« De Venècia fins a Narbona ai mon passa-pòrts de marin per totes mots de la Trobença me plai de cantar los matins de la lenga de bendisença que se sonava estranh latin als quatre vents la coneissença lo joi dels mots d’un trobar fin cançons d’espèr e benvolença cerqui mon gaubi pel camin ont sembla finir tot comença dins paginas de pergamins e la letra d’aur que s’agença per un bèl discors plan e prim que canta d’amor la dobtança amants lauzengièrs o amics del gai saber e sa sciénçia que tant me plai de despartir en mon doç país de Trobença. Ma Trobença es un país ont ma Trobança s’espandís. »