Explorar los documents (15606 total)
PRESENTACION
Interpretacion violonistico- erbosa de l'istòria de la Bèstia de Gavaudan d'aprèp lo raconte e las pinturas de l'artista cevenòl Gérard Lattier ."
Endacòm dins las selvas del centre de França, al mitan del sègle XVIII, una seguida d'atacas mortalas aclapa los paisans : es la panica en Gavaudan, la petassa sus la montanha ! Aquela bèstia qu'escapa a las armadas del Rei, qu'es ? Un mostre fantastic, un can dreiçat, un complòt dels unes e dels autres ? Per atemptar d'i veire mai clar, dos colportaires d'uèi, armats de lors instruments de còrdas, de lor charra e d'una seria de pinturas edificantas, liuran lor version dels faits. Dins lors bagatges, carrejan tanben de musicas repetidas, desformadas, reinterpretadas, als costats dels mots, de las emocions e del vèrbe que foguèt al començament. "
Endacòm dins las selvas del centre de França, al mitan del sègle XVIII, una seguida d'atacas mortalas aclapa los paisans : es la panica en Gavaudan, la petassa sus la montanha ! Aquela bèstia qu'escapa a las armadas del Rei, qu'es ? Un mostre fantastic, un can dreiçat, un complòt dels unes e dels autres ? Per atemptar d'i veire mai clar, dos colportaires d'uèi, armats de lors instruments de còrdas, de lor charra e d'una seria de pinturas edificantas, liuran lor version dels faits. Dins lors bagatges, carrejan tanben de musicas repetidas, desformadas, reinterpretadas, als costats dels mots, de las emocions e del vèrbe que foguèt al començament. "
EQUIPA ARTISTICA
2 personas al platèl.- Violons, votz | Romain "Wilton" Maurel
- Violons, mandolina, votz | Simon Guy
- Agach dramaturgic | Jean Luc Guitton e Robin Vargoz
- Pinturas de Gérard Lattier
FICHA TECNICA
Document en telecargament jonh an aquesta presentacion o en linha aquíTot public a partir de 6 ans. A notar : Avertiment a l'atencion de las equipas pedagogicas desirant trabalhar a l'entorn de l'òbra de Gérard Lattier al delà dels tablèus seleccionats de « la Bèstia » : la recurréncia de la nuditat e
de la representacion de sèxes dins son trabalh pòt convenir pas a totes los publics...
Possibilitat de far l'espectacle en acostica al dejós de 200 personas.
A l'entorn de l'espectacle : rencontre, talhièrs (descobèrta del violon popular e de las musicas tradicionalas - improvisacion sonòra dirigida - talhièrs d'escritura pels collegials - talhièr al long cors creacion conte musical participatiu), estagi de violon tradicional.
Extrait vidèo : https://vimeo.com/396022795
Extrait vidèo : https://vimeo.com/396022795
CONTACTE DIFUSION
Produccion l'ExcentraleContacte : lexcentrale@gmail.com / diffusion.lexcentrale@gmail.com / Aurélie Bruyère Tél. +33 (0)6 81 24 03 23
Guérin, Maximilien
« Lo parlar d’Orador Sent Genès (Hauta Vinhanha), o radonaud, qu’ei practicat a l’airau lingüistic dit deu Creishent. En aquera zòna, qui correspon a la listra nòrd deu Massís centrau, que s’i practica tradicionaument parlars galloromanics de transicion, qui presentan en medish temps trèits tipics de las varietats d’òc (occitan lemosin e auvernhat) e d’òil (francés, peitavin-sentongés, berrigaud, borbonés d’òil). Aqueth obratge que s’apea sus dadas de prumèra man, amassadas en 2017 au près de locutors natius. Que s’ageish d’un abracat gramaticau de la lenga, elaborat segon la metodologia actuau en lingüistica descriptiva. L’obratge que prepausa tanben un lexic tematic radonaud-francés. »
Tà'n saber mei
Tà'n saber mei
« Cançons sus la libertat, suus papèrs qui’ns demandan a tot canton de carrèra, sus la Republica qui marcha d’arreculas, sus l’escaloriment de la planeta…
Lo navèth disc de la Talvera A tu vai que boha un vent de revòlta tot en espandint a la volada granas de poesia dens la periòde arida e arrebohièca qui traversam…
Quatorze títols en occitan deus quaus tretze de creacion e ua cançon deu cançoèr Armand Landes : de qué passar mei d’ua òra de gaujor musicau. »
Tà'n saber mei
Lo navèth disc de la Talvera A tu vai que boha un vent de revòlta tot en espandint a la volada granas de poesia dens la periòde arida e arrebohièca qui traversam…
Quatorze títols en occitan deus quaus tretze de creacion e ua cançon deu cançoèr Armand Landes : de qué passar mei d’ua òra de gaujor musicau. »
Tà'n saber mei
Tres
« Ací que tornan ! Enfin ! Qu’ac cau reconéisher, l’impaciéncia, tà hèra de monde, que s’èra mudada en resignacion : ueit ans despuish lo prumèr opus que son ua longa tempsada. Mes deishem de recriminar, e plaça a la regaudida : Tres que tornan, parièrs a eths medishs mes shens arreditas, dab la medisha calor, la medisha poténcia, la medisha finessa melodica e ritmica, la medisha mestria, virtuosa e sòbra en un còp, tan vocau com instrumentau, lo medish amor peu repertòri tradicionau de las prumèras avançadas deu Massís Centrau. Ací que tornan ! » - AEPEM
Marianne Evezard : canta ;
Basile Brémaud : vriulons, cabreta, pès ;
Hervé Capel : acordeon cromatic ;
Jérôme Liogier : sonsaina.
