https://www.occitanica.eu/files/original/243bcd5871d6269bf2f75ec1e4febbf5.jpg f68e808d71ef8e071a6644c6952425ad Omeka Image File The metadata element set that was included in the `files_images` table in previous versions of Omeka. These elements are common to all image files. Bit Depth 8 Channels 3 Height 598 Width 598 https://www.occitanica.eu/files/original/c668e2108d3d91179d95dc232bdf8937.jpg 85b42dae5f2e92072a5017fca49ca9be https://www.occitanica.eu/files/original/58a74206a834fb889fd752a6ed269ab9.jpg b0e7b15045fc1e4e4a1a69c582221e04 https://www.occitanica.eu/files/original/d36b5c2b3081ab02dfac469d173d068b.jpg 3b02c093aec558a8588b98b74db289db https://www.occitanica.eu/files/original/95b4859375923f95cc64f2c20cecb38e.jpg c81a65b63a6cc3229e0baad1ed715d84 https://www.occitanica.eu/files/original/040a84490bb2ad22bed99e67a115cf72.jpg 10d87fcf9d58bca1ea5dfac4a6b5bbc3 https://www.occitanica.eu/files/original/19b7087ea61228d3a2a591c18343a537.xml c452fcf0f7e2c5caf79cb1215d864765 https://www.occitanica.eu/files/original/74c8cec144cdbc8ba6e8b38436d0424f.pdf 7f43b79d85a5e9309bcfb65a5a0c5953 PDF Text Text _________________________________ MARIA-JOANA VERNY Mèstra de conferéncia occitan, Universitat Paul-Valéry – Montpelhièr ROBÈRT ALLAN, ROBÈRT LAFONT, CAMINS DUBÈRTS 1947-1984 Article publicat a la revista universitària : LO CAMPUS, 18 (juny / juliol 2012) Lleida. Països Catalans. www.locampus.cat �Robèrt Allan, Robèrt Lafont, camins dubèrts1 1947-1984 Las edicions Jorn (http://www.editions-jorn.com) venon de tornar publicar en un volum los primièrs recuèlhs de poèmas de Robèrt Lafont (1923-2009) : Poèmes 1943-1984, del temps que Letras d’òc (www.letrasdoc.org) publica una edicion critica per M. J. Verny dels primièrs escriches de Robert Allan (1927-1998) : lei Cants dau deluvi – lei Cants de la tibla, 1. Aquelas rejonchas liuran al public de tèxtes qu’èra impossible de i accedir e que son caracteristics d’una epòca de sorgiment de l’expression poetica occitana de l’après-guèrra. Robèrt Lafont (Nimes, 1923 – Floréncia, 2009) En 1946, a 23 ans, Robèrt Lafont publica son primièr recuèlh de poèmas : Paraulas au vièlh silenci. Aquel títol pòrta tot lo pes de l’òbra grand de l’òme que marquèt tota la renaissença de las culturas minoritàrias de la França de la segonda mitat del sègle vint. Prendre acte del « vièlh silenci » que nos aclapa, e parlar per conjurar aquel silenci. Aital, en 1957, lo segond recuèlh, plan mai espés, es titolat, tot simplament, Dire e un de sos vèrses demòra dins las memòrias : « Lo sol poder es que de dire » : Lo sol poder es que de dire. Dire doç : una aranha penchena lo solèu sus lo pònt de l'aubeta. Dire fèr : la montanha es una frucha amara qu'enteriga lei sòrgas. Dire larg : la marina a pausat sei doas mans sus l'esquinau dau mond. Dire amic : l'amarina. La lenga es davant ieu nusa coma una dròlla. (tirat de “Dire l’òme lo sègle”, “la lenga d’òc, 1”, p. 117, ed. Jorn) 1Reprenèm aquí lo títol d’una antologia que Joan Eygun acaba de publicar a las edicions Letras d’òc : Camins dubèrts, An- thologie de poésie occitane contemporaine (1940-2010), édition bilingue occitan-francais. 336 p. 16 x 24 cm. PVP 27 € ISBN 978-2-916718-35-4 �Après Paraulas al vièlh silenci e Dire, seguisson en 1974 : Aire liure (que conten una part dels tèxtes ja publicats dins lo segond recuèlh) e, en 1984 : Lausa per un soleu mòrt e reviudat. Las correspondéncias de Lafont, depausadas al CIRDOC de Besièrs, desvelan la mescla d’estrambòrd e de patiment que foguèt per el la necessitat de se batre per bastir lo moviment revidincatiu occitan, parallèlament a son òbra d’escriveire e a son mestièr d’ensenhaire. Non pas que l’apassionèsse pas, aquel trabalh d’animator del moviment : tota sa vida escriguèt manifèstes, fondèt revistas, animèt accions, bastiguèt contactes amb sindicats e partits institucionals per i faire dintrar l’idèa occitanista. Mas d’unes moments, aviá l’impression que lo temps passat a bastir lo moviment èra un temps que podiá pas consacrar a l’expression poetica. Pasmens, dins l’encastre d’aquela òbra titanesca, la part de la creacion literària es importanta (quasi un seissantenat de volums), e al dintre, los primièrs recuèlhs de poesia, ara que venon d’èsser reeditats, mòstran sa fòrça evocatritz. Manlevam aquí a Joan-Claudi Forêt, de las edicions Jorn, sa lectura d’aqueles