Espectacle teatral e musical bilingüe – que s'inscriu dins lo corrent del teatre novèl liric occitan – montat dempuèi 8 ans per l'Ensemble l'Entrebescar per lo uèit centen anniversari de la Crozada contra los Albigeses. Reservacion conselhada.

Crozada d'Uèi e sa còla se propausan uèi de profechar del convit fach per la Vila de Rabastens per relevar lo desfís del montatge de sa quatrena partida « Crozada d'Uei IV : Bernard Délicieux, le temps des Serventes ».

Aquel avatar novèl de son « grand format » reünirà comedians, cantaires, rapaires, « slamaires » e videastas a l'entorn de l'evocacion tragica, borlesca e lirica a l'encòp del grand monge franciscan Bernard Délicieux, dit « L'imprecatòri de Lengadòc », que amb un coratge e una granda eloquéncia, a la debuta del sègle XIV, prenguèt lo comandament de las delegacions de las principalas vilas de l'Albigés (Carcassona, Albi, Còrdas, Rabastens...) per portar l'immensa revòlta e la contestacion d'aquelas en fàcia dels abuses vesedors e las exaccions inumanas de l'inquisicion davant lo rei.