fabrica

Lo Mag : Tota la creacion occitana
Licéncia Licence Ouverte
Olé ! parla occitan : Rosina de Pèira

Olé ! parla occitan : Rosina de Pèira

Secteur : Musique
Date : 2019-07-08
Créateur : CIRDOC


Une chronique mensuelle pour (re)découvrir la création occitane sous toutes ses formes. Portraits d'artistes, de penseurs ou d'artisans, annonce d'une actualité, présentation d'un courant, d'une pratique ou d'une tendance, le CIRDÒC vous présente sa chronique pour faire rayonner, aujourd'hui et demain, la culture en occitan. 

Lire la chronique sur le site de Olé Mag : ici !

Al costat de Claudi Martí, l’autre grand nom del reviscòl musical occitan dins las annadas 1970 es una femna : Rosina de Pèira, cantadora ariegesa formada al dintre dels Balets occitans de Francesa Dague, s’impausa per un carisme e un timbre potent que marcaràn fòrça esperits. Dins la linhada de Francesa Dague, s’estaca a desclausonar çò que sònan lo “folclòre” en desempolsant un patrimòni que n’esperava pas que de tornar viure al present. Contribuïs alavetz grandament al reviscòl fòlc que pren son aviada dins las annadas 1980, e se fa quitament remarcar jusc al Japon !
En 1974, a Tolosa, monta la maison de disques independenta Revolum, que ne balançarà pas a mesclar experiéncias sinteticas e repertòris tradicionals del domèni occitan. Que, se los disques de Rosina de Pèira fan apèl, tanlèu las annadas 1970, als sabers mai avant-gardistas de lor temps, s’atalan primièr a sublimar mai que mai de cançons ancianas de transmission orala. Lo jornalista Frank Tenaille la nommarà “L’Oum Kalsoum del cant d’òc”. La siá votz a marcat los esperits, e damòra al jorn de uèi una de las mai bèlas pèiras pausadas sus l’edifici del reviscòl musical de l’ensemble dels païses d’Òc, e plan delà.
Rosina de Pèira se moriguèt lo 16 de junh passat, li voliam aital rendre omenatge.


Contactez nous a propos de cette page