Una brocadura propausada per l'associacion Lo Grop de l'Euze e mesa en linha aquí, per vos acompanhar al long de la Regordane sus « Lo Camin de letras » a la descobèrta d'extraits corts d'òbras en occitan o en francés, de còps los dos, que vos pòdon susprene o tot simplament vos permetre de vos arrestar per un momenton suplementari de cultura literària e regionala. 

Mercés al QR còdi que venètz d'escanerizae, aurètz la possibilitat de navigar d'una ficha a l'autra, de seguir de ligams ipertèxtes que vos condusiràn vèrs de mai amplas ressorsas documentàrias, mas tanben d'escotar los enregistraments en occitan realizats pels membres del Grop de l'Euze, totes benevòls e autors d'aqueste trabalh de collectatge e d'edicion gratuita. 

Bona descobèrta ! Bona caminada ! 

Lo Grop de l’Euze – 30450 GENOLHAC