Explorar los documents (15 total)

soleila-koanda-ensenhar-arts-gregas-cicle-3.pdf
Ensenhar l'istòria de las arts grègas en cicle 3
Soleïla Koanda
La tòca d'aquel trabalh es de  trapar un biais ludic d'ensenhar las arts grègas als escolans, mas tanben de faire descobrir lo Musée des Moulages, de l'universitat Paul Valery de Montpelhièr.  
    
Lo trabalh es presentat en doas partidas. La primièra part es una presentacion de l'ensenhament de l'istòria de las arts amb d'unas dralhas per faire de trabalh internivèl e interdisciplinari. La seconda partida proposa sesilhas que se pòdon metre en òbra en classa, en cicle 3, puèi un jòc de pista dins lo Musée des Moulages de Montpelhièr.
04-Document-4 -Espleitacion-de-l-obra-de-Verne-en-classa.xml
Lionèl Dupuy
<< Retorn a la pagina principala (presentacion del talhièr)


Au demiei de las òbras literàrias màgers qui avem en França, la de Jules Verne qu'ei d'un riquèr extraordinari pr'amor d'espleitar de faiçon sistematica los tres pielars de transmission deu saber istoric e geografic : lo tèxte (dab romans qui contan viatges qui's debanan pertot sus tèrra), las mapas (tots los romans que son acompanhats de mapas qui descriven los itineraris realizats) e l'imaginari (au truvèrs d'illustracions e egaument de mapas o de descripcions qui permeten de viatjar per d'autes biais). Que perpausam ací ua espleitacion pedagogica d'un roman hèra conegut, a saber Lo Torn deu monde en 80 dias.

Perqué aqueth autor e aqueth roman ?

Jules Verne qu’ei l’autor francés mei arrevirat au monde, hèra conegut, dont l’òbra qu’ei sovent estudiada e espleitada en las escòlas. Lo son roman « Lo Torn deu monde en 80 dias » (1873) qu’ei dilhèu lo mei conegut de la soa produccion literària. Que permet, en mei, de har hèra de ligams enter las matèrias, las disciplinas. Enfin, que pòt estar hicar en relacion dab un element d’actualitat : « Lo Vendèa Glòbe », qui estó lançat lo 6 de noveme de 2016 (las edicions que’s debanan cada 4 ans). Aquesta corsa a la vela, a l’entorn deu monde, shens estanc ni assisténcia, qu’ei un reclam dirèct au roman de Jules Verne pr’amor, pendent longtemps, qu’estó impossible de har aqueste viatge marin en mensh de 80 dias…
Sus l’espleitacion de l’òbra de Jules Verne en classa, e au-delà d’aqueth roman, que podetz utilizar ua mustra pedagogica qui aví hèita quauques annadas a peu CDDP 64 : http://jules-verne.pagesperso-orange.f/Exposition_Jules_Verne_Lionel_Dupuy.pdf
De faiçon mei larga, que podetz espleitar las ressorças e los ligams qui perpausi suu men site dedicat a l’autor : http://jules-verne.pagesperso-orange.fr/

<< Retorn a la pagina principala (presentacion del talhièr)
03-Document-3 -L-occitan-dens-las-trencadas.xml
Lionèl Dupuy
<< Retorn a la pagina principala (presentacion del talhièr)


Origina deu document

Rauzier, Ives. (2001). L'occitan dins las trencadas. [S.l.]: [s.n.].


Mercés a la publicacion deu libe de Ives Rauzier L’Occitan dans les tranchées, que dispausam d'ara enlà d'ua ressorça hèra rica sus l'emplec de la lenga occitana peus peluts dens las trencadas. Que perpausam ací ua espleitacion pedagogica d'aqueths testimoniatges escrivuts en occitan qui permet d'entrar en la tematica de la Purmèra Guèrra mondiau au truvèrs de la lenga nosta. Los ligams enter istòria-geografia, lenga, literatura e imaginari que son donc numerós e asseguran ua vertadèra interdisciplinaritat.

<< Retorn a la pagina principala (presentacion del talhièr)
02-Document 2 - Atlas Catalan.xml
Lionèl Dupuy


Origina deu document

Abraham Cresques ,
Atlas de cartes marines , dit [Atlas catalan]. 1375. Manuscrit. Langue : catalan.  Majorque. En linha sus Gallica

Réduction au tiers de l'atlas catalan de 1375, conservé à la Bibliothèque nationale sous la cote Mss. Espagnols 30. 1830. Document cartographique manuscrit. En linha sus Galllica


Plaça deu tèma dens la programacion
L’interès d’aqueth Atlas catalan, e notadament l’extrèit causit ací, que demora dens la soa utilizacion qui pòt estar hèita de faiçon hèra interdisciplinària (Istòria, Geografia, Occitan, Etnologia, Francés), de la soa pertinéncia e utilizacion en familha de lengas (ligams Occitan gascon / Catalan ancian) e de la soa espleitacion en Istòria-Geografia-EMC (pr’amor de combinar de faiçon excepcionau los tres supòrts màgers de transmission deu saber geografic e istoric, a saber la mapa, lo tèxte / la lenga e l’imatge / l'imaginari).

