnance, ou mey lèu l'apoustoulat de Lesaffre que-nse hè pensa en û suclyèc dous mey tesicous. Perqué nou pas estouna-s. qu'û Francés dou Mieydie qui a perloungueyat dinque à bint ans las soues escoles dens lou capdulh dou Lengado, aye tant per tant audit lou noum de quauques troubadous e lou de Mistrau quoan hore de France lous qui seguéchen estùdis segoundàris e saben ço qui n'ey de la Literature nouste ? Hère d'obres de Yansemi, de Mistrau, d'Aubanèu, etc. qu'èren birades en poulounès, en russe, en tchèque; qu'u rouman de FeUs Gras « Li Rouge dôu Miejour » que s'ey tradusit e benut, à milès d'exemplaris, aus Estats-Units: qu'ey sus la demande dous roumanistes alemans que lou prêts Nobel ère dedicat à Mistrau e que lous qui bolen de Mirèio ue ediciou dab esplics e coumentaris que eau que-s prenguen la dou proufessou aleman Kosclrwitz, que la Yermanie qu'enségne la léngue d'o en mey de trente cadières e que s'en y escad encoère en Suède, Italie, Espagne, Angleterre e Estats-Units. Aquiu dessus moussu-ou reyént e moussu lou proufessou nou permetèn que lou « patoès » coum l'apèren, se hesousse audi à l'escole. Que parlam d'û passât. Qu'en ey de las darrères circulàris qui dan lésé aus méstes d'abia l'ensegnance dous parlas noustes ? Souheytém qu'anan, chic-à-chic e seguraméns. que beyam lèu de taus estudis en aunou en Gascougne. Lous libes nou manquen mey e n'ey pas aus leyidous dous Rectams qui èy à mentabe lou Dlcciounari de Palay e « Du Gascon au Latin » de Y. Bouzet e Th. Lalannc. Que lous qui poden e at bolen e pousquen recébe ue culture classic. Comme aco nou-n seram mey aus plans e countre-plans. Mesclats à la bite dou pople que crubaram la flerretat dou passât e de las tradicioûs. L'estacamén à la proubincie nou hè pas mey de mau au patrioutisme que l'amou dou larè. Qu'ey de la terre mediche, si disè Isabelle Sandy, qui deu biéne lou saubamén, dous omis... nou cèrquen doungues en de praubes declaracioûs poulHics l'esdressemen necessàri; lou segret qu'en ey dens lou pregoun de las proubincies, oun, hore dou batahôri dou sègle, espeléchen encoère las amnes ». YOHLI LAFOSSE. �— 20 —> II Arcoelhénce de Mous de Cuzacq â l'Académie Gascoune de Bayoune (24 d'octoubre de 1942) Debis dou Segretari perpetuau P. Rectoran Ca mèste e counfray, Mantruns esprits chauchouns (n'en y manque pas à Bayoune) que s'en ban en disén de touts coustats que à l'Académie gascoune qu'y a de toute yént en dehore dous Bayounés. Aquets truque-resouns ne-s rènden pas coumpte que si n'y abè pas sounque lous Bayounés per mantine en aunou lou nos gascoun, qu'y aure bèt tems que la darrère paraule gascoune bayounése aure passât l'aygue débat lou pount de Sent-Esprit. Siyi coum siyi, que poden aflrma ibe cause : que n'y a pas un Bayounés qui ayi, me que bous, loil dret d'entra dens le noste coumpagnie. E aco per très resouns d^feréntes : Premèrement, pramo qu'ets dou pèys bous e lous bos. Sigoundament, pramo dou trabalh terrible qui abets hèyt per nous ha counéche le noste bile e, en tresau loc, pramo qu'abets balhai les probes qu'aymats le noste broyé citât autan, sinou me que fort de bertadès bayounés. Qu'èy dit, ca mèste, que bous e lous bos qu'èren de noste. Ne bouy pas sounque râpera aci la memòri dou bos gran-ouncle Pèy Cuzacq qui, dens le sou demore de Beaudonne, à ïarnos, a tant escriut sus lou pèys de Bayoune e sus le sou istòri, mès que bouy encoare dise que, bous tabey, qu'èts de noste. Qu'èts dou pèys d'Amou (un broy nom, siye dit en passant) e si aquet pèys d'Amou es chic counechut dous Bayounés de oey, qu'en ère fort mé d'ous de d'auts cops. En d'aquet tems (que bouy parla d'aban la Rebolucioun francése) ne counechèben pas lou camin de hé ni les autos. Lous camins e les routes qu'èren en fort méchant estat,e lous transports routiès (com lous apèren adare) n'existaben pas. Mès qu'y abè ibe bère route fort me emplegade que n'en es adare, qu'ère le route de l'aygue, qu'ère l'Adou, lou nos bèt arriu. Dab l'Adou, Bayoune qu'ère en coumunjeacioun dab tout lou haut pèys despuch Sent-Sebé e lou bou pèys de Chalosse ne hesè pas faute d'emplega aquére bère route per nous embia lous bins dount Bayoune hesèbe un ta gran comèree. Aquets bins qu'èren embarcats au pèys d'Auribat ou encoare à Hinxe, à Dacs, dens lous chalibardouns qui nous arribaben carcats à bloc e dount les carguesouns partiben dou port de Bayoune per lou pèys de Flandres e d'Angleterre. E qu'es atau que lou nos pèys bayounés ère toustem en relaciouns dab lou bos pèys d'Amou. Lou qui a le curiousitat de houruca dens les archibes que pod s'en rénde coumpte. Mes l'istori bayounése que nous aprén tabey que pendén fort d'anades le noste bile qu'es estade ligade dab ibe familhe de boste, que bouy parla de la familhe dou marquis d'Amou, louquoau marquis estou quarante ans à Bayoune, lou representèn dou poudé com loctemént dou Rey. Maugrat que siyi estât un chic arregagnat, à momèns, countre lous nos còssous, aquet marquis d'Amou que debè esta aymat dou puple puchque �— 21 — Pèy Lesca, lou porte-paraule de le praubumi que defendèbe, com t'at dits et medich : Lous qui nou saben arrey Que s\i en mau que si en bey, Qui dab péne atrapen lou hum De ço qu'aperam sens coumun. Pèy Lesca que parle dou marquis d'Amou dab beneracioun dens le sou « Cante à l'aunou de la nachénce dou Dautin » hilh de Louis XVI : Lou nos benerable marquis, Ayudat de mous de Caupène, Coum nous que cante ; Bibe Louis ! Bibe lou rey ! Bibe le rêne ! E n'y abè pas sounque lou puple qui aymabe lou marquis d'Amou, mès tabey le bouryesle. A l'occasioun dou soun maridàdye, en 1740. lou Cos de Bile que balhe lou nom de Gamin de Yan d'Amou (mé tard boulebard) à le carrère qui miabe à le sou prouprietat, le quoau ey encoare au ras dou passadye à nibèu, de Yan d'Amou. Mè tard quènt abou ibe hilhe, le bile qu'abou l'aunou (dens le persoune dou mayre) de Une mamisèle d'Amou sus lou batistère e de l'y balha lou petit nom de Bayoune. Lous Bayounés qu'an d'aulhou counserbat piousemén lou soun pourtrèt. Capbat 1840, lou counselh municipau de le bile de Sènt-Esprit qu'abou l'idée de chanya lou nom dou camin de Sènt-Esprit. Lou mayre de labels, Dabit Rodrigue, qu'abé présentât un plan d'eslaryissemén dequet dit camin. Lou Counselh qu'en abé auchut tan de gay que prenou la decisioun d'apera Dabit Rodrigue, lou camin de Yan d'Amou. Mès lou puple, me aymadou de les tradiciouns, que nou pas lous qui lou diriyaben, que mentinou Pancièn nom. Yan d'Amou qu'ère e Yan d'Amou qu'es damorat. Vox populi, vox Dei. Be poden dise, après aco, que lou bos pèys e lous qui soun bincuts de lahore ença, n'èren pas counechuts dous Bayounés ? Ne crey pas que pouchquin sustiéne aquére cause. Toutun dinqui'adare, lous Bayounés que se soun chic coupât lou cap à legui Fistori de le bile. Que eau dise tabey que, dens les escoles, ne n'an pas yuste brigue entenut parla. Adare, lou bènt qu'a Fèr de bouha d'ugnaut coustat. Qu'an