Prumèr album deu trio gascon Man Encantada compausat de Joachim Montbord, Jérôme Dubois e Gilles de Becdelièvre.
La Man Encantada qu’ei la man deu shaman qui trobla la volentat e lo discerniment. Ne’s sap pas mei si lo cantador dab la mandòla e ns’arrossega dens las radas deus cais de Bordèu o dens quauque bayou d’un delta imaginari, dens las longas plojas de noveme sus la lana de Gasconha, o devath ua lantèrna roja deu pòrt de Shanghai. L’acordeon que pompa com respiran après l’estrenhta d’ua dança, mentre qui lo bugle e hè ressoar la soa calor coirada, ací e au ser. Mes, de la mandragòra dinc au taulèr de Mayan, la gojata perduda deu pòrt, Asmodeta tostemps que velha sus aquera dròlla d’amuleta en fòrma de man.

Tà'n saber mei