Explorar los documents (1151 total)

Contributeur : CIRDOC - Institut occitan de cultura

Zuchetto, Gerard

« Dins aqueste segond volume d'òbras poëticas, Gerard Zuchetto explòra los camins de la vida e espia a l'interior dels camins de l'anma umana. Los dos camins s'i butan, s'i tustan, s'i defugisson, s'i ligan e s'i entrebèscan, segon l'anar dels mots qu'an la lor sabiesa, rebatent l'anti-azard que Renat Nelli ne cantèt l'evidéncia discrèta. L'autor s'encamina dins los passes de Raimbaut d'Aurenga, se jogant dels quites mots que se jògan de nosautres, amb clartat dins çò mai clus e mistèri dins çò mai clar, segon un trobar franc e linde. Poèmas de maturitat e de joventut duradissa s'i encadenan armoniosament, pel mai grand plaser del lector. » Franc Bardou

Barrué, Fernand
Thomàs, Joan. Edicion

Fernand Barrué foguèt un poèta discrèt, pauc publicat dins sa vida e oblidat aprèp sa mòrt. Nascut a Levinhac en 1891, mòrt a Riumas en 1956, doas comunas gasconas del bacin de Sava (31), faguèt lo professor de matematicas als Sarrasins puèi a Castras, davant de se retirar dins son ròdol natal. Per reparar un injust oblit, publicam sos tres recuèlhs poetics occitans. Lo primièr, Pecics de vida vidanta, es escrich dins lo lengadocian del país castrés. Compausat pendent la guèrra, claus de poèmas « d'actualitat », denonciant l'Ocupacion, lo mercat negre, la misèria dels temps. Claus tanben de poèmas de sovenirs sul vilatge d'enfança, las sasons e los jòcs, los trabalhs e los jorns. Aquò's dins son segond recuèlh, Poscosas arantèlas d'un calelh escantit, que Barrué agandís la maduretat poetica en tornant paradoxalament a son gascon d'enfança. Afranquida de las règlas de versificacion, aquela seguida poetica es escricha jol signe de l'aiga : aiga mòrta dels canals e dels estanhs, aiga viva de Sava. Lo fil de l'aiga se trena amb lo fil del temps e nos empòrta dins lo gorg final coma en cò d'Apollinaire. Regrèts de las amors mòrtas, negror e languison, solesa e polsa d'una vida sul descreis s'exprimisson dins una fluida musicalitat : « E la posca capèra lo vièlh remembre mòrt / Dins las cendres fredas deu paure còr. » Car Barrué èra tanben un musician que jogava de mai d'un instrument, coma n'atèstan los sèt brèus poèmas del darrièr recuèlh, Musica.

CIRDOC - Institut occitan de cultura
Maison de région de Béziers

PRESENTACION

Inscrivent aquel eveniment dins la continuitat de la Jornada internacionala dels dreits de las femnas e la Quinzena de l'egalitat, la Maison de region de Besièrs e lo CIRDÒC-Institut occitan de cultura vos convidan a un eveniment numeric dedicat a las Voses de femnas occitanas. Un còp non fa pas lei, es a d'òmes, soven autors tanben, qu'avèm fisada la mission de metre en votz e en lum los tèxtes de lors consòrres, escasença de còps per eles coma per nosautres, de los tornar descobrir dins una autra frasejada, un autre apròchi. Pendent aquel eveniment numeric, vos convidaram a descobrir per una serada, tèxtes torn a torn seleccionats en dialòg amb l'autora, fisats per ela o daissats a la liura causida de l'interprèta.

De tèxtes eissits del repertòri de Maëlle Dupon, Anna Regord, Benedicta Bonnet, Danièla Julien, Miquèla Stenta, Lou Petít Ausèth, l'Auceleta o Cardarino ; e legits per Florian Vernet, Domenge Caucat, Christian Andrieu, Joan-Peire KLacomba, Joan-Paul Creissac, Joan-Paul Forêt o Joan-Ives Casanova...

RDV le 19/03 dins l'onglet "Discussion" de l'eveniment sus Facebook (Aquí) per fin d'accedir a las lecturas. Esitetz pas a vos inscriure per ne recebre lo rampèl !

INFORMACIONS PRACTICAS

Lo 19/03 a 18h30.

Eveniment numeric en linha, accessible gratuitement per la pagina Facebook del CIRDÒC - Institut occitan de cultura : Aquí

Un rdv en partenariat amb la Maison de région de Besièrs, propausat dins lo quadre de la Quinzaine de l'égalité

Rigolot, Corinne
Rattier, Estelle

Clarís es una dròlla plan curiosa ; li agrada d'anar vistalhar lo papet, a la bòria. Uèi, aqueste li prepausa un jòc de devinalhas per ajudar Clarís dins sa descubèrta dels detalhs de la vida d'aquelas bèstas.