gahat lou berdigo dou Regiounalisme. Qu'en y-a de fort qui s'interèssen aus ahas de d'auts cops, à las coustumes, les danses, le musique e tout ço qui s'en seguich. Eh dounc, que crey que s'en y a un qui a trabalhat per ha counéche aus Bayounés lou tems d'auts cops, qu'es bien bous, ca mèste. Ne bau pas entrepréne de balha lous titres de touts lous oubradyes, escriuts, articles de prèsse qui soun sourtits de le boste plume, que seré trop loung. A tout bord qu'abets hèyt bous medich un repertòri de tout ço qui n'abets pas hèyt emprima en boulumes e, aco sulemén, que seré precius per l'estude de Fistori e de les coustumes dou pèys bayounés. Hore d'eco, que citerèy au hasard : tout d'abord lou bos oubradye de létres missibes dous reys e de les reynes adressades à le bile de Bayoune, oubradye oun lou nos countray Josèf d'Etchepare a tabey lou soun mérite. Qu'es lou bertadè Corpus oun se retrobe l'imadye de le bite bayounése à trabèrs lous siècles de le reyautat. Libe dens louquoau lou leyidou pod se rénde coumpte, cla com l'aygue, de ço qu'ère la petite republique dous Bayounés au mitan dou puchènt reyaume de France. Que parlerèy encoare dou bos « Panorama de la Literature bayounése», trabalh qui n'ère estât yamès entreprés dinqu'à bous e que lous Bayounés an leguit dab tant d'interès. �En darrères, enço qui toque les coustumes, que nous abets parlât de le Pamperruque, ta bayounése e ta chic counechiide à noste. Mès ço qu'ès sustout remarcable dens le boste obre, qu'ès le boste precisioun, le boste counsciènce de balha les sources ount abets putzat tout ço qu'ensegnats e aquére qualitat ne pod pas esta balhade à touts lous autous qui an tretat de l'istòri de Bayoune. Ah ! que poden dise que si le poussière s'ère amassade sus les nostes archibes au cap d'anades e anades, que b'èts carcat de le segouti e toutyour que lou boun Diu hèy, que sourtits de l'oumpre : dates, fèts, ebènemens dount l'istori seré estade à tout yamés enterrade si ne b'èrets hicai à houruca dens aquére carrère dab toute la boste yoéne actitoitat. E qu'ès aco qui-m hèy dise que si abets tant hèyt per lou nos Bayoune, qu'es pramo que l'aymats autant com si y'èrets badut. Diu boulhi que touts lous Bayounés l'aymin autant com bous. D'auts cops, aban la Rebolucioun de 89, n'ère pas Bayounés qui bouJèbe e que calé esta recebut dens la communautat per abeche lou dret de besiadye. Eh dounc, si abèbets bibut en dequet tems, .qu'es d'en-pley qui-ts aurén balhat lou dret de tse dise citoyen de Bayoune. E, qui sab, belhèu que b'aurén portât lou bos brebet, solennemén ente case, lou cos de bile en raube roudye, escortât de le garde bouryése. E com en d'aquet tems ne counechèben pas les restricciouns dens le pastisserie, qu'aurén belhèu hèyt com à Pèy Lesca, que-ts aurén portât un bèt pastis en recoumpénse. E bous, en franc gascoun com t'èts de segu un chic gourmand, qu'aurets remerciât en pensan entre bous medich : Autan de gahat ! Siyits dounc lou plan bincut, ca mèste, e credets qu'à noste n'aurats pas nat trebuc si n'abets auchut aulhou. En esperan de poudé un your tse recebe en un ouslau qui siyi bien à nous que-b disém dou houns dou co : Merci d'abéche bien boulut ts'interessa à las modèstes obres de l'Acadé mie gascoune de Bayoune. RESPOUNSE DE MOUS RENE DE CUZACQ Moussu lou Directou, Moussu lou Secrétàri, Messius de l'Académie gascoune, Mèstes e counfrays, Lou mey co que gahe drin le barloque on boulé-b disi lou mey debis d'usadye Toutu que-m eau, e que bouy, dàb hère plasé, crida enta touts bous auts le mie grane recounechénee : segu, qu'es auta pregounde que lou noste gran arriu douquoau lous pesquedous de Mousseroles n'an yamey bis lou houn. Qu'èts, Messius, com û parterre oun les mey broyés flous de le noste terre soun flandides au casau bayounés : qu'en y a de toutes les coulous, èrbes hortes ou luséntes, estéles samiades au miey dou sourelh. Toutes adarroun que hèn û bouquet, û bouquet de Bayoune, lou maye bouquet dous capdaus de toute mode e de toute espèci qui esclaréyen au cèu de le noste bile. Au dehén de le boste coumpagnie, que crèdi qu'èy hort d'amies : qu'en demandi perdoun au boun Diu e ad eths touts amasse, si oey ne-m bouy soub.'iéne sounque d'ibe cause : per lous bostes sufradyes chens nade excepeioû, débiencut de tire lou boste counfray que souy, cap e tout, de l'Académie gascoune de Bayoune. A touts lous meys discuts counfrays, que hèsi lou mey gran salut en tiran lou mey berret dou cap e en b'arremercian de le mie eleccioû. Dab bous que saludi le noste Coumpagnie ta près de bous le cansoun gasconne de Bayoune e le cante gascoune tant �— 2S — pla i cnoumade e dab tant de bertat. Que serèy, you tabey, un tribalhedou tout court. Qu'es aci le yuste e bertadère glori de noste Académie. Que-m bouy tabey bira-m enta lous nostes counfrays, quoaus dempuch quinze ans, an gahat lou camin de Tosse. Qu'en abi counechut hère, de le boste cloucade, qui: dromen adare au segrat : Aqui tapauc n'ey besougn de disi nat nom. Lous qu'a aperats lou boun Diu, lous qui damoren dab nous, lous qui bieneran doumâ, touts ne soun que pèyres e rouchès, touts amasse estacats d'aquet gran moun que le noste coumpagnie a tan urousemén bastit sus Bayoune e le noste Gascougne. Jou tabey que serey û petit e hort calhau dequere mountagne gascoune. Segu n'arribi pas deban bous las mâs goéytes. Ne-m deroumbe pas qu'ey pleteyat à la mie fayssoun ta le noste lencou e ta le noste bile tant broyé e tant aymadouse. Belhèu, double-ban ! que souy estât d'auts cops secretàrï d'ignaute societat. Desempuch n'en abi bis nade ni boulut bède nade. N'en souy que mey flèr d'abéche estât aperat per bous e qu'y demouri hère sensible. En m'assietan sus la cadéyre que-m balhe le boste gràci, ne bédi deban jou que fautulhs hère plan aprigats e yent d'aunou. Pramou de tout aco que-b disi encoère lou mey « merci, ». Ta biène enta bous qu'ey dachaf aquéste cop darrè le porte lou mey gascoun de case, e que-b ey passa* lou boste, lou gascoun de Bayoune. Bertat que soun Pu e l'aut com dus rays ou dus pariouns. Que crèdi, medich, qu'ey escribut ibe isloère de le boste lencou e dous soûs mayes escribassès. Lou mounde qu'y a prés tant de plasé que, dèts diyes après, lou libi abè gahat lou soun esparpalh capbat les arrues e les maysouns de Bayoune : per u cop, praube de jou, n'en pouch pas segui lous meys oelhs. Quigne probe, messius, dou boste tribalh e de le boste yuste existence ! Capbat lous sècles, Bayoune. bile gascoune, e lou gascoun de Bayoune damoren deban lou co dous brays Bayounés, sus les plaques blues dous nostes « cantouns » tabey au miey dou gran Adou e de les soues tilholes. Lou noste tems que pod boulé tout muda e arrebira : d'ibe mode ou d'ignaute, tout aco que dechera le soue maye merque, aquet cachet qu'ès ta hort e ta pregoun qu'arré nou pouyra lou desfaça ou l'enlheba. Lous pouricots seguèchen tustém le clouque, atau que disen per