fabrica
Lo Mag
: Tota la creacion occitana
fabrica
L'associacion de las bibliotècas del Lauragués (agglomeracion del Sud-Èst tolosenc) propausa aquesta annada encara e per la desena annada un concors d'escritura en francés o en occitan a sos lectors.
Los amators occitans poiràn participar sus la basa de la frasa seguenta : "Jamai aviá pas ausit quicòm aital. S’encaminèt cap a l’endreit d’ont veniá la musica" , punt de despart dobèrt, que daissa la possibilitat de redigir un tèxte siá fantastic, policièr, sciéncia-ficcion, istoric, romanèsc, aventura... lo genre causit es liure tant que lo tèxte pren la forma d'una novèla. Totas las variantas de l'occitan son benvengudas, a carga pel participant de passar l’incipit dins sa varianta pròpia.
L'ensemble deurà respectar un format cort (6 paginas, 12000 signes maxi, foliòtadas, agrafadas, non signadas, format A4, 4 paginas pels joves), absolument acompanhadas d'un titól. Lo concors es dobèrt a cada atge, enfants coma adultes, e a totas las variantas de l'occitan.
Lo detalh de las modalitats de participacion e d'inscripcion son de descobrir sul site de l'associacion e çai-contra. Los inscriches seràn repartits entre 4 categorias diferentas : escòlas primariás, collègis, licèus, adultes.
Aprèp una clavadura oficiala de las participacions lo 6 de febrièr de 2025, una jurada de professionals de la filièra del libre e de l'edicion, designaràn los ganhants de cada categoria, que recebràn lor prèmi lo 24 de mai de 2025. Los laurejats veiràn lors tèxtes publicats e registrats, e recebràn diferents presents en recompensa.
Site "Le Lecteur du Val" : aquí
Reglament complèt disponible dins las 25 bibliotècas o sus internet a l'adresça : www.lecteurduval.org
Mandar son manuscrit : Le Lecteur du Val, 27 route de Saint-Léon, 31450 Noueilles. Mèl : info@lecteurduval.org
Contactez nous a propos de cette page