Explorar los documents (221 total)

La prima sembla en fin espelir e amb ela, lo CIRDOC torna suls camins al rencontre dels publics. Lo grand festenal maritim d’Escala a Sèta dobrirà lo bal lèu seguit de la Passem. L’establiment acompanharà la granda corsa navigant entre regions Novèla Aquitània e Occitània, menant pel primièr còp sus aquelas rotas, lo camion Escotar Parlar (dispositiu Cité des Langues / DGLFLF). 

Dos bels temps de rencontre amb los publics, notadament joinesa, que seràn completats per rendètz-vos culturals e artistics. CinèÒc, Cont’o’folies, exposicions… d’eveniments permetent de valorizar la creacion actuala en lenga nòstra. Una prima tanben marcada per d’unes projèctes estructurants, portats per l’establiment o amb son concors. Formacions, assisas culturalas, projèctes europèus… lo CIRDOC - Institut occitan de cultura perseguís de portar sa contribucion per tirar la rega de las practicas futuras.

Objectius de la jornada :

Aqueste rencontre es destinada als autors. A per mira de sostene la creacion literària occitana e de faire espelir joves plumas.

Los autors - confirmats coma debutants - accediràn a temps d'escambis e de practicas e seràn mes en preséncia d'especialistas e d'actors del domeni de las letras e de l'edicion. 
Aquesta edicion primadièra metrà en abans la question de la literatura joinesa. 

Programa : 

Divendres 29 de mai : 

INFORMACIONS PRACTICAS 

Divendres 29/05/2026 a Salinèla (sala del castèl). 

Inscripcion gratuita a la jornada del 29 de mai (inscripcions dobertas fins al 24/04 inclús) via lo formulari :  https://docs.google.com/forms/d/e/1FAIpQLScdokc30fMECNp-NHS8jBADsYl2KgytsoDc1Z0KO5PDKQhNNQ/viewform?usp=dialog o en cas de dificultats, via : s.juan@oc-cultura.eu 

Un evement portat pel CIRDOC - Institut occitan de cultura mercés a l'acuèlh de la vila de Salinèla, en dobèrtura dels Rencontres de Salinèlas de 2026

2026 se dobrís sus una actualitat marcada per la creacion artistica occitana. Que siá literària, picturala o teatrala, e en despièit d’un contèxte constrench, lo CIRDOC - Institut occitan de cultura, en sosten als artistas se fa lo resson de sa vitalitat e de sa diversitat en propausant rendètz-vos variats al public (Nuèits de la lectura 2026, animacions a l’entorn del pintre setòri Pierre François…) o per son catalòg de la creacion, Tè ! En aquesta debuta d’annada, vos convidam a descobrir lo n°12, que las paginas se son enriquidas dels nòstres escambis amb las estructuras de l’espectacle viu en Occitània. 

Aqueste primièr trimèstre de 2026 veirà tanben florir los projèctes e experimentacions a l’entorn del patrimòni cultural immaterial, domeni sus lo qual nòstre establiment contunha de portar son expertesa mercés a programas europèus nombroses, e d’assegurar sa compreneson e sa transmission al près dels mai joves. 

Una annada que serà enfin marcada per rendètz-vos bèls, al quatre cantons de l’espaci occitan, al rencontre dels professionals e dels publics : la Passem, Escala a Sèta, 800 ans dels Polin de Pesenàs…

Tota la còla del CIRDOC - Institut occitan de cultura que vos desira una bona annada de 2026.  

A cada numèro, de novetats ! Dins las proposicions de libres, CDs o creacions de segur, mas tamben amb d’informacions novèlas, apondudas per vos mièlhs guidar dins las vòstras descobèrtas e causidas. D’en primièr, d’informacions suls publics ciblats, per las creacions. Presentas en linha sus la FaBrica, son d’ara enlà indicadas tanben per nòstras paginas per mai de clartat. Novetats tanben amb un novèl sistèma de hashtags per far ressortir las tematicas de cada creacion. Tè !, un otís qu’evoluís !