noste. Per jou que souy nescut e qu'ey biscut hère anades capbat les costes de Chalosse: lou mey co que-y pénse tustém mey qu'un drinot. Mes pramo dou pay, les Lanes m'an-bis soubén decap l'Arrioun ou d'enta Beyloungue, end' aquére countrade au miey daus grans pins oun lou gascoun negue cante com per aci lou sou ramadye. Mey près d'aci encoère, à Tarnos, lou mey gran ouncle Pèy Cuzacq, qu'ère deya autan de le boste bile que dou besiadje hère counechut dou boste mounde : qu'a escribut libis sus Bayoune e les Lanes. E jou medich mey tard... Au mey tems, que souy tabey biencut en le boste bile per le mie bitebitante, despuch l'an de dèts e nau cents bint e sèt, juste quinze ans deya, au permé d'aquéste mes d'octobre. Qu'ats bedet, messius de l'Académie gascoune, que souy autaplan Bayounés que Landés. Bayoune tabey qu'ey debiencude enta jou ibe cause auta bey aymade que Marpaps, Amou ou lous meys petits biladyes e bourgs de Chalosse. Bayoune ! Qu'ès prou de dise aquet nom, ne-m eau pas mey debisa, « Bayoune qu'es Bayoune » atau parlèbe d'auts cops lou mounde d'aci. E lous Bayounés qu'èren fièrs d'esta sounque Bayounés. Hilhe de le may Gascougne, mes hort biste bère daune au sou tour sedude au bord dou gran Adou, cintade dou sou corset de pèyre per lou Vauban, Bayoune embiye tau bèc dou cèu lous dus mayes duchés de le soue catedrale. Les mey broyés damisèles dou mounde e de l'Urope — com disen adare — �que-s passéyen debatch lous sous arcèus e lous sous gouyats nou bachen lou loue pabilhoun deban arrés quoan joguen au « fot-bal » ou quoan tiren sus l'abiroun. Gran pourtau dou païs dous Bascous oun bouten tabey lou berret s'ou cap, tant près de le ma brounidènte de Biàrris, Bayoune qu'estén encoère lou soun array sus Capbretoun, Hossegor, e les Lanes. D'ibe part l'Adou obre lou camin de le Chalosse, d'ignaute que porte dempuch toustém les granes carrétes qui ban sus l'aygue e que lous Franchimans apèren « nablres » s'en ban atau, à ço que disen dinqu'aus Amériques en passan pr'ou Boucau ubèrt pr'ou Louis de Fouch. Tabey plasènte e balènte Bayoune qu'es amistouse autapla que Ion Biarn amie. Hèn lou noste païs de France, Bayoune qu'es atau ibe reyne, e ibe grane reyne. Mes de le soue couroune qui lusech au sou frount, qu'a le noste Académie gascoune, Messius e Counfrays, l'ibe de les soues mayes perles e l'û dous sous mey esclareyans diamans ! RENÉ * CUZACQ. rf PUNTS D'ISTORIE Lous Segnous noustes (seguide) Yan dou Bordéu, boeyrie d'Assoû, dou parsâ d'Arthez, oey Arthezd'Assoû, à l'endret oun ey bastit lou castèt de las Horgues ou d'Angosse, qu'ey soubén noumental lou capitèni Poqueron, Pocqueron, Pocoron ou Poucouroû. Sourdat de fourtune, debouat cap e tout à la Reyne Yane, que youga û ròlle mayourau en Biarn au téms de las guerres reliyouses. Au coumençamén dé 1569, qu'esté embiat pou loctenént-yenerau baroû d'Arros ta La Rochelle aberti la Reyne dou suslhebamén miassan dous catoulics biarnés. Qu'ey barrât à Nabarrens dab lous sourdats proutestants pendèn lou sèti de 1569. Lou 31 de may, que sort de la place en bencedou. Après lou sac e la rediccioû d'Oriès, qu'ey noumat goubernadou de Nay per Montgomery. Que hè partide de l'armade biarnése qui prengou e brusla Tarbe en abriu de 1570. De 1575 à 1589, anade oun se mouri, qu'ey goubernadou de la bile de Nay e capitèni dou parsâ d'Aussau. Co-segnou d'Espoey e d'Asscû, que hé testamén en octoubre 1589 en fabou dou sou nebout Antòni dou Bourdèu, dit Antòni d'Incamps. Antòni d'Incamps, coum lou sou ouncle Poucouroû, qu'abé quitat l'arét ta préne l'espade e qu'abé sabut ha-s balé en aquets téms de destroubles. Segnou d'Incamps de Coarraze — qui nou eau pas counfounde dab la segnourie d'Incamps de Beneyac doun oey lou die lous c.astelas de Moumour porten aunourablemén lou noum, ■— que debiengou en 1589 segnou d'Abére d'Assoû, d'Abère e d'Aberat d'Espoey, dou castèt d'Arudy e d'autes locs. A la fî de mars de 1569, coum enségne dou sou béu-pay, lou capitèni Bertran d'Espalungue, qu'assegura daban Aulouroû, gracies a ue cargue arsecouse, la retreyte dou barou d'Arros decap à Nabarrens. Quoan Montgomery acababe de cassa de Biarn lous sourdats de Tcrride, Antòni d'Incamps, dab omis dous parsàs de Nay, Assoû, Aussou, que créa ue coumpanie doun esté lou capitèni. Qu'ère à La Rochelle en 1571 au coustat de la Reyne Yane. Capitèni-castelâ de Lourde de 1576 à 1609 coum loctenént d'Henric de Labrit, baroû de Miossens e de Coarraze, parent dous soubirâs de Biarn �— 25 — nou poudou empâeha en 1592 lou marquis de Billars d'arriba à Lourde e Arribère-Ousse oun Pountac, Barzû, Espoey, Gomer e, mey capsus, Yer, estén roeynats e Billars qu'aberé hèyt demanda à Antôni d'Incamps d'où liura lou castèt de Lourde; Antôni qu'aberé hèyt'aqueste flère respounse : « Lou Rey de Nabarre, lou me meste, que m'a counfiat aqueste place ta la goarda e noti pas ta l'a reméte aus sous enemics ». L'istourian DavezacMacaya qu'at a escribut, mes d'autes autous que disin que lou fèyt n'ey pas segu, segu. D'aquet téms e abans, de memòrie pergude, dinquie 1789, 35 parropies, — doun la d'Espoey, — amassades à mench de quoàte lègues, — lègues de Gascougne de près de chèys kilomètres, ■— dou Castèt de Pau, que daben à gratis boys ta cauha lou soubirâ, autan se bau de dise lou Coumandant dou Castèt. Pountac, en aquéres, que boulou, ère tabé, proufieyta dou flu de lègne. Las coumunes qui èren impousades per Pau que troubèn que la cause n'ère pas hasedère. Enta las emberbequi, lous yurats dou capdulh d'Arribère-Ousse qu'arrestèn é qu'encuyoulèn û ômi d'Espoey, gn'aute de Hours e gn'aute de Goumer. La hèyte qu'ère bèt drin escousénte e qu'ey abou grane susmaute en aquets bilàdyes. Lous yurats sustienguts à de bounes per Antoni d'Incamps que proutestèn auprès de la Goubernadouré de Biarn, Cataline de Bourboû. La serou dou nouste Henric qu'ourdouna la liberacioù chens retard dous presounès e que digou aus de Pountac lou 5 de noubembre de 1590 de renouncia à la loue pretencioû. Aquet abus de poudé dab la soue cessacioû que hé pensa à la fî de la hourniture de la lègne dou Castèt de Pau. Au mi.ey dou sègle X"VIIIau, coum lou car de lègne balè bint e dus sos e que lou Castèt ne recebè mey que de besougn, qu'esté coumbiengut que lous d'Espoey, au loc de balha quoate cars de lègue que balhèren quoate liures e oeyt sos en dinés. U Seryan dou castet de Pau nou manquabe cade an de-u-se biene coèlhe. Lous recebuts que s'apiélaben au cofre dou Coumû.Las parrôpies besies de Pau que countinuèn à pourta légne. L'anade 1789 que s'acababe è la qui debèn pourta lous d'Idrou n'ère pas arribade au Castèt. Lou Coumandant que la manda d'autouritat. Que recebou aqueste simple respounse : « Idrou, lou 8 dou mes mourt de 1789. Moussu, que-b hèm sabé que n'abém ni boys ni dinès. Leyit las leys de l'Amassade Naciounau, que-b estruira e que-b estaubiara lou clam... » Despuch lou Castèt de Pau nou reclama mey lou