PRESENTACION 

Dins aquel recital poetic creat a partir de l'obratge « Florilège poétique des Langues de France (alsacien, basque, breton, catalan, corse, occitan) », primièra granda antologia poetica consacrada a las lengas de França (Edicions Le Bord de l'Eau, jos la direccion de M-J.Verny e N.Paganelli, març de 2019), Muriel Batbie Castell decidís de'n explorar totas las possibilitats al fial d'un percors lusent, vertadièra proesa vocala e linguistica qu'alterna los cants a capella e las lecturas poetica en 6 lengas, l'ensemble, construit dins una trama de raconte de viatge.

Originària de Tolosa, la cantaira, aprèp un cursus doble de formacion musicala en Conservatòri amb una especializacion en musica anciana coma universitària en letras, lengas e arts e una especializacion en lenga occitana, se consacra a l'ora d'ara, entre autras activitats artisticas e pedagogicas, a l'interpretacion d'òbras poeticas ancianas o contemporanèas.