Tà'n saber mei
Marianne Evezard : canta ;
Basile Brémaud : vriulons, cabreta, pès ;
Hervé Capel : acordeon cromatic ;
Jérôme Liogier : sonsaina.
Tà'n saber mei
Teyssier, Louis-Casimir (1821-1916)
Lo colonèl Teyssier es plan conegut per sa carrièra militara e la defensa de la vila de Bitche en 1870-71. Mas devenguèt atanben un grand animator de la vida intellectuala d’Albi, quand se retirèt dins sa vila natala en 1880. De 1881 a 1916, foguèt president de la Societat de las Sciéncias, Arts e Bèlas Letras de Tarn. E escriguèt, per la revista de l’associacion, mai de trenta contes e racontes del país albigés. Quinze foguèron editats, en 1913, dins un recuèlh titolat Contes choisis en langue albigeoise.
Lo Centre Cultural Occitan de l’Albigés vos prepausa una version en grafia normalizada de l’ensemble des contes e racontes del colonèl.
Lo Centre Cultural Occitan de l’Albigés vos prepausa una version en grafia normalizada de l’ensemble des contes e racontes del colonèl.
« Lo çupressièr » de Loisa Paulin, legit per Rose Blin-Mioch
Paulin, Louisa (1888-1944)
Lectura per Rose Blin-Mioch d'un poèma extrait del recuèlh "Òbra poetica" de Louisa Paulin (ed. Vent Terral, 2015).
Lectura propausada a l'escasença de l'eveniment numeric : "Las paraulas estèlan la nuèit".
Eveniment literari numeric Las paraulas estèlan la nuèit : extraches literaris d'autor.as contemporanèu.as
A l'escasença de las Nuèits de la lectura de 2021, lo CIRDÒC – Institut occitan de cultura metiá l'onor las voses occitanas de la literatura en propausant una seria de publicacions e de contenguts numerics dedicats a qualques-unas de las figuras artisticas e intellectualas occitanas dels sègles XX e XXI.
Al cors d'aquela serada, nombrosos èran las e los que son mobilizats per metre en votz las òbras de Loisa Paulin, Max Roqueta o encara Bernat Manciet, per ne citar que qualques exemples.
Vos convidam a (tornar) descobrir aquí aquelas lecturas, "estèlan dins la nuèit'' propausadas per Marie-Jeanne Verny, Estelle Ceccarini o encara Rodín Kaufmann...
Al cors d'aquela serada, nombrosos èran las e los que son mobilizats per metre en votz las òbras de Loisa Paulin, Max Roqueta o encara Bernat Manciet, per ne citar que qualques exemples.
Vos convidam a (tornar) descobrir aquí aquelas lecturas, "estèlan dins la nuèit'' propausadas per Marie-Jeanne Verny, Estelle Ceccarini o encara Rodín Kaufmann...
Zuchetto, Gerard
La poésie des troubadours est un jardin ouvert où l’on cultive l’excellence, l’art de trobar dans toute sa splendeur, le chant, la joie, la jeunesse, les dames, le plaisir de trouver, et celui de chanter et de courtiser… pour que l’amour ne décline pas. Gérard Zuchetto nous entraîne dans les méandres de l’élaboration d’un art raffiné dont les chansons abordent les thèmes essentiels d’un mouvement culturel qui, au XIIe - XIIIe siècles, plonge ses racines dans le monde du sentiment… une façon d’élever l’homme du Moyen Age vers son avenir.
Zuchetto, Gerard
« Dins aqueste segond volume d'òbras poëticas, Gerard Zuchetto explòra los camins de la vida e espia a l'interior dels camins de l'anma umana. Los dos camins s'i butan, s'i tustan, s'i defugisson, s'i ligan e s'i entrebèscan, segon l'anar dels mots qu'an la lor sabiesa, rebatent l'anti-azard que Renat Nelli ne cantèt l'evidéncia discrèta. L'autor s'encamina dins los passes de Raimbaut d'Aurenga, se jogant dels quites mots que se jògan de nosautres, amb clartat dins çò mai clus e mistèri dins çò mai clar, segon un trobar franc e linde. Poèmas de maturitat e de joventut duradissa s'i encadenan armoniosament, pel mai grand plaser del lector. » Franc Bardou
Courouau, Joan-Francés. Ed.
Fabié, David. Ed.
Fabié, David. Ed.
Lo XIIe Congrès de l'Associacion internacionala d'estudis occitans (AIEO) se debanèt a Albi del 10 al 15 de julh de 2017. L'AIEO organiza un Congrès internacional cada tres ans amb un tèma general. Per aquela edicion coordonada per l'Universitat Tolosa-Joan Jaurès, los qualques 200 cercaires venguts del mon entièr, especialistas de lenga, literatura, lingüitica, istòria, antropologia, musica... orientèron lors trabalhs dins caduna d'aquelas disciplinas a l'entorn de las nocions de « fidelitats e dissidéncias » per referéncia a la Crosada contra los Albigeses.