cauhadye. Lous d'Idroû, coum lous d'Espoey, qu'abèn sabut prouba qu'èren de boû péu. Antôni,d'Incamps que hé testamén à Bic-de-Bigorre lou 21 d'aoust de 1614 e que-s mouri chic après. Qu'abé balhat abans de ha lou darrè passacot la soue segnourie d'Espoey à Dabid de Batsalle, de Mourlâs, qui:, despuch de 1611, segnoureyabe, coum à-t abém dit, à nouste. La familhe de Batsalle, proutestante coum Poucouroû e d'Incamps, qu'anabe mesteya à Espoey pendén près de û sègle. Dàbid de Batsalle n'ey pas coum lous d'Abère, d'Aberat, de Trouguet, û petit segnou de biladye, reyterous, cargat de dèutes, dechan escourre lous intérès ans e ans, chic carculayre, bibént dous magres fruts de la terre. Qu'ey û riche marchand de Mourlâs, û ômi d'ahas qui manéye la mounéde à fanègues, acoustumat à chifra lous gagns e las pertes, drin péledinè, bertadè fourtunat atenciounat aus soûs rebienguts, toustém l'argoeyt dous boûs ahas. N'ey pas d'aulhous lou soul d'aquet escantilh à l'antic capdulh biarnés. L'Abat Puyo, hens lou sou « Rèbe sus la Noublesse de Biarn » dou sègle XVIIIM qu'a escribut : A Mourlâs, très marchctns qu'abèn heyt gran fmirlune ; La richesse à touts très que debiengou coumime ; Laforgue qu'ère Vu : faute Batsalle-Espouey ; L'aute Lamat-Hiala, qui, soul, subsiste oey. �—. 26 — Dàbid de Batsalle, enhastiat d'aryent, qu'ey ahamiat de terres nobles. Nou-n a pas soulademens en Arribère-Ousse, qu'en a tabé au Bic-Bilh. Qu'a croumpat, lou 14 de noubembre de 1610, per quinze mile cinq cénts francs bourlalès, las segnouries de Castilhoû e de Lahitote, las désmes de Castilhoû, Bordes, Arricau. Que sayara mey tard, chens poudé, y arriba ■— Ions Reclams qu'en an parlât, — de croumpa la segnourie dou Rey à Espoey e de negoucia la de Clerguet au hèyt d'Âssat. Qu'abé espousat damisèle Cataline de Voguès, serou dou segnou d'Assat, medeci ourdenàri dou Rey e qu'en abè abut au mench dus maynats : û hilh, Philipe qui sera segnou d'Espoey après et, e ue hilhe maridade au segnou de Riupeyrous. Dàbid de Batsalle que decha pou sou testamént lou 10 de yulh de 1632 chèys cénts liures au Counsistori de Mourlâs e très cénts liures aus praubes d'aquerebile. Lous d'Espoey nou proufieytén de nade déche : Dàbid que-u-s abè en grigne, sustout despuch lou proucès de 1625 à 1627 qui-u hén pèrde. (Béde lous « Reclams » d'aoust e de setéme de 1936). Philipe I de Batsalle que hé miélhe menadye que lou soû pay dab lous d'Espoey. Lous téms calamitous que hèn apressa lou praube dou riche e las misères que rénden brabes lous cos dus, si soun pla baduts. Philipe que segnoureye au téms de la Guerre de Trente ans. Lou pèys qu'ey aucupat per yents de guerre qui-n tiren lou de-que bibe ; las récortes que soun mâchantes; las empousicioûs, empoundades ; la misère, adarroun. Lou Coumû nou pot ha aunou aus sous ahas qu'en emprountan. En 1643, que déu da à Philipe per prest direct ou per substitucioû de deutes 1.856 liures e 6 sos tournés, soume qui labéts ère esbariàble. Maridat dab Corisande de Bassilhoû, qu'en abou au mench oeyt maynats qui prengoun lou noum de las soues segnouries. L'aynat, Pierre, qui demoura au Castèt d'Espoey, que s'apera d'Espoey ; lou dusau : Philipe, de Bordes ; lou tersau : de Castilhoû; lou quoatau : de Lalrtfole. Lous très darrès qu'estén auficiès au serbici dou Rey. Philipe que feni loctenent-yenerau e que-s rnouri sou camp batalhè à Friedlingen en 1702 (Béde lous Reclams de mars de 1940). Lahitole qu'esté aucii à Fleurus en 1690. Dues hilhes au mench que-s maridèn : Cataline, dab Philipe de Larquiè, que debiengou daune de Cantiran ; Louise, dab Jacob de Dufaur, segnou de Louboey près d'Artigueloutà. Pierre d'Espoey qu'espousa Madalène de Nabalhes-sus-Sent-Gaudens e, qu'en abou très maynats : Philipe qui debiengou segnou de Berrens, parsà de Nabarrens ; Paule, qui;-s marida dab Yan de Yasses e esté se_ gnoure d'Espoey après 1702 ; Suzoû, qui-s-marida dab Pèy de Colomès, abat lay d'Osse-en-Aspe. Pierre qu'abou las soues terres d'Espoey e de Hours counbertides en barounie en 1651. Que-s deshé de las terres nobles dou Bic-Bilh. La segnourie de Castlhoû e lous nus de Bordes qu'estén benudes en 1668 à Noble Yan de Belard. Pierre que hé l'abouacioû dous sous drets segnouriaus d'Espoey e de Hours en 1675. Que soun quàsï lous medichs qu'au téms passât e que sabém per aquet doucument de quin talh ère founciè. Qu'a bastiments d'abitacioû e d'espleyt, ue capère e û toumbèu à la gleyse tant ta-y esta enterrât que ta-y ha prega Diu — qu'ère proutestan — û casau, û piyouné, u bigne-beryé, cams, prats, boscs, lanes, très moulis e û batan, sie quoate-binfs yournades de terres nobles e quarante-cheys de terres routurères, en tout çen-bint-e cheys yournades ou bint-sept ectares de oey, la countienénce dou bé d'û gran paysâ de bitare. Noutém qu'aquet bé que s'ey achicat e que s'achicara encoère pusque eu 1789 n'ey mey que de sétante-tres yournades, ou quinze ectares. Pierre que-s mourech après 1685, dechan las segnouries d'Espoey e de Hours à la soue béude qui las bén au soû bèu-fray Philipe de Bordes. �— 21 — Lou Rey qu'a dat à d'aquéste la soue segnourie d'Espoey e Philipe que pot yustemén despuch ayusta lou noum d'Espoey au de Bordes. Que hournech lou denoumbramén dous sous drets qui ey rendut leyau en 1702, chic de téms abans la soue mourt glouriouse. Administratou abertit e brabe, auficiè d'eley, plâ-heytous, lous Reclams de mars de 1940 qu'an rendut yusticie à la soue memôrie. La soue neboude,.Daune Paule d'Espoey, qui a espousat de cap à 1696 noble Yan de Casamayor de Yasses, baroû dou dit loc, segnou de Jus, Castetnau, Camblong e autes locs, que-u remplace coum segnoure d'Espoey e de Hours. Per arranyamén au sudyèc de ue dèche dou soû défun ouncle, que balhe aus Praubes d'aquestes dues parrôpies las terres qui toustem poussèden en coumû. Que-s mourech en 1720. Yan de Yasses qu'ey recebut chibaliè au Parlamént de Nabarre en 1703. Lou lou hilh, Yaques, marquis de Yasses, badut en 1697, qu'ey noumat en 1721 Counselhè au Parlamént de Nabarre. La mediche anade, coum cretè dé daune Paule d'Espoey, qu'ey admetut aus Estais de Biarn en qualitat de segnou d'Espoey e de Hours. Qu'espousa lou 18 d'abriu de 1729 damisèle Adriane de Casaus, hilhe de Armand de Casaus, prsident à mourtè au Parlamént de Nabarre Aqueste que-u cède aquet aufici lou 19 de garbe de 1731. Yaques de Vasses que sinne despuch «Casaus de Yasses ». Que bén, per acte noutariat passât au Castèt d'Espoey en 1747, lou sou gran prat d'Adagoès de chichante-quoate yournades e mieye, sie quatouze ectares, à bint-oeyt paysàs d'Espoey per 8.940 liures pagables partide coumptant e partide à termi à Sent-Yan dab lous intérès escourruts au dinè bint (5 %). L'acte que porte de qu'a pla boulut amoudera lou capso ou dret segnouriau sus lods e béntes, qui seré début esta de 754 liures, è 200 liures pagades au coumptan « per las bountats qui counserbe toustém taus sous