Explorar los documents (15451 total)

Contributeur : CIRDOC - Institut occitan de cultura

PRESENTACION

La malautia, vaquí la metafòra cliniciana qu'utiliza sens la nomenar, en se trufant, aquela causa en mai, acrocada al mai prigond de son èsser : la lenga occitana, venguda del bilingüisme natural aquesit en familha tre la pichona enfància. Se sonhar per una tala malautia, es que l'ensaja vertadièrament ?

Es son istòria que conta Daniel Chavaroche, dempuèi una enfància de las urosas e generosament contaminanta, una adolescéncia entre oblit mai o mens volontari e fugida illusòria vèrs l'americanizacion del lengatge de sa joenesa, alara que se parla pas mai en familha. Domatge.

Camin personal semenat de sabors ancianas e de connivéncias disparegudas, benlèu lo vòstre ?

Al cors d'anecdòtas saborosas, Daniel Chavaroche, institutor public, ancian mèstre itinerant d'occitan en Peiregòrd Negre, nos desvèla una partida de sa vida pastada dins la cultura d'òc.

EXTRAITS VIDÈOS

Descobrir l'espectacle en vidèo : aquí

CONTACTE DIFUSION

Site internet de l'artista : https://danielchavaroche.jimdo.com/

Les Brayauds

PRESENTACION

« JOUER, son 25m2 delimitats al sol, lo terren de jòc dels protagonistas principals : doas dançairas que susmontan de pès que dançan, que bolegan, que se pausan, que respiran, que fan de son.

La musica ela, ven dels pès, de las respiracions, del maquinista e musician a l'extremitat del platèu. Noirís lo jòc, lo provòca.

Se desròtla doncas dabans vòstres uèlhs atentius, l'istòria de la borrèia e de çò que l'enròda. Sa qualitat intrinsècament ludica e son existéncia de longa perpetuada e renovelada per las e los que la dançan e plan segur, la jògan.»

Uèi coma dempuèi generacion, la borrèia ocupa los còrs e los esperits de milierats de personas. Es de la permanéncia e de la vivacitat de lors invencions que nais la necessitat de portar aquela dança sus scèna. Per la confrontacion d'aqueles eretatges e creacions, sas repeticions e sas rupturas, sa solemnitat e sa coquinariá, la borrèia se desvèla coma un vertadièr material espectacular. S'agís doncas de se prene al jòc de la borrèia e de seguir totas las perspectivas dobèrtas. La plasticitat de l'espaci, l'infinit ritmic, l'improvisacion, la simetria seràn coma aitant de capítols dins l'exploracion.

Sus scèna, las doas dançairas escrivan amb la borrèia un jòc sens relambi renovelat, qu'emprunta mantuns camins pròpris an aquela dança. Se tocar, s'alunhar, se jogar dels quadres e de las estructuras, tot en expausan resolument sa parentat estreita amb la musica. Partenària principala, tranfòrma atanben sos atavismes e sos reflèxes per venir del movement, se confond amb la dança. Es experimentala e bruitista puèi qu'exploita e traita lo son dels pès, de las pèrras, del paisatge, mas es tanben cantada e joiosa, elastica e improvisada, melodica e entestanta, perpetuant lo renovèlament infinit de las musicas de tradicions oralas.

EQUIPA ARTISTICA

Cécile Delrue-Birot

Clémence Cognet

François Dumeaux

FICHA TECNICA

L'espectacle se debana sus un cairat de parquet de 25m2, finament e justament esclairat per desrevelar sa complexitat e l'istòria que s'i s'escrit.

CONTACTE DIFUSION

Courriel : contact@brayauds.fr

Téléphone : 04 73 63 36 75

Chantal Ferrier

PRESENTACION

Son d'istòrias per portar la paraula de las femnas qu'èran presenta abans ela al meteis endreit, d'istòrias de sa familha o de son vilatge en Lausèra. Totas aquelas femnas de l'ombra a qui disiam tan sovent "Taisa-te !" alara qu'avián tan de causes de dire.

Chantal Ferrier mèscla tres contes de Roger Lagrave (editor e figura cevenòla) als racontes qu'a escrit sus la transmission. I dit lor dever an aquelas femnas, sa libertat, per qué es a l'ora d'ara, una masca coma las autras.

EQUIPA ARTISTICA

Chantal FERRIER - contaira

CONTACTE DIFUSION

Chantal FERRIER

Site internet : https://chantalferrier.com/

Telepfòne : 06 82 75 80 10

Corrièl : contact@chantalferrier.com

Christophe Rulhes

Pèça per dos acrobatas e voses adolescentas

Dos acrobatas evoluisson en coregrafia al son de las paraulas del Daniel Fabre e d'adolescents, registrats dins licèus e collègis del país occitan, en contèxte urban e rural, mas tanben endacòm mai dins d'autras regions : paraulas e accents de joves sus la transformacion de se, punts de vista del cercaire. Los acrobatas siulan, escopisson, pòrtan costumes dins los quals se combinan lo salvatge e lo domestic, l'uman e lo non uman, las tradicions e estiles urbans e rurals, los genres femenins e masculins. Pèls animalas, plumas, suèja, cadenas, campanas, bastons, cranis e còrnas, luchas, crits e siblaments d'aucèls... aitant d'objèctes e de gèstas coma possibles coregrafics. Gèstes, danças, paraulas e siloetas questionan e montran la metamorfòsi de la joventud, entre aprobacion e transgression, genres e règlas, domestic e salvatge, siblament de l'aucèl, sexualitats e figura de l'ors, fragilitats e expressions.

Daniel Fabre travalhèt aquel tèma de l'iniciacion femenina e masculina « invisiblas » a partir de terrens contemporanèus ont los dròllets caçan, se desguisan, aiman los engenhs, imitan los aucèls e las bèstias... notadament dins Pirenèus e a partir de l'imaginari de l'ors. Es remarcable de tornar trobar dins las vilas e los barris, a Paris o a Marselha, los enjòcs e estereotipes masculins de la ruralitat que ne parlèt Fabre. Per Siffleurs de Danse, entendèm d'extraits de la conferéncia Condorcet de Daniel Fabre, prononciada en 2015 a Paris, remesa en jòcs e en resson pels acrobatas e lor musica : de testimoniatges de la joenesa en 2020. Lo tèxte es tradusit a minima per ofrir lo sens de las paraulas, magnificar las lengas e permetre una vision aisida de la pèça dels dos costats de Pirenèus.

Siffleurs de dança adopta una forma leugièra, mostrabla sus una plaça publica, dins una cors de collègi o de licèu, dins una sala de las fèstas o dins la sala d'un teatre. S'adreça en particulièr als joves entre 12 e 18 ans, que donarà a ausir las voses : cossí se transformar e devenir an aquela edat.