tèxtes, titolada per el « Comprene e còrprene lo mond... » : Robèrt Lafont es d'en primièr un poèta e aquò's per la poesia qu'intra en escritura. […] La poesia per el […] es lo còr escur e bategant, “lo centre pus centre“ d'una quista que se confond amb sa vida e que podèm definir coma una cèrca de paraula. Paraula personala que remonta al paradís de l'enfança, eiretada d'un papet tutelar que son estatura domina tota la vida e tota l'òbra. Paraula collectiva que cal tornar a un pòble vençut passat a costat de son destin, per que sortisca de son “vièlh silenci“e torne venir un subjècte d'istòria. Parlar e far parlar. La paraula personala rejonh la paraula collectiva. Lo poèta rejonh l'ensenhaire, lo militant e lo sabent lingüista. Lo destin de l'escrivan se confond amb lo de son pòble. […] Sensitiva e cerebrala, liure o somesa a la mesura del vèrs, la poesia de Robèrt Lafont es una temptativa per agantar lo mond pel còr e per l'intelligéncia. ». Poesia dubèrta sul mond tanben. Lafont jamai s’embarrèt pas dins l’estrech d’aquel espaci occitan que tant l’aimava, ni dins aquela Provença que la percorreguèt amb tant de bonaür, nimai s’embarrèt pas dins una lenga que la defendèt sa vida tota, ni dins son temps, el que tornèt visitar de longa l’istòria europèa. Aital apareisson dins los tèxtes de vèrses en catalan o en anglés. Aital la Lausa per un solèu mòrt nos mena, entre autres, dins la Granada de 1492… Aital Dire parla de Barcelona o de la Cabília, tèrra d’origina dels obrièrs que plantan lo ris de la Camarga. Poesia d’aire liure, òc-ben ! « Lis orguenas de Barcelona » Lafont Dire ; p. 83 Lis orguenas de Barcelona cantan la misèria e l’amor per al món que estent formant una minyona va captant. Lis orguenas de Barcelona mòlon li còrs amòlan l’aura làgrimes blanques negra feina el camp de demá fan el solc. �Ta votz de nuech e tebesa sabes dròlla que l’ai ausida que la dolçor que més estimo es la dolçor d’un devantall d’un devantall de roses grogues i d’un clavell del Tibidabo qu’ens embalsema l’esperança sota el ponent de sang i seny. Robèrt Allan (Montpelhièr, 1927 – Avinhon, 1998) Se lo nom de Robèrt Lafont es conegut de totes, Robert Allan, el, es mauconegut de la màger part dels legeires d’occitan, e mai sos tèxtes sián estats publicats dins mantuna antologia. Allan nasquèt en 1927 a Montpelhièr. Abalit a Nimes per de parents adoptius que li parlavan l’occitan de Provença e li legissián las faulas d’Antòni Bigòt, descobriguèt adolescent la poesia espanhòla contemporanèa, mai que mai l’òbra de Lorca. Engajat jove dins la Resisténcia, se trobèt puèi emplegat a l’ SNCF a París ont, membre del Parti Comunista, se liguèt d’amistat amb l’intelligentsia d’artistas e d’escriveires qu’aqueste ramosava a son entorn. Dins la fin de las annadas 40, escriviá, principalament en francés, mas començava d’emplegar l’occitan. Tornat a Nimes, es dins aquel encastre d’amistats intellectualas dels amics de las Lettres françaises2 que rescontrèt Robert Robèrt Lafont. Portèt a aqueste unas reviradas occitanas de Lorca. Coma o faguèt per mantun escrivèire escriveire novelari, Lafont l’encoratjèt l’encoratgèt dins son projècte d’escritura, l’ajudèt dins son aprendissatge d’una grafia coerenta. D’ara en laenlà, Allan escriguèt, dins las annadas 50-60, un fum de tèxtes poetics ont se reconeis, a costat de l’influéncia de Lorca, aquela de la lectura de la Bíblia, mai que mai del Cantic dels cantics. Amb Lorca an en comun la dobla influéncia de l’oralitat (lo cant popular, mai que mai) e aquela del surrealisme que dona a son òbra aquela lutz de realisme poetic. De l’amor del teatre que partatjava amb Lorca, li demòra tanben l’utilizacion frequenta del dialòg dins de poèmas que pòdon aprochar la dimension d’una pèça de teatre, e que se tròba tanben dins de tèxtes mai corts : Dicha dei Santas Pèr lo pintre Joan-Pèire Ramon Dròlle, ont anaràs, anuech ? - Ai Santas, ma maire, ai santas - E de qué i anaràs faire ? - Vòle anar vèire lei caracos - Lei caracos son de laires Te raubaràn ton capèu - Ambé de fuelhas de varatge 2Setmanièr de critica e de creacion creat del temps de la Resisténcia e pròche del Parti Comunista. Aculhissiá de cronicas sus la literatura occitana. �Me ne’n trenarai un mai bèu - Lei caracos an de dagans Esconduts dins sei laüts - Adonc vendrai un laüt E farai cantar leis èrsas - E lei caracos, en