Recèrca

Occitanica > Recèrca
sus 2
Filtrar
Filtres actifs
Portail : Mediatèca
Auteur : Cros, Amy. Metteur en scène ou réalisateur
Sauf
Type de Document : Texte electronique
Type de Document : Rapport officiel
Dialecte : Provençal
Creacion d'instruments de musica en cò de Maria Picard - Tè Vé Òc
Tipe : Emission TV / Data : 2018-04-20
Cros, Amy. Metteur en scène ou réalisateur
Emission dau 20 de abril de 2018

Maria Picard es musicaira e terralhièra nimesenca. Nos aculhiguèt dins son talhièr ont ensenhèt la fabricacion d'ocarinas en preséncia de doas estagiàrias tanben musicairas. L'enveja de rescontrar de gents et de partejar son saber-faire la menèt d'organizar d'estagis tematics. Una activitat pauc desvolopada aquí e que pasmens pòu aver un interès pedagogic tant coma musicau.
Un reportatge d'Amada Cròs.
Mise en ligne : 27/04/2018
HD-TeveOc_Lenga-d-oc_2019-02-28.mp4
Banh de lenga a Sant Ipolit dau Fòrt - Tè Vé Òc
Tipe : Emission TV / Data : 2019-02-26
Cros, Amy. Metteur en scène ou réalisateur

Emission del 26 de febrièr del 2019

Fasèm un torn dau costat dei Cevenas, a Sant-Ipolita-dau-Fòrt, ambé l'activitat prepausada per lo Cafè Occitan de Pompinhan. Lo « banh de lenga" es una jornada d'immersion linguistica per totei nivèus, adults e enfants. Lo principe es de prepausar divèrs atalhièrs ambé d'animators que parlan en lenga nòstra, per acostumats leis aprentís, puèi, quora leis estagiaris lo vòlon, de s'expremir tanben en occitan. Tanben, s'i fai una visita bilinga dau luòc qu'aculhís leis estagiaris, qu'es lo licèu Scholae. De moments per manjar permeton tanben d'escambiar e de galejar que que siágue lo nivèu de cadun. Vos prepausam una revista d'aquela jornada embé d'entrevistas.

Un reportatge d'Amada Cròs.

[resumit de Tè Vé Òc]

Mise en ligne : 05/03/2019
vignette_lenga-oc_2019-06-19.jpg
Albert André, figura de Laudun - Tè Vé Òc
Tipe : Emission TV / Data : 2019-06-19
Cros, Amy. Metteur en scène ou réalisateur
Emission dau 19 de junh de 2019

Albert André es un pintre post-impressionista nascut a Lion. Mai passèt una granda partida de sa vida dins Gard, dins lo vilatge de Laudun, onte sa familha bastiguèt un ostau. Lo talent de l'artista fuguèt remarcat per Auguste Renoir e sostengut per Jòrgi Besson. Per aquela emission, avèm rescontrat Elian Cellier, president de l'associacion "Les Amis d'Albert André", per nos parlar dau pintre e de seis estacas. Tanben, lo 26 de mai se festejèt lei 150 ans de la naissença d'Albert André, un eveniment organizat per l'associacion d'Elian Cellier. Aquò donèt una manifestacion polida amb de gents costumats, una mòstra de veituras ancianas, d'objèctes de la Bèla Epòca e d'animacions per de grops folclorics. Cabussatz dins l'intimitat d'una figura de Laudun ! Un reportatge d'Amada Cròs.
Mise en ligne : 19/07/2019
vignette_Lenga-oc_2019-07-04.jpg
Lo tambornet en Eraut, un espòrt tradicionau - Tè Vé Òc
Tipe : Emission TV / Data : 2019-07-04
Cros, Amy. Metteur en scène ou réalisateur
Carteyrade, Marc. Metteur en scène ou réalisateur
Emission dau 24 de julhet de 2019