Problematicas possiblas
Quaus son las representacions cartograficas emplegadas ací de l’Africa en aquera mapa ?
Quaus informacions màgers e son transmetudas ?
Quau lenga ei utilizada ?


Competéncias tribalhadas
Las competéncias tribalhadas que pòden estar :
II : Reperà’s en l’espaci : bastir repèris geografics
III : Rasonar, justificar un anar e las causidas hèitas

Item 1 : Pausar questions, pausà’s questions a perpaus de situacions istoricas o/e geograficas
Item 2 : Bastir ipotèsis d’interpretacion de fenomèns istorics o geografics

V : Analisar e compréner un document

Item 1 : Compréner lo sens generau d’un document

VI : Practicar diferents lengatges en istòria e geografia

item 3 : Conéisher las caracteristicas deus racontes istorics e de las descripcions emplegadas en istòria e en geografia, e en realizar

Mesa en òbra pedagogica
Vist l’interès màger mes tanben la complexitat deu document a estudiar, que perpausi 2 sesilhas tà la soa espleitacion pedagogica en classa.

- Purmèra sasilha : « « Un Atlas catalan, un Atlas occitan ? »
- Dusau sasilha : «  Un Atlas ric en informacions ».

 

carta-navarrenx.jpg
Lionèl Dupuy
<< Retorn a la pagina principala (presentacion del talhièr)


Origina deu document :
Arquius Departamentaus deus Pirenèus-Atlantics (ADPA), quòta E 1596 fol. 60. La Carta qu’aucupa las 27 darrèras linhas d’un baish de pagina roganhat e guastat per un larg plap d’aiga. Vidimus (còpia certificada d’un acte anterior) hèit lo 30 d’octobre de 1391 per P. de Sent Per (Sempé), coadjutor deu notari de Navarrencs Guiraut d’Abadie, sus un originau en pergam, a la demanda de P. Arnauto de Lafargue, guarde e procurator de la comunautat.



La Carta de fondacion de la bastida de Navarrencs (en los Pirenèus-Atlantics) qu'arrepresenta un document hèra interessant en l'encastre de l'ensenhament de l'Istòria-geografia, notadament au Collègi.

L'interès qu'ei triple :
- la Carta qu'ei escrivuda en occitan / biarnés (deu sègle XIVau) ;
- que permet d'incarnar dab un exemple especific au sud-oèst la question (complèxa) de la feudalitat ;
- qu'ei completada per un document cartografic.

Que constitueish atau ua entrada originau, interdisciplinària e tanben lingüistica dens la temporada de l'Edat mejana.


Plaça deu tèma dens la programacion
La Carta de la fondacion de la bastida de Navarrencs que’s pòt hèra aisidament integrar en lo programa d’Istòria de la classa de 5au, mei especificament en l’encastre de la partida II (« Societat, Glèisa e poder politic dens l’Occident feudau, sègles XI-XVaus ») : capítol A (« L’òrdi senhorau : la formacion e la dominacion de las campanhas »),
capítol B (« L’emergéncia d’ua navèra societat urbana »).
Aquesta Carta que pòt notadament servir de transicion enter lo capítol A e B pr’amor de s’agir de la question urbana en lo baish Edat Mejana.

Problematicas possiblas
Los tèmas estudiats que tòcan l’organizacion de la societat feudau en las campanhas :
Perqué son creadas, en lo sud-oèst de França, las bastidas ?
Quaus son las relacions navèras qui’s desvolòpan en las campanhas dab la mesa en plaça d’aquestas bastidas ?
Quin permeten las bastidas d’estudiar los rapòrts feudau-vasalhicas qui tòcan lo maine e l’economia ruraus ?

Competéncias tribalhadas
Las competéncias tribalhadas que pòden estar :
« Analisar e compréner un document »,
« Reparà’s hens lo temps : bastir repèris istorics »,
« Reperà’s en l’espaci : bastir repèris geografics »,
« Informà’s en lo monde deu numeric ».

Mesa en òbra pedagogica
L’utilizacion d’aqueste document que permet d’entrar en lo tèma en partir d’un exemple locau, çò qui permet d’incarnar autament aquesta partida deu programa d’Istòria. En tiéner compte deu temps limitat tà hicar en òbra los 2 capítols (8 òras en integrar l’avaloracion), que podem partir sus duas sesilhas d’ua òra cadua.

- Purmèra sasilha : « Las bastidas en Bearn, qu’es aquò ? »

- Dusau sasilha : « De las bastidas a las vilas : lo desvolopament urban en lo baish Edat Mejana ».

