Explorar los documents (15580 total)

Accedissèm a l’umanitat per l’atencion que portam a l’autre, que siá uman, animal, vegetal o mineral. Per quina rason una flor decidís de resistir al vent ? Perqué la nivoleta blanca refusa de tombar en pluèja ? Cossí un còdol pòt venir musician ? E perqué las estelas lusisson quand lo solelh lor ditz « adieu » ? Aital quatre istòrias, que los eròis ne son d’elements naturals. Nos fan descobrir la fòrça e lo capuditge, lo camin de l’escòla del plantièr e la leugieretat d’existir. Quatre istòrias qu’interrògan los legeires mai joves (tre 4 ans) per los convidar a aquela atencion que pren tanben lo camin de l’occitan.