Explorar los documents (807 total)

vignette_LGO-20221017.jpg
Descoberta del domèni viticòla bio de Fontanille-Haut - Tè Vé Òc
Gros, Lise. Metteur en scène ou réalisateur

Emission del 17 d'octòbre de 2022


Descuberta d'un domèni viticòla interessant. Es en viticultura biò e Peire Fournil nos fa visitar en occitan la proprietat qu'existís dempuèi 8 generacions. Joan, son filh, mena lo domèni e lo paire l'ajuda, ben segur. Descuberta de las vinhas, dels espleches e de la vinificacion.

Un domèni tengut per de passionats pòt pas que donar de bons vins ! Un bon mejan de preservar la santat de totes.

[resumit : Tè Vé Òc]

preview_LGO-20221012.jpg
Serada occitana, conte tradicionau per Lisa Gròs - Tè Vé Òc
Gros, Lise. Metteur en scène ou réalisateur

Emission del 12 d'octòbre de 2022

A una serada conviviala de fin de setembre, a Carcassona, cadun faguèt present ais autrei d'un moment en occitan, just per lo plasèr. Avetz aquí la fin dau conte Milhet dich per la Lisa Gròs. Bona escota de l'istòria d'un dròlle tot pichon engolit per un buòu mas que finalament serà sauvat.

[resumit : Tè Vé Òc]

Veire la partida 1

vignette_LGO-20221005.jpg
Serada occitana, conte tradicionau per Lisa Gròs - Tè Vé Òc
Gros, Lise. Metteur en scène ou réalisateur

Emission del 5 d'octòbre de 2022

D'amics se retroban per una serada simpatica e partejan un moment de "scèna duberta" onte cadun presenta quicòm en occitan. Aqueste còp es la Lisa Gròs que conta "Milhet", un conte tradicionau qu'a adaptat au pais d'Auvernha qu'aima tant. Es lo pais de sa mamet mairala e aquí avetz la primièra partida dau conte. La seguida... la setmana venenta !

[resumit : Tè Vé Òc]

Veire la partida 2

vignette_LGO-20220928.jpg
Serada occitana - Tè Vé Òc
Gros, Lise. Metteur en scène ou réalisateur

Emission del 28 de setembre de 2022

D'amics occitanistas se rescontran de temps en quora. Cadun mena per bèure e manjar, mas subretot venon per partejar un moment causit en lenga occitana. Aicí escotarètz una peçòta de teatre umoristica e puèi de poesias de Miquèl Decòr plenas de finesa. Aquò dona una serada bèla e simpatica que, en mai d'aquò, fai viure la lenga d'Òc.

[resumit : Tè Vé Òc]

vignette_LGO-20220914.jpg
Enric Maquet, musician - Tè Vé Òc
Carteyrade, Marc. Metteur en scène ou réalisateur
Queyrel, Claudi. Metteur en scène ou réalisateur
Gròs, Lisa. Metteur en scène ou réalisateur

Emission del 14 de setembre de 2022

Enric Maquet

Faretz coneissença amb un musician de tria en escotant aquel reportatge sus Enric Maquet. Dempuèi d'annadas trabalha dins lo pais d'Arles que l'aculhiguèt e sa creacion es rica. A mantuna còrda a son arc de segur e vos en parla aquí en respondent ai questions de Viviano Roux que fa partida de TèVéÒc mas que participèt a d'estagis o de coralas amb Enric e sa còla. Auretz de ligams per escotar sa musica en linha. Bona escota !

[resumit de Tè Vé Òc]

vignette_LGO-20220921.jpg
Lo Museon arlaten, Partida 2 - Tè Vé Òc
Lapierre, Patrick. Metteur en scène ou réalisateur
Lapierre, Michèle. Metteur en scène ou réalisateur
Emission del 21 de setembre de 2022
Segonda partida de la visita dau Museon Arlaten, un reportatge de Miquela e Patric Lapierre.
Dintrarètz aquí dins de membres dau Museon onte podrètz descubrir lei personatges de l'epòca de Mistral. La visita guidada en provençau es fòrça rica. La guida vos parlarà dei costumes, dei biais de viure, dei tradicions. I a dins lo Museon de tresaurs, de mistèris desvelats, e podrètz anar puèi descubrir tot aquò dins lo detalh en Arles.

[resumit de Tè Vé Òc]

Lo Museon Arlaten, Partida 1

vignette_olivier.jpg
L'Olivièr
Gravier, Michel. Metteur en scène ou réalisateur
En 2022, mercés al sosten del CIRDÒC-Institut occitan de cultura, la cadena TéVèÒc realizèt un filme documentari su l'olivier e l'oleïcultura dins lo bacin mediterranèu.
vignette_LGO-20220907.jpg
Bèstias d'aicí amb Matieu Irondèla - Tè Vé Òc
Gros, Lise. Metteur en scène ou réalisateur

Emission del 7 de setembre de 2022

Faguèrem conèissença amb lo Matieu Irondèla, coma  musician e creator d'instruments, ara es coma videaste especial que lo presentam.

Amb son filh, Matieu faguèt la captacion d'imatges sus los animaus salvatges en Corbièras. Nos esplica coma aquò nasquèt e coma contunha la descuberta de las bèstias, de jorn e de nuèch. Nos presenta son material e  la mesa en plaça de la pèira de sal que los fai venir davant l'objectiu. Descubrirètz aquels plans amb plasèr.

Un reportatge de Tè Vé Òc.

[resumit de Tè Vé Òc]

vignette_ESC-20190204.jpg
Escrivans : Eric Gonzales
Valentin, Stéphane. Metteur en scène ou réalisateur
Eric Gonzales que legueish un extrèit deu son roman "Arantxa" e nos parla de las suas influéncias com Joan Bodon o Julien de Casabone.

Escrivans qu'ei ua seria consacrada a la riquessa de la literatura occitana contemporanèa, abordada per l'espiar deus autors. Produsida per l'InÒc Aquitània en partenariat dab ÒcTele, que's presenta en ua seria de corts pertrèits filmats dens los quaus los autors expausan la lor trajectòria, lo lor anar artistic, lo lor rapòrt a l'escritura e las lors influéncias.

Cadua d'aquestas entrevistas que s'acompanha de la lectura, peu quite escrivan, d'un extrèit de l'ua de las soas òbras. La prumèra sason qu'ei dedicada aus autors de Navèra Aquitània, un navèth pertrèit estant difusit cad mes.

[resumit : Òctele]
vignette_ESC-20200214.jpg
Escrivans : Remesi Boy
Lavit, Marie. Metteur en scène ou réalisateur
Escrivans qu'ei ua seria consacrada a la riquessa de la literatura occitana contemporanèa, abordada per l'espiar deus autors. Que's presenta en ua seria de corts pertrèits filmats dens los quaus los autors expausan la lor trajectòria, lo lor anar artistic, lo lor rapòrt a l'escritura e las lors influéncias.

Cadua d'aquestas entrevistas que s'acompanha de la lectura, peu quite escrivan, d'un extrèit de l'ua de las soas òbras. Dens aqueste episòdi, Remesi Boy que parla deu collectiu Diu Negre, de la sua purmèra publicacion dab Per Noste (Medisha, Per Noste, 2019), e de las suas mantuas influéncias.

[resumit : Òctele]
sus 81