Lo tambornet es un espòrt tradicionau dins Eraut, mai tanben dins d'autrei regions d'Euròpa. Leis espòrtius utilizan un tambornet per picar e remandar una bala de l'autre costat de l'estadi. Aquí, aquel espòrt fuguèt valorizat e institucionalizat per Max Roqueta, que creèt la Federacion dau tambornet quora èra jovent. Siam anats en Anhana, a l'escasença d'un rescòntre entre la còla d'Anhana e aquela dei Penas-Mirabèu. Ambé Lionèl Causse e son amic Benjamin Marc, farètz la coneissença d'un espòrt qu'exigís fòrça e agilitat. Lo jòc dau tambornet se pratica ambé doas còlas, tant en exterior coma en interior. Nautrei vos prepausam leis especificitats dau jòc en terrenh exterior, ambé de tròç. Aquí, cada jogaire a una foncion particulara : dos « fons » (e mai bacelaires) que clavan lo terrenh, au mitan un "ters", puèi davans eu dos « cordièrs ».
Un reportatge de Marc Carteyrade e Amada Cròs.
Mise en ligne : 19/07/2019
vignette_Lenga-oc_2019-07-18.jpg
Lei mòbles modèstes d'Alan Fornells - Tè Vé Òc
Tipe : Emission TV / Data : 2019-07-19
Cros, Amy. Metteur en scène ou réalisateur
Emission dau 19 de julhet de 2019

Alan Fornells es un infirmièr a la retirada. Fai ja 30 ans que sa passion creativa lo clavela dins son atalhièr a Bassan, dins Erau. Lei objèctes que farga an una particularitat : son de mòbles bastits a partir de materiaus recuperats, coma de cagetas de fruchs e liumes, per exemple. De tot aquò tira d'istòrias qu'acompanhan lei mòbles. Es dins son atalhièr que nos convida au rescòntre de sei creacions que met tanben en scena, au biais d'un contaire, per lei vesitas dubèrtas en totei. Alan nos mena dins son univèrs onte leis omenatges son nombrós e onte renha una certana malanconiá darrièr l'estrambòrd. Entre art, bricolatge e poesia, nòstre creatiu sublima çò que servissiá pas mai, recicla lei matèrias per un assemblatge pron pensat, e de còps que i a, es menat per la fòrça deis objèctes memes.
Un reportatge d'Amada Cròs.
Mise en ligne : 19/07/2019
vignette_20594.jpg
Rescòntre amb L'Aucèu libre (ostau d'edicion) - Tè Vé Òc
Tipe : Emission TV / Data : 2019-01-09
Cros, Amy. Metteur en scène ou réalisateur

Emission dau 9 de genièr de 2019

Ancian medecin-cercaire, Pau Martin tornèt au País ambé la vòlha de crear son ostau d'edicion. Comencèt ambé d'obratges ja coneguts e publiquèt son promier tèxte inedit en 2009. Sei colleccions contenon un molon d'escrichs en lenga d'Òc, acompanhats de traduccions. Ambé sa femna Maria-Elèna, fan foncionar a dos una entrepresa vertadièra. A l'escasença de la "jornada dau libre" au Laudun-L'Ardoise en automne de 2018, avèm rescontrat Pau Martin e dos autoras editadas en cò d'Aucèu Libre, Danièla Julien e Estèla Ceccarini. Cabussatz dins lo monde de l'edicion e seis enjòcs a travèrs Aucèu Libre, especializat dins leis escrichs d'aquí, que siágon en occitan ò en francés. Aucèu Libre ven de fetesjar sei 15 ans d'existéncia en 2018.

Un reportatge d'Amada Cròs.

[resumit de Tè Vé Òc]

Mise en ligne : 10/01/2019
vignette_20682.jpg
L'Espaci Occitan a Draonier en Itàlia - Tè Vé Òc
Tipe : Emission TV / Data : 2019-02-13
Cros, Amy. Metteur en scène ou réalisateur

Emission del 13 de febrier del 2019

L'Espaci Occitan veguèt lo jorn i a ben lèu 20 ans a Draonier, dins la Val Maira, una dei valadas occitanas d'Itàlia. Avèm rescontrat la Doctoressa Rosella Pellerino, directritz scientifica a l'Espaci Occitan. Aquesta nos i explica lo foncionament dei luòcs, seis activitats, e sei relacions au numeric per mielhs convenir au public. L'Espaci Occitan recampa tres organismes que son l'institut, lo centre de documentacion e lo musèu. Vos presentam un site ric e plurau, acompanhada de tròç rodats au musèu "Sòn de lenga". Una cabussada dins l'òbra multipla de la còla de l'Espaci Occitan, que partiguèt simplament de quauquei documents e libres per arribar a la creacion d'un espaci scientific grand e dinamic.