Qu’es aquò, Tè! ?

Tè ! es un catalòg pensat per acompanhar los professionals de la cultura (programators, mediatecaris, mediators...) dins lor descobèrta de la creacion occitana actuala. Un supòrt d'informacion mas tanben un otís practic, per elaborar sa programacion coma son plan d'acquisicion.

Al fial de las paginas, classadas per grandas tematicas mas que los contenguts dialògan entre els d'un domeni a l'autre, vos propausam per aquel catalòg novèl de la creacion occitana actuala, una seleccion plurala. Plurala dins sas formas e expressions (romans, concèrts, espectacles de teatre, exposicion...), mas tanben quand se fa lo miralh de la granda diversitat de l'expression occitana dins totas sas formas dialectalas, del provençal al gascon en passent pel lengadocian. 

« Seleccion » que significa pas « exaustivitat », aital los numèros a venir de Tè! vos convidaràn a descobrir de creacions novèlas, d'artistas inedits, tot en demorant al mai pròche de l'actualitat. 

Per fin de vos ajudar dins las vòstras causidas d'aquisicion e de programacion, aquelas presentacions seràn acompanhadas d'informacions tecnicas e de pictogramas que lo detalh es presentat sus la primièra pagina del catalòg. Caduna d'entre ela remanda tanben, a una presentacion en linha, al còr del portal de la creacion occitana actuala : fabrica.occitanica.eu, per una presentacion detalhat (e bilingüa).

E, plan segur, esitètz pas a sollicitar las equipas del CIRDÒC - Institut occitan de cultura per vos acompanhar dins las vòstras cèrcas, las vòstras presas de contacte, o per beneficiar dels servicis e otisses propausats dins lo quadre de l'ofèrta a las collectivitats (detalh en pagina 27 del catalòg).


Consultar totes los numèros del catalòg Tè! en linha : AQUI

Bona lectura e bona immersion !

Las luses de la davalada s’atudan pauc a pauc, e mentre qu’avançam cap a l’ivèrn, aquí que ven lo temps dels bilances pròpris an aqueste periòde de fin d’annada. L’escasença per l’establiment de clavar una annada particulara a mai d’un títol, marcada per los anniversaris crosats de sos 50 ans e de mai d’una figura de l’occitanisme contemporanèu : Marcela Delpastre, Max Roqueta, Ives Roqueta… Mas l’ivèrn es tanben per nosautres, e mai, l’escasença de preparar las sasons d'après, d’anticipar e de pensar collectivament al fuèlh de rota de las tres annadas que venon. Per l’ora, vos convidama totas e totes, a Pau coma a Besièrs, a venir celebrar als nòstres costats lo Nadalet, un moment de fèsta, de musica e de convivialitat per acabar 2025 coma cal.

- Los sendareus de l’auba. Martial PEYROUNY, Novelum - IEO Perigòrd, 2025. 

Una serada de rencontres e d'escambis a l'entorn d'aquesta novèla seleccion vos serà en mai propausada lo divendres 23 de genièr de 2026 al CIRDOC - Besièrs, dins lo quadre de las Nuèits de la lectura. 

Un prèmi portat pel despartament d'occitan de l'Universitat Paul-Valéry Montpelhièr III amb lo concors del CIRDÒC - Institut occitan de cultura.  

Fòrça engatjada dins la defensa de la cultura e de la lenga occitanas, foguèt pendent setze ans presidenta de l’IEO Puèi de Doma. Es una cronicaira activa dins diferentas publicacions occitanas e notadament la revista Parlem ! Vai-i qu’as paur !
Poetessa e romancièra en lenga d’òc, coneguda per son obratge Femnas sortit en 2008 (Ostal del libre), fa partida dels autors occitans revirats en francés dins lo recuèlh de novelas entitolat Nouvelles d’Occitanie publicat en 2022 (Magellan et cie). En 2024 es publicat Gambier – L’òme sens nom(IEO Edicions) son darrièr roman.