Participatz, vos tanben an aqueste jòc, que, fin finala, es pas de bon far !...

Sam Karpienia
Pauline Willerval

En duo dab Pauline Willerval dens aqueth navèth album, Sam Karpienia que recicla los tèxtes de « l’Usina », l’album mitic de Dupain, en recompausant ua « possibla auta musica ».

Ua mesa en musica sus hons de boeita ritme on la Gadulka (vriulon bulgar) e hè sonar ua contracanta tau un personatge misteriós qui vieneré sostiéner la votz dens lo son prepaus contestatari e libertari.

Aqueths tèxtes que soan en plen dens lo contèxte actuau de protestacion sociau qui susmau lo monde de l’ua part e de l’auta, un imne poetic, ua estrància plannvolenta.

Tà'n saber mei

Dubillard, Roland
Andrieu, Christian. Traduction

Dins aquelas dètz peçòtas trobaretz tot lo chuc que Roland Dubillard metèt dins son òbra tota : umor, emocion, suspresa. Aqueles Diablògues son estats causits per la varietat de las situacions que prepausan, simplas mas pichon a pichon transformadas per aquel mescladís d’inventivitat poetica e dramatica que fa lo succès de las scenetas d’aqueste autor.

La traduccion en occitan, dins una lenga del cada jorn, ausida dins l’enfància, permet ara, a totes, de las legir, jogar e metre en scèna per completar lo repertòri del teatre en occitan.

« La soufranço e la misero dei fourças que soun en galero », la «galère » vue de l’intérieur ?» / Philippe Martel

Université Paul Valéry (Montpellier). Département d'occitan

Aquesta comunicacion foguèt deliurada lo 29 de genièr de 2021 dins l'encastre del collòqui en visio-confèrencia sus las escrituras carceralas a travèrs los segles e las lengas organizat al Mediatèca occitana de Besièrs per l’Universitat Paul-Valéry Montpelhièr III

Collòqui "La littérature carcérale à travers les siècles et les langues"

Colloque Littérature carcérale à travers les siècles et les langues (2021 ; Béziers)

Los 28 e 29 de genièr 2021, lo laboratòri ReSO de l'Université Paul Valéry - Montpellier en partenariat amb lo CIRDÒC - Institut occitan de cultura presentèt lo collòqui "La littérature carcérale à travers les siècles et les langues".
Dos jorns de reflexions e d'escambis a l'entorn de l'escrich e de l'embarrament, a l'escota d'aquelas voses que traversan las parets : de Loís Belaud, Dassoucy, Saint Cyran, Rosa Luxemburg, a Pèire Bec e fins a las letras de presoniers d'ara.

La sanha en Camarga - Tè Vé Òc

Cros, Amy. Metteur en scène ou réalisateur

Emission del 06 de genièr de 2021

La sanha en Camarga

La sanha es lo nom donat au rosèu comun, que trobam aquí en Camarga. Fins qu'a quauquei decenias encara, lo mestièr de sanhaire contribuissiá pron a l'entreten dei paluns. De'n promier ambé son otís lo « sanhador » copava a la man la sanha, puèi son arribats lei motocultors e lei maquinas a partir deis annadas 60. Nautrei avèm rescontrat Andrieu Calba, sanhaire amb una lònga experiéncia, per nos faire una demostracion de copa de sanha a la man, coma a passat temps. Puèi dins una entrevista, veiretz tota la complexitat d'aquel ecò-sistèmi de tria que representan lei paluns, e l'economia verda que i'es restacada.

Un reportatge de Jaumelina Bizet e Amada Cròs.

[resumit de Tè Vé Òc]

Lo Lingàs tèrra de legendas e brèç dei Ròcafuèlh - Tè Vé Òc

Gravier, Michel. Metteur en scène ou réalisateur

Emission del 02 de decembre de 2020

Lo Lingàs tèrra de legendas e brèç dei Ròcafuèlh

Lo Lingàs es una region misteriosa dei Cevenas, que reculhiguèt fai longtemps una familha ; instalada au sègle 7en dins un dei sites lei mai fèrs d'aqueu vaste planestèu. Puèi eissemèt dins Occitània tota, e au delà, devèrs la Catalonha meridionala. Aliada amb lei familhas lei mai grandas d'Euròpa e mai particularament amb lei Guilhems de Montpelhièr, puèi de Jaume 1er d'Aragon, nebot d'un Ròcafuèlh, que partiguèt amb eu per la reconquista.

Un documentari de Miquèu Gravier.

[resumit de Tè Vé Òc]