Explorar los documents (1 total)

Tres voses s'unissan per cantar la lenga d'òc al femenin del plural. Tres artistas practican lo sol en scèna, se convidan a l'entorn d'un repertòri causit. Puèi, a partir dels cants de las trobairises e de tèxtes medievals, iram al mai pròche del vèrbe  « trobar ».

« Trobar »: trobar lo temps de creolizar las nòstras aspiracions dins anar e retorn Brasil-Occitània dempuèi los tempses medievals fins a uèi, dins l'experiéncia del cant de cadun.a, que siá per l'intermediari del tèxte o lo de l'improvizacion. Rita Macedo e Juliette Minvielle pòrtan lors collectatges, de tèxtes, mas tanben lor « trobar ». Tot coma André Minvielle sa voc'alchimie. Cadun e caduna son istòria, son anar-retorn. 

« Trobar » : las trobairises, poetessas e compositoras d'expression occitana de Sud de França, an cercat los mots justes per exprimir la « fin’amor », l’amor perfèit. Del sègle XI a sègle XIII, Tibors, Beatritz de Diá, Na Azalaïs de Porcairaga o Lombarda daissèran la lors empruntas dins las memòrias e las  armas de l'epòca. Aicí, los tres artistas cercan a creolizar lors aspiracions dins un anar-retorn entre un Brasil flamejant e una Occitània gloriosa e generosa. Una traversada sensibla, entre cants medievals, percussions, txun-txun, piano e acordeon, a las voses d'uèi, ont cadun posa dins sa pròpria memòria. De tèrra d'Occitània als bòsques de Brasil, lors voses escultan un paisatge sonòr fach de raices, de ressons e de trobalhas, amb en tela de fons la majestuosa installacion GAIA sus la scèna del Teatre Ephémère. 

André Minvielle: cant, percussions electricas

Juliette Minvielle: cant, clavièr, ttun-ttun

Rita Macedo: cant, acordeon, percussions

Rémi Tarbagayre: engenhaire del son