emphytéotes ». Aquet dise soul que hè aunou à la soue memôrie. Yaque de Yasses qu'abé mantue résidence : à Pau, au castèt de Loubie à Yurançoû, à Espoey, à Lus, à Yasses. Que-s mouri, abans 1758, dechan û soul hilh, Yan de Casamajor, marquis de Yasses, badut à Pau lou 6 de noubembre 1743, lou darrè segnou d'Espoey e autes locs. YAN DE TUCAT. LAS TRADICIOUS ansous de nau Darrè lou nouste hour Nau coucuts qu'en canten ; Canten tâ hort e tâ plâ, Nau coucuts qu'aurám doumâ. Nau qu'en dansen à Berdoû, L'esquiroulet qu'en hè lou brànlou; Nau qu'en dansen a Berdoû L'Esquiroulet qu'en hè lou soû. Nau roumiguétes qu'en dansaben) w Qu'en dansaben bras e bras, \ ? Las qui poudèben que sautaberi E you, praube. nou pouch pas. Per nau dinès qu'où boulém da, Tringuereyém-lou, tringuereyém-lou Per nau dinès qu'où balharém A Barragat, tant qui l'abém. Cpelhudes à Aryens en 1890, M. C, �— 28 — BESIADYES Lous set nebouts de l'ouncle de Bourdèu Tout yoenas, Ugène de Sarrat qu'abé quitat lou biladye. Enta bibe, d'autes cops, mey qu'adare que calé prijneya, coumpta, estaubia ; Talèu qui lous maynats poudèn esta plaçats qu'ous n'embiaben atau : « Bè l'en gagna ! ». Ugène qu'ère partit cap à Bourdèu. Mestiè, nou-n abè nat, mes qu'abé touts lous mémbres e bonne idée, que tribalha dounc ta gagna-s la bioque : Entau pèys nou-y tourna que Ihèu dus cops ta l'entèrrou dous de case. Que s'ère maridat e lou malur que boulou que s'abeudèsse de d'ore. Quin s'at batou après, lou praubas ? A miéyes toutu, puch-ya que s'abè amassât quauques sourilhots : L'aryént qu'aubrech carrère si disin, qu'at eau créde. Si l'Ugène malaudas e coucârrou s'ère troubat à l'espitau chense dinès, cregat que la parentat que l'aberé dechat creba loegn, tout soul. Mes, lou diable, p'ou pèys tque-s sabou de qu'abé hèyt drin de plégue. Labets, u nebout au nas agut qu'abou l'idée d'embita-u ta biène passa quauques tems au biladye. Lou praube desbroumbat qui, soubén, abè début enténe l'apèu dou campana, que-s decha gagna. Puch qu'ère béudou, e chens familhes, arré nou poudè destriga-u. Sounque à la pensade de tourna tau pèys lous oelhs qu'on s'engourgoussiben, que tournabe bade yoén. Qu'arriba tau sou biladye yuste la bèlhe de la hèste : Nouste Dame d'Aoust. Quine arcoelhence, amies ! Et, qui tout loung de sa bite, s'ère troubat soul, pergut, adare de tout estrem qu'où bienè nebouts. Aco n'ey pas estounable ; que sabet touts que per l'arribère, d'aquet tems, en cade familhe, que-y abè hort de maynats e que touts, ou quasi, que-s acasiben au biladye ou p'ou parsâ. Despuch debarat dou tri, lou braboulas Ugène n'entenè mey que : « E l'ouncle aci, hey l'ouncle aquiu ». Sèt familhes atau qu'où se recounnechèn, medich que nou l'aboussen yamey bist, mes touts qu'abèn enterait parla de l'ouncle Sarrat partit yoén e qui capbat Bourdèu s'at birouleyabe coume û Moussu. Au biladye, aqueste nou s'y recounegou goayre. Lou clouquè n'abè pas cambiat, las maysous qu'èren estades puyades d'u soulè, mes si èren au medich loc, hères nou s'aperaben pas mey : en ço de Tatou, de Berit, de Hourcade, etc. Lous yoens nou las mentabèn que dou noum dous mèstes nabèts. Que-m èy desbroumbat de dise-b qu'enter lous nebouts, qui touts boulèn esta lous permés à recébe l'ouncle aryentat, bèt pic, bère gnacade que s'y èren dats. Qu'arribèn à s'entene toutu, permou qnoan s'ayech d'eretadye cadu que-s hè doucet e chic autouritàri, que hè mine d'esta de l'abis dou mey hort e que tribalhe per débat. Que hou coumbiengut que Bertranou de Sarrat, lou soul qui pourtabe lou noum de l'Ugène, qu'aboure — ya qu'ère de la caus —, l'aunou d'abé l'ouncle lou permé e dou loudya. Moulïè de soun mestiè, pensât que Bertranou que sabè pesca. U plat de pechs frés gahats, si-s digou, nou pod que plase au Bourdalés. Dab las manyes, et qui sabè maneya-las, qu'abou lèu hèyt d'arrapa-n miey herrat de tout escantilh. L'ouncle que parescou hère countent d'aquet permé repèch qui-u puyabe en plé à cinquante ans endarrè, quoan gahabe lous pechs à 1 mâ-taste per débat lous calhaus, �— 29 — Qu'ère aco lou dibés, la bèlhe de Nouste-Dame. Lou dissatte, doungues, hèste annau. E l'Ugène, d'entene brouni las campanes largades à toute boulade, aqueres mediches qui abèn yumpat la soue yoentut ; qu'en ère tout esmabut. Que tira lou moucadou ta mouca-s Ihèu, mes y'ou passa drin tabé sus lous oelhs. Qu'estou daban la glèyse, qui lendedie, e senti sarra-s lou sou cô, quoan, sus tout aquet mounde amassât nou poudou yeta lous oelhs sus nade counechénce de la soue triène. La mourt, aylas, qu'abè dalhat ! Que seré estât urous de trouba quauqu'u dab qui aberé poudut dise : « E-t soubienes de tau hèyle ? E u tau qu'ey debiengut ? quin callat aquet, b'ère adret à las caniques ! » Nou ,arrés nou poudè tiéne-u de tole ta parla d'aquei passai qui, bidare, pressât, se debanabe aus sous oelhs, tournabe au sou cernèt coum si l'abè biscut yé. Aquet die de hèste qu'où passa eu ço d'ue neboude. Aci, menadye d'oubrès (lous dus qu'anaben la l'usine) que hou arcoelhut coum enço dous richardas. A l'a taule nou-y mancabe arré. Quin cambiamen p'ou pèys despuch qui s'en ère anat aus quatourse ans. Acoustumat ad estaubia, lou praube òmi que-s pensabe : « Ya ! aço que s'ai debin minya tout adarroun quius arribe ! ». — « Mes, si-us disè, qu'abet hèyt trop de frès enta you, aço qu'ey nouées e nou pas hèste annau ! » Dab lou parla mirgalhat dous arneguets qui soun coustumès à l'usine : — « Que perdiu ! aci n'èm pas piche-courdetes ! Tant, qui n'y a que-n minyam. Goustat aqueste tourte, tè ; qu'ey mamâ, la boste serou qui m'abè aprése à las ha. » si-u disè la neboude. Aquiu l'ouncle que-s senti drin en familhe e dab gran plasé que minya lou talhuc de tourte. Qu'ère la soûle cause qui-u rapelabe la sourine défunte e la hèste d'autes cops. Très auts nebouts qu'èren au biladye besî e Sent-Laurens, aquet an, que-s troubabe lendedie de Nouste-Dame. B'ère, nouste embitat, beroy cadut en plé de las allegries ! Aci, sus lous très, dus au mench qu'aberen pla boulut ha l'aunou dab las mediches despenses que la hèste, mes nou poudèn abé l'òmi en medich tems : Urousamens que lou iour qu'ère mercat d'abance sinou las hémnes que-s seren chirades. Lou nebout, aquet qui lou mey s'ère demiai tad escribe e ha biéne l'ouncle tau pèys, qu'abè l'aunou de recebe-u lou tresau. Sàrtou dou sou mestiè, lou qui l'abè après à marcha que sabè courre. Chens ha brut que soegna l'Ugène. Touts que sabèn ço qui lous dus permés abèn serbit à taule mes aci arrés nou poudou houruca ço qui s'y abè minyat e bebut. Hort pla qu'esté l'ouncle, qu'ère tant adayse aquiu. Chalumat medich qu'ère de bouniquès e de calinades. Entertaint, aquet dimenye de Sent Laureins, que-s dipou p'ou besiat qu'enço de la quoatau neboude que s'y minyabe daube tout lou die. Lous mayes plats qui s'abèn préparais lou dissatte permou qui lou hour qu'ère cauhat ta las tourtes, qu'èren goardats enta recébe l'embitat lou dilus, ta la rehèste qué : Garies, pourets, guits, yigot, tout que hou debarat tau houns dou puts ta que lou ternis nou s'y boutèsse. Malaye ! L'ouncle, de toutes aqueres rioles qu'ère deya hart e chastigat e lou dilus nou poudou biéne. Tout lou die que bebou aygue fresque e minya brigue, Lou dimars sé toutu, per debé, que-s atrassa. mes labets, toute la pouralhe, à maugrat la frescou dou puts, que coumençabe de pudi. Mâchante gaholhc ta û estoumac tout yuste tournât d'aploum. Nou �— 30 — touca goayre qu'à la tourte. Aqueste, drin lignude, que s'ère counserbade mes qu'ère horte coum û croustet. Ta que depla se repausèsse l'e'rbè dou praube Ugène chic acoustumat à ha la tampoune, lous autes que counsentin au lécha escourre ue semmane. Quoan s'ayech d'.