<< Retorn a la pagina principala (presentacion del talhièr)
00-presentacion-Aprene_Cirdoc.xml
Lionèl Dupuy
Projècte realizat en l'encastre de l'annada d'estagi de Professor deu 2au grat (CAER Istòria-geografia-EMC).

Que s'i pòt destriar tres supòrts màgers de transmission deu saber istoric e geografic :
- lo tèxte (l'escriut, la lenga),
- la mapa (e autas representacions cartograficas)
- e l'imatge (e donc l'imaginari).

La mira d'aqueth projècte qu'ei atau de favorizar un ensenhament de l’istòria-geografia-EMC, notadament au Collègi, qui s'empara sus la literatura, lo francés, l’occitan e l’imaginari.

Que s'ageish donc de desvolopar l'interdisciplinaritat, de valorizar la lenga occitana e d'activar l'imaginari.

Tad aquò que perpausi documents d'espleitar en classa : la Carta de fondacion de la bastida de Navarrencs (en los Pirenèus-Atlantics) ; l'Atlas catalan ; l'Occitan dens las trencadas ; la descobèrta deu monde e de l'òbra de Jules Verne, au truvèrs deu roman Lo Torn deu monde en 80 dias.

Ensenhador del talhièr :

Presentacion (pagina actuala)
Document 1 - Carta de fondacion de la bastida de Navarrencs - Charte de fondation de la bastide de Navarrenx
Document 2 - L'Atlas catalan
Document 3 - L'occitan dens las trencadas – L'occitan dans les tranchées
Document 4 - Descobrir lo monde e Jules Verne au truvèrs deu son roman « Lo Torn deu monde en 80 dias » (1873) – Découvrir le monde et Jules Verne au travers de son roman « Le Tour du monde en 80 jours » (1873).


04-1-Historia-Francorum.jpg
Marie Lorente

CIRDÒC
Université Toulouse Jean Jaurès
<< Retorn a la pagina principala de presentacion del talhièr

L'Edat Mejana se devesís en tres periòdes :
  • la nauta Edat Mejana comença a la casuda de l'Empèri roman d'Occident e s'acaba al sègle XI ;
  •  l'Edat Mejana centrala, cobrís lo periòde feudal ;
  • l'Edat Mejana tardiva, del sègle XIV al sègle XV.
La partida que vos prepausi s'acaba amb la debuta de la societat feudala (sègle XI).

S'adreiça a las classas de CM1 amb una banca d'imatges que cobrís las dinastias dempuèi los Merovingians fins als Capecians.
03-1-Tauleta-cuneiforma.jpg
Marie Lorente

CIRDÒC
Université Toulouse Jean Jaurès
<< Retorn a la pagina principala de presentacion del talhièr

L'invencion de l'escritura marca la fin de la Preïstòria e la debuta de l'Antiquitat. Aquel periòde comença vèrs 3500 abans l'èra nòstra e s'acaba amb las invasions germanicas e l'esfondrament de l'Empèri roman d'Occident en 476 aprèp l'èra nòstra.
Aquela partida s'adreiça als CM1 per estudiar los Galeses, los Cèltas, la colonizacion de la Gàllia e las Grandas invasions. Las classas de seisena desvoloparàn mai la debuta de l'Istòria amb l'invencion de l'escritura e aprigondiràn las nocions subre las doas grandas civilizacions anticas del punt de vist de la religion e  del mite. L'estudi de la Pax romana ajudarà a soscar subre los escambis entre civilizacions.
02-1-Homo_habilis-KNM_ER_1813.jpg
Marie Lorente

CIRDÒC
Université Toulouse Jean Jaurès
<< Retorn a la pagina principala de presentacion del talhièr

La Preïstòria es una temporada fòrça longa que comença amb l'aparicion de l'umanitat e que s'acaba amb l'aparicion de l'escritura. Podèm comptar tres grandas temporadas : lo Paleolitic, lo Mesolitic e lo Neolitic.
Aquela temporada se pòt trabalhar amb los CM1 per lor permetre d'identificar de traças caracteristicas del periòde estudiat. Las classas de seisena poiràn aprigondir las nocions vistas a la debuta del cicle.
01-Guida-oc.pdf
Marie Lorente

CIRDÒC
Université Toulouse Jean Jaurès
<< Retorn a la pagina de presentacion del talhièr

Ce guide permet de rappeler quelques notions essentielles sur l'utilisation des images. Il est nécessaire de familiariser les élèves aux notions de droit d'auteur et de propriété intellectuelle. L'exploitation de l'image peut apporter à ces notions une valeur concrète dans l'espace scolaire. Cette sensibilisation recoupe également le programme d'informatique (B2i) que les élèves de cours moyen doivent maîtriser à la fin du cycle. Lorsqu'ils cherchent des images pour un quelconque devoir, par exemple un exposé, nous devons attirer leur attention sur ces notions en leur montrant quelques outils à utiliser. On notera que cette démarche peut aussi très bien s'intégrer dans le cadre de l'enseignement moral et civique.
sus 2