La «Passejada» partís suls camins de la region Occitània a vòstre rencontre amb son Centre de primièrs secorses occitans concebut per lo CIRDOC-Institut occitan de cultura e l’union regionala dels fogals rurals Occitània Pirenèus-Mediterranèa.

Aqueste an encara lo Centre de Primièrs secorses va al rencontre del public per s'assegurar que coneis plan los mots e gèstes que salvan en mitan occitan o catalan ! En 30 minutas crono, aquel percors d’activitats interactiu e ludic permet a caduna e cadun, pichons e grands, de passar un moment convivial en familha e de testar sas coneissenças, abans de descobrir son perfil (L’occitan curiós,  L’occitan que l'a dins l'aurelha,  L’occitan que se coneis…).

Enveja de perlongar l’experiéncia o de se mainatjar un temps de pausa ? Amb lors incontornables transats, los espacis jòcs e destenda del Centre aculhisson tota la familha segon lors envejas : « musicoterapia » amb las sèstas sonòras, bibliotèca efemèra, iniciacion als jòcs tradicionals, etc.

Los Amics de la Baragonha

Adreça: 104 Avenue Boutonnet, 34400 ST CHRISTOL

Site internet : https://www.facebook.com/labaragogne

Telefòn : 06 08 41 41 29