Explorar los documents (15632 total)

Contributeur : CIRDOC - Institut occitan de cultura

Jean-François Courouau

PRESENTACION

Conferéncia de Jean-François Courouau (Universitat Toulosa Jean Jaurès)

Molière, de passatge a Tolosa, rencontrèt lo grand poèta tolosenc de lenga occitana, Pèire Godolin (1580-1649) ? Se s'en tenèm a la documentacion de que dispausam, lo fait es pas confirmat. Qué que ne siá, dempuèi lo sègle XIX, l'idèa ròda dins Tolosa que dona luòc a qualques realizacions artisticas que meton en scena lo gèni del teatre francés e lo de la poesia occitana.

CONTACTE

Jean-François Courouau : Universitat Tolosa Jean Jaurès

C.K.C. - Clown Kitch Compagnie
Dominique Commet
Isabelle Loubère

PRESENTACION

L'espectacle

Se pren la forma d'una lectura teatralizada, aquel espectacle n'es pas mens una representacion teatrala.

Jos la pluma d'Isabelle Loubère los escambis de letras e lo quasernet intime de Félix prenon vida, jos l'agach omnipresent de Marie.

Las penas e las jòias de los dos amoroses, levat se son tacadas per la marca morala de la societat landesa, se ligan, se tressan al grat de las sasons del país dur e austèr de la landa.

Dels mots de poesia, dels mots cantats, dels mots d'amor, dels mots de tristessa, dels mots de jòia e d'esperança. Las scènas s'encadenan al ritme de lor vida e de lors escapadas.

Fèlix Arnaudin (1844-1921)
" Lo Pèc de Labouheyre " es lo primièr a observar la Nauta landa en autoctòn.
Son trabalh, sa passion, es lo collectatge del patrimòni cultural landés. Pòrta sul recuèlh de contes e de cants en gascon, sus la fotografia dels paisatges landeses. Consacra aital sa vida a salvar aquel eritatge de l'oblit.

Marie
Es l'amor escondut de Fèlix. Las leis socialas e familialas de l'epòca rendan lor union impossibla. Mas lor amor es indefectible.
Marie serà totjorn als costats de Fèlix fins a sa mòrt. Sola Marie pòt montrar e dire la fàcia esconduda de lor passion, de lor amor.

EQUIPA ARTISTICA

Dominique Commet
Isabelle Loubère

CONTACTE DIFUSION

Cie C.K.C. : 40110 Onesse et Laharie - 05.58.07.33.20 - cie.ckc@gmail.com - www.lacieckc.fr

Clément Gauthier
Thomas Lippens
Guilhem Lacroux

PRESENTACION

En arab, Serr es lo secrèt. en occitan, Sere, es la clartat matinala. Lo projècte musical Serr propausa la fusion en clar-e-brun de l’ombra e del lum, nocions tan caras als trobadors, per fin de desvelar çò que pòt pas èsser regardat en fàcia, en enigmas, jòcs de mots e d’imatges…

Sus la basa d’un ensemble de cansos eritat dels trobadors, los artistas se lançan dins un quista que questiona lo sens poetic prigond d’aquel repertòri aitant que son ligam amb la musica : modalitat, oralitat, periodicitat. Motz e so, lo mot e lo son.

Dins un segond temps, una partida d'aquel repertòri (nud, es a dire, unicament las linhas melodicas eissidas dels manuscrits) es fisada a un triò de musicians egipcians : Hossen el Awamy (flûte kawalla), Sayyed Imam (cant) e un percussionista a definir.

L'idèa es de metre la matèria de la canso al centre d'aquela rencontre, cada triò de son costat aurà trabalhat las melodias en foncion de sa pròpria cultura musicala e de l'estil de cada musician.

Los dos triòs pòdon evoluir e se produire cadun d'un biais independent e se tornar trobar per devenir sextet : SERR deven alara SERR/SERE.

EQUIPA ARTISTICA

Clément Gauthier
Thomas Lippens
Guilhem Lacroux

CONTACTE DIFUSION

lefilproduction@gmail.com

Bénédicte Roux 06 76 90 15 80

julien REGI 06 27 34 12 58

Gilbert Chiron

PRESENTACION

Vos contariái d'istòria d'Alphonse Daudet en companhiá de Bruce Brunetto, musician : Lo molin de mèstre Cornille, la cabra de Sénher Seguin, las Estelas e d'autres contes de la nòstra Provença e d'endacòm mai.

Daudet nos parla de Provença dins un mescladís de poesia e de realisme plen de doçor mas tanben de duretat.

Los contes de Daudet son dins nòstra pensada dempuèi l'enfància. Vos los contarai amb los mieus mots, mas vos contarai tanben d'autres contes, mens coneguts mas tan rics.

Qualques mots sus Daudet

Daudet es nascut a Nimes, mai precisament a Bezouce, dins Gard. Son òbra la mai coneguda es « Les Lettres de mon moulin » pareguda en 1869. Admirèt Frederic Mistral que li rendèt son amistat. Mistral disiá d'el « Ton novèl libre, las Lettres de mon moulin, a totas las requistas qualitats de tas òbras precedentas ; de mai, es complètament provençala. As capitat amb un talent del meravilhós aquel problèma dificil : escriure lo francés en provençal ».