Explorar los documents (15615 total)

Dempuèi totjorn l’òme e lo buòu sauvatge s’enfrontèron. Dei pinturas rupestras a uèi, lei testimoniatges son fòrts. Dins çò que Folco de Baroncelli disiá lo Triangle Sacrat, la corsa camarguenca e leis activitats a son entorn an creat la Fe dei Buòus, una passion que recampa çò que se ditz lo monde de la Bovina. La Bovina la podetz descubrir dins aquel film de Tè Vé Òc.

Lo CIRDOC - Institut occitan de cultura propausa als festenals e eveniments occitans sa malèta de primièrs secorses. 

Un lexic de frasas cortas e d'expressions a destinacion del vòstre public. Esitetz pas a lo propausar a l'acuèlh de vòstre eveniment o dins los vòstres programas. 

Ce court lexique propose aux événements et festivals, un ensemble de de formules et expressions de « premiers secours » destinés aux agents d'accueil afin de recevoir et conseiller le public en occitan. 

Deux variantes sont ici proposées : occitan-languedocien et occitan-béarnais. 

I a de temps que la transmission de la lenga nòstra se fai pas pus dins l’encastre naturau de la familha. Pas mai a l’escòla que ne’n fai gaire per manca de mejans. Dins Gard, diversas associacions òbran per la promocion de la lenga e de la cultura occitana. Demièg elei, la MARPOC e l’IEO organizan tot del long de l’annada d’accions dins l’amira de diffusir e far conéisser mièlhs aquela lenga e aquela cultura : Estagis de cants, de lenga, de teatre, viatges, mòstras o encara l’Universitat Occitana d’Estiu qu'es organizada dempuèi mai de 40 ans. Venetz descubrir quauqueis unei d’aquelas activitats que benlèu vos bailaràn l’enveja de rejonher la còla de la MARPOC o l’IEO.

Un reportatge de Miquèla e Patric Lapierre.

[resumit de Tè Vé Òc]

Es en 1993 que la promièra calandreta de Provença veguèt lo jorn en Aurenja, dins Vauclusa. L'iniciativa de quauquei gents recampats permet fins qu'a uei a de desenats d'escolans d'aprene lo provençau tre 2 ans. La calandreta d'Aurenja s'apiela sus un malhum dinamic entre associatius, gents e regents. En mai dei sortidas en exterior, de manifestacions dònan de vam ais enfants : castanhada, mercat de Novè, torton dei rèis, dictada occitana e fèsta de fin d'annada. Tanben, dins lei classas lei regents convidan de parents per son especialitat, quauca-ren que podrián partejar ambé lei pichòts. Una dubertura sus lo monde que manten ben aquela escòla encara unenca en Vauclusa.

Un reportatge d'Amada Cròs.

[resumit de Tè Vé Òc]

Vos menam a Carcassona, dins l'Ostal Sirventes, per vos presentar un reportatge a l'escasença dau « Sirventes d'estiu ». Alan Roch, president de l 'IEO d'Aude e Mirelha Braç organizèron una serada bèla alentorn dau tèma deis arbres. L'estrena èra aquela de la mòstra dei panèus de Gabriel Simonet sus leis arbres, lei plantas, lei bèstias... Un trabalh fin e complet, qu'èra tanben bilingue e fòrça didactic. Mirelha, qu'assegura lo cors d'occitan per adultes, presentèt una lectura a mantunas votz dau libre subrebèu e ben illustrat, L'òme que plantava d'arbres de Joan Giono ». Aquela serada fuguèt conviviala, ben rica e capitada. Per informacion, aquela manifestacion se perlongarà en octòbre 2019 amb lei Companhons de Paratge a l'entorn deis arbres. Un reportatge de Lisa Gròs.

Un reportatge de Lisa Gròs

[resumit de Tè Vé Òc]