Explorar los documents (15436 total)
Emission del 16 de març de 2022
L'occitan au licèu Clémenceau de Montpelhièr
En febrièr passat, lo Licèu Clémenceau a Montpelhièr organizava sa jornada « pòrtas dubèrtas ». En aquesta ocasion, la professora d'occitan Magalí Fraisse inaugurèt lei panèus en òc per nomenar las espécias vegetalas dins lo licèu. Environada d'escolans sieus, de la còla dau licèu e d'autrei convidats, presentèt lo projèct pedagogic interdisciplinari a l'entorn dei plantas, dei lengas e de l'òbra de Max Roquette. Una visita comentada dau plantum dau pargue qu'es au centre de l'establiment fuguèt tanben prepausada au monde. Descubrètz tanben d'entrevistas de Magalí Fraisse e de dos de seis escolans.
Un reportatge d'Amada Cròs.
[resumit de Tè Vé Òc]
PRESENTACION
Lo conferencièr a causit tres òbras emblematicas, sortidas de la pluma d'escrivans eissits de divèrsas províncias de lenga d'òc. Los analisa e comenta la personalitat de lors autors. Aqueles tres racontes presentan una estructura analòga mas s'inscrivon dins de contèxtes fòrça diferents.
L'imaginacion desbordanta dels escrivans occitans nos menarà vèrs un monde estranh, qu'es pas totjorn aisit de distinguir la frontièra entre la realitat del pantais e de l'illusion.
PRESENTACION
Jan dau Melhau estima a d'unas centenas las cançons que compausèt dins una folia creatritz pòst-annada seissanta-uèit, que l'encoratjava a n'escriure de còps tres per jorn. Tot lo trabalha menat per "Gents qu'espleitas", consista a tornar trobar los tèxtes primièrs, los triar e los seleccions puèi, a faire lo ligam, musical e textual amb l'epòca actuala.
Jan dau Melhau pòt comptar en aquò sus una granda varietat de tèmas, de melodias, sus los quals planan l'eime mai l'umor lemosins...
Jan dau Melhau : Royer - 87380 MEUZAC
Emission del 9 de març de 2022
Santa Eulàlia de Barcelona
Lo 12 de febrier, èra la fèsta de Santa Eulàlia, una joina martira de 13 ans, a la debuta dau sègle 4enc a Barcelona. Son istòria fuguèt descricha per Gregòri de Nazianze, a la fin d'aqueu meme sègle, dins un tèxte en grèc, puèi represa per de benedictins de Sant Amand (59). Es aquí que fuguèt compausada la famosa Cantilena a Eulàlia. Es onorada dins sa vila, segur, mai sa remembrança es anada mai luenh e subretot en Occitània granda, benlèu pron per lei Comtes de Barcelona.
Un documentari de Miquèu Gravier.
[resumit de Tè Vé Òc]
Qu'es aquò lo Prèmi literari Calandreta ?
Participacion reservada a las classas marcadas : premi.literari.calandreta [a] gmail.com
Emission del 2 de març de 2022
Musèu de la capelariá a Esperasan
Amb Jean Fourié, un especialista de la cultura e l'economia de la Nauta Val d'Aude, anam visitar lo Musèu de la Capelariá a Esperasan (11) La fabricacion dels capèls en fèutre de lana fuguèt fòrça importanta pendent un sègle e donèt de trabalh a fòrça monde. Veirem dins aquel reportatge un nombre grand de maquinas que permetián de preparar la lana de motons per donar fòrma a tota mena de capèls presents encara dins lo musèu. Una botiga es dubèrta dins lo musèu e gardada per tres personas : un guide a temps complet e doas personas de l'associacion "Los amics del musèu". La capelariá tenguèt una plaça granda dins l' istòria de l'economia regionala au sègle passat.
Un reportatge de Lisa Gròs
[resumit de Tè Vé Òc]
Domaine : Musique instrumentale
Provenance : Pyrénées Atlantiques, Hautes Pyrénées - Gascogne
Descripteur(s) : Danse bal
Effectif : Duo instrumental
Instrument(s) : Flûte à trois trous (Flabuta) ; Violon (Vriolon)
Situation de l’enregistrement : En studio
Matériel d’accompagnement : Archives Photos
Domaine : Musique vocale
Provenance : Pyrénées Atlantiques - Béarn
Situation de l’enregistrement : En spectacle
Matériel d’accompagnement : Archives Pochette d'origine
Domaines : Musique vocale / Musique instrumentale
Provenance : Pyrénées Atlantiques - Béarn
Effectif : Chœur
Technique vocale : Polyphonie
Forme texte : Strophique
Instrument(s) : Guitare (Guitarra)
Situation de l’enregistrement : En studio
Matériel d’accompagnement : Archives Photos