fabrica
Agenda
: Tota la creacion occitana
fabrica
A mièg-camin del mòble e del joguet de fusta, descobrissètz los Mòbles Modèstes pendent una visita contada. Una istòria s’i desplega, acompanhada per de mòbles a tèmas. De mecanismes amagats provòcan de suspresas e acompanhan las paraulas d’Alain Fornells, que conta en occitan o en francés.
Ebenista poèta, Alain Fornells de Baçan vos aculhís e vos farà descobrir pendent una visita contada sos “Mòbles Modèstes”. Seretz encantat per aquel viatge improbable ont aqueles objèctes de res van prendre vida jos vòstres uèlhs.
Las plancas recuperadas, los baüts garrèls, los armaris, les comòdas, lo cruissiment d’una pòrta, vos van faire cabussar dins vòstra pichòta enfància, un univèrs poetic se dubrirà a vos.
Cada Mòble Modèst es dedicat a un personatge, a un eveniment. Es lo malhon d’un conte entre realitat e ficcion, viatge de la memòria, quista del quotidian meravilhós. Vos convidan dins un pais qu’existís pas. I trobaretz benlèu vòstres sòmis ?
Dissabte 15 de setembre : Espectacle contat (en occitan e en francés) a 11h e a 17h
Durada : 1h
Reservacion : info@cirdoc.fr // 04 67 11 85 10
Contactez nous a propos de cette page