s’enanant Ras de la mar te quitaràn - Adieu maire ja me sònan D’alai lei Santas de la Mar. 31 d’avost de 1954 Ailàs per el, l’edicion occitana d’aquel temps que repausava sus de mejans estequits, li donèt pas l’escasença de rescontrar lo public que ne somiava, pas mai que l’auto-edicion que practicava, de mercés los mejans tecnics que li donava son mestièr de redactor dins de jornals locals. A la fin de las annadas 60, se bandiguèt dins un militantisme activista. La creacion ne patiguèt. L’activisme rescontrèt pas mai la societat occitana que la poesia d’Allan l’aviá tocada. E Allan se repleguèt dins una granda solesa fins a sa mòrt. Demòra l’òbra, abondosa, esmoventa, qu’èra esmarrada dins tot un fum de revistas, de librilhons tirats a despart, e mai de poèmas manescriches roneotats a la maquina a alcoòl o embarrats dins los arquius archius familhals. Mercés la fisança de la familha, aquela òbra serà liurada al public en dos volums, jol títol generic dels Cants de la tibla qu’Allan, un temps obrièr maçon, aviá causit per son òbra complèta. Lo primièr volum editat, Lei Cants de la tibla 1, pòrta lo títol Lei Cants dau deluvi, coma se sonava tanben lo primièr volum editat d’Allan, dins la prestigiosa colleccion « Messatges » de l’IEO. Maria-Joana Verny, mèstra de conferéncia occitan, Universitat Paul-Valéry – Montpellier / Pau-Valèri-Montpelhièr III � Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Campus Revista Item type spécifique au CIRDÒC : à privilégier Région Administrative Languedoc-Roussillon Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Robèrt Allan, Robèrt Lafont, Camins dubèrts 1947-1984 / Marie-Jeanne Verny Robèrt Allan, Robèrt Lafont, Camins dubèrts 1947-1984 / Maria-Joana Verny Subject The topic of the resource Lafont, Robert (1923-2009) Allan, Robert (1927-1998) Écrivains de langue occitane Description An account of the resource Cet article de Marie-Jeanne Verny (Université Paul-Valéry, Montpellier) a été publié dans la revue <a title="anar sul site de la revista" href="http://www.locampus.cat" target="_blank" rel="noopener">Lo Campus, "periòdic universitari de les Terres de Lleida i Aran"</a> (n°18 de Juin / juillet 2012).  Il fait suite à la parution des recueils de textes poétiques de Robert Lafont et Robert Allan, deux écrivains emblématiques du renouveau de la littérature occitane après 1945.  Creator An entity primarily responsible for making the resource Verny, Marie-Jeanne Publisher An entity responsible for making the resource available CIRDÒC-Mediatèca occitana Date A point or period of time associated with an event in the lifecycle of the resource 2012-08 Date Created Date of creation of the resource. 2012-06 Date Issued Date of formal issuance (e.g., publication) of the resource. 2012-08 Rights Information about rights held in and over the resource © Marie-Jeanne Verny Format The file format, physical medium, or dimensions of the resource application/pdf 1 vol. (5 p.) Language A language of the resource oci Type The nature or genre of the resource Text réédition numérique Identifier An unambiguous reference to the resource within a given context http://www.occitanica.eu/omeka/items/show/637 Coverage The spatial or temporal topic of the resource, the spatial applicability of the resource, or the jurisdiction under which the resource is relevant 1947/1984 Relation A related resource Vignette : http://www.occitanica.eu/omeka/files/square_thumbnails/243bcd5871d6269bf2f75ec1e4febbf5.jpg Alternative Title An alternative name for the resource. The distinction between titles and alternative titles is application-specific. Robèrt Allan, Robèrt Lafont, Camins dubèrts 1947-1984 / Marie-Jeanne Verny Robèrt Allan, Robèrt Lafont, Camins dubèrts 1947-1984 / Maria-Joana Verny Source A related resource from which the described resource is derived Mediatèca occitana, CIRDOC-Béziers. Edicion electronica. Occitanica Jeu de métadonnées internes a Occitanica Portail Le portail dans la typologie Occitanica Mediatèca Sous-Menu Le sous-menu dans la typologie Occitanica Bibliotèca Type de Document Le type dans la typologie Occitanica Numéro de revue Catégorie La catégorie dans la typologie Occitanica Documents Contributeur Le contributeur à Occitanica CIRDOC - Institut occitan de cultura Poésie occitane poète contemporain Robert Allan Robèrt Lafont = Robert Lafont