û malaut de counsequence, b'abet bist que sus lous yournaus om que publique û buleti de santat ? Aci nou-n parescou nat sus las gazetes dou parsâ, mes toute la parentèle ye s'enqueribe, cade die, de Testât de l'ouncle. Talèu qui l'òmi estou dispausat, nou manca la cinquoau neboude de biène-u coumbida. — « Oère, si digou l'Ugène, qu'aymari pla que nou hasousset brigue de préparais enta you : ue escudèle de broyé e poutadye, drin d'escautou dab û trebès de dit de salât que-m haré mey de gay que n'importe quin aute plat. » — « E-y pensât, l'ouncle, bessè nou bouleret que-b hassiam tau eseàrni ? La broyé qu'ey boune taus paysâs mes bous qu'èt û Moussu. Lechat-be ha, aném, e ta doumâ sé. » Quoan arrecouti, lende-sé, à l'anyèlus, l'arcoelh qu'estou beroy. N'ère que lou maynadye qui hasè lou mus. — « Ey toutes las gausialhes qui sabes ha à l'ouncle ? si-u he lou pay qui abè la prudère aus dits de balha-u û cinquet. N'ère pas toutu lou moument, daban l'ouncle qui parechè drin embarrassât d'esta de trop, de castiga lou chin. Ugène que sabou trouba quauqu'arré à dise : « E perqué, lou m'amic, n'es pas tu countent ? ». « N'at boulhat pas sabé, si s'amaneyè de dise la may, tiet, que-nse coupe lou cap tout d'aqueste tour, au darrè d'ue beciclète qui bòu ; que l'at eau croumpa, si bous plats. E oey, que semble hèyt esprès, que s'y encabourréch mey hort. Mes n'èm pas riches hòu, e si hès lou mus encoère Fàsoufoute si bas ha-t ayma de l'ouncle ! » — « Aném prou, coupe lou pay, boutém-se en taule e tu, lou mé hilh, bè-t'en tau lheyt ou cambie de care. » — « Que ba hica-s ras de you, si dits l'ouncle bounias. E la serade que-s passa prou beroy. En lou quitan ta parti tau lheyt, lou drolle que disè à l'aurelhe d'Ugène : « Be la me croumparat la bicicléte ? Mamâ que m'a dit quio, si b'at demandàbi deplâ ! » . Dus dies après, l'abans-darrè nebout que bienè ha lous embits, asseguran à l'ouncle qu'où hèren minya quauqu'arré qui l'agradabe. Pesca nou sabè brigue, l'aygue qu'où hasè pòu, tabé nou s'y boutabe goayre. Qu'abè pensât à Zidore de Gahus qui, ta maneya las manyes passabe per û mèste. Qu'où ba trouba : — «Nou boulerés pas ha-m ue pescade ? Qu'ey u embitat c que bouleri ha-u plasé. —! « You ! ha-t ue pescade ? N'èy yamey sabut gaha-m ue pesquite. E puch, quoan saberi, nou bouy pas atrapa-m ne tuhéque ne berbau. Toutu, si bos, que-t boy dise oun, que-s parech, s'en y gahe de beroy s. » — « E dounc o, que-m amucharas, que tienerèy las manyes e tu que hourucaras. » Que s'en ban, lous dus, cap à la pachère e yuste darrè las barradéres Zidore qu'assegure de qu'aquiu que-y a troeytes, aubourgs, trauguens e pesquits. — « Sounque abance, abance toustem ! si hè Gahus. » L'aute que hougne, plé de hidance, tout en poude-pè qtle-n ba toustem. Tout d'u cop : flau, enhounsat que s'ey, nou s'y bet mey que bouhigues sus l'aygue. Gahus, lou hilh dou diable, que sabè plâ, per l'abé lhèu esprabat, �— 31 —. que darré las coumportes l'aygue qu'abè hèyt û gran dot e que soupteméns om que s'y enhounsabe. Nega nou s'y poudèn, toutu, per ta chic qui s'y hasousse, l'atrapat que yessibê dou gourg. Lou pescayre, arpateyan coum lou qui-s negue-à de bounes, que tourna paréche autalèu. N'abè hèyt qu'ue bebude mes tout esbariat que cridabe : « Pipaut ! coucàrrou ! qu'at sabès ya, que-m boulès ha nega ? » Zidore de denega, surious dehore mes deguens trop urous dou tour qui bienè de youga-u. N'anèn pas mey loegn, quauques pesquites, ue doutzene de trauguens e ue troeytote qu tirèn de las manyes. Que-y abè de que ha la moulete. L'ouncle nou sabou pas ço qui coustabe ; lou nebout nou-s banta dou nus de pòu qui abè abut. La serade que plagou à l'Ugène. Qu'abou de beroy es paraulines e, moun Diu, l'òmii que s'y dechabe engalina chic ou hère. Nou demourabe mey à l'ouncle aryentai que gn'aute sòurtide à ha, t'abé dat lou tour de las cedades. La darrère neboude qui boulé lusi autan coum lous autes, e mey si-s poudè, nou trlga de biene-u retiene ta lendedie. — « Hèy l'ouncle, si-u hé, qu'a plâ calut que-m acounourtèssi à passa la darrère puch que mamâ ère l'escarret de la boste coade. Cregat toutu que n'èm pas lous qui mey chic b'ayma'm. La maysoade qu'ey numerouse e touts, d'où mey gran tau mey chin que-b esperam e que-b haram hèste. » — « Bèn, maynade, qu'as hère de tribalh e que bas encoère cercat'en mey ; sustout nou hasques pas houlies ta la taule. » — « N'ayat pòu l'ouncle, nou sera qu'û petit péle-porc en familhe. » Abans noeyt cadude, Ugène qu'ère deya rendut au miey d'aquere familhote esberide qui sabou poutoa-u coum si de toustem enlà s'èren couneguts. La minyalhe aboundouse e pla adoubade que plagou à l'òmi ; touts que debisèn loungademens e chens retiénce. La neboude medich que-n prouflèyta ta dise-u : — « Bam, l'ouncle, que bat trouba que soy hère curiouse mes digatme : èt yamey estât payri ? — N Nou, maynade, nou, que coumpti d'encoère au reng dous... pepîs. — «E dounc, b'abet blst oun ne souy ? hèt-me lou plasé d'esta payri d'où qui demoûri. » Aqueste cop qu'ère gahat au poude-pè, que saya, autalèu, de desengahina-s. — « Bo ! que soy trop bielh ; aco qu'ey boû taus yoens ; you qu'èy acabat lou mé biadye ; e puch, nou soy qu'û tume-hus. — « Que noû, que nou ! pensats-y sounque e gahat lou paraf d'estaca-b au boste sang en agradan û fres boutou de boste tilhe. Qu'at dechèn aquiu e quoan l'ouncle quita la casade que parechè countent. Toutu deya, talèu soulét, aquet embit ad esta payri qu'où tesicabe. E debè dise : O ou noû ? Que-s bouta au lheyt en pensa que la noeyt qu'où dère luts. Dus ou très dies après, urous d'esta desliurat dous embits que poudou armuga tout ço qui l'abèn dit e hèyt. Toute la soue parentat estranyère dinquio labets, Ugène que la s'abè biste en û quinzenat de dies. Câlinât aci, poutouat aquiu, coumplimenfat pertout, l'òmi chic acoustumat à èste counsiderat de tau sorte que-s demandabe si ère per ma fé poussible que la bouts dou sang — mude �— 32 — tant loungadamens — poudousse, dab tant d'arcord ha-s enténe e ha truca d'amou touts lous côs tagnents. N'arribabe pas à coumpréne. Coum n'ère biengut que ta ha ue birade, que tourna gaha lou tri ta