Recèrca

sus 3
Filtrar
Filtres actifs
Portail : Mediatèca
Auteur : Gravier, Michel. Metteur en scène ou réalisateur
Sauf
Type de Document : Texte electronique
Type de Document : Rapport officiel
Catégorie : Documents
oci (30)
fre (11)
Tipe : Emission TV / Data : 2016-01-08
Dins aquel numèro del 8 de genièr de 2016, Lenga d'òc/lengo d'o manda son jove enviat especial Artus Brown al Borg Sant Andriòu per enquestar sus l'istòria de la pesca e de la navigacion sus Ròse : Reina Michel,  pescaira professionala, e Joan Chaudière, animator del patrimòni de Ròse, li ne fisan totes los secrets.
Mise en ligne : 21/01/2016
Tipe : Emission TV / Data : 2016-01-29
Dins aquel numèro del 29 de genièr de 2016, Lenga d'òc/Lengo d'o mena pichons e bèls dançar a las Trad'Hivernales de Somieire, lo festenal de las musicas actualas que la 17ena edicion ne se debanava los 15, 16 e 17 de genièr de 2016.
Mise en ligne : 29/01/2016
Tipe : Emission TV / Data : 2016-03-11
Una visita de tria per aquel numèro del 11 de març de 2016 : lo castèl de Castille a Argilliers (30). Aquel edifici deu son nom de « castèl de las mila colomnas » e sa configuracion actuala a Gabriel de Froment, que n'èra proprietari al sègle XVIII. Lo critic e colleccionaire d'art Douglas Cooper, que lo crompa dins las annadas 1950, li balha son aspècte vertadièrament unenc : i aculhís Cocteau, Gris, Léger, de Staël, Luis Miguel Dominguin e ne fa lo refugi del cubisme. Picasso realiza sus las parets del castèl cinc frescas classadas monuments istorics.
 
Una emission de Miquèl Gravièr amb d'intervencions de Daniel Roux, Coleta Fraisse-Grousset e Claude Fraisse.
Mise en ligne : 11/03/2016
Tipe : Emission TV / Data : 2016-04-22
Miquèu Gravier no mena al Cafè Òc de Pompinhan. Coma cada primièr dimècres dau mes, lo Bar dei Colonas ven un luòc de rescontre e d’escambis en occitan alentorn d’un tèma. Aqueste còp, un bon repais per començar la serada, puèi es la presentacion de l’associacion Tè Vé Òc e de sei produccions a travèrs la descubèrta de son site. Una projeccion de corts-metratges es seguida e entrecopada de contes, de cants e d’entrevues.
Mise en ligne : 25/04/2016
Tipe : Emission TV / Data : 2016-12-16
Emission dau 16 de decembre de 2016

Dins aqueste reportatge de Miquèu Gravier, i veirètz la 3ena Trad'Session organizada per Le Fil Production a la SMAC Paloma de Nimes. Aquí, l'emission pòrta sus Polifonic System, amb una entrevista de Manu Théron. I parla dau concèrt qu'es pron orientat sus l'album de venir, en prima de 2017, e que se podriá sonar Totem Sismique.
Mise en ligne : 16/12/2016
Tipe : Emission TV / Data : 2017-02-16
Emission dau 17 de febrièr de 2017

Dins lo país d'Usès, la rabassa es una tradicion. Lei mercats de rabassas d'aquí son de mai en mai reconeiguts, e suscitan un interès totjorn mai grand. Nòstra còla seguissèt per vos Alan Prat, un rabassaire professionau, en companhiá de sa fidèla china. Veirètz la recòlta de rabassas en alternança amb d'entrevistas.
Mise en ligne : 16/02/2017
Tipe : Emission TV / Data : 2019-01-02

Emission dau 2 de genièr de 2019

E mai se 2018 es acabada, vos prepausam un retorn a l'estiu passat, per mielhs nos rescaufar en aquela periòda ivernala. A Rodés, se festejèt la 24ena edicion de l'Estivada, una manifestacion ben coneguda coma festenau inter-regionau dei culturas occitanas. Concèrts, teatre, poesia, conferéncias-lecturas, aperitius literaris, cinèma e balètis an ritmat l'Estivada que s'espandiguèt sus tres jorns. Dins aquesta emission, veirètz de tròç dau festenau, entre autrei amb Francis Cabrel que s'assajèt a l'occitan a l'escasença d'un concèrt. Es Joan Bonnefon que revirèt de tèxtes de Francis Cabrel en occitan, per una serada de creacion que comprenguèt tanben d'escolans de Calandreta, de classas bilingas e dau Conservatòri.

Un reportatge de Miquèu Gravier.

[resumit de Tè Vé Òc]

Mise en ligne : 07/01/2019
Tipe : Emission TV / Data : 2021

Emission del 10 de febrièr de 2021

Còntes e legendas dau Linguas

Lo Lingàs es un planestèu situat au ponant dei Cevenas. Dins una 1èra partida difusada a la fin de 2020, evocaviam la familha dei Ròcafuèlh. Ara, vos prepausam una segonda partida que completa lo documentari. Aquí, l'accent es mes sus quauqueis dei nombrosei legendas que naisson d'aqueu país misteriós, qu'èra a passat temps dificile d'i venir. Tanben, dins sa partida atlantica, l'auta valada de Dorbia, es considerada coma una contrada d'enmascaires. Aquò a contribuit a l'intensitat de son mistèri, e consequentament a permés sa preservacion fins qu'a vuei.

Un documentari de Miquèu Gravier.

[resumit de Tè Vé Òc]

Mise en ligne : 26/04/2021
Tipe : Emission TV / Data : 2021

Emission del 17 de març de 2021

La Comuna de Marselha

Lo 23 de març de 2021 Marselha vai comemorar lei 150 ans de la proclamacion de la Comuna de Marselha. Dins aqueste encastre, vos prepausam una emission sus l'Istòria de la Comuna de Marselha en 1871. Lo movament revolucionari de la Comuna aguèt pas soncament luòga a París coma lo voudrián laissar dire un molon de mèdias parisencs, mai tanben dins tota la França e en Occitània mai particulierament. De Limòtge a Narbona, e de Foish a Marselha. Sauvatjament reprimida per l'Estat Francés, la Comuna de Marselha comptarà au mens 150 mòrts. Per tractar aqueu subjècte particulier, descubriretz subretot lei comentaris de saberuts come Roland Pécout e Claudi Barsotti.

Un documentari de Miquèu Gravier

[resumit de Tè Vé Òc]

Mise en ligne : 26/04/2021
Tipe : Emission TV / Data : 2020

Emission del 14 de octobre de 2020

Carilhonaires de Nadalets

En setembre passat, dins Roergue, lo coble d'artistas Maria-Jo Fages e Joan-Miquèu Lhubac son anats filmar la familha Revellat, e puèi nos an prepausat ton subjècte per l'emission « Lenga d'Òc/Lengo d'O ». Campanièrs de generacion en generacion a Peirlèu, dins lei gòrgas de la Jonta, lei Revellat pratican un mestièr tradicionau dins lo desir de mantenir sa plaça, en aquesta èra de digitalizacion de la musica. Lo reportatge vos presenta de repeticions de prestacions de l'octava de Calenda. Aquò significa que uech jorns avans Nadau, lei Revellat jògan cada sèr una seria de nadalets, ambé cinq campanas ambé de sòns diferents dins lo cloquièr de Peiralèu.

Una realizacion de Miquèu Gravier.

[resumit de Tè Vé Òc]

Mise en ligne : 15/10/2020
sus 3