Ce vidéoguide d'animation a été réalisé en 2014 dans le cadre du projet e-Anem, financé par le FEDER en Languedoc-Roussillon.
Version occitane sous-titrée en français.
En 1534, Rabelais rédige Gargantua, empruntant la figure de ce géant arpenteur à la tradition orale. Au cœur de la Lozère, le voyage de l'imposant héros est l'objet de nombreuses légendes. Langogne, dans le nord-est du département, a fait du joyeux ripailleur le patron de ses fêtes votives.
Ce vidéoguide d'animation a été réalisé en 2014 dans le cadre du projet e-Anem, financé par le FEDER en Languedoc-Roussillon.
Version occitane sous-titrée en français.
En 1534, Rabelais redigís Gargantua, en anant quèrre la figura d’aqueste gigant arpentaire dins la tradicion orala. Al còr de Losèra, lo viatge d’aquel eròi impausant es lo subjècte de mantuna legenda. Langonha, dins lo nòrd-èst del departament, a fach d’aqueste manjador joial lo patron de sas fèstas votivas.
Aquesta videoguida d'animacion foguèt realizada en 2014 dins l'encastre del projècte e-Anem, finançat pel FEDER en Lengadòc-Rosselhon.
Version occitana sostitolada en francés.
En 1534, Rabelais redigís Gargantua, cap d'òbra que l'eròi eponim n'es un simpatic gigant, manjandor e maladrech. Dins los faches, aquela figura legendària existissiá plan abans lo personatge de roman, transmesa per la tradicion orala e l'abondenta literatura de còlportatge d'aqueste periòde.
Figura carnavalesca que las aventuras escatologicas regaudisson lo public, Gargantua illustrariá l'apetit de viure que marca lo país al lendeman de las pèstas e de la Guèrra de cent ans.
Gigant arpentaire, Gargantua percor la França, modelant los relèus al grat de sos viatges, per sos passes e las dejeccions que seguisson sos repaisses pantagruelics.
En Lausera, passa, a cadun son torn, del costat de Florac, ont sas piadas fòrman l'aresta rocosa que separa lo Causse de Sauvatèrra del mont Lausera ; puèi a Vilanòva, que i fòrma las Pèiras de Gargantua, al som del Puèg.
La legenda vòl que lo Gigant se dirigisca puèi cap a la vila de Langònha.
L'acuèlh i es bon. Gargantua engolís « coidada per coidada » la mai longa saucissa del monde, acompanhada de fòrça mostarda e vin blanc. La digestion es dificila. Lo nas del gigant se met a rajar, en donant a la tèrra locala, una rica color sang e a l’endrech, l'escais de La Rogèira.
Langonha entreten amb lo gigant bravàs, una relacion particulara. Qualificada per d'unes comentators locals, en particular Félix Viallet de « capitala de Gargantua », faguèt d'el son fondator mitic.
Pasmens, cal esperar lo sègle XIX, per veire Gargantua rejónher lo cortègi dels carris florits, a l'ocasion de las fèstas votivas de junh. Aprèp una parentèsi de qualquas annadas al sègle XX, son cap monumental percor tornarmai las carrièras. Sos uèlhs e sa boca s'i animan e convidan los abitants al sovenir de son passatge luenchenc…