Amb aquel numèro novèl de Tè !, perseguissèm lo nòstre camin, al còr de la creacion occitana actuala. Musica e teatre, cosina o poesia... mots, sons e quitas sabors petilhan entre aquelas paginas. Es lo chuc tot d'una cultura viva que vos convidam un còp de mai a descobrir, per l'escrit, lo son coma l'espectacle. Per aquel cinquen numèro de Tè ! (ja !) , qualques novetats son de descobrir : una pagina entièrament dedicada al numeric mas tanben d'unes focuses ciblats sus d'actors e d'institucions que participan cada jorn a la programacion e a la promocion de l'occitan, lenga e cultura. De descobrir sens estar gaire !
> > Escrituras nomadas en Mediterranèa - rencontres e metamorfòsis d’una lenga. Alem Surre-Garcia, escrivan, autor de Au-delà des rives, les Orients d’Occitanie (Paris, 2005), Philippe Martel - istorian, professor emerita de l’Universitat Paul-Valéry Montpelhièr III.
> Intervencion musicala de Naïma Chemoul a l'entorn del Chant des femmes sépharades.
- 10h00 - Coordinator : Florian Vernet
Conferéncia - La novèla en occitan, de Provença a Gasconha. Evelyne Faïsse
Lecturas (extraits) :
- Las Marjas (sortit de Casaus perduts) de Bernat Manciet
- Visita (sortit de Isabèu de la valea) d’Eric Gonzales
- L’ome que davalava au fiéu dóu Rose (sortit de La Sereno) de Carles Galtier
- Memòrias ficcion (sortit de Los Macarèls) de Leon Còrdas
- Problèmas oculars (sortit de Cronicas del diluvi) de Florian Vernet
Taula redonda - animada per Florian Vernet : La nouvelle et son écriture.
- 13h-15h Pausa dejunar. Reservacion repais conselhada- 14h30 : Sièsto pouëtico, acompanhada per Mona Hilaly, arpista.
Omenatge als poètas desapareguts (Sergi Bec, Claudio Salvagno, Jean-Marie Petit, Miquèl Decòr) : lecturas pels escolans de la Calandreta Aimat Serre e los poètas present.a.s.
- 15h30 : Jean-Paul Creissac, Frédéric Figeac, Franc Bardou legits pels poètas presents.
- 16h00 : Contes pels enfants : Catarina Ramonda
Editors, Librariás e Revistas
MARPOC, Credd’O, Édite-moi, Jorn, L’Aucèu libre, Aquò d’Aquí, Òc, Le Félibrige, Li Nouvello de Prouvenço, Letras d’Oc, Papiers coupés, Edition des Monteils...
Lecturas crozadas. Miquèla Stenta e Florian Vernet, dos autors que presentam pas mai, vendràn presentar lors obratges respectius : Fin'amors triptic... e mai (Miquèla Stenta) e 666, E avisa-te que soi pas Nostradamus (Florian Vernet), totes dos pareguts en aquela debuta d'annada a las edicions E...rau, entre lecturas e escambis amb lo public.
Una serada que permetrà tanben de rendre omenatge a dos absents, Miquèl Decòr (Villàs de femnas, La mar sus las espatlas) e Ives Roqueta (Mossur de la Cochonaille, ed. Letras d'Òc), que lors mots fan totjorn resson, portats per d'autras voses.
Aitant de paraulas d'escotar e de descobrir, al cors d'un Aperitiu literari inedit a la Mediatèca occitana.
Aquí es vengut lo temps de la metamorfòsi, lo del grand bolegadís. Aital s’acaban las nòstras certituds, descubrissèm un monde ont se petaçan l’eveniment e l’inatendut per butar en avant las frontièras del concebable. Sabèm pas se nos demòra un dedins e un defòra, un envèrs e un endreit, un òrdre e un caòs, un futur que siague pas un present repapiant. Pasmens, los artistas perseguisson lor òbra, l’autor d’escriure, la cantaira de compausar, lo contaire de dire. Alara cal pas creire que dins lo revolum actual del monde se fargue pas, de per en dejós, una paraula novèla. E se nos sembla de còps que las parets de la necessitat se rapròchen dangierosament de nosautres, nos demòran la lectura, l’escota e las experiéncias sensitivas de totas menas per nos en desliurar. Las sorsas de meravilhament son inagotablas e la nòstra cultura ne manca pas, aqueste numerò de Tè ! ne fa encara la demonstracion. Que, païses de Carnaval e del borlesc, sabèm qu’una vitalitat prigonda, creativa e poderosa se manifesta dins los marges e contribuís al novelum. La prima apròcha !
Tè ! lo podcast, la cadena sonòra del CIRDOC - Institut occitan de cultura
Lo CIRDOC – Institut occitan de cultura vos prepausa Tè ! lo podcast, una cadena sonòra per partir a la rencontre de la cultura occitana jos totas sas formas : istòria, pensada o creacion, figuras emblematicas o desconegudas.
Descobrissètz d'episòdis novèls tota l'annada.