Bourdèu. Aquiu qu'où deboun tourna las luts. Tout plâ pesât que pense : que-s soun beroy entenuts ta ha-m las aunous, mes si-m lèchi arpalha per l'û, lous autes que m'en ban boule. Bah ! dechém-lous d'arcord. Chic de tems après que saboun p'ou biladye qu'abè boutât lous sous dequés à la rente biadyère. Atau quoan s'en ana d'aqueste mounde, lous sèt nebouts, n'aboun enter ets nat gnique-gnaque, à perpaus de l'ouncle de Bourdèu, arré ta nats, touts pariés ! ZABIÈ DE PUCHEU. * . U FLOUQUETOT DE DISES La Renoumade Quoan te banten, amie, nou-t trùqui hort lou courichot. Ta quoandes ne saboun dise bantaroles d'aquéres, e ta quoandes ne diseran tout parié dens lous sègles dous sègles ! Aquets coumpliméns agradius, aquets beroys moûts que Mous de Quiboulhes e calaméye sus ue carte à l'aunou dou toû sabé-ha, quoan de cops n'a emplegats d'aquets ta enguicha Mous de Utau e ha-u baie lou soù talent, ya que noû n'aye que chic ou brigue ! Labets, sénse t'en da goàyre, dèche courre lou briu. Cade estiu, à la sasoû de la calle (calles, nou n'y demoure mey nade, toutu cassayres ahiscats que las biénen persegui coum s'en y abousse à palhats e dab la loue mute que trouihen lous milhoucas), û ou gn'aut moussu que coussire. Aquéste que-m hé : « Je ne puis venir ici sans saluer l'auteur de Beline ». O be quio ! D'û sinne qu'où die gran mercés. L'òmi qu'eydab la soue familhote ; qu'ous me nouménte lous soûs gouyatots, e « Oh, ce patois, c'est gentil ! Je l'aime mais je n'ai jamais eu le temps de m'en occuper ». E espian lous nèns, d'û ayre de proufessou en cadière, que-m hè : « Mes enfants l'apprendront ! » U moussu qu'éntre dens la mie cabane, que-m dits : — Bonjour monsieur Palay. — Bonjour monsieur, si-u tourni. — Adichats ! avec vous il ne faut parler que patois. E que-m segnale dus ou très amies, mes, lèu, tiran de brac : ■— A perpaus, que biàdyi ta ue maysou de counsèrbes. Vous faudrait-il des sardines, 4/4 club, c'est un article très recommandé et pas cher ?..• M. C. L'Emprimayrc Mès[c en pè : E. MARRIMPOUEY. �Libes Bendables enço de E. à MARRIMPOUEY lcye , Place dou Palays, à Pau. YOEN C. Ch. P. Bordeaux 304 58. (Lou port en mey per la poste.) Pouesie e Prousey Lou Prousèy d'u Biarnés, pèr Flocs de pouésies de J.-B. J.-V. LÌLANNE, BÉGARIE Las Pregàries e las Gracies, de Simm Esprab&s d'Amou, rouman, de J. préface de Louis BATCAVE (2e éditiou). 5 PALAY 10 12 GASEIÎONNE Lous très gcuyats de Bordebielhe, roman de S. 20 PALAY 12 Cantes en musique Cansous trufandères (La bielhe d'Aulourou, Tant qui haram atau e 15 autes cansous) dab musique. 10 N.-B. — Tout autou qui bou. û counte-rendut aus Reclams que déu manda dus libis au Présidén de l'Escole, l'ù ta l'escribâ dou counterendut, l'aute ta-u libiè de Maubezî. Biarnés e Gascoûs au mens lous qui at poudét ha, croumpat, tant qui n'y demoure, lou Dictionnaire du Béarnais et du Gascon modernes de SIMIN PALAY obre de counsequénce, dab luus sous 60.000 moûts de touts lous parlas dous païs dous Gabes e de FAdou, e doun la permère tirade s'acabe. Quoan nou n'y àye mey, que-b hara dòu de nou pas l'abé croumpat per temps. Escribét à l'autou, à Gelos-Pau ou à l'emprimàyre dous Reclams. L oubràdye nou coste que 200 liures (200 fr.) (è 12 fr. tau port) ; yamey u tau tribalh aban la guerre nou-s benou autant à boû marcat. Du Latin au Gascon par J. BOTJZET et Th. LALANNE, préface de Léon Bérard. .— Librairie Benésse, Saint-Vincent-de-Paul (Landes), 15 francs. Histoire de Gascogne et de Béarn Par Paul COURTEAULT. Paris, Boivin et Cie, 1938, in-12, VII 3o4 p., 36 liures ; per la poste 42 liures. Précis d'Histoire du Béarn Par J.-B. Laborde, \941, in-12, 378 p., 30 liures, Lescher-Moutoué, à Pau. �Obres dou Miquèu de CAMELAT, en bende enço de i'autou, Arrens (H.-P.> L'ESPIGVE AUS DITS, pouesies, 1934. BITE-BITANTE, cops de Calam, 1937. GARBE DE PROSES (eseantilhs de 27 Autous bius e mourts) 1933» Cadu, 18 liures. —o— Lous classics noustes : LABAIG-LANGLADE, obres causides. GASTOV-FEBVS, pèce dramatic en 3 hèytes. LOLE, pèce dramatic en 3 hèytes. Cadu, 8 liures. ABIS DE GOUNSEQUENGE Lous Reclams de Biarn e Gascougne, rebiste de 1' « Escole GastouFebus, soucietat d'Educaciou poupulàri», que paréchen cade dus més e que costen 40 liures ta France, 60 liures ta l'Estranyè. Noustes amies que soun pregats d'escribe-s per abounaméns d'aunou de 50 liures ou mey se bolen. L'abounamén à bile qu'ey de cheys cents liures. Lous abounaméns que partéchen dou 1' de yenè de cade anade. Lou Capdau Simin Palay que demoure à Gelos-Pau, Balée Urouse n" lï', Lous coullabouradous dous «Reclams » que soun pregats : 1" d'escribe en létres mayes e pla moullades sus u soulet coustat de la hoelhe ; 2° de manda las coupies au segretàri, M. Camelat, à Arrens (H.-P.). Que eau embia lous dihès, abounaments, coutises, sounque au dinerè en pè : Mous Yan Tucat, à Espoey (B.-P.). Serbi-s dou « chèque postal » n" Toulouse ; dab u timbre de 20 sos que pouderan embia ço qui boulhen. Dise ta quine anade paguen. Nou pas desbroumba-s de balha l'adresse, e de mentabe au dinerè lom cambiaméns d'adresse. SALIES-DE-BÉARN (Basses-Pyrénées) Amies e Amigues, maumiats per lou malandrè : Salies-de-Béarn n'ey pas tant sulemén lou peïs charmanté agradiu qui a bis bade Bergeras é Al-Cartero, Perbos e lou Gurmeth Saliè, Charpie é Chuquette, qu'ey tabé lou peïs benedit oun la boune hade de Gastou-Febus, lou nouste mèste en pè, ou hé gaha lou sangla per l'estrém dou Bayaa ; aqueste trobe qu'es dé, desempuch, la sau chets parière ta ba lou yambou de Bayoune pou peïs de Biarn é Gascougne. Aquére hade, aperade la Mud: à Salies, que dé tabé au Bayaa lou poudé de goari u hardèu de malandrès qui afflaquéchen lou mounde: hembles é maynàtyes sustout qu'y troben ue santat rebiscoulade : a las daunes que da la hourtalesse ta poudé ha maynàtyes é goari-les dou flaquè quoan en an abut trop ; aus nins que goarech plagues, que da nèrbis é lou courrassou é qu'en hè gouyats goarruds é brin chuds coum lous piquetalos Saliès. Lou nouste gran Biarnés, défunt més toustém maye Proufessoii Paul Reclus que disè aus sous escouliès : « Aban d'ourbi lou béntf « d'ue embie ou de coupa ue came, lou inèdye que déuré toustem « embia la malaude ta Salies qui ey la « Reyne de las aygues salades »• a dou mounde sancé ». Oey médich, escribet au « Coumitat d'Initiative de Salies-déBéarn » é pei retour que-b embiera lous lîbis oun swan fonte' ltr � https://www.occitanica.eu/files/original/4d88ac095799a50150f530237f96c5c0.jpg 2274e6ecd89803d3e6f81c2487623135 https://www.occitanica.eu/files/original/536dbcc9863b9133c6bcfed6e2010e83.jpg e6824bb787bfd9dd72bec8a8dfd84e71 https://www.occitanica.eu/files/original/b817f9f0ba2db712717194427bce4415.jpg b8c0a1c02f2f062574e4ee750c50bdd6 https://www.occitanica.eu/files/original/300dd4dd35a93e37519ec8855f8c545f.jpg 0add745a9d923c83173d4b2a16d37798 https://www.occitanica.eu/files/original/9c4a3aa4307c9d642797070eff270121.jpg