Un reportatge d'Amada Cròs.

[resumit de Tè Vé Òc]

Mise en ligne : 20/02/2019
vignette_lenga-oc_2019-04-11.jpg
Setmana occitana dins Gard 2019 - Tè Vé Òc
Tipe : Emission TV / Data : 2019-04-11
Cros, Amy. Metteur en scène ou réalisateur
Emission dau 11 de abril de 2019

La Marpoc e l'IEO 30 organizan cada mes de març una « Setmana occitana ». Son adonc programadas d'animacions ligadas a la lenga e la cultura nòstras, coma la literatura orala e escricha, la musica, lei jòcs... Nautrei avèm causit de vos prepausar la jornada « teatre amator » a Vezenòbre, onte joguèron lei comedians adults, puèi leis enfants. Aquelei presentèron la restitucion d'un talhièr teatre seguit pendent lei vacanças escolàrias. E dins una segonda partida, vos menam au locau de la Marpoc, per la presentacion dau libre de Deidier Leclerc « La Bèstia dau Coàr », acompanhada d'una mòstra de sei fotòs e d'una lectura musicala.
Un reportatge d'Amada Cròs .
Mise en ligne : 16/07/2019
vignette_lenga-oc_2019-04-18.jpg
Espaci occitan dels Aups - Tè Vé Òc
Tipe : Emission TV / Data : 2019-04-18
Cros, Amy. Metteur en scène ou réalisateur
Emission dau 18 de abril de 2019

Anam a Gap, dins la carrièira de l'estampariá, per vos presentar l'Espaci Occitan dels Aups. Es una librariá associativa especializada dins lei libres e objèctes sus lei País d'Òc. Dubert i a un quinzenat d'annadas, l'Espaci Occitan fonciona sonca ambé de benevòus de l'associacion IEO 04-05, fondatritz de la botiga. Avèm rescontrat dos d'aquelei benevòus que s'implican cada setmana per aculhir lei clients, preparar e mandar lei comandas, faire un cors de lenga, e quora lo pòdon, organizar de rescòntres-dedicaças ambé d'autors occitans, coma la Zine, venguda de Niça. La librariá a poscut se desvolopar amb una salariada en contract ajudat, e ara que n'i a pas mai, la chorma se despatolha coma pòu e cerca de crear una mission de service civic.
Un reportatge d'Amada Cròs.
Mise en ligne : 16/07/2019
vignette_Lenga-oc_2019-06-06.jpg
Lei Martèus de Gelona - Festenau de Musicas Medievalas - Tè Vé Òc
Tipe : Emission TV / Data : 2019-06-06
Cros, Amy. Metteur en scène ou réalisateur
Emission dau 20 de abril de 2018

Vos menam a Sant-Guilhem dau desert, au còr dau festenau Les Marteaux de Gellone. Aquela manifestacion, organizada per lo Centre Internacionau de Musicas Medievalas, presentèt doas seradas ligadas a la litteratura nòstra, dins l'encastre d'un partenariat amb Total Festum. Nautrei avèm filmat la serada Ladoncs chantatz, amics ! e entrevistat un dei cantaires, Brice Duisit. Nos donèt d'explicas sus aquela mena de serada, un concèrt interactiu, amb una competicion entre cantaires. Lei targas musicalas fuguèron l'opportunitat per Brice Duisit e Maurise Moncozet, acompanhats dau musician Olivier Féraud, de s'afrontar sus un repertòri de trobadors coneguts. Descubrètz tanben d'imatges rodats dins l'atalhièr d'arqueo-lutaria d'Ugo Casalonga, ont d'estagiaris realizèron una guiterna.
Un reportatge d'Amada Cròs.
Mise en ligne : 18/07/2019
sus 2