fc915a6be42be3fba7fcd0260ef0527d https://www.occitanica.eu/files/original/604f99456a280eab4517affb46acc5b3.jpg 7d26e6b329cf99ea044ad80efac3f86e https://www.occitanica.eu/files/original/bb86e1407fd2ef54c4c540f01efee2e1.jpg 9e7482ca39defa5f4fbf898586f6bb2b https://www.occitanica.eu/files/original/58d3103c7ec0134c5a64d04111202e0d.jpg a8acbb1b10b607ff218d60b7c0ec294e https://www.occitanica.eu/files/original/53d07f489b8e019ddab4ae83ab408ac9.jpg d76377a7607a2b9365e5b68c65bb05e9 https://www.occitanica.eu/files/original/5b44f1d25f56645567d4bb8c9f800797.jpg ae4d09e6caef73a825e9efcfd74503f8 https://www.occitanica.eu/files/original/c92e288d5864e0e406c9210c6a0b0d4d.jpg 55289f8f10c83e4d475e475471b3f8dc https://www.occitanica.eu/files/original/51a2db310248901fcbb8f798c1232e9f.jpg 6e3706ba60c5fa4774ee41e7bc72bd7d https://www.occitanica.eu/files/original/01340e4ff36df68554c50643cbd13b89.jpg 7e35ba43e9aaecfaf7d002c7a38ca25e https://www.occitanica.eu/files/original/032ed9f6419e812a651f3384dd229cef.jpg daeeff00d50ddb46b7f9c14f9a6c0766 https://www.occitanica.eu/files/original/53f333af2ef86658cdbf6c622103fe61.jpg 2524ef49a1ddca7fe60e400c68623ade https://www.occitanica.eu/files/original/3e2b384ad5c9f72e53aa5958d71339c9.jpg 5ee1219276e6b33121133eeddac5f6fd https://www.occitanica.eu/files/original/e7bfde50f59aa736128c64c635b4b4d9.jpg b04cfc08bbccd0246f0b5c0a62fd1709 https://www.occitanica.eu/files/original/74fbb7527d857413989f17386fe63e8a.jpg 4effd275aef86bd74edb51116fd47d41 https://www.occitanica.eu/files/original/c597a16a66a5ca9b915ce02eed37e099.jpg d905ba0bb14917cc71547eeaea054d6f https://www.occitanica.eu/files/original/89fd30f62d63dbdc26217ed847519f84.jpg 029a3d4efc88709cdde1020b070f6358 https://www.occitanica.eu/files/original/3faacf90d4926bfd6cbe6d644637f934.jpg 782cd7395a30159e4e9bdbcbaa5d0e13 https://www.occitanica.eu/files/original/db85f9c3949b3a8aa27191e9b427332c.jpg 7f831cfa39157b1e5d4d935f3f1ee766 https://www.occitanica.eu/files/original/68d082c9c8c4588382a7fc7961713245.jpg 233844d1c4b2fff2117be8ffd8717cef https://www.occitanica.eu/files/original/3392a866440b2b630b3b928164fe0cdd.jpg 3f3e8b54d18bd04d78f179ff0c3b4295 https://www.occitanica.eu/files/original/fcb39d589a93a9195341562ae1f58c21.jpg 936efdf9b8384bcb18ed13ab5f50e9a5 https://www.occitanica.eu/files/original/000534ae5d4ca79fa2e4ddf538b75ee1.jpg 12e89e1cb88241b13549d410a2ab0d43 https://www.occitanica.eu/files/original/54e6cbbaeffb3482b670a314b04c86ac.jpg b42f025a6dd4dbff1511aede3a5179c6 https://www.occitanica.eu/files/original/7bcb63d9e9c44e2ac1c875e8e63e80fe.jpg a2adc05e4bcb9c1f866044761aeac998 https://www.occitanica.eu/files/original/d8ff1676201401eb0bb9c9ee59f410ae.jpg 5b16e892663d0c34614029d9d0ae850e https://www.occitanica.eu/files/original/bce8922966e01f1f235d2467a77910aa.jpg 119f060d8dbbdf2fe1bc34ded910260d https://www.occitanica.eu/files/original/058ee5b8e2fb01d47c65181ebf7aedb5.jpg 9d3deea0b663dd3003c1604af1275867 https://www.occitanica.eu/files/original/6b5ab49e2d53cc70dad08f2e60bd9908.jpg 3d91f6bc3e2011810580e37f73cab4cd https://www.occitanica.eu/files/original/1cf279ac0d8a0dba8bd319c034a48cde.jpg 2ae5c2aff8c16b98bbcffb39f14d1592 https://www.occitanica.eu/files/original/21b35e336b2254c5d22ec1d5a082f22b.jpg f78fb343b1f6a8689707f3f12e621b8d https://www.occitanica.eu/files/original/79f5895e5979564a922132582c6c8f67.jpg 41d1d6303d01b521288a95cf120f08c8 https://www.occitanica.eu/files/original/b2503eb5a8225cc85f4b988486f64e2a.jpg be43c87af46b75922060ace850413eb3 Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Patrimoine écrit occitan:périodiques Description An account of the resource Ce set contient les périodiques numérisés par le CIRDÒC issus des collections des partenaires d'Occitanica Revista Item type spécifique au CIRDÒC : à privilégier Région Administrative Aquitaine Variante Idiomatique Gascon Aire Culturelle Gascogne Type de périodique Revistas d'estudis localas = Revues d’études locales Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Reclams de Biarn e Gascougne. - Anade 46, n°01-03 (Yenè-Mars 1943) Alternative Title An alternative name for the resource. The distinction between titles and alternative titles is application-specific. Reclams. - Annada 46, n°01-03 (Genèr-Març 1943) Subject The topic of the resource Félibrige Gascon (dialecte) -- Périodiques Littérature gasconne -- Périodiques Histoire locale -- Gascogne (France) Description An account of the resource Reclams. - janvier-mars 1943 - N°1-3 (47e Année) Creator An entity primarily responsible for making the resource Camelat, Miquèu de (1871-1962) Daugé, Césaire (1858-1945) Salanoubat, Henri (1892-1957) Laclavère, Max (1858-1913) Pic, André (1910-1958) Moungay, Yan de Lafosse, Yorli Cuzacq, René Pucheu, Zarbiè de Marrimpouey, E. Source A related resource from which the described resource is derived <p>Bibliot&egrave;ca de l'Esc&ograve;la Gaston Febus</p> <p><br /><br />&nbsp;</p> Publisher An entity responsible for making the resource available Escole Gastou Febus (Pau) Imprimerie de Vignancour (Pau) Date A point or period of time associated with an event in the lifecycle of the resource 1943-01 1943-02 1943-03 Relation A related resource Vignette :&nbsp;<a href="http://www.occitanica.eu/omeka/files/original/e472a8c919c77eed6b76d1205b58246f.jpg">http://www.occitanica.eu/omeka/files/original/e472a8c919c77eed6b76d1205b58246f.jpg</a> <a class="link_gen " href="http://www.sudoc.fr/039860345" target="_blank" rel="noopener">http://www.sudoc.fr/039860345</a> Is Part Of A related resource in which the described resource is physically or logically included. Reclams de Biarn e Gascounhe&nbsp;<a href="http://www.occitanica.eu/omeka/items/show/2019">(Acc&egrave;s &agrave; l'ensemble des num&eacute;ros de la revue)</a> Format The file format, physical medium, or dimensions of the resource application/pdf 1 vol. (36 p.) Language A language of the resource fre oci Type The nature or genre of the resource Text publication en série imprimée Identifier An unambiguous reference to the resource within a given context <a href="http://www.occitanica.eu/omeka/items/show/3009">http://www.occitanica.eu/omeka/items/show/3009</a> INOC_Y2_18_1943_01-03 Rights Information about rights held in and over the resource Domaine public/Domeni public License A legal document giving official permission to do something with the resource. Certains droits réservés Temporal Coverage Temporal characteristics of the resource. 19.. Date Modified Date on which the resource was changed. 2016-06-27 Occitanica Jeu de métadonnées internes a Occitanica Portail Le portail dans la typologie Occitanica Mediatèca Sous-Menu Le sous-menu dans la typologie Occitanica Bibliotèca Type de Document Le type dans la typologie Occitanica Numéro de revue Contributeur Le contributeur à Occitanica Inoc Catégorie La catégorie dans la typologie Occitanica Documents Patrimòni cultural = Patrimoine culturel